|
دعواتكم لزميلنا المفكر د.الباقر العفيف بالشفاء العاجل
|
|
 Re: مدير موقع الكترونى يسرق اعمالى فى سودانيزاونلاين (Re: منتصرمحمد زكى)
|
يا أستاذ محمد المرتضى
السرقات المتل دى
بعد سنة 1994 فى أمريكا
أصبحت فى القانون الأمريكى من ال CRIMES المافيها أى WAIVER يعنى سجن سجن
والسجن بين 10 _ و15 سنة ..
صاحبى ود القرشى كان ممكن يعمل ماجستير أو يعمل عيادة .. ترك ده كلو عشان
التوثيق . عشان اثراء وجدان الناس .
.. والبضحكك جد الحرامى ده عندو تلفونين وفاكس ومكتب .
والله دنيا .
| |
 
|
|
|
|
|
|
|
|
Re: مدير موقع الكترونى يسرق اعمالى فى سودانيزاونلاين (Re: محمد المرتضى حامد)
|
يا دكتور أحمد
سلامات
الجاتك فى بوستك سامحتك ..
خريجيو جامعة سودانيزأونلاين ما قصروا .. الأستاذه وضاحة .. كتبت الأتى فى الصفحة الثانية فى ذلك البوست:
Quote: االسلام عليكم مدير الحوش
يا اخوى البوست الطشتوا ونسبتوا لى نفسك دا ما حق دكتور احمد القرشي فى سودانيز اون لين
على الاقل للامانة تنسب المجهود لى صاحبوا تجى انت تعمل بيست وكوبي
طيب باقى الاعضاء يعملوا شنو
وووين الاخلاق والامانة
دنيا العجايب
هاكم النك اتفرجوا
أغاني الحماسة والسيرة .. محاولة للتوثيق
ودكتور احمد حا يتصل بيك يا حرامى تسرق مجهود غيرك
حسبي الله ونعم الوكيل فيك |
يا أخى أقول ليك حاجة .. قصة حياتى .. سرقها زول ونشرها فى صحية ظلال كردفان بأسمه .. 6 صفحات ..
والله السارق بتاع قصة حياتى إلا يكون شبح بتاعى ما عارف .. عالم تحير بالجد!!!!!!!!!
بريمة
| |
|
|
|
|
|
|
|
|
|
Re: مدير موقع الكترونى يسرق اعمالى فى سودانيزاونلاين (Re: صبري طه)
|
Quote: مش ممكن تتصل عليه بأي وسيلة ...
وتعالج معه الأمر ودّياً ... |
مش كان يتصل بأحمد ويستأذنه في استخدام مادته وديا؟
والله ياصبري أخوي لا أتفق معك قط في هذا الأمر ، من المؤسف
والمحزن أن تجد مجهودك لشهور وليال طوال ممهور بتوقيع أحد
أدعياء المعرفة والثقافة، ياخ دا مش عضو ساي ، دا مدير
موقع ، بعدين ياخ المسألة دي أصبحت كتيره وقد أوردت نماذجا
منها في الرابط أعلاه ويجب التصدي لها بحزم.
مودتي.
| |
|
|
|
|
|
|
|
|
|
Re: مدير موقع الكترونى يسرق اعمالى فى سودانيزاونلاين (Re: Ahmed al Qurashi)
|
أحمد والله سرقة المجهود الفكري أحر من سرقة القروش وأسأل مجرب
بالنسبة للموضوع بتاعك
لو كان جعفر بدري هو من أعلم فأنا أربأ به من أن يكون سارقاً ولو عرفت لأجللته وأحترمته
ولأخذ بجوامع قلبك وعقلك وهو يحدثك
لابد أن هنالك لبس قد حدث فجعفر بدري أكبر من أن يسرق فكر لآخر
أنا أحيلها للسهو وجل من لا يسهو
تحياتي
| |
|
|
|
|
|
|
|
|
|
Re: مدير موقع الكترونى يسرق اعمالى فى سودانيزاونلاين (Re: حمزه بابكر الكوبي)
|
Quote: أحمد والله سرقة المجهود الفكري أحر من سرقة القروش وأسأل مجرب
بالنسبة للموضوع بتاعك |
إتفق معك تماما اخي محمد الطيب.ياخي هسع لمن نسمع بإتلاف مكتبة بغدادا او رمي الكتب في نهر دجلة والفرات بنشعر بنوع من الحسرة. رغم إنو نحنا ما قرينا كتاب واحد من الكتب " المراق مدادها"! فما بالك بمادة ادبية سكب فيها أديبنا أحمد القرشي عصاره وجدانه الجمالي وقرأناها؟.
كامل تضامني مع مبدعنا احمد القرشي،
محبتي
| |
|
|
|
|
|
|
|
|
|
Re: مدير موقع الكترونى يسرق اعمالى فى سودانيزاونلاين (Re: الفاتح ميرغني)
|
Quote: الجاتك في بوستك سامحتك ..
خريجو جامعة سودانيزأونلاين ما قصروا .. الأستاذه وضاحة .. كتبت الأتى فى الصفحة الثانية فى ذلك البوست: |
الأخ العزيز / بريمة محمد
شكرا جدا على حضورك ووقوفك معي ، واشكر الأخت وضاحة لدخولها ذلك الموقع وتوضيحها للحقائق وإعادة الحق لأصحابه ، فهي كانت من المشاركين في معظم بوستاتى ومن قرائها المنتظمين ، أتمنى من الأخ والصديق بكرى ابوبكر أن يعيدها إلى هذا المنبر ، فهي ما زالت وفية لعضويته .
Quote: يا أخى أقول ليك حاجة .. قصة حياتى .. سرقها زول ونشرها فى صحية ظلال كردفان بأسمه .. 6 صفحات ..
والله السارق بتاع قصة حياتى إلا يكون شبح بتاعى ما عارف .. عالم تحير بالجد!!!!!!!!! |
ودى كمان غريبة يا بريمة وغير محتملة
لك كل الود والتقدير
| |
|
|
|
|
|
|
|
|
|
Re: مدير موقع الكترونى يسرق اعمالى فى سودانيزاونلاين (Re: حمزه بابكر الكوبي)
|
...
الدكتور (( القرشي ))
لك التحية والود
أعتقد أن المدير بدري قد إختصر لك الطريق من خلال وضعه لأرقام هواتفه
للإستقصاء منه حول هذه الوضعية .. إن كانت الأرقام فاعلة ومفعلة .
خاصة وأنه ليس موضوعا واحدا .. بمعنى أنه مجزأ الى
وحدات منفصلة حيث كانت فرصة الإستدراك عنده أكبر ..
مستصحبا معك مداخلة طيبة عليها صورة الأستاذ (( بدري ))
وذلك لإستجلاء حقيقة الوضع منه .. مع وضع في الإعتبار أن الرجل
سيكلفك كذلك (( مصاريف الإتصال )) ولكن في سبيل الوصول الى نتيجة
حاسمة في موضوع ليس بالهين يمكن إجراء ذلك ..
لأن مجرد السرقة الأدبية يمكن أن تنسف كلمة (( مدير عام )) لأنها ستكون
صفة بلا رصيد حقيقي .. لكنه إن برر لك الموقف رغم أن التبرير صعب عمليا
بعد الوصلات المتعددة للموضوع .. لكن على الأقل يمكنك أن تقول بأنني فعلت
مايجب علي القيام به .. خاصة وان سمته يبدو منه أبعد من ذلك رغم إدراكي بأن
السمتية ليست معيارا منطقيا بل هي معايير عاطفية إنطباعية ..
(( ننتظر ردود الأفعال فلا تنس أن تعلمنا بها ))[/B]
...
| |
|
|
|
|
|
|
|
|
|
Re: مدير موقع الكترونى يسرق اعمالى فى سودانيزاونلاين (Re: صلاح شكوكو)
|
Quote: اعيد عليك ما قلته لك سابقا
اجمع ماكتبته في كتاب او كتب
وسجل كل اعمالك في فيديو في اي استديو خاص تختاره
ودعمنا الكامل لك ان قبلت ذلك..
واظن ان هذا ليس امرا مستحيل .. |
الأخ العزيز والصديق / مجدي الشيخ
يا ريت لو سمعت كلامك من زمان ، أنا أحسنت الظن بالناس وخاصة المثقفين والمهتمين بالتراث ، ولكنني وجدت كتاباتي فرقت بين القبائل والبعض استأثر بها كلها ، يا مجدي أنت عارف أنا لم أسعى خلف كسب مادي ، وبذلت كل هذا المجهود من اجل التوثيق للتراث السوداني ، لا أريد مكافأة أو شكرا من احد فقط عدة كلمات تشير لكاتب هذه المقالات . ولكنني سأنفذ كلامك حرفيا ، ولقد وعدني الأخ بكرى ابوبكر في بوست الحزن في الأغنية السودانية بطباعة الكتاب وان شاء الله سيرى النور قريبا ومعه كتب أخرى .
أشكرك على وقوفك الدائم معي ودعمك لي
| |
|
|
|
|
|
|
|
|
|
Re: مدير موقع الكترونى يسرق اعمالى فى سودانيزاونلاين (Re: محمد الأمين موسى)
|
Quote: طيب يا عزيزي ...
مش ممكن تتصل عليه بأي وسيلة ...
وتعالج معه الأمر ودّياً ...
ولك كل الود والتقدير ،،، |
الأخ / صبري طه
لك التحية
تعرف يا صبري أنا لا اعرف هذا الشخص ، احدهم طلب منى نص أغنية الواعي ما بوصو برواية بابكر ودنوبة فقلت له اكتب في قوقل اغانى السيرة والحماسة يظهر لك البوست الذي كتبته في سودانيزاونلاين فتجد الأغنية فيه ،ولكنني أُفاجأ به يرسل لي لنك البوست الذي كُتب في موقع الجموعية ، حيث وجد الأغنية متربعة هنالك ومعها بقية البحث ،رجعت إلى قوقل فوجدت كل ماكتبت يظهر منسوبا إلى هذا الرجل والى آخرين كتب عنهم الأخ محمد المرتضى في بوست سابق ، هذا الرجل لم يأخذ منى شيئا ماديا لاسترجعه منه بمكالمة تلفونية ، وإنما بحثا بذلت فيه مجهودا مضنيا وسنوات طوال ،كان متاحا للعامة . كل من يقرأ هذا البحث في ذلك الموقع ينسبه إلى هذا الشخص وبمرور الأيام يصبح ملكا له بوضع اليد ، ببساطة كده يا صبري كل من أراد معلومة عن اغانى الحماسة وكانت ضمن بحثي يجدها منسوبة لآخرين ، وبوسته ليس محصورا في الموقع الذي هو مديره العام وإنما متاح للجميع قراء وباحثين من خلال قوقل ،ويظهر قبل بوستى في نتائج البحث ، في رأيك ننهى هذا الموضوع بمكالمة تلفونية بيني وبينه ! وما ذنب الذين قرأوا موقعه واستقوا منه معلومات ونسبوها إليه ليظلوا مخدوعين طوال عمرهم ؟.
سؤال... لماذا لم يتصل بى هو وايميلى متاح في بروفايلى في سودانيزاونلاين أو أن يضع ما اقتبس بين قوسين في حال عدم معرفته بالكاتب أو ليكتب منقول إلا أن هذا الشخص تعمد أن ينسب هذا الكلام إلى نفسه رغم انه كانت أمامه عدة وسائل ليشير إلى حقي الادبى لا أكثر ومن ثم لا أجد له ذريعة أو حجة أو مبرر في الذي فعل .
لك الود
| |
|
|
|
|
|
|
|
|
|
Re: مدير موقع الكترونى يسرق اعمالى فى سودانيزاونلاين (Re: Ahmed al Qurashi)
|
الاستاذ أحمد القرشي
والله فعلا ده سلوك لا اخلاقي فعلا.
أتمنى ان يرفع بكري هذا البوست عاليا حتى يهتم الجميع وأن يطبق اللوائح بان يبعث برسالة لصاحب الموقع ويخاطبه رسميا ازاء تصرفه المخجل.
كما وأتمنى أن يعتذر لك صاحب الموقع شخصيا ويكتب بوستا آخر في موقعه يوضح فيه ماتم وينسب العمل الي صاحبه الحقيقي.
وأتمنى أن نرتقي ليصبح لنا قانون رادع شكلا ومضمونا عن حقوق الملكية الفكرية وسرقتها.
غير ان الان في بلادي اضحت حتى الارواح تسرق جهارا نهارا.
تحياتي واحترامي.
| |
|
|
|
|
|
|
|
|
 Re: مدير موقع الكترونى يسرق اعمالى فى سودانيزاونلاين (Re: رشا سالم)
|
Quote: استاذنا احمد القرشي
كامل تضامننا معك ولابد من وضع الامور في نصابها
كنت قد كتبت موضوع عن قهاوي امدرمان وجدت الموضوع في مجلة تصدر عن شئون العاملين بالخارج وبقلم صحفية معروفة
حسبنا الله ونعم الوكيل |
الاخ الغزيز / متولى مالك
لك التحية
هولاء الناس لا يعرفون كميةالجهد البدنى والذهنى
الذى يبذل من اجل التحقق من معلومة
ولا يعلمون كمية الالم التى يسببونه لاصحاب الحق بنسب
كتاباتهم وافكارهم الى انفسهم
تعرف بمناسبة موضوع الصحفية الكبيرة التى سرقت موضوعك ، طلب منى قبل سنوات
صحفى كبير ومشهور ورئيس للقسم الثقافى باحدى الصحف نشر كتاباتى فى جريدته فرفضت
فقال لى احد الاصدقاء يجب ان توافق لانه اذا لم تنشرها باسمك فى صحيفته نشرها باسمه
لك التحية والتقدير عزيزى متولى
| |
|
|
|
|
|
|
|
|
|
Re: مدير موقع الكترونى يسرق اعمالى فى سودانيزاونلاين (Re: Ahmed al Qurashi)
|
أخى الفاضل/ أحمد القرشى
هذا موضوع مقلق للغاية رغم الرغبة فى الضحك من تعليقات البعض على ماجرى ويجرى
ولكن القلق نابع من خطورة الاقدام على مثل هذه التصرفات ومالها من تبعات قانونية
تنضوى تحت قوانين الملكية الفكرية ناهيك عن المسؤلية الاخلاقية لبنى وطنك الذين يجتهدون
للتوثيق دون رغبة منهم فى الاسترزاق أو الذين يكتبون ويوثقون كممتهنين ولاغضاضة فى
ذلك.
أذا بدر هذا السلوك من شخص أو اشخاص ايفاع تنقصهم الخبرة ولغرض فى نطاق ضيق كبحث لمادة مدرسية
واهملوا نسبة أصل مصدر المعلومة الى صاحبها فسنجد لهم العذر ولكن ان تبدر من صاحب موقع وهو يعتبر
فى عداد (المستنيرين والمثقفين) فتلك المصيبة.
فى اعتقادى يا أحمد ان هذا الموضوع أكبر من قشرة بسيطه بموضوعك ولكنها اصبحت ظاهرة مزعجة يتوجب
علينا تناولها لأنها لها تداعيات أكبر من عملية (قبضتك متلبسا), انها تدخل فى صميم أخلاق
وأصول البحث العلمى والنشر والذى نفترض المام الكتاب بأبجديانه.
عزيزى أحمد, لا أود ان أنحى بمحنتك منحى قانونى أو أكاديمى ولكن قلبى معك وكلنا نعانى ونحن نكتب وننشر
المقالات والبحوث فى الشأن العام وللمنفعة العامة دون أى عائد مادى والتى تستغرق الوقت وتأخذ من الراحة.
لاأدرى مايجب عمله فى هذه الحالة بالذات ولكنى رهن الاشارة اذا كان يمكننى أن أقدم أى شئ يعينك على استرداد
حقك الأدبى او على الأقل فضح المتعدى ولك ودى.
| |
|
|
|
|
|
|
|
|
|
Re: مدير موقع الكترونى يسرق اعمالى فى سودانيزاونلاين (Re: Ahmed al Qurashi)
|
الدكتور احمد قرشي ..
| Quote: لم يشر إلى اسمي أو إلى سودانيزاونلاين في كل الصفحات |
الرجل كاتب اسمك في كل مداخلة يجب عليك اعادة قراءة الرابط الذي احضرته ..
يبدو ان الرجل اراد ان ينشر مجهودكم الجبار ولم يحاول سرقته والدليل وجود اسمك في كل المداخلات..
ربما كان حجم الخط المكتوب به اسمك في اعلى كل مداخلة غير مناسب لكنه موجود ..
تحياتي..
| |
|
|
|
|
|
|
|
|
|
Re: مدير موقع الكترونى يسرق اعمالى فى سودانيزاونلاين (Re: Haitham Labib)
|
الأخ الصديق د. القرشي
Quote: الدكتور احمد قرشي ..
Quote: لم يشر إلى اسمي أو إلى سودانيزاونلاين في كل الصفحات
الرجل كاتب اسمك في كل مداخلة يجب عليك اعادة قراءة الرابط الذي احضرته ..
يبدو ان الرجل اراد ان ينشر مجهودكم الجبار ولم يحاول سرقته والدليل وجود اسمك في كل المداخلات..
ربما كان حجم الخط المكتوب به اسمك في اعلى كل مداخلة غير مناسب لكنه موجود ..
تحياتي.. |
| |
|
|
|
|
|
|
|
|
|
Re: مدير موقع الكترونى يسرق اعمالى فى سودانيزاونلاين (Re: MOHAMMED ELSHEIKH)
|
العزيز وغالي
احمد القرشي
الراجل قصد تعميم الخير لكنه خانه التعبير ،،عن اهمية التوثيق ،
اسمك مكتوب اعلى الصفحة ...
في مثل هذه المقالات المنقولة لابد من كتابة متأنية وعلمية ... وده من حقك..
اهمية ترتيب الكتابة اولها كتابة اعلى المقال
مقال :منقول من ....
من تأليف الكاتب ......
والتأكيد نهاية المقال
وبخط واضح بمعنى ان يكون البنط مقاسه واضح جدا
لنعتبر ان الرجل قصده خيرا
وبالله عيك البتحبوا لو عندك مقالات عن رقيص زمان اكتبوا با اسمي من هسة
لاني سارقو سارقو ..
محبة ابدية
ومودة نقية
ودمت للتوثيق والكتابةالرائعة 
| |
|
|
|
|
|
|
|
|
|
Re: مدير موقع الكترونى يسرق اعمالى فى سودانيزاونلاين (Re: Ahmed al Qurashi)
|
Quote: يا مرتضى عندما تكتب اغانى السيرة والحماسة
في قوقل بجييك بوست الزول أول حاجة
لم يشر إلى اسمي أو إلى سودانيزاونلاين في كل الصفحات
وهو المدير العام للموقع
ولقد وضع اسمه وأرقام تلفوناته في البوست
دون خجل
دا نسميهو شنو
ياربى أنا السرقت منو وما جايب خبر |
تحياتي دكتور أحمد
ظلمت الراجل يا دكتور
في نهاية كل صفحة تجد (أغانى السيرة والحماسه والدلوكه - توثيق للدكتور أحمد القرشى)
أرجو عدم التسرع واتهام الناس
| |
|
|
|
|
|
|
|
|
|
Re: مدير موقع الكترونى يسرق اعمالى فى سودانيزاونلاين (Re: Ahmed al Qurashi)
|
الأخ الحبيب دكتور احمد القرشى، تحياتى ومودتى لشخصكم الكريم ، للأسف هذه ظاهرة منتشرة بصورة وبائية فى المنتديات ولايوجد رادع فعال لوقفها، أعتقد ان هناك من يحمى المبدعين والكتاب وأنتاجهم المتنوع ضمن قوانين الملكة الفكريةوالتى لابد من تفعيلها حماية لحقوق المبدعين، تضامنى الكامل معكم ياحبيب.
| |
|
|
|
|
|
|
|
|
|
Re: مدير موقع الكترونى يسرق اعمالى فى سودانيزاونلاين (Re: Ahmed al Qurashi)
|
الأخ أحمد ،
هوِّن عليك،
الرجل بنفسه أقر بما فعل في الصفحة الثانية
لموضوعه في الموقع وعاتب وضاحة على ما كتبته،
لاتحتاج لإنزال صور لإثبات قولك أن الرجل عدل
الموضوع اليوم وأضاف إسمك،
الإعتراف سيد الأدلة.
Quote: اولا نرحب بالأخت وضاحه
والأخ ود البلد
واقول للأخت وضاحه لك الشكر وبردى نفسك شويه ،دخلتك علينا خربتى بيها المنتدى كلو ، وفعلا الموضوع منقول ولم اذكر اننى انا كاتبه ، ولن اجرؤ او اتطاول على حقوق الدكتور احمد، كما اننى لم انقل الموضوع مباشرة من البوست الموضح بالرابط وانما نقلته من موقع آخر ومجهز بنفس الطريقه المسرود بها هنا ولم اكن اعلم انه للدكتور احمد يعنى انا ناقل من ناقل ولكن مادام عرف السبب بطل العجب وبرد الزعل وعلى الأشهاد اقول ان الموضوع منقول وقد قمت بتعديل العنوان وأرجعنا الحقوق الى اصحابها ولكن القصد الذى عنيناه ان تعم الفائده وليس (الحراميه كما اطلقتى على )وعلى العموم ربنا يسامحك وكان الأفضل كما ذكر الأخ ود البلد ان تخاطبينى فى هذا البوست فقط وتنتظرى ردى او برساله ولكنك اعلنتى على الحرب دون سبب واضح او معرفه سابقه لشخصى
اشكرك والأخ ود البلد على المرور ولكم العتبى والدكتور احمد حتى ترضو مع خالص الموده والتقدير
_________________
جعفر بدرى الأمين بدرى
تلفون 0912941553
او سودانى 0121010977 |
| |
|
|
|
|
|
|
|
|
|
Re: مدير موقع الكترونى يسرق اعمالى فى سودانيزاونلاين (Re: محمد المرتضى حامد)
|
الاخ العزيز / محمد الطيب يوسف
شكرا جزيلا لمداخلتك وحضورك
تعرف يا محمد أنا لم اذكر اسم صاحب البوست في حديثي وإنما ذكرت واقعة محددة ، وفى علم الكمبيوتر يعتبر كل من نقل مادة أو معلومة دون إذن صاحبها أو الإشارة إليه يعتبر سرقة فكرية وينطبق نفس الوصف في حالة النشر في الكتب أو الصحافة ، ومن هنا جاء استعمالي لكلمة سرقة لان هذا هو الوصف المتعارف عليه دوليا في مثل هذه الحالات. وكل من قرأ البوست في ذلك الموقع لا شك انه سينسبه إلى الأستاذ جعفر بدري أو كل من لجأ إلى قوقل للبحث عن معلومة عن اغانى الحماسة سيجدها منسوبة للأستاذ جعفر بدري .
المهم أخيرا رجع الحق إلى أصحابه
لك كل التقدير والاحترام
| |
|
|
|
|
|
|
|
|
|
Re: مدير موقع الكترونى يسرق اعمالى فى سودانيزاونلاين (Re: Ahmed al Qurashi)
|
الشكر موصول لأخي السني أبوالعزائم الذي نبهني إلى
مضمون الصفحة الثانية المعنية بالموضوع بالموقع
المعني.
تحايا كثر لموقع الجموعية والإعتراف ب (النقل) فضيلة
وكان يمكن العمل بالإشارة إلى المالك ولكفانا ذلك
كبدا وعنتا كثيرين.
خارج المدار:
والله يا أحمد حلقة بادي محمد الطيب بالأمس كانت جد رائعة
ومؤثرة خصوصا حديث شقيقته عائشة ، أصلو اليومين ديل
دمعتنا في طرف الرمش. بالله شُفتَ أغنية مسوا نوركم دي
قوقا فيها كيف؟ ياخ والله عائشة لما قالت وهو في سرير
المرض غنى ليها(جسمي المنحول) ما عرفت أمشي وين.
الله يرحمك يا الشيخ طه.
| |
|
|
|
|
|
|
|
|
|
Re: مدير موقع الكترونى يسرق اعمالى فى سودانيزاونلاين (Re: طارق جبريل)
|
الأخ الحبيب دكتور طارق جبريل ، تحياتى ، صدق ياقريبى أنت أكثر واحد فى المنتدى بتلطش أعماله وبوستاته ، وبالفعل تابعت فى احد المنتديات التى اتعامل معها ان شخص مسئول فى المنتدى أياه متخصص فى لطش بوستاتك ونسبها لنفسه مستغلا ان اسمه الأول كأسمك وهو سادر فى تيهه بدون وازع ويتلقى التهانى على ابداعه المزعوم ، شىء قبيح جدا وينمى عن عدم أخلاق وضعف فى النفس والذات، لابد من تفعيل قوانين الحماية الملكية لحماية المبدعين أمثالك والتوةثيق لهم وحفظ حقوقهم المادية والمعنوية ، ياليت لو يساعد الريس بكرى فى هذه المهمة، مع خالص مودتى لشخصكم العزيز .
| |
|
|
|
|
|
|
|
|
|
Re: مدير موقع الكترونى يسرق اعمالى فى سودانيزاونلاين (Re: محمد المرتضى حامد)
|
Quote: خارج المدار:
والله يا أحمد حلقة بادي محمد الطيب بالأمس كانت جد رائعة
ومؤثرة خصوصا حديث شقيقته عائشة ، أصلو اليومين ديل
دمعتنا في طرف الرمش. بالله شُفتَ أغنية مسوا نوركم دي
قوقا فيها كيف؟ ياخ والله عائشة لما قالت وهو في سرير
المرض غنى ليها(جسمي المنحول) ما عرفت أمشي وين.
الله يرحمك يا الشيخ طه. |
والله ياود المرتضى التقول توارد خواطر .. وأنا راجع اليوم من العمل بعد الظهر .. الظاهر كانت إعادة الحلقة .. اتصلت علي ست الحبايب .. قالت لي أفتح تلفزيون السودان حلقة عن بادي .. قلت ليها أنا بره البيت لكن بلحقه .. أتصلت على حكومتنا المصونة .. بالله عليك سجلي لي حلقة بادي .. دخلت وأستمتعت بأغنية لي نية في قمر السما مع البعيو ثنائي والباقي لسه ماشفتو .. بس ياود المرتضى لى هسه قلبي واجعني أني ماحضرتها بس مسجل منها زي نص ساعة كده ..
نسأل له الرحمة ..
أعذرنا يادكتور حولنا مسار البوست شوية ..
داخل المدار ..
الهدف الرئيسي من توثيق أي مادة .. لكي تكون متوفرة للعامة والقراء .. بس إحترام وحفظ حقوق الموثق ضرورية جداً وبالذات أن كانت من بنات أفكاره الخاصة .. يعني زبدة الكلام " على قولة أخوانا الخلاوجة ( مايجيني سيبويه يكتلني هسه في الجمع ده )" الأخ / جعفر بدري عمل خطوة كويسة بأنو أشار للدكتور أحمد القرشي .... ويادكتور ماقلنا ليكم أجرو .. دي بحكيها ليكم بعدين ... زي ماقال الدكتور مجدي .. الكتاااااااااااااااااااااب ..
| |
|
|
|
|
|
|
|
|
|
Re: مدير موقع الكترونى يسرق اعمالى فى سودانيزاونلاين (Re: Ahmed al Qurashi)
|
د. أحمد القرشي .... تحياتي.
أعلن جميع المتداخلين هنا - وأنا منهم - تضامنهم معك .. ولكن .........
لنتفق أن مجرد التضامن لا يرد حق مسلوب (أو يحمي حقوق معرّضة للسلب). المجهود التوثيقي الجبّار الذي قمت به فيه ثورة على ثقافة المشافهة التي أصبحت جزءاً منّا للأسف الشديد.
ما أريد قوله هنا: ما دام ثبت أو أُرجع الحق لك باعتراف ناشر الموضوع ونسبه الموضوع إليك يكون نصف المشوار قد إنقضى، لأن في مثل هذه الأحوال أرى أن الإجراء العملي الواجب إتّخاذه هو مقاضاة المتعدّي أوّلاً، ثم الإنتباه لتسجيل الحقوق وحماية ملكيتك الفكرية لكل ما تقوم به، فربما كان رجوع الحق إليك لمجرد فتح هذا البوست يعود لحسن نية ناقل موضوعك، وربما لا تحصل على نتيجة إذا تكرر الموضوع بسوء نية.
تحياتي واحترامي.
| |
|
|
|
|
|
|
|
|
|
Re: مدير موقع الكترونى يسرق اعمالى فى سودانيزاونلاين (Re: محمد أبوالعزائم أبوالريش)
|
والله يا هيثم صدقت تلك المرأة في كل حرف سردته عن حوارها مع بادي و بادي ياهو كده
بادي أقام مع أحمد القرشي هنا في مسقط 4 شهور كانت من أجمل الأيام التي قربتنا من
ذلك الشامخ الراحل ، بساطه ونضافه وطيبه واحترام وفن حتى تحس أنك تصلي
وأنت تجالسه.
بالله يا هيثم لو سجلت الحلقه دي نزل كلام عائشه في اليوتيوب وكلمنا.Quote: اتصلت علي ست الحبايب .. قالت لي أفتح تلفزيون السودان حلقة عن بادي ..
قلت ليها أنا بره البيت لكن بلحقه .. أتصلت على حكومتنا المصونة |
ياخ دي في التمانيات ،
الدور الجاي إتصل بالمعارضه.
محمد أبوالعزائم كيفك ياخ،
الموضوع دا إشتغل فيهو السني أبو العزائم باعتباره wizard في التعديلات.
وأحمد القرشي يستاهل لأنو فضيلي قال ليهو أطبع إنتاجك قبل أن
يطبعه غيرك بإسمه فتستنشق نشادر.
| |
|
|
|
|
|
|
|
|
|
Re: مدير موقع الكترونى يسرق اعمالى فى سودانيزاونلاين (Re: هاشم محمد الحسن عبدالله)
|
دكتور القرشى
حسن فعلت فى استنكار ما حدث بهذا البوست
والحمد لله آتى أكله ، ولربما يفيد لقادمات الايام فى منابر أخرى
لكنى ايضاً لاحظت نقصا فى التعديل كان الاجدر بالكاتب انيشير لصاحب البوست وللمصدر ، فحقوق هذا الموقع سودانيز اونلاين ايضاً مهمة فى حفظ حقوق البوست
انا لست مع سوء الظن لكن، يقظة المتابعين دائما ترجع الامور لنصابها ، فالحمد لله ان هيأ الله لنا منبر كهذا يعلو منه صوتنا ورأينا ونطالب عبره بحقوقنا
لك وللأسرة تحايا صادقات أخى أحمد . . .
| |
|
|
|
|
|
|
|
|
|
Re: مدير موقع الكترونى يسرق اعمالى فى سودانيزاونلاين (Re: يوسف الولى)
|
| Quote: وبوسته ليس محصورا في الموقع الذي هو مديره العام وإنما متاح للجميع قراء وباحثين من خلال قوقل ،ويظهر قبل بوستى في نتائج البحث ، في رأيك ننهى هذا الموضوع بمكالمة تلفونية بيني وبينه ! |
بالتأكيد لا...
الأستاذ أحمد القرشي
أعتقد من أكثر ما يغري أي شخص بالإستمرار في تجاهل حقوق الأخرين، بل و إتباع مزيد من الناس نفس الأسلوب هو تنازلنا عن حقوقنا.
هذا الجهد أقيم من أن تتركه هكذا، و أقيم من ان يضيف أسمك الأن فقط بعد أن إستباحه لزمان، اقترح عليك أن تحولها الي قضية قانونية و ذلك بالإتصال بالدكتور حسام أحمد حسين أستاذ القانون و دكتوراه في الملكية الفكرية و مكتبه بالسودان، إن أحببت أرسل لي علي المسنجر و سأبعث لك بتلفونه و عنوانه البريدي.
فلتجعلها سابقة لوقف (التغول) الإليكتروني.
| |
|
|
|
|
|
|
|
|
|
Re: مدير موقع الكترونى يسرق اعمالى فى سودانيزاونلاين (Re: عادل سهل)
|
الأخ العزيز / كوستاوى
لك التحية
للحقيقة والتاريخ إن الأخ عبدالرحمن الحلاوى هو من المشاركين معي في كل بوستاتى ولقد استأذن منى كتابيا في بوست اغانى الحماسة وطلب منى نقل البوست إلى موقع الحلاويين ولقد أعطيته الإذن كاملا لينقل كل ما اكتب ، ولقد كتب اسمي في البوست واضحا وفى كل الصفحات ، له التحية والتقدير ولكل اهلى الحلاويين والرحمة والمغفرة للفنان الكبير الراحل بادي محمد الطيب في ذكرى وفاته الثالثة .
وهنا كان السماح للاخ عبدالحمن بنقل البوست
Re: أغاني الحماسة والسيرة .. محاولة للتوثيق
شكرا اخى كوستاوى لحرصك
والعتبى لك عزيزى عبدالرحمن حتى ترضى
ولكم جميعا محبتى وتقديرى
| |
|
|
|
|
|
|
|
|
|
Re: مدير موقع الكترونى يسرق اعمالى فى سودانيزاونلاين (Re: Ahmed al Qurashi)
|
للأخوة المتداخلين الذين اتهموا الأخ أحمد بالتسرع فى الحكم
على الشخص المذكور والذين حاولوا اضفاء العفوية السودانية
على نهج (باركوها) أقول لهم أن طبيعة وهواية الأخ أحمد هى
التوثيق, والتوثيق برئ براءة الذئب من التسرع و(اللفافة)
كما يحلو لأهلنا فى كردفان لأنها غارقة فى التمحيض والتأنى وهاهو الأخ أحمد يثبت ما أرمى اليه
بتزويدنا بالموقع قبل الاشارة اليه, وبعد نشره لهذا البوست.
دافعى للتركيز على هذا المنحى هو أن هذا الأمر أكبر بكثير من حادثة
طارئة حدثت لأخونا أحمد, ولكنها تدخل فى صميم التثقيف بالملكية الفكرية
وحقوق النشر والتداول الثقافى الدولى وأن هذه الظاهرة ليست حصرا
على السودان والسودانيين ولكنها ظاهرة عالمية. مايدعونا للتحذير
هو أننا كسودانيين لم يأخذها البعض منا مأخذ الجد والالتزام الادبى بها.
دعوتى هنا ليست بغرض ارسال أخوان الشيلة بالعكاكيز الاسفيرية للنيل
من المتعدى ولكنها دعوة لتناول هذه الظاهرة بغرض الاثراء الفكرى والتثقيفى
وحتى لنأصل هذه الثقافة فى الأجيال الجديدة والتى تعتزم الدراسة والبحث فى
السودان أو الغرب لأن تجاوز قوانين الملكية الفكريةله عواقب جنائية هنا الغرب.
فى اعتقادى أن هدف أحمد هو التنبيه لظاهرة هى أكبر من أحمد وهى فى صميم طرح الفكر
وتأصيل ثقافة الأمانة الفكرية. ولكم ودى
| |
|
|
|
|
|
|
|
|
|
Re: مدير موقع الكترونى يسرق اعمالى فى سودانيزاونلاين (Re: سيف عبد العزيز)
|
Quote: للحقيقة والتاريخ إن الأخ عبدالرحمن الحلاوى هو من المشاركين معي في كل بوستاتى ولقد استأذن منى كتابيا في بوست اغانى الحماسة وطلب منى نقل البوست إلى موقع الحلاويين ولقد أعطيته الإذن كاملا لينقل كل ما اكتب ، ولقد كتب اسمي في البوست واضحا وفى كل الصفحات ، له التحية والتقدير ولكل اهلى الحلاويين والرحمة والمغفرة للفنان الكبير الراحل بادي محمد الطيب في ذكرى وفاته الثالثة .
وهنا كان السماح للاخ عبدالحمن بنقل البوست
Re: أغاني الحماسة والسيرة .. محاولة للتوثيق
شكرا اخى كوستاوى لحرصك
والعتبى لك عزيزى عبدالرحمن حتى ترضى
ولكم جميعا محبتى وتقديرى |
شكراً شكراً أخي د. أحمد القرشي وهذا من طيب أصلك ,,,اتصالكم الهاتفي أثلج صدورنا ...فقد أزال سخيمة اعترتنا جراء رذاذ بعض الزملاء ولكم التحية والتقدير ...وواصل في التوثيق ...نأمل في فتح بوست خاص لطيب الذكر بادي محمد الطيب في ذكرى رحيله الثالثة ولكم التحية
| |
|
|
|
|
|
|
|
|
|
Re: مدير موقع الكترونى يسرق اعمالى فى سودانيزاونلاين (Re: Ahmed al Qurashi)
|
Quote: تحياتي دكتور أحمد
ظلمت الراجل يا دكتور
في نهاية كل صفحة تجد (أغانى السيرة والحماسه والدلوكه - توثيق للدكتور أحمد القرشى)
أرجو عدم التسرع واتهام الناس |
لعل الأخ سيف اليزل لم يقرأ إقرار الرجل بنفسه ولم يطلع على مداخلة د. أمبده
وتيسيرا للأخ سيف اليزل نورد إقرار الأخ جعفر مرة أخرى.
Quote: : اولا نرحب بالأخت وضاحه والأخ ود البلد
واقول للأخت وضاحه لك الشكر وبردى نفسك شويه ،دخلتك علينا خربتى بيها المنتدى كلو ، وفعلا الموضوع منقول ولم اذكر اننى انا كاتبه ، ولن اجرؤ او اتطاول على حقوق الدكتور احمد، كما اننى لم انقل الموضوع مباشرة من البوست الموضح بالرابط وانما نقلته من موقع آخر ومجهز بنفس الطريقه المسرود بها هنا ولم اكن اعلم انه للدكتور احمد يعنى انا ناقل من ناقل ولكن مادام عرف السبب بطل العجب وبرد الزعل وعلى الأشهاد اقول ان الموضوع منقول وقد قمت بتعديل العنوان وأرجعنا الحقوق الى اصحابها ولكن القصد الذى عنيناه ان تعم الفائده وليس (الحراميه كما اطلقتى على )وعلى العموم ربنا يسامحك وكان الأفضل كما ذكر الأخ ود البلد ان تخاطبينى فى هذا البوست فقط وتنتظرى ردى او برساله ولكنك اعلنتى على الحرب دون سبب واضح او معرفه سابقه لشخصى
اشكرك والأخ ود البلد على المرور ولكم العتبى والدكتور احمد حتى ترضو مع خالص الموده والتقدير
_________________
جعفر بدرى الأمين بدرى
تلفون 0912941553
او سودانى 0121010977 |
| |
|
|
|
|
|
|
|
|
|
Re: مدير موقع الكترونى يسرق اعمالى فى سودانيزاونلاين (Re: محمد المرتضى حامد)
|
الحبيب ود القرشي
درس بليغ في المطالبة بالحقوق وما ضاع حق ومن ورائه طالب.
إهدار الحقوق شيئ عادي في عالم اليوم إمَّـا للتواضع من عدم ملاحقتها أو تكاسل.
ليت الجميع يحذو حذوك.
قرأت اعتذار الأستاذ جعفر بدري في ذاك الموقع، ولا بـدَّ أنه يتابع هذا البوست، لذا أرجو منه
أنْ يرسل لك رسالة اعتذار، خاصة وأنك أصبحت معروفـاً له الآن.
تحياتي
ثمب أب.
| |
|
|
|
|
|
|
|
|
|
Re: مدير موقع الكترونى يسرق اعمالى فى سودانيزاونلاين (Re: إسماعيل التاج)
|
Quote: تحياتي دكتور أحمد
ظلمت الراجل يا دكتور
في نهاية كل صفحة تجد (أغانى السيرة والحماسه والدلوكه - توثيق للدكتور أحمد القرشى)
أرجو عدم التسرع واتهام الناس |
الأخ / سيف اليزل ..
تعرف لوكنت شوية قريت البوست زي ماقال ليك دكتور احمد القرشي للنهاية وما أتسرعت .. كنت عرفت منو مُتَهم ومنو مُتهِم .. وبوست زي حق السيرة ده مستحيل يكون نزل في النت كده سااااااكت فلازم الشخص العاوز ينقلو يتأكد من المصدر ويقوقيلو .. كان بيطلع ليهو إسم الدكتور وحتى لو نقلو من ناقل .. الأخوان مامقصرين في أي مكان نزل البوست ده أشاروا وحفظو حق الدكتور .
أخونا سيف اليزل ..
أتمنى أنك ماتتسرع في أحكامك .. مع الشكر
| |
|
|
|
|
|
|
|
|
|
Re: مدير موقع الكترونى يسرق اعمالى فى سودانيزاونلاين (Re: Haitham Labib)
|
الأخ العزيز الأستاذ / سيف عبدالعزيز
دائما استعذب كتاباتك لأنها تتميز بالعلمية والمنطق السليم والحجة القوية، والمفردات المناسبة والجمل المرتبة والمتسقة ، مما يجعل فكرتك تصل للقارئ بكل سهولة ويسر ليستوعبها ويهضمها سريعا .
نبحث دائما عن اسمك في هذا المنبر لنقرأ ما تكتب أولا من اجل زيادة حصيلتنا من المعلومات وثانيا للاستماع بلغتك الرصينة والأنيقة .
أشكرك كثيرا على مداخلاتك في هذا الموضوع والتي أضافت إليه بعدا علميا وقانونيا وفتح لنا آفاقا جديدة لمناقشة الموضوع من زوايا مختلفة ، لأنها تحمل أفكارا جديدة واراءا ثاقبة ، أتمنى أن يتناول الكُل موضوع السرقات الأدبية حسب طرحك المنطقي والجاد حتى نجد علاجا لهذه المشكلة في السودان .
لك التحية والتجلة والتقدير وعبرك للأستاذة أمل كرار وأتمنى أن تكون قد تجاوزت مرحلة الحزن والألم بالرغم من جلل المصاب وفادحة فقد الوالدة
مودتى عزيزي سيف
| |
|
|
|
|
|
|
|
|
|
Re: مدير موقع الكترونى يسرق اعمالى فى سودانيزاونلاين (Re: Ahmed al Qurashi)
|
Quote: بكرم شخصك اتوقع نسيان الأمر
و الى توثيق آخر لايغري بالسرقة
بل بالنهب المصلح |
الاخ العزيز / محمد الشيخ
من امس انا كنت بصدد نسيان هذا الامر
وقفل الموضوع بعد شكر المتداخلين معى حسب الاصول
ولكنى افاجأ باحدهم يرمينى بالتسرع واتهام الناس بعد تكشف الحقيقة
وثبوت صحة كلامى
المهم اشكرك كثيرا على متابعتك وحرصك
ولك منى المودة والتقدير
| |
|
|
|
|
|
|
|
|
|
Re: مدير موقع الكترونى يسرق اعمالى فى سودانيزاونلاين (Re: Ahmed al Qurashi)
|
..
.
سلام يا دكتور قرشي ؛
اولا انا شايف اهم شئ تبدأ تجمع مادتك
وتطبعها والطباعة عندكم ما مكلفة ..وكدا بتكون
وثقت وضمنت كتاباتك ..
وتانى شئ نهنئك على الحق الأدبي
وتفهم (المدير العام) لموقع الجموعية
وتصحيح الخطأ وما ضاع حق وراءه مطالب ..
-----------
ولا يفوتنى ان نكرر النداء لبكرى ابوبكر
بعودة د.وضاحة انا ماعارف المشكلة شنو ؟؟
لكن زوله متابعة وبتطالب بحقوق الاعضاء تستحق
ان تكون بيننا ..
| |
|
|
|
|
|
|
|
|
|
Re: مدير موقع الكترونى يسرق اعمالى فى سودانيزاونلاين (Re: Ahmed al Qurashi)
|
| Quote: ما أريد قوله هنا: ما دام ثبت أو أُرجع الحق لك باعتراف ناشر الموضوع ونسبه الموضوع إليك يكون نصف المشوار قد إنقضى، لأن في مثل هذه الأحوال أرى أن الإجراء العملي الواجب إتّخاذه هو مقاضاة المتعدّي أوّلاً، ثم الإنتباه لتسجيل الحقوق وحماية ملكيتك الفكرية لكل ما تقوم به، فربما كان رجوع الحق إليك لمجرد فتح هذا البوست يعود لحسن نية ناقل موضوعك، وربما لا تحصل على نتيجة إذا تكرر الموضوع بسوء نية. |
الأخ العزيز / محمد أبو العزائم ابوالريش
أشكرك على الحضور والتضامن الذي اسعدنى كثيرا
تعرف يا محمد كان قصدي في كل ما اكتب هو التوثيق للفن السوداني
ولقد نُشرت هذه المقالات في عدة مواقع ولم اعترض لأنهم أشاروا إلى
الكاتب والى الموقع الذي نقل منه
لكن ما يحز في النفس هو النقل الكامل بدون اى إشارة لكاتب الموضوع
الحمد لله إن هذا البوست قد ارجع الحق إلى أصحابه ،
وان شاء الله سأعمل على حماية كل هذا التوثيق بكافة الطرق
لك التحية والتقدير والمودة
| |
|
|
|
|
|
|
|
|
|
Re: مدير موقع الكترونى يسرق اعمالى فى سودانيزاونلاين (Re: Ahmed al Qurashi)
|
الأخ العزيز والصديق / عادل سالم جمعة سهل
سلامات
أشكرك كثيرا على متابعتك ودعمك المستمر لي
وكذلك تشجيعك الدائم في كل ما اكتب
نحن تعلمنا منك الكثير منذ أن كنت رئيسا لنا في اللجنة التنفيذية
لرابطة طلاب كردفان بجامعة الخرطوم ، ورئيسا لطلاب منطقة بارا بجامعة
الخرطوم
سعيد جدا بالتواصل معك ووقفك معي
لك التحية والتجلة والاحترام
| |
|
|
|
|
|
|
|
|
|
Re: مدير موقع الكترونى يسرق اعمالى فى سودانيزاونلاين (Re: Ahmed al Qurashi)
|
Quote: بالتأكيد لا...
الأستاذ أحمد القرشي
أعتقد من أكثر ما يغري أي شخص بالإستمرار في تجاهل حقوق الأخرين، بل و إتباع مزيد من الناس نفس الأسلوب هو تنازلنا عن حقوقنا.
هذا الجهد أقيم من أن تتركه هكذا، و أقيم من ان يضيف أسمك الأن فقط بعد أن إستباحه لزمان، اقترح عليك أن تحولها الي قضية قانونية و ذلك بالإتصال بالدكتور حسام أحمد حسين أستاذ القانون و دكتوراه في الملكية الفكرية و مكتبه بالسودان، إن أحببت أرسل لي علي المسنجر و سأبعث لك بتلفونه و عنوانه البريدي.
فلتجعلها سابقة لوقف (التغول) الإليكتروني |
الاخ العزيز / بشير ابوسالف
شكرا جزيلا لاهتمامك وحرصك والذى ايهجنى واسعدنى
وممتن لعرضك السخى ومساعدتك لحماية الحقوق
استجابة لرغبة الكثير من الاصدقاء سأكتفى فى الوقت الحاضر بهذا البوست
ولكننى ساتصل بك للتواصل مع الدكتور حسام احمد حسين للاستشارة القانونية فى مجال الملكية الفكريةوللحماية المستفبلية
لك كل الود والاحترام والتقدير
| |
|
|
|
|
|
|
|
|
|
Re: مدير موقع الكترونى يسرق اعمالى فى سودانيزاونلاين (Re: Ahmed al Qurashi)
|
الحبيب ود القرشي
درس بليغ في المطالبة بالحقوق وما ضاع حق ومن ورائه طالب.
Quote: إهدار الحقوق شيئ عادي في عالم اليوم إمَّـا للتواضع من عدم ملاحقتها أو تكاسل.
ليت الجميع يحذو حذوك.
قرأت اعتذار الأستاذ جعفر بدري في ذاك الموقع، ولا بـدَّ أنه يتابع هذا البوست، لذا أرجو منه
أنْ يرسل لك رسالة اعتذار، خاصة وأنك أصبحت معروفـاً له الآن.
|
الأخ العزيز والحبيب / إسماعيل التاج
سلامات
كان لا بد لى من كتابة هذا البوست ليس للتشهير بأحد وإنما لحفظ الحقوق ، وكم من حقوق ضاعت حسب حديثك نتيجة للتواضع والتسامح والتكاسل أو عدم الملاحقة ، قبل فترة تعدى احدهم على نفس البوست ولقد ابتدر الأخ محمد المرتضى حامد بوستا بذلك ، ولم نحفظ البوست فى حينه ولكن الشخص المعنى قام بتعديل بوسته وكتابة منقول في زاوية مخفية في نهاية المداخلة الأولى ، ولا يلدغ المؤمن من جحر مرتين فهذه المرة قمنا أولا بحفظ البوست ثم طالبنا بالحقوق ، وحتى بعد ظهور الحقيقة ما زال البعض مكابرا. واتفق معك ان يعتذر كل من اخطأ ولكن يا اسماعيل الاعتذار عند البعض ضعف وخطيئة.
عزيزي إسماعيل
سعيد جدا بحضورك الأنيق وكلماتك الطيبة ومساهمتك المفيدة
لك كل الود والتقدير
| |
|
|
|
|
|
|
|
|
|
Re: مدير موقع الكترونى يسرق اعمالى فى سودانيزاونلاين (Re: Ahmed al Qurashi)
|
Quote: سلام يا دكتور قرشي ؛
اولا انا شايف اهم شئ تبدأ تجمع مادتك
وتطبعها والطباعة عندكم ما مكلفة ..وكدا بتكون
وثقت وضمنت كتاباتك ..
وتانى شئ نهنئك على الحق الأدبي
وتفهم (المدير العام) لموقع الجموعية
وتصحيح الخطأ وما ضاع حق وراءه مطالب ..
-----------
ولا يفوتنى ان نكرر النداء لبكرى ابوبكر
بعودة د.وضاحة انا ماعارف المشكلة شنو ؟؟
لكن زوله متابعة وبتطالب بحقوق الاعضاء تستحق
ان تكون بيننا .. |
الأخ العزيز / صالح
سعيد جدا انك استطعت ولو قليلا أن تتخطى وتتجاوز الحزن الناتج من فقد الوالد ، وأدعو الله له بالرحمة والمغفرة وان ينزله منزلة مع الصديقين والشهداء وحسن أولئك رفيقا .
أؤكد لك عزيزي صالح اننى بدأت في تجميع المادة الخاصة باغانى الحقيبة وهى في مرحلة المراجعة وان شاء الله قريبا سيرى الكتاب النور ليكون مرجعا لتاريخ أغنية الحقيبة وأدعو الله أن يوفقنى في تقديم معلومة صادقة وحقيقة ترضى جميع المهتمين ، وأشكرك كثيرا على تضامنك ووقوفك معي ، ومعك أدعو الأخ والصديق بكرى ابوبكر أن يعيد الأخت وضاحة إلى هذا المنبر فهي ما زالت وفية له ومتابعة لكتاباته ، ومدافعة عن حقوقه وحقوق أعضائه في المواقع الأخرى .
لك الشكر عزيزي صالح عبدالرحمن
ومنى كل الحب والتقدير والمودة
| |
|
|
|
|
|
|
| |
Ahmed al Qurashi
محمد المرتضى حامد
منتصرمحمد زكى
Osman Musa
بريمة محمد
Magdi Ahmed Elsheikh
Mutwali Malik
حمزه بابكر الكوبي
الفاتح ميرغني
صلاح شكوكو
محمد الأمين موسى
خالد علي محجوب المنسي
Omayma Alfargony
رشا سالم
سيف عبد العزيز
حسين نوباتيا
MOHAMMED ELSHEIKH
محمد سنى دفع الله
هاشم محمد الحسن عبدالله
نجلاء قرافي
ombadda
طارق جبريل
بشير أحمد
محمد أبوالعزائم أبوالريش
عادل سهل
Kostawi
يوسف الولى
عبدالرحمن الحلاوي
إسماعيل التاج
فيس بوك
تويتر
انستقرام
يوتيوب
بنتيريست