الشباب السوداني بالتنسيق مع القوى السياسية السودانية بولاية كولارادو يدعون لوقفة يوم الأحد ٤ ديسمبر
أرقام قياسية سودانية: مرشحة لموسوعة جينيس العالمية Guinness World Records!
التفكير الاستراتيجي و التفكير الآني - بين العصيان المدني و المقاطعة الجزئية آراء و مقارنات
الوقفة الاحتجاجية الكبرى بفلادلفيا لدعم العصيان المدنى فى السودان
سقف العصيان ، زوال النظام ..هكذا يقول فقه الثورات !
منتديات سودانيزاونلاين    تحديث الصفحة    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 12-03-2016, 04:49 AM الصفحة الرئيسية

مكتبة سهام المجمر(Siham Elmugammar)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

جد غضبانه غضب شديد...

02-14-2012, 08:51 AM

Siham Elmugammar
<aSiham Elmugammar
تاريخ التسجيل: 06-18-2004
مجموع المشاركات: 3488

للتواصل معنا

FaceBook
تويتر Twitter
YouTube

كيف احذف مداخلة من بوستى
جد غضبانه غضب شديد...

    من فترة طويلة وانا اغالب الغضب اصارعه مرات ومرات اللاف المرات فى اليوم الواحد
    احاول واحتهد ان اتعلم فضيلة التعالى عن الصغائر و التحكم فى النفس.. يعنى بالعربى كده اتقمص فضيلة الحلم
    عند الغضب
    لكن كيف يساعدوك معقول ما ممكن... فى بعض الناس عندها قدرة غريبة انها تجرك الى المهالك
    تحس انك الغضب يقتلعك اقتلاعا..
    منو انتو يعنى لا بالجد انتو منو..منو الاداكم الحق تقيموا احزانا و تحكموا عليها و تطلعوا لينا بالمفروض الحزن يكون كيف... نحن كفرة والا ما بنعرف الدين .. والا ما حصل سمعنا بالصبر و فضيلته... ياخ انتو بالجد منو؟؟
    الواحد قبل ما يقول كلام لا و يكتب كلام ما بيفكر الى مدى ممكن يجرح مشاعر الاخرين.. والا دى مافى الدين.. والا الاحساس بالاخرين و التفهم والحسس ما فضيلة انسانية نسعى اليها..
    بس صحى اليدو فى الموية ما زى اليدو فى النار
    لا لا بالجد يعنى انتو منو؟
    انت منو يا زميل ويا الاخترت اسم زميل عشان تكتب بيهو تعليقك اليتيم "وتقول الله يرحم غادة ويغفر ليها..شيوعيين مواهيم" انت منو الاداك الحق انك تتهمنا بأننا مواهيم ..شيوعيين دى اصلو ما بناقشك فيها فييييينا من هو شيوعى وما ناكره وفينا من خلى الشيوعيين.... المشكلة شنو؟؟؟ انت دخلك شنو؟ والحل شيوعيين فى احزانا على بتنا شنو؟
    انت لما كتبت ما فكرت انو غادة دى عندها ام وابو واهل زاصحاب بحبوها... وين الوهم فى الحزن وين الوهم فى محاولة الخروج من الحزن بشكل ايجابى انت منو؟ السؤال لايعنى انا عاوزة اعرفك شخصيا انت منو؟ لا انت منو بمعنى انت منصب نفسك منو؟ بعرفنا من وين و بتعرف ديدى من وين؟ لو كتبت تعليقك مخك قال ليك لا الولد خطير و بيمتلك الحقيقة حول رحيل غادة و حول ما بعده؟من وين اديت نفسك الحق عشان تكون قيم علينا؟
    وانتى منو ؟ ايوه انتى منو؟ عشان اورى السؤال ما عندو علاقة بالمعرفة الشخصية للزول ... انتى منو؟ ايوه انا بعرفك . معرفة سطحية اتونست معاك اكتر من قووولى عشرة مرات بس قلنا شنو؟؟ اتكلمنا عن الجو؟ والا ظروف الشغل؟ والا اسعار الخضار؟ انتى بتعرفينى؟ والا عشان بتعرفى ناس حولى ودخلتى بيتى ودخلت بيتك قررتى انك بتعرفينى .. واديتى نفسك الحق تتحشرى فى احزانى و تقيمها... من وين ده؟ فى اى شريعة انسانية؟ ياخ بتعرفى ديدى من وين؟؟ لاقيتيها معاى فى حته سلمتى عليها قولى قبلتيها؟؟؟ ده كافى عشان تعرفيها؟؟؟ والا كافى عشان تقررى انو الناس تحزن عليها كيف؟
    ياخ انتى عايشة معاى؟ عارفانى بنوم بقوم بمشى بتحرك بتكلم بضحك كيف؟... عارفانى بدخل اوضة بتى كيف؟ عارفانى لما الواطة تصبح اول حاجة لازم اقول لنفسى انو غادة مافى عشان اقدر ابدأ اليوم؟ عارفه انو مرات بعد ما اقول كده اليوم بنتهى طووووالى قبل ما يبدأ؟ بتعرفى شنو عن حزنى واحزانى؟؟؟ بتعرفى شنو عن فكرة جائزة غادة؟
    حضرتى اجتماعاتها شوفتى الوجع البيصاحبها ؟ شوفتى الاحباب و هم بيمسكونا عشان نثبت و لا ننهار؟ بتعرفى شنو؟
    منو الاداك الحق بالجد منو ؟ انا ما بتذكر اديتك حق زى ده والا بتذكر سألتك رأيك ... ولا بتذكر انو علاقتنا بتسمح اساسا انك تقولى لى رايك فى حاجة بتخصنى ومش اى حاجة لاااااااا كيف احزن على بنتى؟؟؟ دايرة اقول ليك شنو؟؟ انى كل ثانية بتى ما بتزحى من قدامى...دايرانى اقول ليك انى فى اليوم بموت الف مرة؟ والا اقول ليك لا انا قبل يومين لما سمعت رايك تجلت عبقريتى وا عتقدت انى اعترفت لنفسى للأول مرة انى مت مع غادة؟؟؟ ما جزء منى راح ولا كبدى انفطر لااااااا يا ستى انا كلى مت و دفنت مع بتى؟؟ كيف معاك كده ارتحتى؟

    منو وين بنلقى القدرة على ان نقسوا على الاخرين؟ يعنى شنو لما زول يقول ليك ما سمعت بالناس بتحتفل بالحزن؟؟
    يعنى انا قبل ما اقول كلامى ما بوزونو يعنى هسسسسسسسسسسه عليكم الله وسألتكم بالله يا اى زول قرأ الكلام ده
    هل حصل فيكم زول خطر بى باله انو اسرة غادة بتحتفل بالحزن .. و تعمل ليهو مهرجان؟؟؟
    فى غادة؟؟؟؟؟ ياخ غادة ما غالية على ربها و لا بدت الموت ولا تمتو ... لكن غالية علينا نحن ديل
    اهلها احبابها اصحابها..بنعرف قيمتها نحن؟
    عرفتى غادة دى انا كل فترة بسمع من اصحابها قصة جديدة عنها... موقف مع زول منهم ..
    قاعد فى خواطرهم واصبح جزء منهم ... بتعرفيها من وين بالجد كده؟
    وبالجد كده انتى منو؟ وهو منو؟
    واى زول بينصب نفسو وصى على الناس وبيدى نفسو الحق يطلق الاحكام جزافا من وين جاب ده؟
    ده هو الغرور بعينو ان تدى نفسك كل الحقوق والا تفكر فى الاخرين ولا فى احاسيسهم
    بالجد انتو منو؟؟
    الله ده حقكم براكم ... نحن ما بنعرفو .. طيب ممكن اقول ليك انو مجتبى لما الدكتور قال ليهو غدويتك راحت اول حاجة انا سمعتها انو هو بتشهد بأعلى صوت عندو ولما محمد طه جانى واترمى فينى ببكى قلت ليهو ماتت؟ من ارتفاع نحيبة عرفت الاجابة قلت ليهو الحمدلله انا لله وانا اليه راجعون..
    اها وين ليكم كلكم ربنا بعرفنا و بيكرمنا و لحظات زى دى ادانا القوة والمروه ..قرأنا عليها القرأن و دعينا ليها ... و وابتهلنا ... كل ما اذكره من اللحظات ديك غريب على .. ورسالتو واااحدة لي انو الله كريم ... لولا كرمه غادة الما بتعرفى قيمتها عندنا دى كانت للليلة قاعدة فى تلاجة وما كان بابا مجبتى قدر يشيل عنقريبها و يمشى يدفنها...
    وما كان انا قعدت مكانى و ما جريت و را العنقريب ده... ومسكتو بلعتو جواااى... بل يا عزيزتى لقيت حضن هويدا بت عمى توالصل الدعاء فى اضانى و تردد دون ملل ولا كلل.. عرفتى كيف؟
    منو الاداكم الحق تمرقونا من طورنا تغضبونا و تطلعو زيتنا و تخلونا نقول كلام ما بخصكم ولا بخص غيرنا
    منو؟
    بالجد انتو منو؟
    جائزة غادة هى للشباب يحققو احلامهم يكتبو يبدعو نعترف بيهم يلقو الفرص الما لقتها غادة دى جائزة غادة للشباب
    و نحن كاسرة واحباب وحزانا لينا نشوف فرح الشباب و لينا نصاحبهم و نسمع منهم يا ماما سهام و يا بابا مجتبى
    ولينا نشوف اولادنا بيفخروا بأختهم ولينا نسأل الله ان يعنيا

    بتعرفو شنو عننا كلنا بتعرفو شنو بالجد كده عن احزانا؟؟
    وبتعرفو شنو عن طريقتنا فى الحزن ؟ و بتعرفو شنو عن المجهودات والرهق العاطفى البنمر بيهو
    عشان جائزة غادة تستمر وتنجح؟؟
    والله انه ليسئونى كل الكتبتو لكن اها ...ح ارسلو ليكم
    والببقى ببقى
    ما عندى حق اقول الناس تفكر كيف ؟ لكن عندى حق انصح واقول الناس تفكر بإحساس...
    ما عندكم حق تبكونا.. انا بالذات ما بحب ابكى لزول
    لكن مغستكم تشق
    ياخ فى احزانا يا خ فى المنا ياخ
    انتو منو؟


    بس ما كان اخش البوست ده
    الاعتراض على حكم الله !!
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-14-2012, 09:05 AM

محمد عبد الماجد الصايم
<aمحمد عبد الماجد الصايم
تاريخ التسجيل: 10-16-2005
مجموع المشاركات: 34989

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: جد غضبانه غضب شديد... (Re: Siham Elmugammar)

    معليش يا سهام .. وربنا يرحم غادة ويسكنها فسيح الجنات
    اكتبي ومرّقي العندكـ .. ربنا عالم بما في الصدور



    بالنسبة للبوست المرفق دا
    أهو قاعدين نحاول نمرق لينا بي صكـ غفران!
    أصلوا على آخر عمرنا بقينا قليلين أدب مع الله!!
    والله صحي!!
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-14-2012, 09:25 AM

مهيرة
<aمهيرة
تاريخ التسجيل: 04-28-2002
مجموع المشاركات: 707

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: جد غضبانه غضب شديد... (Re: محمد عبد الماجد الصايم)

    يكفيك حزنك على الفقيدة الغالية ياسهام اختى

    وربنا يلهمكم الصبر الجميل ،

    واعتقد ما تقومون به انت ووالدها هو الصبر الجميل بعينه

    وهو الصبر بدون جزع وبدون شكوى ،بل بعمل مفيد للناس

    أما من نصبوا أنفسهم آلهة فى الدنيا يقدمون للناس صكوك الغفران فدعك منهم،

    واسمعى قول الله تعالى فى الحديث القدسى:

    قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ :

    " قَالَ رَجُلٌ : وَاللَّهِ لا يَغْفِرُ اللَّهُ لِفُلانٍ , فَقَالَ اللَّهُ :

    " مَنْ ذَا الَّذِي يَتَأَلَّى عَلَيَّ أَنِّي لا أَغْفِرُ لِفُلانٍ , قَدْ غَفَرْتُ لِفُلانٍ وَأَحْبَطْتُ عَمَلَهُ " .


    تحياتى
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-14-2012, 09:31 AM

أميرة فاروق عبد العال
<aأميرة فاروق عبد العال
تاريخ التسجيل: 08-29-2007
مجموع المشاركات: 1129

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: جد غضبانه غضب شديد... (Re: مهيرة)

    الغالية المحترمة سهام..

    ربنا يتقبل الأبنة غادة ويتولاكم برحمته وصبره...

    وصدقيني ده مزيد من الابتلاءات والامتحانات،

    وليس لنا غير الصبر..
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-14-2012, 09:40 AM

Siham Elmugammar
<aSiham Elmugammar
تاريخ التسجيل: 06-18-2004
مجموع المشاركات: 3488

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: جد غضبانه غضب شديد... (Re: أميرة فاروق عبد العال)

    اخوى ود الصايم الاخوات مهيرة و اميرة
    الليله الظاهر مافى روقة تانى
    تصدقوا لو قلت ليكم انو فى مرة فى زوله قال لى
    شايفاك فى التلفزيون انتى قايلة انتى الام
    الوحيدة العندها بت ماتت؟؟؟
    والله العظيم

    بس اتخيلو معاى يعنى الزوله دى بعاين ليها
    ما عرفت غير اضحك والله ضحكت
    طيب فى نقس الحلقة دى المذيع سألنى قال لى
    انتى وفاة بتك أثرت فيك كيف؟؟؟
    كان ردى للسؤال والذى اعتقد انه لم يكن صحيح
    انى قلت : انا ما اول ام تفقد جناها و لا بعتقد انو
    المى اكبر من اى ام تانية ولا وجعى
    وقلت بعد داك انو الفكرة انو جائزة غادة هى لاتاحة الفرص للشباب
    واننا نعمل حاجة ايجابية
    الكلااااااام ده كلو و سبب انو انا اساسا مشيت التلفزيون
    (واه واه اه لو تعلم كيف تم و عشان شنو وانا حالى كان كيف)
    خلتو جانب و نست فكرة جائزة غادة وفتشت لكلام اقل ما يوصف
    انو مافيهو فهم و لا احساس
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-14-2012, 09:56 AM

اسعد الريفى
<aاسعد الريفى
تاريخ التسجيل: 01-21-2007
مجموع المشاركات: 6925

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: جد غضبانه غضب شديد... (Re: Siham Elmugammar)

    Quote: الواحد قبل ما يقول كلام لا و يكتب كلام ما بيفكر الى مدى ممكن يجرح مشاعر الاخرين.. والا دى مافى الدين.. والا الاحساس بالاخرين و التفهم والحسس ما فضيلة انسانية نسعى اليها..

    و الله يا سهام يا أختى
    الحكاية دى " كان هى حكاية اصلا" بقت صعبة خلاس
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-14-2012, 10:24 AM

ود الخليفه
<aود الخليفه
تاريخ التسجيل: 07-21-2002
مجموع المشاركات: 3216

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: جد غضبانه غضب شديد... (Re: Siham Elmugammar)

    لا اعتراض على حكم الله ان سلط علينا بليدي الاحساس ليمتحن صبرنا بهم

    فمثل هؤلاء الجهلة يوفرون فرصة كبيرة في الامتحان والبلاء ( مرتين )

    ولله في خلقه شؤون

    واقدار الله تجري علينا فنحمد الله على خيرها وشرها

    ولتنطعهم ينصب البعض انفسهم اوصياء الله في الارض يصدروا الاحكام ويصادروا حقوق الناس ويغلفون كل لك بسولفان النصيحة


    ــــــــــــــــــــــــــــــــــ
    اختي سهام هوني عليك وجففي دمعك الغالي
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-14-2012, 09:55 AM

Hassan Makkawi
<aHassan Makkawi
تاريخ التسجيل: 02-27-2008
مجموع المشاركات: 5461

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: جد غضبانه غضب شديد... (Re: أميرة فاروق عبد العال)

    اختنا سهام

    قسماً لم أجد غير جملة ما خاب قائلها:

    حسبى الله ونعم الوكيل....
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-14-2012, 10:23 AM

Siham Elmugammar
<aSiham Elmugammar
تاريخ التسجيل: 06-18-2004
مجموع المشاركات: 3488

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: جد غضبانه غضب شديد... (Re: Hassan Makkawi)

    الحكاية دى " كان هى حكاية اصلا" بقت صعبة خلاس
    اسعد اخوى شريك الاسى والالم والفقد الذى يصعب على البعض فهمه
    يااخوى القصة فيها مغايس اكتر من كده

    ابتسام مجمر كانت فى الخارج لما اتتنى المصيبة المزلزلة
    جات تانى يوم للبكا وهى فى حال يرثى لها
    وبتصرخ بس غادة ما بت سهام غادة بتى انا
    انا امها ما سهام ..غادة اخت بناتى
    انا بسمع فى صراخها وفى نفس الوقت اتماسك
    واتماسك لانى كنت مع امى التى اتت معها
    دايره اورى امى انا كويسة وانت تعلم مرضها فى ذلك الوقت
    ولا زالت تعانى... فأنت الكريم لا تضع رجل فى السودان الا و تؤدى فروض الولاء
    والطاعه لها...ما شكر ليك يا اسعد ياها امك وانت تعلم المحبة
    المهم يا اسعد ابتسام فى الحالة ديك بره وانا جوة و عاوزه اطلع ليها
    لما رقدت قلب امى على مرقت عليها وهى لازالت على حالها والناس تعزى فيها
    حضنتها على قوى وقلت ليها ابتى يا حبيبتى كلامك صاح غادة بتك ما بتى
    ونحن فى الموقف داك ...

    تصدق كان فى نسوان بتفرجوا علينا (بعديها بكم شهر عرفت الكلام بتاعهم من صديقة عمرى مها بت عمك حمد
    قالت لى يا سهام فى نسوان ماااا من حلتنا ولااااا من اصحابكم انا بعرفهم كلهم وانتى عارفة
    لكن عاوزة اعرفهم قلت ليها فى شنو قالت لى تذكرى لما انتى وابتسام .....
    قلت ليها طبعا قالت لى النسوان ديل قالو اها بنات المجمر ديل ما قاعدين يأكلو فى المناسبات
    والبكيات نشوف لما جاهم هسه فى اللحم الحى ح يسوا شنو؟ قالت لى انا ما سمعتهم لكن فلانه
    كانت قاعده جنبهم ونادتنى سالتنى ديل منن عشان كانت دايره تطير ليهم فى رقبتهم
    لكن انا طلبت منها ما تتكلم مع زول
    لانو ده ما وقتو...

    رأيك شنو؟ بلاهى فى الاذية دى
    ياخ نحن عمك طه المجمر لما مات اكلنا كيف؟ وووين؟
    هو ده كان الموضوع فى الوقت داك؟
    ناس بتشمت فى وقت زى ده
    وناس ما بتعرفك يعنى كونوا انو مها حمد شخصيا ما عرفتهم معناها
    تماما نحن ما بنعرفهم ..قد تكون لمتنا معاهم علاقات متشابكه وجاملناهم
    قبل كده...لكن احييييى يا اسعد بس مافى غير السكات
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-14-2012, 10:45 AM

اسعد الريفى
<aاسعد الريفى
تاريخ التسجيل: 01-21-2007
مجموع المشاركات: 6925

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: جد غضبانه غضب شديد... (Re: Siham Elmugammar)

    Quote: لكن احييييى يا اسعد بس مافى غير السكات


    تقولى شنو انو انا لمن جيت السودان و فى قمة المأسأة و انا كان لى تقريبا اكتر من 6 أيام ما نمت فيها ساعة " و ان شاللله ما انوم ذاتو"
    واحد قال لى " ما جبت معاك جوال زايد " !!!
    سهام : باب المواجع لو اتفتح .. بتتفتح معاهو راسنا اللى هى اصلا مفتوحة
    قولى معايا حسبنا الله و الحمد لله
    ..و خليهم للخالق
    لانو ديل .. أصعب من الشفناهو ..
    و أمر من العرفناهو و ضقناهو
    و حسبنا الله و الحمد لله
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-14-2012, 10:49 AM

Siham Elmugammar
<aSiham Elmugammar
تاريخ التسجيل: 06-18-2004
مجموع المشاركات: 3488

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: جد غضبانه غضب شديد... (Re: Siham Elmugammar)

    الاخ ود الخليفة والله سلامات
    والله اقول ليك حاجة انا كنت عاوزة افتح بوست
    بعد الاحتفال مباشرة اشكر فيه بشكل خاص
    كل من كان حضورا فى الاحتفال
    وانت منهم
    يا ود الخليفة كل ما حضر كان بالنسبة لى بقول لى رسالتين
    الاولى نحن فاهمين ومقدرين فكرة الجائزة ونحن معكم نشد على يد الشباب
    والثانية اعانكم الله وصبركم

    عشان كده مرات بمسك نفسى بالقوة انى ما اعمل زى حسام ولدى لما يمشى الجامع
    ويصر يسلم على كل المصلين فى يدهم

    كتر خيرك
    وهو فعلا بلاء لكن حق الله ده ما بنقدر نقول عليهو حاجة
    ولا بنقدر نزعل ونغضب لانو الله الخلقنا
    وزى ما مرات انا بقول لى نفسى الله قال لايكلف الله نفسا الا وسعها
    اها انا ما بقدر اغالطو لانو هو بعرف وسعى اكتر منى
    والا ماكان حصل لى ده

    لكن البجوك عاوزين يدمروك ديل تعمل معاهم شنو؟
    غير تغضب...
    ومرات اسمع كلام خالتى عشه واديها اضانى كتير
    لانها بتسمعنى ما هو ايجابى و تدفعنى ليهو دفع
    مرات بتنهرنى عديل كده و بتعرف تحسمنى
    وانا احب فيها ده
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-15-2012, 07:13 AM

ihsan fagiri

تاريخ التسجيل: 04-08-2008
مجموع المشاركات: 2321

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: جد غضبانه غضب شديد... (Re: Siham Elmugammar)

    بالله في ناس بالسوء دا

    وفي المصيبه الكبيره دي

    حسبي الله ونعم الوكيل
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-14-2012, 10:53 AM

jini
<ajini
تاريخ التسجيل: 02-04-2002
مجموع المشاركات: 29708

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: جد غضبانه غضب شديد... (Re: Siham Elmugammar)

    البعد الجلد ما زى البياكلوا يا سهام اختي
    جني
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-14-2012, 10:57 AM

ismeil abbas
<aismeil abbas
تاريخ التسجيل: 02-17-2007
مجموع المشاركات: 10789

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: جد غضبانه غضب شديد... (Re: Siham Elmugammar)

    Quote: انت لما كتبت ما فكرت انو غادة دى عندها ام وابو واهل زاصحاب بحبوها


    ألأخت/سهام المجمر...........السلام عليك وعلى أسرتك الكريمة.

    نحن فخورين بيك أنت وألأخ/مجتبى لتوجيه حزنكم إلى غاية سامية ظلت راسخة فى عقول الناس وهى التى تجسدت فى جائزة بنتنا غادة.

    رحم الله غادة التى حسينا كأنها بنتنا جميعاً.

    والحمدالله الذى صبركم ساعة وقوع المصيبة وإن شاء الله يكتب ذلك فى ميزان حسناتكم.

    لا تغضبى فأنتم من حول الحزن لشىء مفيد..

    ولا تتعبى نفسك مع الذين لا يعقلون ما يكتبون.

    أصبر وثابرى وستظل غادة رمز لقيمة الصبر وتجاوز المحن.

    فى بعض الناس فى اهذا المنبر الله يسامحهم على ألأذى البسببوهوا لغيرهم.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-14-2012, 11:10 AM

Siham Elmugammar
<aSiham Elmugammar
تاريخ التسجيل: 06-18-2004
مجموع المشاركات: 3488

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: جد غضبانه غضب شديد... (Re: ismeil abbas)

    الاخ حسن مكاوى سلامات وتحية
    والله ما خاب من قالها
    حسبنا الله ونعم الوكيل

    مافى غيرها

    --------------------------------------------
    لكن اقول الحق الليلة انا بالغت عديل
    اصلى ما قايلة بكتب المغسه دى هنا
    لكنه الغضب
    هسه كان استعذت ما كان اخير لى
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-14-2012, 11:14 AM

احلام وهبي
<aاحلام وهبي
تاريخ التسجيل: 12-24-2009
مجموع المشاركات: 1548

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: جد غضبانه غضب شديد... (Re: Siham Elmugammar)

    عارفة يا سهام ..
    الدينا دي بتشيل الناس السمحين والطيبين والعزيزين علينا ...
    لكن نعمل شنو ...
    ما كتيرين علي ربهم .
    والغالية غادة ... الله يرحما ويغفر ليها
    ويجعل قبرها روضة من رياض الجنة
    اللهم آمين يا رب العالمين . ويخلي ليك العندك وتفرحي بيهم دايما يا رب
    وفي ناس في الدنيا دي غير ما يمغسوا ويوجعوا ويالموا في الناس ما عندهم شغلة غير كده
    وانت الناس الزي ديل شيلهم خالص من راسك ولا تشتغلي بيهم الشغله وكأنو ما موجودين ,..


    ولك احتراماتي
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-14-2012, 11:34 AM

Siham Elmugammar
<aSiham Elmugammar
تاريخ التسجيل: 06-18-2004
مجموع المشاركات: 3488

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: جد غضبانه غضب شديد... (Re: احلام وهبي)

    يا جنى يا اخوى سلامات
    كلامك ما وقع لى .. او فى كلمة ناقصة

    لكن انت من الناس الما بتنسوا فى الايام السوداء ديك

    لا بذيع ليك سر لو قلت ليك انى بالجد
    فى فترة اتخذت قرار اصلو ما اكتب حاجة عن ديدى
    فى سودانيز بس كده الا مواضيع الجائزة و ينزلها زول غيرى
    لكن الغضب الانا فيهو الليلة ده كسر كل شىء

    الناس ما تفهمنى غلط بالجد وقفت الناس هنا ديل
    مافى طريقة زول يشرحها ولا يفسرها
    و مفروض ينتقصها بشكر
    لانو كان وقفة ما عندها علاقة
    برجا الشكر
    بس كلام انتى قايلة براك
    البتك ماتت ده دخل على شديد
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-14-2012, 11:44 AM

Hussein Mallasi
<aHussein Mallasi
تاريخ التسجيل: 09-28-2003
مجموع المشاركات: 26185

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: جد غضبانه غضب شديد... (Re: Siham Elmugammar)

    إنه دأب من كانت أياديهم في الماء يا سهام.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-14-2012, 11:46 AM

محمد عبد الماجد الصايم
<aمحمد عبد الماجد الصايم
تاريخ التسجيل: 10-16-2005
مجموع المشاركات: 34989

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: جد غضبانه غضب شديد... (Re: Siham Elmugammar)

    يا سهام .. جني قاصد (الجلِد) يعني الدق
    البعد الدق .. ما زي القاعدين يدقّوا فوقو!!



    _
    أكتبي ياخ .. أكتبي أي حاجة جواكـ
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-14-2012, 12:10 PM

Sabri Elshareef

تاريخ التسجيل: 12-30-2004
مجموع المشاركات: 21026

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: جد غضبانه غضب شديد... (Re: محمد عبد الماجد الصايم)

    سهام يا اختي العزيزة


    رحيل غاده قاسي علي الاغراب مش الصحاب ولو كان بالامنيات ان ينصب لها تمثال من الذهب الخالص في مدرستها او بيتها او الشارع


    مثل غاده عاشت عمر قصير لكنه مليان ادب وشطارة ومعرفة لذا يبدو امر الرحيل قاسي ؟؟؟؟



    لا عليك من ناس مهنتها اصدار صكوك الغفران والرضا في احزاننا وافراحنا



    ديل يا ستي العزيزة حرموا الشعب كل الحقوق واكثر



    لا عليك يكفي انك ومجتبي وصحاب غاده وصحابكم \ن قد قدمتوا\ن الي الدنيا الجديدة اجمل المشاهد بان اصبحت ذكري غاده تلهم القصيد والنشيد والقصة والرواية


    عقبال نشهد مسرح غاده الثقافي وترقص وتمثل علي خشبته الجماهير المنتصرة



    من يريد ان يختزل او تختزل امور الوجدان في ثقافة بالية لنشر الكراهية سيسقط وستسقط ان طال او قصر الزمن



    قرات حزنك المتجدد وشاهدته ثلاثة مرااات عند زيارتي الاولي معزيا معي تيسير النوراني وخضر حسين
    والثانية مع غسان جعفر اول ما حدثته قال لي نمشي وهذه السهام كم هي عظيييمة اعرفها من الجامعة ادب واخلاق ومعرفة

    والتالتة انت تواصلين المشروع المعرفي الذي انت فيه للنص في الاحتفال بالامريكية وكتابها عن المراة السودانية الذي صودر ولا اعرف هل سمح به ام لا تلك الامريكية المهتمة بقضايا السودان ساندرا هيل .........



    الحزن لا يتخير الدمع في القواميس كي يسمي بكاء


    واصلي حزنك غادة رحمها الله وافسح لها ابواب الجنان

    والد غاده واهله واهلك صبرهم\ن الله علي قساوة الرحيل
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-14-2012, 12:12 PM

سيف النصر محي الدين
<aسيف النصر محي الدين
تاريخ التسجيل: 04-12-2011
مجموع المشاركات: 7143

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: جد غضبانه غضب شديد... (Re: محمد عبد الماجد الصايم)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-14-2012, 12:46 PM

Siham Elmugammar
<aSiham Elmugammar
تاريخ التسجيل: 06-18-2004
مجموع المشاركات: 3488

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: جد غضبانه غضب شديد... (Re: سيف النصر محي الدين)

    "لا تغضبى فأنتم من حول الحزن لشىء مفيد.."
    الاخ اسماعيل عباس
    سلامات وتحايا بارك الله فيك وفى امثالك
    تخلو الزول يخجل بإن استجاب للحظة غضب وتهور فى هذا البوست

    المشكلة يا اسماعيل فى ناس ما شايفين ده
    انا فى مره زوله عزيزة على شديد
    قالت لى هسه لو عملتى سبيل موية
    لبتك ما كان اخير
    وبمشى ليها اجره احسن

    عذرتها لعمرها
    لكن فكرت كم من الناس ممكن ان يكون حامل لنفس الفكرة
    كم الناس ممكن شايف جائزة غاده للشباب حاجة غريبة
    ومنو القال الاجر ده ما بمشى الا لو كان سبيل ؟
    و منو قال زرع الابتسامة فى وجوة الفائزين والفائزات
    وشوف الفرح فى وجوه اهلهم ما فيه اجر؟
    ياخ الرسول (ص) قال تبسمك فى وجه اخيك صدقة
    فمابال ان تعمل انت من اجل هذه البسمة

    والله نحن مع الفهم التقليدى للدين ده
    ح نجن عديييييل
    والله لو سمعت كمية الناس البتتبرع ليك بالنصيحة
    فى غير وقتها (والله انا ارحب بإى ناصح ) لكن اتوقع ان
    يكون حساس شويةويقدر الظرف النفسى بتاع الزول
    قبل ما يبذل النصيحة
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-14-2012, 01:32 PM

ماجد حسون
<aماجد حسون
تاريخ التسجيل: 01-18-2005
مجموع المشاركات: 1384

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: جد غضبانه غضب شديد... (Re: Siham Elmugammar)

    الاخت سهام
    لا اعرفك ولا اعرف ابنتك الغالية شخصيا
    بس عندى اطفال
    اقسم باالله دمعت عيناى وانا بقرا كلامك لانى حسيت بى كمية الالم
    لامن زول يزايد على حزنك
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-14-2012, 01:04 PM

elsawi
<aelsawi
تاريخ التسجيل: 06-13-2003
مجموع المشاركات: 4084

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: جد غضبانه غضب شديد... (Re: سيف النصر محي الدين)

    تعرفي يا سهام يا اختي الدنيا دي ملانة إبتلاءآت وطبعاً اصعبها
    ان نفقد من نحب، وده النوع الإنت ومجتبى تعبقرتو في تجاوزه
    وهزيمته عشرة صفر بي جائزة غادة. لكن في انواع تانية كثيرة
    منها نوع زولك ده وغيره كتاااار من المصابين بجدب في الإحساس
    والعواطف وديل محتاجين سقاية كتيرة ياخ!!
    يمكن يوم زي يوم الليلة لو الواحد فيهم لو فتح النت ولا التلفزيون
    وشاف الناس كيف بتتبادل الرسائل و الورود و الشيكولاتة الإبتسامات
    و التهاني والدعوات الجميلة يمكن يتعلموا حاجة عن "الانتو منو" القلتيها دي

    كل سنة وانت وكل من تحبين بخير يا صديقة
    وهوني عليك يا خية وزي ديل حايلاقوك كتير في الدنيا العجيبة دي!!
    ياخي اعتبري حلة الملاح اتدفقت في جلابيتك العاجباك ولا المكوة مسكت في
    توب الشفون الجابو ليك مجتبى في الفالنتاين الفات
    ما كلها ابتلاءآت
    نصبر بس
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-14-2012, 01:21 PM

Siham Elmugammar
<aSiham Elmugammar
تاريخ التسجيل: 06-18-2004
مجموع المشاركات: 3488

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: جد غضبانه غضب شديد... (Re: elsawi)

    الاخت احلام وهبى
    "وفي ناس في الدنيا دي غير ما يمغسوا ويوجعوا ويالموا في الناس ما عندهم شغلة غير كده
    وانت الناس الزي ديل شيلهم خالص من راسك ولا تشتغلي بيهم الشغله وكأنو ما موجودين ,.."

    عارفة يا احلام كلامك ده انا قعدت اقولو لى نفسى الف مرة
    عشان اروق هم منو؟ وبعرفونى من وين؟ وبعرفوا غادة زاااتو؟
    شالوها والا لعبو معاها والا شافوها بتكبر و تتفتح قدام عيونهم؟
    احييييى يا احلام يا اختى
    لكن الشيطان صحى مرات شاطر
    غايتو البوست ده الله يقدرنى عليهو
    لانى قررت ما اسحبو
    ما عشان شى غير الناس جى تعرف تراجع نفسها
    وتفكر بإحساس لانو التفكير بالعقل لبلا استصحاب الاحساس
    بيمرق من الانسانية و سقطها

    _______________________
    ربنا يقر عينك بوليداتك يا رب
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-14-2012, 01:30 PM

Haydar Badawi Sadig
<aHaydar Badawi Sadig
تاريخ التسجيل: 01-04-2003
مجموع المشاركات: 7812

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: جد غضبانه غضب شديد... (Re: سيف النصر محي الدين)

    Quote: جائزة غادة هى للشباب يحققو احلامهم يكتبو يبدعو نعترف بيهم يلقو الفرص الما لقتها غادة دى جائزة غادة للشباب
    و نحن كاسرة واحباب وحزانا لينا نشوف فرح الشباب و لينا نصاحبهم و نسمع منهم يا ماما سهام و يا بابا مجتبى
    ولينا نشوف اولادنا بيفخروا بأختهم ولينا نسأل الله ان يعنيا


    الأخت الكريمة سهام،
    تتحياتي أيتها الأم السودادنية الفريدة!
    أتركي عديمي الإحساس لجلودهم الغليظة، فهي لهم مقابر. وهم الموتى. أما أنت فتقومين، بجدارة، بإضفاء الحياة على الموت نفسه. فالحياة ليست مجرد أنفاس ننفثها في الفضاء، فهذا بمقدور موتى كثير يمشون على أقدامهم كأنهم أحياء، وماهم كذلك. الحياة قيمة إنسانية تتجلى بوضوح في احتفائك بها في الحرف المشرق والكلمة المضيئة.

    أنت رائدة، يا سهام، وكذلك زوجك الكريم. وريادتكما تتجلى في تحويل الحزن إلى مصدر للطاقة المبدعة، المسرجة في الكلمة الخالدة. وهنا تحيا غادة، حياة لا تعرف الموت. وللريادة ثمن، ياسهام، بخاصة في الأوساط التي يسيطر فيها الجهل والغلظة والهوس. الثمن الذي تدفعينه باهظ. ولكن رجاءنا أنك، مثلما جعلت من الحزن طاقة مبدعة، كذلك ستفعلين بغضبتك الصادقة هذه.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-14-2012, 01:55 PM

Siham Elmugammar
<aSiham Elmugammar
تاريخ التسجيل: 06-18-2004
مجموع المشاركات: 3488

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: جد غضبانه غضب شديد... (Re: Haydar Badawi Sadig)

    العزيز حسين ملاسى تحياتى وسلامى (ركز مع العزيز دى بلاهى)
    لانو ما اى زول ممكن يبقى عزيز مع ناس مختلف معاهم فى فضاءات اخرى
    قلت
    "إنه دأب من كانت أياديهم في الماء يا سهام. "
    فى ديل وفى الخايفين انو يحصل عليهم
    الموت ده ما معروف لمنو لكن جنى غيرك اموت
    بتخليك تنبه ووووب لو ده حصل على
    it could happen to me

    يلا ديل منهم فى ناس بحسوا بحسسك و بحسو بوجعك والله
    انا كنت منهم.. والله انا لما اسمع زول ولدو مات ولازلت
    بحس بالفجيعة فى خشمى عديل كده
    وكنت بقول لو حصل لى كده؟ واقيف عند السؤال
    وما بحاول القى اجابة
    بتذكر قبل غادة اتوفى الصبوح زهير فتحى بلال
    انا لما سمعت الخبر كنت ح اجن عديل
    لما وصلت البكا قعدت بركت قدام امو فى الواطة
    وبس بعاين ليها وهى ما بتعمل فى حاجة غير تقول
    لى شوفتى يا سهام شوفتى يا سهام بس
    اكضب نهائى انا لاقدرت ابكى لاقدرت اعزيها
    لكن مسكت خشمى على
    يعنى اصلو ما قلت ليها اى شىء
    حسيت مافى حاجة ممكن تتقال وقتها

    مرت الايام وجات هى لحظة وفاة غادة قلت ليها
    يا سامية صبرتى كيف
    قالت لى مافى زول يغش عليك ويقول ليك فى صبر
    انا لاصبرت لا صبرت
    ولا فى صبر
    وكانت الاجابة الحقيقية وزول ادانى الحقيقة بعد
    انا سألتو

    نفسى يا ملاسى اعمل جمعية كده للامهات
    الحالتهن زى حالتنا انا وسامية
    نتلمى و نتشارك الحزن و نشوف
    مع بعض نمشى لقدام كيف؟

    الاباء لو دايرين ما بنقول لا
    لكن حديث الرجال غير!!!!!
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-14-2012, 03:00 PM

نوفل عبد الرحيم حسن
<aنوفل عبد الرحيم حسن
تاريخ التسجيل: 02-27-2009
مجموع المشاركات: 2361

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: جد غضبانه غضب شديد... (Re: Haydar Badawi Sadig)

    ستظل غاده شمس تهب الضياء ولا تغيب
    ستظل تمشي بيننا بجائزتها وفكرتها الجميله المنتجه المثمره
    ستظل في قلوب وآلديها واهلها وزملائها وكل من عرفها


    بالجد شي يحير .. منو البدي الحق للبعض حتي يحدد حزن الام علي ضناها ؟
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-14-2012, 03:48 PM

Amani Al Ajab
<aAmani Al Ajab
تاريخ التسجيل: 12-18-2009
مجموع المشاركات: 14883

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: جد غضبانه غضب شديد... (Re: نوفل عبد الرحيم حسن)

    الحبيبة سهام والاخ مجتنى يكيفكما انكما حولتم
    حزنكما لفرح في قلوب الكثيرين من الشباب ..
    ألف رحمة ونور على قبر غادة ..
    نسأل الله أن يصبركما ويجعل البركة في اخوانها وفيكم ..
    لكم مودتي ..
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-14-2012, 03:48 PM

Elawad
<aElawad
تاريخ التسجيل: 01-20-2003
مجموع المشاركات: 7226

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: جد غضبانه غضب شديد... (Re: نوفل عبد الرحيم حسن)

    العزيزة سهام
    عارفة أنا في حديث قاعد أتذكره طوالي... لما الرسول صلى الله عليه و سلم دخل عليه رجل و وجده يقبل الحسين عليه السلام. الرجل قال إن لي عشرة من الولد ما قبلت أحدهم قط. الرسول صلى الله عليه و سلم ما كتر معاه بس قال ليه و ما أملك لك إن كان الله قد نزع من قلبك الرحمة. الحديث دا فيه دروس كتيرة جدا لكن من أكتر الحاجات الاستفدتها منه إنه في ناس كدا زي ما تقولي حالات مفقود فيها الأمل يعني زول ربنا حرمه الإحساس و ما عنده كومون سينس زي دا تحاولي أصلا ما تخليه يأثر عليك. الحمد لله ربنا صبرك و أسرتك و قدركم على الفعل الإيجابي و البفهم المفروض يجي يتعلم منكم كيف يكون الحزن مش يفتكر إنه من حقه ينظر ليكم و يديكم درس. و زي ما قالوا الإخوة اليده في الموية ما زي اليده في النار و الناس العجيبين ديل ممكن يلاقوا الزول في أي ملف... مع إنه الوقت ما وقت قصص لكن أحكي ليك قصة حصلت قدامي مع الوالد الله يرحمه. كان عندي زوج عمتي و هو في نفس الوقت خال الوالدة و كانت علاقته بأبوي قوية بصورة ما تتخيليها في آخر أيامه الله يرحمه جاته مشاكل في الكلى و الوالد كان متابع حالته بصورة لصيقة و كان بمشي ليه في البيت على الأقل مرتين في اليوم و بديه الحقن و الدربات بنفسه و يتابع أكل شنو و ما أكل شنو و بعد حالته بدت تتحسن فجأة اتدهورت و قرر إنه لازم يمشي المستشفى و كان الأيام ديك أول أيام الإنقاذ و عملوا حركة إنه الواحد لازم يمشي يقدم طلب عشان يأجروا ليه عربيه الإسعاف. فالوالد مشى عشان يستعجل الإجراء و قابله طبيب جديد فحكى ليه الموضوع قام الطبيب و بدون احترام للعمر ولا للخبرة الممكن تكون بعمره قال ليه و منتظرينه لمن وصل الحالة دي مالكم؟ للحظة شعرت الوالد داير ينفجر من الغيظ و ينهر الولد بعد شوية اتمالك نفسه و قال ليه بكل برود كنا راجينه يموت و أبى لينا نعمل شنو! عندها شعر الطبيب بالحرج و صدق بإيجار الإسعاف.
    لا تدعي أمثال هؤلاء يأثروا عليك و دعواتنا معك أن يلهمك الله الصبر الجميل و أن يرحم غادة برحمته الواسعة و يجعلها من أصحاب النعيم.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-14-2012, 04:10 PM

محمد سنى دفع الله
<aمحمد سنى دفع الله
تاريخ التسجيل: 12-10-2005
مجموع المشاركات: 10938

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: جد غضبانه غضب شديد... (Re: Elawad)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-14-2012, 04:31 PM

abdelrahim abayazid
<aabdelrahim abayazid
تاريخ التسجيل: 06-19-2003
مجموع المشاركات: 4499

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: جد غضبانه غضب شديد... (Re: Elawad)

    لا يا سهام ما تنكسري

    افتكر انك اقوي من كده وكما وظفتي عزيمتك
    وااسرتك واصدقائك في عمل مفيد يحمل اسم
    وروح غادة طوال الزمن
    ولا تكترثي واكشفي لنا عن ما وصلت له الجائزة
    من مشاريع
    تحياتي لك والاسرة
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-14-2012, 05:14 PM

jini
<ajini
تاريخ التسجيل: 02-04-2002
مجموع المشاركات: 29708

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: جد غضبانه غضب شديد... (Re: abdelrahim abayazid)

    سهام اختي الصغيرة
    شوية فى الغريق اعرف اهل بيتكم من صغرك واعرف تعلقكم ببعض عرفت الخبر من الاخ هشام بعد لحظات وعلى ما اذكر كان هشام فى الكويت فقلت ليى هشام دى ما بتتحمل فى الناس كيف تتحمل فى بنتها غادة!
    وهاتفتك كثيرا واذكر انني طلبت منك ان تتجلدى وتتجملى من اجلك اطفالك الباقين حتى لا يغمرهم الحزن ويترعرعوا فى جو حزن كئيب يؤثر فى تكوينهم النفسي وتحصيلهم ورؤيتهم للحياة!
    كنت اتمنى وادعو الله ان يعينك على تجاوز هذه المحنة وكنت اراقب بوستاتك خلسة دون ان اشارك!
    عموما كنت اتمنى ان تستعيذى وتتجاوزى هذا المطب
    الحزن يضعف المناعة ويورث الامراض ولا يحل مشكلة وليس عرفان للراحلة والخروج منه ليس تنكرا لها فاحن من الام كافر!
    ود الصائم كفانى مؤونة الشرح وملاسي اكد المعنى بمداخلته!
    ياسهام ان احزنتك مداخلات تعدعلى اصابع اليد الواحدة ففى الالاف المؤلفة من المداخلات التى شاطرتك الاحزان سلوى وبلسم
    لكي ولمجتبى محبتى وودى المقيمين وجعلها الله اخر احزانكم
    جني

    (عدل بواسطة jini on 02-16-2012, 01:09 PM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-14-2012, 07:26 PM

manal eltahir

تاريخ التسجيل: 11-04-2009
مجموع المشاركات: 479

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: جد غضبانه غضب شديد... (Re: Elawad)

    لا عليكي يا حبيبه ..لم ولن يفهموا حزنك علي ابنتك ...استعيزي بالله واطلبي لها ألرحمه والمغفرة ...ولا تضيعي صبرك في اللحظات الأولي ...غادة ملاك طاهر يحلق في السماء..بعيدة عن سخافاتهم وما قالوا وما سوف يقولون...اللهم ارحم غادة وعوضها عن شبابها الجنه وصبر والديها.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-14-2012, 08:34 PM

بخاري عثمان الامين
<aبخاري عثمان الامين
تاريخ التسجيل: 10-25-2007
مجموع المشاركات: 3451

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: جد غضبانه غضب شديد... (Re: manal eltahir)

    سهام .. أختي ، لا ادري هل ساخفف عنك أم العكس

    عموما من بين دموع غزيرة أكتب لك .. صحيتي فيني

    وجع جوه ..

    عذراً مداخلتي طويلة ولكنني اقدر ان تفقد أم طفلها

    أو طفلتها ..

    بعد وفاة قباني ( شقيقي ) 33 عاما متزوج لعام واحد

    وأب لطفل .. دخلت أمي ( عليها رحمة الله ) في حزن ( مقيم )

    جيتها بعد يوم ، شهر ، شهرين : كانت مصرة أن الدنيا بعد

    غياب قباني لا تستحق الابتسام ..

    ولانها تعتقد في الله ، قلت ليها مرة : أنت موش قباني دا امانة

    من ربنا اداك ليها وهسه شالها ، مالك حزينة وذي الرافضة لي

    أمر الله ؟

    ردت لي : اداني ليهو افرح بيهو وفرحت وما كان الفرح كفر

    وشالوا مني وحزنت وبرضو الحزن ما كفر . كان الله راضي علي

    بس يلمنا سوا في الجنة .

    قلت ليها نحن خمسة وعايزينك معانا ، ردت : بستناكم بي هناك

    تعالوا لي ونتكامل سوا .

    رحلت أمي بعد عام واحد يا سهام الي ابنها وتركت جرحاً في قلبي

    وامنية ان التقيها هناك ..

    بكينا هنا في بيوتنا غادة وكلما رأينا صورتها بالروب سالت دموعنا

    نعم شيوعيين ونحزن لاننا ( ناس ) مخلوقات ضعيفة تتذكر أن هذا الكوب

    كان لغادة تشرب به الحليب صباحا ولكنها رحلت وتركتنا وتركت كوبها

    كانت تحب اللون الفلاني وتركت اللون وهو امامنا

    كانت تجلس في هذا الكرسي وتداعب مجتبي عند الغداء ولكنها رحلت والكرسي

    موجود يذكرنا بها ..

    أنت أم حملتيها تسعة اشهر وهن علي وهن ، ساهرت ولم يغمض لك جفن وانت تحمليها

    بين يديك جراء التسنين والحمي حتي اشرقت الشمس ..

    لك ان تحزني ما شاء الحزن ، فقط علي رفع قبعتي والانحناءة لك وانت تحوليني

    حزنك الي فرحة في وجوه اطفال آخرين ..

    وختاماً اعذريني سهام
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-14-2012, 11:02 PM

قيقراوي
<aقيقراوي
تاريخ التسجيل: 02-22-2008
مجموع المشاركات: 10279

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: جد غضبانه غضب شديد... (Re: بخاري عثمان الامين)

    Quote:
    هسه كان استعذت ما كان اخير لى

    اسي ما فات حاجة
    المافي شنو!؟















    --------

    يا باخ صدق موتة د.مجدي دي لا يعدلها فجيعةً الا رحيل نزار المبكر
    خليك من خالتي بشرية .. ياخ انحنا ديل ما دخلت علين!؟

    الله يرحمهم جميعاً غادة، نزار، بشرية، ومجدي
    و يجعل مثاهم الجنة اجمعين .. و يجمعنا بهم
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-14-2012, 11:43 PM

Yassir Tayfour
<aYassir Tayfour
تاريخ التسجيل: 08-18-2005
مجموع المشاركات: 10894

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: جد غضبانه غضب شديد... (Re: قيقراوي)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-15-2012, 00:27 AM

Farahat Sayed
<aFarahat Sayed
تاريخ التسجيل: 04-24-2005
مجموع المشاركات: 592

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: جد غضبانه غضب شديد... (Re: Yassir Tayfour)

    عارفه يا سهام كونو انك زعلانه دي حاجه كويسه

    كونو بتفكري في الصاح والغلط دي نعمه تحمدي عايها ربك

    لانو في المكانك كان جن عديل كده

    وكونو تحزني حزن ايجابي دي نعمه كبيره تحمدي عليها ربك

    لانو الوقع عليك والله الجبال ما تقدر عليهو

    غايتو يا زوله الله كرىم عليك

    ويديك قدر صبرك

    وما تقولي مافي صبر

    وعزه الله في ملكو انت صبرت وانجزتي كان لغاده كان لاصحابها

    والله يقدرك كمان وكمان اكان انتي وةلا مجتبي

    وما داير احكي الحصل اي زكيه بت عمتك حليمه الاتهجمت ذي هجمتك
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-15-2012, 01:49 AM

هيثم طه
<aهيثم طه
تاريخ التسجيل: 08-30-2011
مجموع المشاركات: 1127

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: جد غضبانه غضب شديد... (Re: Farahat Sayed)

    معليش يا سهام - ح اطلع شوية في الكلام من سياق زعلتك
    تعرفي من ناحية شايف نوع كتابتك دي مهمة لينا عشان نعرف الناس اصحاب التجربة
    الانسانية الثرة الزيك لامن يزعلوا بزعلوا كيف ؟ و الزعلة زاتها لامن تطلع بتكون عاملة كيف
    و لامن يكونوا شايلين الحزن جواهم و بصنعوا للتانين الفرح كيف بعملوا
    الحاجات دي وبكونوا كيف لامين المتناقضات دي-
    بقول الكلام دا لانو بقي عندي ظن اقرب لليقين انو الثقافة السودانية الشايلها السوداني (في حدود تجربتي ) بقت
    فقيرة جدا في كتير من القيم الانسانية الكانت موجودة (مثلا قبل 30 سنة ) -بالتاكيد ما قصدي التباكي علي ايام زمان - لكن محاولة للفهم بس -
    و ممكن كل الديباجات بتاعت القيم تكون قاعدة زي العيب -العشم - الحزن -الفرح - الشهامة -الكرم -الخ - لكن في -حدود معرفتي -القيم دي بقت
    شبه فارغة من معانيها الاصلية - و فقدت جزء كبير من (الجنوينتي ) - و دا شكلو موضوع طويل -
    و لامن اقول فقر واقعنا و او ندرة التجارب زي حقتك -عن التعاطي مع الحزن بشكل ما معهود -من الصعب انو نفهم انو
    انتي تكوني شايلة الجراحات دي كلها و بتصنعي للاخرين فرح -و بقوم بجي زي التفسير القالوه ليكي !

    لكن ارجع و اقول ليه الزول يسمح للتانين يخشوا عليهو في مساحاتو الخاصة جدا و يديهم حق في انو يختوه في الجو الهم عاوزينو يكون فيهو
    بالتاكيد الانسان ما مصفح -لكن قصدي مجرد تساؤل انو هل في امكانية انك تجي تكتبي كلام عميق و صادق في الحزن زي دا كمجرد توثيق لتجربة انسانية بدون ما يكون الاخر الاتغول في مساحاتك الخاصة و الانتي اديتيهو اذن و حق ما كان بحلم بيهو -يكون السبب في الكتابة ؟
    --

    و ختاما كأخرين في البوست ممكن اتشارك بواقعة حزن علي الملأ :
    عندي صاحبي حكي لي انو في واحد عزيز جدا من اسرتو مات ليهو في حادث حركة - و الناس بجوا بعزوه و
    بعد خمسة دقائق بسألوه عن الحادث حصل كيف !؟ و بقول لي :يعني الناس شايفة المفارقة في تفاصيل الحادث
    و ما شايفين الحاصل عليهو -في النهاية قال ابيت اتقبل تعازي من الناس و هرب من موقع العزاء - و قال اخير يحزن براهو
    و بِقول يعني حيكون في شنو في الحادث ما عربية ضربت زول -شنو يعني المثير للفضول !
    أكان كان بعدّي الزلط ولة عربية متخطية عربية تانية -المهم مافي
    عموما الامثلة كتيرة -حتي في مشاركة الافراح و الاعراس - و همّ الناس في العشاء كأنوا دا اخر عشاء في حياتهم !
    و ممكن يكونوا متذكرين سنين في عرس فلان ما شربوا بيبسي و ما اتعشوا ! و باقي القصص المعروفة
    يلا عموما عشان محمول الثقافة للقيم فقد كتير من(الجنوينتي ) و مقدرة المشاركة مع الاخرين في احساسيهم بقت شبه سطحية و الاحساس بالاخر بقي ضعيف ببقي التغول علي احزان الاخرين ساهل و بالتالي تحديد طريقة الحزن للاخرين بقي جائز أكان باسم الدين او تحت اي مسمي تاني كالمساخة او غيرها

    و بالتأكيد مهما تكون ثقافة الواقع بقت صعبة لكن لسع في ناس بخير و اكيد كلامي فيهو تعميم ممكن يكون مخل
    و ما بشمل الناس كلها

    تحياتي ,و كويس انك ما استعذتي !

    (عدل بواسطة هيثم طه on 02-15-2012, 02:10 AM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-15-2012, 04:43 AM

عفاف أبو حريرة
<aعفاف أبو حريرة
تاريخ التسجيل: 12-28-2006
مجموع المشاركات: 1769

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: جد غضبانه غضب شديد... (Re: هيثم طه)

    ياجبل مايهزك ريح
    Quote:
    لا يا سهام ما تنكسري

    افتكر انك اقوي من كده وكما وظفتي عزيمتك
    وااسرتك واصدقائك في عمل مفيد يحمل اسم
    وروح غادة طوال الزمن
    ولا تكترثي واكشفي لنا عن ما وصلت له الجائزة
    من مشاريع
    تحياتي لك والاسرة

    ماتباري الجداد
    البباري الجداد بمشي الكوشه
    الله يرحم غاده ويصبر قلبك انتي وابوها
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-15-2012, 05:07 AM

heba Elmahi
<aheba Elmahi
تاريخ التسجيل: 01-21-2008
مجموع المشاركات: 1505

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: جد غضبانه غضب شديد... (Re: هيثم طه)

    حتي غضبك نبيل يا سهام و كويس جدا" إنك كتبتي و إشركتنا في غضبك و همك ،
    بردد مع الاخرين إنه نحنا كلنا بكينا علي غادة بحرقة شديدة رغم عدم معرفتنا بيها.
    تعرفي عندي خالتي ربنا يديها الصحة و العافية ربنا قسم ليها في الدنيا دي ولد و بت بس أبوهم إتوفي و هم
    اطفال زغب الحواصل في اعمار صغيرة جدا" ، هي رفضت الزواج مرة تانية و قعدت بس علي عيالها ديل كبرتهم و علمتهم
    و حقيقة كان مبلغ همها هو التعليم لانها كانت معلمة ، طلعوا شاطرين جدا ، الولد دخل جامعة جوبا كلية الجيولوجيا
    و كان الاول علي دفعته في السنة الاولي السنة التانية حصلت بعض المشاكل و لاسباب سياسية تم فصله من الجامعة و قام حزبه
    سفره لي بلد عربي اخر لاكمال دراسته ، هاجر و ساب أمه و أختو و إجتهد انه ما يثقل عليهم بالمصاريف كان بدرس سنة
    و يجمد سنة يشتغل فيها المهم انه إتخرج و الجامعة أدته منحة للماجستير ، إنتهي من الماجستير أدهو منحة تانية للدكتوارة
    الكلام دا كلو تم في خلال 13 سنة ، 13 سنة هي ما شافتو و فرحت بنجاحه، يوم مناقشة الدكتوارة بتاعته إتوفي في سريره قبل
    المناقشة !!! ربنا يرحمه و يغفر ليه
    البت برضو درست و خلصت الجامعة في مصر و جات السودان إشتغلت في مجالها و بدأت تحضير ماجستير في علم النفس حزنت هي و امها
    علي اخوها جدا بس حياتهم إستمرت ، بعد 3 سنوات و في عملية زايدة عادية جدا البت زاتها إتوفت ( رحمة الله عليها ) إتخيلي
    بس خالتي دا يكون حالها كيف ، فقدت بتها و ولدها في لمحة بصر بعد ما كبروا ليها و نجحوا ليها ، فجاءة لقت نفسها عايشة براااها
    في البيت الله و روحها وو هي اصلا" امها و ابوها متوفين !! ربنا يكون في عونها
    قصتي دي كلها عاوزة احكي ليك انه الناس في العزاء التاني بتاع بت خالتي كانوا بسمعوها في أضانها انها شؤوم قتلت ولدها و بتها
    و قعدت !! إتخيلي بس و كأنه موت اولادها دا شئ هي إختارته .. أنا شخصيا لما بلغوني بوفاة بت خالتي دي قلت إنه خالتي حتموت هسسسة
    دي و حيدفنوهم سوا لاني كنت عارفة إنهم متعلقين ببعض قدر شنو كأنوا زي الاخوات والله العظيم . رحمة الله علي غادة و ماجدولين و محمد
    و علي جميع أموات المسلمين وكتري بس من قولة يا لطيف و ربنا يقويك و يعينك علي حاجات كتيرة ممكن تلاقيك و تسمعيها من ناس
    جاهلين ما عندهم شئ يعملوه غير أذية مشاعر الناس ، إستعيذي من الشيطان و كتري من الصلاه علي الرسول و إن شاءالله جائزة غادة للشباب
    تستمر لغاية اولاد اولادك ،،، تحياتي و عذرا" للآطالة والله بكتب ليك و دموعي نازلة مطر، ربنا يعينك يا سهام ربنا يعينك
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-15-2012, 06:30 AM

عاطف عمر
<aعاطف عمر
تاريخ التسجيل: 11-26-2004
مجموع المشاركات: 10945

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: جد غضبانه غضب شديد... (Re: Siham Elmugammar)

    Quote: الأخت الكريمة سهام،
    تحياتي أيتها الأم السودادنية الفريدة!
    أتركي عديمي الإحساس لجلودهم الغليظة، فهي لهم مقابر. وهم الموتى. أما أنت فتقومين، بجدارة، بإضفاء الحياة على الموت نفسه. فالحياة ليست مجرد أنفاس ننفثها في الفضاء، فهذا بمقدور موتى كثير يمشون على أقدامهم كأنهم أحياء، وماهم كذلك. الحياة قيمة إنسانية تتجلى بوضوح في احتفائك بها في الحرف المشرق والكلمة المضيئة.

    أنت رائدة، يا سهام، وكذلك زوجك الكريم. وريادتكما تتجلى في تحويل الحزن إلى مصدر للطاقة المبدعة، المسرجة في الكلمة الخالدة. وهنا تحيا غادة، حياة لا تعرف الموت. وللريادة ثمن، ياسهام، بخاصة في الأوساط التي يسيطر فيها الجهل والغلظة والهوس. الثمن الذي تدفعينه باهظ. ولكن رجاءنا أنك، مثلما جعلت من الحزن طاقة مبدعة، كذلك ستفعلين بغضبتك الصادقة هذه.


    وجدت في دواخلي كل هذه المعاني
    ولم أجد في قواميس لغتي أفضل من الكلمات التي صاغ بها أخي الحبيب د. حيدر بدوي هذه المعاني


    لك كل التحايا أختي العزيزة سهام
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-15-2012, 06:03 PM

Siham Elmugammar
<aSiham Elmugammar
تاريخ التسجيل: 06-18-2004
مجموع المشاركات: 3488

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: جد غضبانه غضب شديد... (Re: عاطف عمر)

    السلام والتحية والتقدير لكل من مر من هنا
    عارفة انكم ما ناس دايرين يردو عليكم واحد واحد
    بس ح اعملها لانو كلو مداخلة عندها طعم
    لكن هسه عاوزة اشكركم واحد واحد انكم حسستونى انو غضبتى
    ما كانت شينة شديد
    وزى ما قال قيقراوى المافى شنو؟
    اهو يا قيقا النت الليلة ربنا جعلو سبب (حلف ما يشتغل من الا هسه)
    عشان "تو رفلكت" شوفت كيف فى غضبتى دى
    اراجع نفسى و استعيذ
    اعوذ بالله من من الشيطان الرجيم


                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-15-2012, 06:29 PM

Siham Elmugammar
<aSiham Elmugammar
تاريخ التسجيل: 06-18-2004
مجموع المشاركات: 3488

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: جد غضبانه غضب شديد... (Re: Siham Elmugammar)

    العزيز ود الصايم سلامات ياخ شكرا و قع لى
    اكتب شنو والا شنو والله البطن مليانة
    وكل مرة زول برسل لى فى الفيس بوك عشان اكتب
    عن غادة بس ..كيف؟؟؟
    كلو راح كفاية سودانيزاون لاين تكون راعية الجائزة
    كشئ ايجابى مافى داعى يا قول تماضر بت شيخ الدين
    للبشتنة والثكلى ...وبعدين الحمدلله خالتى عشه ما شافت البوست ده
    كان نكلت بى تنكيلاً
    ______________________________________________
    العزيز صبرى الشريف سلامات و تحية
    "لا عليك من ناس مهنتها اصدار صكوك الغفران والرضا في احزاننا وافراحنا"
    المشكلة انو الناس دى ما بتفكر انو القصة دى ما عندها استنادارد ولا مانيول
    بجى معاها بشتغل مع كل زول بنفس الكيفية
    _________________________________________
    العزيز سيف النصر سلامات
    دموعك غالية والله كتر خيرك ان زرفت الدمع معى هنا
    الله يمسح دموع الجميع بالصبر الجميل يا رب
    ______________________________________
    العزيز ماجد سلامات
    "اقسم باالله دمعت عيناى وانا بقرا كلامك لانى حسيت بى كمية الالم
    لامن زول يزايد على حزن"
    انتى جبت التعبير الكان فايت على المزايدة ده!!!!
    والله صحى كلام عجيب
    ربنا يخلى ليك اطفالك و تشوف فرحهم وتشوف جناهم
    _____________________________________
    ولدنا الصاوى
    "ياخي اعتبري حلة الملاح اتدفقت في جلابيتك العاجباك ولا المكوة مسكت في
    توب الشفون الجابو ليك مجتبى في الفالنتاين الفات
    ما كلها ابتلاءآت"
    ياخ وين الحى بيك نسيت امدر ونسيت ناسا
    يا الصاوى الفراق بينا طال
    صحى صحبة الجامعة بتعرف لبعضها
    قلت لى صاحبك جاب شنو؟ ومتين ؟ والله كلام
    اضحك الله سنك
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-15-2012, 07:01 PM

اسعد الريفى
<aاسعد الريفى
تاريخ التسجيل: 01-21-2007
مجموع المشاركات: 6925

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: جد غضبانه غضب شديد... (Re: Siham Elmugammar)

    سهام اختى
    فتشى الكتاب ده و محل ما تلقى كلمة انترنت ختى السودان
    و حترتاحى
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-15-2012, 07:01 PM

Siham Elmugammar
<aSiham Elmugammar
تاريخ التسجيل: 06-18-2004
مجموع المشاركات: 3488

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: جد غضبانه غضب شديد... (Re: Siham Elmugammar)

    السلام اخونا حيد ر
    " أنت رائدة، يا سهام، وكذلك زوجك الكريم. وريادتكما تتجلى في تحويل الحزن إلى مصدر للطاقة المبدعة، المسرجة في الكلمة الخالدة. وهنا تحيا غادة، حياة لا تعرف الموت. وللريادة ثمن، ياسهام، بخاصة في الأوساط التي يسيطر فيها الجهل والغلظة والهوس. الثمن الذي تدفعينه باهظ. ولكن رجاءنا أنك، مثلما جعلت من الحزن طاقة مبدعة، كذلك ستفعلين بغضبتك الصادقة هذه. "
    ياخ كلامك يرقد القلب و يختو فى محلو من جديد بعد ان ازاغه الغضب
    ويشجع على الاستعاذة بكثرة
    متيييييين يا حيدر اخوى يجى اليوم ونشوف جائزة غادة عالمية
    _____________________________________
    العزيز نوفل سلامات
    " بالجد شي يحير .. منو البدي الحق للبعض حتي يحدد حزن الام علي ضناها ؟"
    انا معاك بسأل السؤال ده؟ وبسأل عن اساسا من الاساس و الساس
    الفكرة بتخطر على الزول كيف؟ يعنى فى موقف زى ده كيف بتجيك اى فكرة غير
    انك فقط تمسك بى يد الزول و تشدها بمعنى انا معاك حاسى بيك
    بستغرب للناس البيجو طوالى عشان يتكلمو معاك تبكى كيف و تقول شنو وما تقول شنو؟
    والله نحن فينا ناس عجيبين
    مرة كنت مع ناس وجابو ليهم خبر عمهم طبعا الشئ الطيبعى انى مشيت معاهم
    وقعدت عصرت معاهم الفراش لبعد الدفن و جا وقت الصلاة لقيت مجموعة من نسوان اهلهم ماشين الجيران الاتضح انهم ده بيت عمهم التانى.. لدهشتى و دهشتى و من ثم غضبى الذى لم استطيع ان اعبر عنه ابدا
    انو بدأو يقطعو (لاحظ وهم بتوضو و يستعدو للصلاة) والله فلانه بدت تبكى ابوها سمممممح وتوصفو سممممممح لكن فى النهاية خربتها ما كانت تقول وماكانت تقول...
    لسه ما قفلت خشمى من الدهشة
    واحدة قامت قالت هو زاتو ابوها ده هى نست هو سوا و سوا وبدأت تعدد فى مساوئ الميت
    والله صحى
    بعدين اكتشفت انو كلهن الميت عم بعضهن و خال بعضهن
    تصدق بالله
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-15-2012, 08:31 PM

قيقراوي
<aقيقراوي
تاريخ التسجيل: 02-22-2008
مجموع المشاركات: 10279

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: جد غضبانه غضب شديد... (Re: Siham Elmugammar)

    Quote:
    اهو يا قيقا النت الليلة ربنا جعلو سبب (حلف ما يشتغل من الا هسه)
    عشان "تو رفلكت" شوفت كيف فى غضبتى دى
    اراجع نفسى و استعيذ
    اعوذ بالله من من الشيطان الرجيم

    انت قايلا الكلام دا ساي؟
    هو في حاجة ساي!؟












    -----------

    اعملي حسابك !!
    واندهي شيخك قيقاراوي .. البجيب الرايحة .. ؤبرح الفي
    المافي شنو!؟

    ادعي لينا عليك الله يا حاجة
    و ربنا يرحم غادة و يبشبش الطوبة التحت راسا
    و يجمعكم في الفردوس

    امسكي ورِدك تمام
    و اطلبي الرحمة ممن لا ينام
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-15-2012, 09:30 PM

Kostawi
<aKostawi
تاريخ التسجيل: 02-04-2002
مجموع المشاركات: 35233

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: جد غضبانه غضب شديد... (Re: Siham Elmugammar)

    ghadamahasi-sihamalmogamar.JPG Hosting at Sudaneseonline.com
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-15-2012, 09:45 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22514

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: جد غضبانه غضب شديد... (Re: Kostawi)

    اختنا سهام
    ياخي كيفنك ونعلك طيبي
    مرقي الجواك ياخي
    قولي الواجعك كله خلينا نشيل معاك
    الايدو في الموية ما زي الايدو في النار
    وبتنا غادة باذنه تعالى عند رحيم غفور
    يعلم الله بكيتيني
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-15-2012, 11:36 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: جد غضبانه غضب شديد... (Re: طارق جبريل)

    الأخت الحبيبة سهام إن شاء الله طيبة إنت واسرتك الكريمة
    يعلم الله زعلك وعتباك مارق بي حنية من جوفك , بكاني شدييييييييييد زي ما قال ليك الحنين طارق جبريل
    قريت كلامك امس وقلت بي دميعاتي دي ما برد هسه
    دحين يا خية بركة الإتفشيتي , كتمة الزعل بتضر صاحبها
    والحمد لله الشاركتي خيانك واخواتك إحساسك حتى لو كان زعل
    عشان تعرفي وتتأكدي تماما الدنيا دي قدر ما ببقى فيها الشر بجي الخير طامح لا فوق وبغلبو
    اها هسه شوفي لمة الحبان في حوشك سمحة كيفن
    نعم الأخوان ونعم الأخوات والله
    وإنتي زاتك تستاهلي الخير الكتير
    ربي يصبرك بقدر فقدك الجلل
    ويرحم بنيتك ويوسدها الباردة
    قدر ما تقدري ادعي ليها بالرحمة , دعوة الوالد بالحيل سمحة
    الله يرحمها ويرحم جميع موتانا وموتى المسلمين إن شاء الله
    ويديك واسرتك الصحة والعافية يا رب
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-16-2012, 06:47 AM

Siham Elmugammar
<aSiham Elmugammar
تاريخ التسجيل: 06-18-2004
مجموع المشاركات: 3488

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: جد غضبانه غضب شديد... (Re: اسماء الجنيد)

    العزيزة امانى العجب سلامات
    تقبل الله دعائك لنا ونسال الله فى لحظة
    ان يتقبل بتنا القبول الحسن
    و يجعلها فى الفردوس الجنة
    ويعوض شبابها الجنة
    ويعوضها باحلامها التى لم تحققها فى الدنيا
    بما يراه من خير لها
    هو القادر على ذلك
    ___________________________________________
    العزيز العوض
    "قام الطبيب و بدون احترام للعمر ولا للخبرة الممكن تكون بعمره قال ليه و منتظرينه لمن وصل الحالة دي مالكم؟ للحظة شعرت الوالد داير ينفجر من الغيظ و ينهر الولد بعد شوية اتمالك نفسه و قال ليه بكل برود كنا راجينه يموت و أبى لينا نعمل شنو! عندها شعر الطبيب بالحرج و صدق بإيجار الإسعاف"

    والله مافى رد اذكى من كده ولا احسن من كده
    ولا ممكن يكون درس لعدم الاحساس غير كده
    رحم الله جميع موتانا
    لك المودة
    _______________________________________

    العزيز عبدالرحيم ابايزيد سلامات
    شكرا على الايجابية وان شاءالله
    ح ينزل بوست قريب عن تطورات الجائزة
    خليك معانا قريب
    فلولا دعمكم ورفعكم لبوستات الجائزة
    لما كان النجاح
    ___________________________________________
    العزيز اخوى الكبير جنى
    سلامات واشواق
    والله يا جنى مكالماتك كانت برد على
    بالجد وخصوصا وانت تحدثنى عن تجربة والدتكم
    اهو الزول بتصبر بالناس الزيكم
    احس انك غاضب على هذا البوست او محبط منه
    لك العتبى حتى ترضى يا اخوى
    بس اقول ليك ياها الابس اند داونس
    وعييييك اسأل منها الهام
    وهى تقول ليك
    ________________________________________
    العزيزة منال الطاهر
    سلمتى يا بت امى
    نسأل الله ان يتقبل الدعاء
    كل يوم كل ساعة كل لحظة بسال نفسى ياربى
    دعائنا ده قاعد يصل والا لا
    يارب ارحمها وارحمنا
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-16-2012, 06:56 AM

Siham Elmugammar
<aSiham Elmugammar
تاريخ التسجيل: 06-18-2004
مجموع المشاركات: 3488

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: جد غضبانه غضب شديد... (Re: Siham Elmugammar)

    العزيز السنى سلامات

    وردة السماء تنام هادئة
    رقراق الحزن يتهادى على اتكائتها







    _______________________________
    اضف الى ذلك...
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-16-2012, 08:13 AM

azhary awad elkareem

تاريخ التسجيل: 09-26-2007
مجموع المشاركات: 1328

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: جد غضبانه غضب شديد... (Re: Siham Elmugammar)

    سهام يا صديقتى ألإسفيرية..
    لك التحايا..
    حزنت والله أشد الحزن لفقد الإبنة غادة..
    ومهما إدعينا أأنا نعرف حجم الفاجعة عليك أو على أى والد/والدة
    فقد فلذة كبده
    فإننا نكون قد جانبنا الحقيقة..
    فأنا شخصياً ورغم حزنى الشديد على الإبنة غادة
    إلا أننى ما تلمست فداحة الأمر حقيقة
    إلا عندما مررت بتجربة مشابهة لتجربتكم وإن إختلفت النتائج..
    فقد تعرض محمود إبنى ـ أربعة أعوام ونصف ـ لحادث حركة
    عندما صدمته عربة بالقرب من المنزل دخل على إثرها فى غيبوبة لعدة ساعات
    ثم أيام أخر فى العناية الوسيطة..
    وبالرغم من أنه تماثل للشفاء
    إلا أن منظره محمولاً على اليدين والدماء تخر من رأسه وجسمه معفر بالتراب وبالدم
    أقول رغم أنه تعافى
    إلا أن ذلك المنظر لم يبرح مخيلتى قط
    وما زال ذلك المنظر يفجعنى كأن محموداً لم يتعاف بعد..
    يومها يا سهام..وبعدها يا سهام
    تحسست حقيقة حجم الحزن وحجم الألم الذين إعتراك ويعتريان كل من فجع فى إبنه/بنته.....
    ورغم فداحة الحزن فإنك لم تستسلمى
    وقررت أن تجعلى من هذه المصيبة سبباً لرعاية الأطفال الموهوبين..
    فهل أخطاتى؟؟
    كلا عزيزتى سهام فما فعلتيه هو عين الصواب
    وليتنا كلنا إستلهمنا تجربتك
    وإستفدنا من أحزاننا ومصائبنا..
    كنت أتناقش قبل فترة مع الدكتور عبد الله على إبراهيم
    عن جائزة غادة..وعلمت منه كم هو سعيد بالفكرة
    حتى أنه شجعنى على أن أستلهم الفكرة فى عمل
    يحذر من مخاطر حوادث الحركة على ألأطفال وسبل حمايتهم.
    ولكننى لم أكن سهام فتقاعست..
    وليتنى كنت سهاماً..
    سيرى إلى الأمام أيتها الصديقة
    دون أن تلفتى لكل الذين(يدهم فى الماء)
    والذين حتماً لن يكونوا مثل الذين(يدهم فى النار)
    مع تحياتى للمرة الثانية..
    أزهرى
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-16-2012, 11:16 AM

مدثر صديق
<aمدثر صديق
تاريخ التسجيل: 04-30-2010
مجموع المشاركات: 2870

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: جد غضبانه غضب شديد... (Re: azhary awad elkareem)

    الاخت سهام
    هوني عليك ....
    اشهد ان اسرتكم اسرة كريمة و مبدعة ..معرفتي منذ دراستي مع الاخ عزام ..ايام المرحوم طه المجمر..و كيف كان ابا للجميع و يحمل معه التلاميذ الصغار في سيارته ... اسرتكم لها مقدرة على اشاعة الخير لمن حولها ...
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-16-2012, 01:00 PM

حواء سليمان ابراهيم
<aحواء سليمان ابراهيم
تاريخ التسجيل: 02-13-2007
مجموع المشاركات: 2888

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: جد غضبانه غضب شديد... (Re: مدثر صديق)

    Quote: نفسى يا ملاسى اعمل جمعية كده للامهات
    الحالتهن زى حالتنا انا وسامية
    نتلمى و نتشارك الحزن و نشوف
    مع بعض نمشى لقدام كيف؟


    سهام يا زميلتى فى الاحزان
    ياريت تنفذى الفكرة وانا اول المشاركين

    غايتو حرقةالحشا ما بتمناها لزول ، بس الناس
    ديل ما عارفين معنى انك تفقد حياتك وفرحتك ما تتم

    هونى عليك يا غالية
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-21-2012, 10:14 AM

Siham Elmugammar
<aSiham Elmugammar
تاريخ التسجيل: 06-18-2004
مجموع المشاركات: 3488

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: جد غضبانه غضب شديد... (Re: حواء سليمان ابراهيم)

    سلام للجميع وقفت الكتابة فى البوست ده وفى القلب حسرة انى ما رديت
    على ناس اعزاء على نفسى اقتطعوا من زمنهم عشان يشدو على يدى
    ويجبرو خاطرى كان لعدة اسباب
    واحد بخارى مداخلتو قطعت قلبى
    اتنين انو فى اصدقاء اتصلوا بى وقالوا لى اقيفى لانو ما مفيد
    وانا لسه ما بين الم مداخلة بخارى والتفكير فى نصايح الاصدقاء
    وردى ماااااات

    اهاالليلة وانا مجندلة مبارية النت لقيت نفسى هنا
    http://www.alfikra.org/chapter_view_a.php?book_id=19&chapter_id=6

    وقمت لقيت الكلام ده وعجبنى شديد بالجد وقررت انى اعود به للبوست ده
    اقتباس (


    هل التفكير الغائي في أصل الدين؟ وهل صحيح أن الله لم يخلق هذا العالم إلا ليعبده هذا العالم؟ وإلا فما الغاية وراء الخلق الإلهي؟

    الغائية أصل الدين.. بل هي أصل الأصول فيه ـ فلا مكان للصدفة، لا في كبيرة، ولا صغيرة.. ((وما خلقت الجن والإنس إلا ليعبدون)) تحكي هذه الغائية، أفضل حكاية.. وهذا يجيب على الشطر الثاني من سؤالك، ولكن يبقى، بعد ذلك، شيء، هو : ما معنى العبادة؟ وهل الله محتاج للعبادة؟
    من الوهلة الأولى نقرر أن الله غني عن العبادة ـ ((يأيها الناس أنتم الفقراء إلى الله، والله هو الغني الحميد)) فالناس هم المحتاجون إلى العبادة، لا الله.. والعبادة، ما هي؟ أجملها المعصوم حين قال ((تخلقوا بأخلاق الله. إن ربي على سراط مستقيم.))
    وأعلى أخلاق الله الإطلاق ـ الحرية الفردية المطلقة.. ولذلك فإن أعلى مراتب العبادة حسن التصرف في الحرية الفردية المطلقة.. وهذه تقتضي قوة الفكر، ودقته، ومضاءه في مراتب القول والعمل، حتى يتحقق العابد، الموحد، بمرتبة توحيد ذاته بتوحيد فكره وقوله وعمله.. قال تعالى في ذلك ((يأيها الذين آمنوا لم تقولون ما لا تفعلون؟ كبر مقتاً عند الله أن تقولوا ما لا تفعلون)) فإذن الغاية التي من أجلها خلقنا أن نحقق كمال ذواتنا، عن طريق العبادة. وذلك بفضل ما تورثنا إياه العبادة من قوة الفكر وحدته ومضائه ـ قال تعالى ((وأنزلنا إليك الذكر لتبين للناس ما نزل إليهم. ولعلهم يتفكرون)) فكأن الحكمة وراء شريعتنا أن نفكر، والفكر ليس غاية في ذاته، وإنما هو وسيلة إلى تحقيق الحياة الكاملة، وهي الحياة التي تستمتع بالحرية الفردية المطلقة، وتحسن التصرف فيها ـ فالحياة الكاملة هي الغاية من خلقنا ـ خلقنا لنكون كاملين كمال الله. وهيهات!!

    ثمة آيات في القرآن تبخس الدنيا، وتصفها بالفناء.. هل يقول الإسلام بالإنكار المطلق لقيمة الحياة؟ ما تفسير الأستاذ محمود للآية القائلة بألا نسأل عن أشياء إن تبد لنا تسؤنا؟

    الإسلام يقسم الحياة إلى درجتين، بينهما اختلاف مقدار، لا اختلاف نوع: الحياة الدنيا، والحياة العليا.. فأما الحياة الدنيا فهي حيوانية، وأما الحياة العليا فهي إنسانية.. فالإنسان، ما دامت مسيطرة عليه صفات الحيوان، خضع لها، أو قاومها، فهو في الحياة الدنيا.. فإذا تخلص من صفات الحيوان، بفضل الله، ثم بفضل المجاهدة المستمرة لدواعي هذه الصفات، فقد أصبح في الحياة الأخرى، أو الدار الآخرة، كما يرد عنها التعبير في بعض الأحيان. وقد جعل الموت الحسي فاصلاً بين الحياتين. فكأنه، ليدخل الإنسان المجاهد لدواعي صفات الحيوان فيه، في الحياة العليا، لا بد له من تجربة الموت الحسي. ولكن الموت المعنوي يحقق طرفاً من هذا الدخول، والموت المعنوي يعني أن تسكن دواعي صفات الحيوان في الإنسان تحت قهر العلم في مستوى علم (حق اليقين) ولذلك فقد قال المعصوم ((موتوا قبل أن تموتوا)) يشير إلى هذا الموت المعنوي.. فالحياة الدنيا، أو حياة الحيوان هذه، هي التي يشدد القرآن عليها النكير، ويصفها بالفناء، والزوال، ويندب الناس ليزهدوا فيها، ليرتفعوا إلى إنسانيتهم في الحياة العليا ـ الحياة الإنسانية ـ.
    فالإسلام لا يقول بالإنكار المطلق لقيمةالحياة، وإنما يميز بين قيم الحياة، ويجعل وكده تسيير الناس إلى الحياة الإنسانية بتزهيدهم، وإزعاجهم عن الحياة الحيوانية. ومعنى فناء الحياة الدنيا إفضاؤها، رضي الإنسان أم لم يرض، إلى الحياة العليا ـ ((يأيها الإنسان إنك كادحٌ إلى ربك كدحاً فملاقيه.))
    وأما تفسير الآية ((يأيها الذين آمنوا لا تسألوا عن أشياء إن تبد لكم تسؤكم. وإن تسألوا عنها حين ينزل القرآن تبد لكم. عفا الله عنها، والله غفور حليم * قد سألها قوم من قبلكم ثم أصبحوا بها كافرين)) فإنها تعني نهي الأصحاب عن أن يكثروا من الأسئلة عن الحرام والحلال، وعن أمور في الدين سكت عنها النبي، وذلك لأن ما سكت عن تحريمه فالأصل فيه الحل. وفي الحل سعة، وفي التحريم تضييق. وكذلك الأمر في مسائل التكليف، فإن الإلحاح في الأسئلة عما سكت عنه قد ينزل القرآن بتجديد تكليف يزيد في ثقلها. وكذلك الأمر في مسألة العقيدة. وأنت سألت عن الأية الأولى فقط، ولكنني أوردت لك الآية الثانية لأن فيها بياناً للأولى، فكأنه قال لا تسألوا النبي عن أمور في العقيدة، أو في التكليف، سكت عنها النبي. وإن تسألوا عنها فإن الله يبديها لكم في القرآن، فتسؤكم لأنها تجيء بتكليف زايد، فتدخلوا به في الحرج، بعد أن كنتم قبلها في السعة، وقد كان النبي يقول لأصحابه ((يأيها الناس أتركوني ما تركتكم)).

    كيف يتواجد الله في كل مكان وفي لا مكان؟

    وجود الله لا يوصف بالمكان، لأن المكان مخلوق، ومحدود، فلا يحوي المطلق.. ولا يوصف باللا مكان، لأن اللا مكان متصور، والله مطلق لا يدرك وجوده التصور ((فكل ما خطر ببالك فالله بخلاف ذلك)) فإذا قلنا أن وجود الله يتنزه عن المكان، والزمان، فليس معنى ذلك أنه يوجد في اللا مكان، ولا اللا زمان، وإنما هو أيضاً يتنزه عن هذا التصور، فوجوده مطلق لا يتعلق به الوهم، ولا التصور، ولا الإدراك.. إنما الإدراك يدرك ضرورة وجوده.. فليس للكيف ههنا مكان.

    كيف يتسنى لنا فهم الله، أو حتى التوصل إلى وجوده إذا كان الله لا يشبهنا في شيء، من قريب أو بعيد، وليس كمثله شيء؟

    ليس معنى قوله تعالى ((ليس كمثله شيء)) أننا لا نشبهه.. لا من قريب ولا من بعيد.. بل الحق إننا نشبهه تعالى. وقد قال المعصوم ((إن الله خلق آدم على صورته)).. وقرينة الشبه قائمة بيننا وبينه تعالى، فإنه تعالى عالم، ومريد، وقادر، وكذلك الإنسان، خلقه الله عالماً، ومريداً، وقادراً، ومن أجل هذه القرينة فإنا نعرف الله، ولولاها ما أمكن أن نعرفه.. راجع الإجابة على السؤال نمرة 3.

    المقاساة ((Suffering)) تشكل ركناً هاماً من أركان المسيحية.. ما قول الإسلام في المقاساة؟

    المقاساة جاءت للمسيحية عن طريق إعتقادهم موت المسيح على الصليب، من أجل تفدية البشرية من الخطيئة الأساسية التي كسبها أبوها آدم.. وهذه القاعدة هي أصل الأصول في المسيحية.. ولكن ليس لها في الإسلام مكان.
    الصبر هو ما يقابلها في الإسلام.. فالقرآن مليء بالحض على الصبر، وبوعد الصابرين بعظيم الثواب.. ((يأيها الذين آمنوا اصبروا، وصابروا، ورابطوا، واتقوا الله لعلكم تفلحون)).. ((فأصبروا)) حض على الصبر. ((وصابروا)) زيادة في الصبر، حتى تصبح مغالبة للأعداء على الصبر. ((ورابطوا)) ألزموا الصبر، والمصابرة، على النهوض للأعداء الخارجيين والداخليين.. في الجهاد الأصغر والجهاد الأكبر، وليكن صبركم إتقاء لله، لا تشوفاً، ولا سمعة، ولا رياء. فإن فعلتم، فإنه يرجى لكم أن تفلحوا في نيل ما عند الله من لطائف القرب.. هذا في الحض على الصبر. وفي الوعد بأجر الصابرين يقول تعالى : ((يأيها الذين آمنوا إستعينوا بالصبر، والصلاة. إن الله مع الصابرين)) وقوله ((إن الله مع الصابرين)) هو قمة الموعود بالأجر الجزيل.. فكأن العاملين حين يكون أجرهم على عملهم الجنة، يكون أجر الصابرين على صبرهم الله نفسه، وما فوق ذلك مبتغى لمبتغ.
    والفرق الأساسي في النظرتين: المسيحية والإسلامية، إلى المقاساة والصبر أن المقاسي قد يتصيد المقاساة، ويرى في ذلك فضيلة، ولكن الصابر لا يتصيد الصبر، وإنما يسأل الله العافية، فإذا أصابه مكروه صبر عليه، ثقة بالله، وتوكلاً عليه، لأنه أولى بنا منا، وأعرف بمصالحنا منا، وأرحم بنا منا، وأقدر على توصيل الخير إلينا منا.. قال تعالى ((كتب عليكم القتال وهو كره لكم، وعسى أن تكرهوا شيئاً وهوخير لكم، وعسى أن تحبوا شيئاً وهو شرٌ لكم، والله يعلم، وأنتم لا تعلمون.))
    ((وبشر الصابرين، الذين إذا أصابتهم مصيبة قالوا : إنا لله، وإنا إليه راجعون)) هذا هو رأي الإسلام في المقاساة ـ صبر على البلاء حين يقع، واحتساب في سبيل الله، ولكن العافية خير منه، وأحب إلى النفوس. وليس من الإسلام تصيد المصائب ـ قال أحد الأصحاب ((اللهم! أسألك الصبر)) فقال النبي: ((سألتم الله البلاء. سلوه العافية)) فكأن الصبر لا يكون إلا على البلاء فمن سأل الصبر فكأنما سأل البلاء، وسؤال العافية خير عند الناس، وعند الله.)
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-21-2012, 10:55 AM

د.نجاة محمود


للتواصل معنا

FaceBook
تويتر Twitter
YouTube

كيف احذف مداخلة من بوستى
Re: جد غضبانه غضب شديد... (Re: Siham Elmugammar)

    عندما يتحول الحزن الى طاقة ايجابية يجب ان نقدرها وندعمها

    من مآساة مستر ولش بفقده لابنه آدم مقتولا بدل ان يستسلم هذا الرجل للحزن
    نوى ان يمنع ان تعيش اسرة اخرى ما حدث له وعمل مركز آدم ولش للاطفال المفقودين

    حينما انتحر شاب ماليزي صيني لانه الفتاة التي احبها لعبت بمشاعره وكان مصدر سخرية وضحك مع صوحيباتها
    قام والده سائق التاكسي الفقير بكل مدخراته بأنتاج فلم يبصر الشباب بمصيبة الانتحار واثرها في الاهل.

    وحينما ماتت غادة في ميعة صباها كانت هذه الجائزة
    وهي تحويل هذه المىآساة الى فعل ايجابي..

    لا احد يزايد على موت فلذه كبده..
    ربنا يرحم غادة ويعوضها بشبابها الجنة

    ويديكم الصبر والسلوان
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-24-2012, 04:00 AM

Nagat Sid Ahmed Elshiekh
<aNagat Sid Ahmed Elshiekh
تاريخ التسجيل: 03-04-2011
مجموع المشاركات: 3222

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: جد غضبانه غضب شديد... (Re: د.نجاة محمود)

    Quote: ستظل غاده شمس تهب الضياء ولا تغيب
    ستظل تمشي بيننا بجائزتها وفكرتها الجميله المنتجه المثمره
    ستظل في قلوب وآلديها واهلها وزملائها وكل من عرفها


    بت المجمر غضبك نبيل بس هونى على نفسك ...
    ربنا يرحم غادة ويعوض شبابا الجنة...
    جائزة غادة مفخرة وقلادة لكل محبيها بس نقول شنو .. الفهم قسم...
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-05-2012, 12:57 PM

Yasir Elsharif
<aYasir Elsharif
تاريخ التسجيل: 12-09-2002
مجموع المشاركات: 21064

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: جد غضبانه غضب شديد... (Re: Siham Elmugammar)

    الأخت الأستاذ سهام المجمر والأخ الأستاذ مجتبى محيسي

    نعزيكما أحر العزاء في فقد إبنتكم الغالية غادة ونسأل الله أن ينزل على قلبيكما برد اليقين والرضا.

    لم نسمع بهذا الخبر الحزين إلا اليوم. فتقبلوا تعازينا المتأخرة.

    ياسر الشريف وإلهام أمير

    ملحوظة: توقفت عن الكتابة في سودانيز أونلاين منذ ديسمبر 2008 بعد أن فقدت الباسويرد إثر تدمير المنبر بواسطة الهكر. الشكر موصول لبكري الذي أرسل لي قبل عدة أسابيع كلمة دخول جديدة.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-05-2012, 08:18 PM

طه كروم

تاريخ التسجيل: 06-13-2008
مجموع المشاركات: 1192

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: جد غضبانه غضب شديد... (Re: Yasir Elsharif)

    الأخت سهام لك ولأسرتك الكبيرة والصغيرة

    كل التحايا .. وتقبل الله غادة.. ولها الجنة بإذن الله ..

    كل هذا الشجن المــــر و البـــوح الصادق إحساس نعيشه معك بصدق

    ونتمنى لك دوما الصبر الجميل .. حتى يكون الحزن على فقدها إيجابيا بمواصلة

    مشروع الجائزة والمكتبـــة .. وغيرها من المشاريع والمبادرات تخليدا لذكراها العطرة
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

[رد على الموضوع] صفحة 1 „‰ 1:   <<  1  >>

· دخول · ابحث · ملفك ·

اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia
فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de