واللهِ مسيرتكم دي خبرها غير في المِنبر دة ما لاقاني لافي الخرطوم دي الليلة عاليها واطيها لحدي العاشرة مساءاً جيت من الحاج يوسف زووووووووووووول جايب خبر إنو بكرة في مسيرة أو غيرو ماف الناس كُللللللللللها في كور هِلال مريخ الأُمبارِح و حينموموا و يقوموا يشوفوا أشغالهم عااااااادي بس جاهم خبر الإجازة دة و اللهِ حيكونوا إتخلعوا ذاتو في شنو؟ لي شنو؟ مالُم؟ لحدي ما يجي زول و يحكي ليهم إنو المفروض كان يكون في مسيرة و كدة و العاملنها ناس فلان و فرتكان و و و و ...... إلخ أها شان ما تجيكم جلطة قُلنا نورِّيكم آخر الأخبار مِن أرض المسيرة
مثتبرِّع ليكم في البوست دة بتغطية مُصوّرة بُكرة يعني ما حأأجِّز زي باقي خلق الله الحتنوووووووووووووم في البرد دة و تِدّفا تِحت البطاطين فرحين بالإجازة حأقوم ليكم في البرد دة و أديها لفّة لفّتين تلاتة و أصوِّر ليكم الخرطوم و هي مأجِّزة و نايمة نوم قرير العين هانيها بس عليكم الله و خاصة السادة المتنوضلين القاعدين و ضاربين الضللة برّة و يلزلزوا في الجماعة الجوّة ليحاربوا عنهم بالوكالة أوصيكم بتحضير حبوب الضغِط و السُكّري و رشِاشات الأزمة و أنابيب الأوكسجين و الإتصال مُسبقاً بعربة إسعاف تكون لافّة حول مكان السكن أو اللجوء
أم حازِم سلامات و العيد عليك مبارك واللهِ يا تراجي و الله يسألني زووووووووووووول كِدة جايب خبر في الخرطوم للمسيرة دي ماف شان ما تحرقي أعصابك ساي دي النجيضة على قول ود الصايم ود الباوقة ما بعرفو مالو لكن أنا قايم بي شربوت لي هسي منظر الكريستالة لمن إنفجرت و الغُتا طار السقِف قِدّام عيني مع إنو حصل من تلاتة ساعات كِدة
بل كلامي دة معناهو مخطئ من يظن أن المعارضة شر مطلق! الناس ما شِبعت من إجازة العيد الكانت قصييييييييييرة و مُعظم الناس جات مِن سفر أُمبارِح و عايزين ينوووووووووووووومو يعني جات معاهم في جرح و صدقي حتى لو كانت ماف ما كان في زول جايب ليها خبر أو حيجيب ليها دي إسمها إجراءات إحترازية من إنو تحدُث أي عوارات من الناس الجاية بنيّة التخريب وخوفاً مِن تكرار يوم الثلاثاء أُكرِّر يوم الثلاثاء لا الإثنين لأنو إتنين تاني ما بجي بالهينة بعد الناس صِحت
12-07-2009, 06:46 AM
دينا خالد دينا خالد
تاريخ التسجيل: 06-26-2006
مجموع المشاركات: 8736
ــــــــــــــــــ كنت ح ازوغ من الشغل وامشى ، لكن مع خبر الاجازة دا عندنا عسكر وفاشية جووووووة بيتنا شفت ؟ قال ليك بدل واحد يكون همين .. فهمت نحن حريصين على ازالة الدكتاتوريات دى لى .؟
12-07-2009, 07:12 AM
isam elzein isam elzein
تاريخ التسجيل: 02-14-2008
مجموع المشاركات: 1290
عناوي بعض الصحف فى الخرطوم عشان ما تكذبوا وتقولوا مافى زول عارف
Quote: أموم: نداء للتجمع أمام البرلمان غداً الخرطوم - الوطن واصل الأمين العام للحركة الشعبية باقان أموم معركته مع المؤتمر الوطني ونقلها إلى الخارج، حيث وجه باقان عبر صحيفة (الشرق الأوسط) السعودية رسالة للشعب السوداني، يطالبه بالتجمع أمام المجلس الوطني يوم غدٍ الأثنين للمطالبة بإجازة القوانين اللازمة للتحول الديمقراطي. واتهم باقان حزب المؤتمر الوطني بالسعي لإعادة إنتاج الأزمة والعودة إلى مربع الحرب.
Quote:
حمّلها مسؤولية تأخير إجازة القوانين الوطني: حشد الاثنين دليل على عجز المعارضة..باقان: المسيرة سلمية ولن نقبل الاستفزازات [التفاصيل] الخرطوم: هنادي عثمان: اكملت القوى السياسية الموقّعة على إعلان جوبا استعدادتها للخرطوم في مسيرة سلمية غداً الاثنين تطالب البرلمان بإجازة قوانين الحريات، وحذّرت المؤتمر الوطني من التصدي للحشد. وفي غضون ذلك اعتبر الوطني المسيرة دليل على عجز المعارضة وحملها مسؤولية تأخير اجازة القوانين. وقال باقان أموم الأمين العام للحركة
Quote:
العدد رقم: 1450 2009-12-06
رئيس مجلس الادارة
ورئيس التحرير
محجوب عروة
المعارضة: مسيرة الاثنين فاصلة بين الديكتاتورية والتحول الديمقراطي
الخرطوم: أحمد دقش
وزراء الحركة ودستوريوها يشاركون في مسيرة المعارضة
شددت احزاب المعارضة الموقعة على اعلان جوبا على ان مسيرتها التي ستنظمها بعد غدٍ الاثنين أمام البرلمان ستكون فاصلة بين الدكتاتورية والتحول الديمقراطي، فيما أكد الامين العام للحركة الشعبية باقان أموم على مشاركته بجانب أعضاء حزبه فى مسيرة الاثنين التي تنظمها أحزاب المعارضة المشاركة في مؤتمر جوبا لمطالبة البرلمان بتحمل مسئولياته فى إجازة القوانين الضرورية للتحول الديمقراطي وتكملة إتفاقية السلام وتغيير الأجهزة ف... التفاصيل
Quote: مصادر اتحادية لـ(أخبار اليوم) : اجتماع هام بين البشير والميرغني واتجاه قوي بالحزب لعدم المشاركة في مسيرة الاثنين افادت (أخبار اليوم) مصادر اتحادية موثوق بها ان اتجاهاً قوياً قد برز في صفوف الحزب الاتحادي الديمقراطي الاصل بزعامة مولانا السيد محمد عثمان الميرغني بعدم المشاركة بمسيرة يوم غد الاثنين والتي تنظمها احزاب ملتقى جوبا الذي لم يشارك فيه الحزب. وقالت مصادرنا لـ(أخبار اليوم) في وقت متأخرٍ من مساء امس ان اجتماعاً هاماً سيعقد ظهر اليوم بين الرئيس البشير ومولانا الميرغني وسيدلي مولانا عقب اللقاء بتصريحات هامة تؤكد مواقف الحزب الوسطية الثابتة ودعوته للوفاق الوطني ومشاركة جميع الاحزاب لحل مشكلة
يمهل ولا يهمل
12-07-2009, 09:01 AM
علاء الدين يوسف علي محمد علاء الدين يوسف علي محمد
تاريخ التسجيل: 06-28-2007
مجموع المشاركات: 19580
خاب فألهم واللهِ غير عرمان و باقان و حديثهم الممجوج على القنوات الفضائِيّة بصيغة : إحنا بنمووووووووووووت و أنا في مكان ما أقدرش أقولك عليه مافي حاجة تاني أها يا دينا خالد عملت لي لفّة مخصوص عشانِك الشوارع فاااااااااااضية و الناس في بيوتم نايمين الحاج يوسف الكان مُتوقّع إشتعالها للمسيرة أو للتضامن مع باقان زول جايب خبر ماف ، جيت ماري قرب مباني الحركة الشعبية في الشارع الرئيسي بالحاج يوسف ، مافي أي حاجة. قلت ليكم ما تجيكم جلطة
12-07-2009, 09:09 AM
HAIDER ALZAIN HAIDER ALZAIN
تاريخ التسجيل: 12-27-2007
مجموع المشاركات: 22434
أها علي الحرام يا حيدر ياخي نبّهتهم قُلت ليهم الشربوت دة معزوم فيهو و عاملين فيهو كشحة من فكي كااااااااااااارِب إسمها (عمى كباسة) و مِحاية من عِرِق محبّة قلعناهو من حديقة بيت عُمر البشير ، بعد دة جماعتك قاموا بيهو
12-07-2009, 10:26 AM
محمد فرح محمد فرح
تاريخ التسجيل: 09-14-2006
مجموع المشاركات: 9222
هسسسسسسسسسسسسي دي المواصلات مااااااااشة و لقيت لي حاجّة كبيرة طالعة مِن شارِعنا و معاها بنتها و برضو مرة كبيرة ماشين الإستاد (إستاد الخرطوم) شان يركبوا من الموقع و يمشوا مشوار يعني الحياة عاديّة لا جوطة لا يحزنون حتقولوا لي و بتقول الكلام دة لينا نستفيد منو شنو؟ حأقول ليكم ما كنتم تتوقّعونه وتتوقون إليه لم يحدث و خاب فألكم و بقت زوبعة في فنجان زوووووووووووووول جايب ليها خبر ماف العاصِمة مُؤمّنة تماماً ياخ واللهِ خايف عليكم من الجلطة
12-07-2009, 10:38 AM
محمد فرح محمد فرح
تاريخ التسجيل: 09-14-2006
مجموع المشاركات: 9222
Quote: هسسسسسسسسسسسسي دي المواصلات مااااااااشة و لقيت لي حاجّة كبيرة طالعة مِن شارِعنا و معاها بنتها و برضو مرة كبيرة ماشين الإستاد (إستاد الخرطوم) شان يركبوا من الموقع و يمشوا مشوار يعني الحياة عاديّة لا جوطة لا يحزنون
يازول جيب ليك خبر خبرين مفرحين مافي اي بطولة بطولتين كدا؟
12-07-2009, 10:47 AM
علاء الدين يوسف علي محمد علاء الدين يوسف علي محمد
تاريخ التسجيل: 06-28-2007
مجموع المشاركات: 19580
أها هسي أنا من دربي دة ماشي عزاء تبلدينا و جاي راجع الخرطوم هي الخرطوم يا محمد فرح الوهم القاعدين برّة بيلكِّزوا في الناس هِنا شابكِنّهم يا شعب الإنتفاضة و يا خرطوم ثوري و هُم قادين جمب النت و ضاربين الضللة و الولفير ما عارفين إنو الهِنا ديل قالوا ليهم: ما تعملوا لينا غاغة ياخ
12-07-2009, 10:54 AM
بشير أحمد بشير أحمد
تاريخ التسجيل: 03-21-2008
مجموع المشاركات: 10017
فتحي السلام عليكم هذا البوست نطالب بحزفه سريعا مش معقول حكاية زي دي تطرشق بالسهوله دي لازم يكون في معتقلين وقتلي وجرحي ومفقودين البوست دا مش يجيب جلطه دا يجيب جلاطين كمان عاش السودان حرا وليذهب باقان اموم لمزبلة التاريخ فهو لا يمثل غير نفسه
12-07-2009, 01:59 PM
Nazik Eltayeb Nazik Eltayeb
تاريخ التسجيل: 11-27-2007
مجموع المشاركات: 2357
سلا م علاء اطمئن االحبة دي ما بتجينا صدق نحن تحملنا الانقاذ عشرين سنة وبرغم ما فعلته بهذا الشعب سنخرج اقوى واقوى ما ضعفنا وكان عايزين نتسلق ونشوف مصالحنا كانت عندنا الفرصة لكن كوننا نوم مرتاحين بالليل انو ما اكلنا حق زول دي عندنا بالدنيا البتجيهو الجلطة يا علاء الزول الظلم الناس واكل حقهم وكذب عليهم البتجيهو الجلطة الكوز الولغ في اموال الشعب من مكر علي الشعب السوداني ليلاً و نهاراً باسم الدين مرة وباسم غيرها مرات
------------- حتقولي كونك تنومي بالليل نحن وفرنا المن اقول ليك عاصمة البلاد اجتيحت في عهد انقاذكم
كسرة لسه يا علاء عندي فيك امل انو ضميرك يوم يصحى وتشوف النور، يتغلب الجزء الصغير الابيض في قلبك الظهر يوم مبارة مصر والجزائر علي سواد الانقاذ الانت عارفوا اكثر من غيرك اقعد وفكر مع نفسك اكيد حتوصل
12-07-2009, 02:17 PM
علاء الدين يوسف علي محمد علاء الدين يوسف علي محمد
تاريخ التسجيل: 06-28-2007
مجموع المشاركات: 19580
يا شباب أستأذِنكم في رفع عدد 31 صورة حديثة من شوارع الخرطوم بدءاً بمساري لتقديم العزاء في وفاة والد أخونا تبلدينا و خروجاً مِنه عبر شوارع الخرطوم حتى أمام البرلمان و القصر الجمهوري. غايتو قلت ليكم الليلة جلطة جلطة و النشوف آخرت كِضِبكم و شعبكم القلتو راجيكم يا من عقّ شعبه فأعاقه
12-07-2009, 02:48 PM
علاء الدين يوسف علي محمد علاء الدين يوسف علي محمد
تاريخ التسجيل: 06-28-2007
مجموع المشاركات: 19580
أول منظر لاقاني في شارع السِتّين و قلت سبحن الله ناس تعمِّر و ناس تدمِّر و يبدو العمل الجاري في سفلتة الشِق الآخر من الشارع و توسعته و زول جايب خبر للسيرة ماف و ديل بيقولوا جينا نمِد إيدينا الخدرا فوقِك يا أرض الطيبين ، إستأذنته في الصورة فضحِك لمن قُلت ليهو السبب و قال لي قول ليهم نحن شغّالين بنبني في بلدنا و ما شغّالين بيكم
الشباب المُنتظرِنُّو يقاتِل لأجلكم قال ليكم وييييييييييين يا جي فارات نحن فتّحنا و ربنا فاتِحة علينا في بلدنا دي و لا جايبين ليكم خبر في مزازيكنا
و المطاعِم مُشرعة أبوابها و توقّعت ألقى ناس الشُرطة حايمين بالدوشكات أتاريهم أتاريهم أمّنوا البلد لدرجة واقفين بياكلوا كمان إنتو قايلين هُتافكم البيض داك بِتاع يا بوليس راتبك كم ممكن يشيل تاني يا ديناصورات مُنقرِضة؟ قال شعب الإنتفاضة قال
و أفراد شعبِنا يتسوّقون عادي زي الزبادي من أسواق الأنفال المشهورة في ناصِر و إنتو منتظرِنّهم يولِّعوها ليكم مُش
12-07-2009, 03:02 PM
isam elzein isam elzein
تاريخ التسجيل: 02-14-2008
مجموع المشاركات: 1290
isam elzein و إنت حرّم شايف فيك مواصفات خنزير العراق أحمد الجلبي اللي أدوهو بالقديمة بعد ما إستفادو مِنُّو كغبي نافِع زيّك كِدة ألزم حدودك شان ما نكيل ليك بالتقيل لحدي هسي إنت في البر
12-07-2009, 03:04 PM
علاء الدين يوسف علي محمد علاء الدين يوسف علي محمد
تاريخ التسجيل: 06-28-2007
مجموع المشاركات: 19580
الناس في المعايش و إنتو قايلين الشعب دايش وين ليكم
خايف أقرِّب ليكم الصورة دي من جوة تشوفوا الشباب المبسوطين و منبرجين ديل تجيكم الجلطة جدجد و تلحقوا أمّات طه دي هابي تايم عبيد ختِم
سيدي بيه و الناس عايشة حياتة عادي قال إنتفاضة قال ياخ قوموا لِفُّوا كدة ولاّ كدة عليكم الله واللهِ لو كمان جيتكم جمب لذيذ العمارات خايف تقعوا هسسسسسسسسسي دي بط كدة دة (بط صوت الوقعة يعني)
عفراء مول و عدد العربات الواقفة قدامو شكلها أكتر من عدد المتظوهرين الظهر في الجزيرة
شارع المطار و الناس ما صدّقت لِقت إجازة تقول لي سيرة ، واللهِ إلا سيرة عريس بس تاني ديل شباب مع الشيشية و كدة
12-07-2009, 03:12 PM
علاء الدين يوسف علي محمد علاء الدين يوسف علي محمد
تاريخ التسجيل: 06-28-2007
مجموع المشاركات: 19580
تِجِدِّع صاح جمب اللافتة المكتوب فيها (المؤتمر الوطني حزب قائد لشعب رائد) أو ما معناه الناس طلعت تِتنفّس و إنتو عايزين تنفِّسوا ليكم حكومة كاااااااااااملة
هيييييييييييع برج جهاز الأمن ، قلت ألقا ليك الجماعة حتُّو ليك قزازو رقّدوا حُتراب لأجده شامخاً كما ترون
و دة من أمام مباني الجهاز ، الصور دي يمكن تجيب لي هوا تقيل لكن عشانكم يهون المستحيل ههههه
و من شارع السيد عبد الرحمن قبالة مستشفى الخرطوم من نص الخرطوم فول أبو النور
و الناس مع العضّة تقول لي سيرة
12-07-2009, 03:21 PM
علاء الدين يوسف علي محمد علاء الدين يوسف علي محمد
تاريخ التسجيل: 06-28-2007
مجموع المشاركات: 19580
أبو جنزير و يبدو أعمامنا التكّاسة و من خلفهم العماري الجيِّد و ملوك العصير و الناس مااااااااااااااشة تقاطُع القصر مع البلدِيّة و من هِنا بالله الحبوبو ما معاهو يجهِّزة لينا ساي و يضرب للإسعاف و الطواريء و يجهِّز الإنعاش و الأوكسجين و الذي مِنُّو ، أصحاب أمراض القلب (شفاهم الله) يمتنعون
حدايق سِتّة أبريل يعني شارع المطار على حدائق الخرطوم الأخرى مُكتظّة بالمُرفِّهين الما شغّالين بالمتنوضلين الشغلة
مالي أراهم زرافات ووحدانا
و انا قاطِع الكبري من خلف سيارة مرور سريع و لاحظوا الموتر و البِت الراكبة معاهو ، ياخ دة إطمئنان يعمل للجماعة طُمام عدييييييييييييل كِدة
12-07-2009, 03:56 PM
علاء الدين يوسف علي محمد علاء الدين يوسف علي محمد
تاريخ التسجيل: 06-28-2007
مجموع المشاركات: 19580
الأخ / علاء الدين يوسف تحية طيبة شكرا على التوثيق والصور التي تؤكد هدوء الخرطوم وراجحة عقل ساكنيها الكرام وعدم مشاركتهم في مسيرة لم يحسن الذين نادوا بها التوقيت السليم لها ولا وضوح الأهداف االتي تتبناها ، موعدنا صناديق الافقتراع فالشعب السودان قد قال كلمته وأراد المشاركة في التحول الديمقراطي الشامل عبر الانتخابات وليس عبر المظاهرات . دمت بخبر
صلاح حمد
12-07-2009, 04:00 PM
isam elzein isam elzein
تاريخ التسجيل: 02-14-2008
مجموع المشاركات: 1290
و أخيراً جيت هابّي ليك بالقصر الجمهوري المكان الذي يحلم به هؤلاء الزلاليط (جمع زلُّوط) وكنت قايلو مقفول و ديدبان و شغلانة ألقى ليك البلد زي العجب تقطع بالقصر الجمهوري و قشّة ما تعتِّر ليك
12-07-2009, 04:19 PM
isam elzein isam elzein
تاريخ التسجيل: 02-14-2008
مجموع المشاركات: 1290
Quote: ]دة من أمام مباني الجهاز ، الصور دي يمكن تجيب لي هوا تقيل لكن عشانكم يهون المستحيل ههههه
علاء يا دفعة* ياخي خجلتني كوز وعرفناها كمان ما عارف انو في حاجة اسمها قوقل ايرث
انت اعيز تقول لينا انو البلد هادية والناس في رفاهية اوكي البلد هادية اها عرفنا( مع انو نحن مرينا بالشوارع دي الصباح وشفنا هلع النظام) اما الرفاهية فشفناها برضو في مباني الامن الزجاجية اذا كان 87 % من الميزانية بيمشي للامن بعدين بالمناسبة الدستور (حقكم انتو والحركة الشعبية )بيقول انو كل سوداني ممكن يبقى رئيس كان من الزلاليط ولا غيرو ولا انتو كنتوبتكذبوا علينا عارف الفرق بينا (السودانيين البحبوا وطنهم وشعبهم ) و وبينكم انتو البتحبو نظام بوفر ليكم الدايرنوا شنو انو نحن بنحترم الانسان حتى ولو كان كوز يعني لو نزلت انتخابات نزيهة و فزت حنقول ليك مبروك لانك سوداني فهمت ولا نعيدوا تاني
جنس كلامك دا هو البثبت انكم لا عندكم انتماء ولا وطنية ولا اي مشاعر زي دي خالص ما قلت ليك راجع نفسك يا علاء يا اخوي قبل النقطة البيضاء الفي قلبك بتاعة بوست مصر و الجزائر تتسود تماماً ---------------------------------------------- *دفعتي في سودانيز اونلاين بس هو اتسنير بي كم شهر
نازك الطيِّب سلامات ياخ يا بِتِّي لا تعايني لي تاريخ تسجيلي المكتوب دة و تقولي لي يا دُفعة تكبِّري روحك ساي و إنتِ لِسّع عُمر الزهور تاريخي الحقيقي أقدم مِن المكتوب بتلاتة سنوات بس أخوك سوابِق و كِدة أها يا بنيتي لو قاصدة فيني أمل إنو أجي طريق اللي يروحش ما يرجعش يبقى أقنعي مِنِّي ساي و بالمناسبة أنا ما كوز رايك شِنو؟ طبعاً لا طالباني لا طالبِك شان أقعد إتحلّف ليك أنا مواطن عادي جداً شايف مصلحتي و مصلحة الوطن مع الناس ديل ديلك شِبعنا مِنّهم شِبعنا تب
12-07-2009, 04:40 PM
أبو ساندرا أبو ساندرا
تاريخ التسجيل: 02-26-2003
مجموع المشاركات: 15493
للأسف يا علاء ، تعليقك على صورك وضع مصداقيتك في خطر كيف العشرين صورة الأخيرة بتصور العاصمة كمدينة أشباح لا بشر فيها وهذا بالطبع بيعكس حالة حظر التجول وقفل الطرق والمعابر المؤدية لقبلب الخرطوم ميدان ابوجنزير مابيكون فاضي كده ياعلاء لو الأمور طبيعية
ثم عدد المعتقلين فقط قارب ال70 بينهم قيادات وإعلاميين
لم تذهب بالكاميرا بتاعتك السنينة إلى دار حزب الأمة في أم درمان لم تذهب إلى دار الحزب الشيوعي في الخرطوم 2 لم تصور الكباري المغلقة والطرقات لم تصور الحشود العسكرية التي تعبر عن هناك حركة وان هناك قلق لدى السلطات وليس كما عكست صورك لم ترى أنت ولا الكاميرا النظيفة تقارير قناة الجزيرة والعربية المصورة التي شاهدها الملايين التي بلاشك يا علاء لو قرأت وشافت صورك لرفع الحواجب دهشة
وهسع يا علاء عايزك هسع الآن تمشي دار حزب الأمة عشان تشوف الحشود المحاصرة هناك
وبالمناسبة شيل معاك ساندوتشات الناس دي ما أكلت وجبة من الصباح
12-07-2009, 06:14 PM
علاء الدين يوسف علي محمد علاء الدين يوسف علي محمد
تاريخ التسجيل: 06-28-2007
مجموع المشاركات: 19580
أبو ساندرا سلامات يا عزيزي كباري شنو المغلقة و مدينة أشباح ياخ إرجع البص كرّتين لو ما شايف كويس الكباري فااااااااااااتحة هو الكبري بتاع أمدرمان ذاااااااتو الجمب المُشكِلة (البرلمان) فاتح و صورتو ليك تاني شنو؟ و الناس حايمة في الحدايق و مندااااااااااااحة للطيش أشباح شنو فال الله ولا فالك ياخ واللهِ في ناس في الخرطوم دي تقول ليهم الليلة كان في شنو يقول ليك : برِد شديد بس يا زول واللهِ زول جايب خبر سيرتكم دي ماف
12-07-2009, 04:19 PM
علاء الدين يوسف علي محمد علاء الدين يوسف علي محمد
تاريخ التسجيل: 06-28-2007
مجموع المشاركات: 19580
زوبعة في فنجان يا كوستاوي دة كللللللللللللللو زوبعة في فنجان كم نفر في حِتّة مُعيّنة و إنتهى الفِلِم دي بصراحة كدة كانت سيرةبصين و حافلة و تلاتة أمجادات و ركشة المسيرة الجدجد كانت يوم أوكامبو لو حبيت تعمل تبادل صور بجيك بهناك و أنقل ليك القديم و الجديد شان أوريك الفرِق ما بين السيرة و المسيرة عليكم الله واحد يشوف لينا يتيوب للغنية بتاعت الشيخ سيرووووووووو
هاردلكم في الشعب الشعب ما تبعكم شوفوا غيرة و ألعبوها صاح بالله شبكتونا إنتفاضة وذكراها و أكتوبر و شعباً لهبك شنو ما عارف أتاريكم كنتوا بتراهنو على فشوش لأنو الشعب قال كلمتو و ساب ليكم الفشوش
12-07-2009, 06:10 PM
Kostawi Kostawi
تاريخ التسجيل: 02-04-2002
مجموع المشاركات: 39979
لا للتخريب و إثارة الفِتن يا حيدر هو باقات ذاتو مسكوهو يعني لا كبير على القانون طالما طلعن أو طلعوا للتظاهر في وقت يجري فيه التسجيل للتحول الديموقراطي و طالما أنهم أو أنهن خالفوا أو خالفن القانون فالقانون يسري على الجميع و نحن مع القانون كفانا بؤساً و خراباً يا حيدر عايزين نبني و نمشي قِدّام و المُعارضة الفاشِلة عايزة ترجِّعنا لوراء
12-07-2009, 07:12 PM
علاء الدين يوسف علي محمد علاء الدين يوسف علي محمد
تاريخ التسجيل: 06-28-2007
مجموع المشاركات: 19580
لقيتكم فقارة لكن إنتهت مرحلة النافس على رفع اللافتات و الإرتماء تحت أرجُل رِجال الشُرطة لتحريش الشعب فباءت المرحلة الأولى بالفشل الذريع بدأت المرحلة الثانية في التسابق على الزنازين و أقسام الشُرطة و سيّاراتها كنوع من الشو لتغطية الفشل الأول و الظهور في الفضائيات كمتنوضلين أُجهِض حقّهم في التظاهر وهو الحق الذي أريد به الخراب باطِلا.
12-07-2009, 07:17 PM
علاء الدين يوسف علي محمد علاء الدين يوسف علي محمد
تاريخ التسجيل: 06-28-2007
مجموع المشاركات: 19580
قلتوا لي بتدافعوا عن الحُرِّيات و القوانين؟ لا بالله ؟ عليكم الله؟ أها كنتو وين و الحركة الشعبِيّة الخمّتكم في سيرة الليلة دي و هي تمنع حزب لام أكول من ممارسة نشاطِه السياسي كحزب مُسجّل ؟ كنتو وين لمن تم تقتيل أعضاء المُؤتمر الوطني و قياداته و إعتقالهم بالجنوب؟ و الكلام دة ما بعيد هسسسسسسسسسسسسي و قرييييييييييييب كنتو وين يا دعاة الحُرِّية أم أن المباديء لديكم تتجزّأ ياخي قوموا لِفُّوا جاي ولاّ جاي و سيب العبط البتعملوا فيهو دة و التمثيل و التظاهر بأنّكم مُتظاهرين
12-07-2009, 07:31 PM
علاء الدين يوسف علي محمد علاء الدين يوسف علي محمد
تاريخ التسجيل: 06-28-2007
مجموع المشاركات: 19580
تيسير كل ام و أنتِ بخير الكورة دي بيشتِّتوها لي فريق عِندو لعيبة و جمهور لكن يا حسرة الفريق دة لا لعيبة لا جمهور مُدرِّبين بس عينة مازدا و لمن جوا يلاعبوا اللعيبة الجد جد مركِّزين على الجمهور و مراهنين عليهو ياخي لأ
دكتور بشير تحياتي و كل سنة و إنت طيب يا أخوي ديل فشفاشم إتهرى الليلة بس بيكابروا ساي
12-08-2009, 08:02 AM
علاء الدين يوسف علي محمد علاء الدين يوسف علي محمد
تاريخ التسجيل: 06-28-2007
مجموع المشاركات: 19580
أقترح أن يقوم نفر كريم من الثوار بالتعاقد مع عمرو أديب وابراهيم حجازي وكم واحد من المحترفين لتغطية أحداث الخميس. لأنو للامانة تغطية احداث الاتنين كانت فاشلة صراحة..وبدون بطولات
12-08-2009, 09:22 AM
الشفيع وراق عبد الرحمن الشفيع وراق عبد الرحمن
تاريخ التسجيل: 04-27-2009
مجموع المشاركات: 11406
اوووول حاجه يا علاء تانى افطر بعدين امرق من اهلك .. كلو تصويرك فول وفلافل ومشويات و مخلل !!
فى ذمتك الساعة عشرة بكون فى محل فول فاضى كدا ؟؟
بعدين تعال ياخ انت تعمل لى لفة فى الحاج يوسف ؟؟؟ يلفلف اقول ليك شنو ....
يقولوا ليك المسيرة جنب البرلمان تصور لى شارع المطار ؟؟؟ عليك دقنك دى الكبارى بعد الساعة تسعة كانت فاتحه ؟؟ الاتنين المؤديات لى مدرمان فاتحات ؟؟ يقولوا ليك المسيرة فى امدرمان امشى صور البمبان تصور لى شارع الستين داهيه !؟
امانه تغشاك شفت وصورت مكان حجزوا التجمعات دى ؟ فى الهاشماب وحى الامراء والمورده ؟؟ بصراحه والله يا علاء كانت بتهمنى صورك انت بالذات شديد بوصفك شهد شاهد محايد .. لوووووووووول انعل ابو الحياد ذاتو هسه كان انحزت مش كان قبضت من المرصوده القالها ليك وليد دى كان على الاقل فطرت قبل ما تصور !! وكنت عملت ليك كرش منعتك من مصاقرة الكى بورت دا وريحتنا ...
ـــــــــــــــــــ كاميرتك تبيع ؟؟؟
12-09-2009, 09:22 AM
دينا خالد دينا خالد
تاريخ التسجيل: 06-26-2006
مجموع المشاركات: 8736
وشان بتموت يا علاء والله بسالك ... المسيرة المليونية دى بفتحوا ليها الشوارع بعملوا ليها اذن من الشغل بنقلوا ليها الناس بالبصات .. بتحرسهم الشرطة بقوموا يقعدوا يعبروا عن رايهم على كيفهم صاح ؟؟
لو عايز تقارن قارن بالناس الما كان فى طريقة يتصدوا ليهم يوم استقبال جون قرنق .. الناس الخرجت بعفوية والبوليس ما قدر يضربهم ولا يفرقهم ولا يساككهم بالبنبان .. هلا هلا غاب اب شنب !!!
قارن مسيرة ال 6 مليون دى بمسيرتهم او مسايرهم المليونية هنا بتكون فى مقارنه حقة ونزيهه .. ياهم ديل ناس المعسكر التانى شفناهم بى عيينا نكرانهم ما بفيد .. هضم حقوقهم بولد الضغائن والحقد بولد العنف ... بخلينا شعب متناحر وشائجنا منسوجة من كراهيه والكراهية ما بتصنع بلاد عظيمة .. ولا بتخلق شعوب عظيمة ..
ــــــــــــــــ علاء وي ييييييييييييييي !
12-09-2009, 09:38 AM
doma doma
تاريخ التسجيل: 02-04-2002
مجموع المشاركات: 15970
و دُنّانتي الطنّانة دينا سلامات يا دينا ياخ أول حاجة الصور من جوانب مُتعدِّدة للعاصمة شان الناس تعرِف إنو السيرة إنتهت في محل بدت و الصور كانت في طريقي و انا ماشي لعزاء أخونا تبلدينا في والده الله يرحمه و الصور لِنُثبِت إنُّو كانت جعجعة المُعارضة في فنجان البرلمان و إنتهى البيان لا إنتفاضة لا شعب تفاعل معاهم لا زووووووووووووول إشتغل بيهم الشغلة و الصور شان الناس تشوف إنو سُكّان العاصِمة بيمارسوا في حياتهم العادِيّة يعني ما مقفّلين في البيوت مرعوبين من بطش الدولة و عسكرها مضغوطين بالإجازة بل استمتعوا بالأجازة حد المُتعة حايمين ما بين المطاعم و الملاهي و قضاء حوائجهم الصور دي من الحِتّات دي مُتعمّدة يا دينا أفهميني ياخ و انا بقول عليك بتفهميها و هي طايرة دينا ياخي أنا ما عندي مانشع لو في بديل أحسن من الناس ديل لكن ما الطائِفِيّة اللعينة ديل بلا و إنجلا و عودتهم تاني مُستحيلة أفهمي ياخ مستحييييييييييييييييييييييييييييييلة
جي فارتي سامي المركوب أنا راكِب طوّاااااااالي و ما بعرف الإنبراشة و الإندراشة و إنت مركوب طوّااااااااااااالي من ضهرك المسولب و رقبتك الطويلة ووشّك المكرفس و عامِل فيها مسيكين كمان و ما عارِف يتكلّم قلت لي جاي تكشِّف و قايل ما بتتعرِف ياخ من سلمت عليك عِرِفتك بس قُلت النشوف نِهاية برنامجك فأرعى بي قيدك إتوقّعتك تقوم تتكلّم لكن لقيتك جي فارة فارة عديل كدة
الليلة سهرة معاك كيف ؟ شادي النت ولاّ كيف أصلك غير الشد مافي شيء بينجح معاك
الجي فارة اب رقبة مسولبة وين يا مكرفس قلت اليوم داك تقوم تعمل لينا حركة حركتين بهلوانيات من نوعك ششعرك التافِه داك الجبتو لي و قلت لي شات تعرِف أنا منو بِتاع المراهقين البيجدِّعوا فيهو يديهم و هم بيدوِّروا في حلقة وسط خلوفات زيّهم و إنت تقول و الخلوفات يفِّقوا على الوزن على وزن تتح ترررح تتح تيت تيح تريريت تيتيح بن بن بن بنن بن بن واك واك واك واكاككاك كاك كاك بس أبيت تتهابل لينا عليك الله المرة الجاية جيب لي معاك من شِعرك التافِه داك شوية أكشحة لي هِنا خليني إستمتع بيها ياخ و بالعبط على أصولول قلت لي شاعِر أو عى تكون شاعِر بتقزُّم بس يا شلولح
التاجر علاء الدين وينك يا منفوش بعد مبروش عاااااااااااااااااااااع بقيت كل ما أشوفك و اتذكر يدي أقرب أستفرغ
يا جماعة أفتوني في يد لامست هذا المطموس ماذا يصنع صاحبها بها؟ ياخي انت يفترض يستخدموا خلقتك يفرقوا بيها المظاهرات بدل البمبان و النجدة و العمليات و الصرف على الأجهزة الأمنية منو يوفروا ميزانية و منو يلقوا لي خلقتك دي استخدام مفيد
12-11-2009, 09:16 AM
mahmed alhassan mahmed alhassan
تاريخ التسجيل: 02-10-2004
مجموع المشاركات: 1793
الاخ علاء الحقاني كل عام وانت بألف خير الحكاية أصبحت واضحــة والشعب السوداني حـــدد خياراتـــه وعرف أين تكمن مصلحته كانوا يراهنون علي المظاهرة لخلق فوضي عامة ولكـن طاش سهامهم وخاف فألهــم 0 لك التحيــة 0
12-11-2009, 08:51 PM
علاء الدين يوسف علي محمد علاء الدين يوسف علي محمد
تاريخ التسجيل: 06-28-2007
مجموع المشاركات: 19580
جي فارتي المِتشوعِر سامي المسولب الرقبة مجلوط الشَعر تافِه الشِعر ياخي سيبنا من نِقّتك الما ليها طعم دي كدي أديني واحد إتنين تلاتة من أشعارك التافهة الجبتها لي و قلت لي شان تعرِف أنا مِنو
ولاّ يعني إلا تتعبني و تخليني أمشي أغوص في المنبر من تحت و أجيب عباطاتك ديك و إنت عامِل فيها المُتنبّئ يا جي فارة
Quote: لا ياسادة ....لقد مللنا هذا السيناريو الممجوج , ولكن انما نقول لكم كما قال بنو اسرائيل لموسى , اذهب انت وربك فقاتلا انا هاهنا قاعدون , فاذهبوا انتم وابنائكم وقواعدكم ان كان لكن قواعد فتظاهروا , انا فى بيوتنا قاعدون , فلن ينالنا شئ من غنائمكم ولا مناصبكم الوزارية التى يتصدق بها عليكم الوطنى , ولكن ينالنا التعب والعنت والكرب وتنبح اصواتنا ونحن نهتف باسمائكم ونمجد حضراتكم ثم لانجنى سوى السراب
ح تلقاه مرفوع ،،،
12-12-2009, 08:40 AM
علاء الدين يوسف علي محمد علاء الدين يوسف علي محمد
تاريخ التسجيل: 06-28-2007
مجموع المشاركات: 19580
يا جي فارة الجديد إنت نوعنا دة ماااا بهرب و يشهد لينا المِنبر دة صفحة صفحة وموضوع موضوع بس نوعكم دة لمن يتعصر بيفلس قريت تعليقك هِناك كنت قايلك قاصِد كاتِب الموضوع الأنا نقلتو عنه قلت ياخ سيبو دة برضو راي أتاريك يا أبو قرعوبة فاضية ما قادر تفرِّق بين من كتب و من نقل أمشي ألحق السيرة وأمشي جهِّز دلكوتك
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
علاء الدين يوسف علي محمد
Tragie Mustafa
دينا خالد
isam elzein
HAIDER ALZAIN
محمد فرح
بشير أحمد
ABU QUSAI
علي الكرار هاشم
Nazik Eltayeb
omer osman
صلاح حمد
أبو ساندرا
Kostawi
الشفيع وراق عبد الرحمن
doma
معاوية عوض الكريم
mahmed alhassan
كمال مبارك
فيس بوك
تويتر
انستقرام
يوتيوب
بنتيريست