دعواتكم لزميلنا المفكر د.الباقر العفيف بالشفاء العاجل
|
|
 حارقين رُزّكُم فوق كم و لشنو؟ نحن ما عرب - قولوا أحححححححح إتفشّينا - سمِح
|
دي إن إيه و كلام فارغ بتاع إيه
إسمعيل حسن الشايقي الجد جد زمااااااااااان قال :
عرب ممزوجة بي دم الزنوج الحارة ديل أهلي
تاني مالكم ؟
القالوا هُم زنوج صرفيين ما قلنا لي زول كضاب لالا إنت فيك عرِق حبش ولا عِرق يهود ولا عِرق نسا
القالوا نحن عرب عديييييييييييييل زي الرشايدة ما قلنا ليهم حاجة
القالوا نحن نوبة قلنا ليهم ما فوكّا حاجة
نحن قلنا عرب ممزوجة (ما صافين)
و رددنا الكلام دة مليون مرة
و متراضين مع أنفسنا جداً و مبسوطين من شكلنا خالص و لما نقيف قدام المراية بنشكر الله أن جعلنا علي هذه الخِلقة القبلانين بيها
الما عاجباهو خِلقتو يقع البحر و يدفِن راسو في أٌقرب شوال زِبالة أو يلجأ لعمليات التجمييل و التحسيين
إيه الكلام الفارغ دة:
Quote: عارف يا محمد خليل المثل البقول (عجبنى للمرقوت )
بس
دا اخر كلام
وتانى عجبنى للمرقوت
عشان يبطلو حكاية عروبة وجن احمر دى
عليك الله هسى خلقنا دى بتشبه العرب ؟
لاشعر ناعم ومسبسب
ولا خدود بتحمر من الفرح ولا الزعل
ولا مناخير متل مناخير العرب دقيقة ومنظمة
اها المتعربين ليها شنو ؟ |
الشعر الناااااااااااااعِم و مسبسب راااااااااااااااااااقِد
طبيعي غزير لا باروكة لا سلّة (دة مقطع من غنية شان ما تزعلو  )
و الخدود البتحمِّر و تتورد في
و دي إن إيهكم دة
بلوهو و أشربو مويتو
و نحن عاجبنا حالنا و مبسوطييييييييييييييييييييييييييين
|
|
 
|
|
|
|
|
|
|
|
Re: حارقين رُزّكُم فوق كم و لشنو؟ نحن ما عرب - قولوا أحححححححح إتفشّينا - سمِح (Re: علاء الدين يوسف علي محمد)
|
أنا عايز أسألكم سؤال واااااااااااااضِح
إنتو الحارِق رُزّكم شنو؟
لا عليكم الله قولوا بالجد ؟
مالكم ؟
حاسين بي شنو؟
فيكم شنو؟
البيحرِّك فيكم شيطان كتابة الترهات و العبط دة شنو؟
خليكم واضحييييييييييييييين عليكم الله و أصدقوا ولو لمرة و طقطِقوا الكيبورد دة بقوة و قولوا الفيكم عشان نعرِف لينا معاكم نهاية
قولوا الموجعكم شنو في حكاية أشكال و ألوان و أجناس دي
فضفِضو
مادام المنبر كلو:
الدي إن إيه قال إنتو حبش
الجزيرة قالت مافي عرب نقيين
شعر سبيبي ماف
تاني شنو؟
فضفضو
و بنجي نفضنفض معاكم
| |
|
|
|
|
|
|
|
|
|
Re: حارقين رُزّكُم فوق كم و لشنو؟ نحن ما عرب - قولوا أحححححححح إتفشّينا - سمِح (Re: علاء الدين يوسف علي محمد)
|
عايزين تصلوا لنهاية في الموضوع دة و كل قِرد يطلع جبلو و يعرِف هو شنو و أصلو شنو فصلو شنو و شعرو كيف ولونو كيف ؟
تعالوا في البوست دة نضع للأمر دة نهاية
بس شغلنا كلو يكون واااااااااااااضح
بالصور للإسنادات و التفنيدات
يعني البجي يقول والله شعر سبيبي ماف يجي يخت لينا صورتو كمصدر للشعر الما سبيبي و نجيب ليهو صورة تانية للشعر السبيبي و نقارن بين الإتنين
و البقول لون أبيض ماف و قمحي تِك يجيب صورتو و يجي نقارِن لونو مع لون صور لناس من السودان دة لونم أبيض و قمحي
و خلوا روحكم طوييييييييييييلة و بالكم سلبة و أوعي من النطيط و دة كلام عنصرية و ما أدراك
| |
|
|
|
|
|
|
|
|
|
Re: حارقين رُزّكُم فوق كم و لشنو؟ نحن ما عرب - قولوا أحححححححح إتفشّينا - سمِح (Re: علاء الدين يوسف علي محمد)
|
العرب ..العرب.. العااااااااااااااااارب..
والعنب ..العنب ..العنااااااااااااااب..
أحمر ..وأصفر.. وأخضر...
فكهاني وبحب المنقة..
والله يا علاء الدين انا غايتو قبل الصلعة ويشهد الله شعري كان ناعم وكان إسمي عمر باجيو عشان كنت بضفرو ضفيرة بي ورا بس فكككككت بت الكلب وقاتل الله موية الملح أها أنفع اكون عربي ؟
ما بكذب عليك موضوع اللون ده ضاغط علي شوية لكن ما مشكلة يا قريبك شوية ديانا على حبببة كيلي نكسرا بي روز مع صابونة تفتيح بشرة على كم خيييراراراية وحدة والأمور بتمش ..
بعدين ياخ حسن عطية مش قال :
ورد الخدود محمر ..
لا بودرة لا أحمر .. ولا هو قال شنو ما عارف..
غايتو يا علاء الدين انا عربي سااااااااااااااااي وعربي جزيرة كمان وما عايز معاكم لا خلطة زنوج ولا خلطة إندومي ..
أسة عليك الله انا ما بشبه رامي عياش؟
| |
|
|
|
|
|
|
|
|
|
Re: حارقين رُزّكُم فوق كم و لشنو؟ نحن ما عرب - قولوا أحححححححح إتفشّينا - سمِح (Re: علاء الدين يوسف علي محمد)
|
الاخ علاءالدين...
من حقك ان تطلق عل نفسك عربي او عربي مخلوط...لكن ما دعاني للكتابه هو طريقتك غير اللائقه في طريقة مخاطبتك للاستاذه مربية الاجيال سلمي الشيخ سلامه..
الاستاذه سلمي طرحت رؤيتها للموضوع وهي رؤيه نختلف او نتفق حولها ولكن لا نتندر بها ونتخذها للسخريه كما تفعل انت هنا...موضوع ان هناك عرب اولا يوجد عرب... في ظني اكبر واخطر من ان تتناوله دراسه واحده...
وفي ظني طريقة تناولك لموضوع العروبه هو الاخطر علي العرب لانك في هذه الحاله تتسبب في تاجيج عداوه للعرب هم انفسهم لا يعلمون مسبباتها وقد لا يتفقون معها...هذا من ناحيه...
الناحيه الثانيه هي ماهي ثقافتك التي ترتكز عليها؟
وهو سؤال امل ان تجيب عليه بهدوء حتي يتسنى لنا مناقشتك.
| |
|
|
|
|
|
|
|
|
|
Re: حارقين رُزّكُم فوق كم و لشنو؟ نحن ما عرب - قولوا أحححححححح إتفشّينا - سمِح (Re: Elsanosi Badr)
|
الرجل الذي أناخ بعيره على أبواب المنبر
Quote: عارف يا محمد خليل المثل البقول (عجبنى للمرقوت )
بس
دا اخر كلام
وتانى عجبنى للمرقوت
عشان يبطلو حكاية عروبة وجن احمر دى
عليك الله هسى خلقنا دى بتشبه العرب ؟
لاشعر ناعم ومسبسب
ولا خدود بتحمر من الفرح ولا الزعل
ولا مناخير متل مناخير العرب دقيقة ومنظمة
اها المتعربين ليها شنو ؟ |
لا يستقيم النقاش و الخط أعوج من بدايته
ثقافتي تلقاها فوق في أول الموضوع تحتها خط
ناقشني في إقتباس مربية الأجيال دة أول و نمسِكو من كل النواحي لأنو هو سبب كتابة الموضوع دة بعد داك تعال نشوف ثقافتك و ثقافتي نحسِم أصل الموضوع
ولا ما ِكِدة؟
نشوف السبب العجبة للمارقوت دة شنو؟
و نشوف المارقوت دة ذاو شنو؟
و نشوف هل فعلاً مافي سبيبي في هذه البلاد ؟
و هل مافي خدود تتحمر وتتورد
و نجي نكمِّل و نشرح لفظة مربية أول قبل ما نضيف ليها أجيال
لأنو الأولي براها ليها صِفاتها و مواصفاتها
| |
|
|
|
|
|
|
|
|
|
Re: حارقين رُزّكُم فوق كم و لشنو؟ نحن ما عرب - قولوا أحححححححح إتفشّينا - سمِح (Re: حيدر حسن ميرغني)
|
الأخ حيدر
يكفيني هذا الإقتباس جداً و تُشكر عليه كإضافة للنقاش الواضح
| Quote: بالطبع ياعلاء لا انكر وجود الاصول العربية فى السودان |
يبقي الكلام دة :
Quote: عشان يبطلو حكاية عروبة وجن احمر دى
عليك الله هسى خلقنا دى بتشبه العرب ؟
لاشعر ناعم ومسبسب
ولا خدود بتحمر من الفرح ولا الزعل
ولا مناخير متل مناخير العرب دقيقة ومنظمة
اها المتعربين ليها شنو ؟ |
ينطبق عليهو كلامك التِحت دة:
| Quote: المصيبة تكمن فقط فى محاولة التغييب المتعمد من قبل البعض لعنصر دون الاخر |
و عايزين نعرِف السبب شنو و ليه؟
بينما ينفيه ما أوردته أنا أعلي هذا البوست:
Quote: إسمعيل حسن الشايقي الجد جد زمااااااااااان قال :
عرب ممزوجة بي دم الزنوج الحارة ديل أهلي |
شاكرين
| |
|
|
|
|
|
|
|
|
|
Re: حارقين رُزّكُم فوق كم و لشنو؟ نحن ما عرب - قولوا أحححححححح إتفشّينا - سمِح (Re: علاء الدين يوسف علي محمد)
|
و عشان ما نجرِف البوست عن مجراهو الحقيقي و يجو المنظراتية و يتغلغلوا في فرع الموضوع و يتركو أصله ينخره سوس تنظيرهم بقول الآتي:
المتناقِش يؤكد أنه من العرب الخليط و دة واضح من أول البوست
النقاش يدور حول:
الإقتباس أعلاه وهل فعلاً لا توجد (خِلق) ذات ملامح عربية؟
مافي شعر سبيبي زي ما أكدت صاحبة الإقتباس؟
إذا كانت هي لا تمت لشبه العرب الخليط بشيء هل هذا ينفيه عن الآخرين؟
ما السبب في التشفي الواضح لإثبات كل ما ورد أعلاه و الإستماتة من كثيرين لإثباته؟
ما دوافعهم؟
ماذا يختلِجُ في نفوسهم؟
لماذا يجعلون من هذا الموضوع شاغلاً لهم؟
ما الذي يضيرهم إن كُنّا عرباً أو زنوجاً أو خليط بينهما؟
ما الذي لا يعجبهم فينا؟
و ليه؟
ما عايزين تنظير عايزين كلام مباشر وواضح
| |
|
|
|
|
|
|
|
|
|
Re: حارقين رُزّكُم فوق كم و لشنو؟ نحن ما عرب - قولوا أحححححححح إتفشّينا - سمِح (Re: علاء الدين يوسف علي محمد)
|
[| Quote: قايل نفسك إكتشفتة الذرّة؟ |
لا لا... لكن اكتشفت انو كلام الاستاذه سلمي صاح
[Quote: راجع كلامي كلو شوف فيهو كلمة أنا عربي أو نحن عرب ؟..
|
طيب وكتين انت عارف نفسك ما عربي البخليك تختلف مع الاستاذه سلمي شنو وجاي فاتح ليك بوست طويل وعريض شنو..
[| Quote: الواضِح إنك مأزوم ... |
لا انا ما مأزوم ولا حاجه... وبعدين تعال هنا انت مالو نفسك قصير كده...
_______________________________________________________________
انت حرقتك قصة الشعر السبيبي...خلي عمر الفاروق يسلفك ياخي مش هو صاحبك
| |
|
|
|
|
|
|
|
|
|
Re: حارقين رُزّكُم فوق كم و لشنو؟ نحن ما عرب - قولوا أحححححححح إتفشّينا - سمِح (Re: علاء الدين يوسف علي محمد)
|
Quote: أنا عايز أسألكم سؤال واااااااااااااضِح
إنتو الحارِق رُزّكم شنو؟
لا عليكم الله قولوا بالجد ؟
مالكم ؟
حاسين بي شنو؟
فيكم شنو؟
البيحرِّك فيكم شيطان كتابة الترهات و العبط دة شنو؟
خليكم واضحييييييييييييييين عليكم الله و أصدقوا ولو لمرة و طقطِقوا الكيبورد دة بقوة و قولوا الفيكم عشان نعرِف لينا معاكم نهاية
قولوا الموجعكم شنو في حكاية أشكال و ألوان و أجناس دي
فضفِضو
|
الجهوية و الفبلية و التمييز
من انجازات الانقاذ
والشعور بالظلم من هذه الممارسات
ارجع الناس للكلام عنها
نطرح ما يزيل الاحتقان في الحراك المجتمعي
نرجع زي الاول سوداني و خليك سوداني
كســـــــــــــرة
بعض كتابات( القليل) المنبر هنا منطلقاتها مختلفة
مثلا....................شواك
| |
|
|
|
|
|
|
|
|
|
Re: حارقين رُزّكُم فوق كم و لشنو؟ نحن ما عرب - قولوا أحححححححح إتفشّينا - سمِح (Re: ابراهيم تون)
|
Quote: (اشهد ان لا اله الا الله واشهد ان محمد رسول الله (ص) .)
دة اسمو تقرير عدم الموضوع |
حرقك وين؟
Quote: أنا عايز أسألكم سؤال واااااااااااااضِح
إنتو الحارِق رُزّكم شنو؟
لا عليكم الله قولوا بالجد ؟
مالكم ؟
حاسين بي شنو؟
فيكم شنو؟
البيحرِّك فيكم شيطان كتابة الترهات و العبط دة شنو؟
خليكم واضحييييييييييييييين عليكم الله و أصدقوا ولو لمرة و طقطِقوا الكيبورد دة بقوة و قولوا الفيكم عشان نعرِف لينا معاكم نهاية
قولوا الموجعكم شنو في حكاية أشكال و ألوان و أجناس دي
فضفِضو |
ما قِدرتة تجاوب ؟
كلامك جاوب عنّك
| |
|
|
|
|
|
|
|
|
|
Re: حارقين رُزّكُم فوق كم و لشنو؟ نحن ما عرب - قولوا أحححححححح إتفشّينا - سمِح (Re: علاء الدين يوسف علي محمد)
|
Quote:
إسمعيل حسن الشايقي الجد جد زمااااااااااان قال :
عرب ممزوجة بي دم الزنوج الحارة ديل أهلي
نحن قلنا عرب ممزوجة (ما صافين)
و رددنا الكلام دة مليون مرة
و متراضين مع أنفسنا جداً و مبسوطين من شكلنا خالص و لما نقيف قدام المراية بنشكر الله أن جعلنا علي هذه الخِلقة القبلانين بيها
|
الأخ علاء الدين
تحية طيبة
والله يطول عمرك ويديك العافية
ياخى وضعنا واضح جدا للعيان وكما تفضلت نحن راضون جدا بهذا الوضع ولن ننكر اصولنا العربية ولا الزنجية ولسنا فى معرض مفاضلة ابدا بين هؤلاء او اولئك فكلهم اهلونا وكلهم جذورنا ...
حقيقة من زمان انا ما عارف الاشكالية فى شنو ؟؟؟؟
لعل البعض يشعر بالدونية ولذا يحاول افتعال شىء لا وجود له
ولكن كل سودانى اصيل يرضى بوضعه هذا المنتمى للابيض والاسود معا
معك لا ارى ان هنالك اى مشكلة
ولا نطالب اولئك باحتضاننا ولا اولئك باحتكارنا
نحن سودانيين وهذه تشكيلة متفردة وجميلة جدا
ومن لا يريدها فهو حر ودون الشرق والغرب فاليخار ما يشاء ....
شكرا يا سيدى على كلام العقل .....
مع مودتى
| |
|
|
|
|
|
|
|
|
|
Re: حارقين رُزّكُم فوق كم و لشنو؟ نحن ما عرب - قولوا أحححححححح إتفشّينا - سمِح (Re: قرشـــو)
|
حبينا قرشو
Quote: حقيقة من زمان انا ما عارف الاشكالية فى شنو ؟؟؟؟
لعل البعض يشعر بالدونية ولذا يحاول افتعال شىء لا وجود له |
كلام والله
| Quote: ولكن كل سودانى اصيل يرضى بوضعه هذا المنتمى للابيض والاسود معا |
نحنا راضين و الحمد لله
شعرنا سبيبي و الحمد لله
ولونا فاتح و الحمد لله
و ملامحنا ضاربة عربي علي أفريقي و الحمد لله
و عرب ممزوجين بدماء زنجية و الحمد لله
و راضين و الحمد لله
و فيكم ما فاضين و الحمد لله
و تسلم يا حبيب
| |
|
|
|
|
|
|
|
|
|
Re: حارقين رُزّكُم فوق كم و لشنو؟ نحن ما عرب - قولوا أحححححححح إتفشّينا - سمِح (Re: علاء الدين يوسف علي محمد)
|
ما تجو يا أخوانا وتورونا الحاصل شنو و مالكم و تناقشونا نقاش كان موضوعي أو لا موضوعي كلو بتلقوهو معانا
بس نحل المُشكِلة المأرِّقاكم دي و نشوف إنتو عايزننا نكون شنو؟
و صدقوني بنقبل
هل هل دة حيغير حاجة في شكل زول؟
مش ياهو كُلُّو في محلُّو؟
طيب ياخ نحن قبلانين بأي تصنيف تختونا فيهو
تعالوا قولوا لينا ياخ إنتو كِدة
عشان نبصم بالعشرة و تتخارجوا مننا و ما تشبكونا تاني إنتو حبش و فلاتة و ما أدراك
معلومة واحدة أفهموها أي كان تسلسلنا و إلي أين ينتهي نحن راضين عنّه و راضين عن شكلنا
تعالوا ياخ خلونا نِحل الشِبكة دي
و الما راضي بحالوا بنرضيهو برضو
لأنو دة واقع لا فِكاك منه
| |
|
|
|
|
|
|
|
|
|
Re: حارقين رُزّكُم فوق كم و لشنو؟ نحن ما عرب - قولوا أحححححححح إتفشّينا - سمِح (Re: علاء الدين يوسف علي محمد)
|
سلام يا باش مهندس
انشاء الله بسط
ارجو ان تسمح لى بايراد قصيدة اسماعيل حسن
التى تدمغ اباطيل اهل السخائم والأحقاد
بلادى أنا
بلاد ناساً مواريثم في أول شي … كتاب الله
وخيل مشدود … وسيف مسنون حداه درع .
تقاقيهم تسرج الليل مع الحيران
وشيخاً في الخلاوي ورع .
وكم نخلات تهبهب فى جروف الساب
وبقرة حلوبة تتضرع وليها ضرع .
وساقية تصحى اليل مع الفجراوى ..
يبكى الليل ويدلق فى جداولو دمع .
يخدر فى بلادى سلام .. خدرة شاربي موية النيل ..
تزرد في البوادى زرع .
بلادي سهول .. بلادي حقول ..
بلادي الجنة .. للشافوها أو للبره بيها سمع .
بلادي أنا تكرم الضيف وحتى الطير يجيها جعان ..
من أطرافها تقيها شبع .
بلادى الصفقة والطمبور ..
بلادى بلاد من التاريخ من ترهاقا لي عن ميسنا
وناسا حنان .. يكفكفو دمعة المفجوع
يبدو الغير على ذاتم .. يقسمو اللقمة بيناتم
ويدو الزاد .. حتى إن كان مصيرم جوع .
ديك أهلى ..
عرب ممزوجة بي دم الزنوج الحارة .. ديل أهلي
ديل أهلي لما أدور أفصل للبدور فصلي ..
أقول بعضى .. ألاقيهم تسربوا فى مسارب الروح بقو كلي
أسياد قلبي والإحساس .
وسافر في بحار شوقم زمان عقلي .
محل قبلت ألقاهم معاي معاي زي ضلى .
لو ما جيت من زي ديل ..
كان أسفاي .. وا مأساتي وا ذلي
تصور كيف يكون الحال ؟
لو ما كنت سوداني .. وأهل الحارة ما أهلي ؟
تصـور كيف ؟
لقد تغير الوضع الان ايها الشاعر الفذ اسماعيل فبعض الموتورين اصبحوا يزيفون الحقائق
ويرمون أكبادها بسهام تطيش وتصيبهم فى مقتل
كان الله فى عونكم...اللهم استل سخائم عبادك عنا واعدنا كما كنا اخوة متحابين واجرنا من
كيد اخوتنا
| |
|
|
|
|
|
|
|
|
|
Re: حارقين رُزّكُم فوق كم و لشنو؟ نحن ما عرب - قولوا أحححححححح إتفشّينا - سمِح (Re: علاء الدين يوسف علي محمد)
|
يا استااااااااااااااذ علاءالدين حرقنى وين دى شنو
اولا" ما فى مضوع اصلا" عشان احرقنى تانى حاجة والله ده عدم موضوع من قناة الجزيرة عشان انحنا دارسين كويس وعارفين تاريخ السودان هو شنو ودخول العرب الى السودان من زمن بعيد جدا" وحقيقة لا نستطيع ان ننكرها عشان دة التاريخ بيقول كدة. وانحنا اهلنا العرب الزمااااااااااااااان ناس الحارة موش المتعرين ديل وقناة الجزيرة تشيل التقرير دة تبلو وتشرب مويتو ( عرب ممزوجة بى دم الزنوج السود ديل اهلى تخيل لو ما كنت سودانى واهل الحارة ديل ما اهلى )
| |
|
|
|
|
|
|
| |
علاء الدين يوسف علي محمد
عمر الفاروق
Elsanosi Badr
حيدر حسن ميرغني
osman righeem
قرشـــو
الطيب عبدالرازق النقر
Nasr
فيس بوك
تويتر
انستقرام
يوتيوب
بنتيريست