|
|
 Re: ( المنبطحين ) .... ......................................... كاريك (Re: عمر دفع الله)
|
Quote: أعلن كبير مفاوضي حكومة جنوب السودان باقان أموم أن حكومته لن تجري محادثات مع حكومة الخرطوم بشأن منطقة أبيي المتنازع عليها, متعهداً بمناقشة مصير منطقة هجليج.
وأكد أموم في خطاب بثه "تلفزيون جنوب السودان" أول أمس أن وفده لن يجري مزيد من المحادثات حول أبيي, مشدداً أن قضية أبيي قد انتهت , قائلاً " " مسألة أبيي انتهت, لن يكون هناك نقاش. من جانبنا كـ"حكومة" قبلنا مقترح الوساطة الأفريقية, ولم يتردد الرئيس سلفاكير, ولكن السودان رفض ذلك المقترح "
ولفت أموم أن امام وفده الآن قضيتان فقط وهما " مسألة ترسيم الحدود والمناطق المتنازع عليها والتي سيتم بحثها في الجولة القادمة من المحادثات. |
ابوخالد
مختصر الكلام ده هو ان العصابة باعت حق أهلنا في الوطن والمصير شعب المسيرية العظيم في الارض وتقرير المصير في موضوع أبيي .
خلاص انكشفت اللعبة .
اولا الوثائق الوقعوها اعطت الالية الافريقية (حق) الزام الاطراف بقبول اللي بقترحوه لانه مجلس الامن ساند مقترح أبيي بتاع الافارقة وطالب الاطرف القبول به .يعني الموضوع مش "مجرد" مقترح من الافارقة زي ماكان زمان وانما مقترح موافق عليه مجلس الامن بالاغلبية ! لذلك فهو سيفرض كأمر . هم عارفين الكلام ده لذلك اعتمدوا اللغة الانجليزية كلغة لكل الوثائق عشان الشعب مايفهم الحاصل ؟؟؟؟؟؟ ولو لاحظتوا بمجرد راكوبتنا الظليلة نشرت الوثائق ال8 هاجموها وعطلوا الموقع وفي نفس الوقت منعوا أأأي قرد انقاذي من مناقشة الاتفاقات ( حتي الخال الحيوان) منع من تناول الموضوع .
في داخل الاجتماعات ولما تأكدوا من اصرار باقان علي أبيي قالوا ليهم "خلاص شيلوا ابيي بس رسلوا لينا القروش سريع وانحنا ح نقول لسه الموضوع فيهو مفاوضات عشان الشعب ما يهيج وينزل الشارع .. ح نديهم الاخبار بالقطارة شوية ..شوية. وياباقان برضو انت اديها صنة يومين ثلاثة وبعد داك سرب الخبر بالقطارة كمان بنفس طريقتنا شوية شوية " ..ده الحصل جوه أما كلامهم في التلفزيونات والجرايد وكل الاعلام ، انهم لسه ح يقرروا ويدرسوا مقترح الاتحاد الافريقي!!!!
لوتذكروا باقان في شهر2 الفات أقترح مساعدة الحكومة ماليا شرط نتزلها من أبيي ...فشتموه وسبوه وقالوا ( جوبا جوه ..جوبا جوه ) ..واليوم صدق هو وكذبوا هم .
الان علي شباب المسيرية تجاوز كل أحزابهم وتقدم الصفوف مع قوي الوطن التي اغتصبت اراضيها مثل أهلنا المناصير وكجبار والفشقة وحلايب وليتلاحم الجميع مع قوي التغيير في الحركات الشبابية والنقابات الوطنية والشرفاء في كل ركن فيما تبقي من وطن ..أنها ثورة المقهورين والمهمشين نصنعها كلنا رجالا ونساءا شيبا وشبابا بمشاركة كل التنظيمات النسائية العظيمة
هيا..هيا..هيا
| |
 
|
|
|
|
عمر دفع الله
فيس بوك
تويتر
انستقرام
يوتيوب
بنتيريست