|
|
 عـنقدة!!!!
|
على مدى يومين كان فى امطار تقيلة فى الخرطوم
و طبعا مطره معناها مافى كهربا
و نحن اتعودنا على كده ..!!!!!!
اها مع المطرة الاخيرة دى الكهرباء ما قطعت عندنا
اى نعم قطعت فى بعض المناطق الاخرى لكن نحن عندنا لاا
ليه؟؟؟
|
|
 
|
|
|
|
|
|
|
|
Re: عـنقدة!!!! (Re: أبو ساندرا)
|
عنقد معي أحد الأصدقاء بإتصال تلفوني طويل وحميم
أجراه من حيي العرضة في قلب أم در أمان
قبل أن يذهب أمانها بسبب غفلة السلطة أو تواطئها عندما سمحت
بأن تدور حربها مع العل والمساواة في ربوعها ، اي ربوع أم در
إتصل صديقي حانقآ شاكيآ ولاعنآ
وبرر لعناته بإنها محاولة لإحداث توازن نفسي
وتفريغ شحنة غضب وغيظ مكتومة زهاء ال 20 عامآ
قال لي في شكايته
أن الكهرباء قاطعة
وجيوش من الباعوض نهشته حتى أدمته فصبر عليها
ولكنه إستشاط غضبآ عندما راى حال ساعد زوجته المدمى
وثالثة الاثافي
أن الحنفية تشخر فقد صابها الجفاف كسمبر مصطفى سيد أحمد ذاك
وصديقي أبدى عجبه قبل أن يعلن تبرمه
أن كيف يعطش والنيل على بعد مرمى حجر
والسماء تجهش بالأمطار
زي ما قال : عطش والماء من فوقي ومن تحتي مدرارا
قال : بتاع الحمار الذي ينقل المياه إلى كل بيوت العرضة
وعدنا عندما إتصلنا به في السادسة صباحآ
إنه سوف يأتينا عند السادسة مساءآ
ولم يأتي.
وعندما عاتبه متنرفزآ
قال الحمرجي { بتاع الحمار }: يعني أنا إتقطع*
| |
|
|
|
|
|
|
|
|
|
Re: عـنقدة!!!! (Re: الطيب رحمه قريمان)
|
يا الطيب يا اخوى عضلات شنو العندنا والله نحن سوانيزاون لاين سااااى
لسان وو نسه وبث لاغير :)
والله هى ما عنقده بقدر انها سؤال برىء
تصدق بالله عندى بت اختى جات من السفر
و ماشاالله عينك بارده ملمومين سماحة لمه
قامت المطره صبت اها انا بقيت ما مركزه فى الونسه
عازوه اشوف ناس اختى جاهزين للقطع و الا لا
يعنى فى شموع و غيرو
قامت الكهربا ما قطعت !!!
يعنى ونسه و ضاعت على
انا عاوزه تعويض !!!!
| |
|
|
|
|
|
|
|
|
|
Re: عـنقدة!!!! (Re: أبو ساندرا)
|
سلام ياسامى و يا ابوساندرا اتفضلو عنقدو بى راحتكم
و يا ابوساندرا جيب معاك صاحبك ده بلاهى
| Quote: قبل أن يذهب أمانها بسبب غفلة السلطة |
والله السلطة دى اول مرة تغفل فى الكهربا دى
يعنى ما ممكن تقارن غفلة دخول خليل لامدرمان بغفلة الكهربا دى
لانو حقت الكهربا دى كبيرة خلاس
يعنى العمارات بتقع و الناس بيرقوها
و امدرمان تهاجم والناس بيشكروها
لذلك لا اظن "مقاربتك" صحيحة
كما ان جحافل البعوض لا غنى لنا عنها يعنى
من امبارح كل ما تشتهيهو نفسك من حشرات مرق
يشاركنا فرحنا بامطار الخير
غايتو ناس اصلها ما بتشكر ولا بتحمد !!!!
| |
|
|
|
|
|
|
|
|
|
Re: عـنقدة!!!! (Re: Siham Elmugammar)
|
Quote: اها مع المطرة الاخيرة دى الكهرباء ما قطعت عندنا
اى نعم قطعت فى بعض المناطق الاخرى لكن نحن عندنا لاا
ليه؟؟؟ |
إنه الإستدراج
إستدراااااااج
وبالبلدي يعني ( دردقة )
طب ليه ؟؟
أقول لك
عشان يا ستي تاخدوا على كدا
وتبرمجوا على كدا
وتعزموا أهلكم وأصحابكم على كدا
ولمن تطمئنوا على كدا
يقوم طاااااخ يقطعوها
بي مطرة أو بدون مطرة زااااتو
وذلك ما يسمى بـ ( فروقات قطع )
أقول قولي هذا واستغفر الله من مطرة لا تقطع معها الكهربا
_____________
سلامات سهام
| |
|
|
|
|
|
|
|
|
|
Re: عـنقدة!!!! (Re: عاطف عمر)
|
Quote: كدى ابقى (راجل) وقولى انتى ساكنة وين
عشان تانى تشميها قدحة |
يا ود العجمى سلامات
كما قرأت لسيد العارفين بألامور محمد البشرى الخضر طيب الله دنياه
فى امر الصمرقع انها قد تهنى البله او العته
كما انها لغويا يجوز تانيثها اى يقال للمرأه صمرقعة
بناءا عليه يا اخى الكريم هدانا الله و اياكم
نحمدالله ان عافانا من البله و نسأله ان يؤخر عجلة العته المسرعة قليلا
وحتى ذلك الحين لن اقر انى ساكنه وين
رغم ان هذا لايغنى فى امر الكهربا شىء
اقول قولى هذا و اتوضاء من هكذا كلام
سلام الف ياود العجمى :)
| |
|
|
|
|
|
|
|
|
 Re: عـنقدة!!!! (Re: Siham Elmugammar)
|
ياسهام دا إسمو البطر
أقعدوا أتبطروا على النعمة كدا لما تتلفتوا يوم تلقوها لحقت أبوي السمح داك
الصمرقع دا بالمناسبة طلع حاجة بسيطة ولا بتحرق شديد ولاتسبب أضرار حتى
بس هو إسمو ساكت بيقطع الخلف
| |
|
|
|
|
|
|
|
|
|
Re: عـنقدة!!!! (Re: Rawia)
|
Quote: الصمرقع دا بالمناسبة طلع حاجة بسيطة ولا بتحرق شديد ولاتسبب أضرار حتى
بس هو إسمو ساكت بيقطع الخلف |
والله انا زاتى قلت كده :)
لكن فى البداية كنت خايفة من نوع الكلمات الغير مفهومه
و خاصه لمن تصدر من رجال فى شكلة
زمن الجامعه لقط لى كلمة من شلة الاود اصحابنا و جيت قلتها
قولة جهل (يعنى بكل براءة باعتبار الكلمة عجبتنى و كده)
قلتها وين فى البيت و قدر الله انو همام كان قاعد وسمعها
اها نادانى وسألنى من معناها قلت ليهو اعتقد انها تعنى
الزول ده لايوق و لبط
قال طيب جايه من شنو؟ قلت ليهو والله ما عارفة
لمن شرح لى .. جاتنى سكته
المهم انا لمن اتذكر لى هسه بتمسكنى الخجلة
اها كلمت الصمرقع دى عجبتنى ليك شديد
لكن "توخيت الحذر"
حتى ارسل الله لى اخونا محمد البشرى
فانزلها بردا و سلاما
لوووووووووووووووووووول
| |
|
|
|
|
|
|
|
|
|
Re: عـنقدة!!!! (Re: عاطف عمر)
|
اخونا عاطف سلامات مليون ياخ
Quote: إنه الإستدراج
إستدراااااااج
وبالبلدي يعني ( دردقة ) |
يا عاطف ياخ اناماصمرقعه
اى استدراجات ماافى
والعزومات من الاساس
ما عندنا ليها رقبه
نحن بنقول لى الناس ياخ تعالو لينا
وبنقرض على كده وهم وزوقهم :)
| |
|
|
|
|
|
|
|
|
|
Re: عـنقدة!!!! (Re: Siham Elmugammar)
|
Quote: اها كلمت الصمرقع دى عجبتنى ليك شديد
لكن "توخيت الحذر" |
دايرة الجد اخير تواصلي في توخيك الحذر
بعد الرجوع لأمهات الكتب والاستعانة بكبار السن - خجلان اتم البوست ولاّ ادخل عليه حتى
وهبة ببالغ بيني و بينك 
| |
|
|
|
|
|
|
|
|
|
Re: عـنقدة!!!! (Re: علاء الدين محمد بابكر)
|
Quote: دايرة الجد اخير تواصلي في توخيك الحذر
بعد الرجوع لأمهات الكتب والاستعانة بكبار السن - خجلان اتم البوست ولاّ ادخل عليه حتى
وهبة ببالغ بيني و بينك |
محمد البشرى سلام
طيب كده انا ما اتجهجهت !!!!
يعنى هسه قولك توخى حذر كده امشى اعمل ديليت والا شنو؟؟؟؟
اللهم انى قد تبت اليك فى شأن الصمرقع
ود الصائم شكرا للضحكات ياخ
علاء الدين محمد بابكر سلام وتحايا
والله تقطع اوضه و اوضه تشتغل قاعده تحصل
ودى برضه حركه بتخفف المعاناة شويه
و البيت كلو يتكوم فى الاوضه الما قاطعة
المشكلة انو تخفيف المعاناة المفاجىء ده بتعبنا
و ببوظ برمجتنا
| |
|
|
|
|
|
|
|
|
|
Re: عـنقدة!!!! (Re: Siham Elmugammar)
|
هههههههههه | Quote: امشى اعمل ديليت والا شنو؟؟؟؟ |
لا يا بت المجمر
لا تتجهجهي لا تعملي ديليت
كلامي عن امهات الكتب "عنقدة" مني ساي و حسدتك على الريليف القلتي عليه بعد قريتي البوست
بعدين الأعمال - و الكلمات - بالنيات و السياق
تابعي معاي البوست الجاي بعنوان (للصمرقع وجه آخر...) 
| |
|
|
|
|
|
|
| |
Siham Elmugammar
أبو ساندرا
ود العجمى
الطيب رحمه قريمان
محمد أبوالعزائم أبوالريش
عاطف عمر
Rawia
محمد البشرى الخضر
محمد عبد الماجد الصايم
علاء الدين محمد بابكر
فيس بوك
تويتر
انستقرام
يوتيوب
بنتيريست