|
العيد رحل من غير وداع
|
كيف البلد اصبح عليكم والدنيا ماشي عليها عيد؟ كيف الجنيات والعوين كيفن خطاوي الفرحة انساقت بعيد؟ انا بسالك عن حال مسافرين جوة في بطن التغرب ما بعرفو غير نفس المنافي ما ضاقوا غير طعم الرودة وملمس الشارع الجليد جوة القلب عشعش وطن تريان حنين جوة القلب احساس بليد ما الجوف نسى الطعم القبيل مليان صدق والناس وجوها اتغيرت ناسن تعافر في الحلال وناسن بتنعم بالبراد والتخمة وامراض الاكل وناسن بتاكل في القديد يا بنية آآآآآآآخ ياخ اعفي لي ما قصدي اقلبها ليك مواجع لكني موجوع من زمن جونا العساكر والدقون والضلال اتفشى في برش الجريد الصلاة التسابيح والطقوس اتغيرت العيد مرق من البلد من غير وداع حتي الجهال ما حسو بي طعم الجديد
|
|
|
|
|
|