عذرا الكاتب تحت التمرين

حفل دعم الجالية السودانية بمنطقة واشنطن الكبري بالفنان عمر احساس
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 20-09-2018, 01:42 AM الصفحة الرئيسية

مدخل أرشيف الربع الاول للعام 2013م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
24-01-2013, 01:02 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


عذرا الكاتب تحت التمرين
                   |Articles |News |مقالات |بيانات

24-01-2013, 01:04 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: عذرا الكاتب تحت التمرين (Re: درديري كباشي)

    بصراحة أحاول اتعلم طريقة الكتابة المتبعة هنا .. لانها فريدة ومميزة
                   |Articles |News |مقالات |بيانات

24-01-2013, 01:06 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: عذرا الكاتب تحت التمرين (Re: درديري كباشي)

    ما هو كمان ما منطقي تكتب نص صفحة فلسكاب

    تمشي المسجد وترجع تلاقيها وصلت لفة الكلاكلة
                   |Articles |News |مقالات |بيانات

24-01-2013, 01:08 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: عذرا الكاتب تحت التمرين (Re: درديري كباشي)

    وانت تبحث عن موضوعك الانت كتبنه اذا قابلك موضوع لفت نظرك تكلت فيه شوية يكون موضوع وصل جبل اولية
                   |Articles |News |مقالات |بيانات

24-01-2013, 01:13 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: عذرا الكاتب تحت التمرين (Re: درديري كباشي)

    كان تمر امامي سيارة من طراز عائلي


    ملصق فيها ورقة من خلف مكتوب فيها عذرا السائق تحت التمرين




    عشان ما يجي واحد ناطي بصورة من ظهر السيارة ويكتب العنوان ملطوش من سيارة سعودية عائلية



    انا من الآن بقر وبعترف انه العنوان مسروق أهو
                   |Articles |News |مقالات |بيانات

24-01-2013, 01:18 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: عذرا الكاتب تحت التمرين (Re: درديري كباشي)

    انا مش عارف اللوحة التي تقول السائق تحت التمرين تفيد شنو ؟؟



    بمعنى اذا صدمت انت السائق من الخلق قالوا لك اصحاب السيارة .. انت ما بتشوف اللوحة بتقول السائق تحت التمرين .... بمعنى ما عندك حجة تاني تقول وقف فجأة لف فجأة بدون ما يؤشر .. اشر شمال ولف يمين ..




    واذا صدمك هو يقولوا لك ما قلنا ليك السائق تحت التمرين


    والله اذا فكرة حلوة بتاعة الكاتب تحت التمرين دي
                   |Articles |News |مقالات |بيانات

24-01-2013, 01:21 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: عذرا الكاتب تحت التمرين (Re: درديري كباشي)

    اكثر تعليق لاسع ولازع لفت نظرني منذ قدومي لهذا المنبر العظيم




    واحد يقول للثاني



    ياخي نحن عارفنك ما بتعرف تكتب .. كمان ما بتعرف تقرأ؟؟؟؟؟؟؟




    قلت في نفسي ديييييييييييييييييييييييشاك


    والله ديل ناس خطرين الله يسترنا معاهم ساكت
                   |Articles |News |مقالات |بيانات

24-01-2013, 01:26 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: عذرا الكاتب تحت التمرين (Re: درديري كباشي)

    انا راح اعلق مع البروفايل بتاعي لوحة

    مكتوب فيها عذرا الكاتب تحت التمرين


    اي واحد يتضرر من حروفي لا يلومن الا نفسه


    والبتضرسه حروفنا يستخدم كولنوس
                   |Articles |News |مقالات |بيانات

24-01-2013, 01:29 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: عذرا الكاتب تحت التمرين (Re: درديري كباشي)

    بما انه انا وضعت نفسي تحت التمرين

    والبوست دا اعتبره جزؤ من التمرين

    أي حاجة مضيقاني مزهجاني ممكن ارصها هنا

    ولا حد يلومني


    ولا عايز اي حد يعلق والا راح يصبح معاي تحت التمرين

    (عدل بواسطة درديري كباشي on 24-01-2013, 01:35 PM)

                   |Articles |News |مقالات |بيانات

24-01-2013, 01:33 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: عذرا الكاتب تحت التمرين (Re: درديري كباشي)

    أتاري اول ما جينا الجماعة شابكننا ليك برالمة برالمة ونحن شيل وخت يا زعل ونحن ناس قدام وعندنا باااااااع طويل في المنتديات ومييييع كمان


    انا يا دوب فهمت

    والجماعة ناس عباس وعمران شابكني يا زول هدي شوية

    خلي حاجة لبكرة
                   |Articles |News |مقالات |بيانات

24-01-2013, 01:38 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: عذرا الكاتب تحت التمرين (Re: درديري كباشي)

    يعني مثلا واحدة من الاشياء المزهجاني ومزعلاني وممكن اجيبها هنا

    عندنا دعاية طماطم في التلفزيون

    المزيع يعقد لقاء مع الدجاجة ويسألها عن رأيها في الطماطم الراح نتطبخ بيها ..


    وهي تقول ( مممممممممممممم ) يعني متطق وتتشهى في دمعة الجداد المصنوعة من جسمهاا مع الطماطم اياها


    اها دا اعلان يخلي القمل ذاتو ينكرش
                   |Articles |News |مقالات |بيانات

24-01-2013, 01:59 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: عذرا الكاتب تحت التمرين (Re: درديري كباشي)

    عندنا في لهجاتنا المحلية عبارات نغلف بها النقد اللازع احتراما للآخرين

    وكانت تسود لغة الحوار بيننا


    يعني مثلا عبارة : مع احترامي ليك ... او عبارة : تقديرا لكلامك ... جملة من نوع : بدون صغرة ..


    هذه الجمل سودانية بحتة رغما عن عروبيتها لكنها كانت عبارة عن نز لادبنا الموروث واحترام راي الآخرين


    هي اشبه بالقطنة المبتلة بمحلول مخدر يدلك به الممرض الجسم قبل وخزه بالابرة


    مثلا عبارة

    مع احترامي ليك تجعل الشخص يقبل منك الجملة التي تليها حتى لو قلت له انت بليد


    او مع تقديرنا لرأيك وهي فكرة عظيمة مثلا

    سيقبل صاحبها لو لغيتها كلها بعد ذلك
                   |Articles |News |مقالات |بيانات

24-01-2013, 02:07 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: عذرا الكاتب تحت التمرين (Re: درديري كباشي)

    في رايي الشخصي

    الفرق بين الدبلوماسية والسياسة


    السياسة هي ان تقنع الناس بفكرتك وتجعلهم يتبنوها ويقبلوها

    والدوبلوماسية هي ان تقنع الناس بأن فكرتك هي اصلا فكرتهم هم تبنيتها انت واقتنعت انت



    يقول هو هذه سياسة الدكتاتوريين

    اقول له لا الدكتاتورية ما عندها سياسة هي استبداد فقط والسياسة ضد الاستبداد



    لو كلامي اعلاه غلط اعذروني

    ما قلنا تحت التمرين ياخ
                   |Articles |News |مقالات |بيانات

24-01-2013, 02:11 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: عذرا الكاتب تحت التمرين (Re: درديري كباشي)

    انا حا اظل معتكف داخل هذا البوست

    حتى اشعر انه تعلمت الكتابة


    والله ممكن مرة مرة اطلع

    اجرب ولا ارجع تاني
                   |Articles |News |مقالات |بيانات

24-01-2013, 02:26 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: عذرا الكاتب تحت التمرين (Re: درديري كباشي)

    ظروف منتدى سودانيز اونلاين خلقها الوضع التسويقي للمنتدى

    بمعنى الاقبال العالي

    ارغم صاحب الموقع على ارشفة الموقع في اربعة ارباع خلال السنة

    فيصبح السباق المحموم في ضخ الموضوع خلال الثلاثة شهور


    بعد ذلك اعتقد انه هنالك استثناءات تجعل بعض البوستات تعدي للربع الثاني والثالث وخاصة البوستات المزمنة..


    هذه الميزات كلها ميزت هذا الموقع ان باقي المواقع


    وجعلت الاعضاء يتكيفوا معه

    ويبتكروا طرق مختلفة للكتابة

    تستحق التعلم فعلا
                   |Articles |News |مقالات |بيانات

24-01-2013, 02:33 PM

امير طمبل
<aامير طمبل
تاريخ التسجيل: 22-10-2010
مجموع المشاركات: 1722

للتواصل معنا

FaceBook
تويتر Twitter
YouTube


Re: عذرا الكاتب تحت التمرين (Re: درديري كباشي)

    درديري
    بداية حبابك و منور المكان ......
    واصل في إنطباعاتك
    غايتو أعتبرني بوليس حركة في إمتحان النظري
    واصل و ما تشتغل باي حاجة
                   |Articles |News |مقالات |بيانات

24-01-2013, 02:41 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: عذرا الكاتب تحت التمرين (Re: امير طمبل)

    مشكور يا امير

    طلتك قيمة والله


    ما متعود ارد بجملتين فقط لكن تمرين في النهاية
                   |Articles |News |مقالات |بيانات

24-01-2013, 02:37 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: عذرا الكاتب تحت التمرين (Re: درديري كباشي)

    بل لاحظت حاجة عجيبة وظريف

    انه بعض الناس يحجز مكان بعنوان ويرص نقاط ويذهب

    ذكرتني صفوف الرقيف

    بعد يرجع

    يلاقي قراء الموضوع حصلوا عشرات بدون ما يكون هو كتب شئ

    ( يعني خج شديد والله)
                   |Articles |News |مقالات |بيانات

24-01-2013, 02:48 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: عذرا الكاتب تحت التمرين (Re: درديري كباشي)

    قبل ما ادخل هنا

    كان في ذهني انه هنالك طريقتين فقط للكتابة في المنتدى

    وهي الفكرة الكاملة

    والفكرة المتكاملة

    الفكرة الكاملة هي ان تكتب مقال او قصة لاتنظر عليها اضافة من احد ... وبعد ذلك لو كان هنالك نقاش يكون في النقد

    والفكرة المتكاملة هي ان تطرح موضوع قابل للتطور والاكمال عبر مشاركات الاعضاء

    كأن تسأل الناس عن مضار زواج القصر مثلا

    كل واحد سيدلي بدلوه ..

    لكن هنا في سودانيز اونلاين

    لاحظت لشء ثالث حتى لم استطع اصنفه


    يخيل لي يمكن ان نسميه بالدارجي ( المكاواة)
                   |Articles |News |مقالات |بيانات

24-01-2013, 02:55 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: عذرا الكاتب تحت التمرين (Re: درديري كباشي)

    المكاواة هي عبارة عن عنف لفظي بين فئتين متناقدتين

    هي ليست حوار ايجابي يؤدي الى تكملة فكرة متكاملة ..

    نأخذها مثلا في الرياضة

    بين قطبي الكرة الهلال والمريخ تجد ادوات الحوار كالتالي

    المواسير

    الصفراب

    الوصيفاب
    وقد يصبح البوست عملاقا

    لكن في النهاية هو لايخدم الناديين ولا الكرة ولا المتحاوين بل بالعكس يمكن ان يولد بينهم الكراهية والبغضاء


    والمكاواة ليست قصرا على هذا الموقع لكن هنا اعمق واكبر واقوى
                   |Articles |News |مقالات |بيانات

24-01-2013, 03:08 PM

الامين موسى البشاري
<aالامين موسى البشاري
تاريخ التسجيل: 09-08-2009
مجموع المشاركات: 15238

للتواصل معنا

FaceBook
تويتر Twitter
YouTube


Re: عذرا الكاتب تحت التمرين (Re: درديري كباشي)

    دريري .... كيفك يا صديق

    حاشاك أن تكون كاتب (سائق) تحت التمرين
    فانت كاتب كامل الدسم وسواق حريف كمان
    ما ينقصك هو معرفة الطرق لكي تصل الى مكانك بسهولة وباقصر الطرق
    ومعرفة الطرق محتاج الى زمن فقط زي ما انت عارف
    السواق تحت التمرين عندما يعرف الطرق تزال اللوحة من الخلفية من السيارة
    يصبح سائق درجة أولــى انت بس اعمل حسابك من ساهر والمطبات الاصطناعية

    كن بخير
                   |Articles |News |مقالات |بيانات

24-01-2013, 04:06 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: عذرا الكاتب تحت التمرين (Re: الامين موسى البشاري)

    سلام يا باش مهندس أمين

    قلت ما ينقصني هو معرفة الدروب

    طيب ما ياهو السايق تحت التمرين


    انا من جيت داخل بشنطي اشيل وارص في الرفوف


    ياخي دنا عندي مواضيع مش عارف راحت فين
                   |Articles |News |مقالات |بيانات

24-01-2013, 03:17 PM

عبد المنعم ابراهيم الحاج
<aعبد المنعم ابراهيم الحاج
تاريخ التسجيل: 22-03-2005
مجموع المشاركات: 5691

للتواصل معنا

FaceBook
تويتر Twitter
YouTube


Re: عذرا الكاتب تحت التمرين (Re: درديري كباشي)

    Quote:
    ياخي نحن عارفنك ما بتعرف تكتب .. كمان ما بتعرف تقرأ؟؟؟؟؟؟؟


    سلامات يا صديقنا القديم المتجدد درديري كباشي.. وسعيد بيك بيك هنا في سودانييز الوطن الإفتراضي بكل محاسنه وسوءاته
    ومرحب بيك برضو مجددا .. أحمل تعليق كسلاوي مر على توصيف الكتابة هنا هو ذلك الذي قال به صديقنا الأمين عثمان صديق
    كسلاوي من حي بانقي - بانت ..
    قال

    (الكتابة في سودانيز أونلاين زي الزول الشاقي القاش بالليل.)

    دا بخصوص الكتابة أما بخصوص القراية وعرفتها فأيضا هنالك مصطلح لا أعرف بالضبط مبتدعه ولكني أرجح
    أن يكون صاحبه كسلاوي أيضا من أبناء السواقي الجنوبية...
    محمد إي سليمان بالإنجليزي..
    حين يصف القراءة بالإضنين ..
    يعني أن ترى الموضوع أمامك بكل حروفه وسياقه ثم تتركه وتلجأ لفهم الموضوع من خلال شخص آخر له موقف مضاد
    من صاحب الموضوع وتتبنى رأيه دون التوجه مباشرة للموضوع المطروح...

    في الختام زول زي كدا الحبة ما بتجيه لأنو معرفتك ما ناتجة عن فترة البريوت أوف تايم التي وفرها النيت وشيخنا قوقل
    وإنما هي معرفة راسخة وضاربة منذ أن كنت صغيرا تطرد الفئران الصغيرة عن مكتبة الوالد حتى لا تقرض الكتب من الفئران الكبيرة..
    وحتى الآن بعد أن صرت فأرا كبيرا يعرف كيف يحرك الفئران الإلكترونية لتشارك الناس المعرفة وبين هذا وذات خيال خصب
    يجعلك بين القراءة والكتابة لك التحية .
                   |Articles |News |مقالات |بيانات

24-01-2013, 03:29 PM

على محمد الخير

تاريخ التسجيل: 29-03-2008
مجموع المشاركات: 1591

للتواصل معنا

FaceBook
تويتر Twitter
YouTube


Re: عذرا الكاتب تحت التمرين (Re: عبد المنعم ابراهيم الحاج)

    تحياتى اخى درديرى ،،
    ومرحب بيك الف ..



    اكتر حاجة عجبتنى فى بوستيك ده ... انك سايقو براااااك ...
                   |Articles |News |مقالات |بيانات

24-01-2013, 04:13 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: عذرا الكاتب تحت التمرين (Re: على محمد الخير)

    سلام يا الخير

    وانا لسع حا اسوقه

    تجي معاي ولا نواصل
                   |Articles |News |مقالات |بيانات

24-01-2013, 04:11 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: عذرا الكاتب تحت التمرين (Re: عبد المنعم ابراهيم الحاج)

    منعم يا همام

    كم ضاعت حروف تحت الركام


    اصبحت الاقلام ضالة يا حبيب

    ولا الزيك ملها حروفه مشغولة بالسياسة


    فين القوافي وفين النظم الجميل

    فين يتيمة مصطفى سيد احمد

    التي افتقدته كما افتقدناه
                   |Articles |News |مقالات |بيانات

24-01-2013, 04:20 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: عذرا الكاتب تحت التمرين (Re: درديري كباشي)

    محظوظين جدا الاجيال الجديدة

    اي شخص له ولو ربعع موهبة ادبيه انه يصقلها ويجربها

    عبر المنتديات والانترنت

    كما متاح لك الاختباء خلف اسم حركي


    نحن من زمن

    المنفذ كان الجمعيات الادبية

    والتي تحتاج الى جرعة قوية جدا من الشجاعة الادبية

    لذلك ماتت مواهب كثيرة في صدور اصحابها خجلا

    وحرم السودان من شعراء وفنانين وغيرهم
                   |Articles |News |مقالات |بيانات

24-01-2013, 04:42 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: عذرا الكاتب تحت التمرين (Re: درديري كباشي)

    مرات عقلك الباطن يتولى الامور ويقود تصرفاتك ( وين محل العقل الباطن دا .. يكون في البطن؟؟)

    لكن برضو ممكن يوديك في ستين داهية

    اذكر في المتوسطة كان عندنا استاذ لغة عربية حقار جدا

    النوع ما بيسال سؤال الا ويلحقه بمحطة من السوط حتى لو كانت اجابتك صحيحة لانه هو لاينتظرها

    في اثناء حصة القواعد والجو المكهرب بالحرير

    انا كنت سارح ورسمت يدي الشمال مضمومة الاصابع في غلاف الكراس وكتبت كلمة صبرك دون ان ادري ( ما قلنا ليكم العقل الباطن وكدا)

    وجمعت الكراس مع الجامعين

    بعد يومين عاد الاستاذ يحمل الكراسات وهو يتبسم بخبث


    وزع الكراسات على الجميع عداي طبعا وقال في حد ما استلم كراسه وهو ينظر ناحيتي ويبتسم بخبث

    طبعا بكل حسن نيه قلت انا يا استاذ


    قال : ايوه عارفك يا درديري تعال هنا انا اصلا عايزك .. تهددني انا تقول لي صبرك ؟؟


    انا شعرت انه راسي بدأ يتضخم الى ما لا نهاية .. كيف الكلام دا يا استاذ معقولة انا اقول لك صبرك ؟؟


    ورفع الاستاذ الكراس امام الجميع وكانت رسمتي الماتغباني

    انفجر الفصل ضاحكا

    ورقعت انا علقة سببها العقل الباطن

    لكن الغريبة الاستاذ غير اسلوبه بعدها

    وكل ما وقعت عينه على عيني ضحك

    وقلت انا الله يجازيك يا عقلي الباطن
                   |Articles |News |مقالات |بيانات

24-01-2013, 09:57 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: عذرا الكاتب تحت التمرين (Re: درديري كباشي)

    ما مشكلة الدراما السودانية ؟؟

    لماذا هي غير جاذبة


    هل المشكلة في القصص ولا في الممثلين ولا طريقة التمثيل ؟؟


    حضرت لقاء مرة مع احد القائمين الاساتذة الكبار قال المشكلة عندنا انه الممثل السوداني بيمثل فعلا ...


    المقصود انه الممثل لايعيش الدور ويتقمسه ثم يؤديه بطبيعته


    لذلك تجد الممثل يرفع صوته عاليا ويتشنج ويؤدي تعابير بوجهه لا يؤديها الشخص في كلامه العادي
                   |Articles |News |مقالات |بيانات

24-01-2013, 10:16 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: عذرا الكاتب تحت التمرين (Re: درديري كباشي)

    في مسلسل عباس الابيض الذي اداه مفخرة مصر والعرب يحي الفخراني مع النجمة البارعة ماجدة زكي


    بحضرني مشهد مدهش جدا


    وهي عندما دخل الطبيب على بنت ماجده زكي ليفحصها ويعود ليصدمها بخبر ممكن يفزع ا ام اي بنت غير متزوجه ( انه بنتك حامل )

    رد الفعل من البارعة ماجدة زكي كان كما يقول الكتاب الحياتي تماما


    في الاول ضحكت بهستريا باعتبار انه الامر مستبعد جدا واعتبرت الطبيب ينكت ..

    وقالت لصديق عباس وهي تضحك انه الدكتور قال لها بنتها حامل والبنت لسع ما اتزوجتش .. ولكن بعد قليل تحولت الى حالة بكاء وصراخ بالتدريج حتى تحول الى صراخ هستيري ايضا ..


    وكان فعلا المشهد مدهش جدا ويدل على الباع الطويل الذي وصله المصريون في التمثيل
                   |Articles |News |مقالات |بيانات

24-01-2013, 11:15 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: عذرا الكاتب تحت التمرين (Re: درديري كباشي)

    هنالك نوعين او ثلاثة انواع من القراء

    نوع يبحث عن العناوين ونوع يبحث عن الكتاب ونوع جابته صدفه

    النوع الذي يبحث عن العناوين ثلاثة

    نوع يبحث عن السياسة ونوع يبحث عن الرياضة ونوع يبحث عن الاثارة

    النوع الذي يبحث عن السياسة نوعين

    نوع يبحث عن السياسة الداخلية ونوع يبحث عن اخبار السياسة الخارجية

    النوع الذي يبحث السياسة الداخلية نوعين

    نوع مؤيد للحكومة ونوع معارض للنظام

    كما النوع الذي يبحث عن الرياضة نوعين .. نوع يبحث اخبار هلال مريخ .. ونوع يبحث عن انواع الرياضات والاندية العالمية


    توع القراء الذي يبحث عن الكتاب نوعين

    نوع يبحث عن كتاب معجب بهم وهو من قراؤهم

    ونوع يبحث عن اصدقائه وهو ما يعرف بالشلليات ويتعامل مع المواضيع بشعار( أي كلام تقولو حلو)


    الاثارة ايضا ثلاثة انواع

    سياسية ورياضية ,اجتماعية

    السياسية كأخبار مرض الرئيس والانقلابات العسكرية

    والرياضية كتسجيلات اللاعبين
                   |Articles |News |مقالات |بيانات

24-01-2013, 11:36 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: عذرا الكاتب تحت التمرين (Re: درديري كباشي)

    وكذلك نقول ان القراء نوعين من ناحية الكم

    نوع نادر وهم الذين لهم هواية القراءه البحته ولهم قدرة وصبر على قراءة اكبر واوطول موضوع في جرة واحدة دون ملل


    ونوع يبحث عن الوجبات السريعة والخفيفة وشعاره خير الكلام ما قل ودل

    ومن النوعين يوجد قراء داخليين اي هم اعضاء بالمنتدى ونوع خارجي من خارج المنتدى
                   |Articles |News |مقالات |بيانات

25-01-2013, 08:52 AM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: عذرا الكاتب تحت التمرين (Re: درديري كباشي)

    سؤال عارض يطرح نفسه ويخص السودانيين


    لماذا نحتفظ بكراتين الاجهزة الجديدة ..

    تجد رؤوس الدواليب والمخازن عندنا في البيوت دائما بها كرتونة فاضية تخص جهاز ما

    وقد يكون الجهاز انعدم من سنين

    اذكر مرة عندنا غسالة عمرت ثلاثة سنوات ثم اهلكلها الصدأ

    حتى باتت لا تقوى على الوقوف الا بمساندة عدة طوبات تحتها

    أخيرا رحمناها

    وبالصدفة لمحت كرتونتها في المخزن لازالت جديدة ( الكرتونة من الكرتونة)


    قلت سبحان الله يعني لو احتفظنا بالغسالة وغسلنا بالكرتونة مش كان أحسن ؟؟

    (عدل بواسطة درديري كباشي on 25-01-2013, 09:06 AM)

                   |Articles |News |مقالات |بيانات

25-01-2013, 09:02 AM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: عذرا الكاتب تحت التمرين (Re: درديري كباشي)

    انا اعتقد ولا أجزم

    انه ظاهرة الاحتفاظ بالكراتين الفارغة نابع من احساس باطني بعدم الآمان


    يعني مثلا المغترب يتوقع خروج نهائي او تسفير في اي لحظة فهو يحتفظ بكراتين الاجهزة استعدادا للشحن والسفر

    والمواطن الداخلي يحتفظ بالكراتين لانه الظروف الاقتصادية غير مستقرة فهو قد يحتاج يبيع الجهاز في لحظة اما لعلاج مريض او دفع ايجار او سد دين ملح وصل المحاكم ..

    وعندما وصلت لهذه المرحلة من القناعة والتبرير

    بصراحة والله تأثرت


    وقلت في نفسي والله الدنيا عصرتنا شديد


    حتى الاشياء التي نشتريها بحر مالنا

    لا نحس بأننا نمتلكها أمتلاكا كاملا ..


    زاد تأثري

    في برميل الزبالة أمام العمارة

    شاهدت بأم عيني وخالاتها


    كرتونة جديدة لجهاز مسرح منزلي


    مش الكرتونة وبس

    الكرتونة والفلين والاكياس والكتلوجات كمان وهي الاشياء التي نستمتع بها اكثر من الجهاز نفسه ..

    سمح القرش في خشيم سيدو

    هو في زول بخت قروش في خشمه ؟؟

    قم لف ياخ


    ( بالمناسبة قوم لف من الجمل الاتعلمتها هنا برضو)

    (عدل بواسطة درديري كباشي on 25-01-2013, 09:11 AM)

                   |Articles |News |مقالات |بيانات

25-01-2013, 09:19 AM

عمار محمد ادريس
<aعمار محمد ادريس
تاريخ التسجيل: 28-09-2011
مجموع المشاركات: 295

للتواصل معنا

FaceBook
تويتر Twitter
YouTube


Re: عذرا الكاتب تحت التمرين (Re: درديري كباشي)

    واِن كان التمرين فقط يخص السائق ولكني اعلن نفسا راكباً تحت التاثير
                   |Articles |News |مقالات |بيانات

25-01-2013, 09:34 AM

على محمد الخير

تاريخ التسجيل: 29-03-2008
مجموع المشاركات: 1591

للتواصل معنا

FaceBook
تويتر Twitter
YouTube


Re: عذرا الكاتب تحت التمرين (Re: عمار محمد ادريس)

    تحياتى درديرى مره ثانية ،،

    Quote: تجي معاي ولا نواصل


    اجى معاك تب وسعيد بحروفك .. ويلا واصل ونحن متابعين ..
    وح اكون متابع حتى بعد انتهاء فترة التمرين .. لانه تمرينك ينبى عن موهبة جديرة عندما تاتى الممارسة الفعلية..

    فى امان الله
                   |Articles |News |مقالات |بيانات

25-01-2013, 11:21 AM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: عذرا الكاتب تحت التمرين (Re: على محمد الخير)

    مشكور يا ابو علوة


    وانا اوعدك انه انا بعد ما اتخرج واحمل الرخصة الدولية

    حاتكون انت اول المدعويين في الاحتفال
                   |Articles |News |مقالات |بيانات

25-01-2013, 11:14 AM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: عذرا الكاتب تحت التمرين (Re: عمار محمد ادريس)

    مرحب بيك عمار

    واتفضل اركب معنا

    لكن تذكر

    ان القول داخل البوست على مسئولية قائله

    اربط الحزام حاسب المطبات

    ولو عندك كلام عاوز تمسكنا ليه هاته نربطه في السبت فوق
                   |Articles |News |مقالات |بيانات

25-01-2013, 11:33 AM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: عذرا الكاتب تحت التمرين (Re: درديري كباشي)

    أحد الاصدقاء من ابناء الشمالية

    وقبل شريان الشمال عندما كان الطريق ترابي فقط

    وقال يوم ما وهم في رحلة بالبص من مروي للخرطوم

    توقف البص في احدى القرى

    أحد الركاب رفع في ظهر البص شوالين معبيات بشئ ما

    قال انا لم اكترث ربما يكون تمر او مانقا اي منتجات تلك المناطق المعهودة

    لكن بعد قليل اتضح انه الشوالين معبيات ب ....


    شمـــــــــــــــــــــــــــــــــــــــــــــــــــــــار

    اي والله شمار حقيقي وليس تورية او كناية او اي استخدام آخر للكلمة من النوع الذي يتداول في هذه الايام .

    قلت ولكن كيف عرفتوه شمار ؟؟؟؟؟


    دقيقة ما انا جاييييك ..ما تستعجل ...

    فكل ما دخل البص في مطب طارت شوالات الشمار الى اعل وسقطت من جديد مستخرجة غبار ( الشمار الحار)

    وتدخله عندنا داخل البص ..

    وأصبح البص في حالة عطاس جماعي واداء كورالي متميز

    مع كل وقعة في مطب

    واستمر الحال هكذا

    حتى دخل البص مشارف امدرمان

    وعيوننا تكاد تخرج من محاجرها ...



    نظرت لصاحب الشمار وهو عادي جدا يلف وجهه بعمته وكأن الامر لايعنيه


    وقلت في نفسي

    صدق من قال العفش داخل البص على مسئولية صاحبه ..
                   |Articles |News |مقالات |بيانات

25-01-2013, 12:31 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: عذرا الكاتب تحت التمرين (Re: درديري كباشي)

    بعدين

    بلا مؤاخذة ..

    انا لا ادري من اين اتت هذه الكلمة وتحكرت في لغتنا كمقبلات مثل السلطات في المطاعم الشامية ..

    كما ان هذه تسبق اشياء معينة

    اما اشياء مقرفة او حيوانات

    بالذات الحمـير والكـلاب

    كلمة بلا مؤاخذة انا لم اجد لها اي سند ديني

    اذا من اين اتت


    واشمعنى ارتبطت بالاحذية والحيونات

    مثلا

    بلامؤآخذه خذ الجزمة دي طلعها برة

    او بلا مؤآخذه هاك ارمي الزبالة دي برة

    واعتقد جازما انها لاتغير شئ سوى زحمة كلام

    رأيكم شنو نلغيها من كلامنا

    بلا مؤآخذة يعني

    (عدل بواسطة درديري كباشي on 25-01-2013, 12:32 PM)

                   |Articles |News |مقالات |بيانات

25-01-2013, 08:43 PM

هاشم أحمد خلف الله
<aهاشم أحمد خلف الله
تاريخ التسجيل: 16-01-2007
مجموع المشاركات: 6449

للتواصل معنا

FaceBook
تويتر Twitter
YouTube


Re: عذرا الكاتب تحت التمرين (Re: درديري كباشي)

    اعجبني
                   |Articles |News |مقالات |بيانات

25-01-2013, 09:20 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: عذرا الكاتب تحت التمرين (Re: هاشم أحمد خلف الله)

    مشكور يا هاشم

    وكل عام وانتم بخير
                   |Articles |News |مقالات |بيانات

26-01-2013, 09:17 PM

سليمان القرشي
<aسليمان القرشي
تاريخ التسجيل: 12-01-2013
مجموع المشاركات: 1485

للتواصل معنا

FaceBook
تويتر Twitter
YouTube


Re: عذرا الكاتب تحت التمرين (Re: درديري كباشي)

    كباشي ياجميل تعرف انا من الناس المابحبو القراية كتير لكن في بوستاتك الامر مختلف انت بتجبر القارئ مايبلع ريقو لامؤاخذة هههههه والله انا متحير ذيك في الكلمة دي وفي كلمة تانية بي نفس المعني الله يكرم السامعين . يلا كباشي سوق بينا وبي سرعة 200 معاك اصلو انت رخصتك كبيرة مامنك خوف بس حاسب من المطبات لانو ريحه الشمار متعبة
    تسلم
                   |Articles |News |مقالات |بيانات

25-01-2013, 12:42 PM

عادل عبدالعزيز عبد الرحيم
<aعادل عبدالعزيز عبد الرحيم
تاريخ التسجيل: 06-06-2008
مجموع المشاركات: 2353

للتواصل معنا

FaceBook
تويتر Twitter
YouTube


Re: عذرا الكاتب تحت التمرين (Re: درديري كباشي)

    برلوم بسنونه
    حالتك تحت التمرين

    حروفك انيقة

    ضحكت فى موضوع الكراتين وعاينت لراس الدولاب بتاعنا لقيت فيه كرتونة الشاشة ( التلفزيون ) والرسيفر وكرتون البلاى ستيشن حقات الشفع
    جنس شفقة غايتو
                   |Articles |News |مقالات |بيانات

25-01-2013, 08:34 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: عذرا الكاتب تحت التمرين (Re: عادل عبدالعزيز عبد الرحيم)

    عادل يا عزيز

    أبقى عشرة على الكراتين

    انا يخيل انه جدودنا زمان

    وصونا على الكراتين

    لكن ميرغني المامون واحمد حسن جمعه سمعوهم غلط

    فضيعنا الوطن

    واحتفظنا بالكراتين
                   |Articles |News |مقالات |بيانات

25-01-2013, 09:31 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: عذرا الكاتب تحت التمرين (Re: درديري كباشي)

    الفيس بوك دجال جدا

    مع احترامنا للفيسبوكنجية

    انا شخصيا عندي صفحتين في الفيس بوك واحدة بالعربي وواحدة بالانجليزي

    في الاول كانت صفحة الانجليزية وقديمة يمكن قبل اربعة سنوات

    وكان الفيسبوك في بداياته بعد الحاح من صديق فتحت الصفحة للتواصل

    في الحقيقة انا ما ارتحت له .. لانه المساحة للكتابة ضيقة جدا .. ونحن ناس عايزين فسحات ..

    المهم اهملت الصفحة ونسيت الباسورد وهربت من الفيسبوك

    بعد سنتين فتحت صفحة ثانية بايميل ثاني باللغة العربية ونسيت الاولى الانجليزية..

    بعد اسبوع جاني ايميل

    انه يوجد أحد في الفيسبوك يريد صداقتي

    فتحت الايميل واكتشفت انه الشخص الآخر هو انا نفسي بس باللغة الانجليزية مع انه لاطلبت صداقتي ولا شئ ..

    وقلت نشوف الموضوع لهايته

    ضغطت على زر موافقة

    وراحت الرسالة لايميلي الثاني

    ولقيت نفسي وافقت على عقد صداقة مع نفسي

    ومن يومها انا ونفسي الحمد لله سمن على عسل

    بس لو سابونا اولاد الحلال في حالنا

    عوجة ما بتجينا

    شكرا فيسبوك

    انشاء الله مانعدمك
                   |Articles |News |مقالات |بيانات

25-01-2013, 09:49 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: عذرا الكاتب تحت التمرين (Re: درديري كباشي)

    زمان كان نوع من المدح عندما تقول انه الشخص متصالح مع نفسه

    التعبير عميق جدا

    التصالح مع النفس يعني لا تفعل شئ انت غير مقتنع به

    وبمعنى ادق لا تنافق

    لكن يوجد شئ يعرف بالذكاء الاجتماعي ..

    هل الذكاء الاجتماعي ضد التصالح مع النفس ؟؟

    اذا كان مصطلح الذكاء الاجتماعي هو ان تتصرف تصرفات ترضي المجتمع من حولك حتى لو لم تكن انت مقتنع بها
                   |Articles |News |مقالات |بيانات

25-01-2013, 10:25 PM

احمد سيد احمد
<aاحمد سيد احمد
تاريخ التسجيل: 23-01-2013
مجموع المشاركات: 1243

للتواصل معنا

FaceBook
تويتر Twitter
YouTube


Re: عذرا الكاتب تحت التمرين (Re: درديري كباشي)

    سلامات يا درديري
    والله اعجبني شديد
    وبخصوص طريقة الكتابة هنا
    انا غايتو حاسي انها بتعتمد على شهرة الكاتب

    اما بمناسبة الكراتين...قبل كدا في حلتي الجيت منها كتبت كدا:

    نحنا بنحب لمليم الكرور

    كراتين فاضيه

    باغات

    اكياس

    فتايل ريحه

    فتايل جرسلين

    علب لبن

    هتش كميه

    كراسي مكسره

    اجهزة كهربية والكترونيه خربانه

    حديد وخشب مقاسات مختلفه

    وكتير كتير

    يعني باختصار مرات الكرور الفي البيت بكون اكتر من الشي النافع
    __________________

    (عدل بواسطة احمد سيد احمد on 25-01-2013, 10:37 PM)

                   |Articles |News |مقالات |بيانات

26-01-2013, 10:53 AM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: عذرا الكاتب تحت التمرين (Re: احمد سيد احمد)

    سلام يا ابو السيد

    والله كلامك صح هي ما الكراتين الفاضية بس

    وانا بكتب ليك وقدامي تلفزيون عطلان من سنتين

    انا مش عارف هو قاعد يعمل في شنو

    اشتريت بدله صحيح لانه تصليحه يكلف جديد

    ولكن ظل هو يزين مكتبة لاينظر اليها احد ..


    و أقول لك شئ عجيب يستحيل يحصل عندنا والا كان شاهدناه في الدار يوم ما هنا في الرياض

    وامام برميل الزبالة

    وقفت مندهشا

    اما تلاجة بحالها

    اقسم بالله تلاجة عديييل كدا لافيها شق ولا طق

    ما عرفت اشكي وابكي لمين

    علي راي احمد المصطفى الله يرحمه


    قلت دي عندنا

    في اسوأ الفروض

    نحولها لدولاب جزم
                   |Articles |News |مقالات |بيانات

25-01-2013, 10:31 PM

showgi idriss
<ashowgi idriss
تاريخ التسجيل: 07-08-2005
مجموع المشاركات: 439

للتواصل معنا

FaceBook
تويتر Twitter
YouTube


Re: عذرا الكاتب تحت التمرين (Re: درديري كباشي)

    درديري كباشي
    كيف حالك ومراحب ولو جات متاخرة بكسر الميم
    Quote: نوع نادر وهم الذين لهم هواية القراءه البحته ولهم قدرة وصبر على قراءة اكبر واوطول موضوع في جرة واحدة دون ملل


    أنا من ديل وما بحب اكتب كتير .. ليه ما بعرف لما قريت بوستيك دا ..بعدين عرفت.. لأنو الكراتين المالية البيت ما عرفت ليه مختوتة إلا بعد ركبت معاك ورابط حزامي فيونكا قلت افكو من الصفحة الاولانية لكن والله سواقتك دي عجبتنى ولو كنت ما برلوم بالتقادم كنت اديتك الرخسة وسلمتك النمر ...

    يا زول بعد لفة تانية بجوك الناس البقرو في السياسة الجوانية ناس قوم لف وسلموك الحركة ..تلقى نص الخشو البوست وقروهو راجين يشوفوك "شايتوين" ام بقيت زينا شايت برا اها الا تتلما على شلت الهترشة الماليهم السياسة وان بقيت "بتشوت سياسة" يتم تصنيفك اينما تشوت بالعنصرى.. وبتلقى ناس تقرا ليك وتتفاعل معاك وكل البتكتبو قوم لف واختشي على سواقتك ..بس بو ستيك ما بمشي اللفة..
    اواصل ولا اقوم الف

    أبوالشوش
                   |Articles |News |مقالات |بيانات

26-01-2013, 11:02 AM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: عذرا الكاتب تحت التمرين (Re: showgi idriss)

    سلام يا ابو الشوق

    وانت من القراء الزبائت المفروض نربيهم

    ايش رأيك تكون من زبائني

    وانا او عدك بأني زول براي خلاص

    ما تشوف النتش دي

    لاني جاري فرامل اليد

    جيت في الاول ودشيت تقيل

    لقيت القراء من نوع

    يا الديمة نافر

    لمتين نفورك

    الخبرا قالوا لي هنا نظام الري بعتمد على الرشاش يعني الري بالتنقيط

    ركز على الزاز فقط

    اها قمت عملت البوست دا

    قلت عشان اتمرن على نظام الراي بالتنقيط

    باقي نحن ناس كسلا

    بتاعين بوابير وجداول جارية

    ما بنعرف الري بالتنقيط
                   |Articles |News |مقالات |بيانات

26-01-2013, 11:28 AM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: عذرا الكاتب تحت التمرين (Re: درديري كباشي)

    ما بين القدرة والمعرفة

    القدرة من غير معرفه هي صفة حيوانية بحته

    الفيل له قدرة ان يخلع مائة شجرة في الغابة

    لكن تنقصه المعرفة ليصنع بها بيتا لنفسه
    لذلك المعرفه مع القدرة تجتمع عند الانسان

    وتتفاوت نسبها بناءا على الموهبة

    بمعنى ما وهب الانسان من ذكاء ليخطط لتصرفاته وفقا لقدراته الجسدية

    يعني مثلا في كرة القدم

    المدرب يمتلك المعرفة التي ستقود فريقه للفوز

    ولكنه ليس له مقدره على ترجمه هذه المعرفه لقدره على ذلك الا عبر اللاعبين

    واللاعب له قدره على تنفيذ ما استوعبه من خطة اي معرفه من المدرب ..

    لكن عندما تجد المدرب واقف في خط التماس يشد في شعر رأسه ويصرخ


    ( موسى الزومة ما ترجع ... ياخ ) مثلا

    تعرف انه هنا تناقض كبير بين القدرة والمعرفة ..

    وقد يحدث النتاقض بصورة معكوسة وضخمة جدا

    كما حدث قبل سنتين في هدف ميسي الذي احرزه في نادي خيطافي


    اكيد ليس في معرفة او ذهن المدرب او اي مدرب ان يكون هنالك لاعب كمسي له قدرة ان يقود كرة بسرعة فائقة من منتصف الملعب

    ويتخطى نصف الفريق الخصم

    ويضعها في المرمى

    تحت دهشة الجميع بما فيهم المدرب نفسه ..

    وهذا لايعني تفوق القدرة على المعرفة فقط

    انما يعني وجود مصدر آخر للمعرفة تفوق على المصدر الرئيسي لها ..وهي الموهبة والمعجزة التي لاتقاس بقوانين الفيزياء ..

    لكي تتحسن كرة السودانية لانحتاج لمعجزة كمسي

    انما فقط لتناغم بين المقدرة والمعرفة ولغة مشتركة

    بصراحة ماذدا لم يبقى له شعر في رأسه ليشده من جديد ..
                   |Articles |News |مقالات |بيانات

26-01-2013, 12:24 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: عذرا الكاتب تحت التمرين (Re: درديري كباشي)

    تغلبو بالمال ويغلبها بالعيل

    لا لا لا لا تغلبوا بالعيال ويغلبها بالمال

    عبارة سودانية بحته هي صيغة مباركة للزواج ..

    لكن لا ادري من صاغها بطريقة خروج المغلوب


    وتجد الناس يتغالطوا فيها عند برنامج أفراح افراح كأنها شئ مسلم به او جزؤ من تقوس الزواج

    خيرا فعلت قناة النيل الازرق في ايقاف هذا البرنامج

    لانه عبارة عن استعراض لخصوصية في قالب عام ..


    حفلات المهرجانات والاعياد الرسمية تختلف جزريا عن حفلات الاعراس والمناسبات الخاصة ..

    حتى لو كان الناس هم نفس الناس ..

    يعني مثلا لو كانت حفلة عرس يحيها احد الفناانين تليها مباشرة حفلة باعياد الاستقلال في نفس القاعة وبنفس الناس ..


    مثلا انا شخصيا شكلي وانفاعلي يسختلف تماما في حفل زواج ابن اختي عنه في حفل عيد الاستقلال

    وهذا الاختلاف لا يرضى احد ان يشاهد خارج اطار العائلة والاصدقاء الذين حضروا الحفل فعليا ..



    في اواخر التسعينات كانت هنالك ظاهره خطيره شاهدناهاا هنا في الرياض

    وهو تسرب اشرطة فيديو المناسبات الخاصة والتي يبدو انه المصورين يقوموا ببيعها تجاريا

    فتجدها في بيوت العزابة يشاهدون حفلات لاعراس لايدري احد اين كانت وفي اي مدينة ومن هم اهلها

    بنات في كامل زينتهن ورقيص بعفوية .. 0

    (عدل بواسطة درديري كباشي on 26-01-2013, 12:25 PM)

                   |Articles |News |مقالات |بيانات

26-01-2013, 01:11 PM

احمد سيد احمد
<aاحمد سيد احمد
تاريخ التسجيل: 23-01-2013
مجموع المشاركات: 1243

للتواصل معنا

FaceBook
تويتر Twitter
YouTube


Re: عذرا الكاتب تحت التمرين (Re: درديري كباشي)

    سلامات يا درديري

    اها صدقاً لكلامك دا النديك النجيضه بالصور

    جنبا في المدينة المنورة في حي تعبان
    جنب برميل الزباله كان مجدوعه الحاجات دي

    تلاجة



    غسالتين من زاوتي رؤيه مختافتين
    Uploaded with ImageShack.us



    Uploaded with ImageShack.us



    Uploaded with ImageShack.us

    وصدق الخواجات حينما قالوا:


    'One man's trash is another man's treasure'

    (عدل بواسطة احمد سيد احمد on 26-01-2013, 01:12 PM)
    (عدل بواسطة احمد سيد احمد on 26-01-2013, 01:42 PM)
    (عدل بواسطة احمد سيد احمد on 26-01-2013, 01:43 PM)

                   |Articles |News |مقالات |بيانات

26-01-2013, 03:33 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: عذرا الكاتب تحت التمرين (Re: احمد سيد احمد)

    نشكرك يا ابو السيد

    بالصور انت اثبت انه الموضوع ما كان حلم ..

    انه الثلاجة ممكن تكون ضمن النفايات في البلدان المترفة ..


    يا نهار اسود على رأي المصريين

    التلاجة كان عندها مكان في حياتنا

    علي راي الطيب عبد الله

    فات زمان كان ليك مكانة ...


    يمكن لو كان عندك تلاجة في بيتكم تتقدم وتخطب احلى بنت في الحلة ...

    يكفي اهلها يقولوا ديل عندهم تلاجة في بيتهم يااخ..


    تلاجة عدييييييل كدا ؟؟؟

    يمكن فوق العشرين قدم ...


    والثلاجة مع سماحة اهلنا النفوس الطيبة تكاد تكون ملك مشاع للجميع ..

    روح لناس خالتك فلانة قول ليهم ادونا تلج جونا ضيوف من الخرتوم هسع دي ..


    أو يا ولد شيل كيلو اللحمة دا وديه لناس خالتك نفيسه يختوه لينا في التلاجة ...





    يامى اعرس اولا ولا اجيب ليكم التلاجة

    يا ولدي العرس ملحوق

    والحر كتلنا










    تقول لي التلاجة تقبع قرب برميل الزبالة


    تنتظر ترحيلها لمسواها الاخير

    حقيقة الزمن ما يرحم
                   |Articles |News |مقالات |بيانات

26-01-2013, 01:22 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: عذرا الكاتب تحت التمرين (Re: درديري كباشي)

    في الصالة التي امام المكتبة التجارية بالسوق

    جلس نفر كريم من المثقفين بمختلف مهنهم

    اعتادوا الجلوس يوميا في فسحة الفطور او نهاية الدوام قبل الذهاب لمنازلهم

    للنقاش في الامور اما تكون ثقافية او حتى حياتية ..

    وهم مندمجين في النقاش دخل الصالة احد الشحاذين كبار السن

    و اختار مكانا قصيا جلس قربهم في الارض

    لم يكترثوا له في البدء

    والشحاذ ايضا يبدو انه يؤدي في عمل يومي من ضمن اجندته اليومية

    لانه فتح عدة صرر من ملابسه واستخرج منها اموالا من مختلف الفئات

    وبدأ في فرز وتصنيف غلته اليومية حسب الفئة ورصها اماما على البلاط

    انتبه أحد الحضور وركز نظره ناحيته وخرج نفسه تماما من دائرة الحضور

    وتبعه آخر ايضا ..

    بعد قليل اصبح كل الحضور في تركيز تام واندهاش لسلوك الشحاذ وخاصة المبلغ المهول الذي ربما لا يحلم به ابرع الاطباء في عيادته اليومية

    بعد ما نتهى الشحاذ من تصنيف المبلغ

    جمع الفئات الكبيرة وخصها بمكان غائر في طيات سرواله ..

    ومن ثم الاقل في مكان اكثر ظهورا ..

    تاركاا الفكة والفئات الاقل في متناول اليد في المخلاية ..

    فجأه رفع رأسه ليجد الجميع يراقبه

    ليفاجئهم جميعا برفع يده قائلا لهم ..

    كـــــــــــــــرامـــــــــــــــــــــــه


    صمت الجميع برهة ثم انفجروا ضاحكين لهذه المفارقة العجيبة

    اما هو اعتبر ضحكتهم ردا طبيعيا بمثابة .. الله كريم

    لملم بعضه وانصرف
                   |Articles |News |مقالات |بيانات

26-01-2013, 04:23 PM

محمد ابو شيبة
<aمحمد ابو شيبة
تاريخ التسجيل: 16-01-2013
مجموع المشاركات: 299

للتواصل معنا

FaceBook
تويتر Twitter
YouTube


Re: عذرا الكاتب تحت التمرين (Re: درديري كباشي)

    درديري يا حبيب
    قاعدين نقرا في بوستاتك المرصوصة دي وعاجبنا وخايفنك تقول لينا (كـــــــرامة) !!

    واصل يا مبدع
                   |Articles |News |مقالات |بيانات

26-01-2013, 05:43 PM

Badrudeen Mousa

تاريخ التسجيل: 13-01-2013
مجموع المشاركات: 45

للتواصل معنا

FaceBook
تويتر Twitter
YouTube


Re: عذرا الكاتب تحت التمرين (Re: محمد ابو شيبة)

    تعرف يا درديرى

    تكتب ليك موضوع .. ترجع تقول أعدله .. تفنش تتأكد من التعديل تلقى غرقان فى النص

    يرد على موبايلك تفتكر البوست اتسحب

    تتذكر هنا مافى حذف .. تفتش تلقى فى الصفحات الداخلية

    تحياتى
                   |Articles |News |مقالات |بيانات

26-01-2013, 05:51 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: عذرا الكاتب تحت التمرين (Re: Badrudeen Mousa)

    ما عليك أخوي

    بدر اهو كل يوم نحن بنتعلم اشياء جديدة

    الباب العلم ما واسع يا اخوي

    بس عايز صبر
                   |Articles |News |مقالات |بيانات

26-01-2013, 05:49 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: عذرا الكاتب تحت التمرين (Re: محمد ابو شيبة)

    والله كرامة بقولة بالحيل يا باشمهندس ابو شيبة

    بس خليك قريب ويدك في جيبك
                   |Articles |News |مقالات |بيانات

26-01-2013, 08:20 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: عذرا الكاتب تحت التمرين (Re: درديري كباشي)

    الغربة تعلمك اشياء جديدة غريبة ومدهشة

    اهمها انه صاحب العمل له قدرة ان يجعله في القمة حتى لو كان هو في ادنى ترتيب في نظر الآخرين

    في الفترة الاولى وانا جديد كنت في جولة في أحد الاسواق الراقية بالرياض بصحبة شلة من الاصدقاء القدامى

    لفت نظري فرع لاحدى الشركات اي معرض متخصص في الشرابات فقط...

    انا استغربت واعدت البصر كرتين

    تاوقت داخل المحل وخارجه

    والله ما فيه غير الشرابات ..

    قلت للاصحاب تعالوا ندخل المحل دا ..

    - يا درديري ياخ انت اول مرة تشوف شرابات ؟؟

    لا والله الحق يقال اول مرة اشوف محل متخصص شرابات..

    وفعلا اقتعوا بحجتي ودخلنا ..

    وجدنا البائعين انيقين في كامل اناقتهم

    واكدوا ان شركتهم لا تبيع شئ سوى الشرابات ..


    لكن في ذات الوقت عرفت انه الشرابات هي كمان خشم بيوت

    شئ حرير طبيعي وشئ حرير باللبن ...

    واسعارها بل بعضها يكاد يفوق بناطلينا سعرا ....




    سرحت وفكرت لو اني عدت من الغربه وفتحت شركة شرابات في السودان..


    يمين كان تسمع جنس تعليقات ..


    ( هيع ود عمك كباشي داك الغربة طوفشتو جا من هناك وقال الا يفتح محل يبيع الشرابات بس )

    (قلنالو يازول ها طعمها انشاء الله بطواقي و سراويل .....حلف براس ابو وقال شرابات بس )


    وثالث يقول انا ذاتو شكلو ما عاجبني من يوم ما جا تلاقي سارح كدا ومزهلل ... قال شرابات قال ..
                   |Articles |News |مقالات |بيانات

26-01-2013, 08:38 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: عذرا الكاتب تحت التمرين (Re: درديري كباشي)

    يحكي أحد الاطباء القدامى

    ممن عاصروا الصراع الفكري بمستواه العالي

    في جامعة الخرطوم وغيرها

    حينما كان يدير اركان النقاش

    أمثال دالي والقراي من الجمهوريين


    وقال الركن مسخن وكان يديره دالي

    وهو كطالب ريفي لازال غبار الدهشة عالقا به


    طلب فرصة من دالي

    ومسك الميكرفون عرف بنفسه قائلا

    انا فلان الفلاني

    من قرية كذا


    اولا احب ان اقول انا ( لا كوز لاجمهوري لا اتحادي ولا انصار سنة ولا انصاري ولا حزب أمه ولاختمي ولا أشئ .. وما عندي أي مشكلة )

    وقبل ما يطرح سؤاله كان دالي قد خطف منه المايك وقال له :

    الاخ الذي قال هو :( لا كوز لاجمهوري لا اتحادي ولا انصار سنة ولا انصاري ولا حزب أمه ولاختمي ولا أشئ .. وما عندي أي مشكلة )


    ياخي انت ذاتك ما مشكلة هسع ؟؟


    لا اديان السما ولا أديان الواطه اقنعتك ..؟؟؟

    (عدل بواسطة درديري كباشي on 26-01-2013, 08:40 PM)

                   |Articles |News |مقالات |بيانات

26-01-2013, 09:20 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: عذرا الكاتب تحت التمرين (Re: درديري كباشي)

    الفنان الراحل الجابري

    كان وحيدا عند والدته ولم يتزوج

    وبعدما توفت شعر بحزن شديد عليها واعتزل الحياة

    لكن وجد ضالته في كلمات صديقه الشاعر الصادق الياس

    وكانت اغنية هوج الرياح

    واحدة من اهرامات الاغاني السودانية

    تحسسك ان فن الغناء السوداني كان له قيم لاتعد ولا تحصى

    يكفيه هذه اللوحة التي جعل مشاعر كل من فقد والدته تسيل جداولا

    رحم الله الجميغ

    هوج الرياح
    أحمد الجابري
    -----------
    هـات يا زمـن
    جيــب كـل أحــزانك
    تـعـال جيـب المحــن
    طــول يا أسى وكتر ينابيع الشــجن
    جـرعني كأس من لوعة من الامي
    ما المحبوب خـلاص خلاني ليك الليلة راح
    خلف لقلبي الحسرة والشـوق والجــراح
    خلي النواح
    فــاض قــلبـي شـمعة
    وحيـدة في هـوج الريــاح
    خـلاني ليـك أنا يا زمــن
    وخلص شجن
    الليـل يهـــود بي
    ويبــقى تـلـت الأخــير
    يطـويني في رحــابه الوثـــــير
    أنا والظنـون وعـــذابي والصمت المثير
    خلاني وحدي جناح كسير
    وانا والدموع والشكوى والليل والشجن
    رماني ليك راح يا زمن
    وخلى الشجن
    من بعد ما علمني ريد
    فجر العواطف غنا ونشيد
    بدل مراير الوحدة والهم أحلى عيد
    علمني أبني حياتي من أول جديد
    أشرق من عمري هواه زي أجمل صباح
    وكساني بالآمال وشاح
    قلبي المتيم بيه بي احلامه باح
    تاه في رياضو الرايعة في جنة استراح
    لكنه وين الليلة راح واصبحت يا أيام حزين
    باكي العيون محتار أقول ماليه حنين
    إيه غيرو بدل عواطفو صبح ضنين
    إمكن ظنون إمكن خلاص إن شك في قلبي الأمين
    قلبي المحال في يوم يخون
    قلبي الملان حنية زاخر يالأمل ومهما حصل
    أملي الوحيد لحبو مكتوب في الأزل
    لايمكن أبداً مستحيل في يوم أميل
    لغيره وأعشق تاني زول
    مهما يكون بالود بخيل
    لو حتى يجرح قلبي أنا برضي صابر يا زمن
    بكل أجزانك تعال
    جيب المحن
                   |Articles |News |مقالات |بيانات

26-01-2013, 09:29 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: عذرا الكاتب تحت التمرين (Re: درديري كباشي)

    اعتقد انه فترة التمرين انقضت

    وغيرت العنوان نأمل الايكون أحد قد تضرر من التغيير

    ميزة جديدة ايضا في هذا الموقع

    في بيوتنا القديمة

    لو عاوز تغير العنوان الا بواسطة
                   |Articles |News |مقالات |بيانات

27-01-2013, 09:52 AM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: عذرا الكاتب تحت التمرين (Re: درديري كباشي)

    الاخلاق

    الرياضة أخلاق

    والعمل اخلاق

    والتجارة أخلاق

    وخلي عندك أخلاق

    والرسول صلى الله عليه وسلم قال ملخصا الدين في جملة واحدة ( انما بعثت لاتمم مكارم الاخلاق )

    انيس منصور في كتابه ( دينات أخرى ) قال ان معظم الدينات الآسيوية الارضية قائمة على مبائ اخلاقية معظمها مستمد اومتطابق مع الاسلام

    وقال ان بوذا استمد تعاليمه من الاسلام

    لذلك تجد الهندوس والسيخ والبوذيين والزرادشتيين.. يحرمون السرقة والزنى والخمر والغش والخداع ..مهذبين جدا ويحترمونك كأنسان وممكن يخططون لقتلك كمسلم لكن بأخلاق وادب جم..


    وشاعرنا يقول.. أنما الامم الاخلاق ما بقيت فإن هم ذهبت أخلاقهم ذهبوا ...


    الغربيون والرأسماليون وجدوا ان القوانينوالدساتير التي يديرها القضاء غير كافية للحفاظ على حقوق الناس فابتكروا ما عرف بأخلاق المهنة Code of Ethics

    وسنعود نبحر في عالم ا لاخلاق

    وعلى الاقل الاخلاق فقط هي من تكفل للناس العيش قرب بعض في سلام وأمان

    (عدل بواسطة درديري كباشي on 27-01-2013, 09:54 AM)

                   |Articles |News |مقالات |بيانات

27-01-2013, 10:05 AM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: عذرا الكاتب تحت التمرين (Re: درديري كباشي)

    اول بند في الاخلاق هو قبول الرأي الآخر دون استهزاء او تبخيس

    يكفي مثلا قدوتنا محمد صلى الله عليه وسلم قوله لآل قريش انما بعثت لاتمم مكارم الاخلاق ...

    قالها لقوم وهو يعلم انهم كانوا ..

    يقتلون البنات في المهد

    يرثون النساء كرها

    يعاملون المرأه كالسلعة والتجارة

    يتعاملون بالربا يشربون الخمر يلعبون الميسر

    يتحاربون فيما بينهم عشرات السنين بسبب فرسة

    يغزون بعض يأثرون بعض ويتاجرون بالرقيق ..


    لم يقل لهم .. انتو كنتوا فين وهسع بقيتو فين ..

    انما اولا اعترف ضمنيا بأخلاقهم الحميدة .. ولم يقل اتيت لازودها لكم او لاعلمكم اشياء جديده عليكم انما قال لاتممها لكم كأنما عندهم كان اكثر من الذي اتى به ..

    وهذا لعمري قمة احترام الاخرين ..
                   |Articles |News |مقالات |بيانات

27-01-2013, 10:43 AM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: عذرا الكاتب تحت التمرين (Re: درديري كباشي)

    السؤال

    اذا كان النبي صلى الله عليه وسلم

    سمى ما كان عند كفار قريش مكارم الاخلاق وقال اتيت لاكمله


    اذا من ايت اتى هؤلاء المتشددين بمناهج التكفير والاقصاء

    واصبح كل من يخالفهم كافر وخارج على الملة ؟؟
                   |Articles |News |مقالات |بيانات

20-02-2013, 05:00 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: عذرا الكاتب تحت التمرين (Re: درديري كباشي)

    *

    حلوة الحركة دي

    تخيلو بعض المنتديات لاتقبل مشاركة اقل من مائة حرف

    هنا تخت نقطة والامور تمشي

    علم والله
                   |Articles |News |مقالات |بيانات

21-02-2013, 00:08 AM

منير عثمان
<aمنير عثمان
تاريخ التسجيل: 02-01-2013
مجموع المشاركات: 265

للتواصل معنا

FaceBook
تويتر Twitter
YouTube


Re: عذرا الكاتب تحت التمرين (Re: درديري كباشي)


    الكباشي سلام
    ياخوي والله ما عندك عوجة تل يا كا ماسك الدرب عديييل
    اللافتة بتاعتك المعلقها دي ما في داعي ليها
    والله صحي،،،

    (عدل بواسطة منير عثمان on 21-02-2013, 00:11 AM)

                   |Articles |News |مقالات |بيانات

21-02-2013, 08:49 AM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: عذرا الكاتب تحت التمرين (Re: منير عثمان)

    Quote: <كباشي سلام
    ياخوي والله ما عندك عوجة تل يا كا ماسك الدرب عديييل
    اللافتة بتاعتك المعلقها دي ما في داعي ليها
    والله صحي،،،



    يعني يا منير ممكن نشرط الورقة ونركب الطريق السريع عديل ؟؟؟
                   |Articles |News |مقالات |بيانات

27-01-2013, 10:52 AM

رانيه محمد الشيخ

تاريخ التسجيل: 18-10-2010
مجموع المشاركات: 3696

للتواصل معنا

FaceBook
تويتر Twitter
YouTube


Re: عذرا الكاتب تحت التمرين (Re: درديري كباشي)

    تخيل يا درديرى ردك دا فكرنى
    بزميله هنا فى مره رديت عليه وكنت ليسه ياداب فرش وقالت لى بما معناه
    انى بتكلم مع روحى لان مافى زول بيرد عليه فى مواضيعى
    الغريبه ما متذكره اسمها لكن لحظتها حسيت ان الناس هنا بالجد سهل عليها جدا تجرح غيرها برغم هى اصلا ما بتعرفه
    ومافى مبرر تسيىء زول هو اصلا ما اسائك عشان فكرة طرحها ما عجبتك
    بقيت لمن بكتب موضوع وبلقى تجاوب بفرح وبتذكر كلمتها اللى اثبت فعليا انها كانت غلط وانى ما مجنونه وفارغه وبتكلم مع روحى
                   |Articles |News |مقالات |بيانات

27-01-2013, 02:41 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: عذرا الكاتب تحت التمرين (Re: رانيه محمد الشيخ)

    سلام رانيا

    كل غربال جديد ليه شدة زي ما بقولوا

    وعشمنا في شدة وتزول
                   |Articles |News |مقالات |بيانات

09-02-2013, 05:01 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: عذرا الكاتب تحت التمرين (Re: درديري كباشي)

    المنتخب النيجيري يقترب اكثر من البطولة الافريقية
                   |Articles |News |مقالات |بيانات

09-02-2013, 05:09 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: عذرا الكاتب تحت التمرين (Re: درديري كباشي)

    خبر في بداية البطولة الافريقية مفاده

    ان اتحاد بنات الهوى في نيجيرا ( عندهن اتحاد كمان ) وعد المنتخب باسبوع مجانا اذا فاز بالكأس ..

    الوطنية عندهن ..جابو الهوى لمنتخب بلادهم ..

    منتخب نيجيريا في ورطة الآن اذا فازوا بالكاس معناه جابهم الهوى ..

    واذا اخفقوا ضيع الجيل الحالي فرصة ذهبية ..

    البطولة الافريقية مصرة ما تنتهي باخوي اوخوك لازم تجيب معاها بلاوي
                   |Articles |News |مقالات |بيانات

09-02-2013, 05:15 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: عذرا الكاتب تحت التمرين (Re: درديري كباشي)

    لاعب ساحل العاج الاسطورة دروقبا

    ( لاعب واحد زي دروقبا دا وكورتنا كلها تتغير )

    حضرت معه لقاء في قناة شلسي

    قال انه لا يسهر بعد الساعة التاسعة مساء ولا يشرب سوى الحليب ..

    لذلك هو الآن فوق الستة وثلاثين وبلياقة منتخب الشباب عندنا مجتمعين ..

    سألوه لماذا غادر شيلسي قال انه لايحتمل ان يجلس في كنبة الاحتياط وزملاؤه يلعبون ...

    غادر النادي والنادي كرمه بلاعب القرن واحتفلوا معه باحراز مائة وسبعن هدف
                   |Articles |News |مقالات |بيانات

10-02-2013, 09:47 AM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: عذرا الكاتب تحت التمرين (Re: درديري كباشي)

    الافارقة الدين ندعي اننا سبقناهم في كرة القدم

    عادوا ليعلمونا دروس جديدة في كرة القدم بدون كرة

    قبل لك صرح ايتو والي لازال يحمل ضاحب اعلى راتب للاعب كرة قدم في العالم ..

    بأنه لايسهر ولا يشرب الكحول ولا يدخن ..

    الكرة تصبح التزام واخلاق من فقدهما ففدها
                   |Articles |News |مقالات |بيانات

21-02-2013, 11:17 AM

Mortada Adam

تاريخ التسجيل: 08-01-2013
مجموع المشاركات: 211

للتواصل معنا

FaceBook
تويتر Twitter
YouTube


Re: عذرا الكاتب تحت التمرين (Re: درديري كباشي)

    شكرا كباشي
    لاول مرة الواحد يقرأ ثلاثة صفحات بنفس واحد
    قال كاتب تحت التمرين قال !
    واصل
                   |Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de