|
Re: هـيـثـم مـصـطـفـى صاحب الدم الأزرق ـ 8 ـ (Re: Abdulrahman Gorashi)
|
اخوي حمزاوي التحيات والمحبة ياخوي القال ليك شطناهو منو؟ هيثم شطبوا رئيس التادي وشطب تعسفي وطلع فعلا كل اتجازاتو هو شطب هيثم البرير في عهدو اصبح هو صاحب القرار وجلب اسواء مدرب في تاريخ النادي وقاد اكبر تدمير في هيئة الهلال واتمنى ان يعطينا اي شخص انجاز واحد للمدعو البرير مودتي
| |
|
|
|
|
|
|
Re: هـيـثـم مـصـطـفـى صاحب الدم الأزرق ـ 8 ـ (Re: محمد سنى دفع الله)
|
اخوي عبد الباقي الجيلي التحيات الزرقاء والاماني المزهرة لك امتناني وفعلا هذا البوست نناقش فيه قضية اساسية بتجرد ودون مهاترات لنصل الى ترسيخ التقاليدالعليا في المؤسسات الرياضية ولك شكري لكلمتك ((بوست راقي وصادق يا أستاذ سني ...
بوست جميل عن لاعب جميل ...
آمل ألا يحوله البعض لمهاترات لا تفيد .... ))
| |
|
|
|
|
|
|
Re: هـيـثـم مـصـطـفـى صاحب الدم الأزرق ـ 8 ـ (Re: محمد سنى دفع الله)
|
ود السني يا وجيه سلامات هيثم مصطفي دخل في صراعات ادارية كان من الافضل عدم الدخول فيها الحصل حصل حكاية الشطب شينة كحادثه عامة اما من البرير عادية لانسان قدم للهلال الكثير ولو كان هنالك فعل اقبح من عمل البرير ناس المريخ يسجلو وهيثم لو قبل تكون حماقة .... اما عن علاء الدين لا تعليق انسان بتاع مشاكل لا الهلال استفاد منو ولا المريخ سوف يستفيد منو ان تم التسجيل. الاهم هيثم كان يعتزل خلاس العندو وصلا لنادي الهلال وكلها انجازات محلية ممكن اي لاعب يسد الخانه وحسب ما صرح به هيثم ان اللواء الرجل الخلوق احمد عطا المنان توسط لحل الاشكال باعتزال هيثم بصورة مشرفه والحكاية بقت عناد وحسب معرفتي بأحمد عطا المنان قضية اخش فيها وما تتحله التقصير من الجانب الاخر والمسألة اصبحت تحديات هثم يعتمد علي الجماهير والبرير في يدو السلطة الخسران هيثم نهي تاريخو نهاية بطل هندي وافتكر العجب لو عاقل مفروض اقدم خطاب اعتزال الكنكشه مافي ليها داعي ............ غايتو حكومة المؤتمر الوطني علمت الناس خصاله سيئة الكنكشه
| |
|
|
|
|
|
|
Re: هـيـثـم مـصـطـفـى صاحب الدم الأزرق ـ 8 ـ (Re: عباس الدسيس)
|
حبيب الكل استاذ السني
Quote: وفعلا هذا البوست نناقش فيه قضية اساسية بتجرد ودون مهاترات لنصل الى ترسيخ التقاليدالعليا في المؤسسات الرياضية ولك شكري لكلمتك ((بوست راقي وصادق يا أستاذ سني ...
|
الكلام دا حا يحصل وين - بس ما تقول لي في السودان!!!! هؤلاء طغى عليهم حب المال والجاه والسلطة فقتلوا فينا كل شيء جميل
حتى هيثم مصطفى برنس السودان الكروي وكروانها الشادي قتلوه وقتلوا فرحتنا بتمريراته القاتلة والجميلة وهاك جيب قوووووووون يا ساسا
| |
|
|
|
|
|
|
Re: هـيـثـم مـصـطـفـى صاحب الدم الأزرق ـ 8 ـ (Re: عباس الدسيس)
|
Quote: ياخي كلمنا عن دور الريس في الحفاظ على النادي والكيان |
وددت ان اعالج الامر بما عندي من الهلال .. فرميت بانني بتاع انشاء .. والله .. والله .. والله .. ماكنت لادخل في هذا البوست ولا غيره من البوستات الدائرة في هذا الموضوع بالذات لولا انك دعوتني .. ودعوتك عندي لا ترد ..
وقد نصرت هيثم مصطفي في بوستي (اضراب الهلال) لانني لا احارب بالهلال وانما احارب من اجل الهلال .. وهذه الحرب يا اخي بالهلال ... وهي اخطر عليه من البرير وهيثم .. ابناء الهلال
اما انا فلا يجب ان اهدر تاريخي في الهلال بانه انشاء ..
حقكم علي ..
عمر علي حسن
| |
|
|
|
|
|
|
Re: هـيـثـم مـصـطـفـى صاحب الدم الأزرق ـ 8 ـ (Re: عمر علي حسن)
|
Quote: في الاخبار ان كابتن الهلال المشطوب هيثم مصطفى في مفاوضات للتسجيل قريبا في المريخ .. ومعه مشطوب الهلال الاخر علاء الدين يوسف !!..
نصيحة وصيحة له بعدم التسجيل في المريخ خصوصا واي نادي اخر عموما !! , انت يا هيثم كابتن فريقك ومسجل به 17 عام , ورمز عند اغلبية جماهير النادي , وكابتن للفريق القومي , نصيحة من حادب فنحن في الرياضة خصوم ملعب وليس اعداء ..
لا تسجل , لا تسجل , واحترم من هم خلفك من الجماهير , انا اعلم ان العصر عصر احتراف .. لكن وضعك له خصوصية ووضع تشجيع السودانيين ومزاجهم مختلف ..
كم ستلعب في الفرق الاخرى موسمين ثلاث ,ثم ماذا ؟!! اذا عن لقمة العيش ادخل في مشاريع لها علاقة بالرياضة صالة رياضية , معدات , تدريب اشبال وستجد من يقف معك وخلفك , وتخلد كرمز .. واذا اردت ان ترد على خصومك , فليست هذه هي الخطوة الصحيحة ..
اللهم اني نصحتك حسب راي المتواضع وخبرة حياتي ..
اذا جئتنا في المريخ الوطن فمرحبا بك فنحن صفوة , واكرام الضيف عندنا واجب ..
تحياتي , ورفع الله الظلم عن كل مظلوم , اللهم وارفع الظلم عن السودان الوطن .. ______________________________________________________ ليتهم يعلمون ان عمر اللحظـه في بعـدك يا خـرطـوم سنين طـوال د شهـاب الفاتح ـ كوالالمبـور |
| |
|
|
|
|
|
|
Re: هـيـثـم مـصـطـفـى صاحب الدم الأزرق ـ 8 ـ (Re: شهاب الفاتح عثمان)
|
الأخ عبدالرحمن قرشي التحيات والاماني الطيبة الهلال كبير وعظيم وهذه ليست انشاء كبير بتقاليده ورجاله ونسائه وابنائه البررة ولا يوجد كبير على الهلال نحن مع الكيان الذي يحافظ على ابنائه بتكريمهم والاحتفاء بهم وشطبهم بعزة وفخر وهذه تقاليدد النادي الكبير الهلال هنا معنا رئيس نادب الهلال السابق وكنا نود ان نحتفي بارائه المستنيرة وحكمته المعروف بها وكلامه الرائع وحروفه الانيقة الاستاذ ( عمر علي حسن ) الذي نتمنى ان يعود لنا بعقله الراجح في دعمنا لنصل الى اتفاقية تهدئ النفوس وتصل بالنادي الى بر الامان شكرا لمرورك
| |
|
|
|
|
|
|
Re: هـيـثـم مـصـطـفـى صاحب الدم الأزرق ـ 8 ـ (Re: Sayed Bekab)
|
عباس الدسيس يا تؤام الروح يا شفيف محبتي ومودتي كلامك على العين والراس يا حبيب سنوات الجمر عارف نحن في زمن الناس ديله ما بخلوك تفرح بي حاجة ياخي نحن عارفين هيثم والعجب جاء زمن اعتزالهم لكن كمان يكون اعتزال بي فهم يعني نحن في الهلال المديون وفيهو مليون بلوة عندنا كابتن زي هيثم لعب لينا 17 سنة وفي نيتو بلعب موسمين او موسم واحد الجاي ياخي مزعلينو فوق كم انشاء الله يلعب لينا شوط واحد ولا ربع ساعة المهم نحن كلنا ندخل في اتفاق مع الادارة في تحديد يوم ونقول شهر اكتوبر القادم الاحتفال بتكريم هيثم ونختار من اليوم لحدي شهر 6 القادم من 2013 الفريق الذي سوف يلعب معه الهلال من اي دولة افريقية ولا عربية ولااوربية ونحضر العدة من بيع هدايا تذكارية مع تذاكر المباراة والقمصان والوشاحات والاعلام من دفع باقي مستحقات الكابتن بنسبة والاستفادة من باقي المبلغ لخزينة الهلال وبيع شريط المباراة للقنوات الرياضية وبيع شريط وCD للجماهير للأحتفاظ به كذكرى مع فتح باب المقترحات لنستفيد من كيفية تكريم لاعبينا ة والاهتمام بهم لنغرس في بقية اللعيبة الامان وفهم انهم سوف ياتي يوم تكريميهم بقدر ما يعطون لك محبتي الاكيدة ..
| |
|
|
|
|
|
|
Re: هـيـثـم مـصـطـفـى صاحب الدم الأزرق ـ 8 ـ (Re: محمد سنى دفع الله)
|
اسمح السمحين استاذنا السني لك ريدتنا سمعت عضو نادي الهلال الطيب المحينة عند تسجيل هيثم يقول: إن وجد لاعب سوداني يلعب الكورة بعقله فهو هذا الهيثم ولكنني تركت مشاهدة الكورة السودانية منذ اوائل التسعينات وقبل يومين شاهدت جزء من لقاء هيثم وعلاء الدين علي قناة الشروق ولاحظت من نبرة هيثم بان يوجد بعض الصدق في كلامه حتي انه بحث عن المصحف للحلف ومن سياق الكلام بالرغم من مشاهدتي للقليل من الحلقة تيقنت تماما ان سبب المشكلة هي صحافة المغول والتتر الرياضية
| |
|
|
|
|
|
|
|