|
|
 مشينـا العرس نتعبط كاميرا...!!
|
وليــم - كيــت
جلست بعد ظهر الجمعة أتباع زواج العصر.. أكبر زواج في القرن الجديد حتى اللحظة..
فاقت تكلفة هذا الزواج المائة مليون جنيها استرلينيا.. ( الاسترليني تقريبا أقوى عملة).. يعني بالقديم والجديد سوا..!!
كان حفلا كبيرا.. لكن الزمن الملعون متعنا في الاول بزواج أم العريس.. في 1981م..
نعم الراحلة أم العريس ديانا أميرة القلوب..
والابن وليم ما شاء الله عليه الشبه.. نسخة من أمه.. بعد 30 عاما..
زواج الام كان الاكبر.. كان الاجمل.. كان الاروع..
وهي كانت الاجمل والاحلى..
|
|
 
|
|
|
|
|
|
|
|
Re: مشينـا العرس نتعبط كاميرا...!! (Re: Abdlaziz Eisa)
|
Quote: شكرا لهذه الصورة الجميلة الناطقة!
حالتك اتعبطتها أمال لو إتأبطتها كان عملت شنو!
جنى |
العزيز جني
كنت من المدعوين وليس من اللياقة أن نتأبط الكاميرا..
ودي من عبط الصور والتصوير..
كانت الكاميرا مخفية تحت العباط..
وبالدس نصور..
اما زولك الشبلي شايلو مدفع وواقف مع الناس الزي الجاهزين لضرب النار..
تحياتي
| |
|
|
|
|
|
|
|
|
|
Re: مشينـا العرس نتعبط كاميرا...!! (Re: Abdlaziz Eisa)
|
Quote:
مبروووووووووك للعروسين
وعقبالك |
العزيزة/ نادية
نبارك لك أفراحك ان شاء الله..
وعشان عقبالك دي.. من اليوم أبدأ أحوش للمليون استرليني دي!!
مش قالوا من سار على الدرب وصل..
أهو الليلة وضعت اول خطوة..
مودتي
| |
|
|
|
|
|
|
|
|
|
Re: مشينـا العرس نتعبط كاميرا...!! (Re: Abdlaziz Eisa)
|
قالوا العروس اكبر من العريس بى سنة!
يعنى معناتو المعنى يعنى الجنى بتصرمح بعد كمطاشر سنة
باقى الصرمحة خارساهو من ابوهو وامه الله يرحمها!
اها العروس من هسة تعمل حسابها تمارين ورجيم وجراخة بلاستيك والمونيوم وسمكرة وبوية!
جنى
| |
|
|
|
|
|
|
|
|
|
Re: مشينـا العرس نتعبط كاميرا...!! (Re: jini)
|
Quote: قالوا العروس اكبر من العريس بى سنة!
يعنى معناتو المعنى يعنى الجنى بتصرمح بعد كمطاشر سنة
باقى الصرمحة خارساهو من ابوهو وامه الله يرحمها!
اها العروس من هسة تعمل حسابها تمارين ورجيم وجراخة بلاستيك والمونيوم وسمكرة وبوية!
جنى |
هاهاهاهاها
ياخوي جني..
البنة دي قالوا شيطانية..
من ايام طفولتها كانت مولعة بي ديانا وغرفتها كووولها مرصعة بصور ديانا..
وكانت بتحلم تكون زيها..
والفالحة سعت بجدية وحققت حلمها ..
هسي وطالما الحكاية أحلام..
ندعو الكل يحلم..
بس على قدر اللحاف...
مودتي
| |
|
|
|
|
|
|
|
|
|
Re: مشينـا العرس نتعبط كاميرا...!! (Re: محمود الدقم)
|
Quote:
ود عيسي سلامات.. الغريبة ما شفتك هناك كنت غاطس وين,, للعضة!! (وجه باسم) |
لا حول ولا قوة يا الدقم!!
انت كنت هناك..
تعرف ياخوي مع الزحمة والتركيز ناحية العروسين ما شفتك..
كان جنبي أمير موناكو برفقة حرم ساركوزي..
زحمة شديدة.. لو شفتك كنا أخدنا صورة تذكارية من الشبلي..
مودتي
| |
|
|
|
|
|
|
|
|
|
Re: مشينـا العرس نتعبط كاميرا...!! (Re: محمود الدقم)
|
| Quote: يا ودعيسي الشبلي شفتو وقلت ليهو سلام يا زول تخيل اتغابي العرفة وردا علي بالالماني عمل فيها زي الطريفي بتاع تاج السر الملك.. وتاني كااااااك |
عزيزي الدقم..
سافرنا في رحلة واحدة..
وكان بوصيني نحضر الرحط..
هو اصلا عندو خبرة من تصويره لعرس الام ديانا..
لكن من صالة كبار الزوار ما اتلاقينا..
إلا أشوفو ليك شايل مصيبته الزي المدفع ديك..
وعمل ما شايفني ..
وخالط زينب بدوي...
اصبر لو.. حيجي هنا وناخد حقنا منو..
| |
|
|
|
|
|
|
|
|
|
Re: مشينـا العرس نتعبط كاميرا...!! (Re: عماد الشبلي)
|
Quote: يا عبد العزيز
شكرآ على هذا الجهد المقدر
ما كنت عارف إنت معانا في لندن
وييييييييييين قاعد؟ |
عزيزي أشرف
سلامات
لو كنت معك لتجدني كل يوم بطرفك من سنين من أول تداخل معك في هذا المنبر..
يعني وجع وش عديييل..
انا معاك عناك عبر كاميرتي هذه..
ولك الشكر على كرمك ولطفك..
طلتك شرفت البوست
تحياتي
| |
|
|
|
|
|
|
|
|
|
Re: مشينـا العرس نتعبط كاميرا...!! (Re: Abdlaziz Eisa)
|
Quote:
Quote: أهو الليلة وضعت اول خطوة..
بختك فضل ليك حق التلج
ياربى المأذون دفعوا ليهو كم?
ودعيسي سلامات |
عزيزي الفاضلابي
سلام
ياخي ضحكتني شديد... بحق التلج والنكتة الياها..
باقي لو عصرت شوية كدا قدام شهر شهؤين ممكن أجهز الباقي..
المأذون ده بيكون أخد ليهو شوية آلالاف كدا في عرس الملايين دي..
وانا امبارح دي اتفقت معاه هناك لما بديت مشروعي ده..
بس انت خليك متابع يا حبيب..
مودتي
| |
|
|
|
|
|
|
|
|
|
Re: مشينـا العرس نتعبط كاميرا...!! (Re: Abdlaziz Eisa)
|
Quote:
ضنب العروس سكيتو سك لحدي ما لحقتو ,,,
عبد العزيز انشاء الله ماتكون تعبت اليلة |
عزيزي العمدة
تصور لما سلمت عليها كانت تراودني فكرة اني أمضي على ضنبها ده..
لكن انت عارف بروتوكولات بيكهام دي.. أي شئ ينظروا ليك فيهو..
ياخي التعب حاصل, وفي المساء كانت عندي زيارة لاستاد الامارات وبعدها ما قدرت أمشي على العشاء واعتذرت للقصر هاتفيا..
في الصباح حأغشى هناك لشكرهم ووداعهم..
نتلاقي هناك حسب البرنامج
مودتي
| |
|
|
|
|
|
|
|
|
|
Re: مشينـا العرس نتعبط كاميرا...!! (Re: Abdlaziz Eisa)
|
Quote: تعرف ياخوي نفسي اعمل كل خطوات وحاجيات الزيجة بنفس الطريقة..
|
سلام يا ود عيسى بس لو عاوز تتزوج سودانية ،،دا موضوع ما فيهو مقارنة كلو كلو.
نجيك واحدة واحدة اولا لفت نظرى العروسة بسيطة فى كل شى، الرقبة ما فيها اى سلسل دا عندنا نهى نهى عروس تمشى ورقبتة فاضية لحمة وبس.
اتنين الايدين فاضية ما فيها ولا قويشة واحدة عندنا هنا نهى نهى.
تلاتة الاظافر بيضاء حتى الطلاء لونو فضى يعنى الا تدقق شديد حتى تشوفو عروسنا هنا أهم شى اى حاجة تكون صاااااااارخة وظاااااااهرة وملفتة للنظر مع كوم الدهب والخاتم الغليد ههههه،،
تعال للشخبتة حقت الحنة من الكوع للبوع .
المهم ما تجوا تقولوا لينا دى الكلشر بتاعتنا دى وهمة كبيرة.
متمنية أشوف لى عروسة سودانية ما مكشكشة ومتعنكلة بالدهب والالوان الصارخة.
| |
|
|
|
|
|
|
|
|
|
Re: مشينـا العرس نتعبط كاميرا...!! (Re: Nagat Sid Ahmed Elshiekh)
|
Quote: شكرا لهذه الصورة الجميلة الناطقة!
حالتك اتعبطتها أمال لو إتأبطتها كان عملت شنو!
جنى |
ود ايسا
Quote: العزيز جني
كنت من المدعوين وليس من اللياقة أن نتأبط الكاميرا..
ودي من عبط الصور والتصوير..
كانت الكاميرا مخفية تحت العباط..
وبالدس نصور..
اما زولك الشبلي شايلو مدفع وواقف مع الناس الزي الجاهزين لضرب النار..
تحياتي |
هههههههـ
طلعت منها ذي الشعرة من العجين
_______
حركاتك دي لو واحد ما عندو حديدة .
اتلع من دورك
| |
|
|
|
|
|
|
|
|
|
Re: مشينـا العرس نتعبط كاميرا...!! (Re: Nagat Sid Ahmed Elshiekh)
|
Quote: سلام يا ود عيسى بس لو عاوز تتزوج سودانية ،،دا موضوع ما فيهو مقارنة كلو كلو.
نجيك واحدة واحدة اولا لفت نظرى العروسة بسيطة فى كل شى، الرقبة ما فيها اى سلسل دا عندنا نهى نهى عروس تمشى ورقبتة فاضية لحمة وبس.
اتنين الايدين فاضية ما فيها ولا قويشة واحدة عندنا هنا نهى نهى.
تلاتة الاظافر بيضاء حتى الطلاء لونو فضى يعنى الا تدقق شديد حتى تشوفو عروسنا هنا أهم شى اى حاجة تكون صاااااااارخة وظاااااااهرة وملفتة للنظر مع كوم الدهب والخاتم الغليد ههههه،،
تعال للشخبتة حقت الحنة من الكوع للبوع .
المهم ما تجوا تقولوا لينا دى الكلشر بتاعتنا دى وهمة كبيرة.
متمنية أشوف لى عروسة سودانية ما مكشكشة ومتعنكلة بالدهب والالوان الصارخة. |
الاخت العزيزة نجاة سيداحمد الشيخ
سلام
زمان أيام الكلشر الصحي, كانت اجراءات تجهيز العروس بتكون شهرين تلاتة.. الحاجيات والمتطلبات كووولها محلي وبالمحلي..
كان أهم شئ الخاتم, ساعة يد, وفستان الوقفة..
غويشة ولا رقشة تانية بتجي من الخالات والعمات.. هسي هن العايزات والقائمة تصل للموبايلات واللابتوبات كمان..
الحنة غير لمة البنات والدلوكة بالليل تاني مافي شئ..
والحاجات دي كانت زمان لما كان عندنا وطن نتباهى بيهو مع الآخرين..
الشئ العلينا ده هسي لا بتلم بحرف ولا بنغم
المرأة لما تجي في الحاجات دي لا راس لافهم..
العريس ده زول عدو عديييييل يعلنوا عليه الحرب من يوم فتح الخشم الباقي عمر كله ما ينسد..
عشان كدا يا بتمي الناس قالت البعد ولا البلاد أم سعد..
مشوار الميل بيبدأ بخطوة..
ومن سار على الدرب وصل..
ومافي حد أحسن من حد..
كلها 100مليون استرليني وقضي الامر..
مودتي..
| |
|
|
|
|
|
|
|
|
|
Re: مشينـا العرس ندغمس كاميرا...!! (Re: Abdlaziz Eisa)
|
Quote:
هههههههـ
طلعت منها ذي الشعرة من العجين
_______
حركاتك دي لو واحد ما عندو حديدة .
اتلع من دورك |
عزيزي فيسل
ياخي المطاردة والحك الشديد ده بيجيب الدم..
تخلوا الصور دي كوووولها والكاميرا... وتجوني في رقبتي..
غايتو آخر مرة أمشي عرس ملكي, مدني, عسكري او اميري..
انت كنت جالس وين؟؟
مودتي
| |
|
|
|
|
|
|
| |
Abdlaziz Eisa
jini
عماد الشبلي
ماضي ابو العزائم
ASHRAF MUSTAFA
عبدالعزيز الفاضلابى
Nagat Sid Ahmed Elshiekh
فيصل محمد خليل
فيس بوك
تويتر
انستقرام
يوتيوب
بنتيريست