سيد البيت

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 16-12-2018, 01:06 PM الصفحة الرئيسية

مدخل أرشيف الربع الاول للعام 2013م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
31-01-2013, 03:45 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


سيد البيت

    واقع المغتربين بصفة عامة مميز جدا .. وهو المجموعة من السودانيين الذين قهرتهم الظروف الاقتصادية او السياسية او اسباب اخرى فاضطروا ان يبحثوا عن ارزاقهم خارج ارض المليون ميل مربع ... لذلك تجدهم في الغربة قد وحدهم الحنين للوطن وللنيل وللتراب ... بما انه انا واحد منهم هذه المشاعر والاحاسيس كانت مصدر وحي والهام لكثير من مواضيعي ان لم يكن جلها هي نتاج لمعاناة الغربة ومفارقاتها ..ولكن. انا اعتقد ان الغربه كلها كوم والغربة في السعودية كوم لوحده لعدة اعتبارات منها طبيعة المجتمع نفسه وتمسكه بالشرع وتطبيقه على المرافق العامة ..
                   |Articles |News |مقالات |بيانات

31-01-2013, 03:47 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: سيد البيت (Re: درديري كباشي)

    مما جعل تقريبا معظم او قل كل المرافق العامة وخاصة التعليمية منها وقصور المناسبات تحديدا مقسومة لقسمين قسم للرجال وقسم للنساء ... و بالرغم من انه بعض هذه القصور مؤسس ومؤثث بصورة فخمة جدا وتجد النوافير في منتصف القاعات .. ولكن هذا لايمنع ان هنالك قسم للرجال وقسم للنساء كما توجد نساء لخدمة النساء ..هذه الطبيعة جعلت للنساء علاقات خاصة منعزلة عن علاقات الرجال ببعض
                   |Articles |News |مقالات |بيانات

31-01-2013, 03:50 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: سيد البيت (Re: درديري كباشي)

    معنى انه ممكن الزوجات في معهد ديني مثلا او اي معهد علمي او مناسبة زواج مثلا انه يصادقوا زميلاتهن وتتوطد الصداقه بمعزل عن الرجال ، لانه الرجال يصبح دورهم في انهم يستقبلوا زوجاتهم خارج هذه الدور والمعاهد ... ولكن كما ذكرنا لانه طبيعة المجتمع تفرض على النساء الا يستطعن التحرك بمفردهن فاصبح لزاما على الازواج ان يسوقوا زوجاتهم او بعبارة ادق ان يتحولوا الى سواقي عوائل ياخذون زوجاتهم الى صديقاتهن وحتى يصبح الامر معقولا يضطر الزوج ان يتعرف على زوج الصديقه في بعض الاحيان او قد لا تتوفر هذه المعرفة .
                   |Articles |News |مقالات |بيانات

31-01-2013, 03:52 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: سيد البيت (Re: درديري كباشي)

    ولكن يحدث مرات ان تكون احد هذه الزوجات عندها مناسبة خاصة عيد ميلاد طفل مثلا او نجاح احدى بناتها .... فتدعوا كل زميلاتها لهذه المناسبة في بيتها .. ليجد الازواج انفسهم متجمعين في الشارع بسياراتهم حول بيت صاحبة الدعوة في انتظار زوجاتهم ... قد يتجمع اكثر من عشر رجال بسياراتهم امام شقة ما او عمارة ولا يعرف احدهم الاخر .. او حتى معرفة سطحية لا تتجاوز عبارة ( راجل فلانة) الشهيرة .. الان سيدور الاسكتش او هذه القطعة حول هذه النقطة والتي سميتها سيد البيت .. والى المشهد الاول ..
                   |Articles |News |مقالات |بيانات

31-01-2013, 03:54 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: سيد البيت (Re: درديري كباشي)

    أمام عمارة في احد احياء الرياض يوجد ميدان صغير يلعب فيه مجموعة من الاطفال معظمهم سودانيين بدات بعض السيارات تتجمع حول الميدان بعد صلاة المغرب يقودها سودانيون بعضهم يرتدي الزي الشعبي وبعضهم بنطلون وقميص .. وقفت السيارات بعيدة عن بعضها مما يدل على ان هؤلاء القوم لا تجمعهم معرفة .. بعضهم نزل من سيارته واتكا عليها يتفرج في لعب الاطفال .. ويتم تبادل تحايا فاترا يجعلك تحس بانهم مغصوبون على هذا المشوار .وقفت انا بسياراتي مسبعا او مثمنا الحضور لا اعرف تحديدا لان بعض السيارات واقفة بعيد .

    (عدل بواسطة درديري كباشي on 31-01-2013, 03:55 PM)

                   |Articles |News |مقالات |بيانات

31-01-2013, 03:57 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: سيد البيت (Re: درديري كباشي)

    ولكن على غير العادة يجي طفل يبدو انه ابن صاحب البيت ويطلب مننا جميعا الدخول الى الشقة والجلوس في الصالون لتناول الشاي .. وهي كانت حفلة نجاح اي دخول ابنة صاحب البيت للجامعة ..على مضض بعد الحاح من الابن والذي كان يبدو عليه موصى بالا يتركنا في حالنا الا ونحن برفقته .. صعدنا جميعا الى الشقة قرب المسافة بيننا لم يغير شئ سوى بعض التحايا الفاترة المتراشقة بياماءات هنا وهناك .. دخلنا وجلسنا في الصالون في انتظار شاي اللبن والكيك .. ليس تشوقا او جوعا ولكن نريد ان نتخارج من هذا الموقف وهذا المكان ..
                   |Articles |News |مقالات |بيانات

31-01-2013, 04:04 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: سيد البيت (Re: درديري كباشي)

    حاولت انا ان افتح مواضيع قلت لعل النقاش ( يغني عن الكاش ) ..
    قلت : تفتكروا ميثاق الفجر الجديد دا ممكن يوحد السودان ويعيد السلام للبلد ؟؟ ..
    نظر الي الجميع باندفاع في الاول وتحفذ للاجابة .. ولكن بعد قليل تراجع هذا الاندفاع ولم اجد اي نقاش سوى بعض الهمهمات .. وقلت لابد ان الناس يرتابون في الحديث السياسي عندما لا يكونوا يعرفون بعضهم البعض وخاصة انه السؤال يبدو مفخخا جدا ولا يدل على تأييد أو معارضة لا للنظام ولا للمعارضة ..
    وقلت نجرب الكورة هلال مريخ ربما الكورة رغم سماجة النقاش فيها لكن هي ارحم من هذا الصمت القاتل ..يا اخونا تخيلوا انه اول مباراة هلال مريخ انه هيثم مصطفى ممكن يجيب هدف في الهلال ..؟؟؟؟
    لاحظت انه احدهم كان ملتحي جحظني بعين حمراء مرعبة وانا لا ادري هل هو هلالابي ام هو متدين لا يريد نقاشا في الكورة وفتح فمه وشمر كمي جلبابه وقال..




    وانا قلت مهما تكون النتيجة هي ارحم من هذا الصمت ..
                   |Articles |News |مقالات |بيانات

31-01-2013, 05:16 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: سيد البيت (Re: درديري كباشي)

    لمهم الرجل طلع هلالابي متعصب وانا قصدت انكش ناس الهلال لاني عارفهم متعصبين اكثر من المريخاب .. ورغما عن اني هلالابي المهم عمنا ابو دقن سخن فعلا ..

    قال هو هيثم فضل فيه حاجة ..

    راجنه كمان يجيب ليكم قون في الهلال

    طيب ارجوه

    انتو غير الرمم والمواسير عندكم شنو

    مواسير افريقيا دي كلها مرت بيكم

    حقو نادي المريخ دا يتبع لهيئة توفير المياه يمكن يستفيدو من المواسير ديل ..

    المهم مولانا طلع هلالابي متعصب

    وانا قررت استمر في مريخيتي رغما عن احساسسي بكتمة النفس قلت لنفسي يلا ماشي مريخابي يوم واحد ما بتقتلها زول ..

    يا احاج لو سمحت الاسم

    قال : ابو وليد ..

    قلت له يا ابوليد : هيثم دا كابتن السودان ولازم يذوق كاس محمولة جوا قبل ما يعتزل عشان كدا نحن ضميناه عشان نحقق له أمنيته
                   |Articles |News |مقالات |بيانات

31-01-2013, 05:51 PM

عادل عبد الرحمن حسن

تاريخ التسجيل: 12-01-2013
مجموع المشاركات: 70

للتواصل معنا

FaceBook
تويتر Twitter
YouTube


Re: سيد البيت (Re: درديري كباشي)

    يا الدرديري،....والله ياخ انت راجل جميل الله يديك الصحه ..ياخ دي ونسه طاعمة جدا ...بس نحن في بلاد العم سام بنختلف شويه ..لمماتنا شويه ونادرة جدا وكمان بدون شاي وكيك وهلال مريخ ..كلمة السلام عليكم الموضوع .. البرد ...الجليد ...التاكس ... ومواضيع كثيرة بدون إذن ..
                   |Articles |News |مقالات |بيانات

31-01-2013, 05:58 PM

Musab Osman Alhassan
<aMusab Osman Alhassan
تاريخ التسجيل: 16-01-2013
مجموع المشاركات: 557

للتواصل معنا

FaceBook
تويتر Twitter
YouTube


Re: سيد البيت (Re: عادل عبد الرحمن حسن)

    كاتبي المفضل وينك شحتفتنا كده من قبيل أتاوق ساي ...

    علك بخير يا جميل
                   |Articles |News |مقالات |بيانات

31-01-2013, 06:23 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: سيد البيت (Re: Musab Osman Alhassan)

    مشكور يا مصعب كت ناوي اشحتفها لكن عشان راح أردم.. أو كما يقولون
                   |Articles |News |مقالات |بيانات

31-01-2013, 06:21 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: سيد البيت (Re: عادل عبد الرحمن حسن)

    سلام يا عادل

    قلت ونستكم هناك من الصفر وانت طالع

    الله يلمنا في بلدنا ويزيل منها الكوابيس والله زهجنا
                   |Articles |News |مقالات |بيانات

31-01-2013, 06:40 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: سيد البيت (Re: درديري كباشي)

    المهم انا وجدت في ابو وليد الملتحي فرصة لاذابة الجليد كما يقولوا وتسخين النقاش ..
    وكما ذكرت اضطريت ان اضع نفسي خصمه .

    وقلت له : انتو ما رشاشات ( اقسم بالله انا اسمع ناس المريخ يقولوا للهلالااب يا رشاشات لكن لا ادري ماذا تعني ) لكن شعرت بأت ابو وليد جحظت عيناه ورجف شاربه لدرجة شعرت بأني تورطت لدرجة كادت ان تجعلني اعلن هلاليتي .... لكن تذكرت بأن حتى الموجودين من المريخاب باردين ولا يستطيعوا ان يتركوا الحوار ساخن ..

    قال ابو وليد : رشاشات نحن يا وصيفاب .. وانتو ماسكين لينا في كاسات جبتوها قبل ربع قرن .. يمين مانديلا ذاتو يكون ندم على كاسه داك ..

    قلت ليه : حانظل نحن أحسن حتى لو جبنا كاس قبل قرن وما راح تتساوا معانا الا تجيبو كاس زيه ..

    (عدل بواسطة درديري كباشي on 31-01-2013, 06:48 PM)

                   |Articles |News |مقالات |بيانات

31-01-2013, 06:47 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: سيد البيت (Re: درديري كباشي)

    في البداية انا كنت ناوي ان اكشف عن هلاليتي واترك مشجعي المريخ يكملوا الخصومة وانحاز لابو دقن .. لكن لاحظت ان مشجعي المريخ من النوع العقلاني الهادي الذي يرد بجمل مبتورة من نوع : كلامك صاح .. ماقصرت ... افحمتوا لكن .... ودا كان وين من زمان .. قلت في نفسي لو تركت لهم الموضوع سيعيدونا الى مربع الصمت الممل يلا خلونا مريخاب يوم واحد ما بيضر ولا بيعدم النفس .. ورحت مسخن الموضوع من جديد .. كان في كل مرة ينضم الينا زوج جديد حتى اكتظ الصالون بازواج الستات .. واخيرا لاحظت انه شخص جلس قربي جر احد الترابيز ( الطقاطيق ) الصغيرة وجلس عليها .. وانا اثناء نقاشي وحماسي مع ابو دقن والاخرين من الهلالاب التفت اليه وقلت له جملة عابرة لاني بصراحة غاظني جلوسه على الطربيزة الصغيرة .. قلت له همسا ( على فكرة سيد البيت لو شافك جالس على الطربيزة ما راح يرضى ) وعدت مواصلا الحوار الكروي غير انه هو رجعني برده قائلا : ما انا سيد البيت ..
    قلت له : قلت شنو ؟؟
                   |Articles |News |مقالات |بيانات

31-01-2013, 07:01 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: سيد البيت (Re: درديري كباشي)

    قال : قلت ليك انا سيد البيت ..
    قلت : ياراجل طيب انت نحن لينا ساعتين في بيتك ما تقول للناس مرحب بيكم في بيتنا وانا سيد البيت ..
    وقال : ياخي انتو اديتوني فرصة انا سلمت باعلى صوتي ما في واحد سمعني اخيرا قلت اجلس اسمع الحاصل شنو .
    بما انه انا المتحدث الرئيسي او المصرخ الرئيسي عشان نكون اكثر واقعية ... قلت لهم يا اخوان نقدم ليكم سيد البيت الاخ منو ؟؟ قال لي ابو عاطف : قلت ابو عاطف ... وصدرت همهمات الترحيب بعض الجمل التقطت منها ... مرحب بيك في بيتك يا ابو عاطف ..يمكن اول مرة تحدث في تاريخ البشرية ان يتلقى الرجل ترحيبا به في داره من الضيوف .
    فكرت في نفسي مستقلا فترة الهدنة : وقلت نحن لماذا ننفعل في الكورة هل نحبها ؟؟ .. انا اعتقد هو كبت نفسي الكلام في الكورة هو متنفس ليس اكثر .. لانه كورتنا اصلا لاتستحق هذه العصبية .. ولكن صراخنا وانفعالانا في الكورة قد يكون هو تنفيس عن مضايقات العمل او البيت او حتى السياسة ..
    اثناء سرحتي القصيرة هذه ياتي احد الاطفال يقطع الصمت بعبارة الجمتنا كلنا وجعلتنا نتلفت ..
    الطفل : هوي هوي يا اعمام هوي منو فيكم راجل محاسن ....
                   |Articles |News |مقالات |بيانات

31-01-2013, 08:41 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: سيد البيت (Re: درديري كباشي)

    كلنا سكتنا وتلفتنا لنعرف من فينا راجل محاسن لانه نداء سياتينا مثله في اي لحظة الشخص الوحيد الذي امن هذا النداء هو سيد البيت لانه انفجر بالضحك ...
    كشف راجل محاسن عن نفسه مغتاظا زاجرا الطفل : خلاص خلاص يا ولد امشي قول ليها سمعنا ( محاولا التمويه ولكن لم يتبع الطفل غيره )
                   |Articles |News |مقالات |بيانات

31-01-2013, 08:45 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: سيد البيت (Re: درديري كباشي)

    بعد قنبلة مين فيكم راجل محاسن التي اطلقها الطفل حصلت بلبلة كأن الجميع كانوا في غفوة او غيبوبة صحوا منها كل واحد حاول ان يتفادى الموقف القادم بالاتصال بزوجته ليبادر هو بدعوتها للخروج ..
    كان يجلس قربنا انا وسيد البيت واحد يبدو من سحنته ولهجته انه من اهل البطانة والذين يعتقدون ان نسبهم لزوجاتهم يعد من الكبائر التي لا كفارة لها لانه اولا بدا بجملة جعلت سيد البيت يكاد ينشرق يالضحك ..قل البطاني انا اخو الرجال) .. وبدا يبحث عن جواله حتى عثر عليه واتصل بزوجته محاولا الهمس واسماعها في ذات الوقت قدر الامكان : يا وليه امرقي برة خلاص انا برجاك تحت في العربية ..
    اما ابو وليد الهلالابي صاحب الصوت العالي حاول يبحث في جيبه باحثا عن جواله ليكتشف انه ناسيه في السيارة .. واخيرا يلجا لمنادة الطفل والذي عرفت فيما بعد انه عاطف ابن صاحب البيت ابو عاطف ..
    ابو وليد : تعال يا ولد قول لخالتك ام وليد امرقي ..
    الطفل بصوت عالي : عندنا جوة في ثلاثة حريم اولادهم اسمهم وليد ..
    ابو وليد محاولا معالجة الموقف : يا ولد وليد صاحبك ..
    عاطف : كل الوليدات اصحابي .
                   |Articles |News |مقالات |بيانات

31-01-2013, 09:11 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: سيد البيت (Re: درديري كباشي)

    ابو وليد : تعال يا ولد قول لخالتك ام وليد امرقي ..
    الطفل بصوت عالي : عندنا جوة في ثلاثة حريم اولادهم اسمهم وليد ..
    ابو وليد محاولا معالجة الموقف : يا ولد وليد صاحبك ..
    عاطف : كل الوليدات اصحابي .
    انا همست لابو عاطف : قلت خلي بالك ابو وليد اتورط ما عندو حل غير يقر باسم زوجته على الملا ..
    ضحك ابو عاطف شديد واصبح الجميع مركز على ابو وليد ..
    ابو وليد : خلاص امشي نادي لي وليد انا برسله لامه بعدين ..
    الطفل عاطف : ما قلت ليك يا عمو في ثلاثة وليد برة انت عاوز منو فيهم ...
    ابو وليد : قلهم الاسمه وليد عثمان عبد الله عمر يطلع يقابل ابوه .. ولا اقولك امش عند الحريم وقلهم ام وليد عثمان عبد الله تطلع على العربية ..
    واخيرا يجري الطفل محاولا تبليغ الرسالة ولكن قبل ما يصل ناحية قسم الحريم رجع يقول : قالولكم راجل السارة ام وليد يطلع برة ..
                   |Articles |News |مقالات |بيانات

04-02-2013, 01:04 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: سيد البيت (Re: درديري كباشي)

    المهم
                   |Articles |News |مقالات |بيانات

04-02-2013, 01:09 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: سيد البيت (Re: درديري كباشي)

    يخرج ابو وليد ( يطنطن .. الله يقطع الحريم وبلادتن المابتنتهي ) تحت موجة من الضحك .. ويبدو ان ابو وليد من النوع الذي يتعصب لكل شئ ليس الكرة فقط .. ويقيس كل الامور بميزان المكسب والخسارة ... بعد هذين الموقفين اصبح امر النداء عاديا كل شخص تم مناداته باي اسم كان خرج مودعا الاخرين .. على موعد اللقاء وبعد ان تم التعارف وتبادل التلفونات واقتراحات بتطوير العلاقة واخراجها من اطارها الحريمي لتصبح علاقة اجتماعية واسعة تساهم في امتصاص رواسب الغربة ربما بالرحلات والزيارات المتبادلة ..
    وخرجنا مودعين سيد البيت على حفاوته وصبره على تحملنا ..
                   |Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de