|
دعواتكم لزميلنا المفكر د.الباقر العفيف بالشفاء العاجل
|
|
 Re: مُباشِر من الفاشِر - فاشِر السُلطان تحتفل بالسلام المُستدام (صور - فيديو) (Re: علاء الدين يوسف علي محمد)
|
الأخ علاء الدين
تحياتي
السلام المستدام أمر مازال بعيد المنال
وتصوير الذي تم بأنه السلام المستدام هو نوع من أنواع خداع الذات...
مع أستغرابي من أحتفاليتك المسماه السلام المستدام لحقن دماء (من رفضت في السابق أدانه قتلهم) , وقد أنتظرت كثيرا في ذلك البوست الذي وعدت بالرد عليه , الا أن أطلاق ما تم التوقيع عليه في الدوحه (بتحقيق السلام) فيه دعايه أنتخابيه أكثر من كونه فرح حقيقي بحق دماء من لا تجد المقدره على أدانه قتلهم! , وفيه خداع للقارئ ...
فمازال هناك تفاوض ومازال هناك موضوعات شائكه يمكن أن تنسف أحتفاليه الدوحه من أساسها , ولا نسيت !
لسه في موضوع العداله والمحاكمات ! ولا الريس قرر يسلم نفسو ! ..
ولسه في موضوع مشاركه أهل دارفور في حكم السودان بنسبتهم السكانيه , والمره دي مشاركه حقيقيه يعني نائب رئيس بسلطات حقيقيه وزارات سياديه طاقه ماليه وسلطات فعليه مش وزاره بيئه وسياحه وهلمجرا ! .
ولسه ولسه ولسه ...
ولا حسب معلوماتك انو السلام جاي جاي ! كده ورينا ولا يكون الريس قرر يوقع ورقه على بياض ويديها لخليل يكتب الدايرو !
بس عشان نعرف مصدر التفائل المنقطع النظير ده
مودتي
| |
 
|
|
|
|
|
|
|
|
Re: مُباشِر من الفاشِر - فاشِر السُلطان تحتفل بالسلام المُستدام (صور - فيديو) (Re: مجدى محمد مصطفى)
|
حبيبنا مجدي
الريِّس وراهو رُجال أسهروا الأمقال ضاقوا مشروبة (مشروبها)
و الرُجال ديل شيّالين تقيلة ما ساي
فما عندنا راجِل بِسلِّم ود بلد أصيل لعميل أجنبي تافِه و مُرتزِق
و ديل القالوا:
البِعجز يقع بيناتنا بِنسِندو
فدي لو شُفتة حلمة وِدانك بعدين ممكن تشوفها
أما مسألة إنو يدو خليل ورقة بيضا فدة برضو أضغاث أحلام
دة سلام لأجل السلام
العاجبو حبابو و الما عاجبو يقع بحر أبيض
و البلد ماااااااااااااااااشة ما بتقيف ليها لي زول
فدحين لا تظن إنو السلام جا لوِي إيد أو قلِع
وين كان موقِع خليل في الميدان لما جا السام دة؟
و كيف موقف عبد الواحد هسي؟
خليل لِعِبا صاح
غيرة كان دقس دقسة عُمرو
| |
|
|
|
|
|
|
|
|
|
Re: مُباشِر من الفاشِر - فاشِر السُلطان تحتفل بالسلام المُستدام (صور - فيديو) (Re: علاء الدين يوسف علي محمد)
|
الشاب الجذاب علاء الدين
Quote: الريِّس وراهو رُجال أسهروا الأمقال ضاقوا مشروبة (مشروبها)
و الرُجال ديل شيّالين تقيلة ما ساي
فما عندنا راجِل بِسلِّم ود بلد أصيل لعميل أجنبي تافِه و مُرتزِق
و ديل القالوا:
البِعجز يقع بيناتنا بِنسِندو
فدي لو شُفتة حلمة وِدانك بعدين ممكن تشوفها |
أنحنا من ما قمنا قالوا لينا المسلمين ما ممكن يجتمعوا على باطل ! ودحين ود البلد الأصيل ده متهم بقتل أو التسبب في قتل ألاف مؤلفه من المسلمين , ومعاك أنو المتهم بريئ حتى تثبت أدانته من محكمه , فالبرائه ما بتتشال (حمره عين) وجعليه ساي بل بتتشال من محكمه , فالزول في الشدايد أولى يلزم صبرو مولاه العزيز كسرو وجبروا , والزول أخير يمثل أمام محكمه جوه البلد بما أنو ود بلد و أصيل , أخير ليهو من تلتله المحاكم وبره البلد كمان !.
وفي المحكمه لما الناس تقيف سواسيه أمام القاضي العندو حق بيبين والكضاب بيبين ولا ما صاح !
Quote: أما مسألة إنو يدو خليل ورقة بيضا فدة برضو أضغاث أحلام
دة سلام لأجل السلام |
سلام لأجل السلام كيف يعني , طيب ما هو الناس كانت قاعده في سلام قبل ما يشن الريس حملات الدفتردار في دارفور
| Quote: العاجبو حبابو و الما عاجبو يقع بحر أبيض |
ياهو ده ذاتو الكلام البيجيب الكلام , ده بالبلدي كده أسمو (أدروب فقد المنطق) , البلد دي ما حقه زول ولا واقعه لى زول في كرتله , البلد دي الناس فيها شركاء سواسيه مافى ود بلد أصيل و ودبلد ما أصيل .
فمنطقك بتاع العاجبو عاجبو والماعاجبو يحلق حواجبو ده ذاتو بيأكد أنو البوست ده ما عندو علاقه بي سلام دارفور ولا حقن دماء أهل دارفور , بل هو محض دعايه أنتخابيه .
تخريمه : أهه الريس رأيو شنو حينتازل لى عرمان (لضمان وحده السودان) ولا عندو رأي ...
والله لقيتو ريس طفس بشكل 20 سنو ولسه ما شبع ( الشي كديس)
مودتي
| |
|
|
|
|
|
|
| |
علاء الدين يوسف علي محمد
عبود عبد الرحيم
ابراهيم قناوي
الشفيع وراق عبد الرحمن
السمانى عمارة
معاوية عوض الكريم
JOK BIONG
الغالى شقيفات
omer osman
JAD
مجدى محمد مصطفى
بشير أحمد
mayada kamal
عبد اللطيف السيدح
فيس بوك
تويتر
انستقرام
يوتيوب
بنتيريست