|
دعواتكم لزميلنا المفكر د.الباقر العفيف بالشفاء العاجل
|
|
 Re: يا الفاتح ميرغني لكن ما بالغت وشـــــــــــذّيت..!!! (Re: Abdlaziz Eisa)
|
بطبيعة العمل الجميل المتعب تعودت عيوننا أن تتكحل بمنشيتات الصحف كل صباح..
وعندما تكون هنالك بقعة جاذبة للأقلام تسابق العين اليد من أجل الوصول لصفحات الخبر..
بقعة الضوء التي سرقت الاهتمام خلال الاسبوع الماضي (كانت شرقا مشرقا) رغم اهتمامنا القوي بأحداث الوطن..
أن مؤتمر قادة العالم بمدينة طوكيو حاضرة اليابان كان له حيز شغل كل صحف الدنيا..
لكن ده كل كوم..
وصاحبنا وحبيبنا ود ميرغني ده عملها..
سواها وما أحلى عقباها...
| |
 
|
|
|
|
|
|
|
|
Re: يا الفاتح ميرغني لكن ما بالغت وشـــــــــــذّيت..!!! (Re: Abdlaziz Eisa)
|
كالعادة ومع أول الصباح بنفتح التلفزيون لنرى ما حدث وما سيحدث في الدنيا دي قبل الخروج للعمل..
مشهد الصورة هذه لم اركز فيه على التلفزيون ولا حتى على الصحف...
مثل تركيزي على هذه السيدة صاحبة الابتسامة الساحرة.. منذ أن كانت السيدة الاولى في العالم..
وبعدين.... (كانت) دي احتراما لزولتنا العبقرية ميشيل أوباما..
فالسيدة هيلاري كلينتون رمح الدبلوماسية الامريكية.. يعني أكبر وزير خارجية في العالم..
يا جماعة والله جاييكم برواقة لصاحبي الشذّ ده..
بس كما تقول بت ابوي سوما.. خلوني نقعد ليكم الكلام..
نهيئكم للقنبلة دي رويدا رويدا
ولكن يا جماعة الخير
صاحبي ده خصاني بأمر وانا بدون استشارته عايز افته ليكم..
يعني الصاحب لو رسل ليك اميل ما حلوة تفكه في الهواء..
لكن ساعدوني بالحجج..
انا متأكد حأكون أفسد عليه بوست..
لكن معليس سامحني..
| |
|
|
|
|
|
|
|
|
|
Re: يا الفاتح ميرغني لكن ما بالغت وشـــــــــــذّيت..!!! (Re: Abdlaziz Eisa)
|
أها ما قلت ليكم حكاية الصورة الفوق دي...
وهي مقدمة الحاجة الجاية بعدها..
صاحبي الشذ ده
أرسل اميل
ولما شفت ملحقاته رجعت للجريدة عشان الشبه والحال...
وصبرت تلاتة أيام بالجد حارة..
وما قدرت أمسك الشمار أكتر من كدا..
والفردة ده مشغول بهناك لا يرد على اميل ولا على تلفون وبيعتر ليهو المنبر..
غايتو لما يجي داخل الله معاهو..
خلاص يا جماعة
جاتكم..
| |
|
|
|
|
|
|
|
|
 Re: يا الفاتح ميرغني لكن ما بالغت وشـــــــــــذّيت..!!! (Re: Abdlaziz Eisa)
|
مساء الجمال
ألم ترَ كيف فعلت إبتسامة عود الأبنوس الأفريقي بتلك السيدة ؟
لقد جعل كيد إتزانها في تضليل عندما أرسل عليها صهداً مذاباً معتقاً منذ زمان عاد وإرم ذات العماد
فحين أشرق الصباح في وجه هيلاري تأكدت بما لا يدع مجالاً للشك أن الأرواح الأفريقية كانت وراء
هذا الصباح . الفاتح الذي لم ألتقه إلا في الحلم بسودان جديد شخصٌ قادرٌ علي الحب
يأتيك لطيفاً وريفاً كالفرح المعبأ في زجاجات ولا يتركك إلا بعد أن تتهاوي كواكب إبتساماتك
في ليل سحره وثمالة كؤوسه المترعة بالمحبات العظيمات !
فيا صديقي ألم ترَ كيف فعل حبك بياسين ؟؟
في ربيع الحب كنا نتساقي ونغني
نتناجي ونناجي الطير من غصنٍ لغصن
ثم ضاع الأمس مني وأنطوت في القلب حسرة
إننا طيفان في حلمٍ سماويٍ سرينا
وأعتصرنا نشوة الحب ولكن ما أرتوينا
إنه الحب !!
إنه الحب فلا تسل ولا تعتب علينا
وكانت الجنة مسرانا فضاعت من يدينا ....
إنه الحب يا عزيز يفتح طاقات ونوافذ يتسلّل منها الجمال فضفاضاً وريفا
الحب كان وراء هذا الصباح الذي أنبلج في وجه سفيرة الدبلوماسية العالمية وشيّد فيها هذا الحسن .
أحسدك يا صديقي علي هذا القلب المشرع حباً ونبلا، وأحسد تلك السيدة التي (جهجهت باكاتها) بذوقك
وأدبك وإبتسامتك الساحرة .
رقراق
شكرن يا عزيز علي هذا الجمال
وبالجمبة كده شوفوا لينا معاكم فرقة عشان ننشر السلالة الأفريقية في أحراش عزيزتي آسيا
فقد طال إنتظارها
شكرن كتيرن !
| |
|
|
|
|
|
|
|
|
|
Re: يا الفاتح ميرغني لكن ما بالغت وشـــــــــــذّيت..!!! (Re: انس التوم احمد)
|
الأرواح جنود مجندة ما تعارف منها ائتلف وما تنافر اختلف
والتي جاءت تتهادى لالتقاط الصورة التذكارية مبتعدة عن الحضور،
بعد تجاذب أطراف الحديث في الركن القصي من المؤتمر الدولي،
كأنما كانت تبحث لتوثيق ما دار، لأن للحديث وصلا وبقية مما ترك.
ولعل الرائي والمتابع والناظر إلى اللقطة المشرقة سوف يظل يتكهن
ماذا قال الفاتح لهذه السيدة، أو ماذا قالت هذه السيدة للأديب الأريب الحصيف الفاتح؟
بيد أني لا استطيع البوح بما دار كما فعل الأخ الصديق العزيز عبد العزيز عيسى بنشر الصورة.
سيظل ما دار وما صار مدعاة للتكهن سرا بيني وبين الفاتح إلى أن يأذن لي بكشفه؟
ولنا عودة لهذه الصورة التي ظل البعض يتمناها لمدة 23 عاما علها تفرج كرب أمة
أو ترفع حظرا عن بلد يكابد ليجد منفذا ولو ضوء مشكاة في نهاية الطريق المدلهم.
شكرا لك أخي عبد العزيز على إيراد الصورة.
ونستعير قول السيدة التي لم نخوض في تفاصيلها - إلى أن يحين الأوان - في المؤتمر
القومي للحزب الديمقراطي عام 2008، نستعير ما قالت ونقول للفاتح:
"No way No how No matter what ... keep going
| |
|
|
|
|
|
|
|
|
|
Re: يا الفاتح ميرغني لكن ما بالغت وشـــــــــــذّيت..!!! (Re: فضل الله خاطر)
|
Quote: الأرواح جنود مجندة ما تعارف منها ائتلف وما تنافر اختلف
والتي جاءت تتهادى لالتقاط الصورة التذكارية مبتعدة عن الحضور،
بعد تجاذب أطراف الحديث في الركن القصي من المؤتمر الدولي،
كأنما كانت تبحث لتوثيق ما دار، لأن للحديث وصلا وبقية مما ترك.
ولعل الرائي والمتابع والناظر إلى اللقطة المشرقة سوف يظل يتكهن
ماذا قال الفاتح لهذه السيدة، أو ماذا قالت هذه السيدة للأديب الأريب الحصيف الفاتح؟
بيد أني لا استطيع البوح بما دار كما فعل الأخ الصديق العزيز عبد العزيز عيسى بنشر الصورة.
سيظل ما دار وما صار مدعاة للتكهن سرا بيني وبين الفاتح إلى أن يأذن لي بكشفه؟
ولنا عودة لهذه الصورة التي ظل البعض يتمناها لمدة 23 عاما علها تفرج كرب أمة
أو ترفع حظرا عن بلد يكابد ليجد منفذا ولو ضوء مشكاة في نهاية الطريق المدلهم.
شكرا لك أخي عبد العزيز على إيراد الصورة.
ونستعير قول السيدة التي لم نخوض في تفاصيلها - إلى أن يحين الأوان - في المؤتمر
القومي للحزب الديمقراطي عام 2008، نستعير ما قالت ونقول للفاتح:
"No way No how No matter what ... keep going |
اي يا عمدة جيب من جوه
| |
|
|
|
|
|
|
|
|
|
Re: يا الفاتح ميرغني لكن ما بالغت وشـــــــــــذّيت..!!! (Re: انس التوم احمد)
|
Quote:
ياخي ادينا من الاخر ورانا ثورة ...
بعدين حبيبنا ده جيب نجيضته كلها ررررب وماتشحتفنا زي جادات .. |
ودالقاضي يا هبيب ويا حبباي!!
سلامات
الثورة وراك!!... هي حارات ولا شنو..
ختها قدام وتعالنا..
بوستينا ده ما طلع من تراك الثورة..
هسي الجماعة ديل كلهم زعلانين
من الشحاد لي الأنب رئيسه!!
مافي واحد فيهم قرّب ليها ساي خليك من صورة و و و
مودتي
| |
|
|
|
|
|
|
|
|
|
Re: يا الفاتح ميرغني لكن ما بالغت وشـــــــــــذّيت..!!! (Re: حسن طه محمد)
|
أعزائي/ حبيب نورة - أنس - فضل الله - فيصل فيسل - حسن طه
سلامات
الامر مرتبط برمح السياسات والدبلوماسية العالمية..
القمة هيلاري...
التي طالها ود ميرغني...
الابتسامات المسترسلة هذه تحتاج وقفة...
والله صحي شذاذ آفاق...
زول شذ في طوكيو
نحن جاتنا منها.......
بس الهزة المرتدة تكون..
يا جماعة
خلونا نجي بي رواقة
خالص التحايا لكم...
وللقمة المشذ
| |
|
|
|
|
|
|
|
|
|
Re: يا الفاتح ميرغني لكن ما بالغت وشـــــــــــذّيت..!!! (Re: محمد عبد الماجد الصايم)
|
Quote: إنه الحب !!
إنه الحب فلا تسل ولا تعتب علينا
وكانت الجنة مسرانا فضاعت من يدينا ....
إنه الحب يا عزيز يفتح طاقات ونوافذ يتسلّل منها الجمال فضفاضاً وريفا
الحب كان وراء هذا الصباح الذي أنبلج في وجه سفيرة الدبلوماسية العالمية وشيّد فيها هذا الحسن .
أحسدك يا صديقي علي هذا القلب المشرع حباً ونبلا، وأحسد تلك السيدة التي (جهجهت باكاتها) بذوقك
وأدبك وإبتسامتك الساحرة .
شكرن كتيرن ! |
الاديب الوريب حبيبنا يس نورة
يا فارس رماح الكلم..
يا درة عناقيد النضم
يا السحر المدوزن دواخلك
ذوق وفهم
قالوا شذّ
وجيت شذّيتنا نم
| |
|
|
|
|
|
|
|
|
|
Re: يا الفاتح ميرغني لكن ما بالغت وشـــــــــــذّيت..!!! (Re: محمد المرتضى حامد)
|
Quote: رقراق
شكرن يا عزيز علي هذا الجمال
وبالجمبة كده شوفوا لينا معاكم فرقة عشان ننشر السلالة الأفريقية في أحراش عزيزتي آسيا
فقد طال إنتظارها
|
حبيب نورة
يا من تحمل دواخلك الألق وقيم الجمال..
فقد تنزلت بطيب جوهرك فكسيت آسيا ذلك الرونق
واصبحت تشتهيك الموانئ
وخفقات موج الباسيفيك..
فالترحاب من ذاتك وفيك بك
ولتسعد الخضرة بطلّك
مرحبا
| |
|
|
|
|
|
|
|
|
|
Re: يا الفاتح ميرغني لكن ما بالغت وشـــــــــــذّيت..!!! (Re: Abdlaziz Eisa)
|
بالامس والصديق احمد كنا نتسامر في احدى نواحي جدة او مقاهيها , وعبر بنا الحديث بحر الصين لنجد انفسنا نتحدث عن القامة السودانية الاستاذ الفاتح ميرغني ممثلنا الذي في اليابان , حكي لي الصديق احمد انه التقي بالفاتح في عجالة حينما كان يزور طوكيو , تحدث عن الرجل حديث مليئ بالعزة والفخر , فعزيزنا الفاتح الذي في اليابان من السودانين المميزين الذين يقيمون بتلك النواحي رجل نابه ذكي , من القلائل الذين يجيدون اليابنية حديثا وكتابة الي درجة استخدامها في كتابة المقالات , بالاضافة الي اجادته للانجليزية باحترافية , لذا مثل هذه الصورة ليست بغريبة علي صديقنا الفاتح هذا الشاب القامة الذي نفاخر به
شكرا يا عزيز لـ هذه الاضاءة علي صديقنا الذي في اليابان ا
| |
|
|
|
|
|
|
|
|
|
Re: يا الفاتح ميرغني لكن ما بالغت وشـــــــــــذّيت..!!! (Re: اساسي)
|
Quote:
Uztaz Elfateh
I envy you for being with the woman who holds the world behind her smile.
Thanks Abdulaziz
|
عزيزي/ أنس التوم أحمد
The Unique
the Odd,
the distinguished
.................. man of Tokyo..........
the horizons
odd
of Cairo
The man that we need to generate letters and words to classify him although the shirt is already designed in Khartoum
a lot could be said, but the (Retainza) should be ready too
Thank u
| |
|
|
|
|
|
|
|
|
|
Re: يا الفاتح ميرغني لكن ما بالغت وشـــــــــــذّيت..!!! (Re: Abdlaziz Eisa)
|
Quote:
الأرواح جنود مجندة ما تعارف منها ائتلف وما تنافر اختلف
والتي جاءت تتهادى لالتقاط الصورة التذكارية مبتعدة عن الحضور،
بعد تجاذب أطراف الحديث في الركن القصي من المؤتمر الدولي،
كأنما كانت تبحث لتوثيق ما دار، لأن للحديث وصلا وبقية مما ترك.
ولعل الرائي والمتابع والناظر إلى اللقطة المشرقة سوف يظل يتكهن
ماذا قال الفاتح لهذه السيدة، أو ماذا قالت هذه السيدة للأديب الأريب الحصيف الفاتح؟
بيد أني لا استطيع البوح بما دار كما فعل الأخ الصديق العزيز عبد العزيز عيسى بنشر الصورة.
سيظل ما دار وما صار مدعاة للتكهن سرا بيني وبين الفاتح إلى أن يأذن لي بكشفه؟
ولنا عودة لهذه الصورة التي ظل البعض يتمناها لمدة 23 عاما علها تفرج كرب أمة
أو ترفع حظرا عن بلد يكابد ليجد منفذا ولو ضوء مشكاة في نهاية الطريق المدلهم.
شكرا لك أخي عبد العزيز على إيراد الصورة.
|
عزيزي/ فضل الله خاطر
سلام
أبداك من هنا ولا من هناك!!
حروفك ما بينها رقراق
ولا فجة تفج طريق
صورة وصورة
نمشي ونعيد
نقراها تاني وتالت ورابع
وكمان نعيد..
لكن بجيك
وأجيك
| |
|
|
|
|
|
|
|
|
|
Re: يا الفاتح ميرغني لكن ما بالغت وشـــــــــــذّيت..!!! (Re: Abdlaziz Eisa)
|
عبد العزيز .........سلام
غايتو انا ماعارف الزول ده وصل اتصور مع كلينتون دى كيف؟ لكن العارفه
ان هيلارى كلينتون دى بكون معمول ليها كبسولة امنية من يوم تتحرك لما ترجع
يعنى على كرتى لو كان حاضر كان اقرب نقطه ممكن يكون فيها تلاته كيلو منها
غايتو يا ود اختى اهنيك لكن الشمار كاتلنا المرة دى قالت ليك شنو وبتتبسم كده
وعدتها بزواج والا شى ؟ فى حالة وفاة عم كلينتون ..
جاييك بالمهلة بس مشغولين بثورتنا يا رقيق،،،
| |
|
|
|
|
|
|
|
|
|
Re: يا الفاتح ميرغني لكن ما بالغت وشـــــــــــذّيت..!!! (Re: صديق الموج)
|
Quote: غايتو انا ماعارف الزول ده وصل اتصور مع كلينتون دى كيف؟ لكن العارفه
ان هيلارى كلينتون دى بكون معمول ليها كبسولة امنية من يوم تتحرك لما ترجع
يعنى على كرتى لو كان حاضر كان اقرب نقطه ممكن يكون فيها تلاته كيلو منها |
الموج !!
بالله عليك ما تحرجنا تاني !
ده شذوذوا علي كافة المستويات وما بعيد يكون شذّ ليها أفقياً !!
أعدم نظري لو ما هيلاري دي تكون متضامنة مع حقوق الأقليات .
يا عمك الثورة مستمرة وح ننتصر بعد الإبتسامة أعلاه
| |
|
|
|
|
|
|
|
|
|
Re: يا الفاتح ميرغني لكن ما بالغت وشـــــــــــذّيت..!!! (Re: حبيب نورة)
|
الشي المحيرني شديد
شاذ الآفاق القدر علي ( إغواء ) ملامح سيدة الدبلوماسية الرصينة التي عرفناها لاحقاً ( مين كده هيلاري كلنتون ) لسه ما شرّف البوست ده !
أخشي من ( تسونامي ) آخر ربما يكون سبباً لا نعرفه وراء إحجام المذكور أعلاه عن التعليق في هذا البوست !
الله تعلم عموماً !!!
نرجو من أخوتنا وخصوصاً بورداب سنغافورة ( إن وجدوا علي قيد الحياة حالياً ) مدّنا بالأسباب الحقيقية لإختفاء تسونامي الجمال الذي ( لو جبنا إسمو الهوا بقسمو )
والله من وراء القصد
تقريباً كده !!
| |
|
|
|
|
|
|
|
|
|
Re: يا الفاتح ميرغني لكن ما بالغت وشـــــــــــذّيت..!!! (Re: حبيب نورة)
|
Quote:
الله تعلم عموماً !!!
نرجو من أخوتنا وخصوصاً بورداب سنغافورة ( إن وجدوا علي قيد الحياة حالياً ) مدّنا بالأسباب الحقيقية لإختفاء تسونامي الجمال الذي ( لو جبنا إسمو الهوا بقسمو )
والله من وراء القصد
تقريباً كده !! |
حبيب نورة الحبيب..
ما كنا نعرفه عن لعنة الفراعنة.. أن من لعنته الفراعنة بيروح فيها..
لكن من لعنته الفراعنة ويروّح بيها غيرو دي تبقى مصيبة!!.
تجيبني لمداخلة استثنائية!!
أنط كمين زول سمبلة!!
هسي الجرجرة دي شنو ياخ!!
بورداب سنغافورة دي على وزن "نحن فاروق ملك الفشقة وحلايب"!!!!!
المهم تسميتك .. أقصد المداخلة.. وصلت، ولو 13 ملعوبة..
تسال عن توحي
وعنوانو كلنتون..
كدا ناخد نفس ونجيك!!
مودتي
| |
|
|
|
|
|
|
|
|
|
Re: يا الفاتح ميرغني لكن ما بالغت وشـــــــــــذّيت..!!! (Re: Abdlaziz Eisa)
|
Quote: يا عزو
ما تخلي الناس في حالها
جنك كشف الحال
رزق ......................إليه
تحياتي لحبيبنا الروح وقام نسانا |
عزيزي/ حسن طه
سلام
ياخي توحة رخينا ليهو الحبل طلع في اليابان..
يعني بلاد الوق واق عديل..
وباقي شوية تلقوه في كوكب تاني
ولما وقف بكوكبنا المادي ده
وبدأ يشذ في كواكب تانية
وسماوات هناك
ما يجيبها الا الشمار ده
مودتي
| |
|
|
|
|
|
|
|
|
|
Re: يا الفاتح ميرغني لكن ما بالغت وشـــــــــــذّيت..!!! (Re: Abdlaziz Eisa)
|
الذاكرة الدبلوماسية عامرة بأسماء نجوم عالمية خرجت من سماء الدبلوماسية الأمريكية و ظلت خالدة في الذهن.
هناك رؤساء عظام في تاريخ الولايات المتحدة – ليس بالضرورة الاتفاق مع هذا التصنيف من قبل شعوب العالم الأخرى- بدء من جورج واشنطن ومرورا ب أبراهام لينكولن وفرانلكين روزفلت وهاري ترومان ودوايت إيزنهاور، جون كنيدي، ليندون جونسون، جيمي كارتر، رونالد ريغان وبيل كلينتون ولا ننتهي بباراك أوباما حتى لا نتهم بالانحياز على الرغم من تخليد اسمه كأول رئيس من بني جلدتنا في الولايات المتحدة.
وكما الرؤساء لمعت في هذا الفضاء أسماء وزراء خارجية مثل جون فوستر دالاس، وهنري كيسنجر ، سايروس فانس، جيمس بيكر ، وورن كريستوفر وهيلاري كلينتون (صاحبة الحظ السعيد بمجاورة ابن كردفان البار).
هيلاري رودام كلينتون بدأت بالعلوم السياسية في مدارس النخبة ثم القانون بجامعة يل ، ثم السياسة في عهد باكر حيث وصفت نفسها بأنها " a mind conservative and a heart liberal " عندما بدأت تتحول من أفكار الحزب الجمهوري إلى غريمه الديمقراطي. وقد قادتها ملازمتها لحاكم أركنساس الفتى النابه " بيل كلينتون" الزوج إلى أن تقترب من عالم السياسة وتمارسه من موقع السيدة الأولى في مرحلة متقدمه. ثم حققت هذا الحلم من موقع السيدة الأولى في مرحلة لاحقة.
السناتور عن ولاية نيويورك لفترتين متتاليتين طموح دفع كلينتون إلى التقدم أكثر، لتترشح في انتخابات عام 2008 الشهيرة، وهي انتخابات فارقة في تاريخ الولايات المتحدة، حيث انحصر التنافس في الحزب الديمقراطي بين امرأة مليئة بالطموح ورجل مليء بالآمال ذو خلفية اثنية وثقافية متعددة، كيف لا وهو صاحب مؤلف "جسارة الأمل" الذي خط فيه سيرة حياته وآماله العريضة. فسقوط جورج دبليو بوش الابن أمام أي من المرشحين، وبالتالي قدوم السناتور المرأة من نيويورك أو الرجل المملوء بالآمال من شيكاغو أو الاثنين معا فيما عرف بـ " dream ticket " كان أمرا حتميا.
هذه صورة مصغرة لصاحبة الحظ السعيد التي جاورت صديقنا العلم في الصورة ولعلها احتلت مكان أخرى سوف تأتي في المستقبل القريب، وربنا يستر من الغيرة.
ماذا قالت كلينتون للفاتح وماذا قال الفاتح لها وما سر البسمة العريضة هنا وهناك؟
وما الذي دفع السيدة كلينتون لتحظى بهذا اللقاء؟ هل هو تحقيقا لقولها في مؤتمر الحزب الديمقراطي خريف عام 2008، أم شيئا آخر ؟
أو كمال قالت : " No ceiling too high "
فوتكم بعافية
شكرا لك أخي عبد العزيز عيسى
| |
|
|
|
|
|
|
|
|
 Re: يا الفاتح ميرغني لكن ما بالغت وشـــــــــــذّيت..!!! (Re: صديق الموج)
|
اجش اجش اجش على قول حبوبتي
المرة دي يا الفاتح على قول عزيز العزيز بااااااااااااالغت فوكا
يا جنا يوم بتكتل ليك زول بي الخلعات البتجيبها لينا دي ، والله صحي
طبعا الحاجات دي لي اخونا الدبلوماسي الراقي عاااااااااااااااادي يا عزيز يا خوي
هو عليهو التصاوير ونحن الفرجة . لكن المرة دي والله لامن عيني برقن هههههههه
ها زول ها قت لي كلنتون بي فخامتها؟ الشيء البعرفوا يا ابو الفتوح الناس ديل مافي زولا بقرب جمبهم ضمة !
حرس وأمن وكده دحين على قول عزيز الونسات والضحكات والقفشات الباينة في الملاح دي كانت شنو ؟
الشمار حرقنا ياخ ، والله صحي
ما قلت ليها عندنا اختنا إسمها سوما بي جاي في حوش بكور ؟ لوووولز
في ناس يا عزيز لو اتصوروا مع قرود الطلح يجوا يقشروا لينا والله صحي ....
شوف الفاتح ده اتصور وما جاب خبر صورته زاتها اريتك يا يابا إت فخر السرور , ودقر العين وقل هو الله أحد
يا ود الموج عليك الله مي مغيسة تشق عديييييييييييييييييل ؟ كرتي وزير خارجيتنا !!!!
والفاتح ميرغني مستفيدين و مستمتعين بخبراته الثرة ناس غيرنا في اليابان , فهم وقلم زي فهم الفاتح ده المفروض يكون محتكر على الوطن
لو ناسنا بفهموا ! كتلنا فيك نحن السودانيين يا يا الفاتح يا خوي
لكن قريييب إن شاء الله ينعدل الحال ويجونا زس ناس الفاتح يمسكوا زمام البلد
ربنا يزيدك ويحفظك إن شاء الله
سلام للجميع ورمضان كريم إن شاء الله
وشكرا يا عزيز على اللفتة الجميلة للزول الجميل
| |
|
|
|
|
|
|
|
|
|
Re: يا الفاتح ميرغني لكن ما بالغت وشـــــــــــذّيت..!!! (Re: اسماء الجنيد)
|
Quote: عبد العزيز .........سلام
غايتو انا ماعارف الزول ده وصل اتصور مع كلينتون دى كيف؟ لكن العارفه
ان هيلارى كلينتون دى بكون معمول ليها كبسولة امنية من يوم تتحرك لما ترجع
يعنى على كرتى لو كان حاضر كان اقرب نقطه ممكن يكون فيها تلاته كيلو منها
غايتو يا ود اختى اهنيك لكن الشمار كاتلنا المرة دى قالت ليك شنو وبتتبسم كده
وعدتها بزواج والا شى ؟ فى حالة وفاة عم كلينتون ..
جاييك بالمهلة بس مشغولين بثورتنا يا رقيق،،، |
عزيزي بروف الموج
سلامات ورمضان كريم
في 2008 انعقد مؤتر وزراء دفاع الباسيفيك بسنغافورة
الاجتماع كان بنفس الفندق الذي به مكاتبنا وقتها
شانغريلا هوتيل..
جاءت كوندليزا رايز لتحضر هذا الاجتماع..
وسنغافورة تعد من قلائل الدول الآكثر أمنا وأمانا في العالم.. لكن رغم ذلك كانت الحواجز الامنية على بعد 500 مترا من الفندق مع قفل كل الطرق الجانبية التي تؤدي للفندق...
اضافة الى وجود كاميرات المراقبة والاجهزة الامنية الغير مرئية..
على مدى ثلاثة ايام مدة المؤتمر كنا نمر بهذه التعقيدات الامنية وبعد هذا كله كان محيط رايس شئ تاني..*
انعقد المؤتر الصحفي في اليوم الختامي بلوبي الفندق وقتها الفندق مقفول ( الجوة جوة والبرة برة)
هذه الاجراءات الامنية تؤكد ما ذهبت اليه يابروف بان كلنتون تتحرك بكبسولة أمنية..
بعدين ياخي كرتي الهوين ده شنو!!
بشبش ذاتو يشمها قدحة صورة زي دي...
ابوجهل ده مشى الامم المتحدة كم مرة؟ فهل حظي بسلام ساي مع مندوب الولايات المتحدة ناهيك عن وزير الخارجية..
نحن جبنا الصورة دي الجميلة ومستحيلة..
لكن ما حدث وراء البسمات دي مافي طريقة نقوله يا بروف..
وقالوا الكلام سمح في خشيم سيدو..
بجيك للمداخلة التانية يا برف..
تحياتي
* والطريف على حسب الشياكة فبعض الناس افتكروا الزول الاسود ده في حاشية رايس!!
| |
|
|
|
|
|
|
|
|
|
Re: يا الفاتح ميرغني لكن ما بالغت وشـــــــــــذّيت..!!! (Re: Abdlaziz Eisa)
|
Quote: أخى الفاضل الدكتور عبدالعزيز عيسى
التحية الطيبة لك و للاخ الفاتح ميرغنى و لضيوفك الكرام
حقا انه لشذوذ و مبالغة يحسد عليهما .... !! |
عزيزي الاستاذ/ الطيب رحمة قريمان
سلامات ورمضان كريم
من سليبياتنا كسودانيين عدم تقدير انفسنا
ومع الانقاذ تفاقمت الامور وتشرد الناس في الافاق!!
.
يكون التميز وراء الحدود..
وبلغة المواكبة الشذوذ برة
وشذوذ رأسي كمان..
بس الريتينزا مهمة
لك التحية أخي الطيب الطيب
ودمت بخير
| |
|
|
|
|
|
|
|
|
|
Re: يا الفاتح ميرغني لكن ما بالغت وشـــــــــــذّيت..!!! (Re: Abdlaziz Eisa)
|
Quote: والفاتح ميرغني مستفيدين و مستمتعين بخبراته الثرة ناس غيرنا في اليابان , فهم وقلم زي فهم الفاتح ده المفروض يكون محتكر على الوطن
لو ناسنا بفهموا ! كتلنا فيك نحن السودانيين يا يا الفاتح يا خوي
لكن قريييب إن شاء الله ينعدل الحال ويجونا زس ناس الفاتح يمسكوا زمام البلد |
بت الجنيد.................................سلام
يا اختى شايفك رددتى إسم الفاتح ده اربعه مرات فى تلاته سطور
انت قاصدة الفاتح ياتو؟ عشان ما تتلخبت علينا الاختساسات باقى
نحن ناس موعودون بالزهايمر..
لوووووووووووووووووووووووووووووووووووووووووووووووول،،،
| |
|
|
|
|
|
|
|
|
|
Re: يا الفاتح ميرغني لكن ما بالغت وشـــــــــــذّيت..!!! (Re: HAYDER GASIM)
|
الاخ العزيز/ محمد الصائم
سلامات ورمضان كريم
هنالك ابتسامات كلنتونية متمددة تبحث عن تلك الاطلالة المحببة التي عودتنا الرؤية الجميلة لمحمد عبدالماجد الصائم..
الصورة المتميزة ديك التي تجعل من وجودها مداخلة متكاملة..
نطالب بها قبل ان تكون مطلبا بوردابيا جارفا..
ونقول عود لينا يا ليل الفرح!!
لك التحية والود..
| |
|
|
|
|
|
|
|
|
|
Re: يا الفاتح ميرغني لكن ما بالغت وشـــــــــــذّيت..!!! (Re: Abdlaziz Eisa)
|
Quote: ولكن يا جماعة الخير
صاحبي ده خصاني بأمر وانا بدون استشارته عايز افته ليكم..
يعني الصاحب لو رسل ليك اميل ما حلوة تفكه في الهواء..
لكن ساعدوني بالحجج..
انا متأكد حأكون أفسد عليه بوست..
لكن معليش سامحني.. |
سلام يا بوعزيزي
ورمضان كريم.
لا عليك ياصديقي اعلم انك لم تفعل ذلك بقصد إنتهاك الخصوصية بقدرما دفعك إلى ذلك الإحساس بالمحبة والمعزة. بدوري، كنت سوف انزل الصورة في بوست" شخصيات مهمة جدا"، أو بوست "أضواء على فعاليات في اليابان".
إلى الاحباب الذين دثروني بكلمات طيبات مشفوعة بصادق الدعاء وأطيب الأمنيات ، يعلم الله بانني لم أتقاعس عن المرور بهذا البوست ترفعا او تجاوزا، فقامتي تقصر دونكم وهامتي تجثو امامكم ، فأنتم احباء عزاز إلى نفسي. الحق أنني كنت في رحلة عمل شاقة ومرهقة، ولم أعد منها إلا بتاريخ 22 يوليو 2012. وزاد من رهق السفر ورهق البدن رهق الحزن، حيث فقدنا بفعل الموت زميلا عزيزا وأخا كريما من ابناء الابيض. فأعذروني أن وجدت نفسي في حالة عجز عن الكلام او الكتابة. ولا يسعني إلا أن أزجي لكم أسمى آيات الشكر والتقديرعلى حسن الظن العريض والمحبة.
رمضان كريم وكل عام وانتم بخير،،
محبتي
| |
|
|
|
|
|
|
|
|
|
Re: يا الفاتح ميرغني لكن ما بالغت وشـــــــــــذّيت..!!! (Re: الفاتح ميرغني)
|
العريس جاء!!
Quote:
عزنا يا خطييييييييييييييير
أنت هيلاري كلينتون دي قلت ليها شنو لامن بتضحكـ قدر دا
شكلك كدا زول بتاع حنكـ ..... والله صحي
..
..
__
ما شاء الله تباركـ الله عينا باردة يا عزو
غايتو صورتك دي تقشر بيها لي جنا الجنا
والله صحي |
عزيزي الصفوي الامين البشاري
سلامات ورمضان كريم
يا حبيبنا كدا قول بسم الله
لقد اختط علينا الاختصاص!!
انا شاهد ما شافش حاجة
الباسمة خليها كوم
ومداخلتك دي حسب تاريخها قبل رمضان
ولا تكون آثار رمضان الماضي معاك!!
السنة الجاية ان شاء الله تعال صوم عندنا
أكيد تاني ما حتفط لينا سطر..
هسي الشوت البرة شبكة حيطلعنا من الكاس..
البركة في رمضان
وليك مودة
تحياتي
| |
|
|
|
|
|
|
|
|
|
Re: يا الفاتح ميرغني لكن ما بالغت وشـــــــــــذّيت..!!! (Re: Abdlaziz Eisa)
|
Quote: بالامس والصديق احمد كنا نتسامر في احدى نواحي جدة او مقاهيها , وعبر بنا الحديث بحر الصين لنجد انفسنا نتحدث عن القامة السودانية الاستاذ الفاتح ميرغني ممثلنا الذي في اليابان , حكي لي الصديق احمد انه التقي بالفاتح في عجالة حينما كان يزور طوكيو , تحدث عن الرجل حديث مليئ بالعزة والفخر , فعزيزنا الفاتح الذي في اليابان من السودانين المميزين الذين يقيمون بتلك النواحي رجل نابه ذكي , من القلائل الذين يجيدون اليابنية حديثا وكتابة الي درجة استخدامها في كتابة المقالات , بالاضافة الي اجادته للانجليزية باحترافية , لذا مثل هذه الصورة ليست بغريبة علي صديقنا الفاتح هذا الشاب القامة الذي نفاخر به
شكرا يا عزيز لـ هذه الاضاءة علي صديقنا الذي في اليابان ا
فعزيزنا الفاتح الذي في اليابان من السودانين المميزين الذين يقيمون بتلك النواحي رجل نابه ذكي , من القلائل الذين يجيدون اليابنية حديثا وكتابة الي درجة استخدامها في كتابة المقالات
|
عزيزي اساسي
سلامات ورمضان كريم
لقد تعرفت على حبيبنا الفاتح من خلال هذا الحوش .. يعني من بوستاته وكتاباته المتميزة.. من بوب مارلي وجاكسون الى الشخصيات المهمة وما بينها من بوستات ومداخلات..
فالرجل نشط وله امكانيات استطاع أن يوظفها بصورة ممتازة .. خطوات وصور تحكي نجاح شاب سوداني مثابر .
ومن المحزن ان قدرات وامكانيات شبابنا تتفجر ابداعات بعيدة عنا ويتشرف بها الآخرون.. فالتميز هذا أعطي الزول ده الفرصة ليشذ بحصوله على ثقة الآخرين ليمثلهم في مناسباتها.. فالامارات تشرفت به في تقديم جائزة أميرها الثقافية الرفيعة ثقافية...
وفعلا للفاتح باع في اللغة اليابانية .. وده شئ تفاجأت به عندما أرسل لي صديق سنغافوري شريط لزول أسود بيتكلم ياباني بطلاقة.. فالدهشة وكمية الفرح أن الزول المقصود هو الفاتح..الذي كان يقدم الجائزة للبطل باللغة اليابانية .. وسبقتني عيون اليابانيين بدهشة الجمهور في الزول الاسود المجضم اللغة ده...
بالجد شئ مفرح عندما تجد نفسك تشاهد نجاحات السودانيين في المنافي.
الفيديو الملحق هنا بيان عملي لتجويد الزول ده للغة.. بس نقول ما شاء الله وربنا يغطي..
تحياتي
http://youtu.be/WkkJJXDvdiM
| |
|
|
|
|
|
|
|
|
|
Re: يا الفاتح ميرغني لكن ما بالغت وشـــــــــــذّيت..!!! (Re: Abdlaziz Eisa)
|
Quote: أها دا واحد من السودانيين الافذاذ,أرشحو يكون وزير خارجية الفترة الإنتقالية.
شكرا الفاتح ميرغني وانت تثبت بيان بالعمل ان في السودان عباقرة وان رحم السودان الولود لم ينضب بعد.
شكرا عبد العزيز وأنت تجعلنا نفتخر بهذا الفاتح وعلي الهواء مباشرة. |
الاخ العزيز/ مرتضى عبدالجليل
سلامات ورمضان كريم
عرفت الدبلوماسية السودانية على مر العصورة بسموها ورفيع قادتها..
من محمداحمد، أحمد محمد خير الى منصور خالد وبشير حامد.. وتوفيق
ثم
وقع التردي والتدني في عهد الانقاذ التي مارسوا فيها المحسوبية والعنصرية الكريهة..
وجئ بأناس ليس لهم باع في الدبلوماسية، لا التفكير ولا حسن التصرف..
ويكون عليها واحد قزم زي مصطفى عثمان يشتم الشعب بالشحدة!!
والله احتج بشدة لو عينة مصطفى ده ولو يكون بواب على مكتب الوزير الفاتح ميرغني!!
لك التحية والمودة..
| |
|
|
|
|
|
|
|
|
|
Re: يا الفاتح ميرغني لكن ما بالغت وشـــــــــــذّيت..!!! (Re: Abdlaziz Eisa)
|
Quote: عبد العزيز ............سلام
كونو الفاتح ما يجى داخل هنا يدى ناس حبيب زعيط ومعيط وماتعرف
مين فيصل خليل وباقى شذاذ الافاق كلمه عاااااااااااااااااااااااااااادى
لكن مقصوفة الرقبة هيلارى دى ما تجى ترد علينا و تعبرنا ده الشى المحيرنى
تكون مهكرة ياربى والله صحى ،،، |
عزيزي الغالي بروف صديق الموج
سلامات ورمضان كريم
هيلاري كلنتون قامة دبلوماسية لا يطالها من مشى هذا الدرب..
ولو ما الحظ العاثر أن يصطدم ترشحها من الديمقراطيين بأوباما وتميزه النوعي لما وقف في طريقها للبيت الابيض حتى دورتها الثانية اي منافس..
هذه المرأة الخطيرة لخصت الشأن السوداني الراهن بوقفتها أمام الكاميرا مع حبيبنا الفاتح وما أوجزته من كلمات سبقت الصورة..
وتهادت متواصلة في الابتسامة المتميزة..
هيلاري سلمت مداخلاتها للفاتح مسبقا..
واظنه بدأ مشواره الدبلوماسي مبكرا بجولة الصين عقب الصورة هذه..
وفجر اليوم أرسل اميلا مقتضبا وهو في مطار طوكيو متجها الى كوريا..
الوزير مشغول يجي يفتو لينا..
تحياتي
| |
|
|
|
|
|
|
|
|
|
Re: يا الفاتح ميرغني لكن ما بالغت وشـــــــــــذّيت..!!! (Re: Abdlaziz Eisa)
|
وصل بالسلامة عزيزنا. الأديب الفاتح ميرغني الى ارض. الهان. الشعب الذي. فرقته الحرب.
المؤدلجة رغم. الأواصر التي. لا. تنفصم
استقبلنا. الأديب الفاتح. في سول وما. أحلى. السمر. على. ضفاف. نهر. الهان. الذي. يجري. رقراقا. كما. سليل. الفراديس نيلنا الخالد
رحبوا. معي بالأخ. الفاتح. يا عبد العزيز. ونتمنى. ان تطيب. له الإقامة. بيننا في. كوريا
اما. صاحبة. الحظ السعيد. فسنعود. الى. سر. بسمتها العريضة. مع. قنديل. كردفان. الضاوي
أخوكم
| |
|
|
|
|
|
|
|
|
|
Re: يا الفاتح ميرغني لكن ما بالغت وشـــــــــــذّيت..!!! (Re: فضل الله خاطر)
|
Quote: وصل بالسلامة عزيزنا. الأديب الفاتح ميرغني الى ارض. الهان. الشعب الذي. فرقته الحرب.
المؤدلجة رغم. الأواصر التي. لا. تنفصم
استقبلنا. الأديب الفاتح. في سول وما. أحلى. السمر. على. ضفاف. نهر. الهان. الذي. يجري. رقراقا. كما. سليل. الفراديس نيلنا الخالد
رحبوا. معي بالأخ. الفاتح. يا عبد العزيز. ونتمنى. ان تطيب. له الإقامة. بيننا في. كوريا
اما. صاحبة. الحظ السعيد. فسنعود. الى. سر. بسمتها العريضة. مع. قنديل. كردفان. الضاوي
|
عزيزي الاخ فضل الله
سلامات
الف الف حمد على وصول توحي عندكم..
ونعم المقام الذي لاشك يطيب عندكم وبكم..
يحلو ويزدان سمركم ونمد مسامعنا لتطرب مع الآفاق..
بس النيل يظل هو الواحد المتوحد بغربة البلد..
الهان.. وله ولهان رقراق نسيم وموج...
وتزدان سيول
برفقة فتوح
وطموح
صبوح
ولحين تتواصل تلك المسيرة...
المداخلة خبرية فخطفت رد بت ابوي سوما...
| |
|
|
|
|
|
|
|
|
|
Re: يا الفاتح ميرغني لكن ما بالغت وشـــــــــــذّيت..!!! (Re: Abdlaziz Eisa)
|
اجش اجش اجش على قول حبوبتي
المرة دي يا الفاتح على قول عزيز العزيز بااااااااااااالغت فوكا
يا جنا يوم بتكتل ليك زول بي الخلعات البتجيبها لينا دي ، والله صحي
طبعا الحاجات دي لي اخونا الدبلوماسي الراقي عاااااااااااااااادي يا عزيز يا خوي
هو عليهو التصاوير ونحن الفرجة . لكن المرة دي والله لامن عيني برقن هههههههه
ها زول ها قت لي كلنتون بي فخامتها؟ الشيء البعرفوا يا ابو الفتوح الناس ديل مافي زولا بقرب جمبهم ضمة !
حرس وأمن وكده دحين على قول عزيز الونسات والضحكات والقفشات الباينة في الملاح دي كانت شنو ؟
الشمار حرقنا ياخ ، والله صحي
ما قلت ليها عندنا اختنا إسمها سوما بي جاي في حوش بكور ؟ لوووولز
في ناس يا عزيز لو اتصوروا مع قرود الطلح يجوا يقشروا لينا والله صحي ....
شوف الفاتح ده اتصور وما جاب خبر صورته زاتها اريتك يا يابا إت فخر السرور , ودقر العين وقل هو الله أحد
يا ود الموج عليك الله مي مغيسة تشق عديييييييييييييييييل ؟ كرتي وزير خارجيتنا !!!!
والفاتح ميرغني مستفيدين و مستمتعين بخبراته الثرة ناس غيرنا في اليابان , فهم وقلم زي فهم الفاتح ده المفروض يكون محتكر على الوطن
لو ناسنا بفهموا ! كتلنا فيك نحن السودانيين يا يا الفاتح يا خوي
لكن قريييب إن شاء الله ينعدل الحال ويجونا زس ناس الفاتح يمسكوا زمام البلد
ربنا يزيدك ويحفظك إن شاء الله
سلام للجميع ورمضان كريم إن شاء الله
وشكرا يا عزيز على اللفتة الجميلة للزول الجميل
الاخت العزيزة/ سوما الجنيد
سلامات ورمضان كريم
نقرا ونقيف مرات ومرات
كلامك السهل الممتنع
واسمحي لينا نشتر ساي كدا
عشان الفاتح شذ
عشان نضمي الحروف لا يرتقي
مصاف الشعر وهرم الادب سوما
لما الزول يكون عايز يخاطب الشموخ
يجيك احساس كدا غريب
خاصة والواحد شايل نفس االكلمة الاداة
زي الزول الشايل ليهو بضاعة وعايز يبيعها في مصنعها
نخلي باقي القصة
ونمشي طوكيو محطة
عشان الفاتح شذ
سماحة الوقفة
وسامة القشرة
البسمة الرسمة الزينة وحشمة
بداية السكة
وديك الطلعة
وبكرة..........
| |
|
|
|
|
|
|
|
|
|
Re: يا الفاتح ميرغني لكن ما بالغت وشـــــــــــذّيت..!!! (Re: Elmosley)
|
Quote: والله انا ذاتي فرحان ياخي صاحبي
يتصور مع السياسية الآولى التي آحبها
ده كلام خطير ياعبد العزيز
تحتح ده انا لازم آمشي ليهو في اليابان ذاتها |
عزيزي الاستاذ/ الموصلي
سلامات ورمضان كريم
تأتلف المزايا والخواص المتشابهة
ويمتزج الطيب بالخير
فهكذا
صاحب القلب الكبير يسعد بكل حسن وسعد
هيلاري غير
هي زولة بتندس في الدواخل بلا استئذان
طالعها متفرد وتميزها ابتسامة ولا كل أهل سياسة العم سام!!
وبالله قبل تمشي
تميل على بيت صغير
تلقانا فارشين ليك الورود بدرة الباسيفيك وتاج الجمال سنغافورة..
سويعات بسنغافورة تخليك تلحن مقدمة ابن خلدون
مودتي
| |
|
|
|
|
|
|
|
|
|
Re: يا الفاتح ميرغني لكن ما بالغت وشـــــــــــذّيت..!!! (Re: فيصل محمد خليل)
|
Quote:
ول ميرغنى و ول عيسى عيدكم سعيد وعام سعيد اكثر رحمة واقل جنونا
لكم تحياتى ومعزتى ..دوما
|
الطوربيــــــــــــــــــــــــــــــــــــــــــــــــــــــــد
سلامات وكل عام وانتم بخير
العيد مبارك عليكم وعلى ضيوفك البورداب الزينين..
ويارب نلتقي مرة تانية وتالتة..
في ربوع جـــدة
جــدة يا وهج الشموس
جدة غير
| |
|
|
|
|
|
|
|
|
|
Re: يا الفاتح ميرغني لكن ما بالغت وشـــــــــــذّيت..!!! (Re: عبد الحميد المقابل)
|
عزيزي/ فيسل محمد هليـــــــــــــــــــــــــــــل
سلامات
كل عام وانتم وبخير
تتبارك كل أيامك ولياليك..
ويتعاود العيد بالخير واليمن والبركات..
Quote: عبد العزيز ، كل سنة و أنت بألف خير.
الموضوع ده مافيهو خج. يعنى مافيهو ريحة فوتوشوب و الحاجات دى. ؟.
توحة سلامات و بختك أيدك بقت واصله أوى.
|
عزيزي/ عبدالحميد المقابل
كل سنة وانت طيب..
يا حليل الخج..
ناس الجداد الالكتروني بيشتغلوا بكل ما توفر لهم من مكر وخبث وراء الحاجيات دي..
الصورة دي وما تبعها كانت واقعا معاشا ومشهودا..
وحاجة أصلا لا تحتاج لفبركة ياخوي حميدو..
ناس الارصاد قاعدين...!!
تعاملي مع الكمبيوتر قرافيكس من 1998م يعني خبرة 15 سنة غير ما سبقها ضعفا تعاملا مع الفرشاة..
ولو بالامكان عمل أي شئ فيكون في الجانب الحميد ان شاء الله..
يعني لا خج ولا تخجيج....ههههههههههه
مودتي
| |
|
|
|
|
|
|
| |
Abdlaziz Eisa
فايزودالقاضي
حبيب نورة
انس التوم احمد
فيصل محمد خليل
حسن طه محمد
الطيب رحمه قريمان
محمد عبد الماجد الصايم
الامين موسى البشاري
محمد المرتضى حامد
اساسي
صديق الموج
اسماء الجنيد
HAYDER GASIM
الفاتح ميرغني
Elmosley
معاوية عبيد الصائم
.jpg)
عبد الحميد المقابل
فيس بوك
تويتر
انستقرام
يوتيوب
بنتيريست