|
|
 تم تدمير مسرح الجزيرة بسبب حفل لمحمود عبد العزيز
|
Quote:
ود مدني: حامد محمد حامد:
تعرّض مسرح الجزيرة بود مدني أمس إلى عملية تخريب وتدمير وتكسير كبيرة من مواطنين غاضبين إثر عدم قيام حفل كان مُزمعاً أن يحييه الفنان محمود عبد العزيز. وتدخّلت الشرطة لحماية المسرح
والحيلولة دون مزيد من التدمير. وخَفّ إلى الموقع معتمد ود مدني ومدير الشرطة وعدد من كبار المسؤولين لحماية المسرح واحتواء الأمر. وكان قد تمّ التعاقد مع الفنان محمود عبد العزيز لإحياء ليلة بالمسرح، واشترى المواطنون التذاكر إلاّ أنّه تأخّر عن الموعد المضروب ولم يقم الحفل إلى ما بعد العاشرة والنصف ليلاً مما قاد لهذا الإنفلات والغضب من الجمهور.
|
|
|
  
|
|
|
|
|
|
|
 Re: تم تدمير مسرح الجزيرة بسبب حفل لمحمود عبد العزيز (Re: عباس الدسيس)
|
شهدنا قديما على خشبة هذا المسرح العريق
أساطين الفن السوداني يحيون حفلات فى مواعيدها
فى حضرة جمهور محترم جدا يشدهم النغم الجميل
وإحترام الفنانين الكبار لهم .
شهدنا به حفلات لعثمان حسين وسيد خليفة وود اللمين وزيدان وشرحبيل والخير عثمان ...
يرجى من الفنان الصاعد محمود عبدالعزيز ومتعهدى حفلاته المزيد من الإنضباط وإحترام وقت وذوق الجمهور
والحضور فى الموعد لإحياء الحفل أو الإعتذار مسبقا ...
تصرف الجمهور مرفوض والمسرح ملك للشعب السودانى كله وسيذهب محمود عبدالعزيز وفنه لكن المسرح سيبقى
محروسا بأطياف أساطين الفن السودانى الذين تغنوا فيه وذهبوا للملكوت
| |
|
|
|
|
|
|
|
|
|
Re: تم تدمير مسرح الجزيرة بسبب حفل لمحمود عبد العزيز (Re: احمد الامين احمد)
|
سلام للجميع
سؤال للجميع ماذا انت فاعل اذا دفعت ثمن التذكره ودخلت المسرح السينما الاستاد او غيره
لحضور فاعليه معينه ولم تقام لاي سبب غير منطقي وتجاهل مشرفي الفاعليه وعملوا
نايمين بثمن التذاكروتنصلوا من المسؤليه ؟ حسب تحليلكم للوضع ان تتصرفوا بمثاليه وتتطلعوا بادب جم وترجعوا بيوتكم
معليش المساله اكبر من فنان لم يوف بالتزاماته . يعني اكل حقوق الناس باالباطل موجود في كل نواحي الحياه
يعني قبل ادانتكم جمهور مدني الخرطوم الابيض الخ... كان تقروا بحقوقهم وردها ممن ظلمهم
| |
|
|
|
|
|
|
|
|
|
Re: تم تدمير مسرح الجزيرة بسبب حفل لمحمود عبد العزيز (Re: عمر نملة)
|
Quote: سلام للجميع
سؤال للجميع ماذا انت فاعل اذا دفعت ثمن التذكره ودخلت المسرح السينما الاستاد او غيره
لحضور فاعليه معينه ولم تقام لاي سبب غير منطقي وتجاهل مشرفي الفاعليه وعملوا
نايمين بثمن التذاكروتنصلوا من المسؤليه ؟ حسب تحليلكم للوضع ان تتصرفوا بمثاليه وتتطلعوا بادب جم وترجعوا بيوتكم
معليش المساله اكبر من فنان لم يوف بالتزاماته . يعني اكل حقوق الناس باالباطل موجود في كل نواحي الحياه
يعني قبل ادانتكم جمهور مدني الخرطوم الابيض الخ... كان تقروا بحقوقهم وردها ممن ظلمهم |
كلامك صحيح يا اخ عمر (الحـــــــــــــــــــــــــــــــــقوووووووووووووووووق) .
لكن الحل المنطقي والقانوني انو ممكن الناس العندها (كعوب التذاكر ) - افتكر اي زول بدخل مسرح ولا سينما بدوهو كعب التذكرة كاثبات لانو حضر الفعالية - الناس العندها كعوب التذاكر تجمع توقيعات وترفع عريضة وتقوم محامي عشان يردو ليها حقوقها واتعاب المحامي تدفعها اللجنة المنظمة او الناس النظمو الحفل .
ده حكم العقل والقانون لكن الكسير والتخريب ما بفيد وما منطق وما ممكن يقنع زول حتى لو اكلو حقك بالباطل ده ما سبب للتخريب .
وبعدين محمود ده لسه مباري المستهبلين مالو ؟ محمود من الفنانين ( على حسب معرفتي السابقة) ممكن يغني مجاني لكن حوالينو كمية من المستهبلين بياكلو بي اسمو وما بعيد يكون واحد منهم (منهن ) السبب في البلوة دي.
لك التحية
اسامة
ملاحظة اخير مشرفي الفعالية ديل (طبعوا تذاكر -بقروش- وعملوا اعلانات - بقروش - واجروا المسرح - بقروش - ودفعوقروش للمحلبية ولا المحلية ) يعني الشغل على مكشوف ما ممكن يتنصلو او يعملونايميين بعد كدة ، لانو ممكن الناس تنظم نفسها زي ما قلت وترفع قضية والاثبات التذاكر او كعوب التذاكر ) .
| |
|
|
|
|
|
|
|
|
|
Re: تم تدمير مسرح الجزيرة بسبب حفل لمحمود عبد العزيز (Re: ابوحراز)
|
الاخوة الاعزاء
ياسر السر
عمر نكلة
عباس الدسيس
اسامة محمد
احمد الامين
شاكر لكم مروركم وتعليقكم و إضافاتكم , نعم الشعور بالظلم شيء يصعب على البعض تحمله وقد حدث لنا من قبل واذكر انه كنا في حفل خيري عام بنادي الاسرة بالخرطوم ودفعنا مبلغ الخمسة الف بالقديم كسعر للحفل الذي كنا ننتظره بفارغ الصبر , تأخر محمود عبد العزيز ولم يأتي فهاج الجمهور وخربوا النادي , لم افكر اطلاقا أن أخرب ممتلكات الغير , جزء بسيط جدا من الحضور كان يقوم بعمليات التخريب الى أن أتت الشرطة وطاردتنا في الشوارع دون ذنب اقترفناه!.
هذا رد مبدئي لكم جميعا الى أن أعود وارد عليكم فردا فردا
| |
|
|
|
|
|
|
|
|
|
Re: تم تدمير مسرح الجزيرة بسبب حفل لمحمود عبد العزيز (Re: احمد محمد بشير)
|
سلام تحيه
لم افكر اطلاقا أن أخرب ممتلكات الغير , جزء بسيط جدا من الحضور كان يقوم بعمليات التخريب الى أن أتت الشرطة وطاردتنا في الشوارع دون ذنب اقترفناه!.
ااحمد ازيك هنا مربط الفرس ورينا فكرت في شنو في لحظتها في انك مقهور ومظلوم؟ تجمعوا اكعاب التذاكر وتقوموا محامي ! معليش دا كلام غير مطابق للواقع في السودان
المفروض من استلم اسعار التذاكر ان يردها للجمهور وهو من يرفع دعوه ضد الفنان ... لكن يستخدم مع الجمهور سياسة الامر الواقع والمال تلته ولاقتلته...اكيد سياسة الارض المحروقه
هي الرد الفعال ... وكمان الشرطه بطارد يعني ميته وخراب ديار عفوا العدل اساس الملك واذا لم يتحقق فلا للمطالبه باالقيم المثلى وجمهور مدني بورسودان الكاملين نيالا الخ .. كسر
وخرب العدل ثم العدل والا اخذ الحقوق بطريقه غير عادله.
طبعا اتخرب المسرح واتكسر وسوف يحصل التالي الدوله ترفع دعوه على من استاجر المسرح وسوف يقوم غصبا عنه بدفع كل الاضرار. وهو من ناحيته سوف يقوم برفع دعوه ضد
الفنان والمفروض ان الدوله العادله تنصفه. اما الجمهور ياكل ناره ويكون اخد حقه خراب وطلع ما به من غل . مش كان من الاول يرد له حقه حتى لا ندخل في كل هذه الشربكه
اقول من غير تردد اذا كنت احد الجمهور اما ان ترد لي حقوقي او ان اخذها عنوه. وما اخذ يجب ان يرد والا
| |
|
|
|
|
|
|
|
|
|
Re: تم تدمير مسرح الجزيرة بسبب حفل لمحمود عبد العزيز (Re: ابوحراز)
|
Quote: معليش دا كلام غير مطابق للواقع في السودان
المفروض من استلم اسعار التذاكر ان يردها للجمهور وهو من يرفع دعوه ضد الفنان ... لكن يستخدم مع الجمهور سياسة الامر الواقع والمال تلته ولاقتلته...اكيد سياسة الارض المحروقه
هي الرد الفعال ... وكمان الشرطه بطارد يعني ميته وخراب ديار عفوا العدل اساس الملك واذا لم يتحقق فلا للمطالبه باالقيم المثلى وجمهور مدني بورسودان الكاملين نيالا الخ .. كسر
وخرب العدل ثم العدل والا اخذ الحقوق بطريقه غير عادله.
طبعا اتخرب المسرح واتكسر وسوف يحصل التالي الدوله ترفع دعوه على من استاجر المسرح وسوف يقوم غصبا عنه بدفع كل الاضرار. وهو من ناحيته سوف يقوم برفع دعوه ضد
الفنان والمفروض ان الدوله العادله تنصفه. اما الجمهور ياكل ناره ويكون اخد حقه خراب وطلع ما به من غل . مش كان من الاول يرد له حقه حتى لا ندخل في كل هذه الشربكه
اقول من غير تردد اذا كنت احد الجمهور اما ان ترد لي حقوقي او ان اخذها عنوه. وما اخذ يجب ان يرد والا |
الاخ عمر
لو انت شايف انو سياسة الارض المحروقة والعنف كنتيجة لرد فعل هي الحل لآخذ الحقوق المسلوبة انا ما عندي معاك نقاش وان شاء الله تكسروا مدني كلها بس ابعدوا من بيتنا في المزاد القديم .
مافي منطق في استخدام اي نوع من العنف ده رأيي الشخصي .
| |
|
|
|
|
|
|
|
|
|
Re: تم تدمير مسرح الجزيرة بسبب حفل لمحمود عبد العزيز (Re: Osama Mohammed)
|
اسامه ازيك
مالينا مليون سنه حقوقنا مسلوبه ورضيانين بكلمة باركوها . المساله ما مسالة فنان ما حضر
وجمهور خرج خائب ظنه المساله في بلد تسلب الحقوق وتستبلد المشاعر . يعني سياسه
الكيشه دقه واعتذر ليه. ما قادر استوعب انه اكل المال با الباطل . وريني انت الحل لايقاف
هؤلاء. يعني جمهور يحضر ويدفع ويستنكح ويستملح . وريني الحل البياخذ ليه حقه عليك
الله انسى لي قصة كعوب التذاكر دي وانا ببطل التكسير. يعني خليك واقعي. وبرضو
ما في منطق باكل اموال الناس باالباطل. حتى ربنا طالبنا بالقصاص لاستمرار الحياة
الواقع يا اسامه سياسة الامر الواقع يجب ان تدحر بالقانون والا تاخد حقك باايدك.
اسامه القانون السائد هو قانون الغاب القوي ياكل الضعيف. كنت فاكرك حاتزعل للغلابه
الفيهم البناء وسواق الركشه الاشتغل طول يومه ومنى نفسه بليله جميله. اكل عرق الجبين
مر ياريت تعاين للموضوع من الناحيه التانيه الكانت سبب الكسير مش تنظر للموضوع
من لحظه التكسير.
| |
|
|
|
|
|
|
| |
احمد محمد بشير
Mandingoo
عبدالرحيم أبراهيم العبيد
ذواليد سليمان مصطفى
ياسر السر
عباس الدسيس
احمد الامين احمد
عمر نملة
Osama Mohammed
ابوحراز
أمجد الزين
فيس بوك
تويتر
انستقرام
يوتيوب
بنتيريست