|
Re: هل نثق في الطب السوداني بعد هذا؟! (رئيس الإنقاذ يتعالج في السعودي (Re: محمد جمال الدين)
|
الا محمد جمال الدين سلام
طلب العلاج خارج البلد لا يعنى فى كل الاحوال رداءة النظام الصحى توجد فروقات فى تكاليف العلاج بين بلد و اخر تشجع السفر للبلد الارخص: يسافر كثير من الامريكان للعلاج فى فنزويلا على سبيل المثال و هناك جراحات معقدة للغاية لا تتوفر الا فى مناطق معينة: مثل جراحات العيون فى اسبانيا و روسيا
عموما لا يوجد اى نظام صحى بيرفكت يتيح علاجات لكل الامراض و يمنع السياحة العلاجية حتى فى امريكا و بريطانيا
| |
|
|
|
|
|
|
Re: هل نثق في الطب السوداني بعد هذا؟! (رئيس الإنقاذ يتعالج في السعودي (Re: ombadda)
|
شوية وأجيكم يا صحاب (شوية زحمة عندي هسه)... شكرآ لمساهماتكم وآرائكم القيمة.
--- لا أتحدث عن اللجوء للعلاج في أوروبا (كلنا لاجئون في أوروبا) ولو لا المحكمة الجنائية الدولية لجاء الرئيس البشير إلى هولندا للعلاج "مثلآ" لكن أن يذهب الرئيس لدولة جارة عادية (عالم ثالث) للعلاج الذي لم يجده في بلاد يحكمها هو ذاته ووعد أهلها بالإنقاذ من كل شر ومن ضمنه الخدمات وأولها التعليم والصحة والبحث العلمي وإلخ... يذهب إلى بلاد يجد الطبيب السوداني في مستشفياتها هو أهم زول... تلك هي الحكاية... تلك هي المعضلة والكارثة بل والفضيحة يا أخ أمبدة وأخ عوض محمد احمد... نحن لا نتحدث عن أروربا... فالسودان أصبح أصغر وأضأل شأنآ من كل حثالة الأرض من أولها إلى آخرها!.
| |
|
|
|
|
|
|
Re: هل نثق في الطب السوداني بعد هذا؟! (رئيس الإنقاذ يتعالج في السعودي (Re: محمد جمال الدين)
|
المسألة ما كدة يا جماعة،،،،،،، صحيح أن البلد حالتها تدهورت في كل المجالات،،،، لكن سبب العلاج في السعودية هي أنه الطبيب المعني يوجد في بلد غربي، و البشير ما يقدر يعتب عليها!!! لأنه جماعة لاهاي حيستلموه قبل البنج ما يفك!!!!! و البشير حريف،،، ما زي كارلوس!!!! أما الطبيب فقد رفض إجراء العملية للبشير في الخرطوم،،، لحسابات خاصة به!!! فبقى ما في حل إلا إجرائها في دولة لن تسلمه للمحكمة الدولية،،،، ده كل الموضوع،،،،،
ياهو دا،،،
ود بدرالدين/
| |
|
|
|
|
|
|
Re: هل نثق في الطب السوداني بعد هذا؟! (رئيس الإنقاذ يتعالج في السعودي (Re: محمد جمال الدين)
|
تحياتي وسلامات أخ محمد جمالQuote: هل نثق في الطب السوداني بعد هذا؟! (رئيس الإنقاذ يتعالج في السعودية ) |
يمكن ألا نثق في الطب السوداني لألف سبب ولكن ليس من ضمنها قطعاً كون ( رئيس الإنقاذ يتعالج في السعودية ) علاج رؤساء الدول خارج بلدانهم أمر أصبح شبه روتيني ولم يفسره أحد قبل اليوم على أنه عدم ثقة في مستشفيات أو طب بلدانهم للمفارقة فإن أكثر دولتين عربيتين يقصدهما الناس للعلاج ( مصر والأردن ) قد سافر رؤساؤهما للعلاج في الخارج حيث سافر الرئيس حسني مبارك في رحلات علاج شهيرة لألمانيا وسافر الملك حسين في رحلة /ات علاج شهيرة لـ مايو كلينيك في أمريكا وتوفى فيها وللمفارقة أيضاً فإن أكثر المستشفيات العربية تأهيلاً بالمعدات والكوادر البشرية هى مستشفيات دول الخليج العربي ومع ذلك فإننا نشهد وبصورة راتبة رؤساء / أمراء / ملوك تلك الدول يشدون الرحال لخارج بلدانهم لتلقي العلاج ( شكراً د. أمبدة ) الأمر في ظني يخضع لتقديرات كثيرة قد يكون من ضمنها إعطاء أجهزة الدولة فرصتها للعمل في ( غياب صريح ) للرئيس
| |
|
|
|
|
|
|
Re: هل نثق في الطب السوداني بعد هذا؟! (رئيس الإنقاذ يتعالج في السعودي (Re: عاطف عمر)
|
Quote: لا أتحدث عن اللجوء للعلاج في أوروبا (كلنا لاجئون في أوروبا) ولو لا المحكمة الجنائية الدولية لجاء الرئيس البشير إلى هولندا للعلاج "مثلآ" لكن أن يذهب الرئيس لدولة جارة عادية (عالم ثالث) للعلاج الذي لم يجده في بلاد يحكمها هو ذاته ووعد أهلها بالإنقاذ من كل شر ومن ضمنه الخدمات وأولها التعليم والصحة والبحث العلمي وإلخ... يذهب إلى بلاد يجد الطبيب السوداني في مستشفياتها هو أهم زول... تلك هي الحكاية... تلك هي المعضلة والكارثة بل والفضيحة يا أخ أمبدة وأخ عوض محمد احمد... نحن لا نتحدث عن أروربا... فالسودان أصبح أصغر وأضأل شأنآ من كل حثالة الأرض من أولها إلى آخرها!. |
]
التكرار (أظن النقطة فاتتك!) عشانك يا عاطف عمر... سلامات... هذا قبل أن آتيك بمزيد من الحجج!
| |
|
|
|
|
|
|
Re: هل نثق في الطب السوداني بعد هذا؟! (رئيس الإنقاذ يتعالج في السعودي (Re: Dr.Elsadig Abdalla)
|
Quote: مفروض كل زول يسافر للخارج |
د. الصادق سلام و مودة
ما للدرجة دى يا صادق انت تعلم تماما ان اكثر الامراض يمكن ان تعالج على مستوى ادنى الوحدات الصحية و بمهارات الكشف السريرى باستعمال الفحوصات المعملية البسيطةالتى يمكن ان يلم بها اى طبيب محدود التدريب لا يمكن ان يحتاج للعلاج فى الخارج الا قلة من المرضى مهما كانت رداءة النظام الصحى و الا لانقرض سكان العديد من اقطار العالم الثالث التى لا تملك من الاساس نظاما صحيا و لا تجد فى مجمل القطر الا مستشفى وحيد فى العاصمة و المقاطعات الكبيرة كلامك هذا يا صادف لا يمكن ان ينطبق على قطر شهد ثالث كلية طب فى افريقيا و تقو فيه خدمات القبالة و التمريض على اسس علمية من خلال مدارس و معاهد على النمظ الانجليزى منذ ما يقارب القرن توجد نواقص و ثغرات لكن الحكم باعدام مجمل النظام الصحى عندنا امر يحتاج للكثير من الخيال لتصديقه
| |
|
|
|
|
|
|
Re: هل نثق في الطب السوداني بعد هذا؟! (رئيس الإنقاذ يتعالج في السعودي (Re: محمد جمال الدين)
|
سلامات يادكتور عوض وتحيه مره أخرى
طبعا كلمة كل الناس يسافروا فيها مبالغه ..إتفق معاك ..لكن فعلا أبسط العلاجات المفروض تكون موجوده في نظام صحي محترم غير متوفره يا دكتور عوض ..على سبيل المثال لا الحصر ..وانت سيد العارفين ..وقول لي كلامي ده غلط..لو شايفو غلط :
--في كل اجازه ازور مستشفي إبراهيم مالك بالصحافه لاني اشتغلت فيهو زمان ..إنت عارف اخر مره مشيت ماكان في جهاز تخطيط القلب ECG في حوادث الباطنيه(إلا يكون جابوا واحد جديد بعد آخر زياره )....سألت الدكتوره القاعده قلت ليها لو جاك زول عندو chest pain بتعملي ليهو شنو ؟؟قالت لي نديهو أسبرين (ماقصرت) ونقول ليهو أمشي الشعب ...!!!!..سألت عن ال-ECG قالت لي أسأل الممرض داك ...سألتو ..قال لي أسأل المدير الطبي ..والله العظيم ..طبعا لامشيت للمدير الطبي لاحاجه ....(طبعا دي من الحاجات الطبيب لا ايدو لاكراعو فيها )دي مشكلة النظام الصحي الهلكان ......
---في نفس المستشفي مشيت وجلست في حوادث الباطنيه أشوف الأمور ماشيه كيف ...قام واحد من الأطباء قال لي تعال ساعدنا وشوف لينا العيان ده في العنبر ...العيان وصل المستشفى الساعه 10 صباحا حسب كلام ولدو ..لمن شفتو كانت الساعه 8 مساء ...إسهال ..طراش...جفاف ...قلت ليهم عاوزين نديهو FLUIDS....مشينا الصيدليه جبنا الدرب..والفني في الصيدليه أدانا درب واحد..جينا راجعين ..العيان ماعندو كانيولا ...أها الكانيولا وين قالوا لازم تمشوا للمدير الطبي (والله العظيم )..مشينا كتب لينا ورقه مشينا للصيدليه أدانا واحده ....حاول الممرض محاوله غير ناجحه وضاعت الكانيولا ..طيب عاوزين واحده تاني...( أمشو ثاني للمدير الطبي ...ده كلام ده؟)..طيب العيان ده عندو أي تحاليل اتعملت ؟..الولد قال لي الدكتور ده أدانا الورقه دي بس ماعندنا قروش نعمل التحاليل !!!
الأمثله كثيره ...وملخص فكرتي إن النظام الصحي في السودان سيئ جدا جدا ...وكل الأمثله دي ..هي أمثله بسيطه جدا من صميم عمل الدوله ..وامثله على سوء النظام الصحي ..
أنا عاوز يادكتور عوض لمن يمرض الانسان البسيط ده الماعندو قروش أو أي واحد من أسرتو،،يلقى علاج يليق بادميته ..وديل غالبية الشعب...
ياخ أهم جهاز ال-ECG واللا أهم أبراج الأسمنت في القياده لعامه ؟
أهم الكانيولات تتوفر والدربات تتوفر في الحوادث وتكون في متناول اليد واللا أهم مصنع اليرموك للاسلحه ؟
أهم تجهيز المعامل في المستشفيات عشان الناس ماتشيل المريض من العنبر وتحوم بيهو من معمل لي معمل لحدي مايموت في الحوامه دي..واللا أهم بناء مصنع طيارات؟
الكلام عن ثالث طب في أفريقيا والقابلات ..على العين والراس ...لكن يادكتور عوض الوضع الصحي في السودان سيئ والامثله عن السوء في الخرطوم مابالك الاقاليم ؟
والحديث يطول
تحياتي وتقديري
| |
|
|
|
|
|
|
Re: هل نثق في الطب السوداني بعد هذا؟! (رئيس الإنقاذ يتعالج في السعودي (Re: محمد جمال الدين)
|
سلام يا محمد يا جمال الدين
بالذمة ده سؤال يا ابوحميد Quote: هل يثق المواطن السوداني بعد هذا الذي يحدث في الطب والطبيب السوداني ... . |
؟ مالو الطب في السودان يا ابني .. لومو لي ...ما اهو البلد مليانه فقرا ..الواحد سبحتو تجر التمساح من البحر ... والتداوي بالقرآن فتحوا ليهو دكاكين واخر محايات وحجبات؟ اما لو انت قاصد الطبيب السوداني ...بتاعين ورق وكراس وعلم يقد الراس .... فالعرفناهو منهم والله عمار بلد ... اقصد بلد زي بريطانيا وامريكا والامارات وفي السعودية وكمان اكان بقيت مطلوق زي عمك كدي .. كل يوم في بلد وحاتي عندك كضبا كاضب اكان مشيت اي دولة من دول العالم اكان ما تلقاهم متسنيرين
الموضوع وما فيه ..وبيني وبينك الرئيس شخصيا يتخفس يوم امارات .. ويوم دوحة ... ويوم رياض ما كايس ليهو خواجات يعالجوهو ... بس داير يشوفو اولاد بلدو الشتتهم في ارض الله الواسعة ..كشفه و مستورين حال ... واللا يفتح الله لا يا ابني .... الرئيس وطني .. ويحب ...............
| |
|
|
|
|
|
|
Re: هل نثق في الطب السوداني بعد هذا؟! (رئيس الإنقاذ يتعالج في السعودي (Re: محمد جمال الدين)
|
تقرير "صغير" من يوتوب ... وهو من ضمن آلاف الأصوات التي تتحدث عن إنهيار قطاع الصحة في السودان " التقرير من قناة الجزيرة":
حذر اتحاد أطباء السودان من انهيار كامل لقطاع الصحة في البلاد، في ظل النقص الحاد في الكوادر الطبية بجميع ولايات السودان. وقالت نقابة الأطباء السودانيين إن ما يزيد على ألف طبيب يهاجرون من السودان إلى الخارج سنويا، وطالبت الحكومة بزيادة الإنفاق على قطاع الصحة.
تحذير من انهيار قطاع الصحة السوداني (أكتبور 2012 http://www.youtube.com/watch?v=6p0Zz1ySlJg
تعليق: التقرير (لطيف جدآ مقارنة بالحالة الفعلية) إذ يتحدث في الأساس عن النقص الحاد في عدد الأطباء تجاه عدد المواطنين... لكن الأزمة أكبر من ذلك كون الأزمة جوهرها في السياسية الصحية للدولة في حد ذاتها وإصلاحها لا يتم إلا بإصلاح مصدر القرار السياسي!.
| |
|
|
|
|
|
|
Re: هل نثق في الطب السوداني بعد هذا؟! (رئيس الإنقاذ يتعالج في السعودي (Re: محمد جمال الدين)
|
الصحف العربية : ما دامت العملية (صغيرة).. لماذا لم يجرها البشير (أبو ريشة) في السودان؟!
وطن (خاص)
11-07-2012 08:57 AM
تعرفون أن مرض الحكام العرب يعتبر من المحرمات والممنوعات ومن يكشف عنها يعرض نفسه للاعتقال أو القتل باعتبار أن حكامنا (ملائكة) لا يمرضون ولا يموتون. ومع ذلك اذا اضطر حاكم أن يكشف عن مرضه فعادة ما تخرج البيانات الحكومية تقول أن جلالته أو سموه أو فخامته اجرى بعض الفحوص العادية وهو يتمتع بصحة وعافية. لكن مع حال الرئيس السوداني اختلف الأمر فقد اضطر (الزول) أن يصدر بيانا يقول انه اجرى عملية (صغيرة) وركزت كل العناوين على كلمة (صغيرة). فما دامت صغيرة لماذا لم يجرها البشير في السودان؟ هل بسبب رداءة العلاج والوضع الصحي؟ اذا كان الأمر كذلك فهل على رأس البشير ريشة كي يخرج إلى السعودية بينما شعبه يموت قبل أن يتعالج في مستشفيات السودان.
حمدا لله على السلامة يا بشير http://www.sudaneseonline.com/news-action-show-id-76933.htm
| |
|
|
|
|
|
|
Re: هل نثق في الطب السوداني بعد هذا؟! (رئيس الإنقاذ يتعالج في السعودي (Re: محمد جمال الدين)
|
و فعلآ العملية ... يبدو أنها بسيطة... فقط لا توجد ثقة من الرئيس في النظام الصحي السوداني الذي خربه بيده، وهو سيد العارفين!.
لو كنت في مكانه لعملت العملية بالسلاح الطبي بام درمان "مثلآ". نجحت العملية فهو المطلوب فشلت فشلت ... وإكون دا الباقي على كل الناس وتكون تلك هي المساواة أمام التمتع بالخدمات الصحية في البلد للكبير وللصغير... كما تكون دليل على العزة والكرامة الوطنية وإعتبارآ مقدرآ وحتى لو كان رمزيآ للكادر الطبي الوطني وللقطاع الصحي برمته... لكنه لم يحدث... بل حدث العكس... حدث ما هو متوقع... أن الرئيس يعلم الخراب الذي فعله وفعلته بطانته بالقطاع الصحي في السودان... يعلم أنهيار القطاع الصحي في كل أرجاء البلاد... ويعلم كل أنواع الفساد!.
| |
|
|
|
|
|
|
Re: هل نثق في الطب السوداني بعد هذا؟! (رئيس الإنقاذ يتعالج في السعودي (Re: محمد جمال الدين)
|
دواعي الثورات العظيمة في تاريخ البشرية هو غضب الناس من واقع صعب وحلمها في مستقبل أفضل... كانت تلك الثورات دائمآ، من أجل أربعة أشياء أهم في الأساس (الترتيب من عندي):
1- المعيشة بمعناها الشامل (المأكل والمشرب والملبس والمسكن = متطلبات أجدادنا القدماء) 2- الصحة (العلاج) لأن بعده الموت إن فسد 3- التعليم (ضده الجهل) 4- الحرية والكرامة (ضدها الإهانة وإنتهاك الحقوق).
في كل تلك الأساسيات علل جوهرية في سودان اليوم!
| |
|
|
|
|
|
|
Re: هل نثق في الطب السوداني بعد هذا؟! (رئيس الإنقاذ يتعالج في السعودي (Re: محمد جمال الدين)
|
الاخ محمد جمال الدين
Quote: هل نثق في الطب السوداني بعد هذا؟!... السؤال مرجعيته إلى الدمار الذي لحق بقطاع الصحة في السودان بفعل العمل المرتب الذي قام به النظام |
ومن متين السودانيين بثقوا في الطب السوداني ...بس الناس المجبرة هي من تتعامل مع منظومة العلاج في السودان ...(يمكن ان تشاهد ما عرضته قناة النيل الازرق حول هذا الامر ) ...و حسب ما عرض الحلقة الاضعف في العملية العلاجية في السودان هي اخلاقيات الطبيب السوداني (لمن يكون جوه السودان) ......
| |
|
|
|
|
|
|
|