Quote: يعتزم نواب بالهيئة البرلمانية للمؤتمر الوطني مقابلة الرئيس عمر البشير لطلب العفو عن المتهمين بالمحاولة الانقلابية الأخيرة وإطلاق سراحهم فى وقت ابلغ مدير جهاز الامن الوطنى محمد عطا المولى المكتب القيادى للحزب الحاكم فى اجتماع التأم امس بالمعلومات المتوافرة حول المحاولة الانقلابية المحبطة.
نواب في البرلمان السوداني وقال المتحدث باسم المجموعة البرلمانية احمد الطيب الفنقلو إن حوالى 30 عضواً برلمانيا يرتبون للقاء البشير خلال اليومين المقبلين للتوسط لإطلاق سراح المتهمين منوها الى ان العفو الرئاسى شمل من قبل من هم أشد منهم عداء للدولة وأكد الفنقلو في تصريحات محدودة أمس أن الخطوة تهدف للحفاظ على مستقبل وحدة البلاد ". وأشار الى أن المصلحة العامة تقتضي العفو عن المجموعة لما قدمته من عطاء للدولة ومراعاة للتحديات التي تمر بها البلاد.
12-01-2012, 05:54 AM
سيف النصر محي الدين
سيف النصر محي الدين
تاريخ التسجيل: 04-12-2011
مجموع المشاركات: 8995
Quote: وأكد الفنقلو في تصريحات محدودة أمس أن الخطوة تهدف للحفاظ على مستقبل وحدة البلاد ".
يا "فنقلو" وكت وحدة البلاد دي كانت مهددة جد جد و لما حزبك و برلمانك العجيب ده ساق البلاد نحو الانقسام عديل كده انت كنت وين؟ ثم ثانيا: ما هو الخطر الذي يهدد وحدة ما تبقى من البلاد إن لم يطلق سراح قوش و بقية الحرامية المعاهو؟؟ هل كلامك ده تهديد مبطن لجهات بعينها في ما تبقى من النظام؟؟ مش انت يا فنقلو ناطق رسمي و كده؟ ما تنطق بكل شجاعة و تقول لينا الكلام عديل و تملكنا الحقائق يمكن نقدر نساعد.
12-01-2012, 06:01 AM
سيف النصر محي الدين
سيف النصر محي الدين
تاريخ التسجيل: 04-12-2011
مجموع المشاركات: 8995
Quote: منوها الى ان العفو الرئاسى شمل من قبل من هم أشد منهم عداء للدولة
في ذمتك يا فنقلو في زول صدر في حقه عفو رئاسي قبل ما يتقدم لمحاكمة و يصدر ضده حكم؟؟ انت يا زول مستعجل كدي مالك؟ هل لأنه ليس لديك ثقة في نظامك العدلي و في محاكمك و في قضاتك؟ ليه ما عايز الأمر يمشي بصورته الطبيعية حتى بعد داك تتدخل؟ هسه الناس ديل "كلهم" ثبتت عليهم حاجة؟ هل أنت متأكد أنهم "فعلا" قاموا " بالأمر الذي تتهمه بهم اجهزة الأمن و المخابرات ؟ هل أنت عارف منو المتورط و منو الما متورط عشان تمشي للرئيس تقول ليهو فكهم كلهم و كمان معاها تهديد أنو الأمر ده "يهدد وحدة البلاد"!!!
12-01-2012, 06:12 AM
Elsanosi Badr
Elsanosi Badr
تاريخ التسجيل: 03-29-2008
مجموع المشاركات: 4166
Quote: في ذمتك يا فنقلو في زول صدر في حقه عفو رئاسي قبل ما يتقدم لمحاكمة و يصدر ضده حكم؟؟ انت يا زول مستعجل كدي مالك؟ هل ﻷنه ليس لديك ثقة في نظامك العدلي و في محاكمك و في قضاتك؟ ليه ما عايز اﻷمر يمشي بصورته الطبيعية حتى بعد داك تتدخل؟
اتا يا سيف وانحنا ح نعرف اكتر من من سيد فنقلو
________________
فنقلو طوباية تلقو لقوشاية
12-01-2012, 06:31 AM
دينا خالد
دينا خالد
تاريخ التسجيل: 06-26-2006
مجموع المشاركات: 8736
يا دكتور انت ما تخليهو يعفو عنهم يعنى خلااااااس ديل الفنقلوا الريكا ؟؟؟
وبالمرة كدا قول لي الفنقلوا دا .. فى 55 دارفورى محتجزين ورجولهم واياديهم باصفاد الحديد من مايو 2008 قابعيين فى كوبر برضو متهمين فى مؤامرة تخريبية ... بالمرة كدا وعشان دعوتك تكون صادقة حنسوا الرئيس انو القرار يشملهم برضو عشان الوحدة الوطنية وعشان جميل وعشان حلو .. وينوبكم ثواب ...
ــــــــــــــــــــــــــــ فعلا بلد ما عندها سيد .. فعلا ########ة هايصة !! مشتاقين يا دكتور ....
12-01-2012, 06:22 AM
سيف النصر محي الدين
سيف النصر محي الدين
تاريخ التسجيل: 04-12-2011
مجموع المشاركات: 8995
Quote: وأشار الى أن المصلحة العامة تقتضي العفو عن المجموعة لما قدمته من عطاء للدولة ومراعاة للتحديات التي تمر بها البلاد.
يعني المعنى من كلامك ده يا فنقلو أنو اي زول بفتكر أنو قدم عطاء للدولة ممكن عادي يشيل سلاح و يحرك دبابات و مدفعية و الجهات الأمنية ما تقوم بأي تصرف ضده و الدولة ما تقبض عليهو و ما تقدمه لمحاكمة او تصفيهو او تفعل فيه ما تشاء؟ خليل ابراهيم ما قدم عطاء للدولة؟ مالك عقار الوالي المنتخب ما قدم عطاء للدولة؟ بولاد ما قدم عطاء للدولة المزعومة حقتك دي؟ ليه ما دافعت عنهم و كونت مجموعة و نصبت نفسك ناطق رسمي ليها و مشيت قابلت الرئيس و قلت ليهو فكهم او خليهم او انساهم او اي حاجة ؟ ثم ما هي التحديات التي تواجهها البلاد؟ كدي ورينا التحديات دي لأنو برلمانك العجيب ده الأنت عضو فيهو قال أنو الأمور تمام التمام و ليس في الامكان احسن مما كان! بل قال أنو رفع الاسعار فيهو مصلحة للمواطنين! و ابتهج بكلام الزول الدعا المواطنين للاستغفار كوسيلة لمواجهة الضائقة المعيشية! شنو هي التحديات يا سيد فنقلو؟
12-01-2012, 06:23 AM
Hololy
Hololy
تاريخ التسجيل: 08-30-2006
مجموع المشاركات: 1266
Quote: اتا يا سيف وانحنا ح نعرف اكتر من من سيد فنقلو
سلامات يا بدر فنقلو شكلو عارف كتير و داخل في الموضوع عن سابق عزم و تصميم. ياخ ده ماشي يهدد الرئيس يقول ليهو لو ما طلعت الناس ديل حتهدد وحدة البلاد و بتكون بتعمل ضد المصلحة العامة "خسوسا" في ظل التحديات التي تواجهها البلاد!!
12-01-2012, 06:35 AM
سيف النصر محي الدين
سيف النصر محي الدين
تاريخ التسجيل: 04-12-2011
مجموع المشاركات: 8995
Quote: وبالمرة كدا قول لي الفنقلوا دا .. فى 55 دارفورى محتجزين ورجولهم واياديهم باصفاد الحديد من مايو 2008 قابعيين فى كوبر برضو متهمين فى مؤامرة تخريبية ... بالمرة كدا وعشان دعوتك تكون صادقة حنسوا الرئيس انو القرار يشملهم برضو عشان الوحدة الوطنية وعشان جميل وعشان حلو .. وينوبكم ثواب
يرفع لمستر فنقلو لاجراء اللازم! و لو انو ما بضمنو ليك . هل الناس ديل قدموا اي عطاء للبلد بحسب معايير الفنقلو المختلة؟ و هل احتجازهم بيهدد الوحدة الوطنية كما يراها سيادته ؟ و هل اطلاق سراحهم بيصب في مجرى المصلحة "العامة" كما يتخيلها معاليه؟؟
12-01-2012, 07:13 AM
معاوية الأرباب
معاوية الأرباب
تاريخ التسجيل: 07-03-2008
مجموع المشاركات: 1066
الكلام ده كلو ما بحلهم يا سيف .. والانقلاب ده كان وراءه معظم الصف السياسي "مقابل الصف العسكرى" للمؤتمر الوطنى .. وبالعكس ارى ان صلاح قوش أقرب للتصفية من اطلاق السراح .. فهو مطلوب الآن من الفريقين للقدر الهائل من المعلومات المتوافره عنده .. وقد يتكون اصابته بذبحة صدرية مقدمة لسيناريو مثل ذلك ..
عموما وكشاهد اضافى على الكلامى .. يتواصل مسلسل الاعتقالات بينهم .. وتتواصل الاتهامات بالبعد عن مسار الحركة الاسلامية ..
اكثر ما يحز فى نفسي اداء معارضتنا الهزيلة يا سيف .. هل هذا نظام يمكن ان يصمد امام حركة معارضة جادة ؟!
غايتو .. ربنا يستر على ذلك الوطن المنكوب ..
12-01-2012, 01:31 PM
Siham Elmugammar
Siham Elmugammar
تاريخ التسجيل: 06-18-2004
مجموع المشاركات: 3488
Quote: حقو , عمر البشير يمسك الفنقلو دا ويفنقلو تاني مرة عشان يستعدل ,
بما إنو نفي النفي إثبات , فإن فنقلة المفنقل إستعدال على قوال الشفيع وراق .
معاوية يا أرباب..سلامات ذكرتني لما تجي تستعدل صورة في واحد من برامج عرض الصور على الكمبيوتر و ما تكون عارف تحركها يمين او يسار المهم تقعد تفنقل فيها لما تستعدل .
12-02-2012, 06:15 AM
سيف النصر محي الدين
سيف النصر محي الدين
تاريخ التسجيل: 04-12-2011
مجموع المشاركات: 8995
Quote: اكثر ما يحز فى نفسي اداء معارضتنا الهزيلة يا سيف .. هل هذا نظام يمكن ان يصمد امام حركة معارضة جادة ؟
العشم في الشباب و في القوى الجديدة التي تجابه هذا النظام بشكل يومي و العشم في قوى الهامش التي تواجه هذا النظام باللغة التي يفهمها و تمثل تهديدا حقيقيا له..فلا تبتئس يا صديق.
12-03-2012, 03:39 PM
سيف النصر محي الدين
سيف النصر محي الدين
تاريخ التسجيل: 04-12-2011
مجموع المشاركات: 8995
من اقوال المفكر الاسلامي الفنقلو حول الوضوع. هذه العبارة تمثل جوهر رؤيته للمشكلة القائمة و ترتكز عليها مشاريع الحلول التي سيقترحها مفكرنا و مجموعته على رئيس الجمهورية. بالله لو في زول عارف معناها يتكرم علينا بشي من الشراح و جزاه الله عنا خيرا.
12-03-2012, 04:21 PM
معاوية المدير
معاوية المدير
تاريخ التسجيل: 03-24-2009
مجموع المشاركات: 14411
تلاتة طلاب يا فنقلو تلاتة شباب في ربيع ايامهم تلاتة سودانيين اهلهم منتظرينهم في هذا الزمن الصعب جامعة الجزيرة يا فنقلو هل نسمع صوتك في جريمة جامعة الجزيرة هل تتسع اجندتك لقضايا الوطن الحقيقية أم أنك ستكون شريكا في جريمة دفع جزء آخر من البلاد للانفصال؟؟؟
12-07-2012, 03:30 PM
سيف النصر محي الدين
سيف النصر محي الدين
تاريخ التسجيل: 04-12-2011
مجموع المشاركات: 8995
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة