خروج مذل لمنتخبنا , المعز نجم الشوط الاول و ____ الثاني

Quote: و الله يا دكتور دي حاجة تغيظ مضمونة , لكن ظهر خلل دفاعي اصلا ما متوقع و الحبش ابدعوا في اضاعة الزمن نحن بناكول الويكة ... لذلك المنتخب ده ما منو اي رجاء .

Quote: اها, البطولة الافريقية برضو مامن اهدافكم يا معتصم السجم والله محن يا بلد,ماعندك وجيع. شهاب سلامي واحترامي

Quote: الدفاع راقد مديدة بلة بويا وخلفو ديدا وتاني ما بكتب قصيدة ... الدفاع فاتح شوارع نمرة( 5) زي المصارع في الشلاليت ديمة بارع شكلو فاكر روحو سيدا وتاني ما بكتب قصيدة ... الدفاع سواها فينا ياخي وين بكري المدينة مازدا تب سواها فينا خطة جد كانت بليدة وتاني ما بكتب قصيدة ... الدفاع سبب البلاوي كلو منك يا مساوي زي كأنك لسة هاوي ياخي كبكبتك شديدة وتاني ما بكتب قصيدة ... الدفاع راقد سليقة ونحن نقبل بالحقيقة شكرا اثيوبيا الشقيقة وفرحتك كانت شديدة وتاني ما بكتب قصيدة ... لا عجب لا بوي وباشا الحبش لولا الـــرواشة كان بقت سبعتنا خاشة وغايتو دقت في الحديدية وتاني ما بكتب قصيدة

Quote: غايتو في ناس لو ما خجلانين كان قالو ليك هيثم نجم المباراة .. كيف تتقدم الكورة وفكر ناس الكورة ..اقول ليك شنو .. ولا زال ناس الاتحاد ..معلقين في العقلة ...ربنا يعينا بس ..على تلك المهازل ...

Quote: احذر وأنذر من هنا من المغرب ان الهلال او المريخ { مع الوضعية الحالية للكرة السودانية } اذا لعب احدهم مع فريق الوداد البيضاوي خاسر لامحالة خاصة بعدما ان استعادت الكرة المغريية هيبتها بعد تاهلها لنهايات كأس افريقيا بانتصار كاسح لموزمبيق وكذا بعد ان استعاد الوداد انفاسه بعد تعثر ومعروف ان فريق الوداد بخبرته الافريقية يعود دوما بنهج تصاعدي ومخيف ويكتسح كل خصومه نرجو الا يركن الهلال او الفريق الى مستوياتهما مع الفرق الافريقية التى نازلاها

Quote: ياخي فشل الشويه دا .. والله الأثيوبيين أدونا درس ما أظن نفيق منه قريب .. سيطروا على الملعب طولاً وعرضاً بتكتيك عالي وناسنا ما قادرين يلعبوا باص صحيح .. أخطأ ساذجة تقول الواحد فيهم يلعب لأول مره .. ياخي نحن السنة كلها عوك عوك هرجلة ومشاكل لا تنتهي .. وغيرنا يبني ويعاين لقدام والمستقبل .. أعجبني الجمهور الأثيوبي كان بشجع بحرارة نفتقدها في ملاعبنا .. لم يتوقفوا عن التشجيع طيلة زمن المباراة وبعد نهايتها ..