قصائدي الغنائية المجازة في مزاد علني..لمن يرغب..

Quote: أنا غايتو قصيدة سودانيز ديك لو مجازة إشتريت ...

Quote: غايتو رصيف الحب دي لو بتبيعا لي بالتقسيط موافق شكرا ذواليد

Quote: اخادع نفسي بحبك وامنيها من تاليفك يااستاذ؟؟؟؟؟؟؟؟؟؟؟

Quote: اطرح السعر وبعدين نقسط ليك

Quote: وجودك في البورد متعة حقيقية والله صحي الي الامام بدون توقف ^_^

Quote: بالله أحجز لي قصيدة (الحلزونة وقعت في البير) لو عندك وبالمرة كدا عايز ديوان (أبيع نفسي لأول مشتر آت ) لو عندك برضو تحياتي .

Quote: ياذواليد قصايدك (المجازه) والقاعده في (إجازه) ومالاقي فنان يغنيها دي ماظهرت لي والله نزلها كتابه عديل الصور لزومها شنو حسي

Quote: سلام عليك يا اخى ذا اليد القصائد لم تظهر والقصيدة الوحيدة التى نشرتها بها اخطاء املائية رجاء نشر القصائد كلها حت يستطيع القراء ابداء اراءهم فيها شكرا

Quote: متعة والله.. يبدو أن هذا البوست سيفوق البوست (داك) متعة وجمالاً.. ------------- ما في زول فيكم يسألني يقول لي البوست داك ياتو..

Quote: رصيف الحب كلمات /ذواليد سليمان مصطفى 6/10/2001م اطارد فى خيال حبك وأتامل جمال ظلك أتسنط فى نصف الليل عشان هدير حبك عشان عيونك امشى واتامل يمينى وعن يسارى عشان الاقيك واقول بحلم برضؤ انا حبى فى عينيك فى محيّاك أتغزل وأنظر مره فى خدودك أشوف فيها جمال فتان الاقى الموج يشيلنى بعيد اسافر فى شواطى جنان تهتوى بسمتك فينى وتسكب فى قليبى حنان

Quote: افتح المزاد وكب الريالات

Quote: العصيده القصماء

يخرب بيت كدا زاتو...

..

.

Quote: كما هو واضح بان القصيده تنزلت وحيا على شاعرنا الفحل فى خريف العام الفين وواحد وهى بهذا النسق تعتبر من الشعر العمودى وتصنيفها على حسب القوالب الشعريه فهى من بحر الطويل او هكذا تخيلتها لو ملاحظ انو فى عمق فى الفكره ومرونه فى المفرده تحس من خلالها بان القصيده تندرج تحت مسمى السهل الممتنع وهو مادرج عليه اهلنا الشايقيه فى الشمال النيلى منذ اتفاقية البقط الشهيره لو لاحظتا لمفردة (اطارد ) بتدى القارئ احساس بان الشاعر يلهث وراء خيال المحبوبه لدرجة المطارده والبحث عن خيال المحبوبه هو كاحساس لاغبار عليه كما ذكر ابن حيان فى كتابه القيم ( احاسيس مطارد) الراء مكسوره كالقصيده التى امامنا .. هذا الكتاب القيم الذى صدر عن دار النخبه ببيروت اوصيك باقتناءه , فهو بالتأكيد سيساعد على ايقاف هذا الاسهال اللفظى الذى تعانيه . مطاردة الخيال وتأمل جمال الظل تحتمل الكثير من المعانى والتى لاتتأتى الا لشاعر (فحل) ومن الفحولة ماقتل الجمل بالنسبه لمفردة (التسنط) وهى يجب ان تكون التصنت , طبعا الاولى فيها اشاره لشجرة السنط وهى الشجره المعروفه فى السودان , اما الثانيه وهى التصنت فهى حادثه حصلت فى بريطانيا خلال هذه السنه ومازالت تداعياتها تسيطر على اجهزة الاعلام والمحاكم البريطانيا نسأل الله السلامه اما بالنسبه لمفردة الهدير فهو صوت يمكن سماعه بدون تصنت لانه بلاشك يملأ صوان الاذن فلاتحتاج للتصنت وخاصة وان الوقت ليلا حيث الهدوء والسكينة والطمأنينه .. والله يغتينا فى البيت الذى يليه وهو : عشان عيونك امشى واتأمل عن يمينى وعن يسارى , هذا البيت يفضح بلا شك كون الشاعر فى حالة سكر بين وهو يترنح ذات اليمين وذات الشمال وهنالك ######## ينبح . . مع العلم بان الكلاب لاتحب السكارى , وهذه بلاشك حكمة الله فى مخلوقاته فى البيت الذى ذكرت فيه : عشان الاقيك واقول بحلم (برضؤ) انا حبى فى عينيك فى محيّاك أتغزل وضح انو الحاله التى نزلت فيها هذه القصيده العصماء على الشاعر هى حالة الحلم كما تصورتها ولكن كلمة ( برضؤ) هذه بهمزتها هى اقرب لكلمة الوضوء وهى اقرب لحالة الغسل وهو غسل الجنابه بلاشك كماسيتضح لاحقا والمفرده الصحيحه كان يجب ان تكون (الاحتلام) بدلا عن مفردة (الحلم) , (فالاحتلام) يتطلب الغسل والوضوء ومافى ذلك شك هذه الصوره الجماليه (لبنت ابليس) او دعنا لانغوص فى هذه المفرده لكى لا نجرح احاسيس القارئ نستبدلها بكلمة (بنت لبون) ولبون هنا تعنى اللبن وهذه الاخيره وضحت جلية فى البيت الذى يليها وهو : الاقى الموج يشيلنى بعيد اسافر فى شواطى جنان تهتوى بسمتك فينى وتسكب فى قليبى حنان كلمة الموج هنا بالتاكيد ليس المعنى بها المدعو جزافا صديق الموج الموج هنا تعنى دفق سيل من الحليب المسكوب وهو كما ورد فى البيت الذى يليه وتسكب فى قليبى حنان ... انا بفتكر انو لو الشاعر استبدل كلمة قليبى بالفم بكون ليها وقعها الآسر حتى تتماشى مع المقوله المتداوله فى الاوساط الشعبيه (من الفم للدم ) ولو تعمقنا قليلا وتخيلنا هذا الحليب كان فى (كوره) يكون الشاعر قد نزل من برجه العاجى حتى يفهمه الجمهور والذى لديه مقوله مشهوره تتناول موضوع الحليب (والكوره) والتى تقول ( من الكوره للشـــ****ه) هذه نتركها لخيال القارئ حتى لانجرح مشاعره المرهفه . كت اوت: سودانيزاونلاين عالم جميل ..ذى زين قرار اللجنه الموقره : يجب مراجعة بعض المفردات من قبل الشاعر( الفحل) وعرض هذه العصيده القصماء على لجنة النصوص بالاشاعه السودانيه

Quote: انت الجابك هنا شنو يا زول؟ انت عندك حلقوم للغناء؟ الا يكون داير تشريها وتاني تبيعها تربح فيها وبعدين عليك الله انت عندك شنو تقايض بيهو؟ هيع كع كرع ؟!!! انت داير تقايض خزعبلاتك دي بالمعلقة ديك؟ يعلقوك من كريعاتك قول امين

Quote: قصيدة الحلزوني مقابلها عنيبليك القصيدة الثانية مقابلها نعجة دارة