|
|
|
 Re: الفنان الذي هز عرش المشروع الحضاري ....! (Re: خضر حسين خليل)
|
ياخوانا وبما اننا نعيش في مراحل السقف الأدني من أماني العمر فياريت لوفي زول عندوا باقي طرب للإنسان أعلاه يمدنا بيهو والله لا يضيع أجر من أحسن عملا .
سي سي : أخونا سلمي سلامة
سي سي : أخونا خدر
سي سي : أخوانا الهجيج
ــــــــــــــــــ
والعاقبة عندكم في المسرات
| |
  
|
|
|
|
|
|
|
|
Re: الفنان الذي هز عرش المشروع الحضاري ....! (Re: خضر حسين خليل)
|
تذكرت يا صحابي خضر بشير ربما لإفتقادي للتطريب والروح الجميلة التي صاحبت رسالته الفنية ، ما تبقي من مساء اليوم قضيته برفقة صلاح ولي ، أياً كان أداؤه لكنني أحسست بإنسانيه مبالغ فيها وبإحساس حقيقي قل أن يجود به زمان نكراني هذا . نحن رعايا أمة متخلفة ، أمة لي يوم الليلة عندهم رأي في الضحك بي صوت عالي وقد تتباين الأراء في هذا الخصوص غير أنني أقول بكل صدق إنو الانسان الإسمو صلاح ولي ده زول كويس ومجتهد وعمل العليهو والباقي علي شوفنا .
| |
|
|
|
|
|
|
|
|
|
Re: الفنان الذي هز عرش المشروع الحضاري ....! (Re: خضر حسين خليل)
|
صنعت الانقاذ ما صنعت من متاريس ... سوت ما سوت من بيوت اشباح وبيوت أوغاد وبيوت سادة لا يقلون قيد ذراع عن سادة الأمس ، حاولو بكل ما لديهم أن يمحوا ذاكرتنا الجمعية لكن (كان ليهم) فالشعوب التي تصنع المعجزات لا تنسي والشعوب التي تصنع الثوارت لا تموت بضربة لازب .
| |
|
|
|
|
|
|
|
|
|
Re: الفنان الذي هز عرش المشروع الحضاري ....! (Re: خضر حسين خليل)
|
صنعت الانقاذ ما صنعت من متاريس ... سوت ما سوت من بيوت اشباح وبيوت أوغاد وبيوت سادة لا يقلون قيد ذراع عن سادة الأمس ، حاولو بكل ما لديهم أن يمحوا ذاكرتنا الجمعية لكن (كان ليهم) فالشعوب التي تصنع المعجزات لا تنسي والشعوب التي تصنع الثوارت لا تموت بضربة لازب .
| |
|
|
|
|
|
|
|
|
|
Re: الفنان الذي هز عرش المشروع الحضاري ....! (Re: ABUHUSSEIN)
|
سلام الوهيط خضر
حبوبتي بت طه وانحنا صغار كانت عندها حمارة شليقة وانا كنت اشلق منها
الحمارة دي ادتني ركلة تاريخية لا تزال اثارها باقية لم يمحوها الزمن
المهم انا ما عارف لييييييييييييييه طافت بذاكرتي شلاقة حمارتنا ديييييييييييييك اثناء متابعتي للزول دا
لربما في انو الحكاية فنجطة في فنجطة
ولله في فنانيين المشروع الحضاري شؤون كما في ساسته
احترامي
| |
|
|
|
|
|
|
|
|
|
Re: الفنان الذي هز عرش المشروع الحضاري ....! (Re: Mohd Ibrahim)
|
تعرف يا خدر
الولد ده كويس، وغناي حسب سمعي، لكن كمان مزود الحركة شوية..
لا بأس من بعض الحضور الحركي على المسرح، وشوية بهارات، ما هو غنا كمان
لكن مفترض يتعلم انو ده ما مفروض يكون علي حساب بعض الكلمات البتروح في نص الجكة
وما يكون علي حساب الصوت وده يدخل فيهو وضع المايك اللهو حركتو بتكون مرات ما متوافقة مع النطة..
وبمناسبة النطة، دي زاااتا حقو يعرف يعملا متين -إن كان لا محالة فاعلاً- لأنها مرات بتكون مشاترة.. فما اي وقفة او قطعة في الموسيقى -ما عارف اهل الاختصاص بسموها شنو- تنفع معاها النطة، حسب رأيي طبعاً.
،
في المقرن الثانوية -جيت ليها عبور فأنا إقليمي ساكت كما تعرف- استاذ العربي الفاضل والمجوِّد"عبدالله الحسن"، وكان زيادة على براعته في النحو والصرف ونحوهما، ساخر ومسيخ...
ذات ونسة قال لينا "جني وجن الفنان البنطط ويرقص، وعشان كده أنا فناني (العطبراوي)، لا عندو حركات ولا بتاع، يحرك ايدو الما ماسكة المايك ورا وقدام وخلاص.. " وضرب مثلاً للفريق الآخر بالفنان "عبدالعزيز المبارك" صاحب الحضور الحي والبهيج على المسرح...
،
،
| |
|
|
|
|
|
|
|
|
|
Re: الفنان الذي هز عرش المشروع الحضاري ....! (Re: نيازي مصطفى)
|
رحم الله الشاعر الجميل سليمان عبد الجليل
لكن
هذه الاغنية كان لها وقع جميل ايامنا "ايامنا دى يا خدر لمن كنا شباب "
كانت الاكثر حضورا فى برنامج ما يطلبه المستمعون تلك الايام كانت تقدمه علوية ادم رحمة الله عليها
وحمد الريح كان له قبول عريض بين المستمعين
ليه ما بعرف ؟
هذا الولد الفنان صلاح ولى
له حضور غير خاف
وخاصة انه يؤدى الاغنية بحب كبير
ويرقص وهذه سمة اختفت منذ عبد العظيم حركة ولهذا سموه بهذا الاسم "حركة "
وكان سابقا لتلك الرقصات الغنائية الفنان ابراهيم عوض
وربما خضر بشير الذى كان حين يغنى تحسه "مجذوبا "
لكن ما يعيب صوت هذا الفنان ان صوته طالع من "حلقه " ولا يغوص ابعد من ذلك
بمعنى ان صوته "سطحى " كما الكثير من الاصوات مؤخرا
يحتاج لمن يخرج له صوته من العمق ليتواءم مع الاداء
"دا اقتراحى فى القضية " تقراها بالمصرى
ياخ مشتاقة اتونس معاك لله كدى
| |
|
|
|
|
|
|
|
|
|
Re: الفنان الذي هز عرش المشروع الحضاري ....! (Re: حسن الطيب يس)
|
ا
Quote: اوختنا سلمي دي في التأنيث عندها نون تانيث زيادة
|
اخى وصديقى حسن الطيب يس
تحيا نديات
وشكرا على ثقتك فى انى "زيادة انوثة "
يخربنى خراب الترب
حبة انوثة ما عندى
عشان كدا كل اصحابى بقولو اخونا
شفت كيف
وعا########ى الفكرة دى
خدر عن اذنك
احكى ليك قصة عن الفكرة بتاعة الانوثة الممحوقة عندى
مرة مشيت المعهد "معهد الموسيقى والمسرح او ما يعرف الان بكلية الدراما والموسيقى
المهم دخلت الله يعزك الحمام
واقفة بغسل فى يدينى جات صبية
من بنات المعهد والساعة التسالنى"لو سمحتى عندك قلم "؟
ومن نحينتى مرقت ليها القلم البعرفو
قال لى "لا قلم حواجب "
ضحكت لمن دمعت وقلت ليها يا بنيتى من الله خلقنى ما سعيت لى قلم زى دا الوحيد البعرفو الاديتك ليهو دا
طبعا البت استغربت وبدينا كلام عن القلم والمكياج حدثتها عن انى يوم زواجى ما سويت مكياج
قالت لى باسى الدنيا كله "انتى اغرب زولة الاقيها فى حياتى "
عشان كدا انوثتى لو بالمكياج عاد انوثة التكرهك
وعندى عقدة النحدسك من المكياج "او المكوجة يا قول حبوبة "
يوم للتعترنى قول عملت لى حاجات بنات وجيت الشغل الايام ديك كن شغالة فى الاذاعة
مشيت لى مكتب المدير صديقى الجميل النبيل صالح محمد صالح
كن لابسة توب ملون وعاملة شعرى كيف كيف المهم شكلى بنات بنات
قوم ياصالح اقيف على طولك والساعة اليقول لى "اخونا سلمى طيب ما تعملى كدا طوالى " ضحكت وقلت ليهو
ـ يا صالح اخوى كان سويت كدا ما بتبقى حاجة عادية ما بتلفت نظر زول خلينى فى "اخونتى دى "
وعلى ذكر الاخونة
يوم جا واحد من ال السراج اسمه سعيد ، كان بقدم برنامج فى الاذاعة وقال عاوز ليهو مخرج
استاذ صلاح الفاضل وكنت عابرة مكان وقوفهم قام قال ليهو
ـ اخونا دا بقوم بالواجب
الزول اتلفت يمين وشمال بفتش على اخونا
قام صلاح قال لى "يا اخ تعال "
مشيت ناحيته سلمت عليهم فقال لسعيد السراج اهو دا اخونا
الراجل انبهم "ياخ دى استاذة سلمى " صلاح رد "برضو اخونا "
وبقينا اصحاب من اليوم داك مع سعيد السراج
اطرف مافى الامر انه لمن يغلط بوقف التسجيل واقول ليهو الجملة الصاح
يوم زهج منى وقال لى "ياخ ما ممكن فى البيت فراج وفى الاستديو سلمى الشيخ "
اقول ليك امى زاتها من رايها انى ولد بس استعجلت "مرقت "
والسبب انى ما بحب حاجات البنات ولا بحب البنات الببالغوا فى حاجات البنات
وزمان استذى عمر مودى كان بقول لي "المكياج الداخلى اهم من ا لخارجى"ومسكت قوى فى الجملة دى
معليش ياخدر"انحرفت بمسار البوست "
| |
|
|
|
|
|
|
|
|
|
Re: الفنان الذي هز عرش المشروع الحضاري ....! (Re: خضر حسين خليل)
|
اخونا في المقرن الثانوية بدري الياس
زولك ده بالمناسبة فيهو شبه من عبد الله الحسن. ثم مع احترامي لاحترامك لأستاذنا عبد الله الحسن إلا أني أتمنى
ألا يكون هناك بعد في الأساتذة من يفهم مهمة المعلم كما كان يفهمها أستاذنا.
الزول ده كان "ابو فصلنا" في تالتة ابوبكر و الله لا يوريك و لا يحضرك تجربة مشابهه.
| |
|
|
|
|
|
|
|
|
|
Re: الفنان الذي هز عرش المشروع الحضاري ....! (Re: سيف النصر محي الدين)
|
Quote: اخونا في المقرن الثانوية بدري الياس
زولك ده بالمناسبة فيهو شبه من عبد الله الحسن. ثم مع احترامي لاحترامك لأستاذنا عبد الله الحسن إلا أني أتمنى
ألا يكون هناك بعد في الأساتذة من يفهم مهمة المعلم كما كان يفهمها أستاذنا.
الزول ده كان "ابو فصلنا" في تالتة ابوبكر و الله لا يوريك و لا يحضرك تجربة مشابهه. |
دكتور سيف إزيك وحباب الأخوة المقرنية،
بس زي ما قلت لي خدر فوق، أنا المقرن جيت امتحنت منها بس، وقريت في تالته "تجاني الماحي"، وده زاتو لأنو كان أولاد عمي اتنين معلمين فيها.
تعرف عبد الله الحسن ده آخر زول يدقني خلال مراحلي الدراسية؟ عشان كده ما حا انساهو بالهين.. وكانت جلدة رهيبة جداً والواجعني أكتر إني مشيت ليها بي كرعي عامل فيها راجل وحقاني، (طبعاً دقات ناس البوليس وباقي العساكر ما محسوبة لأنها بدت بعد المرحلة ديك).
يمكن أقدر أخمن إنو كان معاكم كيف كـ"أبو فصل"، فعلاً هو راجل صعب شديد..
لكن مالا ينكر للرجل هو تمكنو من المادة الكان بدرسا، لأني لاقيت مدرسين في المقرن دي جايين غلط أظنهم..
،
خدر ياخ معليش الدكتور ده جراني معاهم لي ونسات جانبية ما عندها علاقة بي بوستك "المنحرف" من يومو ده..
،
بالمناسبة، في نقطة ما علقت عليها فيما يخص البوست في مداخلتي السابقة، وهي حرص تلفزيوناتنا الرسالية، على تزويغ الكاميرا، ما استطاع المخرج إلى ذلك سبيلا، من الفنان لمن يعمل حركات، وكذلك من وجوه الفتيات، مالم تكن حفلة. لكن زولك ده قدر عليهم، يمشي يتحشر وسط العازفين ويقعد ينطط، أها بتاع الكاميرا والمخرج في الحالة دي إلا يشوفو ليهم وردة مطرفة كده في الاستديو، ويركزوا عليها.
،
قصة لطيفة حصلت قبل كم سنة هنا في الإمارات وكنت بحضر في كورة "مجبور" لأنو كان جزء من شغلي، أها الأيام ديك كان ظهرت موضة بنات يجو يحضرو المباريات، وديل بكونوا خواجيات شغالات في الأندية المتبارية، وبعض الأحيان بعض عوائل الإداريين.. لكن كانت نادرة في حينا.
أها يا زول بتاع الكاميرا حايم في المدرجات والمذيع يشيل ويخت في وصف الجمهور، ده جمهور التيم الفلاني وهو يفعل ويفعل، ووووو، فجأةً الكاميرا تجي فوق بنيات يا حلاتن قاعدات في كوم كدي براهو، أها صاحبنا المذيع اتجهجه، وقعد يقول: وهنااا ، آآآآآ ، وهنا نشاهد، آآآآآآ، وهنا... وصاحبك بتاع الكاميرا تقول قصدو، أصلو ابى يزح الكاميرا من "البترينة البتلمع: بالصبايا، أظنو هو زاتو اصيب بالسكتة الجمالية، يا زول المذيع في الآخر قال: وهنا نشاهد الجمهور الكريم... وسكت. أها من يوما وانا أي بنات في استاد بسميهم "الجهور الكريم".
،
أقول قولي هذا واستغفر الله لي وللفنان الفنجاط ده..
،
،
| |
|
|
|
|
|
|
|
|
|
Re: الفنان الذي هز عرش المشروع الحضاري ....! (Re: بدري الياس)
|
والله الفنان ده اسطايل جديد..
بعدين نحن فترنا من الفنان البكون جااامد التقول ضاربو سحاوي...
الفنانين ديل لو كان ظهرو في القرت المضي؟كان الفن السوداني وصل العالميه...
اغلب الفنانين ماعندهم حضور،،والجمهور السوداني جكهور متذوق،،وبتفاعل مع الاغنيه،،حتي لو الاغنيه الاولي في بدايه الحفله والتي غالبا ماتكون اغنيه استماع والفنان نفسو بيكون اختارها عشان يثبت جدارتو وقدرت صوتو..لكن الجمهور تجده قايم يبشر حتي لو الاغنيه حان الزفاف،،،
برغم انو محمود عبد العزيز صوت لايعلي عليه،،الا انه ماعندو حركه تفاعليه مع الاغنيه،،ماندر تلقاهو طلع من دينو كده وعمليهو حركه حركتين..
خدر بشير والنور الجيلاني مثلا،،الجمهور بحبهم لانو الحركه اثناء الغناء والمسرح الفوضوي البتخلل اداء كل واحد..تجده هو السبب في جذب الجمهور ليهم..غير اللحن والكلام طبعا..
في واحده من اغاني النيل الازرق ربنا يقدرنا اتذكرها وانزلها ليكم هنا..في بتاع درامس،،مع فنان والحفل علي الهوا..الجمهور قاعد،،والله لمن الكاميرا جات عليه،،افتكرتو بخيت ليهو في جزمه ولا بغسل في هدوم...بتعامل مع الدرمس كانو ماحقو او خايف منو،،،لا حركه تبل الشوق لاضربا يجنن...غايتو انا متكيف من الجني الفنان ده،،ومساله صوتو ضعيف زي ماقالت سلمي الشيخ،،اكيد عدم الخبره ليهو اثر كبير،،وغير كده هو مركز علي الحركه اكتر من الصوت عشان كده الصوت يضيع في النص،،لو لقي ليهو زول متخصص في الصوت او الحركه علي المسرح مثلا..ممكن يتطور ونشوفو بي طريقه متحرره اكثر وصوت اقوي،،،
اننتهي...
| |
|
|
|
|
|
|
|
|
|
Re: الفنان الذي هز عرش المشروع الحضاري ....! (Re: عليش)
|
حبيبنا خضر
تحياتي ليك ولي كل المتداخلين ..
في الأغنية الأولى .. اداءه كان متواضع
لكن في أغنية ( الفنان حمد الريح ) الوصية .. ابدع ، وكان أثره واضح على الفرقة الموسيقة المصاحبه .. وضعوا لمسات على اللحن .. وده في حد زاتوا ابداع لامتناهي
اما الرقص والحركة .. فدي مدرسة سبقه فيها كثيرون كما تفضلت الأستاذة سلمى .. اضيف على من ذكرتهم في مداخلتها الفنان عبد الله البعيوا ، ونادر خدر في بداياته ..
انا عن نفسي .. اتكيفت من المعلم ده ههههههههههههههههههههههه
| |
|
|
|
|
|
|
|
|
|
Re: الفنان الذي هز عرش المشروع الحضاري ....! (Re: هاشم عبدالله بشير)
|
الشكر لجميع المتداخلين /ت الكرام
في ملاحظة مهمة ياخوانا اللنك الأول الأنا جبتو ده ما كان المقصود المهم عملت تعديل .... الأغنية المعنية الوصية
ـــــ
الفنان ده نبهني ليهو عاطف انيس من كم يوم يا بدري الياس
ومن ديك اخوك بقي معجب وكدا
أجمل مافي الفيديو التحية العسكرية القفل بيها المزيكا
كان مصقوع ماعارفو كان مستجد ماعارفو
واكان مجند الله اعلم
عموماً جنس ديل هم البقولو عليهم (سيروا وعين الله ترعاكم)
سير سير يا ولي
| |
|
|
|
|
|
|
|
|
|
Re: الفنان الذي هز عرش المشروع الحضاري ....! (Re: خضر حسين خليل)
|
Quote: أجمل مافي الفيديو التحية العسكرية القفل بيها المزيكا
كان مصقوع ماعارفو كان مستجد ماعارفو
واكان مجند الله اعلم |
والله يا خدر انت وقعت لي في جرح
انت عارفه كويس من فتحت البوست
منهجية تخريب مزاج اذن المستمع السوداني وطمس معالم الفن السوداني الجميل
قالولنا الفناجط دا كما خضر بشير
ايوه خضر بشير بطلع الشجرة وزولاً ناهل من عبق الصوفية المريد وتجربة خضر بشير ابداعية على مرتكزات
مواعينه الثقافية ومن الممكن
مراجعة مكاشفي القوم
وجلا جلاله
هنا يا خدر
اسس المقارنة معدومة تماماً
بس يا خدر عشان انا اونسك وادردش معاك شويات
كم من برامج بتفرخ زي هؤلاء المنفجطين وبتفرضم قنواتنا على المشاهد السوداني
انا الحكاية دي لاحظتها ايام معركة هجليج فقط وكم من مغنواتية انتجتهم برامج بعينها
اكتشفت يا خدر كل هذا الكم من المغنواتية الصدف كانوا حاضرين
وكلهم في دغمسة واحدة
البشير ما بنقدر سيل الوادي المنحدر
وملصو العراقي ولبسوه الكاكي
وكانت اكبر تشويه لاغنية حاضرة فينا كما في تراث شعبنا بغرب السودان ( العاجكو يما الليلة مانعو )
يا خدر وجع الوجع بفتق الجراح
وعلى انغام الابداع النايص وهايس لاباس من ان نستمتع بتحية عسكرية
خالص التقدير والاحترام
| |
|
|
|
|
|
|
| |
خضر حسين خليل
Osman Musa
باسط المكي
ABUHUSSEIN
فرح الطاهر ابو روضة
Mohd Ibrahim
وضاح عبدالرحمن جابر
نيازي مصطفى
سلمى الشيخ سلامة
Adam Omer
mekki
طارق جبريل
سيف النصر محي الدين
عمر ادريس محمد
مني عمسيب
عليش
Khalid Saeed
هاشم عبدالله بشير
فيس بوك
تويتر
انستقرام
يوتيوب
بنتيريست