|
|
|
 Re: دكتور أحمد القرشي في محاضرة عن أغنية الحقيبة بالنادي السوداني بالع (Re: Ahmed al Qurashi)
|
لأربعاء 6 مارس بعد صلاة العشاء إن شاء الله لا تفوتكم يا بورداب و قراء الإمارات فالدكتور أحمد ما شاء الله موسوعة في تاريخ و تطوّر أغاني الحقيبة أعتذر عن الإعلان المتأخر لكن عرفت بخبر الندوة للتو
==================================================
محمد البشرى سلااام
ودي وصية وحملتك أمانة لازم تخلي يتصل بي ( 0501546277 )
للأسف ما أقدر أجي لاني زي ما انت عارف والله عارف وانا عارف ( خليها سرية ) بس لازم القرشي يتصل بي اتصل انت وادي التلفون عندما تلتقيه
| |
 
|
|
|
|
|
|
|
|
Re: دكتور أحمد القرشي في محاضرة عن أغنية الحقيبة بالنادي السوداني بالع (Re: Ahmed al Qurashi)
|
الف مرحب بقرشى فى العين الخضراء
موضوع جميل ومثير للجدل
المحاضرة من تنظيم منتدى النيلين الثقافى
مواصلة لمحاضرات نصف شهرية
قدم الاستاذ عمرو منير عن الشخصية السودانية
وامسية شعرية لنهلة محكر
امسية شعرية لبشرى من البطانة
محاضرة د محمد حسين كسلا
المحاضرة القادمة لدكتور عبد الله على ابراهيم
وبعدها عروض لافلام سودانية
من اعضاء المنتدى من البورداب
عباس محمود
عباسى مغتز
د احمد امين
داسامة عبد الحليم
سارى الليل
باشمهندس يوسف ادريس رئيس المنتدى
محمد سيد احمد
الدعوة
لود البشرى
وصديقه اللدود طلحة للانضمام للمنتدى
| |
|
|
|
|
|
|
|
|
|
Re: دكتور أحمد القرشي في محاضرة عن أغنية الحقيبة بالنادي السوداني بالع (Re: يحي قباني)
|
| Quote: يا تباصروا لينا الويك إند أو لو في إمكانية لحبيبنا الدكتور يعمل ندوة مماثلة في دبى ؟؟ |
اثني .. وكمان انمني ما تكون يوم كوره .. يعني جمعه مثلا ..
دي فاتتنا .. ناس العين بختهم ..
| Quote: أنا مستعد لاقامة ندوة في دبي وفي اي وقت عزيزي عاطف بس انتو تأمروا. |
اهو جابها ليكم لحدي عندكم .. شوفوا ناس خالد درق ونعمات حمود .. وانا وراكم ..
ويديك العافيه يا دكتور ويسعدك وين ماتكون
Quote: المحاضرة من تنظيم منتدى النيلين الثقافى
الدعوة
لود البشرى
وصديقه اللدود طلحة للانضمام للمنتدى |
يا ربي ما في طريقه تدونا عضويه ياشيخنا mohmmed said ahmed
عمر علي حسن
| |
|
|
|
|
|
|
|
|
|
Re: دكتور أحمد القرشي في محاضرة عن أغنية الحقيبة بالنادي السوداني بالع (Re: عمر علي حسن)
|
عضوية ساى ياريس
انت تستاهل الفخرية
كنا نتمنى مشاركتك معنا فى محاضرة كسلا الرياضية الرائعة
نسعد بزيارة عدد كبير من اهل الفكر والثقافة والفن لدعوة الامارات
من الاجدى التنسيق بين كل من ينشط فى العمل الثقافى السودانى فى الامارات
منتدى ابوظبى الفكرى
منتدى النيلين فى العين
منتدى ثقافى فى نادى دبى
نادوس الثقافية
لتبادل المعلومات
بقليل من التنسيق يمكن ان تقدم الفعالية الثقافية فى ابوظبى والعين والشارقة ودبى
| |
|
|
|
|
|
|
|
|
|
Re: دكتور أحمد القرشي في محاضرة عن أغنية الحقيبة بالنادي السوداني بالع (Re: عباس محمود)
|
Quote: من الاجدى التنسيق بين كل من ينشط فى العمل الثقافى السودانى فى الامارات
منتدى ابوظبى الفكرى
منتدى النيلين فى العين
منتدى ثقافى فى نادى دبى
نادوس الثقافية
لتبادل المعلومات
بقليل من التنسيق يمكن ان تقدم الفعالية الثقافية فى ابوظبى والعين والشارقة ودبى |
يا ريت والله يا محمد سيداحمد .. وأتمنى تكون مبادرة التنسيق منكم في منتدى العين لأنه تخاطبكم الرسمي مع بقية المنتديات أكيد ح يكون أفضل من التخاطب الفردي.
ـــــــــــ
د. القرشي موسوعة ولولا وجودي خارج الامارات في هذه الآيام لكنت حضور ..!
تحياتي لك يا ود البشرى ولدكتور القرشي
| |
|
|
|
|
|
|
|
|
|
Re: دكتور أحمد القرشي في محاضرة عن أغنية الحقيبة بالنادي السوداني بالع (Re: أمير محمد ادريس)
|
قريبي ود البشري...سلامات
داير اقول ليك ياخي المنتدي ده حقك و مفتوح الموضوع بس يحتاج انه تكون عضويتك في النادي سارية ...يعني انت سيد جلد وراس
ود البشري الله يرضي عليك صاحبي محمد سيد احمد عارفه ما حريف في انزال الفيديوهات والذي منه
وانت شايف الزملاء في المنبر طالبوا بالتوثيق فياأخي انا اتصلت قبل شوية بالاستاذ عصام النويري الامين العام للمنتدي وهو مستعد
يسلمك الفيديو لانزاله في بوست . الريس بكري رفع البوست فوق وانت اكيد ما حتقصر في الباقي.
| |
|
|
|
|
|
|
|
|
|
Re: دكتور أحمد القرشي في محاضرة عن أغنية الحقيبة بالنادي السوداني بالع (Re: طلحة عبدالله)
|
شكرا ود البشرى
والله الاخ د. أحمد القرشي ربنا يحفظه رجل وطني من الطراز الأول
تعلمنا منه الكثير في الجامعة
وهو صاحب اقوى ركن نقاش في جامعة الخرطوم عندما كان طالبا
كما هو موسوعة في أغاني الحقيبة وطبيب ماهر في مجاله
اهلا ومرحبا به في العين وانشاء الله نستطيع نحضر اليوم رغم الارتباط
ولكن من الآن يا السكرتير الثقافي ودرق والحلاوي
شوفوا ظروفه لو تسمح نفضل يكون يوم الجمعة بالنادي السوداني في دبي
اهلا بك عزيزي مرة ثانية
| |
|
|
|
|
|
|
|
|
|
Re: دكتور أحمد القرشي في محاضرة عن أغنية الحقيبة بالنادي السوداني بالع (Re: سيف اليزل سعد عمر)
|
اسرنا د احمد بحلو الحديث وعذبهحدثنا عن الغناء منذ الفونج والتركية السابقة الطنبارة
سرور وكرومة وعبد الله الماحى الامين برهان زنقار ابراهيم عبد الجليل خليل فرح
طريقة العرض كانت رائعة باستخدام البوربوينت
نقرا النص على الشاشة وهو يسترسل فى الحديث ثم يختار لنا غناء من خليل فرح وكرومة وسرور ونموذج للطمبرة
ويفيدنا اكثر بالصور
رقيص العروس زمان
صور الفنانيين العظماء
صور الالات الموسيقية المستخدمة
صور الجرامفون
صور الاسطوانات القديمة
تطواف فى سبب التسمية بالحقيبة
المقدمات الصوتية لبرنامج من حقيبة الفن
صلاح احمد محمد صالح
المبارك ابراهيم وجلسن توف يا حلاتن
على شمو
مر الوقت سريعا ونحن فى حالة من الاستمتاع الجميل
بناء على طلب الجماهير لا بد من محاضرة اخرى
ويا نس دبى دى حاجة ما بتتفوت
| |
|
|
|
|
|
|
|
|
|
Re: دكتور أحمد القرشي في محاضرة عن أغنية الحقيبة بالنادي السوداني بالع (Re: عمر علي حسن)
|
كانت فرصة طيبة ورائعة وجميلة ان ألتقي ببورداب كنت قد رسمت شخصياتهم في مخيلتي من خلال كتاباتهم
أولا التقيت بالأخ محمد سيد احمد ، وكنت اعرف ان له رايا حادا في غناء الحقيبة ، ولم اعرفه في بداية الأمر ، حيث ان صورة البروفايل
بالعمة زادت من عمره قليلا ولكنه في الحقيقة ينضح شبابا وحيوية ورقة ، استقبلني بكل حبور ولطف ، ولقد استمع لي بكل اهتمام وتركيز ، وكنت اتمنى ان يسعفنا الوقت حتى نتحاور ونتناقش
لانني اعرف اننا سنلتقي ولن نختلف كثيرا في حبنا للفن السوداني بكل اطيافه وثقافاته.
طوال الندوة كنت التفت ذات اليمين واليسار حتى أرى صاحب هذا البوست بين الحضور ، ولكنني فشلت وأصابني بعض القلق حيث أن مبتدر البوست لم يحضر الى هذه الندوة
وفي نهايتها تقدم مني شاب في قمة الذوق والرقة والأدب وقال لي انني محمد البشرى خضر ، احتضني بمشاعره الدافئة بكل حب وتقدير وكأنه يعرفني منذ سنوات
لم أتعرف عليه بين الحضور حيث ان شخصية الأخ محمد البشرى خضر التى وضعتها له في ذهني تختلف تماما عن ذلك الشخص الذي قابلته ،
ودائما ما يحاول ان يرسم الانسان من خلال الكتابات صورة للكاتب لكن في أغلب الأحيان لا تصدق التوقعات
الاعزاء محمد البشرى خضر ومحمد سيد أحمد سعيد جدا بمقابلتكم ، وأتمنى ان تتاح لي الفرصة مرة اخرى للجلوس معكم والتمتع بمؤانستكم
| |
|
|
|
|
|
|
|
|
|
Re: دكتور أحمد القرشي في محاضرة عن أغنية الحقيبة بالنادي السوداني بالع (Re: عباس محمود)
|
ود البشرى وضيوفه المرور الكرام
تحياتي
على الرغم من أن حقيبة الفن كسبت شخصاً في مثل قامة دكتور أحمد القرشي
إلا إن السياسة افتقدته كثيراً .. وهذا من فضل ربي .. لأن سماحة الحقيبة وتعاسة السياسة هي التي قادت
ود القرشي لرحاب الحقيبة
وبالجنبة كدا نقول لأحمد القرشي .. حليل أركان نقاشك .. النكهة والبسمة والمعلومة . وللتأكيد كنت أحد عشاقها ومريديها
وبالله لو تذكر لينا قصة الجماعة المسكوهم من شعبة اللغة الروسية
يديك العافية ولدنا
عبد العزيز
| |
|
|
|
|
|
|
|
|
|
Re: دكتور أحمد القرشي في محاضرة عن أغنية الحقيبة بالنادي السوداني بالع (Re: mohmmed said ahmed)
|
Quote:
مؤكد ستكون جلسة ما منظورة ...
تحية للدكتور احمد القرشي وصاحبه الكرام
نحنا بٌعــاد
ولكن نأمل متابعة بث حي هنا بالوقائع والدرر
: |
الأخ العزيز / محمد أمين مبروك
لك التحية والود
أشعر ان هنالك الكثير الذي يجمعنا ، ولكن لم أجد الفرصة للتمتع بحديثك ولكني أتابع ما تكتب
لك التحية وعبرك لزميلي وصديقي وابن داخليتي محمد الأمين الدلال والذي انقطعت عني اخباره منذ سنوات
أهدي اليك أبيات الشاعر يوسف عبدالماجد الشهير بكريت...
قويزات أبو زعيمة البقوقي دباسن والشوق لي مقيلن ولي ملاقاة ناسن
طريت عرب الظعينة وتلتلة أجراسن طريت المن عوالي الهيبة ديمة لباسن
ولك كل احترامي
| |
|
|
|
|
|
|
|
|
|
Re: دكتور أحمد القرشي في محاضرة عن أغنية الحقيبة بالنادي السوداني بالع (Re: Ahmed al Qurashi)
|
Quote: لأخ العزيز / محمد أمين مبروك
لك التحية والود
أشعر ان هنالك الكثير الذي يجمعنا ، ولكن لم أجد الفرصة للتمتع بحديثك ولكني أتابع ما تكتب
لك التحية وعبرك لزميلي وصديقي وابن داخليتي محمد الأمين الدلال والذي انقطعت عني اخباره منذ سنوات
أهدي اليك أبيات الشاعر يوسف عبدالماجد الشهير بكريت...
قويزات أبو زعيمة البقوقي دباسن والشوق لي مقيلن ولي ملاقاة ناسن
طريت عرب الظعينة وتلتلة أجراسن طريت المن عوالي الهيبة ديمة لباسن
ولك كل احترامي |
:
دكتور : القرشي
طربت لهذا الكلام الجميل ، وبكل تأكيد شعورك صحيح وهو كخيط منسوج من نداوة البادية وطراوتها
وبينا الاسافير حتى نلتقي انشاء الله ...
اما الدلال وقويزات ابوزعيمة
فيجمع بينهما -كما قد علمت - السمو وخفــة الروح
| |
|
|
|
|
|
|
|
|
|
Re: دكتور أحمد القرشي في محاضرة عن أغنية الحقيبة بالنادي السوداني بالع (Re: محمد امين مبروك)
|
Quote:
د. احمد القرشي مرجع هام ان لم يكن الاهم الان لعصر الحقيبة ومكنوناتها ... |
الأخ العزيز / يحي قباني
تحية وتقدير
وأشكرك على كلماتك الجميلة وثقتك الكبيرة التي أسعدتني كثيرا
أهدي اليك أبيات من اغنية ردي حبيبه منام أجفاني للشاعر يوسف حسب الله الملقب
بسلطان العاشقين ولقد سجلها للاذاعة اولاد المامون
ردى حبيبه منام اجفانى .... أشاهد طيفك بس وكفاني
***********
يا أم حسنا انا بعضه سباني ....جبين بوجوده البدرى غبانى
الفاتر مكــــحول رباني ....... والقـــــلد ميسا نو الباني
************
كم ليلا عديتو امــــانى .......والأشواق فيه منادمانى
والأحزان ديمه ملازمانى... وأنت منعمه ماك عالمانى
********
كم مخلص نصحان خصاني .... احـــذر أشوفك وكم اوصانى
لكن لحظي أبى وعصاني ...... رماني شقائي في هواك اقصانى
*********
بكاك يا عين بدمع قانى ..... جزاك هو غيرك مين اشقانى
ومين في نار الحب القاني... ..وكأس الشوق علقم اسقانى
*********
لي أنا عزما يا المالكانى..... أخوض النار به في امكانى
عجبا كيف هواك ابكانى .... وبدد صبري في كل مكان
مودتي
| |
|
|
|
|
|
|
|
|
|
Re: دكتور أحمد القرشي في محاضرة عن أغنية الحقيبة بالنادي السوداني بالع (Re: عباس محمود)
|
Quote: قريبي ود البشري...سلامات
داير اقول ليك ياخي المنتدي ده حقك و مفتوح الموضوع بس يحتاج انه تكون عضويتك في النادي سارية ...يعني انت سيد جلد وراس
ود البشري الله يرضي عليك صاحبي محمد سيد احمد عارفه ما حريف في انزال الفيديوهات والذي منه
وانت شايف الزملاء في المنبر طالبوا بالتوثيق فياأخي انا اتصلت قبل شوية بالاستاذ عصام النويري الامين العام للمنتدي وهو مستعد
يسلمك الفيديو لانزاله في بوست . الريس بكري رفع البوست فوق وانت اكيد ما حتقصر في الباقي. |
عباس
سلامات وعوافي
يوم الاربعاء ونص الاسبوع صعبه علي ناس دبي والشارقه
ياريت يا د / أحمد القرشي تعمل لينا واحدة في الشارقه او النادي السوداني وان شاء الله نكون حضور
تحياتي لي صاحب البوست وكل الحضور وطلب خاص عاوزين نسخه من الفديو عادي
ممكن تنزل الحلقه كامله علي you tube ومنها بسهوله تنزل في المنبر
| |
|
|
|
|
|
|
|
|
|
Re: دكتور أحمد القرشي في محاضرة عن أغنية الحقيبة بالنادي السوداني بالع (Re: عباس محمود)
|
الأخ الكريم د.أحمد القرشي
لك الامتنان والتقدير علي تشريفك منتدي النيلين
لم تتح ظروف تواجدي بالسودان يوم الندوة من الالتقاء بك واطمع في ذلك في مقبل الايام.
بالمناسبة الندوة عملت صدي غير عادي وسألت بعض الزملاء في المنتدي وابدو اعجابهم الشديد بطريقة عرضك وحديثك وثراء المعلومات التي قدمتها
ويطمعون حقيقة في لقاء ثاني ومتسع من الوقت.
احد الاخوة قال لي انه بعد الندوة دي بفتكر انه كان ظالم الحقيبة وبدا يغير رأيه.
لك كل الامنيات الجميلة ....مع الشكر
| |
|
|
|
|
|
|
|
|
|
Re: دكتور أحمد القرشي في محاضرة عن أغنية الحقيبة بالنادي السوداني بالع (Re: عباس محمود)
|
Quote:
مرحب بكم في الإمارات وقد اتصلت بالأمين الثقافي للنادي السوداني في دبي الأخ طارق الطيب والذي أبدى حماسه ورغبته في استضافة الدكتور أحمد القرشي لتقديم محاضرة مماثلة في النادي السوداني ...أتمنى للدكتور حسن الإقامة في الإمارات . |
الأخ العزيز / عبدالرحمن الحلاوي
سلامات
شكرا جزيلا على ترحيبك وانا تحت امركم في اي وقت لاقامة محاضرة بالنادي السوداني بدبي
لك كل الود
| |
|
|
|
|
|
|
|
|
|
Re: دكتور أحمد القرشي في محاضرة عن أغنية الحقيبة بالنادي السوداني بالع (Re: Ahmed al Qurashi)
|
Quote:
يا مراحب بدكتور القرشي
نحن بعاد
لكن صرّة المسك إنثروها فنحن ممحلين وعطاشا
فعسا أن تضوع وتعطر حوشنا منها دعاشة |
أستاذنا الاديب ابن كردفان / عبيد الطيب
شكرا جزيلا على حديثك الطيب الذي تنثره دائما في هذا المنبر
وأهدي اليك قصيدة شاعرنا الكبير قاسم عثمان عن كردفان في الخريف
كردفان في الخريف
يا حليل كردفان وكتين تدودي رعوده
ويموج السحاب وأطياره تعزف عوده
يتبلل نسيمه يشرح ليك معاني سعوده
تبين زى عروس بالهناء والنعيم موعوده
********
ما إنفج السحاب إلا تانى عب وشيل
زرف دماعه فضّ جفونه زرّقٍ نيّل
بعد مرح السرور اتغافى صيده وقيّل
في تل رمله زى برادة الدهب إتخيّل
********
العينة تلو العينة لمن جاتنا الطرفه
كالت بالكتير دموع السحاب منزرفه
ناسا في الخلاء متلفحين بى قرفه
وناسا في المدن ممطرين في غرفه
********
ليالي شهرزاد ويشرق صباحه الهادي
ينبثق الضـــياء وتغـــرد طيور الوادي
لحظات والسحاب يغطيها ويطير متسادي
تضلم من جـــديد وتولــع بالعــــبادي
********
الخور بصعيدها خرّ و لمع حصحاصوا
والصيد إنتشى وما تفادى جور قناصوا
متحدى أهل الكلاب والجاى بي رصاصوا
وفى كنف الإله تالي سورة إخلاصوا
******
من لفح الهجير إتبلمت بضبابه
اخضرت كلها وبجبالها صبحت غابه
كل شاعر صدح لغناها شال ربابه
والسندس رقص وانشر فوق لترابه
*******
إتكيف جوها وحلقن صقاره
فرهد أرنبه اتوالد تحت تقاره
السخيل إن لمحته بغفله خلتو حباره
متكدس الشحم من قرضة الشوقاره
*******
جمالها القارضة لعنان الفروع تتشابه
وزاهية خرافه تمرح راتعه في أعشابه
إن ذكرو الجنان أنحن نتفاشابه
خزانا التبلدى وأملنا جو هشابه
********
أخدت زينتها ورحلنا شوفنا بهاها
نسجت كل جميل إتوشحتبوا رداها
ألوان خضرتها المعكوسة في أمواها
زادت روعتها ويا قدرة السواها
*******
مرتع للجميع الزغاوي والكباشي
متعايشين حنان وكل شيء ميسر ماشي
قدام جحر الكديس مبيض الغباشي
تلقى المرفعين يحاشي فوق الحاشي
******
شمسها للأرض تتحدى قاصدا حرابه
خيوط من لهب يتزارقن حرابه
صلت الأرض نارا نجضت تيرابه
شبعت ماشيتها وزواحفها وأعرابها
*******
خلاص دارتت وإتنوعت خيراتها
وصبحت لوحة كاملة إترابطت فقراتها
بنقيق قعونجا وجنادبها الزغراته
ملت أعماقنا فرحة وعشنا في مسراتها
*******
لمينا الحصاد وفركنا الورق بالويكه
والسمسم انظلط للجربه والتمليكه
في بنك السعادة أيامنا صرفت شيكه
وهبيله اتهابلت قندولا سرف الريكه
********
العيش انقطع ضروه بعد اندقه
مردوم بالصبر لعمل اللقمه والدقه
العنكوليب زرق الفص طويل ومنقه
وبالغ السدر النبقاية توزن وقه
*********
لالوبا العسل البيحكو بيهو حكاوي
مرصوص غابة جم عربي وحاج مكاوي
طايله فروعه لى نخل الشمال بتكاوي
أحلى من العجوة بكثير وأقلد من البركاوي
********
وان مريت بابو جهل والله نعم السوق
تلقى النرمتى والسبلى داك مسلوق
سورنى وقنقليس والدكوه والهالوق
والبامية أم قرون البتخلى الملاح لايوق
*******
أنا كردفان منو البقيف في قصادي
أنا رباية اليتيم آواية الجياع والصادي
أنا ست عز قديم أنا كعبة لي قصادي
يلقوا الخير منبلج يلقوا النعيم في حصادي
******
مرفوع راسي عالي مفتخرة بأولادي
البيبذلو كل نفيس لرفعتي وإسعادي
مليون مئذنة ومليون أذان بينادي
مدارس بالكتير ومعاهد علم ونوادي
أنا كردفان أنا جمل بقاع الوادي
| |
|
|
|
|
|
|
|
|
|
Re: دكتور أحمد القرشي في محاضرة عن أغنية الحقيبة بالنادي السوداني بالع (Re: عبدالله الشقليني)
|
Quote:
والله الاخ د. أحمد القرشي ربنا يحفظه رجل وطني من الطراز الأول
تعلمنا منه الكثير في الجامعة
وهو صاحب اقوى ركن نقاش في جامعة الخرطوم عندما كان طالبا
كما هو موسوعة في أغاني الحقيبة وطبيب ماهر في مجاله |
الأخ العزيز / أسامه إدريس
سلامات
لقد ذكرتنا بتلك الأيام الجميلة والتي كُنا معا نحمل هموم هذا الوطن
وكُنا نحلم بالحرية ةالديمقراطية والعيش الكريم للشعب السوداني
ولقد حملتم انتم بعدنا هذه الراية ودفعتم الغالي والنفيس في سبيل إعلائها
لك كل الود والتقدير
| |
|
|
|
|
|
|
|
|
|
Re: دكتور أحمد القرشي في محاضرة عن أغنية الحقيبة بالنادي السوداني بالع (Re: محمد البشرى الخضر)
|
ااااااح يا ود القرشى
فيك نشوف السودان ومنك نعشق تراب البلد ونشم ريحة البلد
ااااااح يا ود القرشى
"نحنا قبيل شن قلنا. ما قلنا الطير بياكلنا"
"حليل موسى يا حليل موسي"
"بنطنك كرشت غي البنات نافى"
النعيسان
والليل بابي ليل
"خمستاشر جواد سكن سبعمية"
اللمين ود مسمار
المسبعات .... الفونج.... كردفان... الأتراك ... المهدية ... السودان
القيقر
مهلة العبادية وكلتوم احمد عبد الرازق
عبد القادر ودحبوبة وبتريد اللطام
يااااااا دكتور ود القرشى
ياااااا نار الزمن
ياااا خريف اللتوع
كتر خيرك وشكرا للناس العملوا الندوة ورفعوا الفديو
وليييك كل التحايا
| |
|
|
|
|
|
|
|
|
|
Re: دكتور أحمد القرشي في محاضرة عن أغنية الحقيبة بالنادي السوداني بالع (Re: سيف اليزل سعد عمر)
|
Quote: لدكتور احمد القرشى موسوعة معرفية واجد انه افضل ممن يتكلم عن الحقيبة فى هذ الزمان
لقد سبر اغوار فن الحقيبة وامتلك قاعدة معرفة معانيها
فله التحية وشلالا من الجما |
الأخ العزيز / الرشيد شلال
تحية تقدير واجلال
شكرا جزيلا على كلماتك الطيبة
وأهدي اليك كلمات أغنية الشاغلين فؤادي للشاعر علي المساح
الشاغلين فؤادي وتايهين فايقين
يفت البى ذارف دمع المايقين
*******
تال القبلة شايف لي برقا لمع
والصيد في الخما يل ياناس اجتمع
قوموا يا أحبة نسترق السمع
ما يطيق القعدة والمايق دمع
*********
البلابل صاحت في الليل الهجيع
سهرانات عيوني وجافيت الضجيع
من الحاله ديه اولا لي النجيع
وا حسرة شبابي الما لقيت لي وجيع
******
كلف احبابى لي يا مولاي قدروا
انسلبت لحومي واعضائى خدرو
لاموني العوازل بى حالي ازدروا
هم تايهين دلالن ساهين ما دروا
********
سامرت الكواكب لما الفجر لاح
منادى الفجر نادى وقال ياهل الصلاح
صلوا الوقت حاضر قام أهل الصلاح
وانا الليل قايمو لا خيال لي راح
******
النسيم عاودني أقوم من نومي تاب
مدهوش فكرى حاير مشطوب انشطاب
يا نسيم بلاهى جيب رد الخطاب
اوع الجاهلة نية وما بتحمل عتاب
*******
حليل القدرو سامي فوق الجيل فريد
حليل روحي بقت ليه طوق في الوريد
بكتب ليه خطابي وعذري عذر مريد
يا نسيم بلاهي طبق ليه البريد
***********
انكسرت اعضائى من كسرة الولوع
وابكي العبره خانقه وانا ليها البلوع
أصبح قلبي يرجف خلى من الخلوع
يا ناس روحي شاهقة هيه ناوية الطلوع
*********
جمر الحب ده ولع حفيان ماش عليه
ماذينى الضنى وانا صابر عليه
حالته كئيبة أخوك يا محمد على
وناظم القول أخوكم المساح على
********
تغنى بهذه الأغنية فنان مدني الشبلى و سجلها بالريق للإذاعة إبراهيم الكاشف وأيضا تغنى بها مبارك حسن بركات وبادي محمد الطيب.وأورد معاوية حسن يس في كتابه تاريخ الغناء في السودان إن هذه الأغنية أول من لحنها وتغنى بها فنان من مدني اسمه الطيب الانجليزي ومصدر معلومات الكاتب برنامج حقيبة الفن الذي قدمه المبارك إبراهيم عام 1963 مع الشاعر المساح.
| |
|
|
|
|
|
|
|
|
|
Re: دكتور أحمد القرشي في محاضرة عن أغنية الحقيبة بالنادي السوداني بالع (Re: عبدالله الشقليني)
|
Quote: على الرغم من أن حقيبة الفن كسبت شخصاً في مثل قامة دكتور أحمد القرشي
إلا إن السياسة افتقدته كثيراً .. وهذا من فضل ربي .. لأن سماحة الحقيبة وتعاسة السياسة هي التي قادت
ود القرشي لرحاب الحقيبة
وبالجنبة كدا نقول لأحمد القرشي .. حليل أركان نقاشك .. النكهة والبسمة والمعلومة . وللتأكيد كنت أحد عشاقها ومريديها
وبالله لو تذكر لينا قصة الجماعة المسكوهم من شعبة اللغة الروسية
|
الأخ العزيز / عبدالعزيز محمد عمر
تحية وإجلال
حكي لي عمنا الفنان جبارة محمد النعيم له الرحمة والمغفرة انه في زواج ابن الفنان عوض شمبات
ذهب معظم الفنانين للغناء في الحفل وكان من بينهم جبارة محمد النعيم نفسه، وفي تلك الفترة كان الفنان عوض شمبات قد إعتزل الغناء نهائيا وأقسم الا يعود اليه
فتغني الفنان جبارة بأغنية عوض شمبات (كم نظرنا هلال ما شاقنا غير هلالو )، فطرب عوض شمبات كثيرا فقام من مكانه وأخذ الرق من جباره محمد النعيم وواصل معه الغناء بصوته القوي
كثنائي في الأغنية فأطرب كل من كان جالسا وبكى بعضهم ،وعند انتهاء الأغنية قذف الفنان عوض شمبات بالرق تجاه الحائط فتكسر الرق وتطايرت اجزاءه وتبعثرت ،وقال لجبارة غاضبا ( يا عربي يا ابن الكلـــب
عاوز ترجعني للغناء تاني بعد ما حلفت منو )
بس انا بقوليك يا عبدالعزيز يا حبيب يا رائع عاوز ترجعني للسياسه بعد ما خليتها
سعيد جدا بك وبمداخلتك ويا ريت اجد الوقت للكتابة والتوثيق لتلك الفترة في جامعة الخرطوم
لك كل الود والتقدير والإحترام
| |
|
|
|
|
|
|
|
|
|
Re: دكتور أحمد القرشي في محاضرة عن أغنية الحقيبة بالنادي السوداني بالع (Re: Ahmed al Qurashi)
|
الأخ الكريم د. أحمد القرشي .....لك جزيل الشكر
الصديق ود البشري علي البوست
الصديق العزيز د. أحمد أمين شكرا علي صبرك ودأبك علي تنزيل الفيديو رغم علمي الأكيد بظروف عملك الضاغطة.
تم الاتفاق مبدءيا مع جهة متخصصة في مجال التصوير والتسجيل لضمان جودة اكثر للصوت والصورة في الفعاليات التالية.
قام بتسجيل كل الفعاليات السابقة بالفيديىو الاخ عصام النويري الأمين العام لمنتدي النيلين بالعين .....له التقدير
| |
|
|
|
|
|
|
|
|
|
Re: دكتور أحمد القرشي في محاضرة عن أغنية الحقيبة بالنادي السوداني بالع (Re: عباس محمود)
|
تحياتي م. عباس محمود ..
| Quote: تم الاتفاق مبدءيا مع جهة متخصصة في مجال التصوير والتسجيل لضمان جودة اكثر للصوت والصورة في الفعاليات التالية. |
فكرة ممتازة للتوثيق ...
على العمــوم أنا أقوم حالياً بإجــراء تحسينات على الصورة والصــوت لتصبح أكثر وضوحا وقبولاً ...
وستكون متاحة للمشاهدة بعد قليل بصورة مختلفة ..
المحاضرة ممتازة والمحاضر د. أحمد واضح جدا أنه من السودانيين المتمكنين في هذا المجال
وهو إضافة حقيقية للموثقين لهذا الفن ...
فلك التحية والتقدير أخونا د. ود القرشي ... فالمحاضرة ذات فائدة عظيمة لنا ...
دمتم
| |
|
|
|
|
|
|
|
|
|
Re: دكتور أحمد القرشي في محاضرة عن أغنية الحقيبة بالنادي السوداني بالع (Re: Osman Musa)
|
لك التحية والتقدير د.القرشي..
اهديك ابدع بدائع اهل المغني في كل العصور..رائعة سيد عبدالعزيز
حليف الصون
يا حليف الصون فلتدوم فى علاك
انت زول معصوم ولا انت ملاك
انت بدرى وكيف الخدر ظلاك
انت كوكب نور تشتهى الأفلاك
فيك كم آيات يا الحياك جلاك
منظر الساحرات ومنظر الأملاك
يا جميل النور ماسو من عيناك
ينظر الأنوار طالعة من معناك
والشباب يترنم بى معانى غناك
والجمال الفيك عن مديح أغناك
كل معانى اليوم طالعة من معناك
تبسم الأيام لو بسمت سناك
الزهور والنور بانو فى وجناك
والزى جمال الحور ديه فتو هناك
مهما أجيد أوصاف أشوفها ما واصفاك
با نقى اللون ايه أقول فى صفاك
الحرير يخشن للصفاء الصافاك
والتبر يبقى زى صفر لصفاك
تخشع الأبصار من شعاع محياك
وعقل الأفكار يسرحن فى ضياك
النفوس فى هواك يا الهواك فى حياك
عندى يوم الفوز حبيبى يوم رؤياك
الرآك لاشك بى حبيبو دعاك
ليه لأنو يشوف كل شى يرعاك
حتى نور الكون حجبوه معاك
يا بهى الطلعة أنا كيف قضيتى معاك
| |
|
|
|
|
|
|
|
|
|
Re: دكتور أحمد القرشي في محاضرة عن أغنية الحقيبة بالنادي السوداني بالع (Re: Hisham Osman)
|
Quote: احسن حاجة ما قلتا الفرمالة بتاعت
الحقيبة شكلت وجدان الشعب السودانى |
عزيزي / محمد سيد احمد
سلامات
يمكنني القول ان الحقيبة وثقافات أخرى هي التي شكلت وجدان الشعب السوداني
فبعض مناطق السودان لا تعرف الحقيبة ولا تستمع اليها
فالحقيبة شكلت وجدان جزء من الشعب السوداني وليس كله
لذلك أنا أتفق معك عزيزي محمد في هذه الجزئية
أهديك هذه القصيدة الرائعة لشاعر منطقتكم الشامخ خليل فرح
قوم نادى عنان
كلمات / خليل افندى فرح
قوم نادى عنان واتباعه..... وقفل حوانيت البــاعه
نزلت للدنيا شفاعه......... وسعت امدرمان لرفاعه
*********
وطن الآباء يا ام طاعه...... أجمة ومشهـوره سباعه
من دون أترابا مطاعه...... حضريه تقول فى طباعه
************
المجد الحاسده مداعى...... هو أساس المــا بتداعى
وسعت أسلافنا وداعه .......وصارت فى جيلنا بداعه
************
رفعت أعلاما رفاعه........... وشمخت بى كبارنا يفاعه
وطن السنّاب يا رباعه......... نزل العـربان فى رباعه
**********
هنا تلقى الخلق الأعرابى....... لا خوف لا ضيم لا مرابى
ظل الشكرية الكابى............ والشرف الأصله ركـابى
**********
هنا روعة عصراً ولى ..........وروايــع جيلنــا الهلّه
عصبيه تناطح الجلّه .............ومدينه منــافيه الــزلّؤه
************
إياك يا عاشق تحرق .........فى بحــور أوصافك تغرق
هى شامه فى تورنا الأبرق...... هى جنـــة نيلنـا الأزرق
*************
فى ربوعا الصيد إن وقّـل........ وشــافن مجنــون يتعقل
كفروع البان تتنقل ............رطب القــاماتن فقــّـل
***********
الصيد الضارب الوادى....... اجّفـــل نــافـر غادى
شرفن لى صوت الحادى ......حفلــن ضمـّـاهن نـادى
*************
العز من حاضر وبادى ......حـرسن ما جـــاهن عادى
النور فى خدودن بادى........ وســلامة الـذوق شى عادى
************
لا تنسى ليالى العشّه .........وفى الحلــه هبــوب الرشّه
إتعشى عشاك واتمشى.......... هــوى بيت المــال ما انفشّ
*********
اعذرنى أخوك إنغشّ ........لا اتعــد هــواك لا كــشّ
أذكرنى ولو بى قشّه .........بيت مــال وعيــال يا كشّه
ولك كل الود
| |
|
|
|
|
|
|
|
|
|
Re: دكتور أحمد القرشي في محاضرة عن أغنية الحقيبة بالنادي السوداني بالع (Re: Dr. Ahmed Amin)
|
د. أحمد القرشي.....التحية
غايتو بمسك قويي في كلام قلته في آخر المحاضرة ( خليل فرح ده داير ليه محاضرة براهه )
اتمني ات يكون لقاءنا القادم معك في رحاب الخليل...ديوان الخليل الحققه الراحل علي المك ونقوش علي قبر الخليل
لعبد الهادي الصديق والجزء اليسير الذي تطرق فيه حسن نجيلة لابداع خليل فرح في ملامح من المجتمع السوداني
كلها بتوري عظمة الخليل.
أأمل في ان نستمع منك لي محاضرة عنه ...بطريقة عرضك الشيقة والجذابة ومعلوماتك الغزيرة ....أأمل في ذلك
لك كل التقدير
| |
|
|
|
|
|
|
|
|
 Re: دكتور أحمد القرشي في محاضرة عن أغنية الحقيبة بالنادي السوداني بالع (Re: عباس محمود)
|
Quote: الأخ العزيز / عبدالله الشقليني
تحية واحترام
لقد نثرت في دواخلي سعادة وحبورا بكلماتك الجميلة عن المحاضرة
فخر واعزاز لي ان يتابع شخص في قامتك حديثي في هذه الندوة
مداخلاتك شهادة أعتز بها ودعم معنوي وطاقة تدفعني لبذل المزيد من الجهد في سبيل التوثيق لغناء الحقيبة
لك كل الود والتقدير |
بوجودك سيدي تكون الدنيا أجمل .
لم تترك لنا فسحة فقد أخذت بودك كل جميل منثور
تحية إكرام وإجلال لدكتور أحمـــــد القرشي
*
| |
|
|
|
|
|
|
|
|
|
Re: دكتور أحمد القرشي في محاضرة عن أغنية الحقيبة بالنادي السوداني بالع (Re: عبدالله الشقليني)
|
Quote: لم تتح ظروف تواجدي بالسودان يوم الندوة من الالتقاء بك واطمع في ذلك في مقبل الايام.
بالمناسبة الندوة عملت صدي غير عادي وسألت بعض الزملاء في المنتدي وابدو اعجابهم الشديد بطريقة عرضك وحديثك وثراء المعلومات التي قدمتها |
الأخ العزيز / عباس محمود
سلامات
أدعو الله أن تتاح لنا الفرصة لنلتقي بك ونتشرف بمعرفتك من قرب
ونجاح الندوة يرجع في الأول للأخوة بمنتدى النيلين والذين أتاحوا لي الفرصة للتحدث من خلال منبرهم
وان شاء الله لو أتيحت الفرصة مرة اخرى سأكمل ما بدأت فيه من سرد لتاريخ الحقيبة
لك كل الود والتقدير
| |
|
|
|
|
|
|
|
|
|
Re: دكتور أحمد القرشي في محاضرة عن أغنية الحقيبة بالنادي السوداني بالع (Re: Ahmed al Qurashi)
|
الأخ العزيز / يحي قباني
شكرا جزيلا على أغنية رد حبيبه بصةت الثنائي المبدع أولاد المامون
وإليك هذه الاغنية الرائع لابوصلاح والتي سجلها على الأسطوانات الفنان التوم عبدالجليل والفنان الاستاذ المبارك ابراهيم
حن يا قمر أوفى لي ميعادا
حن يا قمر أوفى لي ميعادا ......... منامي خاصمني و لي عادا
**************
غمضة اجفانى طال بعادا ...........وسال دمعي البقـالى عادا
أرجو من شوفتك الاعادا .......... جفاك شقا ونظرتك ســـعاده
**********
البدور ناظره ليك حساده ......... ودون حلى تضوي خلقه ساده
والشعر في القديم تساده .......... والردف باقـــى ليك وســــاده
*************
المحي اللمـــع تبـــــادا........... كم عـــوازل حــــرق اكبادا
نوره فرم كلاى ابــــــادا ..........وكان هواك يبقى لي عـــباده
************
ما الضمير الرنع تهادا ............. نظرته بى عيني زاد سهاده
يا نجم سالك الشهاده .............. كفاي عذاب وروحي طال جهادا
************
حزت شوقي الكتر ترادا ............ وبالجمــال حــازت لانفرادا
تومة البــدر قلبي رادا ..............وامـــــرى ســلمــته للاراده
***************
الشعور وأخر امــتدادا ............... مــع القـــديم اتصــل ودادا
والســـهام زايد اشــتدادا ............. جروحي هل تدرى بى عدادا
*************
ليك لحاظ ماسكه في القيادا ........... ولى جروح ماشه في الزياده
أرجو من صاحب السياده ............. قليـــل مـــراهم من العــــياده
مودتي
| |
|
|
|
|
|
|
|
|
|
Re: دكتور أحمد القرشي في محاضرة عن أغنية الحقيبة بالنادي السوداني بالع (Re: محمد المرتضى حامد)
|
| Quote: طربت لهذا الكلام الجميل ، وبكل تأكيد شعورك صحيح وهو كخيط منسوج من نداوة البادية وطراوتها |
الأخ العزيز / محمد امين مبروك
شكرا جزيلا لاطراءك الذي يطرب
وإليك هذه الأبيات للشارع يوسف عبدالماجد كريت حينما قابلته احدى القراضيات بسوق ام بادر
نوسار الغرام يا ام روبة حرق ابداني عشانك جفيت أهلي وعزيز أوطاني
بت خيل الكواهلة البي القلب بتداني عيباً شرعي كان يرقد يمينك عاني
مودتي
| |
|
|
|
|
|
|
|
|
|
Re: دكتور أحمد القرشي في محاضرة عن أغنية الحقيبة بالنادي السوداني بالع (Re: Ahmed al Qurashi)
|
Quote:
ربنا يحفظك يا د / أحمد القرشي
لك التحية
وكتير الأحترام والتقدير |
,ويحفظك انت والأسرة عزيزي عثمان موسى
وإليك أهدي هذه الاغنية الغير مشهورة كثيرا للشاعر عبدالرحمن اليح
ولقد سجلها للإذاعة الثنائي محمد علي سوقنينه واحمد يوسف واستمعت اليها ايضا من الفنان بادي محمد الطيب
الدنيا حظوظ
كلمات الشاعر / عبدالرحمن الريح
الدنيا حظوظ وانا حظي جميل ...... ما دمت أراك لودادي تميل
***************
الدنيا حظوظ والشئ أقسام .......... والحب للروح ما للأجسام
خلى روحك ارق من النسام ......... طرفك ناعس وثغرك بسام
تزيد اخلاص الناس وتنيل ............. علا السودان وعظمة النيل
*************
الورد لطيف سل عنو سواك ........... لكن لا يخلو من الأشواك
كذلك انت جميل بهواك ........... سلاح مشهور على من يهواك
تزيد كل اليوم عظمة وتجميل ....... هلكت الناس يا زعيم الجيل
*************
هواك يا حبيبى هوى الأملاك ........رفعني إلى دنيا الأفلاك
رفيع لكن لا رفعة بلاك ............... ولن يتجاوز طرفي علاك
جلست على عرش الإكليل .............أغنى عليك وأقول يا ليل
************
هواك يا حبيبى علىّ مفروض ........ أنا أصلى بحب أزهار الروض
بحب لكن حب غير مقروض ........ وأنا لي في هواك سنن وفروض
بحبك حب لله نبيل .............. ما للشهوات ولا للتقبيل
| |
|
|
|
|
|
|
|
|
|
Re: دكتور أحمد القرشي في محاضرة عن أغنية الحقيبة بالنادي السوداني بالع (Re: Ahmed al Qurashi)
|
| Quote: اهديك ابدع بدائع اهل المغني في كل العصور..رائعة سيد عبدالعزيز |
الأخ العزيز / هشام عثمان
سلامات
أغنية يا حليف فعلا هي من اغاني الحقيبة الرائعة والجميلة
وهي من ألحان الفنان الحاج محمد احمد سرور
ولقد سجلها على الاسطوانات الفنان أحمد حسن العربجي وكان كورسا لسرور
ثم سجلها للإذاعة الثنائي ميرغني المامون وأحمد حسن جمعه
ولقد أبدع فيها الفنان احمد الجابري
لك كل الود والتقدير
| |
|
|
|
|
|
|
|
|
|
Re: دكتور أحمد القرشي في محاضرة عن أغنية الحقيبة بالنادي السوداني بالع (Re: Ahmed al Qurashi)
|
Quote:
بالله أسمعوا اغنية يا جوهر صدر المحافل من كرومة .. ثم من الرائعين عاصم البنأ ..و ياسر تمتام
رغم الأداء الجميل لعاصم وياسر .. لكن بالله اسمعوا صوت كرومة وكأنه اوركسترا كاملة |
الأخ العزيز الدكتور / أحمد أمين
سلامات
أغنية جوهر صدر المحافل من الحان كروان السودان كرومه
ولقد سجلها بنفسه على الاسطوانات بينما سجلها للإذاعة أولاد شمبات
كما تغنى بها بادي محمد الطيب في مهرجان الثقافة الأول في ليلة كرومه وهذا التسجيل موجود بالتلفزيون كما تغنى بها الفنان مبارك حسن بركات...
وكرومه من اجمل الاصوات السودانية وله الفضل في تلحين معظم اغاني الحقيبة وله مقدرة عالية للتطريب
حتى انو صوته بيظهر جماله عندما سجل بعض الاغاني ككورس مع سرو او الامين برهان
وإليك نص الاغنية وهي من كلمات الشاعر صالح عبدالسيد ابوصلاح
جوهر صدر المحافل
يا جوهر صدر المحافل ..........روحي معاك اتلطفيله
**********
ما النور الفى حليه رافل.........في حق نهده قلوبنا قافل
كالظبي الفى مقيله غافل......تاره يميل والتانيه جافل
وجهه ينور والبدر آفل ......فوق للبدر يزيد نفيله
************
بالنور خدك لاح مقابل..........للشعر الطال ليله سابل
سهم ألحاظك لي نابل.........بى كل شئ دون هجري قابل
ينسب نوحي على البلابل.......وانتى القمره بتنسبيله
*********
ليك جوز عينين نعسان وكاحل.......وخصرا يميل وصدر راحل
ولى وجدي اللي جسمي ناحل.......بحر الشوق ما ليه ساحل
بيني وبين النوم مراحـل.........وين للطيف أنا القى حيله
*********
الفرع البتنى راتــل...........طيره ينوح في غصونه حاتل
بهوى نسيم لي فكرى شاتل.........والأسد الفى القيد يناتل
يتأكد ما ليهو قاتل ............غير مكحول ظبي النتيلا
***********
ضاوى سناك لي بريقه راسل........لاح بين عنابتين عواسل
صدرا يرجح وكتفو خاتل...........رنا طرفك للسيف يماثل
ليه ما يجندل كل باسل ..........وساحبه دغس وخدود اسيله
**********
المرنوع لي كتفو هادل.........في دروعه ولى معاصمه جادل
أنا ساهر والليل سادل ..........شرط الحاكم يبقى عادل
لا اقبل بهواك مبادل...........كيف اعشق وارضى البديلا
************
تمنع طيفك لي يغازل.........داخل قلبي أنا ليك منازل
يا لايم لا تبقى هازل..........أنا في الحب لروحي باذل
هل عاشق يسمح لعازل.........خلى نصيحتك عنى زيلا
***********
يوقد جمري ودمعي باهل .............كيف نار تشعل في مناهل
ضاق بى الكون مع انه ماهل........نومي تصعب ووجدي ساهل
لو بى حالة سهري جاهل ..........دى الأنجم أسال سهيلا
***********
لى طيفك ما لقيت وسائل................غير بسط النسمات رسائل
اغرب شئ وأعجب مسائل................حلم الصاحي ودمعه سائل
لو شكيت في امرى سائل................البدرين كونك مثيلا
***********
زايد شوقي ودمعي هامل..........جمر الحب لي جسمي شامل
حتى الطيف لي لا يجامل............مع كلا ما كنت آمل
دمى تحنن بى الأنامل............وهل يرضيك كده ياجميله
| |
|
|
|
|
|
|
| |
محمد البشرى الخضر
Ahmed al Qurashi
طلحة عبدالله
خالد علي محجوب المنسي
محمد عبد الماجد الصايم
Ahmed Elyas
عاطف عمر
محمد امين مبروك
abas
mohmmed said ahmed
يحي قباني
الصادق سيكا
عباس محمود
Amir Omer
عبدالرحمن الحلاوي
أمير محمد ادريس
عبيد الطيب
osama idris
الرشيد شلال
saidahmed shami
محمد احمد القاضي
عبدالله الشقليني
محمد عوض السيد
Osman Musa
Hisham Osman
معاذ الهادي
محمد المرتضى حامد
فيس بوك
تويتر
انستقرام
يوتيوب
بنتيريست