فات الأوان كلمات : محمد يوسف موسي غناء : صلاح ابن البادية
فات الأوان والانكتب علي جبيننا الليله بان أصبحنا أغراب نحن القراب لا رعشه لا لمسة حنان
فات الأوان وما قادر أصدق انو نحن أواننا فات كيفن سنين الحب تفوت يا داب ظلال أفراحها جات وكيف نفترق نقطع صلاتنا يوم ما بدت بينا الصلات فات الأوان شيع غرامنا الاتولد ساعتو اللي مات فات الأوان هات الدموع عبر صدي الماضل اللي كان وفات الأوان والانكتب علي جبيننا الليله بان
أنا عشت من قبلك غريب ما عرفت تقدير الزمن أحبابي من قبلك دموع وأصحابي من قبلك شجن كان عمر حفلات من ضياع ما ليهو قيمه ولا تمن ويوم ما عرفتك كان سنين العمر ولن وانتهن فضلت أتحسر وأقول ليه ما عرفتك من زمان
الله ..الله ..الله .. لحبي الاندثر يوم ما ظهر ما ضاق شباب الله ..الله ..الله .. لقلبي الاحترق يوم انفتح للجنة باب الله ..الله ..الله .. لشمعاتي الطفن يوم الظلام بالفرحة داب الله ..الله ..الله .. لعمري الانتهي يوم ابتديت أحسب حساب وقول الوداع فات الأوان يا ريتو فات قبل الأوان
حبه حبه غناء : الراحل خوجلي عثمان ************** حبه حبه زيد غرورك مره زيد الريده حبه وأمشي درب الحب معانا أبقي زينا زول محبه نحن ريدك من ربينا تاتي فينا و فينا شب ***************** ما زمان وصوك علينا قالوا ليك خليك حنين نحن ما حبانك انت وأصلو حق الريده بين في سبيل ضحكة عيونك يبقي ظلم الدنيا هين ******************* نحن أصلنا ناس محبه زول نعزو و زول نريدو والبيفوت ريدتنا يمشي برضو نفرح بي جديدو من عمرنا فرح حياتو في شقانا لاقي عيدو ****************** نحن ما دايرين نعاتبك انت مننا و انت لينا انت لو غلطان معانا حقك انت يكون علينا نحن ناسك يا محبه ليك عمرنا الباقي فينا
خاطرك الغالي كلمات : عوض أحمد خليفة غناء : عثمان حسين **************** دايما أطيب خاطرك الغالي و أسامحك لو نسيت ودعت من يهواك و قلبو في دربك مهما نأيت كم مره حاول يفرق بينا حاسد أو عزول كم مره قالوا جنيت علي بدلت ضؤ أيامي ليل لكني يا نور العذاري أنا ما بضيع حبي قول تلقاني دايما في رجاك غناي في حبك رسول **************************** أسأل عليك الليل و نجمه وحتي أنوار الصباح وكل طائر في سماه في شريعتو الحب مباح أسأل مشاعرك عن هوانا وليه حنانك لي راح خليتني في غاية الألم أمالي تزروها الرياح **************************** حيران أسائل نفسي أيه كان السبب و أصل الخصام يمكن أكون في حقك اتلومت في ساعة ملام لكن دا ما معقول يكون أنا قلبي ليك حفظ الغرام ما أظن من عرف الهوي يعرف عداوه مع السلام
الليل دا كله عديته أسمع في الجريف واللوبيا لانو عندي غرام مع النيل وسماع الجابري وصوته الشجي عمق الذكريات ،،،، واليوم كله في الشغل وأنا أسمع فيها( دي مرضة شنو يامعاوية ) واشيل واستغفر .... لكن رغم الحسرة والألم والذكريات ( بحلوها ومرها ) برضو الواحد مبسوط من البوست ... الجابري الله يرحمه ( فنان ) لن يتكرر ورغم المقلدين له إلا أن الحصيلة في تقليده (صفر كبير) ....تذكرت كل الذكريات ...وبجيك صادي
ود الامير
09-12-2007, 08:26 AM
Moawia Mohammed Moawia Mohammed
تاريخ التسجيل: 10-24-2006
مجموع المشاركات: 3793
غيب و تعال غناء : هاشم ميرغني ***************** غيب و تعال تلقانا نحن يانا نحن ما غيرتنا الظروف ولا هزتنا محنه كم بعنا في الغرام واشترينا غير هواك ما ربحنا يا حبابنا ويا شبابنا يا رضابنا يا قمحنا ****************** غيب وتعال تلقانا بنفس الأيادي الراجفه مشتاقه في ساعة سلام غيب وتعال تلقانا بنفس المشاعر الطيبه الديمه تطرب من كلام غيب وتعال تلقانا بنفس القلوب الياما حزنت لما فقدت ابتسام والله بعدك يا غالي لا غنينا ولا انشرحنا يا حبابنا ويا شبابنا يا رضابنا يا سمحنا ****************** تعال لينا يا أنبل عواطف طافت الدار الحزينه تعال لي نفوسنا انت يا منبع عذابه وانت يا مصدر أنينه تعال لي ليالينا البواكي الكانت بتطرب يا زين يوم تجينا بالخطي الواعده الرزينه لا نسيناك و استرحنا لا لقيناك و فرحنا غيب و تعال تلقانا نحن يانا نحن
الي مذهله ( بتقولي لا ) غناء : عبد العزيز المبارك **************
بتقولي لا لقليب عليك يقطر حنان ويذوب وله بتقولي لقليب رهيف ما أظنو لا لا بيحملا بتقولي لا يا بهجه يا غاليه يا ست القلوب يا مذهله *************** وحياة شبابك ذبت في عينيك حنان ومغازله سافرت في رحلة مشاعر ملهمه ومتأمله شفت الورود من وجنتيك غيرانه جات متوسله وحتي القمر غار من صفاك وأصبح يردد في الصلاه وجاك المساء يؤدي الفروض داعب شفايفك وغازله شال لون جميل من وجنتيك ومسح خدوده وبلله وأصبح يلملم في النجوم ينظم عقودا ويغزلا طرز لجيدك بالحرير أحلي العقود وتقولي لا ****************** أنا بيك بدغدغ في القلوب يا حلوه أحرف وأشتله أملاها رقه ودندنات وعناق حنان ومبادله أنا بيكي لو قلبك يحن عالم يجن من الوله أسقيك حنان ما أظنو كان في الدنيا أو كانت صله وأزرع هواك بين النجوم روضة حنان وأدللا وأحكيك لحون يا غاليه لا انسابت ولا عود غازلا وأخلي كل الكون يقول فنان يذوب في مذهله بتقولي لا يا لهفة المشتاق ويا طعم الحلا
الفردة أبوعبيدة رمضان كريم وكل سنه وانت طيب وينك ووين أيامك يا حليلكم ويا حليل فردتك الباقر الأغنية بمشي هسه أفتشها ليك في السحارة وعليك الله رسل لي تلفونك في المسنجر أو ايميلي الفي البروفايل عشان الواحد يديك سلك مكرب كدا سلام يا زعيم
09-13-2007, 11:21 AM
Abuobeida Ali Abdullah Abuobeida Ali Abdullah
تاريخ التسجيل: 08-13-2007
مجموع المشاركات: 278
شجون كلمات : محمد عثمان كجراي غناء : ابراهيم حسين *************** خلاص يا قلبي كان خاصم ضميرو يحاسبو خليهو تمر أيام وينسي غرورو يلقي هوانا راجيهو *************** يعاتب يوم و يرجع يوم يعذبنا بي ريدو ويتحدانا يوم يزعل يقول أقدارنا في ايدو نقول يا ريتو لو يعرف عذاب الحب و تنهيدو *************** بدل ما نحن بنعاتب بنفرح يوم يعاتبنا ونسأل عنو كان طول وما هاميهو كان غبنا حرام ترمينا للأيام حنانك يا معذبنا *************** نحلف قلبك القاسي بكل حنان مودتنا بأفراحنا و أشواقنا وبي لهفة محبتنا رضينا عذابنا حرام تتناسي ريدتنا
عيونك غناء : عبد المنعم حسيب ************ عيونك كانوا في عيوني يصدوني و ينادوني أخاف لو قلت حبوني و أقول يمكن يحبوني ويعزوني ويصافوني عيونك كانوا في عيوني ************ أصبر بهواك البال و أزرع قلبي بالآمال عشقتك وكنت عندي خيال مجرد حبي ليك محال أداريهو و أخليهو وأخاف من قلبي يحكيهو عيونك كانوا في عيوني ************* ظروفنا تحرم اللقيا تعادي الحب ولو طاهر يعيش في خوف من الدنيا يكون مكتوم و ما ظاهر فكيف احساس تحسو الناس نضيق بيهو و نعاديهو وكل الكون يشك فيهو عيونك كانوا في عيوني ************* يا حبيبي لأنك انك عفيف رقيق بتخاف من الأشواك تعال نتحدي حتي الخوف تبوح بهواي و أقول أهواك نكون ظاهرين و ما خايفين نعيش ليهو نذوب فيهو و نجاهر للأنام بيهو عيونك كانو في عيوني ************** نحاول نبرز الاخلاص و زادنا البهجة و النشوة نفتح في قلوب الناس مشاتل من حنان حلوه نقول ليهم و نوريهم معانيهو و أمانيهو ونفخر للجميع بيهو عيونك كانوا في عيوني
السلام عليكم الأخ معاوية رمضان كريم متابعك من قولة تيت ومن قبل ما يفوت الأوان بصلاح بن البادية ومنتظرين نهاية لأغنياتك المفضلة دي عشان تكمل شكلها كده حا تجيب لينا مكتبة الأذاعة السودانية نحن ما بطاله معانا ........................ جاييك برواقة بس اليومين ديل مشغولين بلقاءنا السنوي هنا
ويا ريت لو شرفتنا بهناك أقلاها أن معظم ( أغنياتك المفضلة) ستجد لهاوعنها تأريخ وحكاية وأداء جديد تحياتي ........................ وما الناس إلا هالك وأبن هالك *** وذو نسب في الهالكين عريق
09-19-2007, 10:58 AM
Moawia Mohammed Moawia Mohammed
تاريخ التسجيل: 10-24-2006
مجموع المشاركات: 3793
Quote: متابعك من قولة تيت ومن قبل ما يفوت الأوان بصلاح بن البادية ومنتظرين نهاية لأغنياتك المفضلة دي عشان تكمل شكلها كده حا تجيب لينا مكتبة الأذاعة السودانية نحن ما بطاله معانا
تسلم يا الزول وان شاء الله نواصل فيها وكمان ناقل البوست للربع الجديد من السنة
Quote: ويا ريت لو شرفتنا بهناك أقلاها أن معظم ( أغنياتك المفضلة) ستجد لهاوعنها تأريخ وحكاية وأداء جديد
شكرا علي الدعوة الجميلة وأنا برضو متابع معاكم من قولة تيت من بره بره بس ما قاعد أتداخل لأنو ما عندي قناة النيل الأزرق وشايف الناس كلها تتفرج الحلقة وتجي تعلق لكن ان شاء الله نجي نشاركم ونلبي دعوتك الكريمة يديك العافية يا الزول
09-19-2007, 01:34 PM
Moawia Mohammed Moawia Mohammed
تاريخ التسجيل: 10-24-2006
مجموع المشاركات: 3793
بسحروك غناء : خليل اسماعيل ************ بسحروك يا انتي لو شافوا الخدود والله شافوا الأعين المكحوله سود ************ في بنات الجيل بشوف حسنك فريد فيك قوام زي الغصن وقتين يميد و الجمال الفاتن الفات الحدود ربنا يغطيهو من عين الحسود والله خائف في مشيتك يسحروك ************ خوفي بس يا سمحه ما تصيبك عيون بسحروك في البسمه لو شافوا السنون و السمار الباقي ليك يا حلوه لون و الدلال و الروقه و النغم الحنون يا شبيهة الحور بخاف ما يسحروك *********** العجيب حتي الحسان منك تغير شافن الجسم اللطيف زي الحرير و الغزال حاسدك عشان فيك الضمير و الهلال من نور جبينك يستعير بسحروك الناس عشان ما بشبهوك ***********
لو قدرت غيب على و ابقى بوصلك حنين ياا حيااتى و نور عينى وين تروح من حبى وين.؟؟ النسيم المارى هاادى فيهو من اشوااقى نفحة و القمر النورو باادى فيهو من ضئ حبى لمحة لو غبت صديت ياا حنون و بعدت تاابعت الظنون للقلوب احسااس يقرب و حتى للاروااح عيون كل زهورك زيك عبيرا فايحة بالشوق و الهيااام كل عطور انت بتريدا شايل ليك منى السلااام و انا راجيك بالاماانى بكل اشوااقى و حناانى لو بعد طيفك على.. بطولوا بالفن و المعاانى شعرك الليل الطويل يحكى ليك سهدى فى ايابك وجهك الناير جميل نورو زى املى فى اياابك و انا برضاهو السهر لو انت حسنك بيه امر ليلى بيستناك تهل علىّ يااا اجمل قمر..
09-21-2007, 08:39 AM
Moawia Mohammed Moawia Mohammed
تاريخ التسجيل: 10-24-2006
مجموع المشاركات: 3793
مين أحلي - محمد الحويج الفردة الثالثة لثنائي العاصمة عندما كانوا ثلاثي العاصمة الف رحمه ونور تنزل عليه وعلي ابراهيم أبودية والصحة وطول العمر للمبدع السني الضوي. له عديد من الأغاني في الاذاعة السودانية كما سجل الأغنية الرائعة كلمه منك حلوه مع الهرم عثمان حسين.
11-18-2007, 11:19 PM
Moawia Mohammed Moawia Mohammed
تاريخ التسجيل: 10-24-2006
مجموع المشاركات: 3793
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Moawia Mohammed
waleed500
ناذر محمد الخليفة
نها محسن أبورأس
عبد الدائم سيد أحمد
عامر تيتاوى
معاذ حسن
محمد المرتضى حامد
رأفت ميلاد
ياسر الامير ابوجكة
عبد اللطيف عبد الحفيظ حمد
اميرة الحبر ادريس
Abuobeida Ali Abdullah
Alsa7afa_30
عماد شمت
Ahmed al Qurashi
Muna Khugali
الفاتح ميرغني
الزوول
mamkouna
فيس بوك
تويتر
انستقرام
يوتيوب
بنتيريست