|
Re: بت الاصوال تحتفل بالطلاق وعشاء فاخر وترقص علي أغنية (حبك أذانا)# (Re: Hisham Amin)
|
Quote: وكعادتي في عوالمي البديعة (المناسبة شنو البت دي عرسوها) جاء الرد مخيب جدا |
Quote: مغنية لا تقل خلاعة وأنحطاط من هذا الجمع |
زهير.
هل من ضمن "عاداتك وعوالمك البديعة" هذا التطفل في الحفلات ولا أنت كنت معزوم مسبقا من صاحبة الدعوة؟
طيب إذا كانت المغنية والجمع عبارة عن "خلاعة وإنحطاط" أنت المقعدك معاهم شنو، لغاية ما حفظت كلمات الأغنية "الخليعة" هذا؟
بالمناسبة.
بما أن الحفل كان في حي حوش بانقا(كافوري) وهو حي راقي طبعا.
العشا كان بشنو؟ وهل كانت هنالك مشروبات كحولية
| |
|
|
|
|
|
|
Re: بت الاصوال تحتفل بالطلاق وعشاء فاخر وترقص علي أغنية (حبك أذانا)# (Re: Deng)
|
الأخ زهير
تحياتي - دي حالتها حفلة طلاق - ومال حفلة الزواج كانت كيف ؟
وهل مكان الحفل هو مكان الطلاق ؟ ولا العرس كان في رواكيب وإنتقلت الأسرة لمكان حفل الطلاق؟
بالله ناس الجودية في السودان خلاص إنقطعو يا زهير ؟
يا حليل زمان المرأة بعدوها لي بيتهم بالليل والصباح أبوها بجيبها تمشي فوق العجين ما تلخبطه
بحيراوي
| |
|
|
|
|
|
|
Re: بت الاصوال تحتفل بالطلاق وعشاء فاخر وترقص علي أغنية (حبك أذانا)# (Re: نجلاء قرافي)
|
هناك الكثير من العادات الدخيلة على مجتمعنا والاحتفال بالطلاق اصبح سنة ماضية بين شعب السودان (الارستقراطي منه طبعاً )أما المساكين فكيتفون بشاي بلقيمات أذكر مرة في لقاء بإحدى الصحف مع الفنان كمال ترباس صرح بأنه يرفض الغناء في حفلات الطلاق مهما دفع له والكلام دا ليهو 3 -4 سنوات وبعدين كلام مواهب دا ما تدهو الواطه
Quote: اسراف فى الاشهار
كما الزواج الاشهار ضرورى فى الطلاق |
الغرض الاساسي من مثل هذه الحفلات هو البهجة ومن ثم الاشهار بأن الطلاق قد تم وانها مستعدة لبداية حياتها من جديد .. ..
الحاجة الأهم هو القصور في بعض القوانين (قانون الاحوال الشخصية) طالما أنت بتصرف وماف سبب قوي لا تستطيع المرأة السودانية نيل طلاقها وحريتها بأخوي وأخوك ... والله صحي وممكن الراجل يكون معلقها في حبله لمدة طويلة وطويلة جداً واعتقد دا سبب وجيه للاحتفال بالطـــلاق بعد طول عذاب
المافي شنو؟
| |
|
|
|
|
|
|
Re: بت الاصوال تحتفل بالطلاق وعشاء فاخر وترقص علي أغنية (حبك أذانا)# (Re: نجلاء قرافي)
|
الأخ زهير
كنت أود لو أنك استخدمت تعابير أقل حدة ... فقط لأنك ضيف ...
لكن خلينا نرجع لكمة بت أصول دي ..
تستفزني دائماً هذه المفردات ... أولاد أصول .. أولاد ذوات .. أولاد ناس ... أولاد قبائل ..
وكأن الآخرين ليسوا كذلك ...
ولن نحجر على الناس التفاخر بأصولهم وأنسابهم ...
لكنها أضحت تستخدم أخيراً للتقليل من شأن الآخرين ...
أما صاحبتنا هذه فإن كان المقصود من كونها بت أصول .. أصولها القبلية ...
فقد أساءت أيما إساءة لقبيلتها وناسها وأهلها ...
وإن كان المقصود بالأصول الأخلاق الكريمة ...
فهذا السلوك لا يمت للأخلاق بصلة ...
هذا والله أعلم ...
| |
|
|
|
|
|
|
Re: بت الاصوال تحتفل بالطلاق وعشاء فاخر وترقص علي أغنية (حبك أذانا)# (Re: نجلاء قرافي)
|
يا أبو الزهور سلامات ياخ,,Quote: مادام مناسبة خاصة ودعت ليها الاصدقاء والمقربين مافي مشكلة . |
المشكلة فيك إنت يا حبيب!!! إذا تجاوزنا ققصة إنو نمشى حفلة خاصة دون دعوة خاصة ( بعامات/ طيارات) يعنى بدون دعوة خاصة مباشرة,,
فلا يمكن أن نتجاوز فكرة الإعتداء على خصوصيات الناس ودخول بيوتهم وحضور مناسباتهم والإبتهاج للطيش معهم ثم نأتى لنكتب وصف دقيق لما شاهدنا أو وسمعنا..
ياخ هى فرحانة إنها إتطلقت المشكلة وين!! فى زول فينا عارف هى زواجا كان شكلو كيف ولا زوجها كان بيعاملا كيف!!!!
لما تكتل حفلة زى دى تانى هجج هجيجك وعيش بهجتك وأعمل ميت خلى الناس تعيش جوه بيوتا آمنة مطمئنة وإتذكر إنهم أكرموك وإحترموك داخل بيتهم,,,
تحياتى,,
| |
|
|
|
|
|
|
Re: بت الاصوال تحتفل بالطلاق وعشاء فاخر وترقص علي أغنية (حبك أذانا)# (Re: أيمن الطيب)
|
Quote: تستفزني دائماً هذه المفردات ... أولاد أصول .. أولاد ذوات .. أولاد ناس ... أولاد قبائل ..
وكأن الآخرين ليسوا كذلك ... |
ود الجيلي انت تبع ياتم؟
يعني مثلاً مفردة "خواجة" ... ولاّ "حسناوات" ... ما بتستفزك؟
أي زول بتستفزوا سيرة الناس الهو مستثنى منهم ... لأنو الإستثناء زي النبز ...
(انا بتستفزني مفردة "المغتربين" ... رايك شنو؟)
... المهم ....
| |
|
|
|
|
|
|
Re: بت الاصوال تحتفل بالطلاق وعشاء فاخر وترقص علي أغنية (حبك أذانا)# (Re: Nagat Sid Ahmed Elshiekh)
|
أخوي تبارك ود أستاذ شيخ الدين ...
هذا التنصيف المقصود به التقليل من شأن الآخرين ...
فكل الناس لها أصول وقبائل ...
لكن بعض القبائل تسيدت نتيجة لظروف تاريخية معينة ...
أما حكاية (أولاد الأصول) و (أولاد الذوات) دي ...
فغالباً ما تكون مرتبطة بثراء مبكر ...
بعدين كلامك عن إنو الواحد بيتستفزه ما هو مستثنى منه ...
فإن كان القصد استفزازي بذلك ... فياخي الله يسامحك ...
المهم ........... (على قولك)
إن أردت أن تعرف أصولي فراجع البروفايل بتاعي ...
فربما تجد أن ثمة قرابة تجمعني بك ...
مرحب بيك يا قريبي ...
وتسلم ...
| |
|
|
|
|
|
|
|