دعواتكم لزميلنا المفكر د.الباقر العفيف بالشفاء العاجل
|
|
 ملخص الايميلات المابتنفع معاي نهــــــــــــائي... منقول!!
|
1
ملخص الرسائل المابتنفع معاي نهائي
أولا: المقاطعة:
قاطع المنتجات الأمريكية لأنها تدعم اسرائيل.
قاطع المنتجات البريطانية لأنها تدعم أمريكا.
قاطع المنتجات الدينامركية عشان الكاريكاتير.
قاطع المنتجات الهولندية عشان الفلم.
قاطع المنتجات الألمانية لأنها جنب الدول السابق ذكرها.
و في النهاية نحن بنرسل لى بعض بعض مستخدمين الاجهزة كومبيوتر و اتصالات والشبكة
و البرامج الامريكية، و كل واحد فى بيتو مركب مكيف امريكى و سخان امريكى و تلاجة امريكية ..
يعنى بس حبكت على البيبسى و الشوكلاتة.
------------------------------------
ما تشرب البيبسي لأنه يحتوي على مواد تنظيف و عصارة خنزير.
ما تشرب ريد بول لأنه يسبب العقم..
ما تشرب شامبوين لانو غير خالى من الكحول ( فيهو كم خط)
ما تشرب عصائر طبيعية لانو فيها مواد ملونة
ما تشرب عصير طبيعي لأنه يأتي على شكل عصارة مركزة
يعنى بالعربى كدا الناس تشرب عرديب و كركدى و تعتمد على المريسة كمشورب روحانى
لا تأكل لحم البقر لأنه يسبب جنون البقر.
ما تأكل الجداد بعمل انفلونزا الطيور
ما تأكل سمك بعمل بواسير السمك
ما تأكل خضار و لا فواكه لأنها كلها هرمونات
ما تأكل معلبات لأنها تحتوي على مواد حافظة
وما تشرب عصير غير طبيعي لأنه كله ألوان
طيب يعني ناكل هوا؟!!! لأ طبعا اوعك من الهوا ,
اساسا الهوا دا ملوث بعوادم العربات و المصانع.
ما تدخن و ما تشرب شاي و لا قهوة علي الريق
لا تأكل مباشرة بعد الاستيقاظ من النوم
اشرب ثلاث اكواب من الماء على الريق لاذابة الدهون
شراب الماء على الريق يرهل البطن
لا تمارس الرياضة بعد النوم الا بنصف ساعة
يعني أحسن حاجة .... انك تقوم من النوم و تنتحر
ما تخلي الموية في الثلاجة داخل علبة بلاستك لأنه مسرطنة
ما تخليها في قزاز لانو ممكن ينكسر بدون ما تعرف و تشربه و تموت.
و ما تخلية برة التلاجة لأنها ممكن يتلوث.
و اياك تشرب من الماسورة لانها ما صحية
ما تشرب موية من الحنفية لأنها معالجة بالكلور
ما تشرب موية مفلتره لأنها تسبب نقص فيتامين
و ما تشرب موية صحة لانها مكررة و فيها مواد مسرطنة.
ما تشرب موية الزير لانو فيهو طحالب
ما تشرب موية بعد الأكل بتعمل غازات.
يعنى احسن اننا نشتغل بى نظرية السمك و نشرب الماء المذاب فى الهواء
ما تتكلم علي الموبايل بدون سماعة اضان عشان الموجات بتقتل خلايا المخ
و ما تتكلم عن طريق السماعة عشان الكهربا الساكنة
و ما تتكلم عن طريق البلوتوث عشان الموجات برضو بتقتل خلايا المخ
ما تتكلم بالتلفوت الثابت لأنو ممكن يوصل الصواعق و يحرق ابو اهلك
ما تتكلم بالماسنجر لأنو بيضعف البصر
احسن حاجة انو لو عندك كلام مع زول تلاقيهو فى حدائق ستة ابريل و تتكلموا على راحتكم
ما تشغل التكييف بتاع العربية اول ما تركب لأنه مسرطن
وما تخلي الهوا يجي من بره لأنو ملوث
ما تلخبط الفريون بالهواء الجاء من برة لأنو بيعمل التفاف الوجه
احسن حاجة تركب مكيف موية فى عربيتك
و اطلع في الشمس عشان فيتامين "د"
و ما تطلع في الشمس عشان الأوزون بيعمل سرطان
واطلع فى الشمس عشان تروح البهق و تحرق الدهون
وما تطلع فى الشمس عشان ما تتلف اهداب الشبكية
احسن حاجة تطلع لمن يكون فى كسوف و خسوف بس
|
|
 
|
|
|
|
|
|
|
|
Re: ملخص الايميلات المابتنفع معاي نهــــــــــــائي... منقول!! (Re: Abdlaziz Eisa)
|
2
ثالثا: الدين و ما ادراك ما الدين
اخخخخخخخخخخ انا من الرسائل الدينية
قم بإرسال هذا الايميل لجميع من عندك وتكسب 258649735 حسنة ....
(ياخ انا محتاج 326 حسنة بس و اخش الجنة )
ما علينا شوف المغصة الجاية دي لانها ورمت لي قلبي من كترة ما جاتني
حارس قبر الرسول (صلى الله عليه و سلم) اسمه احمد حلم ان الرسول
(صلى الله عليه و سلم) قال ليهو انه لازم يوصل الرسالة دي.............
ياخ هو الغفير بتاع الحرم متين سوا ليهو ايميل
اذا لم ترسل هذا الايميل ل100 شخص بقرتك حا تموت فى الولادة و خروفك صوفو حا يتحتا
و ابوك حا يطلق امك و حبل الغسيل بتاعكم حا ينقطع و يوقع الهدوم المغسلة .. و بالمناسبة فى
واحد كان محكوم بالاعدام و رسل الرسالة دى و طلع براءة وواحد تانى مدير شركة ابا يرسل الرسالة
و الشركة بتاعتو حرقت
ياخ انعل ابو دا تفكير زاتو .. ابيت ما برسلا و نشوف البحصل
و ايميل يقولك دعاء من دعاه حققت له 100 أمنية
دعاء الامتحانات, دعاء المرة الدايرة تولد , دعاء فتح اللابتوب, دعاء ركوب الاصانصير, دعاء طهى البيتزا
بتجبوا الكلام دا من وين دا مصباح سحري ما دعاء
و بعدين فتوى تحريم الكوكاكولا
و فتوى تحريم "البوكيمون"
و فتوى تحريم "البلايستيشن
فتوى تحريم سماعة البلوتوث
فتوى تحريم ايسكريم الشعلة"
و أحلا فتوى فيهم .. فتوى قتل "ميكي ماوس" دا يلقوهو وين..
و الله لو لاقانى بقتولو طوالى
يعني أحسن حل ....
انه الواحد لا ياكل و لا يشرب و لا يتنفس و يركب الحمار بدل العربية
ويشتغل فى فرن و يلبس ريش
نعام و يرسل جوابات بالبوسطة
ملاحظه: اذا لم ترسلها الى 35 كديستك حاتتزوج عرفى و تجيب ليك كدايس غير شرعيين
ملاحظة تانى : بالله الزول البتصلو رسالتي دي تانى ما يرسل لى رسالة بتشبه واحد من انواع تارسائل
دى و الا حااضطر اتخذ اجراءات صارمة معاو
| |
|
|
|
|
|
|
|
|
|
Re: ملخص الايميلات المابتنفع معاي نهــــــــــــائي... منقول!! (Re: Abdlaziz Eisa)
|
سلامات استاذ عبدالعزيز
كل سنة و انت طيب و ان شاء الله ربنا يقق الفي بالك
| Quote: اخخخخخخخخخخ انا من الرسائل الدينية |
دي بتمرضني عديييييييييييييل كده
انته عارف اي شخص بيرسل رسائل زي دي برسلها راجعه ليه حوالي 50 مرة عشان اكره يرسلها لي تاني .
تحياتي لك و لناس سنغافورة الــ 8 ( عشان العريس الايام دي معاكم هناك اصبحتو 8 )
| |
|
|
|
|
|
|
|
|
|
Re: ملخص الايميلات المابتنفع معاي نهــــــــــــائي... منقول!! (Re: سيف اليزل جعفر عبد الرحمن)
|
عبدالعزيز الحلو سلامات ( انت عارف ليها انا قلت الحلو دي)
والله يا الحلو و سيف اليزل ما تتخيلوا انا جنس الرسايل دي بتفجر مرارتي قدر كيف ... انت عارفين انا خسرت فيها واحد من معارفي لكن والله ما ندمان ... يا خي الزول دا كل يومين يقول ما عارف دي رسالة لو رسلتها حتلقي كدا و لو ما رسلتها حيحصل ليك كدا ...
مره فاض بي و انا كنت في مزاج كعب لا سمح الله قمت ردت عليهو
قلت ليه ياخي انت رسلت اكتر من 100 أميل و أنا ما رديت عليك يعني بالعربي كدا انا متجاهلك يا ودالناس و مفروض تفهم و تاني ما ترسل لي خمجك ووهمك دا لكن شكلك ما بتفهم عشان كدا لو سمحت تاني ما ترسل و بعدين انا ما داير ثواب يجيني من رسالة تافهة زي دي و بالمقابل ما خايف من أي عذاب ممكن يجي منها ... يلا قوم لف)
| |
|
|
|
|
|
|
|
|
|
Re: ملخص الايميلات المابتنفع معاي نهــــــــــــائي... منقول!! (Re: حافظ حسن ابراهيم)
|
Quote: سلامات استاذ عبدالعزيز
كل سنة و انت طيب و ان شاء الله ربنا يقق الفي بالك
Quote: اخخخخخخخخخخ انا من الرسائل الدينية
دي بتمرضني عديييييييييييييل كده
انته عارف اي شخص بيرسل رسائل زي دي برسلها راجعه ليه حوالي 50 مرة عشان اكره يرسلها لي تاني .
تحياتي لك و لناس سنغافورة الــ 8 ( عشان العريس الايام دي معاكم هناك اصبحتو 8 ) |
العزيز سيف
سلامات
كل عام وانتم بخير
موضوع الرسائل وتكرارها دي بايخ شديد..
تصور كم من مرة نفس الرسالة تجيني عشرة مرات!!
رغم اني مع أي رسالة تقول لي : اذا اعدت ام لم تعد ارسالها سيحصل ليك كيت وكيت.. على طول أمسحها..
بالأمس كنا مع العريس منوت وعروسته حتى الساعة 12.30 ليلا ومنتظر منه تلفون
هسي..
خلعتني يا حبيب
انت متابع الأخبار دي بي قوقل ايرث؟؟
صدق كنت قبل لحظات بفكر في بوست ترحيبي بي دوكة..
اللاعب الدولي ده سجلناه بالإعارة لمشاركتنا أفراح العيد وكمان يرفع عددنا
إلى سبعة مش ثمانية!! لأنه أمس غادر منا واحد إلى السودان!!
تحياتي
| |
|
|
|
|
|
|
|
|
|
Re: ملخص الايميلات المابتنفع معاي نهــــــــــــائي... منقول!! (Re: Abdlaziz Eisa)
|
Quote: عبدالعزيز الحلو سلامات ( انت عارف ليها انا قلت الحلو دي)
والله يا الحلو و سيف اليزل ما تتخيلوا انا جنس الرسايل دي بتفجر مرارتي قدر كيف ... انت عارفين انا خسرت فيها واحد من معارفي لكن والله ما ندمان ... يا خي الزول دا كل يومين يقول ما عارف دي رسالة لو رسلتها حتلقي كدا و لو ما رسلتها حيحصل ليك كدا ...
مره فاض بي و انا كنت في مزاج كعب لا سمح الله قمت ردت عليهو
قلت ليه ياخي انت رسلت اكتر من 100 أميل و أنا ما رديت عليك يعني بالعربي كدا انا متجاهلك يا ودالناس و مفروض تفهم و تاني ما ترسل لي خمجك ووهمك دا لكن شكلك ما بتفهم عشان كدا لو سمحت تاني ما ترسل و بعدين انا ما داير ثواب يجيني من رسالة تافهة زي دي و بالمقابل ما خايف من أي عذاب ممكن يجي منها ... يلا قوم لف) |
العزيز/ حافظ
سلامات
وكل عام وانتم بخير..
حلو دي كان بجد حلو قبل رحيل قرنق!!
علشان الرسائل من النوع ده.. أنا مشيت للدكتور فكتب لي وصفة جميلة جدا تشفي من عللها..
فقط حبة واحدة عند اللزوم!! ( ما اللزوم بت عوج الدرب)... قال لي دي اسمها موجود عندك
على الكيب بورد.. وساهلة كمان بدون مية لزوم الصيام وكدا... أول ما تشوف رسالة من هذه
الشاكلة أو تحس بأعراضها من زهج, ضجر, تشنج, قلق, زغللة..إلخ ما عليك إلا وتضغط على: Delete
وفي لحظات تحس بإنفراج كبير ويخف وزن الألم أقصد البريد..
ومن الأعراض الجانبية.. احساس الطرف الآخر بالتجاهل.. ضياع الوقت في تقييم الرسالة.. لذا ينصح
الطبيب عند ظهور الرسالة المشتبه فيها: أن تسرع بالغوص إلى أسفلها لتعرف اذا كانت هنالك حالة ترغيب
او ترهيب مصاحبة..
وكدا يا اخوي حافظ نكون قد سلمنا من مشاكل الأصدقاء زوي ...
حمانا الله..
عيد سعيد
تحياتي
| |
|
|
|
|
|
|
| |
Abdlaziz Eisa
سيف اليزل جعفر عبد الرحمن
حافظ حسن ابراهيم
Mustafa Mahmoud
فيس بوك
تويتر
انستقرام
يوتيوب
بنتيريست