هههههههه ( دخلــه) ليهم جووووة ..

Quote: الزول المدور بالباسورد ده مسطول ولّ شنو؟! الحقوا اليوزر نيم

Quote: والله تاني ما تدخل البورد دا إلا اديك الفاتحة انا شفت كيف ..؟

Quote: كمان بتهدد ؟ يا خي تعال قبل زي ما داير وانا موجود في البورد.

Quote: بالمناسبة نحنا عارفين عمايلكم في البورد , وعارفين انتو قاعدين تعملوا شنو هنا

Quote: زي ما فضحنا الجاسوس بتاع البلد دي حا نفضحكم قريب و بالادلة .. ما تعملوا فيها مفتحين في النت كلوا مرصود ........... يا فارات

فارات عديل كدا ..؟
والله يختك لقيته انترنت ساااااي ..
..

اها اقوليك حاجة .. انا قاعد لي فضيحتي .. وبي الادلة كمان ... اعد ليك لحدت كم اذا بتريد ..؟
..

يخمو فيكم سااااي ويكشحو فيكم هنا الواحد ما عارف الساعة كم زاتوووو
..
قال فارات ..
اقوليك حاجة غريبة ..
ان كنت قايم ادور لي حجر من المعسل بتاع العربية الخشت جوه دي .. لكن وحيات ابتسامتك بعد ردك دا .. حجر زاتو ما عايز
حسع عليك الله في متعة وفكة خرمة وتمامة كيف اكتر من مداخلتك دي

والله شفت لكن .. شفت آخر تلاتة حاجات

ان كان عارفك يوم الخميس بتكون هنا طوالي .. ما بجي بحرسك عديل كدا ..

Quote: يازول اعمل حسابك اختاني . كلوا مرصود زي ما قولتا ليك وتاني ما حا اوضح اكتر من كده .

تضخم دا .. بقيت ما قادر افرزو من الغبار .. ومن العلالـة ومرة اشوف ليك وشو ومرة ضهرو ومرة رجلينو طايرات في الهوا وانا بكورك ليهو من هنا لي ابو الميرندا .. كفاهو يا معلم .. كفاهو الزول دا ضارب (صلصـة) .. اخر حاجة قام دخله ليهو بي تحت كرعينو .. وسحبه منو 0
تضخم) دا لقى ليك الباب فاتح وتوووشك بي وشنو انقشط جوه .. واريتو كان اتقشك براهو .. عارف الزول دا دخل جووه وهو وتزحلق في الواااطة في دربو صادف ليهو (جدادتين) ما لقى ليهو حاجة يثبت فيها .. انت قايلو ما حاول يثبت في (الجداد) دا .. لكن طبعا الجداد التثبيت فوقو صعب .. تخيل زول طاير بي وشو وكرعينو ملفلفات من الغسيل بتاع ابو الميرندا .. وماسك ليهو جدادتين والريش طاير .. (والديك) جا جاري عشان يدافع عن (جدادو) ..
اديك ميزة تاني ..؟ الجماعة قاعدين يتغدو كشاااااح كشح ليك الصينية .. عاادي جدا حاجة فاطنة قالت ليهو سجمي يا ولدي انت مالك بتعمل كدا .. تخيل قاليها شنو ..؟ :
قاليها لالا .. نحن لاعبين بره ..

جا جاري علي شلاقتو وشايل معاهو جدادة من كرعينه والجدادة تكورك وهو ما جايب للدنيا خبر .. اهنا مشيت لحقتو طبعا قلعته منو الجدادة بي الله ويامين .. عارف بعد شوية اتكل في الحيطة وقعد (يطرش)

عارف يا (تضخم) والله ان اقبل عليك في البورد دا لو ما طرشتــه الطماطم الماكله كلها اصلو ما بخليك شفت كيف ..؟

اعتبر من الليلة اسمك (تضخم) .. كويس معاك ..؟

عليك الله شوف ليك جنس تشغيله زي دا ويوم الخميس كمان

Quote: عارف ذكرتني منو يا بتاع الكواميد انت .؟؟

Quote: فيا تمبس ياخي أحمد دا زول الله فا ما تعصر عليه شديد كدا

والله يا خبير (تضخم ) دا ما عارفو تبع ناس منو .. لكن شايفو معجب خالص .. وكلما اكتب لي كلمتين يجي جاري يعبر عن شعورو وعايز يدوهو الفاتحة ..
طيب هو لو غرقـان لي الدرجة دي .. ما (تربطو) ليهو جلدة يا ادوهو رقم .. عشان نحن نكون عارفين وما ننجر طرف ساكت ..
تاني يا تضخم انا بديك رقـم ..
بربط ليك رقم واحتمال اربط ليك معاهو جرس .. ديل ما بالنسبة ليك يعني عشان تكون مميز ..
لالالا ..
ديل عشان ما اكون عايز افكها .. اجي اللقى نوعيتك دي افسحه ليك .. واحكي ليها قصة ..
..

يا خبير ..
ما ممكن نحن نقعد نضيع خميسنا في جنس دا ..؟

Quote: ايحاء غير انسانى

Quote: يا خضر الطيب . عليك الله تعال وريني الايحاء ياتو القاصدو دا من وجهة نظرك بعدما جبنا ليك العربية دي داخله جوووه .. بعدما سابقته الاحداث وقريت ذاكرتي .. من وجهة نظرك ياتو ايحاء غير انساني في العنوان حقي دا .. قدرت تفهمو بي طريقتك الخاصة .. عشان الواحد تاني لما يجي يكتب ليهو عنوان يراجعك انت اول عشان تحدد ليهو الانساني والغير انساني عشان ما يقع في حاجات ما انسانية زي دي .. أو كمان انت لما افتح لي بوست تنتظر ليك تلاتة اربعة ايام حتين تفهم اناقاصد شنو وبعدين تجي تتداخل عشان ما تظلم نفسك كدا ,, بي المناسبة بي هناك قلت ليك نوم الظالم عبادة .. لكن اصعب حاجة انو الواحد يظلم نفسو قبال ما يظلم الناس .. فشنو .. ما تظلم نفسك شديد كدا وتخت نفسك دايما في الحتة بتاعت الشينة .. ياخ اسهل حاجة انو الواحد يكتب ليهو حاجة كعبة هنا لو عايز يكتب .. انت قايل الواحد لو عايز يعمل كدا بينتظرك انت او بنتظر صاحبك الجا جاري وشابكني مسطول وشيلو اليوزر نيم والله الخلقني ؟.؟ تعال عليك الله بي واحد + واحد وريني انت فهمت شنو دخل شنو في شنو .. عشان تكتب كلامك العجيب دا .. بعدين يا العشا بي باسطـة ..: ياخ الدنيا دي كلها بحصل ليها انو الواحد بضغط ريفرش .. والنت بكون عندو فيهو مشكلة وبنزل البوست تلاتة اربعة مرات .. واحيانا اخطر زول هنا بيغضط ريفرش والرد بيظهر خمسة وستة مرات دي مشاكل التقنية ومشاكل الموقع دا تحديدا .. هل في يوم من الايام جا زول كتب انو فلان الفرتكاني دا فتح مية بوست عشان يوحي بي انو مهكـر .. أو كمان نزل كم رد عشان يوحي بي انو مهكر ؟ واللا كمان بتفترض في نفسك انك بتفهم اكتر من الناس العادية واكتر من الناس بتاعين التقنية المالين الموقع دا لي حلقومو ..؟ اقوليك حاجة حسع ردي ليك دا برفرش ليك لما تعرف حاجة وانزل ليك مية رد .. سوووووو واااات ؟؟ بعدين اوحي لي منو ..؟ ليك انت واللا لي صاحبك الدايخ التاني دا ...؟ المرة الفاتت في البوست بتاع علم النفس داك جيت استعرضته ومنظرك كان بايخ لكن احترمته نفسك وتاني ما جيت داخل وعشان كدا خليتك .. قلت ياخ الزول دا يوما ما بيستحي ويراجع نفسو قبال ما يبقى منظرو بايخ .. لكن يبدو انك بتحب المطاردات في الحتات الضيقة .. ودي بقى .. صنعتي .. شغلانيتي .. لكن بفرق منك اني بعمله والعين بتشوف .. بس انت ما بتعرف ليها ولا كمان عايز تتعلم .. الواحد كان مفتكر بي قعادك هنا اتعلمته ليك حاجة .. لكن مصر انك تفشل نفسك وتفشلنا معاك ... ..