ود بادي

مرحبا Guest
اخر زيارك لك: 03-28-2024, 09:57 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مكتبة عوض الله أحمد الطيب(Elawad Eltayeb)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
01-15-2005, 07:18 AM

Elawad Eltayeb
<aElawad Eltayeb
تاريخ التسجيل: 09-01-2004
مجموع المشاركات: 5318

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
ود بادي

    ود بادى

    أنا أخو البت اللكعت قرن الخمرة النازة
    على وردان الصبوة الراكزة
    الجنيات الهازة .. صدورن لازة ورقّ النص زي خيت الشلة
    بالحيل آ جني إيه والله

    الجنيات الحزمو الجبة
    وعرق الشتوي عليهم نايا و صب
    قول ما دل .. رجالا حصدوا الحبة
    عيشهن هادو انكال واتعبّ
    ومنو كتير في الواطا انكبّ
    وباقي مصوبر واقف قبة
    الحمد آلاف .. الشكر آلاف
    الحمد آلاف الشكر آلاف
    العيش الرقد أصناف أصناف
    الولد الكال.. عزام .. حلاف...ضياف
    الرزق الجانا مدلة.. الحلق الجاف اتبلة
    بالحيل آ جني إيه والله

    الوادي الجانا مترقن
    مدّ جناحو الطايل شرقا وغربا
    القبلي بروقو على القلعات يضّربن
    الدكن البعدن قربن
    فوق صنقور المحلة الطالت كبن
    قول للمحلة بيوتك خربن
    قول ما دلة.. الحلف الجاف اتبلّ
    بالحيل آ جني إيه والله

    مرحاتنا شرابهن يوت ماغبن
    شبعانات في الشقل أب شوك ما شبن
    الحمل ولدن وربن
    حلماتن تقلن.. جرّن.. فوق سيقانن كبن
    اللبن العاتم في ضرعاتن جبّن
    المغصة إن كان ضرعاتن خربن
    القرعة آ وليد .. السعن آ بنية
    القربة كمان... كبوها المية
    المغصة إن كان ضرعاتن خربن
    شوفو النعمة السالت فوق قيزان الرملة
    ناس البندر لبن الشاي بالعملة

    سمح الخمج الفوق أسيادو
    سمح العز المن أجدادو
    الجنيات المشو ما عادو
    كان بالردة أكان اتنادو
    غرب حامد وشرق بلة
    كانوا بحلبو الضرع الدلة
    كانوا بحضرو الخير القدحو معلا
    الجنيات ما كفرت بنعمة الله
    بالحيل آ جني إيه والله

    ذات في يوم والغيمة تهتّف مطرا نقّع
    فوق نوار الطلح الفقع
    ريحة البرد إن جاتك عطرا فايت خمر الفوق أردافا مجضع
    شفنا الوادي يقشقش في دمعات الليل
    والتعل الشايل بدا يتفقع

    تلب حامد فوق مخلوفة أب زور واتربع
    طلق الرسن أب زمة وسوّا خبيبا بدّع
    هوّد في رقّاب الصي
    لا قوه ثلاثة زبيدية
    خالفين سيقانن فوق السنكيت ورقاب ألبل بيناتن مرخية
    محجوبات بالخرز الفصلو السوميت
    كل واحد درقة وسيف وطبنجية وباقي جرابن مليان دلميت
    الجنيات اتقبلو وضاقو الحارة وضاقو المرة
    وكان حجازن صقر الجو
    حامد كان عارفين ضاقوه رجال قبالكن
    شوفو أرزاقكم أخير من ضو
    حامد عوج الطندب آ وليدات
    عوج الطندب نار القصب الهبلت ما بتعدلو
    شوفو شلوخو تلاتة مطارق رقدن
    وكل تلاتة يمين سياف اتقبلو
    حبوب القارح ... ما دلة
    ولدا ما ختالن زلة
    شن قولك فيهو عليك الله
    بالحيل آ جني إيه والله

    وينا مراتع الدرت الباسط دايما ببكي عليهن
    وين بنوت الحلة البكّر عصرا بدري يسون في شاهيهن
    بعد الليل ما يهّود ونحن نهّود.. عاد أماتن ينادن ليهن
    نمشي على القيزان نتقادم.. أقيس الخطوة مع التاتاي ومشيهن
    والله البعد الحاصل ما نساني
    وحاتكن في قمراتنا بشوفو وشيهن
    الا النضم أب غنة اللهج السكر وين بلقاهو
    بنات الريل الدوب ليهن
    الخوف يا ناس كان يبقى الشوق الحاصل بينا معشعش فيهن
    مقنع سابل وين بلقاهو
    طرفا ذابل وين بلقاهو
    وعين بتدنقر من واليهن
    الوجنات الشعّن بقّن
    ود العين النايم زرقن
    مو زايغ رسيان وميقّن
    زولن كان خدران ومحقّن
    من الشوفة عروقو يطقّن
    كان الدنيا بصح تتخلا
    كن بركن معاهن فوق رملاة الحلة
    الا كمان بنشوفا مذلة
    الجنيات الغابت جابت
    إنت الجيب بس قايلو قميص افرنجي وكرتونات كرملّة
    لا لا وحاتك حاشا وكلا
    ديل يوم عادوا اتلافو الجاهل بحقوق الله
    ديل كم لحقو البشهق ضايق وداوو العلة
    الولد الجايس حقايب سفرو تقال.. تقال من جنس كتاب ومجلة
    الحكمة النضم إياهو الكان.. الحكمة الولد اتوضا وصلّ
    عادة البلد الدخلت فيهم سكنت .. سكنت ماب تتخلا
    نحن كما طارين الحلة ودرنا الطلة
    نشيلا معاهم فرح وميتة
    حلاة الموت كان في عبدلة


    كابي المقنع الجرجار علي موية الوجه يا حوا كابيه
    وزازي الدمعة منك بي طريف التوب احزمي حشاك واكربيه
    خيراً ولىّ مو مدخور ، رزق الليلة داب الليلة والباكر تشابي وما بتجيبيه
    ويا حوا الوكت مرواح وزمنك راح امسكي ضرع شويهاتك احلبيه
    ليش ماك حامدة ليشن جاحدة والرزق العليك هطال شربتي التاني فوق بكريه
    محمود الغني ومشكور ، غيارك فردة من نسج الكمالي وتاني توب جاراته بنغالي
    ومحمود الغني ومشكور ، وعاجك فضة من دق ود تبيد الغالي
    ومحمود الغني ومشكور ، نارك موقدة ماعونك ملان مو خالي
    ومحمود الغني ومشكور ، وابو زينوبة ناهض فيها ما هو الخملة عنقالي
    ومحمود الغني ومشكور ، وأحمد قلتي نور عينيك مختّر فوق بطان الحلة خوجالي
    عصاية الصبينة المكسية بي جلد الندف والخامة سرهيتة
    وسرج المرقة سناري ومسمّر فوق سراة الباني سنكيتا
    وجزلانا مجنزر وطيه رزماً من بطون الطينة مبحوتة
    ولازم الفنجرة اتبشَقت سبع خمسات تصل حاكت حجول المارقة من بيتا
    ومتلفح كساوي الساكوبيس صوبان وظهرة تقيلة تبرق سنو سوميتة

    جيد ياجيت ، وجيدلك حوا بي جنس الجنا القاري
    وجيدلك حوا بالولد البعوم الشبكة سداري
    متلك حقو لاتنضامي لا تنلامي لا تتضاري
    وانت ولدت للبلد البيجيب راس العشاري

    عدلك هادو في كُـم الرجال أحمد ، يمين مقنع ولايا
    وفي دارة البنات زينوبة فرقت منهن فرقة كتيفها من الفداية
    عصاري الوردة فوق المشرع اب مسكا دفق شرق الترايا
    بنات الحلة كان عقدن تياب المرقة فوق روسن وقايا
    وسون قدلة الوز الرطن صباحي شاقات اب شراية
    تبين زينوبة حين تتوقى شعراً كاب بعد ما انساب على الخد المرايا
    عصاري الفزعة والفازعات يجن بكر تنايا
    نار الهجعة نار الوجعة نار الفزعة لا حطب التكايا
    ويات من تبقى حازمة التوب على النص القناية
    تبين زينوبا حين تتحزم الخصل الشرابهن صندل الناس الغنايا

    شن معنى الكسوف يا حوا والحزن البيجيب ليك الشماتة
    وكنزك في الكنوز زينوبة وأحمد كل يوم زايدين قراطين فوق تلاتة
    نجوم السعد فوق حجرك تباسم وانت شارفة ترمي في ودع البخاتة
    شتول الفرحة تتفتح قبال تتمد ليك الليد وما لاقية التفاتة

    اقطعي الزند البقودك من فلاة الخير علي بلد الدراهم
    واقلبي الطوف إن كسح بك من جروف الخير علي جزر المراهم

    ياديار حوا المراقدك في رويس عبدلة وينك
    يا المشاوير المشيتك . يا المشارع السالكة وينك
    بالي فيكي إلا درب العيشة باعد بيني بينك
    يا لبينة المغربية النازلة من أطراف سعينك
    يا السرابة الحبلى كل الناس تعاين لي جنينك
    يا السبايك الساوي شيلك ولا طويرة الجنة تسكر من مدينك
    يا السواقي النايحة زيك زي حنان اماتنا في حرقة حنينك

    يا بنية طرية طامرة كنوزا بي طرف الطريحة
    يا نسيمة رشة باردة تجيني ساعة اشيلك موية الصفيحة
    يا مليحة .. يا العقيد النام موسد راسه حبات السبيحة
    يا صباح الرحمة يا الروح البتلفى حوارها تمرق من ضريحها

    يا حزيمات القمح منشرة في زمن الحصاد قبل السراديب
    يا رياح الشتوي هابة على مساجين المشال بالفرحة والفرج القريب
    يا نزيل قمر التمام الحشو في شيلتو السناجك والارابيب
    يا ولد .. نقرات تقيك الفي الحصاد عاقباها بعد المسرة نقرات الدليب
                  

01-15-2005, 07:37 AM

ود الشيخ


للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ود بادي (Re: Elawad Eltayeb)



    والله يا ود الطيب الدكتور بحب شعرو شديد
    وقدر ما كلمتو يديني ليهو مكتوب عشان
    اخلي الناس تسمتع واهو واعدني
                  

01-15-2005, 07:47 AM

osly2
<aosly2
تاريخ التسجيل: 10-17-2002
مجموع المشاركات: 3541

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ود بادي (Re: ود الشيخ)

    ياديار حوا المراقدك في رويس عبدلة وينك
    يا المشاوير المشيتك . يا المشارع السالكة وينك
    بالي فيكي إلا درب العيشة باعد بيني بينك
    يا لبينة المغربية النازلة من أطراف سعينك
    يا السرابة الحبلى كل الناس تعاين لي جنينك
    يا السبايك الساوي شيلك ولا طويرة الجنة تسكر من مدينك
    يا السواقي النايحة زيك زي حنان اماتنا في حرقة حنينك

    عوض الله
    الكلام السمح دا لميت فيه وين ؟
    التحيه لود بادى اينما حل ولرفقاء دربه محمد احمد ود توم
    وعبد الحليم ميرغنى عمسيب
                  

01-15-2005, 09:59 AM

Elawad Eltayeb
<aElawad Eltayeb
تاريخ التسجيل: 09-01-2004
مجموع المشاركات: 5318

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ود بادي (Re: osly2)

    لو رفعنا الكلام السمح دا فوق لي مقاموا كان رفع معاهو البورد شوية، شايفو نزل ضم ضم.

    ويحضرني هنا هتافنا ونحن خارجين من مدارس محمد حسين بأمدرمان، وبجانبنا بنات مدارس التقدم حيث نلتقي القادمين من مدارس الثورات ... فوق فوق سودانا فوق... والجو تعطره رائحة البساطة والجمال ولا يفرقنا إلا رائحة البنبان. لنعود في الصباح لنبحث عن تلك الرائحة ... رائحة الوطن التي كتمها البنبان وما تلاه من أعيرة طارت لها العصافير ولم ترك...

    لماذا إقتنع بعض الناس بأن يشحنوا أقلامهم ألسايبرية من المبولة بدلا من المحبرة. هل جذبهم الفن الجبهجي إلى مداركه السافلة؟ إبتعدوا عن مدرسة هذا الشيخ تسلموا.

    أبحثوا معي إخوتي عما فقدناه... وتعالوا به إلى هذه الفضاءات. علنا نستشرف صباحا تعود بإنبثاقه رائحة الوطن المفقودة...

    العوض أحمد الطيب
                  

01-15-2005, 10:43 AM

أسامة معاوية الطيب
<aأسامة معاوية الطيب
تاريخ التسجيل: 12-13-2003
مجموع المشاركات: 529

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ود بادي (Re: Elawad Eltayeb)

    شكرا يا سيدي العوض
    انا اعتقد انو ود بادي اشعر من كتب بالدارجي (مع حميد) ولكنه آثر الابتعاد في زمانات الغث هذي
    دكتور بادي نستحلفك بروح شعرك الجميلة هذي ان تعود لتحقن في شراييننا هذا الدم النظيف
    شكرا يا سيدي جدا وانت تغسل طرف المنبر بطرف الحرف
    شكرا جميلا
                  

01-15-2005, 11:11 AM

luai
<aluai
تاريخ التسجيل: 02-27-2002
مجموع المشاركات: 2251

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ود بادي (Re: Elawad Eltayeb)

    الاخ العوض - والاخ ود الشيخ تحياتي وسلامي
    كنت اقتني يوما شريط فيديو لليلة اقامها الدكتور ودبادي بمدينة العين - ثم اتنقل الشريط بين الاصدقاء الى ان اختفى وقد كانت ليلة من اروع تجليات الشاعر الدكتور بالله يا ود الشيخ وصل للدكتور عايزين بالله قصائد مكتوبة وانا مستعد انزله على ويب سايت خلال ايام قليلة
    وبالجد انا عايز بتاعة جدي سعيد ولد بادي العكودابي - والحلمنتيشية الرائعة التي قالها بمناسبة رحلة لهم لاحدى قرى الجزيرة ايام الدراسة عن تنظيم النسل .
    وشكرا يالعوض على القصيدة وفي انتظار المزيد من قصائد المبدع ود بادي
                  

01-15-2005, 02:41 PM

المسافر
<aالمسافر
تاريخ التسجيل: 06-10-2002
مجموع المشاركات: 5061

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ود بادي (Re: luai)


    الشاعر المبدع الدكتور محمد بادي

    انسان جميل بمعنى الكلمة

    تعرفت عليه لأول مرة في رحلة العمرة 1979، وفي اندماج الحديث والونسة والضحك مع انسان خلوق وردت سيرة الشعر، لم تكن لدي معرفة بأغلب شعراء بلادي ، وسألته هل تكتب الشعر؟
    أجابني أحد الأصدقاء الذين كانوا معنا ودبادي شاعر مخضرم!! لم تسمع به من قبل؟
    فقال لي انشاء الله بعد ما نرجع من العمرة نجلس ونقرأ لك..

    كانت أول مناسبة هي حفل تأبين أسماعيل حسن في جامعة الخرطوم أو كما يسميه ود بادي اسماعين

    كان ود بادي في غاية الروعة، حضرت الفعاليات وأنا في انبهار عظيم بإبداع ذلك الشاب الخلوق الجميل الضحوك،، اندهشت حتى أصبحت أنظر من بعيد ولا أقترب، ولم نجلس لكي استمع ولكن اصبح كل ما يكتب أو يشارك استعيد ذكريات سؤالي له هل تكتب الشعر

    ها ناسات البيت العالي سلام
    ها نويسات البرج العاجي سلام
    أدوني سلامكم إن جيتكم تاني ملام
                  

01-15-2005, 02:50 PM

Dr. Moiz Bakhiet
<aDr. Moiz Bakhiet
تاريخ التسجيل: 05-20-2004
مجموع المشاركات: 9044

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ود بادي (Re: المسافر)


    على الفرع البميل طربان
    عصفورتين..
    وديك موجتين
    عليهن عامو وزينتين
    وكل الدنيا قايمة اتنين
    وقاعدة اتنين
    إلا براك يا مسكين
    تقوم واحد
    تقيف واحد
    تقع واحد
    تموت واحد
    مع واحدين..


    التحية والشوق العظيم لرفيق الدرب والليالي الحالمة والصبح المعتق والنهار

    حبيبي وصديقي محمد بادي
    وايام لن تتكرر
    ولا حتى في الأحلام

    سلام

    معز
                  

01-15-2005, 03:18 PM

المسافر
<aالمسافر
تاريخ التسجيل: 06-10-2002
مجموع المشاركات: 5061

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ود بادي (Re: Dr. Moiz Bakhiet)


    الحيبب معز

    صحيح كانت أيام فريدة

    ومثلها تلك الأيام التي نتعرف فيها على أشخاص تنطوي في نفسهم إنسانية شامخة مثل شخصكم
    مع تحياتي الخاصة لكم
                  

01-15-2005, 03:38 PM

luai
<aluai
تاريخ التسجيل: 02-27-2002
مجموع المشاركات: 2251

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ود بادي (Re: المسافر)

    هاسادات البلد الغادي ادوني سلام وان جيتكم تاني ملام
    والله ان كان عارفني تمام
    قدامكم وما شايفكم وساعة اشوفكم اشوف قدامي اقزام
    اما سوافل تبنو عوالي تناطحوا الغيم الراحل شال
    ونعيم الدنيا الزايل كلو معاكم وما كفاكم
    وحتى القرش ان فاتكم وللبستاهلوا تندمو ليش ما جايكم
    قايمين الليل الكاس مليان الجوف مليان اللحم الطازج راقد بالعينات
    وغفيركم نوم نجم القبلي ابراسا قوى وجنبه كلابه الهوايات
    ..........

    المسافر تحياتي وسلامي ذكرتني بهذه الرائعة اكيد غلطت فيها بس كيف تجيبوا لينا انتو كتابات الزول الجميل دا ؟
                  

01-15-2005, 03:37 PM

Summanism

تاريخ التسجيل: 02-18-2003
مجموع المشاركات: 342

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ود بادي (Re: Dr. Moiz Bakhiet)

    (عدل بواسطة Summanism on 02-25-2005, 02:14 AM)

                  

01-15-2005, 10:51 PM

زول ساكت
<aزول ساكت
تاريخ التسجيل: 11-26-2004
مجموع المشاركات: 2907

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ود بادي (Re: Summanism)

    اولاً الشكر للاخ العوض
    انا من اشد المعجبين بالمبدع محمد بادي وقد كنت احفظ عن ظهر قلب كل قصائده التي سجلها على شريطي كاست في الثمانينيات فهو يطوع المفردات كيف شاء ولا ادري لماذا حرمنا من هذا الفيض الذي لايستطيعه غيره حسب رأيي

    بدور آناس بشارة خير
    اجيبها صبي من الصبيان
    الاقي الكايسو بعد الحال
    اسالمو واقالدو بالاحضان
    وتطفر دمعة الحرمان
    ونقاود انا وزولي ونتلاوم
    ونمشي بعيد
    ونحلف بي غلاوة الريد
    وانادي القمره جاتك امانه يالقمره
    وعليك حرقة حشاك وولدك الويحيد
    حصل في عمري شفتي جديد
    حصل غنيت مع الاطفال حلاوة عيد
    حصل باريت درب كلبي وغزال الصيد
    حصل شميت دعاش قبلي وطراوة الهيد
    وتابا القمره في حضرت ملاك الرحمه تتكلم
    واقول ليها القمر خجلان
    مآسي الليله يوم باكر بتبقى حكاوي اتحاكوبا اهل الريف
    على القيزان اذا ضوت ليالي الصيف
    واهدهدوا بيها طفلاً فوق حصير النال ونافخو الزيف
    وتضحك بيها ناس حبوبه ساعة يرقص الفنجان وتتحكم ملوك الكيف
    وتمسك في لسان عقال وتنزل في قوالب الحكمه والامثال

    مع اسفي اذا تغير شي في الكلمات حيث اني اكتب من ذاكره مش ولابد
                  

01-16-2005, 10:30 AM

luai
<aluai
تاريخ التسجيل: 02-27-2002
مجموع المشاركات: 2251

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ود بادي (Re: Summanism)

    اخي الكريم نزار غانم

    يعني انتو بالجد ناس السبعينات ديل فلتات - الزول دا ود بادي اقل هبشة - اقل جمال تلقاهو طلع ليك بكلااام خطير
    ياليتك لو اكملت لنا حلمنتشيته المفلس النصوح وخلطته الطموح
    سمعت هوي ياوليد ؟؟

    مع تحياتي
                  

01-16-2005, 05:45 PM

Summanism

تاريخ التسجيل: 02-18-2003
مجموع المشاركات: 342

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ود بادي (Re: luai)

    (عدل بواسطة Summanism on 02-25-2005, 02:16 AM)

                  

01-16-2005, 01:27 AM

gessan
<agessan
تاريخ التسجيل: 02-05-2002
مجموع المشاركات: 746

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ود بادي (Re: Elawad Eltayeb)

    مرحاتنا شرابهِن يووووت ..ماغبن
    شبعانات في الشِقِل أب شوك ..ما شبّن
    الحُمَل ولدن.. وربن
    حلماتِن تِقلن.. جرّن فوق سيقانِن كبن
    اللبن العاتم في ضرعاتن جبّن
    المغسة إن كان ضرعاتن خِربن..
    ------------------------
    الوادي الجانا مترقن
    مدّ جناحو الطايل شرقا وغربا
    القبلي بروقو علي القلعات يضّربن
    الدكن البعدن قربن
    فوق صنقور المحلة الطالت.. كبن
    قول للمحلة بيوتك خِِربن ..
    -----------------

    لك التحية د.محمد بادي اينما ما كنت ..

    وشكراً العوض على النص "المترقن "..


    -----------------
    ** يا ديار حوا المراقدك في رِويس عبدلة وينك..
    بالي فيكي إلا درب العيشة باعد بيني وبينك..
    (الله بالتطير حجرو درب العيشة ..)
                  

01-16-2005, 04:05 AM

aboalkonfod
<aaboalkonfod
تاريخ التسجيل: 05-04-2003
مجموع المشاركات: 534

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ود بادي (Re: Elawad Eltayeb)


    ...
    .. يا سُكان القصر العالي سلام ..
    يا سادات البزخ البازخ سلام ..
    تبقا مُصيبة لو السُنة إتعدمت
    تبقا مُصيبة لو القرش الأحمر
    قسم الخلق أجناس .. أجناس


    ــــــــ

    .. كُتوفِين ما بقول عكف السروج
    لكِن بشوف فوقن مخالي ..
    صُدورِن زي موية الدميرة
    تكشح في العوالي

    هل من مكمل .. يا جماعة الخير مدونا بهذه القصائد
    الذاكرة خرِبة .. وهي من أروع ما كتب ود بادي

    عطر الله ذكراك وأيامك الشاعر الفحل ود بادي

    التحية للعوض الطيب ..


    (عدل بواسطة aboalkonfod on 01-16-2005, 04:12 AM)

                  

01-16-2005, 04:05 AM

أحمد الشايقي
<aأحمد الشايقي
تاريخ التسجيل: 08-08-2004
مجموع المشاركات: 14611

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ود بادي (Re: Elawad Eltayeb)

    قـــول مادلّا

    الحلــق الجــاف إتبلّا

    بالحيــل آآآآآجني


    إيـــوالّا



    مطـــــالبــــــــــة



    يا بكري أبــــــــوبكــــر





    باســــورد للدكتور محمد بادي


    وخالص تحياتي
                  

01-16-2005, 08:08 AM

osly2
<aosly2
تاريخ التسجيل: 10-17-2002
مجموع المشاركات: 3541

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ود بادي (Re: أحمد الشايقي)

    على الفرع البميل طربان
    عصفورتين..
    وديك موجتين
    عليهن عامو وزينتين
    وكل الدنيا قايمة اتنين
    وقاعدة اتنين
    إلا براك يا مسكين
    تقوم واحد
    تقيف واحد
    تقع واحد
    تموت واحد
    مع واحدين
                  

01-16-2005, 09:19 AM

Elawad Eltayeb
<aElawad Eltayeb
تاريخ التسجيل: 09-01-2004
مجموع المشاركات: 5318

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ود بادي (Re: osly2)

    الأحبة

    ود الشيخ
    أوسلي 2
    أسامة معاوية الطيب
    لؤي
    المسافر
    د. معز
    نزار غانم اليمني
    زول ساكت
    gessan
    أبو القنفد
    وأحمد الشايقي

    شكرا لمداخلاتكم والبيت بيتكم، أتحفونا بمشاركاتكم حتى ولو من الذاكرة حتى نفتح أبواب المشاركة والتوثيق لهذا النهر المتدفق من الجمال

    تأملوا معي هذه اللوحة:

    وين بنوت الحلة البكّر عصرا بدري يسون في شاهيهن
    بعد الليل ما يهّود ونحن نهّود.. عاد أماتن ينادن ليهن
    نمشي على القيزان نتقادم.. أقيس الخطوة مع التاتاي ومشيهن

    والله البعد الحاصل ما نساني
    وحاتكن في قمراتنا بشوفو وشيهن

    الا النضم أب غنة اللهج السكر وين بلقاهو
    بنات الريل الدوب ليهن
    الخوف يا ناس كان يبقى الشوق الحاصل بينا معشعش فيهن

    مقنع سابل وين بلقاهو
    طرفا ذابل وين بلقاهو
    وعين بتدنقر من واليهن
    الوجنات الشعّن بقّن
    ود العين النايم زرقن
    مو زايغ رسيان وميقّن
                  

01-16-2005, 09:23 AM

ولياب
<aولياب
تاريخ التسجيل: 02-14-2002
مجموع المشاركات: 3785

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ود بادي (Re: osly2)


    العوض الطيب
    لك التحية وللأخوة المتداخلين

    اتيت بسيرة عطرة لشاعر تحس في كلماته صدق المشاعر وقوة الكلمة

    هوي يا وليد !

    يا دلوعة .

    يا مرنوعة.

    أعدل أيدك ،،، المفدوعة

    واتفدع واقيف دغري

    ياك صدرك معاي صدري

    !!!!!!!!!!!!!

    وليك الحق !!!!
    عشان فطموك بعد مازدت فوق سنتين
    وليك الحق !!!!
    أبوك مليان .
    وقلبو سمين .
    وجيبو ملان .
    وفاتح لك حساب ،،،
    في البنك والتأمين .
    وليك الحق
    عشان ما خضت في وحل المطر والطين .
    ومن الترعة ما سويت شراب الهين .
    وليك الحق ،،،

    الذاكرة الخربة أصبحت OUT OF ORDER

    ولكم تحياتي
                  

01-16-2005, 10:13 PM

aboalkonfod
<aaboalkonfod
تاريخ التسجيل: 05-04-2003
مجموع المشاركات: 534

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ود بادي (Re: Elawad Eltayeb)


    أحباء ود بادي .. دعوني أرحب ترحيب خاص
    بالدكتور نزار غانم .. السوداني .. اليمني
    الفنان صاحب الصوت الرخيم .. فلك مساحة ود
    ضخمة في قلوبنا

    ــــــ
    عليكم الله إتأملوا هذا المقطع العجيب:
    لزوم الفَنجرة إتفشقت سَبِعْ خمسات ..
    تحاكي حجول المارقة من بيتا

    أها يا جماعة أتحفونا بروائع ود بادي
    وخلونا ننضف إضنينا وعيونابالكلام العسل
                  

01-18-2005, 02:17 AM

Yasir Elsharif
<aYasir Elsharif
تاريخ التسجيل: 12-09-2002
مجموع المشاركات: 48584

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ود بادي (Re: Elawad Eltayeb)

    شكرا يا العوض على تنزيل القصيدة كتابة.. قصائد ود بادي بصوته من أعز الشرائط الكاسيت لدي، وعمر الشريط 15 سنة عندي.. يعني "حزمة ونص" بحسب تعبير أخينا جلال داوود "أبو جهينة"..

    سلامي للجميع الذين مروا من هنا. والتحايا للشاعر الفذ الدكتور ود بادي..




    لدي هدية للجميع في ذكرى استشهاد الاستاذ محمود

    لقد نشرت في منبر الفكرة الحر تسجيلا صوتيا لحديث الأستاذ في يوم إطلاق سراحه وسراح الجمهوريين يوم 19 ديسمبر 1984
    http://www.alfikra.org/forum/viewtopic.php?t=413
    وأيضا هناك تسجيل صوتي آخر لحديث للأستاذ اشتهر باسم "حديث الغربة"، من الواضح أنه كان بعد يوم 19، ربما يوم 20 أو 21 ديسمبر، وقد نشرته في المنبر أيضا هنا:
    http://www.alfikra.org/forum/viewtopic.php?t=408

    التسجيل الأول حوالي 6 دقائق، والثاني حوالي 11 دقيقة..

    ياسر
                  

01-18-2005, 09:13 AM

Elawad Eltayeb
<aElawad Eltayeb
تاريخ التسجيل: 09-01-2004
مجموع المشاركات: 5318

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ود بادي (Re: Yasir Elsharif)

    شكرا يا أستاذ ياسر مجهود رائع نهديه للجميع ونرجو مساهماتهم.
                  

01-18-2005, 10:16 AM

على اسماعيل
<aعلى اسماعيل
تاريخ التسجيل: 03-25-2004
مجموع المشاركات: 1802

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ود بادي (Re: Elawad Eltayeb)

    [B]الاستاذ / العوض الطيب - تحية واحتراما

    هامة من هامات شعرائنا المعاصرين - الدكتور ود بادى شاعر متمكن فى العامية والفصحى فله اشعارا واسهامات كثيرة فيا ريت لو لك تواصل معه ان تتحفنا بها - عموما الشكر كل الشكر لك -

    ولصديقى ابوالقنفت اقول له

    بعد التحية والاحترام
    على ما اظن تكملة القصيدة ( جواب الى الوالدة كالاتى :

    ست الخير يجيكى الخير
    وصل جوابك الكاتباهو للولد الحتالى
    وكان الظن تكتحى لى فيهو هيم هيمين من البركاوى داك الطعموا حالى
    وهنا لو شفتيهو -- خالى الدوم واصلو مسيخ وغالى
    وحالى لو شفتيهو يغنيك عن سؤالى
    ان اتوكر فى جو البنادر واتحديت مجالا مو مجالى
    قعاد الكرسى كان شوفتيه ورم ساقى زى سيد الزلالى
    -
    -
    بناتن فيهن بالدهون تلصق ولا جلود السحالى
    وعشوقن فى الرقيص يتلوا زى سيد المغص لمن يبقى فى حالة طوارى
    وما بقدر وحاتك لمن اشوفن انكس راسى بقدرى وجلالى
    مشيهن نقرة نقر واصيات على المشطوف وعالى
    ودريبن ما بنقص وحاتك ولا دريبات القمارى
    غناهن اصلو ما سمعنا وكت اقولو ليك ولكن هسع مانى طارى

    المعزرة اذا كانت هناك اخطاء ولكن عزائنا الوحيد فى الاخوة لنشر اسهامات هذا المبدع -
    طبعا القصيدة طويلة وشيقة ولكن لا تسعفنى الزاكرة لتكملتها يا ابو القنفت ولكن نتمنى من الاخوان تكملتها لك -

    شكرا مرة اخرى الاخ العوض الطيب
    [/B
    ]
                  

01-18-2005, 09:50 AM

ود الشيخ


للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ود بادي (Re: Elawad Eltayeb)

    الاخ العوض الطيب

    هاك بعض من شعره

    في الرثاء

    خلاص يا المفازي اترجل
    سجل الخالدين اسمك عليهو مسجل
    يناديك صوت مهيرة على الاغر ومحجل
    تجلس فوق مقام عالي ورفيع ومبجل
    جبل ابعوف قلبو الأصم ليك واقف
    والبركل وحيحاً فوق وحيح مترادف
    شامخ كالجبال ما كالجنا المتراجف
    سيد الدين وصل لا انت بتسدد واقف
    يا عبود ويا ود التوم كيف امسيتو
    وحدي بقاسي وانتو من العلي قاسيتو

    الى أن يصل ويقول وارجو أن تعلم بأن هذه القيدة مفقود
    اولها وآخرها

    مشينابك خفاف ووصلنا دار الحي
    كيف بنصد خلا ونرجع بلاك يا أخي
    ياكا بهجة عمرنا وياكا زلال الري
    نحنا صبرنا الا نفوسنا فيهن شئ
    قمريةً تنوح وتسوي ووب وأحي
    فقدك والله حار جربتو في والدي
    يا بت الرجال الموت مصير كل حي
    أصبِرْ فيك عاد وأنا في الصبُر شن لي
                  

01-26-2005, 04:43 PM

luai
<aluai
تاريخ التسجيل: 02-27-2002
مجموع المشاركات: 2251

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ود بادي (Re: Elawad Eltayeb)

    لقدام
                  

01-27-2005, 03:38 PM

munswor almophtah
<amunswor almophtah
تاريخ التسجيل: 12-02-2004
مجموع المشاركات: 19368

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ود بادي (Re: luai)

    ها زول در مالو ودبادى موشمومة ولاضنب شعرو بيرق.....در يا ود بادي من ضاق سعر ضوقتناالعسل الشعر....در يا زول ارح شوف ود بادى وين.....قولو الخلوق مالية البراح,....تلو الضراع جيب الكباش الفى المراح......يا زول ارح,,,,, عطية المزين بنقبلا الا ودبادى حالفين شبع.....الضواقة بى ود بادى بسوى الزلع



    لك الشكر حتى ترضى اتحفتنا بهذا الصائغ الطبيب البلدى بى رشوش جزاك اللة الف خير


    قولو الحمد الاف والشكر الاف علا الحلق ما انبلا

    منصور عبداللة
                  

01-31-2005, 07:05 AM

saifkeli
<asaifkeli
تاريخ التسجيل: 02-02-2003
مجموع المشاركات: 572

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ود بادي (Re: munswor almophtah)

    حقا الدكتور العكودابي .. مميز مميز مميز .. يعرف كيف ينتزع من الكلمات الصورة الراقية القريبة للنفس .. وما يميزه كمبدع مقدرة فائقة في شحذ الكلمات في قصائدة .. فكل كلمة تكاد تكون بيت من قصيدة وكل بيت قصيدة معبرة
    حليلي أنا.. وحليل أملاً بهاتي بو
    وراكب ليهو فوق صهال .. مقطوعات عراقيبو
    اشابي عليهو .. علا المتلي ما بجيبو
    ولا بالصدفة حدثو بيهو يوم ربـّـال
    ..
    ...
    بشيشك يا درب ودار
    بشيشك يا زمن غدار
    بشيشك يا كلاب الدار
    ليش بتهوي فوق ولداً .. محرق بى هشيم النار
    وجاكم من أواخر الدنيا .. فوقو عذاب وتحتو عذاب
    وزادو الشايلو يابس وما ملالو جراب
    ولو أخاف أكون كضاب
    تقول شايف عويناتك .. تتاوق بى شقوق الباب
    وصوتك ساري من مزمار أبوك زريات
    يقولي حباب
    حبابكم وأبقوا لا داخل تعالوا قراب
    حباب وحباب .. مرحبتين .. حباب وحباب

    ومن قصائدة الرائعة في حب الوطن العزيز
    رضعتك في لبى الأمات
    وشلت زفة في البيشات وفي اللمات
    وغنيتك غني ونمات
    هسع وفي صباي الفات
    وشفتك فوق ركاب الخيل ..
    مجرتق والرقاب شارفات
    ..
    وأريدك يا عظيم الشأن وأهاتيبك
    وكاتمك في الفؤاد أشجان وأناجيبك
    وشايلك في الكتف نيشان أباهيبك
    ونادهك في البلاد سودان أهاتيبك
    وأهاتيبك وألاهيبك وأباهيبك
    موقدة في لاهليبـــــــك
    ..
    مش الدنيا لسع بخير .. صحيح والله فنان
    وكل ما أقول خلاص قربت
    ألقى رحالي في الدون جـــاي

    (عدل بواسطة saifkeli on 01-31-2005, 09:08 AM)

                  

02-02-2005, 09:59 AM

saifkeli
<asaifkeli
تاريخ التسجيل: 02-02-2003
مجموع المشاركات: 572

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ود بادي (Re: saifkeli)

    ومن روائعه في الوطن

    دار أبواتي دار صبواتي
    سيرتك في القلب يوماتي مطرية
    وفوق أرضك ..
    فناجرة كيف .. وخُدّام ضيف
    ودرقة وسيف .. وصقـريــة
    ..
    ونيلك نيل
    بعد تسَّــب .. روى القنديل
    رقد مرتاح ..
    ووسّـد راسـو حلفـا خليــل
    وبين سيقانو ..
    نايمة جزيرتو مروية
    وعفوا اذا عجزت الذاكرة وأتت ببعض الأخطاء
                  

02-02-2005, 04:03 PM

برهان تاج الدين
<aبرهان تاج الدين
تاريخ التسجيل: 08-28-2004
مجموع المشاركات: 510

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ود بادي (Re: saifkeli)

    Quote: وفي دارة البنات زينوبة فرقت منهن فرقة كتيفها من الفداية

    الفداية : الحلق بتاع الاضان بتاع زمان
    بالله ما عقد ليكم الراجل بتاع : ( فلانة بعيدة مهوى القرط )
    كناية عن طول الرقبة
    نقيف لغاية هنا عشان ما ندوس لينا لغم .

    الاخ الفنان حمزة سليمان .
    لمن كتبت الابيات ادناه ان لم تكن لالحانك العجيبة ، و لحناجر اولاد عقد الجلاد ؟

    Quote: ياديار حوا المراقدك في رويس عبدلة وينك
    يا المشاوير المشيتك . يا المشارع السالكة وينك
    بالي فيكي إلا درب العيشة باعد بيني بينك
    يا لبينة المغربية النازلة من أطراف سعينك
    يا السرابة الحبلى كل الناس تعاين لي جنينك
    يا السبايك الساوي شيلك ولا طويرة الجنة تسكر من مدينك
    يا السواقي النايحة زيك زي حنان اماتنا في حرقة حنينك

    يا بنية طرية طامرة كنوزا بي طرف الطريحة
    يا نسيمة رشة باردة تجيني ساعة اشيلك موية الصفيحة
    يا مليحة .. يا العقيد النام موسد راسه حبات السبيحة
    يا صباح الرحمة يا الروح البتلفى حوارها تمرق من ضريحها

    يا حزيمات القمح منشرة في زمن الحصاد قبل السراديب
    يا رياح الشتوي هابة على مساجين المشال بالفرحة والفرج القريب
    يا نزيل قمر التمام الحشو في شيلتو السناجك والارابيب
    يا ولد .. نقرات تقيك الفي الحصاد عاقباها بعد المسرة نقرات الدليب

    (عدل بواسطة برهان تاج الدين on 02-02-2005, 04:05 PM)

                  

02-06-2005, 07:36 AM

صديق الموج
<aصديق الموج
تاريخ التسجيل: 03-17-2004
مجموع المشاركات: 19433

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ود بادي (Re: Elawad Eltayeb)

    بقول الفحل ودبادى وهو على فكرة شايقى من القرير ومولود ومتربى
    فى الجزيرة عبدالله وهى نواحى الكمر غرب شندى لذا شعره خليط من
    قساوة الجعليين ورقة الشايقية.يقول الفحل ودبادى فى مرثية جده
    محمد سعيد بادى العكودابى:
    بعد عشرين حسبتها يوم فوق يوم وعام فوق عام حنينكم طش فى طشيش
    ويا مالقيت تملى الحنين جمام
    اتلفحت شال الشوق احازى الراحلة لا قدام
    كسحت شمال وحس طمبوركم الولوال نحاس ابواتكم الرزام صليلن
    يصحى فى الشوق اذا ما نسم النسام
    نزلت قرير اهالى الشان بعشو الضيف بخيلم فنجرى وعزام
    كرفت الطينة ارث الفاتوا ماكفانى الا بركت فوق الدار واتنسمت
    من السام
    شرفت على رمال القوز واترحمت على حرزا هناك مركوز
    على راسم سريع النهمة كان ودتوم وكان فى الماضى مو نوام
    ردفت الصيحة فوق الصيحة واتحزمت ابكى رجال
    بكيت سيوفن المدروعة فى الحيطان وزى ما هم رقادن طال رقادن طال
    بكيت فرواتن المفروشه للجهال ويا ما قال ويا ما قال ويا ما عرض الصهال
    نشدت الفى الضريح راقدين عليكم الله يا خالدين
    عليكم عزتن كان زمن زينكم ودنياكم لبن معسول وتشربوا فيها بى هينكم
    جدى سعيد ولد بادى العكودابى دحين يا ابواتى كان بينكم
    قالوا اتربى فوق خيركم ويوم الحارة شايل شينتو من شينكم
    يخالطكم قداحة الخير ويتحزم وكت شينكم
    وشكاراتو سمعن قولى قالن سى بدن شكرو وقالن لى يمين ما قلت فى
    جدك كلام قدرو وكل القلتو فيه قليل وما قارب عشر عشرو
    الصهالة والوقالةوالرقالة وام غره هو ركابن
    الجهتية والقطنية والمحوية وام درة الباريها حلابن
    العشاية والشاشايةوالسباية وام ضرة لى ضيفانو بسخاين
    المزروعة والمقروعة والمفدوعة لا برة متمسح ديمة قيسابن
    المفزوعة والمقلوعة والممنوعة بالمرة كان من مافى جيابن
    راكب الفصلوا رسابن ودايما قدمو فى ركابن
    اسود الغابة غلابن وبعرف يكسر انيابن
    حلفوا الشافوا قدحو الحار وشافو كتار وماهو كضب
    قالوا وساعو مركب زان يشيل اطنان وخرسو هلب
    جفير سكينو دمو ينز وداك برادو واسكت كب
    اهل السايحة والمتراوحة خاتمة وعاقبة بى قدامو سوا درب
    ده ماهو كتير على ولدا مربى على ضفاف النيل ويوم ولدوه دفنو
    ابواتو صرتو فوف مراقد الخيل
    عكود الكان بعبر الكيل يمين الدنيا جاتو هينة ولينة بالخيرات
    مشيلة شيل
    سواقى تسوق تلوت الليل ونخلوا متنى شايل العجوة والقنديل
    عيوشو مصوبرات كيمان وعيش الريف ولد تيمان وخاتى البودة والعسيل
    ده شيتا كم دقون شافنو بين شفقة وحرص عبدنو والعقار لعابن يسيل
    الا سعيد الطلق الزايلة وخطب بى مالو دارا خالدة كان عزام وباعو طويل
    بساطو الاحمدى المحضور غدا وعشيات ملاقية فطور وديمة ضيوفو ديل فوق ديل
    يختف من مطايب الدكة لى ضيفانو ما ضباح حميل وسخيل
    طحاناتو ما نامن جبال اللقمة كم عامن على سمنا مصفى تقيل
    ويوم الودع الحبان ونورو الضاو تحت التراب ما بان
    كان الفقد فيهو كبير وكان اليوم ده ما خاتنو فى الحسبان
    وكان ميراثو كل ميراثو قدحا ناز وسيف فولاذ وفروة ناس اصال وعزاز وسبحة
    ملانة يا حنان ويا منان
    قبل العم وقبل الخال بكوا العدام ..بكوا الايتام بكى الكرم الصبح
    مشلول وكل ابواتو راحو وغابو فى الرهبان
    ونحن عشنا لازمنا قبل ما يبنوا فيه البيت يكوسو الطبلة والجنزيز مع البيبان
    زمان الصالة والصالون زمان الرغوة والبالون حليل الكان
    حليل الدانقة والديوان
    حليل النافق اموالو وتدى يمينو وما تعرف حسابو شمالو خليك من يعرفوا فلان
    كل فضيلة فى الاجداد ابت ما تبقى فى الاحفاد ومسكت فى النعوش
    الطاهرة واندفنت مع الجثمان وكل مكارم العابرين معاهم راقدة فى شبرين
    وبقت امجادنا كانوا زمان وكانوا زمان

    (عدل بواسطة صديق الموج on 02-06-2005, 10:21 AM)

                  

02-06-2005, 07:58 AM

Elawad Eltayeb
<aElawad Eltayeb
تاريخ التسجيل: 09-01-2004
مجموع المشاركات: 5318

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ود بادي (Re: صديق الموج)

    الأحبة:

    على اسماعيل
    ود الشيخ
    لؤي
    منصور المفتاح
    سيف كلي
    برهان تاج الدين
    وصديق الموج


    شكرا لكم على هذا الإثراء وأرجو أن لا تنقطعوا عن مد حبل الود الإبداعي مع هذه القامة السامقة.
                  

02-06-2005, 03:14 PM

برهان تاج الدين
<aبرهان تاج الدين
تاريخ التسجيل: 08-28-2004
مجموع المشاركات: 510

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
هام جدا (Re: Elawad Eltayeb)

    وصلنى بريد الكترونى من شركة انتاج سودانية تود الاتصال بالشاعر د. محمد بادى و لم تجد لذلك سبيلا .. هل من مساعد ؟
                  

02-11-2005, 07:07 AM

Summanism

تاريخ التسجيل: 02-18-2003
مجموع المشاركات: 342

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هام جدا (Re: برهان تاج الدين)

    أحبتي
    هاتف ود بادى في أبوظبي هوموبايل :-
    00971505911882

    يماني العرضة - نزار ود غانم ( السوماني )
                  

02-11-2005, 10:23 AM

الزوول
<aالزوول
تاريخ التسجيل: 05-14-2003
مجموع المشاركات: 2463

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ود بادي (Re: Elawad Eltayeb)

    السلام عليكم

    خوفتوني عديل كدي
    والسبب
    إننا – كسودانيين- لا نتذكر مبدعينا إلا .......
    حفظهم الله د.محمد بادي ، د.معز ، د.نزار غانم وبقية العقد الفريد
    مداخلة بسيطة رقم واحد:
    أنا من أشد المعجبين بشاعرنا ود بادي وأظن انه ظلم نفسه وأهله ووطنه باعتكافه هذا
    مداخلة بسيطة رقم اتنين :
    له - أي شاعرنا ود بادي – ميزة جميلة حباه الله بها وهي ميزة الإلقاء الشعري الجميل وسرعة البديهة وشتان ما بين شعره مكتوباً ...و مسموعاً








    ألا توافقوني الرأي
                  

02-11-2005, 03:36 PM

برهان تاج الدين
<aبرهان تاج الدين
تاريخ التسجيل: 08-28-2004
مجموع المشاركات: 510

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ود بادي (Re: الزوول)

    الاخ د. غانم
    الف شكر ياخى . عسى ان يوثقوا لهذا الرجل بما يليق .

    الاخ الزوول .
    ربنا يديهو العافية
    اتذكرت عمر الجزلى ولا شنو
                  

02-28-2005, 09:23 AM

Elawad Eltayeb
<aElawad Eltayeb
تاريخ التسجيل: 09-01-2004
مجموع المشاركات: 5318

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ود بادي (Re: برهان تاج الدين)

    الأحبة:

    برهان تاج الدين
    نزار ود غانم (السوماني)
    والزوول

    شكرا لكم على المشاركة القيمة.

    ولي قدام مع ود بادي المتميز.
                  

03-01-2005, 00:24 AM

saifkeli
<asaifkeli
تاريخ التسجيل: 02-02-2003
مجموع المشاركات: 572

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ود بادي (Re: Elawad Eltayeb)

    حال هذا البلد بكاني ما سكتني
    ريدتن فيهو كيف مالكاني كيف ملكتني
    نارن فيها كيف لا لاهباني كيف لهبتني

    علا تراني في العرضة انحسب براني
    والناس البتعرض جوة ما سمعتني
    عِلا تراني أنبح .. زي زي أخواني
    والخيل بى عجاجها عمتني
    توبي قصير وما غتاني
    والزيفة أم برد شقتني
    قت أباصر أمرق مرة من أحزاني
    وين قبلت .. سفكت دمي واتعدتني

    ولا زينوبة ..
    آخرت ايدي في الدنيا أم بناين هش
    من شافتني .. جفلت مني .. خلتت في لوايا القش
    قت سلامها يغسل حزني ..
    علا سلامها زاد احزاني .. زادني عطش
    لحقتها في الفريق اتناسا .. وانشد حالها
    طلبتها شاي .. ودست مداسا
    قطرت عيني فوق خلخالا
    جفلت غادي .. لحقت ناسا .. عدلت حالا
    هزت جيدا .. قالت .. لا .. لا

    قالت ليا شن معناكا
    وشن كِسب الرجاك ورجاك
    وشن راجنو من تالاك

    زمنك كلو تاكل باردة ما ضُق شر
    وزمنك كلو نحن نعوم ..
    وانت تغني ماسك البر
    وزمنك كلو نحن نعوم
    وانت تغني ماسك البر
    وزمنك كلو فوق الفارغة
    فوق ريح المدن منجر
    الخير انسرق من دارنا .. لا حسيتو .. لانحاس القبيلة نقر
    ولينا سنين خلانا سموم .. وما شربت حصايبو مطر
    منيحة الشافع الأماتو راحن في شموس الحر
    كلاب الباشا فطرن فيها .. ما لقن البقولها جر
    صقور الباشا نهشن فيها .. وفوقنا طارن فر
    والباشا الغشيم في ذاتو .. قعقع ومن كُبادها فطر
    لا ولدن يقول لو انتر .. ولا مهيرتن تقول لو فشر
    ويا الباشا الغشيم .. قول لى جدادك .. كر

    بعد حكت العليها اتوهجت .. برقن بروق عينها
    كُست خلاصي بين ايديها ..
    ما لقيت البلفضو ليها
    وقعت دمعة من ود عيني .. قت أخفيها
    وقعت عيني ذاتها .. عليها ..

    (عدل بواسطة saifkeli on 03-01-2005, 01:44 AM)

                  

03-01-2005, 01:49 AM

Elawad Eltayeb
<aElawad Eltayeb
تاريخ التسجيل: 09-01-2004
مجموع المشاركات: 5318

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ود بادي (Re: saifkeli)

    Quote: حال هذا البلد بكاني ما سكتني
    ريدتن فيهو كيف مالكاني كيف ملكتني
    نارن فيها كيف لاهباني كيف لهبتني


    شكرا أسناذ/ Saifkeli على طلتك الرائعة.

    ولى قدام.
                  

05-05-2005, 03:45 PM

luai
<aluai
تاريخ التسجيل: 02-27-2002
مجموع المشاركات: 2251

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ود بادي (Re: Elawad Eltayeb)

    فوق
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de