دعواتكم لزميلنا المفكر د.الباقر العفيف بالشفاء العاجل
|
|
 قدســـية الكتابة في ســـودانيز اونلاين!
|
البوست دا عنده كم يوم كدا زاني لي في رأســـي
ومع جوطة هلاريخ ما قدرته أكتبه لأني كنت بوفر في عدد المشاركات
لمكاواة الهلالاب بعد شماتتهم فينا أول امبارح
..
..
___
يتبع
|
|
  
|
|
|
|
|
|
|
|
Re: قدســـية الكتابة في ســـودانيز اونلاين! (Re: الامين موسى البشاري)
|
سودانيز اونلاين منبر كغيره من المنابر الســودانية المنتشــرة
التي تسهم وتدير الحراك الاعلامي في الفضاء الاسفيري السوداني
ما يميزه هو انه اكتسب شهرة واسعة واصبح أحد اكثر المواقع زيارة بين السودانيين
ورأي ان سودانيز أونلاين لا يصنع الاحداث ولكنه يؤثر فيها ويتأثر به الشارع
والقارئ السوداني وبالتالي نجد أثره في قرارات السياسيين واهتماماتهم احيانا
انتساب الكثير من المشاهير (المواسير على رأي أساسي) أيضاً جعله محط الانظار
وقبلة الزوار وامنية المثقف السوداني في ان ينضم اليه
كل هذه العوامل اعطت اعضائه نفخة وبسطة في الاحتفاء بالذات أكثر مما يجب
منبر سودانيز أونلاين هو منبر عام يستقطب القراء والكتاب من كل حدب وصوب
وهذه العوامل اعطت المنبر مكانته المشهورة فاصبح أحد مصادر المعلومات
للقنوات والمواقع الاجنبية الاخــرى لكي تنقل منه (برغم التضخيم أحيانا)
..
..
كل هذا لا يعطي الموقع تلك القدسية التي يتصورها بعض القدماء من الاعضاء
وسأعود للتفصيل
القداسة لم تقتصر على الموقع فقط بل انتقلت الى عباءات الاعضاء
فاصبحوا اكثر قدسية من الموقع نفسه
| |
|
|
|
|
|
|
|
|
|
Re: قدســـية الكتابة في ســـودانيز اونلاين! (Re: الامين موسى البشاري)
|
أول حاجة عايز أثبت حاجة مهمة جدا في أذهان الناس وهي
1. هنا كلنا ضيوف عند بكري ابو بكري ونكتب في منبره
2. كلنا نتمتع بنفس الصلاحيات مستجدين وقدماء المحاربين
3. الاقدمية هنا لا معني لها الا من خلال فهم طريقة التعامل مع الاخرين
ولا فضل لها في كتابة أحد
4. التقييم يجب أن يتم على حسب ما يكتبه الكاتب بغض النظر تاريخ تسجيله.
5. التغيير سنة ماضية وكل تسجيل جديد للاعضاء أضاف للمكان أحد الاقلام النيرة والمشــرقة
بمعنى بكري لو كل ربع سجل 100 وطلعوا بس 5 كويسين فالمنبر كسبان
6. لا فضل لأحد في تسجيل أحد حتى لا يمتن عليه أو يحسب عليه.
7. الاستعلاء والقدسية بسبب انك من 2002 وانت هنا ايضا لا معني لها ولا وزن لها
يتبع
| |
|
|
|
|
|
|
|
|
|
Re: قدســـية الكتابة في ســـودانيز اونلاين! (Re: الامين موسى البشاري)
|
جاء العضو فرح الطاهر ابو روضة بعد أن نال عضوية المنبر العام
وكتب بوست طالب فيه بايقاف العضو محمد البشـــرى الخضر
لبعض الاسباب والمبررات التي يراها هو مســـوغاً لايقافه
..
..
وعينك ما تشوف الا النور
قامت قيامة البوستات التأملية والتندرية
وبوستات زمن جوز الحمام كان 3
..
..
الخ
الخ
أليس من حق ابو روضة ان يطرح وجهة نظره
هل تعرض ابو روضة لاحد بســوء
سب او شتم او قذف .... الخ
هل للاعضاء القدماء قدسية لا يجب المساس بها
هل كفر من كتب ذلك؟
خمسة او ستة بوستات في ذات المضمون تصور ابو روضه
وكانه اخطأ في صحيح البخاري أو مسلم
..
..
___
وعشان ما يجي زول يزايد على علاقتي بود البشـــرى الذي اكن له
كل التقدير والاحترام
قد لا اتفق مع دعوة ابو روضة في دعوته
ولكني لا انكر حقه في التعبير عن رأيه
ولا أوافق على الطريقة التي عالج بها الاخوة الزملاء الموضوع
أخيراً يا ود البشـــرى انت غير معني بهذا البوست لا من قريب ولا من بعيد
أنا بتكلم عن قدسية الاعضاء القدماء التي يحاولون فرضها على البرالمة
| |
|
|
|
|
|
|
|
|
|
Re: قدســـية الكتابة في ســـودانيز اونلاين! (Re: صبري طه)
|
Quote: أصبحت حريصاً على قراءة ما يكتبه أبو روضة .. فأسلوبه مُمتع جداً .. ويطعن في الفيل بطريقة جميلة ...
وبالنسبة لما تناولته فلم تترك لي شيئاً لأضيفه ... ويكفي أنّ لك باع كبيرة في إدارة المنتديات ... |
صبري طه
تجدني اكثر سعادة بما كتبت اعلاه يا صبري
الانتصار لاحد الاصـــدقاء لا يعني بالضرورة ظلم الآخرين
..
..
Quote: أخي البُشاري أنت أقدم منّي في هذا المنبر بيوم واحد يا حبيب ...
انظر إلى تاريخ تسجيلك وإلى تاريخ تسجيلي ... |
اذن نحن دفعة يا صبري
وصدقني مسألة الزمن دي عمرها ما كانت في اعتباري
كن بخير يا صديق
| |
|
|
|
|
|
|
|
|
|
Re: قدســـية الكتابة في ســـودانيز اونلاين! (Re: الامين موسى البشاري)
|
Quote: والهيبة والمســؤولية والقدسية يجب ان تكون فيما نكتب
والقدسية يجب أن تكون لاحترام هذا المكان واعطائه قميته الحقيقة
من خلال الرصانة في الكتابة وفي جزالة اللغة وسلامتها
والقدسية يجب أن تكون في تحري الصدق والامانة فيما نكتب
بمعنى أن تكون القدسية للمكان الذي احتوانا
لا للاشخاص والاعضاء الذي يكتبون هنا
هذا مع تأكيدي على وجوب احترام الاخرين واحترام آرائهم ووجهات نظرهم
ونقدها بهدوء دون انفعال أو سب او شتم
الخلاصة لا وصاية على احد فيما يكتب
طالما امتلكت الباسويرد فأكتب ما شئت ملتزماً بأدب الكتابة والخطابة
وبمعايير الاخلاق والمثل والعادات والتقاليد
وأهم من ديل كلهم تقيّد بقوانين بكري للمنبر العام
|
كلام صاح وتسلم ياالامين ولدى
واضيف عليه بيت الشعر الحكيم:
وما من كــاتب إلا سيفنى ... ويبقى الدهر ما كتبت يداه فلا تكتب بكفك غير شىء ... يسرك يوم القيامه ان تراه
تحياتى
| |
|
|
|
|
|
|
|
|
|
Re: قدســـية الكتابة في ســـودانيز اونلاين! (Re: أنور أبو القاسم الهادى)
|
لا والله يا ود البشاري معني و معني جدا كمان بهذا البوست
أولا عندي احساس كبير بالذنب لأن لي علاقة ما بتقليص مداخلات ابو روضة و دي حاجة للأسف ليست بيدي لكن لو بكري يقرأ - ويشتغل بينا - اتمنى أن يلغي قراره
ثانيا يا ود البشاري ما محتاج تشير لعلاقتنا او ما شابه انت تتناول موضوع عام في بورد عام من وجهة نظرك ليس لأحد ان يزايد عليك او يقول ليك تكتب شنو
و ثالثا هي المهمة و دافعي الرئيس للتداخل
اراك وقعت في نفس خطأ ابو روضة و هو قراءة ردود فعل الناس باعتبارهم مع وضد ودي فيها الغاء لحرية الناس في الإختيار و سوء تقدير لدوافعهم
ابو روضة قرأ مداخلات مستنكري كذب معاوية باعتبارهم شلة و رابطة اصدقاء و اختزلها في انهم مستهدفين معاوية ومناصرين لي
ودا لعمري خطأ واجحاف في حق زملاء كرام رأوا الحق حقا و آثروا اتباعه لم يدفعهم في ذلك صداقة او عداوة بل الحق و الحقيقة هي من قادت خطاهم لاتخاذ الموقف الصحيح
انت كمان يا ود البشاري اعتبرت انتقادهم لابو روضة دافعه التكالب و الشللية و احتقار شأن البرلوم في حين الامر ليس كذلك لكن للامانة بوستات ابو روضه و عناوينها هي التي استدعت و استعدت الناس
ملاحظة اخيرة Quote: لعل سبب التفكير في كتابة هذا البوست هو افراد عدد من فطاحلة البورد
عدداً مقدراً للبوستات وهي تهاجم برلوم وتصفه بأنه تجرأ |
ما ورد بالكوت غير دقيق
لم يفرد اي فطحل من فطاحلة البورد بوستا واحدا عن ابو روضة عدا بوست كتبه قيقرا و كان فيه ترحيب بالبرالمة عموما و خص ابوروضة بالإسم
ابو الروض هو الأفرد العدد المقدر هههههههههههههه
وكررتها في مداخلة تانية وين الخمسة او ستة بوستات عن ابو روضة ووين القيامة القايمة غايتو إلا تكون فاتتنا ساي :)
| |
|
|
|
|
|
|
|
|
|
Re: قدســـية الكتابة في ســـودانيز اونلاين! (Re: محمد البشرى الخضر)
|
ود البشـــرى
تحية واحترام يا رشاشة
| Quote: أولا عندي احساس كبير بالذنب لأن لي علاقة ما بتقليص مداخلات ابو روضة و دي حاجة للأسف ليست بيدي لكن لو بكري يقرأ - ويشتغل بينا - اتمنى أن يلغي قراره |
دا شعور جميل ونبيل منك يا ود البشـــرى وليس بمستغرب ولكن في نفس الوقت
أنت ما عندك ذنب والوزر يتحمله من هبوا للدفاع عنكـ
والوزر الكبير يتحمله بكري أبو بكر لأنني لم أرى ابو روضة قد اخطأ
أو شتم ليهو زول او خالف اللائحة واتمنى يراجع قراره دا
وبعدين الحاجة دي ممكن تحصل لو أي برلوم قام بفتح بوست بعنوان:
اطالب بايقاف عضوية محمد عبد الماجد الصائم أو حسين ملاســي مثلاً
كانت الناس برضو حتقوم وتقول البرلوم دا قليل أدب ولا شنو؟
ويحه كيف يجرؤ؟
الابداع الكتابي دا ما مربوط بزمن واهو زي ما انت شايف كل تسجيل بكون في برلوم
ولا أثنين مبدعين ويستاهلوا التواجـــد هنا في المنبر ربما أحسن من ناس قاعدين سنين
Quote: اراك وقعت في نفس خطأ ابو روضة و هو قراءة ردود فعل الناس باعتبارهم مع وضد ودي فيها الغاء لحرية الناس في الإختيار و سوء تقدير لدوافعهم
ابو روضة قرأ مداخلات مستنكري كذب معاوية باعتبارهم شلة و رابطة اصدقاء و اختزلها في انهم مستهدفين معاوية ومناصرين لي
ودا لعمري خطأ واجحاف في حق زملاء كرام رأوا الحق حقا و آثروا اتباعه لم يدفعهم في ذلك صداقة او عداوة بل الحق و الحقيقة هي من قادت خطاهم لاتخاذ الموقف الصحيح
انت كمان يا ود البشاري اعتبرت انتقادهم لابو روضة دافعه التكالب و الشللية و احتقار شأن البرلوم في حين الامر ليس كذلك لكن للامانة بوستات ابو روضه و عناوينها هي التي استدعت و استعدت الناس |
ابداً يا ود البشــرى ابو روضة هنا عندي في البوست كموديل بس ونموذج
لكن معظم السناير بشـــوفوا البرالمة ديل زي شوف كرنقوا لينا 
Quote: ما ورد بالكوت غير دقيق
لم يفرد اي فطحل من فطاحلة البورد بوستا واحدا عن ابو روضة عدا بوست كتبه قيقرا و كان فيه ترحيب بالبرالمة عموما و خص ابوروضة بالإسم
ابو الروض هو الأفرد العدد المقدر هههههههههههههه
وكررتها في مداخلة تانية وين الخمسة او ستة بوستات عن ابو روضة ووين القيامة القايمة غايتو إلا تكون فاتتنا ساي :) |
ما تحرجنا ياخ وتخلينا نجيب روابط
بلا أدنى شك بوست قيقراوي أحدها ويا قيقراوي ابو روضة دا جنبك
ويا ريت الايام تخليك تعرفه كويس
بوست صبري طه واحد برضو ... وووو.... الباقي بخليهم لفطنتك الواثق منها جدا
كن بخير
| |
|
|
|
|
|
|
|
|
|
Re: قدســـية الكتابة في ســـودانيز اونلاين! (Re: محمد عبد الماجد الصايم)
|
كلام عاقل
بصورة عامة لا توجد قدسية وفقا للأقدمية لكن القدسية للكلمة المكتوبة ومسئوليتك تجاهها. ومسالة احترام الاقدمية هي مسالة تقدير شخصي لا علاقة لها بما يفترض ان يكون او قوانين اكتابة او آداب الكتابة. فما يفترض ان يكون هو محتوي ما تكتبه سواء كان تجاه الاقدمين او تجاه الجدد. لا استطيع متابعة كل المواضيع لكن ان صح ما قلته فوقفتك تجاه ابوروضة وحقه في التعبير مستحقة.
تحياتي
| |
|
|
|
|
|
|
|
|
|
Re: قدســـية الكتابة في ســـودانيز اونلاين! (Re: طارق جبريل)
|
الأخ البشاري
تحياتي
تشكر على كلامك الجميل ... ولكن ...
ليت من تعنيهم يقرأون .. ويفهمون .. و ( يرعوون) .
بعد إذنك يالبشاري ،
| Quote: يا عمك والله انا بقيت ما عارف المنبر دة شايت علي وين |
والله ياود جبرين بالغت .. يعني فريقين لاعبين كورة عاوزهم يشوتوا كلهم
على جهة واحدة ؟؟؟
| |
|
|
|
|
|
|
|
|
|
Re: قدســـية الكتابة في ســـودانيز اونلاين! (Re: Asim Fageary)
|
. Quote: [. هنا كلنا ضيوف عند بكري ابو بكري ونكتب في منبره
2. كلنا نتمتع بنفس الصلاحيات مستجدين وقدماء المحاربين
3. الاقدمية هنا لا معني لها الا من خلال فهم طريقة التعامل مع الاخرين
ولا فضل لها في كتابة أحد
4. التقييم يجب أن يتم على حسب ما يكتبه الكاتب بغض النظر تاريخ تسجيله.
5. التغيير سنة ماضية وكل تسجيل جديد للاعضاء أضاف للمكان أحد الاقلام النيرة والمشــرقة
بمعنى بكري لو كل ربع سجل 100 وطلعوا بس 5 كويسين فالمنبر كسبان
6. لا فضل لأحد في تسجيل أحد حتى لا يمتن عليه أو يحسب عليه.
7. الاستعلاء والقدسية بسبب انك من 2002 وانت هنا ايضا لا معني لها ولا وزن لها
] |
ود البشاري ليك سلام
تلخيص دقيق وموفق
| |
|
|
|
|
|
|
|
|
|
Re: قدســـية الكتابة في ســـودانيز اونلاين! (Re: hafiz Issue)
|
تحياتي الأمين البشاري والمتداخلين
من حق أي شخص أن يقول رايه في أي شي طالما التزم بقوانين البورد (المهملة)
لكن.. أن يسجل عضو في المنبر وفتحة خشمه يطالب بايقاف عضو (مقدس قديم أو برلوم جديد) ، تصرف يضعه في نفس الكفة مع البشير وبقية العسكر..
| |
|
|
|
|
|
|
|
|
 Re: قدســـية الكتابة في ســـودانيز اونلاين! (Re: rummana)
|
Quote: اتذكر اول ما جيت هنا كتبت بوست للترحيب بي
فقام جاني ناطي عزام فرح
وكتب نرحب بيك على شنو؟ ولشنو؟
وانت كتبته شنو عشان نرحب بيك..... الخ الخ
المهم قلته في نفسي يا ولد أنت لسه زول جديد
وخليك مباري الحيطة وبعدين يحلها الحلال |
هاهاهاها... كان لازم آخد ضحكتي في مداخلة منفصلة..
أتاريك ملدوغ وعامل فيه حكيم البورد..! :)
| |
|
|
|
|
|
|
|
|
|
Re: قدســـية الكتابة في ســـودانيز اونلاين! (Re: rummana)
|
Quote: تحياتي الأمين البشاري والمتداخلين
من حق أي شخص أن يقول رايه في أي شي طالما التزم بقوانين البورد (المهملة)
لكن.. أن يسجل عضو في المنبر وفتحة خشمه يطالب بايقاف عضو (مقدس قديم أو برلوم جديد) ، تصرف يضعه في نفس الكفة مع البشير وبقية العسكر.. |
رمانة ... كيف حالك
ماف قدسية يا رمانة لعضو هنا قديم ولا جديد
ودا نفس الكلام الذي من اجله تم فتح البوست
الكتابة فكرة ليه ما ننسف ليهو فكرته باسلوب جميل
طالما هو اصلا لم يتعدى حدود الأدب واللياق
غايتو طلعتي زي كرنقو بتكرهي المستجد والكـــلب 
| |
|
|
|
|
|
|
|
|
|
Re: قدســـية الكتابة في ســـودانيز اونلاين! (Re: rummana)
|
الجميل عاصم فقيري
تحياتي يا ملك..
Quote: تعرف المشكلة في البورد دا بقت لو جبت ليك كلام خارم بارم
يتلموا فيهو كل الخلق
ولو ناقشت موضوع جادي ما حتلاقي غير زملاء تعدهم على الأصابع يشاركوا فيهو
دا غير الضرب تحت الحزام والحرب غير المعلنة التي يمارسها بعض الأعضاء من وراء مسنجر
|
ودي مشكلة كبيرة يا عاصم ظلت تلازم هذا البورد
والمشاركات حسب المجاملات والمعارف وليس بحسب الموضوع
البهمنا ياخ الواحد يشوف مكتوب شنو بغض النظر عن من هو كاتبه
Quote: يا ود البشاري لكن إنت لسه صغيرون يا بتاع الدفاع الشعبي إنت
هههههههههههههههههه
|
ومال ايه؟ دا احنا اتولدنا في الدايات وحبينا في البلاط ياخ
مع الاسف يا عاصم نحن اول دفعة طبقوا فينا الكلام الفارغ دا
ومن حيث لا يدروا زرعوا فينا كراهيتهم وبغضهم
كن بخير
| |
|
|
|
|
|
|
|
|
|
Re: قدســـية الكتابة في ســـودانيز اونلاين! (Re: عثمان رضوان)
|
Quote: الأخ البشاري
تحياتي
تشكر على كلامك الجميل ... ولكن ...
ليت من تعنيهم يقرأون .. ويفهمون .. و ( يرعوون) .
|
تشكر يا عثمان على المرور والتعقيب ولا شك هم يقرأون
ولكنهم سادرون في غيهم ويحنون الى زمن جوز الحمام 3 فرد
---------------
الأخ حافظ
تحياتي،،، ومشكور على المرور
-------------
هدهد يا رشاشة
لعلك طيبة وأســـرتكـ
| Quote: كنا عاوزين نشارك في هذا الطرح المفيد لكن بما انك في بداية البوست انك موفر مشاركاتك للشماته في الهلا فنمتنع عن المشاركه |
شاركي ياخ خصوصاً بعد طيران الحمام آسف قصدي الهلال ياخ
تحياتي
| |
|
|
|
|
|
|
|
|
|
Re: قدســـية الكتابة في ســـودانيز اونلاين! (Re: محمد عبد الماجد الصايم)
|
| Quote: كلام جميل يا البشاري ولي عودة بكل تأكيد إن ربنا أحيانا |
تسلم يا ابو الزمل ياخ وفي انتظار عودتكـ بالتاكيد
جعفر بشير .... صباحاتك نواضر
Quote:
بصورة عامة لا توجد قدسية وفقا للأقدمية لكن القدسية للكلمة المكتوبة ومسئوليتك تجاهها. ومسالة احترام الاقدمية هي مسالة تقدير شخصي |
القدسية موجودة ومفروضة من كبار القوم
بل ويدافعون عنها باستماته غريبة في وجه البرالمة
واسأل أي برلوم ستجد لديه الكثير من الغبن
طارق ود جبريل
ازيك يا ملك
Quote: يا عمك والله انا بقيت ما عارف المنبر دة شايت علي وين
والله صحي |
حاجة تحير بالجد والله يا طارق
| |
|
|
|
|
|
|
|
|
|
Re: قدســـية الكتابة في ســـودانيز اونلاين! (Re: الامين موسى البشاري)
|
الاخ الامين
شكراً ليك نيابة عن كل الاعضاء الجدد في المنبر ... فما طرحته موضوع في غاية الاهمية فانا من الجددين لنج في هذا المنبر وقد تعرضت للاستفزاز من اول بوست ..
((Re: كيف كان إكون الحال لو ما كنت سوداني والجبن ما سيمتي؟؟!!!؟؟))
((كان السودان حيكون دولة واحدة، وكان الكيزان اتكشوا من زمان، وكان الفساد والعبث بالمال العام استهجان وونسة عن الدول الاخرى، وكان اولادنا وبناتنا اتمتعوا بتعليم جيد نضاهي به وسط الامم، وكان نظام الصحة عندنا يهرول له طالبي العافية من كل فج عميق، وكان بناتنا ما فضلوا الهجرة وطلب الحماية من الغرباء بدلا عن اخوان وخيلان فاطمة، وكان حقولنا اشتعلت قمحأ ووعدأ وتمني وبقينا سلة غذاء العالم، وكنا حناكل مما نزرع ونلبس مما نصنع، وكان ما اتشتت الشمل في مشارق ومغارب الدنيا، وكان حتحكمنا سيادة القانون، وكنا حنكون ما مُستلبين الهوية ومن زمان فخورين بإننا احفاد بعانخي وتهراقا....
شوفتوا بالله كان حيكون الحال كيف!!!!))
شوف المداخله دي من الاخ ماهر كانت كيف!!
((ولما تدهور التعليم للدرجة التى تخطىء دكتورة أد الدنيا فى كتابة اللغة العربية التى
تعتبر لغتها الأم ..
معيش يا دكتورة الخطأ ليس خطأئك كما تعلمين ،،
ماهر))
شوفته كمية الاستفزاز ... حاجة زي دي تحرد الزول السودان كله خلي المنبر العام ... والغريبه ماهر ذاتوا كان عندوا غلطات في مداخلته دي
لك خالص التقدير (على الرغم من انك ميرخابى)
| |
|
|
|
|
|
|
|
|
 Re: قدســـية الكتابة في ســـودانيز اونلاين! (Re: هويدا شرف الدين)
|
أصبحنا وأصبح المُلكـ لله
جيناكـ يا البشاري .. انكرب!!
تعرف المشكلة في شنو يااا اللمين يا أبو الزمل؟
المسألة ما قصة ود البشرى ومعاوية أو أبوروضة
المشكلة الناس بقت ما بتقيف في الحق إلا لمن تتعرّض ليهو شخصيا أو يجي زول بهمها!
أها مشكلة البوست بتاعكـ دا إنو جميل جدا .. لكن السامبل الأخدتها
غير صالحة تماما لتوصيل الغرض .. ومن بوستيكـ بفتل ليكـ لو حبيت!!
أولا:
بوستيكـ ناسف نفسو بنفسو تماما!
فكرتو الأساسية عن حرية التعبير بغض النظر عن اعتبارات كثيرة
وأهــو المتن فيهو مصادرة واضحة لحق الناس الوقفت (ضد الغلط) وليس مع ود البشرى!
ثانيا:
ياخ منو القال ليكـ الناس دي واقفة مع ود البشرى؟
وعشان ما أقع ليكـ في التعميم المخل ـ زي بتاعكـ دا ـ
أنا واحد من الناس أي غلط بلاقيو هنا بقول فيهو غلط عديل!
لحدي ما وصلنا لمرحلة خلاص كل واحد يلعن ميتين أبو زميلو في البورض
لكن كمان طلعوا لينا الأسر والناس البره البورض من الخلافات!!
إنت كنت وين؟ وزي بوستيكـ كان وين؟
ثالثا:
الحديث الشريف (انصر أخاكـ ظالما أو مظلوما)!
المظلوم قالوهو قبل الظالم لأنو هو الأخطر، وهنا أنا باعتبر نفسي
نصرت معاوية الصايم بإني وريتو مكان الغلط وحاولت أثنيهو عنو
ونصرت ود البشرى باعتباري وقفت ضد الخطأ .. وللمرة المليون ما مع ود البشرى!!
رابعا:
القضية دي بالذات لقيت أعزاء فيها في موقف ما سليم (بالنسبة لي)!
وخلينا من البعيدين ونشوف من جووه البوست دا!!
د. مهيرة في بوست كامل يدين معاوية الصايم قالت كلام غريب جدا!
طيب .. وين يا دكتورة كلامكـ الهناكـ من المثل الهنا؟
خامسا:
أنا واحد من الناس أبو روضة جا رشاني لله في لله ساي!!
والله صحي!! أها عادي كان ممكن أرشو لمن يفهم حاجة!
قلت ليه ياخ؟ هو ناقص؟ خلينا نشوف باقي فهمو شنو!
أها .. دا تسميهو شنو؟
أجيب ليكـ أكوات؟
بجيبا لو لقيت وكت
سادسا:
الواحد من زمان كان محتاج ليهو جكّة زي دي!
فـ شكرا لله أولا ثم لمن جعل ذلكـ ممكنا
| |
|
|
|
|
|
|
|
|
|
Re: قدســـية الكتابة في ســـودانيز اونلاين! (Re: محمد عبد الماجد الصايم)
|
ابو الزمل
كيف حالك وحباب عودتكـ
Quote: تعرف المشكلة في شنو يااا اللمين يا أبو الزمل؟
المسألة ما قصة ود البشرى ومعاوية أو أبوروضة
المشكلة الناس بقت ما بتقيف في الحق إلا لمن تتعرّض ليهو شخصيا أو يجي زول بهمها!
أها مشكلة البوست بتاعكـ دا إنو جميل جدا .. لكن السامبل الأخدتها
غير صالحة تماما لتوصيل الغرض .. ومن بوستيكـ بفتل ليكـ لو حبيت!!
|
دي حقيقة يا ابو الزمل والناس بقت ما بتقول الحق الا لو اتعرضت ليهو
او يكون احد المقربين تعرض لذلك
والبوست مابنقاش قضية ود البشرى ومعاوية وابو روضة
ولو ملاحظ انا حاولت احيّــد ود البشــرى واطلعو بره اللعبة
المشكلة في الناس التانية الهم اصحاب ود البشـــرى والذين رأوا في طرح ابو روضة
ومطالبته بايقاف ود البشـــرى فظاظة وقلة ادب برلوم
ود البشـــرى نفسه لم يأخذ المسألة بتلك الجدية وتعامل مع الامر بصورة عادية
قضية معاوية وود البشــرى قضية منتهية ومعاوية راكبو الغلط فيها من ساسه الى راسه
ودي مسألة حقو ما تقبل أية مزايدة يا ابو الزمل
Quote: بوستيكـ ناسف نفسو بنفسو تماما!
فكرتو الأساسية عن حرية التعبير بغض النظر عن اعتبارات كثيرة
وأهــو المتن فيهو مصادرة واضحة لحق الناس الوقفت (ضد الغلط) وليس مع ود البشرى! |
ابداً يا ابو الزمل أنا ما صادرت حق الناس الواقفين مع ود البشــرى
بالعكس أنا ضد التنميط بتاع دا برلوم وما من حقه يطالب بايقاف ود البشرى
او يكتب وجهة نظره في القضية وبسبب التنميط دا جماعة ود البشرى
وجماعة معاوية عبيـــد حدث ما حدث
ابو روضة نفسه واقف ضد الغلط وثبت حق ود البشرى
وأقر بخطأ معاوية عبيد ولكنه برضو كان بدافع عن معاوية عبيـــد
الصراع بين معاوية كشخص وود البشرى كشخص يكاد يكون انتهى
الصراع البعده كان صراع لوبيات وفي تفاصيل تانية مختلفة خالص
Quote: أنا واحد من الناس أي غلط بلاقيو هنا بقول فيهو غلط عديل!
لحدي ما وصلنا لمرحلة خلاص كل واحد يلعن ميتين أبو زميلو في البورض
لكن كمان طلعوا لينا الأسر والناس البره البورض من الخلافات!!
إنت كنت وين؟ وزي بوستيكـ كان وين؟ |
وانا سيم سيم الغلط ياهو الغلط يا ابو الزمل
والغلطان بقول ليهو غلطان في وشو
Quote: أنا واحد من الناس أبو روضة جا رشاني لله في لله ساي!!
والله صحي!! أها عادي كان ممكن أرشو لمن يفهم حاجة!
قلت ليه ياخ؟ هو ناقص؟ خلينا نشوف باقي فهمو شنو!
أها .. دا تسميهو شنو؟
أجيب ليكـ أكوات؟
بجيبا لو لقيت وكت |
رشاك كدا ســـاي يا ابو الزمل وبدون أي سبب؟
لو عمل كدا يكون غلطان وستين غلطان كمان
يا ابو الزمل انت اكتر زول عارف كيفية حصول الناس على العضوية هنا
احيانا بواسطة المعارف واحيانا بالتوسط لدى بكرى
في ناس كثيرين خارج اسوار المنبر دا وناس كتابة جد جد
ممكن ترفد 100 عضو من هنا وتسجل واحد بس منهم
فتخيل لما الواحد يتسجل هنا واول ما يجي يواجه بمثل هذا الهجوم وهذه المشاعر السالبة
سيبك من قضية ابو روضة وود البشرى ومعاوية
صورة البرلوم الجهلول دي موجودة لدى الاعضاء القدماء
وبرموها لأي برلوم وأنت ماشي بعيد ليه ياخ
أنا القدامك دا ما شفت شـــيخ عزام قال لي شنو؟
ابو الزمل تصدق إنك اول زول رحب بي بضحتك الشينة دي
ومع ذلك فرحان بيها وحافظها ليك كجميل
البرلوم أول ما يجي بكون محتاج حنان مش عنف لفظي
تحياتي
| |
|
|
|
|
|
|
|
|
|
Re: قدســـية الكتابة في ســـودانيز اونلاين! (Re: محمد عبد الماجد الصايم)
|
Quote: والله ياود جبرين بالغت .. يعني فريقين لاعبين كورة عاوزهم يشوتوا كلهم
على جهة واحدة ؟؟؟
|
يا ود رضوان كيفنك
المشكلة في المنبر دة ما فيهو عراضات
عشان كدة الناس ما معروفة شايتة وين
يا زول انا مريح نفسي شديد
عندي كم زول كدة بدخل اقرأ ليهم وبطلع
وبوستاتي بجي شايت فيها ضفاري وبسد المنبر واسرح في دنيا الله دي
| |
|
|
|
|
|
|
|
|
|
Re: قدســـية الكتابة في ســـودانيز اونلاين! (Re: معاوية المدير)
|
التحية للأخ الأمين البشاري وكل المتداخلين ..
حقيقة كنت عايز اشوف مفاهيم الناس حول قضية الاخ ود البشرى ..
المشكلة تكمن في انو الناس دفنت دقن لما شافت انو الموضوع بيمس احد رموز النضال الكيبوردي ..
وكل الناس الحاولت انها تقيف مع ود البشرى في وتعترض على مطاعنة معاوية عبيد ليهو وكذب معاوية
وتلفيقو قصة انو كان بيشحد نسوان اصحابو ..
وكل البروداب -إلا قلة قليلة - اول ما معاوية كتب بوست اعتذار ضمني وغير صريح
كل البورداب الاتداخلو في البوست وقفوا مع معاوية وحيوهو على شجاعته ..
بل وطلبوا من ود البشرى القبول بالاعتذار غير المباشر وغير الصريح والضمني من معاوية ..
وللعلم يبدو انو معاوية اجبر على كتابة البوست لأنو الايقونة المستخدمة في البوست توحي بكدة ..
وانا سبحان الله كنت من اوائل من وقع في الخطأ وجريت شكرت معاوية ..
ولكن ..
محمد البشرى كان انصح مننا ..
وهو صاحب الحق ..
وقال انو الكلام ده ما بينفي ولا بيثبت كذب وافتراء معاوية واحقاقا للحق برضو طلب انو يعرف ..
وفعلا معاوية صرح في مداخلة لاحقة انو افترى الموضوع وكلامو غير صحيح ..
ومحمد البشرى برضو كان زول واعي واكد انو الاعتذار ده بيكفيه ..
ولكن مين من بورداب الامارات من جاب كلام الفرية لمعاوية ..
ده مسوقات وقوف بعض البورداب مع حق محمد البشرى في انو يبريء نفسه واسرته واسر اصدقاءه ..
عشان ما يجي يوم ويقع نفس الحادث ده لأي بوردابي هنا ..
كنت انت وين يا ود البشاري لما معاوية عبيد كذب وافترى على ود البشرى ؟؟
وين اضعاف الايمان في انك تشجب الحداثة ؟؟
حتى بعض اصدقاء معاوية طلبوا منو في بوستات كتيرة انو يحق الحق ويقول انو هو كذب في الموضوع ..
وبقدرة قادر ..
يجي ناطي لينا ابو روضة ويهزأ من ود البشرى وبل ينادي بأنو يتم ايقاف ود البشرى ..
وبكري يقش ليك البوست ويوديهو الخور ..
وما يرعوي اخونا ابو روضة وبرضو يجيب لينا بوست تاني انو هو مصر على انو ود البشرى يتم ايقافه ..
وزي ما قال صبري .. اعتقد ان ده سبب تحديد مداخلاته ..
بل والادهي والأمر انو يفتح بوست يسمي كل من دافع عن حق محمد البشرى ..
ويمسى الناس المحترمة دي لها برابطة اصدقاء محمد البشرى ..
وانا عايزك تمشي تلقى نظرة بس على كلامو وتهديدو لجميع الاعضاء ..
ويا ريت كمان عشان ما تقول انو ما اساء لأي شخص انك تقرى كل المداخلات ..
ولو عايز كابشر ابشر يجيط لحد عندك ..
وبالمناسبة يا ود البشاري ..
انا رسلت رسالة اعتذار لأبو روضة على الماسنجر من كم يوم ..
واكدت ليهو انو لو عايزني اعتذر في البوست المعني ما عندي اي اعتراض ..
دي مبادرة حسن نية وكدة ..
وما عندنا هنا برلوم ولا قديم ..
البيجي بخسم الباب حبابو ..
والعايز رش في ناش هنا تخصص عديل كدة ..
الله لا جاب عداوات في المنبر ده ..
وانحنا اخوان واحباب ويجمعنا الوطن في هذا المنبر ..
واختلاف طوائفنا واعتقاداتنا واحزابنا ما بخيلنا ننسا اننو بيجمعنا تراب بلدنا ..
شكرا ليك على البوست ..
| |
|
|
|
|
|
|
|
|
|
Re: قدســـية الكتابة في ســـودانيز اونلاين! (Re: هشام كمال عبادي)
|
Quote: ماف قدسية يا رمانة لعضو هنا قديم ولا جديد
ودا نفس الكلام الذي من اجله تم فتح البوست
الكتابة فكرة ليه ما ننسف ليهو فكرته باسلوب جميل
طالما هو اصلا لم يتعدى حدود الأدب واللياق
غايتو طلعتي زي كرنقو بتكرهي المستجد والكـــلب |
قصة والله...!
صفة القدسية للعضو القديم يا الأمين من بنات أفكارك انت مش أنا...
تقوم تكتب ليك رد على كلامي وكأنما أنا المقدِسة الاعضاء القدام وبناءا عليه تلصق لي تهمة و/أو جادجمنت اني بكره المستجد والكــلب..؟!
يعني عشان ما وقفت في صف ابو روضة - المثال المذكور..؟
الأمين..
العضو الـ بيبتدي بوستاته في المنتدى بمحاكمة أعضاء البورد بيقول للناس ده شكل مشاركتي في المستقبل.. حتى لو كان بعرفهم من زماااان قراءةً..
أنا كعضو "وقاريء" قديم بقول انه البورد ما محتاج لعضو جديد يزيد طين المحاكمات الشخصية هنا بلة..
فياريت الاعضاء الجدد يركزوا على الامور التي تهم الجميع ويبتعدوا عن "الجدجمنت" المبذول بكرم كبير هنا ..
عايزين نستفيد من مشاركاتهم ..المطالبات بفصل فلان وذبح علان ما حتفيدنا بشيء ..
| |
|
|
|
|
|
|
|
|
|
Re: قدســـية الكتابة في ســـودانيز اونلاين! (Re: rummana)
|
رمانة
تحية واحترام وتقدير،،،،،،
لا قصة ولا حكاية فقد كتبتي ما يلي
| Quote: لكن.. أن يسجل عضو في المنبر وفتحة خشمه يطالب بايقاف عضو (مقدس قديم أو برلوم جديد) ، تصرف يضعه في نفس الكفة مع البشير وبقية العسكر.. |
وايضاً
| Quote: أنا كعضو "وقاريء" قديم بقول انه البورد ما محتاج لعضو جديد يزيد طين المحاكمات الشخصية هنا بلة.. |
وايضاً كتبتي ما يلي:
| Quote: من حق أي شخص أن يقول رايه في أي شي طالما التزم بقوانين البورد (المهملة) |
ومن ثمّ لا تعليق لدي عليها فقط عليكي بالتأمل فيها
..
...
| Quote: فياريت الاعضاء الجدد يركزوا على الامور التي تهم الجميع ويبتعدوا عن "الجدجمنت" المبذول بكرم كبير هنا .. |
الأعضاء الجدد ديل تطير عيشتهم ياخ
الكثير من القدماء يرون أنهم أفضل من أي قادم جديد
هذا الاحساس والشعور خلق قدسية حولهم وكأنهم انبياء واصفياء لا يجوز انتقادهم
أنا ما قصرت المسألة على قصة ابو روضة فقط وإنما أخدتها كنموذج بس
يعني يا رمانة 5 -6 بوستات للتندر والسخرية والضحك وتصوير البرلوم
وكأن به جرب يجب اجتنابه ما قضية تستحق النقاش؟
| Quote: يعني عشان ما وقفت في صف ابو روضة - المثال المذكور..؟ |
وماف زول طلب منك تقيفي مع/ضد ابو روضة
ابو روضة سيحاكمه قلمه عدلاً/انصافاً بما يخطه هنا
| Quote: المطالبات بفصل فلان وذبح علان ما حتفيدنا بشيء .. |
ونفس الحكاية دي مفروض تحصل من الاعضاء القدماء
كلنا هنا ضيوف على بكري ولا فضل لأحد على أحد
بالاضافة الى هذا اضيفي العبارات أدناه:
بكري بجيب الناس دي من وين؟
انت عشان يدك ما في النار ؟؟
الزول دا جيبو ليه تمبس ؟؟
انت جائيي واقع من وين ؟
انت يا زول راميك جمل؟
وغيرها من العبارات التي تدل في معناها على أنك
لا تستحق التواجد هنا ..
ارجو مراجعة قصة كرنقو التعلمجي في صدر البوست
بخصوص المستجد والكــــلب.... والله صحي
احترامي وتحياتي
| |
|
|
|
|
|
|
|
|
|
Re: قدســـية الكتابة في ســـودانيز اونلاين! (Re: الامين موسى البشاري)
|
عارفين قانون الكوتة وودي والله ارد على كل واحد
في مداخلة منفصلة وحتما سأفعل لاحقاً
ولكن اسمحوا الآن أن اجمع هذه الردود في هذه المداخلة
معاوية المدير
ازيك يا دفعة ووجودك دفعة للبوست
الله يستر السناير ما يفقدو المنطق أو كما قلت
ابو روضة
لا حاجة لي بالرد عليك فقط ارفع رجلك من الابنص شوية
كن بخير
يا ود رضوان مشرفنا والله
هشام كمال عبادي
مداخلتك شحمانة وطاعمة سأعود للرد عليك باذن الله
فتحي عباس نقد
حبابك وحباب بوستاتك وبنجيك كان الله هون
| |
|
|
|
|
|
|
|
|
|
Re: قدســـية الكتابة في ســـودانيز اونلاين! (Re: Asim Fageary)
|
زي ما قال حمودي يا ود البشاري البوست موضوعه مهم لكن ما اتوفقت في المثال
لأنو موضوع ابو الروض بما يحمله من وجهات نظر متباينة الجدال حوله بقى هو الموضوع الرئيس
في حين فكرة البوست مهمة وبتناقش السايبر بولنق لو جازت التسمية
يتخيل لي بنظرة اوسع للموضوع ح تلقى الظاهرة دي حتى بين قدامى البورداب موجودة بشكل أو بآخر
عادي تلقى من يقول ليك بكل قرف : بوستات الونسة او بوستات الكورة
أو يصف آخرين بالمونساتية أو الضحكنجية - حموودي نو أوفنس بالله :) - وهكذا
وعادي من يغمطك حق تقول رايك المخالف لرايه و يشوفه كأنه سفه وضياع زمن
الفوق دا كلو وموضوع البوست عنوان ازمتنا الكبيرة و التاريخية في قبول الآخر أو في الإعتراف بإنو هناك آخر من الأساس ليه نفس حقوقنا
كمان لا اتفق معاك يا ود البشاري في عبارة او مفهوم كررته أكتر من مرة حكاية بورداب كويسين, وحكاية واحد بوردابي يعادل مية
في رأيي نعم الناس تتفاوت في ملكاتها و من ضمنها ملكة التعبير و التركيز و حتى التفكير
لكن البورد و سودانيز اونلاين عموما ليس بوردا متخصصا في الكتابة السياسية أو الأدبية أو الابداعية أو من اي نوع كانت
حتى يتقيّم فلان عن علان و يتميّز
بالنسبة لي اراه كما حالنا في الواقع أو المجتمع مثلا
فلان غني و فلان مبدع و فلان مشهور نعم عندهم الحيّز المعين البتميّزوا فيه لكن في مجالات تانية بكونوا على قدم المساواة مع آخرين - العوام - وفي مجالات أخرى أقل من العوام حتى
| |
|
|
|
|
|
|
|
|
|
Re: قدســـية الكتابة في ســـودانيز اونلاين! (Re: محمد البشرى الخضر)
|
المنبر والانترنت عموماً هو صحافة شعبية
يعني أي زول دفع الفاتورة وعندو كيبورد من حقوا يكتب العايز يكتبو
وبرضو من حقو يقيم الناس البكتبو
لكن بنفس المستوى مفترض يقبل تقييم الناس ليهو
مع احتفاظو بحق انو يدافع عن فكرتو من غير ما تتدخل مسألة رتب الأقدمية دي
يعني في ناس ما عندهم الباسويرد
لأنهم ما طلبوها
أو ما عارفين يطلبوها كيف
أو حتى ما عندهم رغبة فيها
فهل دة بينتقص من كونهم عندهم ما يمكن أن يكتبوه
ولو الناس ديل طلبوا الباسويرد
برغبة منهم أو انو تم اقتاعهم
هل يجب عليهم انو يدوا اعتبار لمسألة الأقدمية دي
| |
|
|
|
|
|
|
|
|
|
Re: قدســـية الكتابة في ســـودانيز اونلاين! (Re: بشرى محمد حامد الفكي)
|
Quote: انت عشان يدك ما في النار ؟؟
الزول دا جيبو ليه تمبس ؟؟
انت جائيي واقع من وين
انت واقف مع معاوية عبيد
وانا صاحب ود البشرى ولازم اتوجه للقضاء |
كدي شوف جنس التنميط دة
يعني الراجل دة لازم يضبحوا ليهو القطة على قول المصريين
وعشان يرعوي كويس
ويعرف انو برلوم
يجيبوا ليهو تمبس يتفوا ويديهوا علقة ما ينساها
طبعاً أنا ما عارف ليه تمبس بالتحديد البخوفوا بيهو الناس
لأنو أنا برضو قبل كدة في زولة قالت بتكلموا لي
لكني ما فهمتها الوكت داك نظام تخويف وكدة
على العموم
ربما بعدي من المنبر مخليني ما قادر اكون مواكب
وبنعتذر لكل فرسان المنبر عن جهلنا
الشيئ التاني تعليق على قول الحبيب الى نفسي محمد الصايم
من حق محمد الصايم وكل الناس انو يقيفوا وقفتهم مع الآخ الفاضل ود البشرى
ويمكن يكون دة شيئ طبيعي
وحتى الأخ ود البشرى نحمد له تعاملوا العقلاني في ادارة قضيتوا وقضية أصحابوا واسرهم
لكن كمان ما نصادر رأي زول في فهموا لمعالجة الموضوع
خصوصاً وانو كرر مراراً برفضوا لما بدر من معاوية
الكتبوا معاوية مسئول منو هو شخصياً
لن يشاركه المسئولية الا من دافع عن كلام معاوية بشكل صريح
يلا طيب نفترض انو الأخ أبو روضة دة برلوم شليق ودخل في كلام الكبار
الزولة الجات كتبت عن ياسر عرمان وصلاح غريبة ديك
الانبروا ليها فتوات ورباطة البورد ديل
نفسر السلوك دة تجاهها بشنو
ياخي انسى دة كلو
الجا سأل انو الشريف عباس الدسيس دة راميهو ياتو جمل
دة يقولو عليهو شنو
| |
|
|
|
|
|
|
|
|
|
Re: قدســـية الكتابة في ســـودانيز اونلاين! (Re: بشرى محمد حامد الفكي)
|
سلامات يا بشرى
يقال لو جاءك من يشتكي فقع عينه ما تستعجل وتحكم ليه قد يكون هو فقع عيني خصمه الإتنين
العبارات اعلاه قيلت في سياقات حوارات متبادلة لا تقرأها منزوعه عنها
موضوع البوست لا يحتمل جيب روابط واعادة فتح مواضيع عدّت
لكن خت في بالك المثل اعلاه وانت تتساءل عمّا قيل
| |
|
|
|
|
|
|
|
|
|
Re: قدســـية الكتابة في ســـودانيز اونلاين! (Re: بشرى محمد حامد الفكي)
|
عندنا بيت عزابة ملان لي حلقو وعند المدخل مكتوب عليه بالبنط العريض
السعودية امراض نفسية هههههههه
دا ما الموضوع ... الموضوع كانو الجماعة بتونسوا اها في واحد من الشباب بونس قال والله زنبار قداد الهبوب دا لمن كنا صغار في المدرسة
بدقنا دق جد كان مجننا جن ..... وزنبار قاعد هناك في الركن بسمع في كلامو
قام عليهو وقال ليهو واسع يعني قايل روحك كبرت علي الدق وشالو ودق بيهو الحيطة
هههههههههههههههههههههههه
تحياتي
قلت انجرب فيك الثعلب الناري دا
من علمني حرفا صرت له زي الزفت ههههههههههههههههههه عشان تاني تعلم العمايك
| |
|
|
|
|
|
|
|
|
|
Re: قدســـية الكتابة في ســـودانيز اونلاين! (Re: محمد البشرى الخضر)
|
تحياتي لجميع الذين رفـــدوا البوست بآرائهم النيرة
وعشان استعدل البوست دا قبال ما ينحرف
دا موضوعنا الرئيس يا جماعة وهو الاقتباس أدناه
| Quote: موضوع البوست عنوان ازمتنا الكبيرة و التاريخية في قبول الآخر أو في الإعتراف بإنو هناك آخر من الأساس ليه نفس حقوقنا |
ودي يا ود البشـــرى مش مشكلة البورد بس
الحنين الى الماضي وتصويره بأنه افضل من الحاضر
دون نقد الماضي أو الاعتراف بعيوبه أو حتى محاولة ترتيقه
نقص كبير وتمترس في حتة واحدة وهي مشكلة عامة
ضخ دماء جديدة للبورد اضاف الكثير لسودانيزأونلاين ولم يخصم منها
حسب رأي المتواضع
قبل 8 سنوات أو تزيد كان من يتعاملون مع الانترنت قله
فترسخت ربما فيهم أنهم طلائع التغيير وطلائع المثقفين في البلد
حجم الموقع ومكانته وهيبته واحترام السودانيين له أضاف لهم قداسة
تكسرت وتتكسر مع تقدم الزمن وانتشار الانترنت والاتصالات
الاعتراف بالآخرين حاجة مفروضة علينا
بكري هو من يسجل العضوية وأي عضو يتسجل هنا يكتسب كامل الاهلية
ويتساوي في الصلاحيات مع أي عضو قديم أو جديد
ولا يجوز ارهابه او فرض الوصاية عليه فيما يكتب
ناس الروابط والاقتباسات كان ممكن اجيبها أنا هنا ولكني لم افعل
حتى لا يحرف البوست عن مساره المرصود له
تحياتي
| |
|
|
|
|
|
|
|
|
|
Re: قدســـية الكتابة في ســـودانيز اونلاين! (Re: الامين موسى البشاري)
|
| Quote: وما بيخفى على فطنتك انو النقاش الهنا وحتى لو جاء بأبو روضة نموذجاً ليس له علاقة بقضيتك |
اكيد اكيد يا بشرى و مداخلاتي في البوست مش للموضوع دا بل لأني أحسب أني ادركت موضوعه الرئيس بفهمو الواسع
بل و في رقبتي انكويت منو صم هاو - بدون تفاصيل طبعا هههههههه
وما يخفى عليك انا من ناس الكورة ديل زاتم الإتخيّل قريت مرة واحد كتب للتاني الماعجبتو مداخلتو ما معناه خليك في كورتك :)
| |
|
|
|
|
|
|
|
|
|
Re: قدســـية الكتابة في ســـودانيز اونلاين! (Re: محمد البشرى الخضر)
|
التنميط موجود بدليل انه كذب الكيزان المثبت في المنبر ده ادعياء الفضيلة عاملين ما شايفنه وكذب المحسوبين على المعارضة يلوكوه لم يجيب الزيت في ازدواجية معايير واضحة مما يجعلك تتساءل هل من غرض سياسي ؟ ولا اعمم حتى لا اظلم ويتم ترديد عبارات محددة بتعميم مخل مثل : ( لو المعارضة كده احسن لينا الكيزان ) أو ما يفيد معناه وهو شئ لا يخفى على فطنة عزيزكم القارئ لو تعلمون
ده شئ
الشئ الثاني حكاية برلوم وسنير دي
الواحد في فتحة خشمك يبلعك كلامك بغض النظر عما قلته خير ولا شر بكلام اقله جارح ومحقر ولو فرفرت وما عجبك وابيت تبلع الله قال بي قولك ويتشاكلو فيك كمان البحجز البوست بتاعك منو
هو ياخي الكلمة الطيبة دي والاريحية يعني بتقلل من مكانتك ولا بتنقص منك سنين خبرة في المنبر وبتخليك اقل شفتنه ولا خايف الجماعة يقولوا ليك كورتك فكت وما ممكن الواحد يناقش او يوجه باسلوب احسن على الاقل البتوجهه ما تأخذو العزة بالاثم ولا من اكل لحم بعير دي ما معانا
انتو بكري ده جاب السناير ديل من وين؟
تحياتي للجميع
| |
|
|
|
|
|
|
|
|
|
Re: قدســـية الكتابة في ســـودانيز اونلاين! (Re: محمد طاهر تكنه)
|
Quote: يا زول انا مريح نفسي شديد
عندي كم زول كدة بدخل اقرأ ليهم وبطلع
وبوستاتي بجي شايت فيها ضفاري وبسد المنبر واسرح في دنيا الله دي |
بختكـ يا ود جبريل ياخ
____
| Quote: من شاف ليس كمن قرأ يا عاصم يا اخوي |
الطشاش في بلد العمي شوف يا سامية
العشاء بدري عليكـ الله ياخ
____
Quote: من تعليقك يا سامية حامد عرفت القصة
لكن قلت أعمل رايح |
يا عاصم سامية دي حاقدة ساي ما تصدقها
| |
|
|
|
|
|
|
|
|
|
Re: (Re: الامين موسى البشاري)
|
-----------------------------------------
قال
منو العوض و علية العوض
ثم سكت و اشار الي اعليQuote: فكرة انو زول عاقل بكامل أهليته يطلب الباسويرد من بكري ابوبكر
ويجي زول عاقل تاني سبقوا لي نفس الفعل يعايروا بانو فرحان بالباسويرد
دي مش فكرة بتفقع المرارة |
| |
|
|
|
|
|
|
|
|
|
Re: قدســـية الكتابة في ســـودانيز اونلاين! (Re: فرح الطاهر ابو روضة)
|
| Quote: المدعو محمد عبدالماجد |
إنت يا عمكـ .. قايلنا في محكمة ولّ شنو؟
ثم
| Quote: بصراحة في بعض اللحظات يمكن للفرد منا ان يرى الرمادي كما الاسود وانا اصلاً مصاب بحساسية من عقدة اللون الرمادي اكثر من السواد ذات نفسه . وان ترى مجموعة من بغاث الطير تحوم حول تماسيح تحاول افتراسك لتجد لها من بين بقاياك ما تسد بها رمق تشفيها وهوان الانسان عليها فهذا امر جدير بان يحولك الي جهنم تلتهم الرمادي قبل الاسود. |
متعتني يا عمكـ .. والله صحي!!
أها .. النديكـ النجيضة يا أبو روضة
المثل دا أنا استشهدت بيهو في قضية معاوية لأنها المين إشـو في الجدل الحاصل دا كلو!
لا قصة ترزي ولا عندي تفصيل للأخلاق .. بعرف معاوية وبعرف ود البشرى!!
ألبسكـ المثل دا كيفن وأنا أول مرة أشوف اسمكـ أصلاً خلال تبعات الموضوع دا؟
دا ما تهميش ليكـ ولا تنميط لقصة برلوم .. لكن والله ما متذكر كان شفت اسمكـ دا قبل كـدا ولّ لا!!
وحسب ذاكرتي المداخلة الزعلتكـ دي في البوست بتاع رابطة محمد البشرى!
ياخ إنت بتقول عارف البورض كويس وعارف طريقة الناس .. يبقى مفروض تكون عارف تماما
لما تكتب (رابطة محمد البشرى) بتكون قاصد منو .. خلينا من قصة تنميط وفلسفة فاضية ساي!
أها .. البوست بتاع الرابطة دا في صمة خشمو معووووج ـ حسب وجهة نظري!!!!
_
أها .. قصة مدعو دي النجيضة كـدا (قهمتني)!!
وهسي كمان حاول تشوف ليكـ أسلوب مخاطبة أفضل من كـدا!!
| |
|
|
|
|
|
|
|
|
|
Re: قدســـية الكتابة في ســـودانيز اونلاين! (Re: محمد عبد الماجد الصايم)
|
ابو روضة
سلام يا وهييييييييييييط
هذا البوست مخصص لمناقشة استعلاء السناير على البرالمة
وكذلك حرية التعبير والمساواة بين كل من يملك باسويرد في هذا الحوش
لذا أرجـــو منك عدم حرف البوست لمناقشة أية مواضيع جانبية اخــرى
تمتلك باسويرد وكيبورد ويمكنك أخذ الاقتباسات التي تريدها
ومن ثم أفتح بها بوست خاص بك لمناقشة ما تراه مناسباً ويخدم قضيتك
والحديث للجميع الرجاء عدم شخصنة القضية المطروحة هنا
يعني لا اسماء ولا روابط ولا غيره
أشكر لكم تفهمكم لهـــذا
| |
|
|
|
|
|
|
|
|
|
Re: قدســـية الكتابة في ســـودانيز اونلاين! (Re: صبري طه)
|
Quote: يا بُشاري .. ساعدني في الحصول على باسوورد لأحد أصدقائي .. والذي لم يصل حتى تاريخ هذه الكلمات لمنزلة البرلوم في سودانيز أونلاين دوت كوم ..
وأعتقد أنّ من توفرت له خدمة الإنترنت في بدايات هذا القرن كان له نصيب الأسد من الباسوورد بكل يُسر وسهولة في منبر من لا منبر له ... |
صـــبري العريس
سلام والبرلوم دا الا نكلم ليهو بكري
طبعا زمان ما كنته محتاج إنك تكلم بكري
في البدايات كان التسجيل مفتوح ومعظم السانير ديل كانوا مسجلين كدا
أخيراً وبعد زيادة عدد العضوية أصبح التسجيل الا بواسطة بكري
ودي حاجة طبيعية بعد وجود عدد كافي من العضوية يعني بكري بعد كده مفروض يفتش في الكيف
وليس في الكم أو العـــدد ....
ســـؤالي ياصبري هل مجـــرد نيل العضو للعضـــوية في ســـودانيز أونلاين يجعل منه شخصاً
مهماً ومشهوراً وكاتباً لامعاً او بمعنى تاني
مفروض العضو يضيف للمنبـــر ولا المنبر هو المفروض يضيف لك؟
اقصـــد بيضيف ليك دي حاجات معينة زي
فكر وثقافة وصداقات وعلاقات اجتماعية متنوعة
واصلاً مفروض الواحد يفيد ويستفيد من خلال تواجده هنا في المنبر
من الحاجات المضحكة تلاقي واحد يقول ليك:
ياخ أنا فلان الفلاني البكتب في ســـودانيزاونلاين
أو أن يعرفك أحدهم بأنك علان العلاني عضو سودانيز اونلاين؟
بقول كلامي دا لأنه ولغاية يوم الليلة دي في ناس من السناير ديل مقتنعين
بأنك لازم تكون كاتباً او شاعراً او صحافياً شهيراً عشان تنال العضوية وتكتب هنا
والله صحي
تحياتي
| |
|
|
|
|
|
|
|
|
|
Re: قدســـية الكتابة في ســـودانيز اونلاين! (Re: محمد طاهر تكنه)
|
| Quote: هو ياخي الكلمة الطيبة دي والاريحية يعني بتقلل من مكانتك ولا بتنقص منك سنين خبرة في المنبر وبتخليك اقل شفتنه ولا خايف الجماعة يقولوا ليك كورتك فكت وما ممكن الواحد يناقش او يوجه باسلوب احسن على الاقل البتوجهه ما تأخذو العزة بالاثم ولا من اكل لحم بعير دي ما معانا |
محمد تكنه يا ابن عمي كيف حالك واحوالك
وشكراً لهذا الايجاز
| |
|
|
|
|
|
|
|
|
|
Re: قدســـية الكتابة في ســـودانيز اونلاين! (Re: Mohammed Ibrahim Othman)
|
Quote: ابو روضة
سلام يا وهييييييييييييط
هذا البوست مخصص لمناقشة استعلاء السناير على البرالمة
وكذلك حرية التعبير والمساواة بين كل من يملك باسويرد في هذا الحوش
لذا أرجـــو منك عدم حرف البوست لمناقشة أية مواضيع جانبية اخــرى
تمتلك باسويرد وكيبورد ويمكنك أخذ الاقتباسات التي تريدها
ومن ثم أفتح بها بوست خاص بك لمناقشة ما تراه مناسباً ويخدم قضيتك
والحديث للجميع الرجاء عدم شخصنة القضية المطروحة هنا
يعني لا اسماء ولا روابط ولا غيره |
خارج السطر
يعني هسي يا الامين بشاري اخوي
دا ما التنميط ظاااااااااااااااااااااااااااااااااااااااااااااااااااتو ههههههههههههههههههههههههههه
داخل السطر
خالص التقدير والاحترام
واسف للمشاترة
واصل سيرك وقشة ما تعتر لييييييك يارب
| |
|
|
|
|
|
|
|
|
|
Re: قدســـية الكتابة في ســـودانيز اونلاين! (Re: فرح الطاهر ابو روضة)
|
Quote: يعني هسي يا الامين بشاري اخوي
دا ما التنميط ظاااااااااااااااااااااااااااااااااااااااااااااااااااتو ههههههههههههههههههههههههههه
|
ابو روضة
ســـلام يا وهيييييييييييييط
أبدا دا ما تنميط ولكن لو تركت البوست يسير في اتجاه الشخصنة
سيفرغ من محتواه ويسير الى حتات تانية أنا ما عايزه يسير فيها
يا ابو روضة ما تفتكر إنك أول برلوم يتعرض للكلام دا
بالعكس نفخة السناير دي موجودة في عقلهم الباطني
ويظهرونها أمام كل برلوم جاءهم بما لا تهوى أنفسهم
وأحياناً بدون ســـبب برضو
انا انتقدت انهم يفتحوا مجموعة من البوستات لمجرد إنو في برلوم X
فتح بوست وعبر فيه عن رأيه وطالب بابعاد عضو قديم
قصة الوصاية على البرالمة دي يكتب شنو؟ ويتصرف كيف؟
دي كلها حاجات ما مقبولة لأن الناس هنا كلها سواء في الحقوق والواجبات
أما المواضيع والصراعات الجانبية فهذا البوست ليس مخصص لها
تملك باسويرد وقلم سنين اعرفه جيدا وسوف لن تعجز بأن توصل وجهة نظرك
همسه يا ابو روضة سودانيز أونلاين دي مختلفة عن أي منبر آخر
وعليك بفهم قوانين اللعبة ومن ثم الالتزام بها لو أردته أن تعمر هنا
برضو في النهاية عايز أقول ليك حاجة
لو في 3 ناس كويسين هنا في المكان دا
فمحمد عبد الماجد الصائم واحد من هؤلاء الثلاثة واراك قد استعجلت فيما ذهبت اليه
شوته اخيرة يا ابو روضة مع الاسف هنا الردود والمشاركات ليس بحسب ما تكتب
بل بحسب الصداقة والمعرفة والعلاقات الاجتماعية والشللية هي الغالبة
انت اديت الناس انطباع عنك وهذا الانطباع سيكون ملازما لك الى أن يتم تغيره
بواسطة قلمك ولو ما مصدقني اسأل حافظ انقابو
تحياتي
| |
|
|
|
|
|
|
|
|
|
Re: قدســـية الكتابة في ســـودانيز اونلاين! (Re: فرح الطاهر ابو روضة)
|
Quote:
قدســـية الكتابة في ســـودانيز اونلاين
|
الصفوي ود ابشاري
يصفوك في مالي وانا مالي...
(لاتشدد الفاء) وتبقى رشاشة!!
في كثير من الناس متابعين المنبر من برة..
ووجدت ناس برة المنبر عندهم تفاصيل الاعضاء وكتير جدا مما يكتب وعارفين ومتابعين أكثر من غالبية الاعضاء..
زول من ديل لما يجي البورد يكون برلوم كيف!!
فتك بعافية ماشي اشجع اهلي مدني
| |
|
|
|
|
|
|
|
|
|
Re: قدســـية الكتابة في ســـودانيز اونلاين! (Re: Abdlaziz Eisa)
|
ازيك يا عزنا ويا حبنا
Quote: الصفوي ود ابشاري
يصفوك في مالي وانا مالي...
(لاتشدد الفاء) وتبقى رشاشة!!
|
كان مالي
انا مالي بيه ... مالي
مالي اتلومت شديد النصيحة لي الله دا
Quote: في كثير من الناس متابعين المنبر من برة..
ووجدت ناس برة المنبر عندهم تفاصيل الاعضاء وكتير جدا مما يكتب وعارفين ومتابعين أكثر من غالبية الاعضاء..
زول من ديل لما يجي البورد يكون برلوم كيف!! |
الخيط الذي يفصل بيننا وبينه
هو نيله للعضوية ويبقى ساهل انو يندمج في العضوية
تحياتي
| |
|
|
|
|
|
|
|
|
|
Re: قدســـية الكتابة في ســـودانيز اونلاين! (Re: Mohammed Ibrahim Othman)
|
Quote: البعض يحمل عصا الوصاية ..
مع انه المنبر دا تبع المهندس بكري وملكه ..
..
الكلام دا ذكرني حارس العمارة (الناطور) بعد عمله بالبناية لفترة طويلة يعتقد انه صاحب البناية ويبدأ يعامل السكان على هذا الاساس ..
ههههههههههههه
قايتو مشكلة . |
محمد ابراهيم
سلامي وتحياتي وشكراً على المرور
الاستعلاء وفرض الوصاية على البرالمة حاجة ما حلوة
واستمرار هذا المنبر مرتبط برفده بالمزيد من العضوية
وفي كل مرة نجد اقلاما نيره تستحق التواجد هنا
انا غايتو بقترح على بكري يعين كشافين للتسجيلات الجديدة
دم بخير
| |
|
|
|
|
|
|
|
|
|
Re: قدســـية الكتابة في ســـودانيز اونلاين! (Re: الامين موسى البشاري)
|
Quote: همسه يا ابو روضة سودانيز أونلاين دي مختلفة عن أي منبر آخر
وعليك بفهم قوانين اللعبة ومن ثم الالتزام بها لو أردته أن تعمر هنا
برضو في النهاية عايز أقول ليك حاجة
لو في 3 ناس كويسين هنا في المكان دا
فمحمد عبد الماجد الصائم واحد من هؤلاء الثلاثة واراك قد استعجلت فيما ذهبت اليه |
هسي يا الامين بشاري انا قبيل مش قلت ليك قشه ما تعتر ليك وبرضه تاني جيت تسألني ..
اها هاك النجيضة يا رفيق غناي وهمي
وانت عارفني كويس وعشرة اسفاير زمن
انا لا محمد عبدالماجد عندي عليه حقد ولا اختلاف بقود لشخصنة مواقف
ولا حتى من تكابلوا علي وبنيئة سيئة
الببقى بينا اختلاف ربما يصل لما فوق التسعين درجة
وبرضه في احتمالية لاتفاق وكل ذلك في تصوري حيتم في احترام
وهنا دا الدرب
نقطة سطر جديد
فيما يخص محمد عبدالماجد الصائم وانت انتخبته من بين ثالث ثلاثه لهم الافضلية وانت سيد العارفين
انا ما عندي راي
في تقيمك لمحمد عبدالماجد ولا رؤية اعضاء ليها نفس الفكرة
بس عندي راي فيما وجهه لي محمد عبدالماجد وما ظل يلاحقني به من مداخلات انا افتكرها مستهزية
خاصة وسط مجموعة تتجهمني وتحاول النيل مني في تصورها بانني كفرت .........
ولا داعي للشرح اكثر
ولي الحق في ذلك الي ان يثبت محمد عبدالماجد العكس ودي نخليها للزمن
فقط انبهك لحدي اخر مداخلة انا تداخلت فيها بهذا البوست محمد عبدالماجد كان بقول ابو روضة
رشاني في صمة خمشي اها دي حلها لي
وهسي في ردوا على مداختلي انا عندي رد
بس ما عايزين نحرف البوست او كما قلت
تخريمة
برضه ما تجي بكره تجي تنمط لي مداخلتي دي انا جني وجن حركات المثقفاتية دي ههههههههههه
ولك ترتفع القبعة وتنحي الهامة يا وهييييييييييييييييط
| |
|
|
|
|
|
|
|
|
|
Re: قدســـية الكتابة في ســـودانيز اونلاين! (Re: فرح الطاهر ابو روضة)
|
Quote: فقط انبهك لحدي اخر مداخلة انا تداخلت فيها بهذا البوست محمد عبدالماجد كان بقول ابو روضة
رشاني في صمة خمشي اها دي حلها لي
وهسي في ردوا على مداختلي انا عندي رد
بس ما عايزين نحرف البوست او كما قلت
تخريمة
برضه ما تجي بكره تجي تنمط لي مداخلتي دي انا جني وجن حركات المثقفاتية دي ههههههههههه
ولك ترتفع القبعة وتنحي الهامة يا وهييييييييييييييييط |
ابو روضة
شايف الهمبريب ضربك وبقيت لاعب اساسي
ولم تخيب ظني لأنك اضافة بالجد لهذا الحوش كما قلت
وعندك رخصة قيادة دولية بس سواقتك مراااااات كدا كعبه
تحياتي يا وهيييييييييييييييييييييييييييييييييط
| |
|
|
|
|
|
|
|
|
|
Re: قدســـية الكتابة في ســـودانيز اونلاين! (Re: الامين موسى البشاري)
|
Quote: ابو روضة
شايف الهمبريب ضربك وبقيت لاعب اساسي
ولم تخيب ظني لأنك اضافة بالجد لهذا الحوش كما قلت
وعندك رخصة قيادة دولية بس سواقتك مراااااات كدا كعبه
تحياتي يا وهيييييييييييييييييييييييييييييييييط |
يا زول وحاتك لسه
اخوك بعيش في لعنة عضوية سوادنيز عام الفين واتناشر
وبعد ما يفتكر انو هو عضو كامل العضوية تنط ليه سياط لعنة البرلمة من حيث لا يتحسب
عشان كده بتجي السواقة يا الحبيب بين المحل والدقداق
وتعشيقة الترس التقيل
وكله لو نصل لبر امان وبي شوق مريد
واحترامي يا الحبيب
| |
|
|
|
|
|
|
| |
الامين موسى البشاري
شرف الزاكي
مهيرة
محمد البشرى الخضر
محمد عبد الماجد الصايم
طارق جبريل
عثمان رضوان
Asim Fageary
hafiz Issue
rummana
هويدا شرف الدين
بشرى محمد حامد الفكي
معاوية المدير
فرح الطاهر ابو روضة
هشام كمال عبادي
فتحي عباس نقد
ساميه حامد
عبدالله ود البوش
محمد طاهر تكنه
Walid Safwat
Mohammed Ibrahim Othman
Abdlaziz Eisa
فيس بوك
تويتر
انستقرام
يوتيوب
بنتيريست