غزلان فى بيت الوالى..!!

مرحبا Guest
اخر زيارك لك: 03-28-2024, 05:01 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مكتبة اسعد الريفى(اسعد الريفى)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
12-11-2007, 00:25 AM

اسعد الريفى
<aاسعد الريفى
تاريخ التسجيل: 01-21-2007
مجموع المشاركات: 6925

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
غزلان فى بيت الوالى..!!

    غزلان فى بيت الوالى..!!
    الفاشر: خلف الاشياء صحيفة الاحداث-العدد الخامس والسبعين - الثلاثاء 11 ديسمبر 2007
    اللافت في أمر منزل والي ولاية شمال دارفور الاستاذ محمد يوسف كبر انه بجانب المساحة الكبيرة التى يشغلها المنزل توجد به ملحقات خاصة بطبيعة اداء الوالى مثل القاعة الكبرى التى يدير فيها الوالى الاجتماعات الكبرى مع ضيوف الولاية من الشخصيات السيادية والاعتبارية فضلاً عن وجود استراحة كبرى بمواصفات راقية تستقبل كبار الشخصيات التى تحط رحالها على اهل الولاية سواء ان كانوا من السودانيين او الاجانب وايضاً توجد استراحة بمواصفات جيدة لكنها ليست مثل سابقتها خاصة ايضا بضيوف الوالى.. وايضاً من الاشياء التى تلفت الانتباه وجود حديقة وارفة الاشجار جميلة الورود تترامى لتسور سياج بيت الوالى بكل مساحته الواسعة تلك وهذه الحديقة يتجول فيها مثل الناس تماماً عدد غير قليل من الغزلان يصل الى حوالي العشرة.. الملاحظة هنا ان الغزلان وبكل النفور التى عرفت به فى الغابات وفى الوديان تمارس حياتها الطبيعية فى بيت الوالي دونما قيود ودونما نفور بل انها تمارس وظيفة التكاثر فى الهواء الطلق حتى انها تعطيك احساساً بانها تود ان تقول انها لا تخشى من غدر الانسان.
    الناس هناك ينتشر بينهم خبر غزلان الوالى مثل انتشار الهواء النقى والمعافى من التلوث هم فى هذا كله احياناً تحس فى تعليقاتهم من يسخر من تسخير الوالى الراحة لغزلانه التى توجد فى حديقته فى ظل اهمال ربما غير متعمد لغزلان الاودية والجبال.. وهناك آخرون تحس فى تعليقاتهم ان الوالى الذى استطاع ترويض الغزلان سوف ينجح فى ترويض السلام.. الناس هناك يعيشون بين هذا وذاك.. وهنا الخيار لك لتتخير التعليق الذى يلاقى هوى عندك
                  

12-11-2007, 00:39 AM

Tragie Mustafa
<aTragie Mustafa
تاريخ التسجيل: 03-29-2005
مجموع المشاركات: 49964

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: غزلان فى بيت الوالى..!! (Re: اسعد الريفى)

    العزيز اسعد الريفي
    لم اعرف من هو كاتب المقال.....
    ولكن على سبيل الكتابه عن الغزالان فان معرفتي
    باهل دارفور انهم يحبون الغزلان جدا....وبعض اهلنا
    عندما كانوا يخرجون للصيد في درافور عندهم قصص كثيره عن الغزال وجمالها
    وسرعتها...واحيانا يقولون عن بحها لابنائها واثناء المطاردات ترجع لتحمي صغارها
    وقصص كثيره تجعل الغزال في ذاكرة اهل دارفور حيوان محبوب جدا.
    اذكر الغالبيه تحب لحم الغزال ولكن هنالك من حرمه على نفسه لانه
    راى غزالة تبكي لحظة محاصرتها وجهر عيونها بانوار الصياديين وعرباتهم
    فيقال انها تقيف وتنهمر دموعها بصمت وبعضهم يرق قلبه ولا يقوى على
    اطلاق الرصاص عليها.

    الغريبه مشهد الغزال في بيوت اثرياء اهل دارفور مظهر عادي...
    واذكر بعض اهلي الذين اقاموا في الخرطوم لازالوا يحتفظوا بغزلان
    في بيوتهم.....وفعلا تكون جدا اليفه ولا تهرب منهم ويطعمونها كصغارهم.

    اما هذا الكلام
    فكلام صحفي جلابي دايش ساي لا يعرف طباع اهل البلد وعاداتهم:
    Quote: وهناك آخرون تحس فى تعليقاتهم ان الوالى الذى استطاع ترويض
    الغزلان سوف ينجح فى ترويض السلام..
    احلام زلوط.
                  

12-11-2007, 00:52 AM

اسعد الريفى
<aاسعد الريفى
تاريخ التسجيل: 01-21-2007
مجموع المشاركات: 6925

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: غزلان فى بيت الوالى..!! (Re: Tragie Mustafa)

    الاخت العزيزة تراجى
    تحية طيبة
    كلاك لا شك انه (وضح الصورة) جدا ..
    ودا كلو مفهوم ..
    لكن المفارقة بالنسبة لى .. انو الوالى كما يبدو من الموضوع مهتم بمسألة (المظهر) جدا ..
    الوالى فى منطقة زى دارفورو تحت الشعارات البنسمعها كل دقيقة ..
    مفروض يكون فى مخيم كلمه او زمزم و لا مخيم ابو شوك ..
    أما الجزء الاخير من كلامك نتفق معاكى الف فى الميه.. بل نزيد عليهو انو زلوط ذاتو .. بطل يحلم!
    لكى خالص مودتى
                  

12-11-2007, 01:20 AM

Tragie Mustafa
<aTragie Mustafa
تاريخ التسجيل: 03-29-2005
مجموع المشاركات: 49964

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: غزلان فى بيت الوالى..!! (Re: اسعد الريفى)

    اسعد سلامات
    يازول ديل ما جيابين خبر اطلاقا
    ومش كده رئيس الاتحاد الافريقي نفسه مبطوح في هذا القصر
    وقال لك الشيات تقول يا ليل وخمور اروبيه لشخصه
    .....واتاري الغزلان تتجارى حوله.
    ويقوم سعادته..زيكون عارف هجمة الجنجويد مثلا
    طالعين على شمال الفاشر..يوقم يدي اوامر لقوات الاتحاد الافريقي
    تتحرك لغرب الفاشر......وعلى ما يرجعه ويجدوا شكوى
    ويذهبوا لثالث يوم عشان يحقوقوا فيها...تكون الاثرا طمست و
    الجرحى ماتوا والكان كان.
    يازول ديل ناس غريبين ومجرمين متمرسين....عارف يا اسعد
    ديل حصل رسلوا لهم قاضي ايطالي للتحقيق...تخيل الناس ديل آخروهو
    في الخرطوم بحجة الطقس لانهم كانو بيطمسوا في آثار مقابر جماعيه
    تم ترحيل حتى العظام بالطائرات!!

    هؤلاء ربنا يورينا فيهم يوم بس قول آمين.
                  

12-11-2007, 01:29 AM

نصار
<aنصار
تاريخ التسجيل: 09-17-2002
مجموع المشاركات: 11660

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: غزلان فى بيت الوالى..!! (Re: اسعد الريفى)

    فيروس ماري انطوانيت ضارب جسد
    جسد الانقاذ
    حالة ميؤس منها تماما.. فهل يحدث
    لاهل الانقاذ ما حدث لخلفهم المتبطر و متجبر??
    اظن انه ح يحصل شي مقارب.. فالعصابة الحاكمة
    حرقت سفنها و لم تترك لنفسها مخرج او خط رجعة..
    فخامة بنايات كبر كتب عنه واحد عربي ذهب الي
    دارفور.. بعد ما شاف الحياة الضنك في المعسكرات
    اذهلته بنايات الوالي و تجهيزاتها المبهرة
    و تحدث عن البذخ في كل شئ
    تحدث الرجل بحرق و غضب و استغراب...
                  

12-11-2007, 10:00 PM

اسعد الريفى
<aاسعد الريفى
تاريخ التسجيل: 01-21-2007
مجموع المشاركات: 6925

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: غزلان فى بيت الوالى..!! (Re: نصار)

    نصار
    تحياتى
    فى الحقيقة هى مارى بت عمنا ضو البيت .. و اصلا .. شافها الزول داك و اقنعها بالهجرة .. زمن ما فى فرد زول يهاجر .. و ادوها الجواز و الجنسية .. و ربنا فتح عليها .بالتصريحات اياها..
    لانو لو انت شفت السودان هسع .. حاجة تجاوزت مارى ضوالبيت .. بفراسخ و القلب راسخ..

    لك صادق مودتى
                  

12-12-2007, 00:09 AM

بكري الصايغ

تاريخ التسجيل: 11-16-2005
مجموع المشاركات: 19331

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: غزلان فى بيت الوالى..!! (Re: اسعد الريفى)

    الأخ الـحبيب الـحبوب،
    أسـعد الطريفي،
    تحية طـيبة،

    فـي سـنوات الـخمسينيات والستينيات كان سـكان حـلفا الـقديـمة يـهون صـيـد التـماسـيح مـن النيل وبـعـد اصـطيادها وقتلها يقـومون بتـحـنيطها بنفس الطريقةالفرعونية القـديـمة بـمواد القار " الزفت " والزيت والشـمع ونشارة الـخشب وبعـض البـهارات الـمحلية الـخاصـة بالـمنطقة.

    وبعـد الأنتـهاء مـن عـملية التـحـنيـط تـقوم الأسـرة الـتي اصـطادت التـمساح بتعـليقة فـوق الباب الرئيـسي للبيت بـحـيث والداخـل للبيت يكون التـمساح الـمحـنط فوق رأسـه تـمامآ وهـو نوع مـن الفخـر للأسـرة.

    تذكرت هـذه القصـة وانا اقرأ كلامك عـن الغزلان والتـي رغـم انـها كانت مـوجـودة بكـثـرة في زمانات العـصـور القـديـمة قبل الأف السـنييـن الا انـها غـيـر موجـودة فـي الـمنطقةالنوبية ولكنها مـنطقة تذخـر بالتماسـيـح والورل!
                  

12-12-2007, 06:35 AM

ابوحراز
<aابوحراز
تاريخ التسجيل: 06-27-2002
مجموع المشاركات: 5515

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: غزلان فى بيت الوالى..!! (Re: بكري الصايغ)

    المستغرب ليها شنو يا أخوي
    هسي أنا القدامك دا عندي 3 غزلان
    2 نتاية وواحد ضكر
    لكن بتاعات خشب
    اشتريتهم من واحد أخونا جنوبي
    والله شيء رائع وجميل جداً
    لكن بس مشكلتهن ماقاعدات يتكاثرن زي غزلان الوالي
    عليك الله وبعيداً عن السياسة لو كل مزارع عندنا في السودان قام بتربية اربعة غزلان بس مش كان السودان طار السماء
    معاي سعودي مليون مرة بس بيطلب مني اجيب معاي غزلان من السودان
    وقال بيدفع مقابلها اي سعر
    بل وصل الى 700 دولار للغزال الواحد
    يعني أكثر من 15 برميل بترول
    ياليتنا لو نستفيد من هذه الثروة الطبيعية
    ليس للزينة والفشخرة
    بل من أجل نهضة صادرات السودان
    وأن يكون ريع هذه الصادرات للفقراء والمهمشين

    تصدق السنة الماضية أحضر أحدهم ثلاثة تماسيح في جيب القميص !!!!
    وقد تم اكتشافه وايقافه في الميناء
    وبدل أن يصادروها ويرسلوها الخرطوم
    العساكر بالزهجة والقرفة بتاعتهم المعهودة توووووووووش رموها في البحر الأحمر
    وحسب علمي أنها لاتعيش الا بالأنهار
    لكن والله التماسيح ماعندنا نحن
    تلقاها هسي قاعدة في جدة
                  

12-12-2007, 06:27 PM

اسعد الريفى
<aاسعد الريفى
تاريخ التسجيل: 01-21-2007
مجموع المشاركات: 6925

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: غزلان فى بيت الوالى..!! (Re: ابوحراز)

    اخى ابوحراز
    مساك الله بالخير
    و منو القال ليك انا مستغرب
    انا ذاتى مربى لى بطتين و ديك
    و مفكر اشترى ورل
    و ما فيش حد احسن من حد

    و زى ما قالت اختنا مارى ضوالبيت
    الما عندو غزال احسن يشوف ليهو غزال
    و بعدين الغزال ده ما ارفع مراحل الاحساس بالانسانية
    و لمن تكون جميل و لطيف و خفيف و رشيق بيقول ليك زى الغزال ..


    لك خالص ودى
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de