|
|
 قصيدة بمناسبة خروج المريخ والهلال من الكونفدرالية الافريقية
|
اليوم وبعد خمس دقائق من نهاية مباراة الهلال وجوليبا المالى والتى أنتهت بخروج الهلال بركلات الترجيح والحظ أتصل على من السودان المريخاب شقيقى صالح مبارك وعبدالمحسن الشيخ (صاحب المثل تتلفت زى عبدالمحسن فى بكا أولاد الاحمر) ليشمتو ويفيدونى أنهم الان يوزعوا فى البارد فى معمل عبدالملك غيظة للهلالاب الشمتو فيهم البارح ، وطلب منى عبدالمحسن الشيخ أن أكتب قصيدة بمناسبة خروج الهلال والمريخ فكتبت هذه القصيدة والتى تقول :
بقينا مع الوصيف وحالنا شين ككييف
لاجبناهو كأس ولا وصلنا وصلنا القييف
جولييبا الخطيير سناهو حد السييف
وهاجم هاجم ما وقف زى مطره الصييف
جمهور الوصييف كمّل معاهو معاهو الكييف
من جولييبا أنبسط أنبسط فكاهو من كتييف
****************************** **********
وقت مرق الوصيف كان العشم نتأهل
نجييب محمول ونفرح ونمشى كيف نتمهّل
خذلونا النجوم وجولييبا طب طب ما مهّل
جاب هدفين عدييل ما اترخرخ أو استهبل
لكن الحكم لى هلالنا طب ما سهّل
صرف ضربة جزاء صحيحه جنبو اتجهّل
****************************** ************
ما وصل المريخ ولا الهلال لى كأس
الجمهور حزيين وجمهورنا كيف حساس
يشجع ما وقف عايز هدف بى مقاس
لا هدف إتلقى بس حبس حبس أنفاس
وفى الجايات قرييب بس غنى يا ترباس
وفى الجايات قرييب بس غنى يا ترباس
|
|
 
|
|
|
|
بشرى مبارك ود السقاى
فيس بوك
تويتر
انستقرام
يوتيوب
بنتيريست