|
دعواتكم لزميلنا المفكر د.الباقر العفيف بالشفاء العاجل
|
|
 Re: رحبوا معي جميعا بالأخ الصديق ناصر علي .. وشكرا جزيلا بكري أبوبكر (Re: أبو ساندرا)
|
مرحبا بالابن العزيز ناصر علي محمد عثمان
ناصر حفيد الحاجه بت داؤود التي رحلت عنا دون ان ندون ذكرياتها وحكاويها
ناصر علي محمد عثمان حفيد الرائدة حياة رضوان اول سودانية تلتحق بالسلك الوظيفي
ناصر علي عثمان ابن الرجل الابتسامه خبير الغابات علي عثمان
ناصر علي عثمان ابن اخت المناضل احمد محمد اسماعيل ابو اليمن
الف مرحبا بك ابني العزيز ناصر
بالمناسبه بالامس كنت مع اتصال بخالكم وصديقي خالد كلتش ليمدني بمعلومات وصوره
للوالده حياة رضوان رحمة الله عليها بخصوص بوست الاخت اماني عبدالجليل اتمنى ان تضيف
| |
 
|
|
|
|
|
|
|
|
Re: رحبوا معي جميعا بالأخ الصديق ناصر علي .. وشكرا جزيلا بكري أبوبكر (Re: Salih Eissa)
|
شكرا معاويه ....ودالحله...الزول الهمةالراقى وزين...
ومشكور عبرك سيدالدار الندوة...الشارع والنفاج الاستاذ بكرى على الاستضافة وكرم الضيافه, واشكرعبرك برضوا صديقى ورفيق الحلوة والمرة عمرفالكاوالله ماجاب يوم شكره.
وشكر والود بالبراميل وبدونفرز لضيوفك الاكارم..لهم التحية وجل الاحترام
يادوب مافتحته البوست بعد ماقريت اميلك .... لكن عندى شغله صقيرهابقضاها وبجى اصنقر .
ودمت يارئع
| |
|
|
|
|
|
|
|
|
|
Re: رحبوا معي جميعا بالأخ الصديق ناصر علي .. وشكرا جزيلا بكري أبوبكر (Re: مصطفي سري)
|
يا معاوية ما ممكن لسة بتلخبط في اسمي...
عامل حصانك الماتامي ده..
تحية ليك يا ناصر وانته عامل بوردابي..
وما يكون غلب الفريق الصومالي امس السبت ماثر عليك في الجيه..
لانو وانا لاعب معاك باكد انك كنته سبب اساسي في الهزيمة 9/2
علي العموم الدورة الجاية نكون احسن!!
تحية عبرك لكل الحلوين بجامعة الجزيره وكل الجامعات..
يا حاج ناصر بالله الدفعة اربعتاشر..ما بتبالغ!!
انحنا ناس الدفعة سته وعشرين الاهلية..
وعامل فيها صاحبنا..ده انته ابونا وعمنا يا حاج ناصر
اما معاويه ده ما حاج حبوبة عديل!!
الجد العزيز مصطفي سري وينك ما ظاهر ...سلم لينا علي طرزان لو كان لسه بحوزتكم..
احمد حجازي بابكر
| |
|
|
|
|
|
|
|
|
|
Re: رحبوا معي جميعا بالأخ الصديق ناصر علي .. وشكرا جزيلا بكري أبوبكر (Re: عماد شمت)
|
حسين يوسف كيفك يارائع والله مشتاقين ...اخبارك شنو ...عليك الله رسل ليه الايميل بتاعك او اى وسيلة اتصال بيك لزوم الونسه الدوقاق... وكيف مدنى على حسك ...الجامعة ...ويونس موسى وائل قال ليه انو قرش بى الخلف عندكم.والله الشوق من هنا لى عندك .فى انتظار ايميل منك وبريدى الالكترونى بتلقاه فى البروفايل.وحتىالملتقى دمت بكل خير يارائع .
عاطف مشكور ياابو مكاوى واهلنا بيقولواالقدم ليه رافع ...ويحلنا من الكرسى القاصدو الحلانا من كرسى حسين يوسف ...؟!!
ايوب عبد الرحيم كيفك ...ولعلك بى خير وعافيه ....خالك معاويه ده من الحرس القديم فى الجامعه لمن كنا برالمه برالمه برالمته كان بيخلف كراع فى كراع وبيرسلنا الى الصفره نجيب ليه العشاء ويوصيك جيب ده وماتجيب ده وكتر من داك عشان كده شايفك صغييير.... لكن يامان الايام الجبتو فيها الجامعه يشيب لها الولدان.... من سعد حظ خالك معاويه انو ماحضر ايامكم فى الجامعه وشاف انعكاسات سياسات تخريب التعليم العالى واهلنا بيقولوا الشقى يشوف فى نفسوا والسعيد يشوف فى برالمته....ودمت بالف خير
كمال عباس كيفك الواحد قايتوا لو داير يلاقيك الى يشرك ليك فى البورد ده ...ماتنسى يوم السبت حفلة ازهرى....وشكرا على التحيه ولى يوم السبت
عبدالرحمن بركات كيف اخبارك والاسرة الكريمه وعموم ناس قطر .....وربنايسمع منك ونشوف نشوه ومعاويه وهيثم وكل الشرفاء الشردتهم حكومة السجم والرماد مافى البورد ده بس ....ولكن فى بلدهم وبين اهلهم معززين مكرميين ...ينجموا ويشربوا شاى
عماد خليفه شكرا على المداخلة وخالص الود والاحترام
عمارعبدالله عبدالرحمن شكرا جزيلا ياخال على المداخله البديعه والله يرحم حبوبه بت داؤود وحبوبه حياة ويدى الحاج على عثمان والخيلان والاهل والاحباب الصحه والعافية .... وعلى قول اسماعيل حسن لو ما جيت من ذى ديل ....ولكم هو معطاء وخصب وحمييم ذلك الوطن الاسمر الشاحب الصامد .... وبكم يزداد اشراق وحضور فلك المجد وفى حضرت جلالك يطيب الجلوس ...ويبقى بيننا الود وحسن الظن ودمت ياخال
الاستاذعادل جباره والاستاذعبد الدائم سيد احمد لكما الشكر اجزله اولاد الحلة الصحافه...ملح الواطه وريحةالدعاش
هيثم عبد العزيز كيف الحال بيك ...والله شوك الشوق للشوف ياقريبى اخبارك والعيال فى الكمطاشر سنه الضاعت شمار فى مرقه ...يالله تكونوا بى خير...وكيف القوز والاهل .... وانشألله رجعته السودان قريب ...ماتكون زينا فكه وطار...وبجيك فى المسنجر اول ما اعرف اسنعملوا ...بعيد عنك اخوك لايذال فى صفوف البرتاريا اعداء التكنلوجيا...وحتى نلتقى دمت ياقربيى
الاستاذة منى عوض خوجلى خالص التحايا ...حقيقى الواحد بيتشرف بالانضمام لى اى منبر تكونى انتى فيه ...دمتى دوما
| |
|
|
|
|
|
|
|
|
|
Re: رحبوا معي جميعا بالأخ الصديق ناصر علي .. وشكرا جزيلا بكري أبوبكر (Re: NASIR ALI)
|
شكر صالح عيسى وتسلم
شكراعماد شمت وحقيقى معاوية زول الواحد بيشرف بى معرفته فى الزمن الملامحه معكره
بت الاسيد مشتاقين جدا .... مبروك الدكتوره ولى قدام كمان وكمان ...كيف عاملة وكيف مياده.... الاسف روحته نمرة التلفون ...وماعارف انتى لسه فى السودان ولا فى المانيا....سلام خاص من صباح...ماعندك شقه تانى لبلاد العم سام...فى انتظارك ودمتى ياغاليه
معتصم الجبلابى كيفك ياابوالنسب وكيف تهانى وجوهر وكل الاحباب ....ياخى ما تجى شاقى علينا بى جاى ...والله بلدنا ده حاتعجبك ...و انشالله تسلم ياحبيب
حجازى قالوا البيكضب فى منبركم ده بيزرزروا لمن يقول الروب لذالك يجب توضيح جملة من الحقائق فى ماذكرته اعلاه .... اولا فى مايخص هذيمه الامس .... اجمع جميع المراقبين والمحللين الرياضين بما فيهم الوريات(وريه مفرده صوماليه تعادل زول عندنا فى العاميه السودانيه) انو اهداف الوريات التسعه فيهم سته هديه من احمد حجازى .... اماالهدفين حقننا فالاول انا حنسته الحكم فيه عديل كده عشان مايحسب السارق رغم انو انس الجاب القون لو حضر زمن العداله الناجزه الله لاعادوا كان قطعوا من خلاف وصلبوا كمان والقون التانى انا الساق الهجمة حقتو بعد خروج احمد الغير ماسوف عليه .... يعنى لولا وجود الطابور الخامس بيننا لكانت النتيجة 3/2
اما موضوع الدفع ده فخلينى من 14 و32 انادفعتى بت الاسيد وهديك صورتها قدامك وانت دفعتك مصطفى سرى والصور الحكم بيناتنا... والغريبه ياحجزى فى الجامعه كان فى ناس بيقولوا عليه ديناصور....ولى سوء الحظ ماجوا الاهليه عشان يشوف الديناصورات البجد..قال الدفعه تلاته وعشرين قال.
ابوناسرى كيفك ياصنديد والله مشتاقين ...عارف ياعزيزى المفضال فى حاجتيين ما كنته متخيل انو يحصلوا الاولى انو الانقاذ تقعد الزمن ده كلوا والتانى انو صلعتى تحصل صلعتك لكن لالله فى خلقه شئون ....وتظلوا انتم الاصل القدوه والمثال....ودمت يارائع
| |
|
|
|
|
|
|
|
|
|
Re: رحبوا معي جميعا بالأخ الصديق ناصر علي .. وشكرا جزيلا بكري أبوبكر (Re: NASIR ALI)
|
لا حوله يا ناصر كمان بقيت كضاب!!
ياناصر كان انته ما سبب الهزيمه يبقي انحنه غالبين عديل كده..
انا مصطفي سري ده سمعنا بيو سمع..لقينا اسمو في مكاتب الاتحاد.. من زمن الشارلستون..والصوره الابيض والاسود
بس برنامج من الامس..
والواحد لو اتاخر سنتين كان خشه مع ناس تامنه...
وبت الاسيد شايفه عامله عملية للشلوخ حقاته...ياحاج ناصر..
وبعدين سري ده الصلعة بتاعتو دي كلها نضال ساي..
ويامافي مصلعين نطالب بانزال صورتك..ياحاج ناصر ...
انا افتكر انك تقدم نقد زاتي عن مباراة السبت الشهيرة وتحاول ان تصلح اداءك السبت الجاي..
| |
|
|
|
|
|
|
| |
Moawia Mohammed
حسين يوسف احمد
ايوب عبدالرحيم
Imad Khalifa
Atif Makkawi
kamalabas
أبو ساندرا
عمار عبدالله عبدالرحمن
عبد الدائم سيد أحمد
Haytham Abdulaziz
Muna Khugali
NASIR ALI
عماد شمت
bent-elassied
مصطفي سري
معتصم مصطفي الجبلابي
الفاتح ميرغني
فيس بوك
تويتر
انستقرام
يوتيوب
بنتيريست