|
انطباعات زيارتي للسودان
|
بعد عدة سنوات رجعت السودان ... وياااااااااا لها من زيارة ... ما أجمل ان تلتقي بالاهل والاحباب وكانت الفرحة فرحتين مع العيد السعيد... وكل عام وانتم بالف خير
وشكرا جزيييييييييييلا للاخ الحبيب معاوية جعفر اتاح لي مقابلة الاصدقاء والاحباب وده عهدنا بيك دائما يا سعادة القمندان
وشكري الجزيل ايضا للاخ الحبيب المهذب خالد عثمان بدعوة كريمة ايضا اجتمعت في حضرته مع زملاء دراسة واصدقاء احباب .. فلكم التحية سعادة العقيد معاوية وسعادة الدكتور القانوني خالد عثمان وان شاء الله نلتقي في رحابكم ودياركم العامرة دوما بكم
يا اخوانا السودان فيهو ملاحظات كتييييييييييييييييييييييرة ... وحاجات عجيبة .. خلوني افندها ليكم ... انتظروا
|
|
|
|
|
|
|
|
Re: انطباعات زيارتي للسودان (Re: omer osman)
|
اوووووو الكابتن الانيق الفنان معتصم الجمري
Quote: وشكري الجزيل ايضا للاخ الحبيب المهذب خالد عثمان بدعوة كريمة ايضا اجتمعت في حضرته مع زملاء دراسة واصدقاء احباب .. فلكم التحية سعادة العقيد معاوية وسعادة الدكتور القانوني خالد عثمان وان شاء الله نلتقي في رحابكم ودياركم العامرة دوما بكم
|
عرفنا معاوية جعفر الدكتور خالد عثمان دا اخو جنابو عمر عثمان ولا شنو بالله كيف الاهل وبالله ادينا اهم ش انطباعاتك عن فسيخ ( محمد البربري ) اهم شي تكون فطرت معاهو بس
| |
|
|
|
|
|
|
Re: انطباعات زيارتي للسودان (Re: وليد عبد اللطيف)
|
اوووووووووووووه الحبيب كابتن وليد .. ياخي مشتاقين
ياخي معاوية جعفر ده علم في رأسه نار .. اخونا الدكتور / خالد عثمان محمد طه زميل دراسة وصديق وكانت دعوته لي فرصة جميلة بمقابلة زملاء دراسة زمن طويل ما قابلتهم وياريت الناس تعمل برنامج زي ده بكون فرصة جميلة للناس تعيد بعض الذكريات الجميلة
ياخي انا كنت مشغول بالمشاوي..والضلع و الاوبن بوفيه وحاجات زي دي تقول لي فسيخ البربري .. قال فسيخ البربري قال .. ههههههههههه
يا وليد السودان عبارة عن مطعم كبير اي حتة تمشي ليها تلقى مطعم وبين كل مطعم ومطعم ست شاي ( عوضية سمك .. فاطنة انقاذ .. .. الخ ) ظواهر عجيبة
| |
|
|
|
|
|
|
Re: انطباعات زيارتي للسودان (Re: Elawad Eltayeb)
|
الاخ / العوض ... لك التحية ..
وشكرا جزيلا للرابط .. يا عزيزي اصبح واقع الحال يغني عن السؤال .. المشاكل تعصف وتنحر في جسد السودان وكان نتاج هذا الداء العضال بتر جزء من اسودان .. ومازال السودان يعاني من نفس المرض .. ونداء للجميع للعمل بتجرد وبروح الجسد الواحد لحل مشاكل السودان الذي اشتكت كثير من اعضائه فتداعي بالسهر والحمي .. فنعالج الداء لينعم السودان بالاستقرار
| |
|
|
|
|
|
|
Re: انطباعات زيارتي للسودان (Re: معتصم الجمري)
|
Quote: وعلى سبيل المثال لا الحصر سلوكيات العامة واخطرها الذمم والكذب والاستهبال والغش للاسف اصبح هذا الامر سمة واضحة في المجتمع السوداني وده مؤشر خطير يا اخوانا لازم الناس تقيف فيهو كتير وتحاربو بي شتى السبل.. |
الاخ الجمري حمدالله بالسلامة وبختك بفرحة قضاء العيد بين الاهل والاحباب استوقفتني النقطة في الكوت اعلاه من كلامك .. وخليني اشركك وقراء بوستك في تجربة بسيطة مريت بيها في السودان .. كنت هناك لمدة شهرين ورجعت من السودان في يونيو الماضي .. ظروف الزيارة كانت للقاء الاهل وتقبل العزاء في زوجي الحبيب عادل خليفة له الرحمة .. وتفأجات وانا في قمة حزني من محاولات "النصب" -اذا جازت التسمية - من بعض الذين كنت اعتبرهم من الاقربين .. مشاريع وهمية وخطط للاستثمار بحساب انني "الارملة الغبية" والمؤسف في الموضوع ان هناك من يحاول استغلال الظرف الذي نمر به واولادي في "اكل مال اليتيم" ........ الحمد لله ان مثل هذة الممارسات في حدها الادني وعادلها وفاض وقوف اغلب الاهل والاصدقاء معنا ومحاولتهم المساعدة في تجاوزنا للحزن ........ حسب فهمي وحسب ما كان السودان عليه قبل ان اغادر ارضه ان مثل هذا السيناريو لا يمكن حتي التفكير فيه ناهيك عن الاصطدام به .. مع العلم اني غادرت السودان قبل سبعطاشر سنة .. يعني ماهي بالفترة الطويلة التي تغير الناس الي هذا الحد ...... ورغم ذلك احاول أن اجد لهم العذر في الظروف المعيشية الصعبة التي يمروا بها جراء سياسية الحكومة الرعناء التي افرزت اغلب هذة السلبيات.
| |
|
|
|
|
|
|
Re: انطباعات زيارتي للسودان (Re: جميلة ابراهيم السيد)
|
الاخت / جميلة
اولا .. خالص التعازي لك في وفاة زوجك .. واسأل الله له الرحمة والمغفرة
ثانيا .. امر مؤسف جدا ان يصل الحال بنا لهذا الحد .. وكانت اهم ميزاتنا التكافل الاجتماعي .. لدرجة ان الاب كان بأمن ابنه مع جاره وكانت المقولة ( الجار يربي ابنك ) لان الحي كان بمثابة البيت الواحد لاهله ... لم نكن اغنياء وكان عدد الاغنياء في السودان بعدد اصابع اليد .. ولكن كان الشعب السوداني اغنى شعب في العالم بصفاته وعاداته نقسم اللقمة بيناتنا ونعيش هموم بعضنا البعض وكان الود بينا .. كنا نأصل للاسلام بعادتنا في الصدق والتكافل الاجتماعي والعفة ... ما كنا نكذب في الحديث ولا نخون الامانة ولا نفجر في الخصومة ... شنو الحصل يا اخوانا ... واتمنى ان نكون غدا كما نود او كما كنا ...(( ان الله لا يغير ما بقوم حتى يغيروا ما با نفسهم )) صدق الله العظيم ... و الله المستعان
| |
|
|
|
|
|
|
Re: انطباعات زيارتي للسودان (Re: معتصم الجمري)
|
معتصم حمدالله علي السلامة و بركة الشفتا اهلك طيبين
اجمل مافي كتابتك دي إنك مندهش بالجد من التغيرات في السودان !! رغم إنه واقع الحال بقول إنه التغيرات دي ما حصلت في يوم و ليلة دي نتاج ضغوطات كبيرة حاصلة ليها سنوات طويلة و مش أدت للتغير في أخلاق الناس و بس ياخ دي أدت للتغير حتي في التركيبة البيولوجية للشعب السوداني و بقينا نتزواج و نتداخل مع كل شعوب الارض بدون إستثناء، حتي البنغالة و انا هنا بتكلم عن ظاهرة مش حالات فردية و ما عنصرية مني والله لكن بالجد بدينا نفقد هويتنا المميزة حتي جوة بلدنا !! و تحولات كتيرة و جذرية حاصلة و ماااا أظن تتحلا بي أخوي و أخوك !!
تحياتي للاولاد و امهم
______________________________________________ خليت الراجل دا بي وراك ليه ! ما كان تجيبو معاك في إيدك ، غايتو نحنا اتقفنا نرسل قوات من المارينز للبحث عنه في ضواحي ود سلفاب الزول بقي أمريكي خلاص ما بنقدر نخليهو حايم بهناك اكتر من كدة
| |
|
|
|
|
|
|
Re: انطباعات زيارتي للسودان (Re: heba Elmahi)
|
الأخ الفاضل معتصـم الجمـرى،
سلام
هل الإدارى الســودانى الفـذ زمن الإنجليز فى الخمسينات، السيـــد محمــد حامـد الجمـرى، قريبكم؟ أم انها الاسمـاء؟
ملحوظـة: ارسلت لك نفس التساؤل ولكن ربما لم تفتح المسنجر فقلت اجيبو هنا محمد عثمان
| |
|
|
|
|
|
|
Re: انطباعات زيارتي للسودان (Re: Abureesh)
|
الاخ معتصم حمدالله علي السلامة
وعودا حميدا مستطاب
كنا في سيرتك قبل اسبوع انا وحيدر (النورس)
كيف الاهل والاخوان علهم بخير
والله يامعتصم انطباعاتك ابدا مامبشرة يعني مانرجع
والله يامعتصم اخوك مشتاق لميدان الليق والسنتر ليق
حيث علي الرشاشة ومكاوي السكران وعمك بتاع التسالي
وتعريجة لديم سلمان وجلاس وطارق الكعيك وسعد وداعة
ومن هناك الي الخرطوم ثلاثة وعمك خوجلي ابو الجاز
وناس البيعو وفيصل لاسكو وياسر عوض وعمك الخزين
والله ايام يازمان
بعد انطباعتك دي يامعتصم الواحد يلزم الصمت والسكون
معتصم البحب السودان بطنو طمت للدرجة دي .....عجبي
بالله يامعتصم ادينا رنة امكن الواحد يقتنع .
لك الود
| |
|
|
|
|
|
|
Re: انطباعات زيارتي للسودان (Re: Magdi Algorashi)
|
الاخ مجدي .. ياخي مشتاقين كيفك وكيف الاولاد
الاهل الحمد لله بخير .. وشكرا جزيلا لسؤالك
السودان اتغير كتيييييييييييييييير .. والشخصيات الذكرتها دي اصبحت غير موجودة .. وايقاع الحياة اتغير
عشان كده لازم تمشي وتشوف الحاصل شنو .... القصة اختلفت لينا عشان نحن طولنا من السودان
والشرح الوافي بالهاتف .. ونقنعك بالعودة
| |
|
|
|
|
|
|
Re: انطباعات زيارتي للسودان (Re: Abureesh)
|
الاخ / محمد عثمان ابوالريش ... لك التحية
شكرا جزيلا للمداخلة ..
السيد / محمد حامد الجمري عمي لزم .. ربنا يرحمه ويجعله من اصحاب اليمين ان شاء الله
العم محمد حامد الجمري حقيقة رجل فذ وقامة كبيرة والحديث عنه يطول وان شاء الله نفرد بوست كامل له
Quote: ملحوظـة: ارسلت لك نفس التساؤل ولكن ربما لم تفتح المسنجر فقلت اجيبو هن |
انا بعتذر وحقيقة لم استخدم المسنجر منذ زمن طويل جدا
| |
|
|
|
|
|
|
Re: انطباعات زيارتي للسودان (Re: معتصم الجمري)
|
الوضع الريييييييييياضي ..... حدث ولا حرج
اظن ان الجميع يتفق بان المجتمع الرياضي السودان او الوضع الرياضي السوداني يعيش فوضي عارمة لا ادراة ولا صحافة ولا حكام ولا حتى لاعبين .. طيب ما في داعي لاستمرارية الرياضة في السودان .. ومثال لذلك اثناء تواجدي في السودان كانت المشكلة القائمة بين إدارة الهلال وكابتن الفريق هيثم مصطفى واعتقد كانت مشكلة بين اللاعب وإداري في الفريق .. وتخيلو ان المشكلة شغلت الراي العام لفترة طويلة جدا والجرائد تكتب وتناولت الموضوع وكأن جميع مشاكل الرياضة اتحلت .. العجييييييييييب في الموضوع ان المشكلة استعصت لدرجة عدم حلها الا بتدخل من رئيس الجمهورية شخصيا ... ولا تعليق .... اها رأيكم شنو .. مجرد مشكلة بين لاعب وإداري تصل رئيس الجمهورية وين مجلس إدارة الفريق وين الاتحاد العام وين وزير الرياضة للولاية وين وزير الرياضة الاتحادي وين وين وين ؟؟؟؟ بالمناسبة انا هلالابي ..
واخيرا كانت فضيحة فقدان الفريق القومي لنقاط مباراة زامبيا وذلك بسبب خطأ إداري .. والعجيب في الموضوع يطلع رئيس الاتحاد العام في احد القنوات الفضائية ويقول ما استلمنا خطاب من الفيفا بالرغم من ان الموضوع وصل لجميع القنوات الفضائية .. يعني رئيس الاتحاد المحترم آخر من يسمع .. ولسه قاعد ... اها رأيكم شنو ,,
وده قليل من كثيييييييييييييييييييير داخل المجتمع ... الحل شنو يا اخوانا
| |
|
|
|
|
|
|
Re: انطباعات زيارتي للسودان (Re: معتصم الجمري)
|
معتصم الجمري
عساك عافيه...ياخي ...كان بيلعب معانا زماااااااااااااان واحد اسمو معتصم الجمري...كان كابتن الفريق حين صعودنا لدوري الدرجه الثانيه...وكان واحد من امهر اللاعبين ...هذا بالاضافه لادبه الجم..ياخي ده ياهو انت ولا زول تاني.
اذا كنت ياهو كابتننا...تحايا وشوق شديد...ولو ماياهو تحايا لشخصك ... وتقدير كبير لما تناوله قلمك.
عاطر الود
| |
|
|
|
|
|
|
Re: انطباعات زيارتي للسودان (Re: الشيخ سيد أحمد)
|
اQuote: كان بيلعب معانا زماااااااااااااان واحد اسمو معتصم الجمري...كان كابتن الفريق حين صعودنا لدوري الدرجه الثانيه...وكان واحد من امهر اللاعبين ...هذا بالاضافه لادبه الجم..ياخي ده ياهو انت ولا زول تاني. |
الاخ الحبيب الشيخ .. يا سلالالالالام ياخي .. نعم ياهو .... ومشتاقين كتتييييير ... وشكرا جزيلا للاطراء وده من اصلك واخلاقك ...
ضروري نسمع منك يا الشيخ .. اخبارك شنو . وانت وين حاليا .. على العموم نتواصل لإجترار الذكريات الجميلة
ده الايميل بتاعي : [email protected]
| |
|
|
|
|
|
|
Re: انطباعات زيارتي للسودان (Re: معتصم الجمري)
|
الزائر للسودان بعد انقطاع سوف يري من الأشياء ما يذهل: - تحويل رصيد التلفون لشراء للكهرباء. - شيل الزيت والفول واللبن في الكيس . - كل مواطن عنده تلفونين وخمسه شرائح. - أول ما وصلت يدخلوك معاهم الشبكه "يسالوك عندك سوداني ولا أريبه ولا زين" - جهاز المغتربين في الصحافه شرق اقرب ليوم القيامه..وتقرب تحلف تقول "أول ما أنزل أقرب مطار في بلاد بره أقدم لجوء". - كمان في جهاز المغتربين يفحصوا لك فصيلة دمك. - واحدين.. واحدين..ينظروا لك وعيونهم تقول" ما أدخل أحد في جيبه قط ألا وظننت أنه..." - مرات البيت راكوبه بس تلقي الناس تشاهد في MBC. - عشرين ألف فنان وفنانه(زدتها كوز مويه هنا)) كلهم يقلدوا المرحومين من الفنانات والفنانين.وبغنو غنا اهبط من الهبوط الإضطراري زاتو .. - اذا تكلم جمع من الناس تلقي كثير من المصطلحات الغريبه.. وتجتهد توديها شمال ما تمشي وتجيبها جنوب ما تلفق. - والكل عنده المدهش من القصص ويحكوا في وقت واحد.. - الأطفال فصيحيين مرات "أخجل ليهم" - رقشه وهايس وأمجاد.ودي كمان عايزة ليها بوست براها - الزي المدرسي صاعقه (يا رسول الله) - قطعه الأرض في نيوجرسي ب-50 ألف دولار وفي السودان مرات 200 ألف دولار. ويعاين للسودان من فوق بالطائره أرض الله واسعه وفاضيه. - أي مجمع يتكلم عن قطعه أرض وكيفية الحصول عليها . -الكلام بالدولار (أكان ماأخاف الكذب) أكثر من أمريكا. -الصبغه واستعمالها للحنه. الله وحده يعلم تأثيرها يكون كيف (down the road). يعني لاحقا. "قرقريبه" السعف اختفت وظهر "الأسكراتش للعواسه. - سراميك..سراميك.سراميك. - بوليس الحركه ملابسه لسه بيضاء دليل علي أن "الظهره" لسه متوفره في الدكاكيين. - واكبر أستغرابي وانا كنت ساكن العيلفون أنه: أستعمال وبيع الصعود في العيلفون والشيخ ادريس ود الأرباب رحمه الله أفتي فيه. - أستغرابي أنه لمن يقولو لي "ناس فلان ديلاك ببقو لناس علان ديلاك" يعني في صلة قرابة!! - والعيش الرغيد في السودان يا كفر يا وتر !!
غايتو الله المستعان بس ..
تحياتي : ياسر العيلفون
| |
|
|
|
|
|
|
Re: انطباعات زيارتي للسودان (Re: معتصم الجمري)
|
حضرت المناظرات (الثلاثة) للمرشحان للرئاسة الامريكية .. الرئيس اوباما .. ورومني حاكم ولاية ماساتشوستس
اخر مناظرة انتهت قبل قليل .. وياريت الحكام العرب يتعلموا ويفهمو معنى الديمقراطية والشفافية والوضوح والصراحة
تناول المرشحان السياسة الخارجية للولايات المتحدة .. وياريت يكون الساسة العرب فهمو الرسالة من خلال المناظرة
| |
|
|
|
|
|
|
Re: انطباعات زيارتي للسودان (Re: معتصم الجمري)
|
كل عام وانتم بالف خير والسودان ينعم بالرخاء والامان
السودان يستقبل عيد الاضحي المبارك بتهنئة حارة من اسرائيل
منتظرين رد العيدية من السودان ..
الهجوم كان بعد صلاة العشاء ... وزير الدفاع عذرو شنو المرة دي ؟؟؟؟
الوزير قال السودان يحتفظ بحق الرد ... متين .......
| |
|
|
|
|
|
|
Re: انطباعات زيارتي للسودان (Re: الشيخ سيد أحمد)
|
الاخ الاكريم الشيخ .... تحياتي وكل عام وانت بالف خير وصادق الامنيات لكم بالصحة والعافية
Quote:
قمت بحذف جزء كبير من المداخله التي تناولت إجترار لذكريات جميله...نتمنى ان نقوم بسردها واجترارها معا في مقام اخر.لنفسح لك المجالعزيزي في نقل انطباعاتك . |
يا ريتك لو تركتها .. ذكريات صادقة وجميلة .. وبنقول حليلها .. الذكريات الجميلة تزين اي مكان تكتب .. وعلى العموم انا منتظر منك الكثير في الفيسبوك
| |
|
|
|
|
|
|
|