و اهديها الى تمبس الذ ي علمنى السماع الى عامر الجوهري..و الى داليا ( حقارة كده)..! و يا شباب ( الإتنين ديل).. قبال ما نواصل في الإهداء.. ياخي لاقيت ليكم زول حنين بي شكل.. اسمو عمر منصور.. ياخي ده الحنين الفكاهو فينا..مرتين شفناهو (زي شيخ الحنين في عرس الزين)..و لغاية الليلة ما لامين فيهو.. و الأدهي بيتنا من بيتو تلاتة مرابيع.. فتأمل ياخي..!
و لأني ، شايل الريد في قلبي غنـــــــــــــا..!!!
كبر
12-14-2012, 11:22 AM
Kabar Kabar
تاريخ التسجيل: 11-26-2002
مجموع المشاركات: 18537
الليلة ما لامين فيهو.. و الأدهي بيتنا من بيتو تلاتة مرابيع.. فتأمل ياخي..!
و اهديها الى سليم محمد ابوبكر.. و بشير الطيب..و سارة عيسى (رغم انفها)..و مشاعر سعيد.. و اقبال الياس.. و انتصار احمد ادم.. و امتثال الشيخ مختار..و حنان على يعقوب..و ايمان الحاج.. وليلى محمد علي.. و منال احمد اسماعيل.. و ثريا هرون دلدوم.. و انتصار باهي ابو.. و اشراقة بشير عمر..و اشراقة مصطفى..و اماني عبد الجليل.. و يمنى قوتة..و اميرة السيد..و تيسير عووضة.. و نون (بت قضيم)..و مي..و رحاب خليفة.و رجاء العباسي ..و راوية العباسي.. و اخونا سلمى الشيخ سلامة...و عبد الباقي الجزولي (تصدقي يا التاية بقى دكتور ).. و برضك اسامة احمد مختار..!
و اهداء خاص الى زينب الفحل (دومه).. و نجاة محمود الأمين (بيان) .. و تراجي مصطفى.. و بالطبع الكبير للغاية .ز بت ابا حوة جديد كباشي..
عارفين يا شباب ( التاية ، سليم ، بشير).. زمان كتل الطلبة كان تلاتة بس.ز هسع بقى اربعة اربعة....وبدل ما كان في الخرتوم.. قام وصل لغاية جامعة الدلنج..و جامعة الجزيرة..!!! مر يوم ستة ديسمبر .. يا التايه..و اخوك يحاجج..و يحاسب القروش الما لاحقة تحوق.. في عالم اسكتي ساكت خليهو.. ياخي الترابي فارق الجماعة.. و صلاح قوش عمل انقلاب و اتعكش..و مرقت فينا حاجة اسمها الجبهة الثورية..و الجماهير مرة ترقص رقصة القرد..و مرة بتنسى في عوالم الزنقة ( و دي رقصة مستلفة من ناس دينكا بور).. و الجنوب بقى دولة يا التاية. سامعاني؟.. بدري من عمرك.ز لسه بدري عليك.. يا البياض...تجني من سواد عينيك..!! الجدير بالذكر يا شباب (التاية ، سليم ، بشير).. الترابي بقى معارضة..و سوى ليهو حزب اسمو (المؤتمر الشعبي).. و فاروق ابو عيسى رجع البلد..و اتعكش برضك..! عارفة يا التاية.. من الحزن العلي.. مشيت السودان ، و قبال ما امشي راسلت مشاعر عبر طريق صاحبنا الجميل محمد جمال الدين.. ياخي مشاعر من الكلفتة العليها.. تقول تبلعني انا و عيالها و بناتي..و زوجها ذاتو..!!! و لمن لاقيت ليك ليلى و منال..اتخيلي يا التاية.. كل السودان.. كل الناس المتذكراك.. ياهم ناس ليلي و منال ديل..!!! واحدة جعلية و التانية نوباوية من ميري ( عييك يا التاية.. انتي شفتي حاجة.. ياخي نحن وصلنا.. نعرف بعضنا البعض بالقبيلة..!!..و برضك انتي لسه شباب من عمرك ياخي..!!).. و الشعب السوداني .. بقى يا التاية ، ما بنقدر نتفاهم معاهو الإ بالغنا..!!! و اهديها الى أئمة الأوغاد.. دكين.. و قيقراوي ( معليش يا التاية ديل برالمة..و انا بعرفهم كويس. لو بتثقي فيني..!!!)؟؟ الإ صحي كده.. انت يا التاية فتحتي صدرك للرصاص ليه؟!!!!
12-14-2012, 11:39 AM
Kabar Kabar
تاريخ التسجيل: 11-26-2002
مجموع المشاركات: 18537
عارفة ، يا ، التاية، بقيت مع السراب.. مرساي يتوهج..! هل ذكرت ليك ، أنو الجنوب فاتو بي عدلو.. و بقى دولة اسمها (جنوب السودان ، أو الجنوب السوداني)؟!!! ياخي عالم ، عقدت ليك النور الجيلاني ، في حنانو ذاتو..!!!
كبر..
ــــــــــــــــــــــــــ في يوم 6 ديسمبر 1989.. اغتال نظام الجبهة الإسلامية.. طلاب زي الورد.. التاية ابو عاقلة.. و سليم محمدابوبكر..و في اليوم قبل قبل السابق (الرباع من ديسمبر 1989).. اغتال النظام بشير محمد الطيب.. و في نفس الشهر ..و بعد 23 سنة .. قتل نفس النظام.ز اربعة طلاب ، زي الورد في جامعة الجزيرة..!!.. أي شعب هذا الذي اصبح مخصي مثل تور كلالي في ديار البقارة المسيرية في غرب كردفان..!!؟؟؟؟
12-14-2012, 11:44 AM
Kabar Kabar
تاريخ التسجيل: 11-26-2002
مجموع المشاركات: 18537
تصدقي ، يا النايه ، النور الجيلاني.. قام قال : لونا زي زيتونة ناضجة..و كان بتكلم عن ميري..و ميري مرقتها في امطرقا عراض..و السيد الشعب السوداني ما فهم التكتح..!!!
و انا ، البشيش كلمت ميري : انساء الله اموتو انا .. ياخي..! كبر
12-14-2012, 12:01 PM
Kabar Kabar
تاريخ التسجيل: 11-26-2002
مجموع المشاركات: 18537
اخر حاجة.. يا التاية..اقول ليك زي ما قال استاذنا مصطفى ابو العزائم.. و غناها المعلون عبد الله عبد القادر ، المشهور بالبعيو..ياخي خلي في سرك امانة يا التاية..!
و تصدقي يا التاية ، استاذنا مصطفى ابو العزائم.. سوا ليهو جريدة بحالها ( دي الإ كن يعرفها ليك مستهبل اسمو حسين ملاسي.. ياهو الشقي ذاتو قريب ناس عمك حسين حسب الله ملاسي.. الله يعدلها عليهو دنيا و اخرة,.. و ما بتدي حريف يا الناية..!!!)..
نسيت اقول ليك يا التاية.. زي ما ديسمبر السنة دي جاب معاهو كتلة اربعة طلبة في جامعة الجزيرة .. برضك جاب معاهو خبر عمتك حواء الطقطاقة..!!.. ياخي نحن نلقاها من زبانية الجبهة الإسلامية..ولا من قدر ربنا في ذاتو نفسو..!!! ياخي كفرت ، تقولي علي كافر..ولا جن احمر ذاتو.. ياخي انتي شبعتي موت.. تاني الفضل شنو غير الكفر.. يا التاية..!!!!!
كبر
(عدل بواسطة Kabar on 12-14-2012, 12:03 PM) (عدل بواسطة Kabar on 12-14-2012, 12:05 PM)
12-14-2012, 11:50 AM
البحيراوي البحيراوي
تاريخ التسجيل: 08-17-2002
مجموع المشاركات: 5763
Quote: وفتاةٌ جنوبية يُصاب ساقها في نقطة عبور بالنشاط من طلقة مجنونة لا يسبقها إلا مطلقها جناً وجبناً
وفي تلك الأثناء كان الوطن موحداً ولم ينحر الساسة أمل الوحدويين بوطن حدادي مدادي.
و هذا حزن يا صديقي ، اظنه غريب غربة السنين...و لكنك تأتي هنا.. فمن يفتح لهذا الشعب عوراته.. و يخليهو قاعد امفكو ساكت؟.. الفتاة الجنوبية .. اسمها شول.. من بنات جامعة جوبا.. و شول.. زي ميري..wow..هي الأخري يممت شطر وجهها نحو جوبا.. لكي تقي وجهها الجميل من بشاعة القبح فينا..!! نعم يا بحيراوي.. كان وطن موحد للغاية...لمن يموت فيهو بشير الطيب لأ احد ينسبه الى قبيلته..و لمن تموت فيهو التاية ابو عاقلة.. لا احد ينسبها الى قبيلتها.. و لمن يموت فيهو سليم محمد ابوبكر.. لا احد ينسبه الى قبيلته..و حينما يموت فيه طلاب في جامعة الجزيرة.. بقدرة قادر نعرفهم بانهم من دارفور.. شفت الخياس كيف يا صديقي..!!!
اليك هذا الحزن الخاص يا صديقي.. و الشيوعي طارق سيد احمد ما بين كلورادو..و غيرها من مدن اليانكي ذات الأضواء الباذخة..و احمد طه (لندن).ز في بقاع لا ادري عنها..و لا اريد ان ادري عنها..و امنيتي ان يكون طيبا.. اما قريبك ابوبكر كبر.. فهو لازال يدي ربه العجب من فعايل ابنه اليافع عماد (و هو ابن شقيتي) و هو يباصر مزيكا الزنق.. رغم انف الأنتوف الحايمة بي فوق..!!!! شفت كيف الزمن ده بقى حزين يا بحيراوي..؟!!!
كبر
12-14-2012, 12:19 PM
سلمى الشيخ سلامة سلمى الشيخ سلامة
تاريخ التسجيل: 12-14-2003
مجموع المشاركات: 10754
و اخونا سلمى الشيخ سلامة احبك جدا شكرا على هذا اللقب البحبه جدا لانه اول زول سمانى ليهو عميرى وبحب البحب عميرى نرجع لموضوعنا انت هسى جبت لى سيرة اتنين من احب الناس لى عامر الجوهرى وعمر منصور اجى يا كدا ؟ احكى ليك عن عامر الجوهرى حبيبى وشريانى عرفته العام 1984 . وكان صديقا لعميرى حينها عرفت كيف وماذا ولماذا شرع الله الضحك ؟ الضحكة تمشى على قدمين ولعل من اجمل اسمائه "فنان ابو راس كبير دى " تقراها بلهجة النوبة الذين شرعوا الجمال بين الخلق فى كؤوس من المحبة الفوارة الغير قابلة للموات او هكذا ارى الى تلك العوالم رغم انى ماتذوقتها لغاية هذه اللحظة ولا اتمنى ما علينا عامر الجوهرى ... قام سافر تاه وحين عاد عدت كان ذلك العام 2005 يوم وصولى الى تلك الربوع المسماة بلادى وان جارت على عزيزة وكنت احتفل باصدقائى كلمتهم وقلت لهم "كعبلة ابو قلة رجع تانى " تقراها بالمصرى لانى اعشق المصريين فججاءنى ذاك اليوم بدرالدين عجاج حاملا اورغنه رفقته زوجته الجميلة وكلمت عامر فجاء على ظهر "امجاده يسعى " وقعدنا الى ماشاء الله لنا القعاد "غنينا وفرحنا وامسينا وصبحنا " كان يوما تاريخيا بلامنازع رغم ما اعترانا من حزن حيث تصادف ان كان رجوعى يوم الرابع من يوليو وهو يوم عظيم الحزن عندى لانه يقابل يوم رحل نديم روحى الابدى عميرى بقى عامر معنا فى البيت تلك الليلة الفرحانة الشديدة الفرح وفى الصباح انطلق الى حيث بيته واهله رحلة من الكلاكلة الى امبدة شمال ... كانت مائدتنا منصوبة للضحك ليلتها والغناء والانبهاج الذى "فارقنى مدة " ولم يلازمنى طوال سنين عجاف وبات عامر صديقا لامى "يجئ فى غيابى الى حيث امى ويعقدان جلسات من الضحك ... من ورايا " فيرد عامر على هجومى "ياخ احب امك ياخ " وامى يا صديقى كانت تحب اصدقائى تجمعهم الى ساحة قلبها ولا تتفرق جموعهم قط واصدقائى هذه جامعة شاملة غير منقوصة تلازم الجنسين "دا نوع كتابة ما قاعدة اعملو اصلا فليكن هذا تاريخ جديد لكتابة جديدة " ثم ان عمر منصور كان زميلى فى المعهد "كان يدرس الموسيقى وكنا ـ ناس مسرح ونقد " رغم انه اصغر مننا لكنه "كطوس ياخى " الاسم المحبب لكل اصدقائه كطوس كان يحب الموسيقى والكمنجة على وجه الدقة وحين نتنادى فى بيتنا فى العباسية يجئ حاملا كمنجته رفقة صديقنا الراحل بكور السمندلاوى وكان الاصدقاء المشتركين انور عبد الرحمن وعوض الله بشير وشمت محمد نور ومجاهد وامنة امين وديرك اويا الفريد ومحمد مصطفى كردش وجعفر سعيد واحمد طه امفريب ومحمد نعيم سعد وامير عبد الله والصادق شيخ الدين يجئ كل واحد الى ذلك البيت الذى بات يعرفهم ويعرفونه يدخلون الى باحته ويطلقون العنان للفرح الغير منتهية صلاحيته الى يوم الناس هذا ينوم من ينوم فى الديوان ويمشى للداخلية من شاء فى الصباح "نشد الشاى والقهوة والفرح التالى لذاك الفرح الغير منتهية صلاحيته " ازعم ان الناس كانت سمحة ومتسامحة "ليس فى لبس النضارة والنعل " كما راى النواب ولكن فى التعاطى اليومى مع الحياة ليس بدواعى "غير اخلاقية " حيث هذه الصفة لم تحكم اى علاقة فالاخ والاخت والزميل والزميلة كانوا اطيافا تتتاغم يتعارف اهلونا يتزاورون وما ذلك الا بدافع انهم باتوا اخوة فى المحبة وما تزال تلك الاواصر منعقدة بيننا وبين بعضنا الى يوم لا اعرف متى يجئ لكنه لن يفعل غير توطيد المحبة بيننا خسيمك النبى كان لاقيت عمر منصور اغريه السلام وقل له "نحنا بينا الامنيات والتضحية بينا العذابات فى الحياة ، بينا الهوى " او كما قال نديم القلب والابدية مصطفى سيد احمد رضوان الله عليه
12-14-2012, 12:52 PM
Kabar Kabar
تاريخ التسجيل: 11-26-2002
مجموع المشاركات: 18537
احمد طه امفريب.. يا مفترية..!! غايتو. الله يعدلها عليك دنيا و اخرى (فذكرى هذا الأمفريب.. عندي تعدل الصالحات الباقيات.. و ليذهب البعثيين و البعثيات الى الجحيم.. بما فيهم صلاح عوض الله..!)..
شفتي يا سلمى .. نفس الشكل..و الصورة. مصاقراني في البيت.. و الحيكومة مكسرة في العميري (بالمناسبة هي شقيقة الطاهر بشرى الصغرى)..و انا اشيل و اسب للعميري..و صورة العميري..
ولو فتحنا صاح .. يا سلمى.. بورد بكري بتهكر هسع ده..!
الإ صحي كده يا سلمي ، النضمي ده من راسك ولا من كراسك؟.. ياخي اقول ليك .. ما فارقة تب.. و الله يرجعنا تاني الى اللحظة دي عشان نناغمك..!
فيلم جبتو في المنتدى ده..و عاجبني كتير خلاس يا سلمي ، مافي زول احتفل بيهو غير صديقنا مصطفى مدثر.. عليك الله تتفرجي فيهو عشان خاطر امفريب و العميري.. و اسمو.. دواء المنخوليا..
lil embracing,but, I kine a forget you name? I don konw we ever got there!!!
صلاح الزين يتفرج لله و رسولو ساكت..!!!
ان لله و ان اليه راجعون يا سلمي ياخي..! غايتو كن اتغبيت فيكي العرفة و شرحت لقريبي بريمة.. يسويك سيدي الإمام عدييل...!
كبر
12-14-2012, 12:30 PM
جمال خضر جمال خضر
تاريخ التسجيل: 06-18-2011
مجموع المشاركات: 3959
الى التاية ايضا اطفالنا شموع الموت ــ امى ساسافر ــ الى اين ؟ ــ لقد استدعونا لدخول المعسكرات للدفاع الشعبى ــ لكنك طفل بعد ــ لست طفلا يامى ، فهم قالوا لنا من مات سيخلد اسمه فى سجل لايفنى ، ساكون مختارا أدخل الجنة وانتى ستغنى بعد رحيلى ، تحدثى عن اخبارى للاجيال القادمة ، قولى لهم انى مت شهيدا لاننى حملت راية الجهاد بكت الام حتى فرغت امعاؤها من كل حامض ومعدنى حتى احست ان حلقها حدث فيه شرخ لم تره لكنه بارز حتى ان عينها اليمنى حين طرفت لامسته، التمت على نفسها وجلست متاملة ذاك الصبى الذى لم يتجاوز عمره الستة عشرة وهو يردد بتلك الببغائية ما لقنوه اياه ، سالته والمرارة فى حلقها ايضا بارزة ــ متى ستسافر ؟ ــ غدا يا امى لم تنم الرضية تلك الليلة .. كلما اغمضت جفنها وشوشتها الدموع وحرقتها ، فتفتح على السماء ذراعيها بحرقة وتضم كل الشوارع الممتدة من مرقدها ذاك الى حيث لاتنتهى بسدرة المنتهى ، بل تمضى ، تمضى فى سرمدية ... تحاول الان الرضية اثناء ابنها الثانى ان لا يذهب الى الحرب ، فهى حرب لا يملك من اسبابها سببا ، فهو ابنها الثانى الذى سيكون ضحية لتلك الحرب ، وهى الان لم تعد تحتمل كل تلك التقلصات المعوية التى لازمتها منذ رحيل ابنها الاول البكر الذى داهمته حمى الملاريا فى العام التسعون حين ذهب الى حتفه وكان فى المدرسة الحربية لم يتخرج بعد وحين اشتكى انه مريض اجابوه "عامل زى النسوان تتشكى " وظل يتلوى من الالم حتى قضى نحبه دون ان يعينه احد على العلاج .. غطت الصلوات محل الالم ، لكن الالم كان كجرح ناقح لا يهدأ، طبل مشدود كلما لامسه الهواء اتسعت ضرباته وكبرت،وصاحت فى صوت اشبه باستدعاءات كل من رحلوا .. نادته بالم ـ لاتذهب يا ولدى جاءها الرد ناصعا وواضحا ورصينا ــ ذاهب يا امى لم يقل الى اللقاء ، لم يلمح وجهها المسكوب ######ن على الارض ، لم ير ذلك الاسى الذى لن يغادر وجهها الى الابد وبقلب مفرغ من كل الخفقان قالوا لها ــ ابشرى ام الشهيد ، انه الان فى الجنة بين "بنات الحور " زوجناه لهن ...! ربطت فى تلك اللحظة الرضية دموعها بحجاب لامرئى ، واستلت صوتا فى حجر صوانى منيع ، انبلج بغتة صوتها من حلق داوى ، دوى لا يوصف ، تقدمت من كل الذين جاءوا بسيارات الزيف تلك بكف راسخ فتحت الباب على مصراعيه وصاحت فيهم بصوت ثابت ــ بره ، بره ، ولدى مات يوم ولدته ، مات طفلى فى اللفافة وشمعته لم تتقد بعد اخرجوا الان ... الان .. 29 يونيو 1997
جمال.. مالك و هذا الحزن ياخي؟.. كنا انا و امتثال الشيخ.. قاعدين في نجيلة المعمار.. مساء الإثنين الرابع من ديسمبر1989..و جفلت واقفا وقلت لها فلنذهب..! في شارع النشاط.. قبالة كلية القانون.. كان بشير محمولا على الزنود التي لم تعرف بعد فقه القبائل..!!!!
هي لحظة حزينة..و اعفيني عن ذكر تفاصيلها الجارحة..!!!! بحيراوي هذا.. هو اول من حملني و انا غائب عن الوعي..في اليوم الثاني..و عنف الجبهة الإسلامية يخترق جسدي النحيل..!!!
و لكن..! لازالت و جوههم توانسنى في هذه الغربة اللعينة.. بشير .. التاية.. سليم.. (و هذا ترتيبهم في الذهاب) ورود يافعة..لا يشغلها كثيرا مثل هذا الخزيان الذي نراه اليوم..!!!
شاكرا لك.. يا صديقي..و في (اشراق)... محبة لا تراها العيون.. يكفى انها بالقلب.. ما بالقلب.. لايجوز للعيون أن تراه.. ( و كن مكضبني اسأل ابوذر عمر النور خميس..)!!!
ياخي حكاية استاذتي و صديقتي.. و البرتكولات اياها.. ااعفينا منها شوية..!!
مش الموضوع تاريخ الأشياء و كده.. ؟.. خلينا نتكلم براحتنا...! نفس السنة يا سلمي..كانت بدايات المجاعة..و القامت اشتدت في 1985 و كتلة الأستاذ محمود محمود محمد طه..!!! اها في شوارع الختمية خرطوم بحري.. كان في يافع اسمو محمود عبد العزيز..!!! تصدقي يا سلمي... هم كانو مجموعة.. اسمها فرقة ( ألأزاهر)..و المغني الليد فيها كان اسمو نادر خضر.. يعني محمود كان نمبر تو..!!!!! ياخي انا الجابني هنا شنو؟..
اها يا سلمى.. اليوتوب قرب المسافات و كده.. اصوات مسكون بيها.. و ما بجامل فيها كلو كلو.. الهادي حامد (ظهر سنة 1976).. و بعدو احمد ربشة (بيقلد الهادي حامد)..شفتي القلاصة دي كيف؟.. و بعدهما .. صاحبك عامر الجوهري.. ثم.. محمود عبد العزيز..!!! و الكلام ده انا مسئول منو.. و بعرف كيف اثبتو.. لكن خلينا نؤرخ للناس ..!!!
شفتي يا التاية.. ذكراك سمحة كيف؟..
كبر
12-14-2012, 04:10 PM
سلمى الشيخ سلامة سلمى الشيخ سلامة
تاريخ التسجيل: 12-14-2003
مجموع المشاركات: 10754
لكن يا الحبيب كان جينا للتاريخ احمد ربشة اتخرج سنة 78 ازعم وبدا الغنا سنة 73 لمن دخل المعهد ولمن ظهر فى التلفزيون شفناهو سنة 73 دا تاريخ بسالنى منه رب العالمين ما تجنى على الهادى حامد د الجبل وهو احد ابناء جبل اولياء ومن هنا جاءت التسمية وهو غادر المتردم احد اعوام السبعينات الى ليبيا ومكث فيها حتى عاد فى الثمانينات احكى ليك عن الهادى حامد اول معرفتى بيهو يومها كنت محررة صغيرونة فى جريدة الايام ايام كان رئيس تحريرها حسن ساتى رحمة الله عليه وكنت اكتب كمتعاونة فى تلك الصحيفة عادة الراديو كان ومازال احد ندمائى فى ذاك الصباح من عام ما فى الثمانينات وكان مذيعا نسيت اسمه قد قام بتقديم الفنان الهادى حامد وتلك اول مرة استمع الى الهادى كتبت عنه وحملت ما كتبت باتجاه الجريدة وقفت فى شارع الاربعين فى محطة الباص ، لكن الباص ما جاء بل وقف لى زميلى وصديقى يوسف حسن الصديق كان عنده تاكسى وقف اذن يوسف حسن الصديق الملحن الراقى والموسيقى العارف بامر موسيقاه والذى خلدت اغنياته بيننا ابن الابيض الحبيب وسالنى ان اركب ولم اسلم على من كان معه ، حدثته عن انبهارى باحد الفنانين الشباب الذين استمعت اليهم وحرضنى ذلك اللقاء على امر الكتابة وحدثته عن الفنان الذى كتبت عنه وباسمه اردده بزهو وفخار فاوقفنى وقال ـ تعرفى الزول دا ؟ مددت عنقى من المقعد الخلفى لاواجه من كان امامى فاذا بى وجها لوجه امام الهادى حامد ومنذ ذلك التاريخ انعقدت بيننا اوصر المحبة الى يوم الناس هذا ...
12-22-2012, 04:35 AM
Rihab Khalifa Rihab Khalifa
تاريخ التسجيل: 07-07-2006
مجموع المشاركات: 3738
يا سلااام شكرا يا كبر علي الاهداء و علي روح البوست المحفزة اسفة، ما شفت الكلام ده الا الان و مشتاقين رسلت ليك زمااان في الفيسبوك، لكن ما شايفاك بهناك ارجو انك تكون بكل خير
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Kabar
البحيراوي
سلمى الشيخ سلامة
جمال خضر
Rihab Khalifa
فيس بوك
تويتر
انستقرام
يوتيوب
بنتيريست