دعواتكم لزميلنا المفكر د.الباقر العفيف بالشفاء العاجل
|
|
 أريد أن اكتب شـعراً بضؤ الفانوس ..!!
|
لا تظنوا أنه هذيان ..
ولا بداية جنون
ولا حتى ..... هترشة
والله ما اكتبه هو الحقيقة
أريد أن اعيش ما تبقى من عمر
زي زمــــان
متعبة تفاصيل هذه الحياة بشكلها الحالي
أصابتني جميعها بالضيق والملل
الحياة في هذا الزمن . تكبلك بالقلق .. تصيبك بالإرهاق
تنتزع منك الهدؤ حتى وإن كان بعض من سماتك
كل ما حولك .. صناعة ..
أريد العيش في أرض يظلها السماء وحده
سماء خالي من الأقمار الصناعية
متفرداً به قمراً واحداً كان صديق السمار والشعراء منذ مئات السنين !
أريد ليلاً لا يبدد ظلمته سوى ضؤ القمر والنجوم
أريد أن أكتب شعراً بضؤ الفانوس
أريد بيتاً جدرانه من طين
تدخله الشمس نهارا
ومساءاً يتوسطه الفانوس
اريد ماء آت من البحر دون أن تمسه معالجات ولا تحمله الة
ياخد مكانه في بطن الأزاير
أريد أن أنام نهارا على هواء يأتي من الشباك
وليس صناعة مروحة أو تكييف
أريد أن اتوسد ضل العصر واراغب مغيب الشمس
أن أعيش لحظة ضجيج الطير العائد للشجر !
أن استقبل الليل في هدؤ وسكينة
بدون تلفزيون يشوش الرؤية
ولا قنوات تجيب الإحباط
لا تكييف .. ولا انوار
ولا جوال يجيب الأخبار
.........
تبدلت الدنيا .... تغير شكل الأشياء
ما كان في الماضي اصبح مفقود
الجمال .. والسكينة .. وراحة البال
......
سنن الكون هي الأشياء التي ليس للإنسان يد فيها. دوران الأرض حول نفسِها وحول الشمس، حدوث الليل والنهار هي سنن كونية لا يختلف عليها اثنان.
يمكن مجازًا أن نقول أنّ حصولها "سنّة الحياة" بمعنى أنّ الحياة بمعناها التي نعرفها ستختلف تمامًا لو أنّ أحد هذه الأشياء اختلف، أو اختلّ.
ولكن .... هل نحن من بدلنا حياتنا بأيدينا
حتى يحدث هذا التحول والذي بدأ مشوقاً في بدايته ... ومتوهاً في نهاياته ؟؟
وهل هناك مثلي من تمنى العودة لـ هذه الحياة بكل بهائها ونقائها ؟
|
|
 
|
|
|
|
|
|
|
 Re: أريد أن اكتب شـعراً بضؤ الفانوس ..!! (Re: رشا بابكر)
|
الأخت العزيزة الشاعرة الرائعة / رشا بابكر ....
وأختي الأثيرة / منى خوجلي ....
تحية من عند الله مباركة ....
Quote: أحلام بسيطة ومشروعة يا رشا..
بس يا خسارة ما هاتحصل!
0
أنا غايتو ماشية البلد
حيث الحمير بدون معتمد ساكيهم
وحيث البيوت مقفلة لانها ناسها أغلبهم هاجروا..
كل سنة وإنت طيبة.. |
أحلام مشروعة جداً يا رشا وما فيها أي تجاوازات ... وأعتقد أن أغلب المبدعين يحلمون بذلك .... أنا نفسي أتمنى ذلك حقيقة ... أتمنى أن اتهادي بين الجروف .... قاطعاً أغصان اللوبه الحنينيه وهي تداعب أقدامي بملمسها الهفيف ... وأجلس على حافة النهر وأغمس قدماي في النيل ... وأسرح في ملكوت الله البديع هذا .....
ذهبت للبلد قبل حوالي الشهر يا منى .. ورشا ... وأنا أحلم بما تحلمين ... فوجدت أن المدنية إياها قد سبقتني إلى هناك وبدأت في تشويه ذلك الواقع الجميل .... السيارات ... وشوارع الأسفلت التي قربت المسافات ... ودخلت أجهزة التلفاز والريسفر والانترنت ... حتى القنوات الرياضية المشفرة وكل الأجهزة الحديثة تلك البيوت الحالمة في قريتي الصغيرة دار العوضة .... والتي ربما ساعدت الناس في حياتهم يا منى ... ولكنها بلاشك أضفت على ذلك الوجه الاصيل الجميل كثيراً من سحابات الحزن والأسى ..... ولكنها قطعاً أفضل من تلك المدن الصاخبة المجنونة .....
لكما خالص مودتي الصادقة التي تعرفان .... وصادق أمنياتي بأن يحقق الله لكما أكثر مما قد تحلمان ....
مع خالص ودي وتقديري ؛؛؛
| |
|
|
|
|
|
|
|
|
|
Re: أريد أن اكتب شـعراً بضؤ الفانوس ..!! (Re: إدريس محمد إبراهيم)
|
دمت بخير
ودام حسك المرهف أخي .. الشاعر الأنسان إدريس
ارادت لنا الأقدار أن نعيش على حافة الحياة
مقيدين بسلاسل الظروف ومسؤليات عظام
وبذلك حُرمنا من متعة تلكم الحياة المريحة
اتحدى كل من هنا وخاصة من يعيشون في بلاد
لا يسمع في فجرها ديك يصيح
ولا بعد منتصف ليلها ###### يعوي
الا يكون وبه شوقاً وحنيناً يؤرقه من حينً إلى حينٍ
حتى صار جزءاً من تفاصيله
| |
|
|
|
|
|
|
|
|
|
Re: أريد أن اكتب شـعراً بضؤ الفانوس ..!! (Re: رشا بابكر)
|
جدنا اُمْحِدلمين ود حمودة
ود بتو غنا وبقى تاجر كبير في الخرتوم نزل ليهو طوب ضانقيل عشان اغير بيت الطين الدردر
جدي حلف بدينو وايمانو من بيت الطين لقبر الطين ....... هيييييييع ابوك يا زينب وقد كان
.
.
ود بتو عايز اغير اللعبة قاليهو ارح معاي الخرتوم
جدي جبر بخاترو ومشى معاهو ودخل الفيلة العجيبة كنا مسمنها السفارة الامريكية هههههههه
وفي الصباح الباكر ود بتو جاب ليهو حاجات عجيبة مع شاهي الصباح
وقبل ان يرد عليه السلام جدي قاليهو انا ماش
فسأله ود بتو باستغراب : ماش وين ؟
فرفع جدي سبابته لأعلى مشيرا للسماء الذي حجبه السقف المستعار ولم يتمكن من البصغة في الوطا فقد حجبه ايضا السراميك
الذي كان يسميه سا يرميك
فحاوله ود بتو للجلوس يومين تلاته
فقال له جدي القولة الشهيرة التي ورثتها منو امي الله اديها العافية : عرباتكن الليل كلو لاهجسن لاخلني هجست
.
.
رشا بابكر العزيزة ....... الحلول كلو بقى ابق كهارب
يا حليل اللمبة ام قيطان القبل الفانوس الببق ......
تصدقي يا رشا اول رسالة غرام للحبيبة كتبتها باللمبة المذكورة اعلاه والجاز اندفق فوقا وبقت ريحتا جاز جاز
وادت هذه الرسالة الى السيرة باللوري بالجاز واحرق الجزلين واطلع العالي وادلى بالدقداق
اللوري كان مشحون زي الكبرت شحن جد
والاغنية كانت
ما ساير براك الليلة الجنيات معاك في السيرة والله العظيم زي ما اقوليك
اخخخخخخخخخخخخخخخ دنيا غشاشة آآآآآآآآآآآآه يا قلب
يارب طاحونة ومرة مجنونة الخ الخ
رشا
سلام ياخي
| |
|
|
|
|
|
|
|
|
|
Re: أريد أن اكتب شـعراً بضؤ الفانوس ..!! (Re: عبدالله ود البوش)
|
الاستاذه الاديبة رشا سلام
طبعا ما عارف حاسس اني كنت ناوي اقول وابوح بنفس الكلام يا رشا والله بالجد تعبنا من كل هذه التقنيات والحياة المزيفه الخالية من الطيبة والمحنة والالفه والمودة والرحمة والتكاتف الكان زمان بالجد الحياة العشناها زمان كانت اجمل وانبل واطهر واحلي من كل حياة عشناها الان وسنعيشها غدا لو ربنا مدة في ايامنا في الخربانه ام بنايا قش دي .. فكلامك صادف هوى كبير في نفسي اختي رشا ولكن هيهات يعود الكان ولى وما اظنو يعود الكان ولى ..
غايتو لو عندك قائمة باسماء من يودون الرجوع للطين وللبلد وللاهل وللكان زمان بالله سجليني اول اسم معاك ... تمنياتي ان تتحقق كل امانيك وامانينا ,,
تحياتي : ياسر العيلفون
| |
|
|
|
|
|
|
|
|
|
Re: أريد أن اكتب شـعراً بضؤ الفانوس ..!! (Re: ياسر السر)
|
أخي العزيز _ ود الحلة
ود البوش _ عبدالله
والله تاعباني بلحيل حياة المدنية
الـ لافيها قمرة ولا ضل عصرية
ولا عنقريب لا جبنة متكية ..
بمناسبة جدكم
حبوبتنا آمنة بت الجيّد _ عليها رحمة الله
كان بيتها فيهو شِعبه
ولمن اكتسح التكسير باقي بيوت الحوش للأنتقال من بيوت الطين
لبيوت الطوب الأحمر .. حلفت يمين مغلّق
وقالت بيتي ما بتكسر عشته فيهو واموت فيهو ... وسبحان الله ماتت فيهو
بعد عمر زاد في الميه .. ومن يوم ما اتولدت ما دخلت إبرة في جسمها
عدا حبوب الأسبرو .. وعمرها ما قعدت قدام حكيم في شفخانة ولا دكتور في مستشفى
.....
بالله مش لي حق لو دايرة احصل باقي عميري وارجع للعيشة دي
مش بقولوا عند الضيقة _ دي عيشه تقصر العمر _ أها ياها دي زاتها حياة المدنية والحياة العصرية الجابت لي الأزيه
الله يديك العافية أخي عبدالله
| |
|
|
|
|
|
|
|
|
|
Re: أريد أن اكتب شـعراً بضؤ الفانوس ..!! (Re: رشا بابكر)
|
الأخ الراقي الفنان
ياسر ود العيلفون
ما استغربت كلامك
وأنت جاري وبيتكم متكي علي النيل والشبابيك تفتح في الجناين
بالله عليك حصل نزلت إجازة ما من أول يوم مشيت البحر ؟
وكان حضرت ليك خريف تلقاك واقف مع الشفع في خشم الباب ومادي ايدك للمطرة
وبالليل تنتظر طلوع القمرة وتقعد تدندن وتردد .... بعد الغياب .. بعد الليالي المرة في حضن العذاب
الليلة جيت الحلة تب !!
بالله ده جمال بيقارن بأي جمال في الدنيا
ياريت لو تتحقق أمنيتي ياريت والله اكون أسعد من في الدنيا
وشي طبيعي تكون أنت انتابك الأحساس ده لأن رئتيك مليانة بريحة الطين والخدار
أما بخصوص القائمة غايتو لحدي هسه أنت وود البوش منتظرة باقي الناس
كن دايماً بذات الحس .. دامت لك العافية
| |
|
|
|
|
|
|
|
|
|
Re: أريد أن اكتب شـعراً بضؤ الفانوس ..!! (Re: رشا بابكر)
|
الأخ الفنان
ياسر ود العيلفون
ما استغربت كلامك
وأنت جاري وبيتكم متكي علي النيل والشبابيك تفتح في الجناين
بالله عليك حصل نزلت إجازة ما من أول يوم مشيت البحر ؟
وكان حضرت ليك خريف تلقاك واقف مع الشفع في خشم الباب ومادي ايدك للمطرة
وبالليل تنتظر طلوع القمرة وتقعد تدندن وتردد .... بعد الغياب .. بعد الليالي المرة في حضن العذاب
الليلة جيت الحلة تب !!
بالله ده جمال بيقارن بأي جمال في الدنيا
ياريت لو تتحقق أمنيتي ياريت والله اكون أسعد من في الدنيا
وشي طبيعي تكون أنت انتابك الأحساس ده لأن رئتيك مليانة بريحة الطين والخدار
أما بخصوص القائمة غايتو لحدي هسه أنت وود البوش منتظرة باقي الناس
كن دايماً بذات الحس .. دامت لك العافية
| |
|
|
|
|
|
|
|
|
|
Re: أريد أن اكتب شـعراً بضؤ الفانوس ..!! (Re: رشا بابكر)
|
حق مشروع لحلم وأمنية
زي ماقالت منى خوجلي
جد نسيان الهموم والملل ما آلت له الحالة في العالم عامة
وفي السودان خاصــــــــة يدعو لذلك
حوش كبير واسع تممدي فيه ضهرك تتأملي السماء تلهم فيك روح الشعر والنثر حرفا
ثم تتدجي من هجستك تلك تتناولي الفانوس وتصبي فيه الجاز وتشعلي فتيله
والله تتزاحم حروف الشعر والنثر في الوريقات عبقاً نشدو به نحن محبي الشعر
أجتهدي في هذا الموضوع وأجعليه واقعاً وليس فكرة
والله أنت الكسبانة
تحياتي .. ونفذي الفكرة
علماً
انني من اللذين يحبون تلك الحياة
ورمتني حمارة في عطلتي السابقة سنة 2011
ومنى خوجلي تشهد على ذلك
| |
|
|
|
|
|
|
|
|
Re: أريد أن اكتب شـعراً بضؤ الفانوس ..!! (Re: خالد علي محجوب المنسي)
|
نحن نغرق في الأماني
الما ... مستحيلة
بس الخوف من ناس تكسّر المقاديف
وتخلي الأمنية زيها زي اماني كتيرة مكتوبة في كراس عربي قديم !
سبحان الله
من خلق الناس أنفس
تختلف مشاعرها واحلامها وافكارها
هسي في ناس تقرا أمنية رشا بابكر دي
بعضهم يبتسم وبعضهم يستهجن وآخرون يقولوا المرا دي مدروشه
عشان في ناس كتيرة تحلم بي فلة في كوالامبور أو حتى انشا الله في الغردقة
وديل الناس بتحسدم حتى وإن تمنوا ... أما أنا فالرجوع إلى الخلف بياخد وقفات
أنتظر من هم يحملون نفس الأمنية
لك التحية أخي خالد
| |
|
|
|
|
|
|
|
|
|
Re: أريد أن اكتب شـعراً بضؤ الفانوس ..!! (Re: هجو الأقرع)
|
الروح ...
هي الإنســـــــان
وأنا روح تهفو لما أوجدته الطبيعة
من سماء ممتد بكل تفاصيله من شمس وقمر ونجوم وسحب ونجوم
من بحر وشجر وطير وزهر
من ليل بلا ضجيج
وفجر يشكل جمال اللحظة
لماذا نحن غارقون في أتون هذه الفوضى المصنوعة
هل بدونها لن نعيش ؟!
فقد عاشوا من سبقونا
ولم يطرق ابوابهم الصغيرة .. قلق يبعثر الذاكرة
ولا إكتئاب يغيير الملامح .. ولا إحباط .. يجعلك بلا هوية !
لك التحية أخي العزيز هجو
متعك الله بجميل العافية
| |
|
|
|
|
|
|
|
|
|
Re: أريد أن اكتب شـعراً بضؤ الفانوس ..!! (Re: رشا بابكر)
|
الاديبة الشفيفة الاخت رشا اشكرك كتير على كلماتك الطيبات واتمنى ان اكون دوما عند حسن ظنك بي
ويا حليل ليالينا المضت من غير اماني تنورها ،،، ربنا يحقق ليك كل امانيك السندسية والغير سندسية يا رشا ..
اما عن الاجازات فالواحد والله بقا يجي اجازة يا دوب كده يلحق يسلم على الاهل والاحباب والاصحاب والبحر غايتو مرات يمشي ومرات لا لكن صراحة المطرة الجات عيد الضحية الفات دي اخوك كان في نصها وماسك لي طورية كمان .. غايتو برغم المعاناة الحصلت لي في الإجازة دي بس الواحد كان برضو مرتاح نفسيا بين الاهل . وبين ضل النيم وريحة الدعاش ونسمات المغارب يا سلااام .. غايتو ربك يمد في ايامنا ونجي الاجازة الجاية ونستمتع بها ..
تحياتي : ياسر العيلفون
| |
|
|
|
|
|
|
|
|
|
Re: أريد أن اكتب شـعراً بضؤ الفانوس ..!! (Re: ياسر السر)
|
تحياتي ... ياسر
أقول ليك حاجة وهي ليس سراً
...
أنا لمن اسافر الحلة وبالرغم من قربها الشديد من العاصمة
سبحان الله بمجرد الخروج من الخرطوم بحس بي تحرر من الهموم والتعب النفسي .. بس نمسك الطريق الزلط ونخلي عاصمة العذاب ورانا .. بدايتاً مع لفة الجريف
مروراً بالأحياء الجديدة وبمحازاة الجميلة العيلفون .. وبعدها شارع واحد مافي لا يمين لا شمال
وصولاً لودراوة
ودايماً بفضل السفر بالحافلة عشان ما احرم نفسي متعة المشاهدة لحاجات في الطريق
وبمجرد وصولي السوق .. تلقاني ابحلق في الناس زي الرايح لي شي ...!!
والله في ناس ما شفتهم من عشرات السنين .. وبعض الشخصيات المشهورة في السوق
وبعض الأماكن التي ترددت عليها في طفولتي
في دكان قديم ما طالته يد التكسير مبني بالطوب الأحمر القدييم وبابو زنكي ... ده لازم أمر بيهو
الحكمة :
الماضي بكل تفاصيلو غصباً عنك يسكنك وليس فيه ما يتعبك
والحاضر بكل أشكالوا ... غصباً عنك .. يرهقك .. ولا يخلو من ألم . الحمد لله ع كل حال
كن بخير __ ياسر
| |
|
|
|
|
|
|
| |
رشا بابكر
Muna Khugali
إدريس محمد إبراهيم
عبدالله ود البوش
ياسر السر
خالد علي محجوب المنسي
هجو الأقرع
فيس بوك
تويتر
انستقرام
يوتيوب
بنتيريست