|
|
 كنت في حلم - عائز تفسير
|
في الساعات الاولى من صباح يوم الخميس كنت في ديمومة من الحلم الجميل في عالم تجار البنقو
ولا اغرف كيف اسميه من عالم الاحلام او الكوابيس الصباحية ، عندما يحلم الانسان بعالمية غريبة وهو لا يقترب ولا يكون مشبوه في هذا العالم
وتقريباً قبل اذآن الفجر الاول وبين مقربة من دخول وقت اتلمنبه الاول احتسبت نفسي في ايادي المجرمين.
نص الحلم بين قوسين :{ كنت واقفاً في الفتيحاب مربع 7 من الناحية الجنوبية من مطعم لمريخابي متعصب اسمه صبري وهذا المطعم في ناصية يفتح غرب وجنوب
مع اشهر صاحب عطارة واخ اخر هو صاحب مكان تصوير المناسبات ، كان العطار وصاحب التصوير يجلسون في كراسي من الحديد منسوج بالبلاستيك ويتجهون جنوباً على مدخل كوفير اشجان الذي يفتح شمال
الدخول الى الكوفير في الطابق الاول عبر سلم ، واثناء الونسة مع صاحب العطار وتصوير المناسبات قالو لي انت لو مفلس عندنا ليك شغلة. قلت ليهم شغلة شنو ،
المصور: انت ما مفلس
انا : والله مفلس .
العطار : دا قروش من دهب
المصور : شفته السلم
انا: نعم.
العطار : ذواليد خليك فاهم ودا فرصة عمر.
انا: شنو يعني افهم.
المصور: الكيس الفوق السلم مع مدخل الكوفير فيه (بنقو).
انا: ايوه تمام ، لكن ما تدخلوني في كمين ودا ورطة ما بطلع منو بسهولة.
المصور: احسن ليك وعلى ضمانتنا.
العطار : امشي شيل الكيس
انا: مشيت وفي اول مدرج للسلم لقيت كيس اسود وجواه جريدة لمن فتحت الكيس لقيت ليك فيه بلاح شام.
رجعت للمصور والعطار قلت ليهم دا فيه بلاح شام ملفوف داخل الجريدة .
العطار والمصور: اطلع فوق وما دخلتك للكوفير على يدك اليمين تلقى كيس .
انا : فتحت الكيس ولقيت ليك الكيس فيها طعمية ، رجعت ليهم وقلت ليهم الكيس فيها طعمية.
المصور: قال لي الكيس دا فيهو بنقو ولكن دا بنقو اخضر لمن يجف بطلع بنقو اصلي.
انا : توكلت على الله وطلعت السلم عند مدخل كوفير اشجان وعلى يدي اليمين لقيت الكيس والبنقو جواه ملفوف بالجريدة.
لمن رفعت الكيس كنت خايف ، قمت دخلت ليك الكيس داخل القميص عشان بنات الكوفير ما يشوفني.
وبقيت مارق بدون ما نودع المصور والعطار.
ـــــــــــــــــــــــــــــــــــــــــــ
افيدوني يا علماء الاديان بهذا الحلم المخيف
للقراء خارج المنبر
[email protected]
|
|
  
|
|
|
|
|
|
|
 Re: كنت في حلم - عائز تفسير (Re: ذواليد سليمان مصطفى)
|
لوووووووووووووووووووولز بلح شام وطعمية ؟؟؟؟
ذو اليد إنت كنت جيعان والله صحي
بعدين ياخ العطار وصاحبو ديل حقارين شوف كم مره رسلوك والسلم عالي ؟
ياخ ده حلم تحـــــــــــفة والله صحي
ذو اليد إزيك ياخ واضحك الله سنك
غايتو لو بترضى افسر ليك الحلم ما عندك مشكلة بدور وبجيك راجعة , وكان كمان يفتح الله , الله يعدلا علينا وعليك
| |
|
|
|
|
|
|
|
|
|
Re: كنت في حلم - عائز تفسير (Re: اسماء الجنيد)
|
أزمة عابرة وسوف تخرج منها بخير ...
عليك بدجاجة حية ما فطيسة ذي بتاعة الانقلاب المزعوم..
الامضاء....
الشيخ أبو خزعبل
سلامات ذو اليد الايامات دي الحلم منو خوفة. ماسمعت الشيخ لما سألوه ليه مابلغته بالمحاولة الانقلابية قال حلم بفشله .... وطيب
| |
|
|
|
|
|
|
|
|
|
Re: كنت في حلم - عائز تفسير (Re: اسماء الجنيد)
|
لوووووووووووووووووووولز بلح شام وطعمية ؟؟؟؟
ذو اليد إنت كنت جيعان والله صحي
بعدين ياخ العطار وصاحبو ديل حقارين شوف كم مره رسلوك والسلم عالي ؟
ياخ ده حلم تحـــــــــــفة والله صحي
ذو اليد إزيك ياخ واضحك الله سنك
غايتو لو بترضى افسر ليك الحلم ما عندك مشكلة بدور وبجيك راجعة , وكان كمان يفتح الله , الله يعدلا علينا وعليك
ـــــــــــــــــــــــــــــــــــــــــــــــــــــــــــــــــــــــــــــــــ
اسماء الجنيد
اسعد الله اوقاتك وطيب يومك
والله دا بكون جوعة ما كثرة اماكن الحلويات والطعمية الحائمة في المحطات
وياريت تفسري لي الحلم العجيب دا
تسلمي على المرور يا غالية
| |
|
|
|
|
|
|
| |
ذواليد سليمان مصطفى
اسماء الجنيد
Nagat Sid Ahmed Elshiekh
فيس بوك
تويتر
انستقرام
يوتيوب
بنتيريست