|
|
 قرار جمهوري بمنع استخدام مفردتي (الهناية)و(البتاع) في التلفزيون القومي
|
ياخ مامكن
اي زول يجي داخل التلفزيون ده..
وعامل لينا فيها خبير اجنبي..
وانهو مقطططعها
ومقدقدها للطيش
وشابكنا..... البتاع........والهناي..........والبتاعة ............والهناية.
اطالب السيد الرئيس
باصدار قرار جمهوري............
اي زول يجي جوة التلفزيون ويستخدم البتاعات دي في اي برنامج
يتم منعه من الهناية بتاعت البتاع لمدة 5 بتاعات..................
ده شنو القرف ده ياخ
قال تلفزيون ليهو خميسن سنة...........
قوموا فكونا ياخ
|
|
 
|
|
|
|
|
|
|
|
Re: قرار جمهوري بمنع استخدام مفردتي (الهناية)و(البتاع) في التلفزيون ال (Re: وليد محمد المبارك)
|
تحياتى أخ/عمر.
أمس كنت عايز أفتح بوست بموضوع قريب من موضوعك ده..بحضر فى النيل ألأرزق فى برنامج المذيعة إسمها ألاء مستضيفة ليها واحد إسمو بكرى من بتاعين الرياضة شكلو من ناس كما ألأجسام وشاب. ده غايتو وقت مستقطع مننا بطريقة ما معقولة أنا ما إستفدت من هذا اللقاء ول حاجة واحدة مفيدة.بردد معاها أسألتها ومن أسألتها بدى ألأجابة.
وفى كلمة كلو كلو..يعنى نهائى دى إستعملها لحدى ما إحترت.
الله يكون فى عوننا...
| |
|
|
|
|
|
|
|
|
 Re: قرار جمهوري بمنع استخدام مفردتي (الهناية)و(البتاع) في التلفزيون ال (Re: omar altom)
|
أنا لو سمحتو لى فى الحتة عايز أقول ..... وبعدها تانى ما فهمنا التكتح !!!
تقولى لى بتاعاعات وهنايات,,
ياخ البتاع كلو دق الدلجة والهنايات ديل ما مسؤوليتنا,,
يا عمر التوم كان باريت سقطات المذيعين و جهل مقدمى البرامج وحدها كافية تماما
لتدرك مدى الإنهيار وما تسألنى الإنهيار فى شنو لأنو الإنهيار عاااااااااام...
الضيوف خلهم يا زول..
أستاذنا فى المتوسطة كان إسمه معاوية الحسن ولقب (بالفرزدق )الله يطراه بالخير
ويديه العافية كان يقسم الفصل لثلاثة أقسام ونجلس تبعا لذلك,,
خط 100 غرب - الخط الميت (قال ديل قاعدين فى السهلة)
قزاز الشفخانة (ناس قاعدة زى الكنب حسب رايو)
التكارنة ( قال لا تثريب عليهم إن لم يفقهوا فالعربية ليست لغتهم)
وهذا الرجل المعلم الفاضل كان يكفيه أن تغلط فى همزة أو ضمة أو فتحة ليأمرك بحفظ قصيدة للمتنبئ !!
وعنده لا أحد يعرف العربية ولو بقى أبوه الخفشى بن معد يكرب شخصيا..
ما عارف كيف حالو مع ناس هنايات وبتاعات ديل,,
تحياتى..
| |
|
|
|
|
|
|
|
|
|
Re: قرار جمهوري بمنع استخدام مفردتي (الهناية)و(البتاع) في التلفزيون ال (Re: جميلة ابراهيم السيد)
|
صاحب البوست اديك العافيه
اكثر ما اضحكني في البوست تعليق ايمن الطيب و تقسيم الفصول رجعنا بالذاكره الي ايام الخوف من الجلد و قوة المعلم في ذلك الزمن شخصيه و علم و تربيه
استأدانك ياصاحب البوست
الي الدكتور صديق
وكمان في إستخدام جملة (أها يلا ...........أها يلا )
و الله ده شده ما غايظاني من مقدم البرنامج و الضيف ، ذي الزول ماشي في شارع الحله لابس هنايه خفيفه و عفص ليه بتاع .
مع الشكر
| |
|
|
|
|
|
|
|
|
|
Re: قرار جمهوري بمنع استخدام مفردتي (الهناية)و(البتاع) في التلفزيون ال (Re: الزبير بشير)
|
ياهناى لو سمحت ممكن تضيف للهنايات ديل كلمة (ونحن فى خواتيم اللقاء)
ودى تعممها على كل قنواتنا لو سمحت يا هناى ممكن؟ ياخى كلمة قدادة بشكل
ويا بتاع المعارضة انت قصدك اللمبى ابو ريالة ما يتكلم تانى فى التلفزيونات واللا شنو؟
انت ما سمعت اللمبى لما حصل حريق فى محطة برى الحرارية وكان وزير داخلية قال شنو:
قال ابو ريالة: اصلو العامل كان بلحم فى البتاع قامت الهناية طارت فى البتاع و بوظت الشغلانه..
والكلام ده قاله لاسلام صالح وكان وقتها مراسل الجزيرة فى السودان يعنى كلام موجه لكل العرب،،،
| |
|
|
|
|
|
|
|
 " سجم خشمي" و " أوب علي" و " كر عليّ (Re: عاطف رميتي)
|
Quote:
سلام ياشباب
نعم .. برضو اضيف ليكم كلمة "نـــعــم" التي يتم تكرارها من قبل كل مزيعي تلفزيونات السودان وبصورة مزعجة جدا
بعد كل خمس ثواني ممكن تسمعها من المزيع او المزيعه..ليس لها اي محل من الإعراب .. نعم |
يسمي التكرار اللا إرادي لكلمات مثل
نعم
كما تفضلت من بعض المذيعين والمذيعات
ب
Filler Words
وهي في التعريف الفني في أصول
الخطابة : كلمة او كلمات يتم تكرارها
بواسطة المتحدث نتيجة ضعف في
المعرفة او التحضير
وما شاء الله ينطبق هذا علي مذيعاتنا
ومذيعينا
رحم الله البروفيسور عبد الله الطيب
حين قال
" فئتان معهود إليهما بصيانة اللغة العربية ولكنهما
اس البلاء: المعلمين والمذيعين"
والله بعض المذيعات بعد شوية تسمعن اقولن ليك
" سجم خشمي" و " أوب علي" و " كر عليّ"
الله اذكر أخونا علي الحاج بالخير صاحب العبارة
المشهورة
" خلوها مستورة"
________
الحليلة
| |
|
|
|
|
|
|
|
|
|
Re: قرار جمهوري بمنع استخدام مفردتي (الهناية)و(البتاع) في التلفزيون ال (Re: omar altom)
|
ما تنسوا قطعاً الرئاسية من السيد الرئيس قطعا نحن محاصرين من قبل قوي تحاول ان نستجيب لإملائتها وقطعاً نحن بنقاوم هذا الحصار بعدين نجي نشوف .. حكاية "واحد صاحبي حكي لي..." يا خي انت قاعد في ديوانكم وبتتونس مع جيرانك
وفي بعض الضيوف ثقافته اجنبية لازم يحشر ليه كلمة كلمتين انقليزيات .. يكون ماشي كويس في الحوار بالعربي الدارجي وفجأتن يووليك already و about وماننسي نشكر التيم العامل من خلف الكواليس ياخي ده شغلهم ولا بيشتغل ايه المذيع
علي قول المرحوم يونس شلبي شكراً يا هناي
| |
|
|
|
|
|
|
|
|
|
Re: قرار جمهوري بمنع استخدام مفردتي (الهناية)و(البتاع) في التلفزيون ال (Re: عمر الفاروق عبد الله الشيخ)
|
عمر الفاروق
التلفزيون حصلت فيهو طفره هائلة في المعينات التقنية
كاميرات
استوديوهات
اضاءة
مباني
لكن
اعداد البرامج....................سيئ
التقديم.................................فقير
الاخراج.............................متواضع
حتي ابسط قواعد تجهيز الضيوف للظهور امام الكاميرا لا يتم العمل بها.
من ناحية.....................طريقة الجلوس...................وضع رجل علي اخري.................وضع اليدين في التربيزة.............مثلا.متي تتداخل مع المذيع او العكس.......جمل ومفردات معينة لا يجوز استخدامها.............
بديهيات العمل الاخراجي
او ABC
المخرج
لا يتم الالتفات اليها.............
مرض بس......................
الله يعينناااااااااااااااااااااااا
| |
|
|
|
|
|
|
|
|
|
Re: قرار جمهوري بمنع استخدام مفردتي (الهناية)و(البتاع) في التلفزيون ال (Re: omar altom)
|
استاذنا عمر التوم سلام
اما عن موضوع ضيوف برامج التلفزيون او ومقدمي برامج التلفزيون ده موضوع يطول الحكي فيه .. والله الواحد كل يوم ضغطو بيرتفع بسببهم ونحن مشكلتنا بنحب البلد واي شي بيربطنا بالبلد بنحبو بس الجماعة ديل فقعو مرارتي عديييييييييل كده والله لو في متسع من الوقت كان حكيت ليك عن تجارب شخصية التلفزيون او مع قنوات سودانية اخرى, بس شيل الحال ما في ليهو لزوم خاصة ونحن على الهواء هنا , وهذا ناهيك عن طريقة المعاملة في التلفزيون سوى القومي او القنوات الاخرى فهذه طبعا حكاية تااانية ..
واحكي ليك شي بسيط حصل لي زمااان ايام تلفزيون الخرطوم ده جديد المهم استضافوني في احد ايام العيد غايتو بعد ماصورنا الحلقة المذيع قـــال لي ( ياخ انت المستضيفني ولا انا المستضيفك حيرتني زاتو ياخ ) وكان جادي تصور .. غايتو الله يصلح حالهم وحال وحل القائمين على امرهذه القنوات .
تحياتي : ياسر العيلفون
| |
|
|
|
|
|
|
|
|
|
Re: قرار جمهوري بمنع استخدام مفردتي (الهناية)و(البتاع) في التلفزيون ال (Re: ياسر السر)
|
| Quote: ( ياخ انت المستضيفني ولا انا المستضيفك حيرتني زاتو ياخ ) |
استاذ ياسر
تحياتي...وشكرا علي اشركنا بعض من تجاربك مع تلفزيوناتنا ....العجيبة
انا بس عايز اعرف..
الناس البشتغلوا في التلفزبزن ديل بيجيبوهم كيق
عمري كلللللو ماشفته لي اعلان بانو التلفزيون محتاج لي مزيعيين او مقدمي برامج................
عالم غلط..........................
وشكرا للمرور
| |
|
|
|
|
|
|
| |
omar altom
حسن حماد محمد
عبد الحكم ابراهيم الحاج
وليد محمد المبارك
عمران حسن صالح
ismeil abbas
Dr.Elsadig Abdalla
أيمن الطيب
مها عبد الله
جميلة ابراهيم السيد
الزبير بشير
صديق الموج
elhilayla
ياسر السر
فيس بوك
تويتر
انستقرام
يوتيوب
بنتيريست