دعواتكم لزميلنا المفكر د.الباقر العفيف بالشفاء العاجل
|
|
 لا تُسرِفوا كثيراً في الرِّهان على خيارات هذا الشعب فتُخذلون (صُوَر)
|
كثيرون خرجوا من هذه البلاد متغرِّبين متشتتين بين أصقاع مختلِفة و بعضهم أُخرِج حسبما يروي ، و أعني هنا جيلٌ هو ما بين العقد الرابع و الخامس حالياً .
الإنقاذ قدمت للحكم (أياً كانت الوسيلة) منذ العام 1989م و أكملت العشرون عاماً و تمضي نحو الحادي و العشرون .
حينما خرجتم تركتم خلفكم جيلاً في العقد الأول من عمره ، أي عقلِيّةً هشّة يمكن تشكيلها كيفما يشاء المرء ، هذا الجيل الآن هو الذي ستكون له الكلِمة ، و هو جيلٌ خالص مُخلّص و مُخلِص للإنقاذ ، لن أٌطلِق عليهم لفظة (كيزان) التي تتلمّظون بها عنهم دوما بل سأقول أنهم جيل الإنقاذ ، تربى في كنفِها و صبر على أفاعيلها سنواتها الأولى و بعضهم خرج و عاد و البعض الغالِب تشبّث بأمل أن يصلح الله الحال و يرقى لأن يكون البلد مكاناً يصلح لأن يعيش فيه يعمل و يسكن و يأكل ، و أنا من هذا الجيل.
أما جيل البطولات و التضحيات الذي تدّعون فقد فات زمانكم و مات غنّايكم و لا أعتقد أن هنالك خيارات متاحة غير التي يقولها أبناء هذا الجيل الثلاثيني حالياً ، أم تودُّون التغوُّل على زمان ليس لكم؟
لن أُطيل عليكم كثيراً فهذا البوست فيه الصور تُحدِّث معبرة عن حال الشارع و الشعب و رؤيته للأمور ، ثقافة لم تكن يوماً لديكم حين (إتخارجتم) من هذه البلد و كنتم في حال يتمنى الواحد فيكم ألا يرى علم بلاده يرفرف مرة أخرى بين العالمين ، خرجتم و وشيكم ينعل قفاكم و أنتم ساخطون شد السخط على البلد و ما فيه بمن فيه (خرج و لم يعد) و تظنون أن الحال كما قد كان عليه فانظروا لهذا الحب الدفّاق للعلم الذي يعني الوطن و من يحمل همّه هذا المواطن الفرِح به مرفرفاً أمام عينيه و إن كان في (ركشة) فهل تُرى سيُفرِّط هؤلاء فيك يا وطن !!!!ظ؟
لا أعتقد ، و لا يخدعنّكم حب هذا الجيل للعبة كرة القدم و هلال مرّيخ فهذا لن يلهيهم عن الثوابت التي تفتقدون .
فلا تحلموا بعالمٍ سعيد و تُمنّنون النفس بما لا تطيقه أو تقدِر عليه بناء فرضيات وهمية تُكذِّبها معطيات على أرض الواقع ، فما يعتمل في دواخلكم من فِعل زلّوط يزينه لكم في شكل حصان طراودة أجنبي أيها الجلبِيُّون الجُدد أمرٌ أظنه ضربٌ من الخيال و حال من الخطل و الخبال.
ملحوظة:
جميع هذه الصور بتاريخ اليوم 28/02/2009م و من منطقة جنوب الخرطوم فقط (السوق المركزي و الأزهري و السلمة و جزء من الصحافة و البراري) الناس الغُبُش.
ملحوظة أخرى:
هذا الوعي السائد لا علاقة له بجنائية أو غيرها ، لكن قد تكون إضافات صور البشير بعد ذلك وهو أمرُ أشدّ صعوبة عليكم في وقعه.
|
|
 
|
|
|
|
|
|
|
|
Re: اُسرِفوا كثيراً في الرِّهان على خيارات هذا الشعب ستفرحون!!! توجد صور بعضها فوتوشوب (Re: خضر الطيب)
|
عم خدوووووووووووور ياخ
الإرهابي الطالباني المجاهد الأسبق
تعرِف
الجيل دة إنت تحديداً أسهمت بصورة كبيرة جداً في تربيتو و غرس هذه القيم فيهو و دة شيء تُثبِتو كتاباتك لو عايز منها نماذج ممكن أمِدّك بيها هِنا.
يعني تربيتكم هذه العقلية
لا يعني تنصُلك عن أفكاراك و تراجعك عن مبادئك السابقة إنك لم تكن يوماً تحمِلها و تُبشِّر بها و كان هذا المنبر واحداً من أدواتك التبشيرية بفكرك ذاك
هل تنكره يا خدور؟
لنأتيك بالمدد
| |
|
|
|
|
|
|
|
|
|
Re: اُسرِفوا كثيراً في الرِّهان على خيارات هذا الشعب ستفرحون!!! لا يوجد فوتوشوب بل يوجد هلع (Re: علاء الدين يوسف علي محمد)
|
| Quote: توجد صور بعضها فوتوشوب |
و دي كتبتها في عنوان مُداخلتك و لم تكتبها في المداخلة لماذا!!!!؟
لا يوجد فوتوشوب و الصور حديثة جداً ظهر اليوم و عصره و يمكنك عرضها على من تشاء
لا يوجد فوتوشوب بل يوجد هلع و خوف و ذهول مما تحمله هذه الصور من خلال الرسائل التي أعلم أنها قد وصلت تماماً لأناس مثلك يضعون أصابعهم في آذانهم حذراً من سماع صوت الحق البائن.
لا يوجد فوتوشوب بل توجد جرسة و سكلبة مما تنظرونه و أمثالك في هذه الصور من حقيقة واقع مؤلم تجاهكم عكس ما كنتم تحسبون ، و أرحم ليك من هسي لو مُصِر على التغيير البيحلم بيهو رفقاتك ديل تختار ليك دار مُسنِّنين مكررررررررربة حيثما لجأت تقضي فيها ما تبقى لك من أرذل العمر.
| |
|
|
|
|
|
|
|
|
|
Re: لا تُسرِفوا كثيراً في الرِّهان على خيارات هذا الشعب فتُخذلون (صُوَر) (Re: بشير أحمد)
|
دكتور بشير
تحياتي
تعرِف الشاب الجميل الفي الصورة التِحِت دي:
و أنا ماشي بالعربية من الغرب للشرق و لافي من صينية الأزهري تجاه الجنوب هو كان أمامي و واصل ناحية الشرق ، غيّرت طريقي لما شفتة العلم وهو الحقيقة منتشر بكثرة في سيارات بمختلف الأشكال و الألوان بعضها خاص بعضها أجرة بعضها رُكّاب ، فكنت عايز من كل نوع عينة لذلك تبعته و ضربتة ليهو بوري و شغّلتة ليهو النور كم مرة لحدي ما وقف و نزلت و بلطف شديد إعتذرت ليهو و قلتة ليهو ياخي معليش أنا عايز لي صورة لعربيتك دي من القزاز بس عايز العلم المعلّق دة يظهر ممكن ؟ ابتسم ضاحكاً و قال لي لشنو؟ إنت صحفي ؟ قلت ليهو لأ أنا عايزة لموضوع في الإنترنت لأوضح لبعض مناضلي الضللة و الكيبورد ماذا يدور فيك يا بلادي و خاصة إنو هُمّ معظمهم يؤيد محاكمة البشير ، ضِحك و قال لي: ياخ خلِّيهم يؤيدوا نحن ما مؤتمر وطني لكن يمرقوهو من هنا بعد يمرقوا روحنا.
الكلام دة ما فيهو أي إضافات أو نقص و الشاب طبيب في إحدى المستشفيات.
| |
|
|
|
|
|
|
|
|
|
Re: لا تُسرِفوا كثيراً في الرِّهان على خيارات هذا الشعب فتُخذلون (صُوَر) (Re: بشير أحمد)
|
دكتور بشير
تحياتي
تعرِف الشاب الجميل الفي الصورة التِحِت دي:
و أنا ماشي بالعربية من الغرب للشرق و لافي من صينية الأزهري تجاه الجنوب هو كان أمامي و واصل ناحية الشرق ، غيّرت طريقي لما شفتة العلم وهو الحقيقة منتشر بكثرة في سيارات بمختلف الأشكال و الألوان بعضها خاص بعضها أجرة بعضها رُكّاب ، فكنت عايز من كل نوع عينة لذلك تبعته و ضربتة ليهو بوري و شغّلتة ليهو النور كم مرة لحدي ما وقف و نزلت و بلطف شديد إعتذرت ليهو و قلتة ليهو ياخي معليش أنا عايز لي صورة لعربيتك دي من القزاز بس عايز العلم المعلّق دة يظهر ممكن ؟ ابتسم ضاحكاً و قال لي لشنو؟ إنت صحفي ؟ قلت ليهو لأ أنا عايزة لموضوع في الإنترنت لأوضح لبعض مناضلي الضللة و الكيبورد ماذا يدور فيك يا بلادي و خاصة إنو هُمّ معظمهم يؤيد محاكمة البشير ، ضِحك و قال لي: ياخ خلِّيهم يؤيدوا نحن ما مؤتمر وطني لكن يمرقوهو من هنا بعد يمرقوا روحنا.
الكلام دة ما فيهو أي إضافات أو نقص و الشاب طبيب في إحدى المستشفيات.
| |
|
|
|
|
|
|
|
|
|
Re: لا تُسرِفوا كثيراً في الرِّهان على خيارات هذا الشعب فتُخذلون (صُوَر) (Re: فيصل محمد خليل)
|
الجميل فيصل خليل
Quote: علولو
انا ممكن اجيب ليك دشليون عربية مافيها علم
و خرطومية بيت علم لس |
ياخي الراجل يقول ليك كان لافي من صينية لي صينية بطارد في العربات عشان يصور
تقول ليهو اجيب ليك ماعارف شنو !!!
دا نوع جديد من الاعلام الشوارعي الكيزاني الجماعة بدوا يجرو في الشوارع يطاردو العربات الفيها
صورة المطلوب لدى المحكمة الجنائية الدولية .هناك وانطد وهنا وانطد . محن
| |
|
|
|
|
|
|
|
|
|
Re: لا تُسرِفوا كثيراً في الرِّهان على خيارات هذا الشعب فتُخذلون (صُوَر) (Re: خضر الطيب)
|
Quote: ياخي الراجل يقول ليك كان لافي من صينية لي صينية بطارد في العربات عشان يصور
تقول ليهو اجيب ليك ماعارف شنو !!! |
خدووووووووووور يا عمنا
قلتة لي سابقاًإنّك خِريِّج بخت الرضا يعني أعتقد تنطبِق عليك مواصفات أعمامنا الإتخارجو ناس إلتقى جيل البطولات بجيل التضحيات فأخرجوا لنا هذا الفُتاتِ
فليك حق تتفوه بما تفوهت به أعلاه و ليك حق تنزعج و تُشكِّك في صحة هذه الصور لأنك تعرف جيداً إنو :
الصور أصدق إنباءاً من النضمي
و طبعاً بما إنو اليوم السبت وهو إجازة بطبيعة الحال في البلد و دي حاجة إنتو ما بتعرفها لأنكم خليتوها جمعة بس فلعلمك بقت معاها سبت ، و ما كتيرة عليكم لفة لفتين في صينية صينيتين طالما في إجازة ليش نحرمكم من حقيقة وواقع لازم يقع ليكم.
فعليك الله يا خدّور تخيل معاي بتاع الركشة الفوق دام لمّة فيك و إنت بتقول عايز تسلِّم البشير لمنو كدة ما عارف شوف حيحصل شنو ؟
ما سمعتة عمنا غازي سليمان قال شنو؟
يعني جيل الإنقاذ كُلّو زائداً جزء كبير جداً من جيلكم
يعني لا تحلموا بعالمٍ سعيد
إلا غايتو تبيدوا الجيل دة كلو
| |
|
|
|
|
|
|
|
|
|
Re: لا تُسرِفوا كثيراً في الرِّهان على خيارات هذا الشعب فتُخذلون (صُوَر) (Re: Mohamed Suleiman)
|
أووووووووووووووو حمادة تش - حمادة فبركة - حمادة بيانات - مراسلهم قناة المدينة
وينك و وين أيامك ياخ
ظهرتة مجرد ظهور أوكامبو!!!؟
طبعاً إنت تحديداً أنا قولي فيك عمرو ما يتغير إنك زول مهزوز تحتاج لعلاج نفسي مُكثّف لتفيق من أحلامك الزلوطية
| Quote: نظام فاسد دموي يستخدم العلم السوداني كورقة توت يداري بها سوءة أعماله |
يا زلّوط الأكبر
أنا ما جبتة ليك صور عربات القصر الجمهوري
قول بسم الله و شوف ليك زول يديك أم دلدوم أو يكشح فيك (كوز) موية بااااااااااااردة شان حُمار النوم الراكبك دة ينفك من فقهتك دي و ينزِل منها
دي صور ركشات و حافلات و هايسات و عربات مواطنين خبط عشواء و عينات بس من كميات رهييييييييييييييييييبة ممكن تتصل تلفون لواحد من قرايبك قول ليهو شيل ليك كاميرا و أقيف أخد كم لقطة كدة من الشارع
شان تقوم جاري أوباما ما يوقِّفك تاني.
أما حُلمك الزغاوي العبيط فيكفيك هذا الإقتباس :
Quote: الهادي عيسى دبكة قال مرة :
ولاد فور و عيال زغاوة بقولوا عايزين يمحونا نحن عرب دارفور منها دحين أنا بمسكها من طرابلس لي سوق أم دفسو ما بخلي فيهم نفر و نحن كِن هم ما عارفين 70 المية من دارفور. |
يعني البشير مشى قعد إنت ليك فرقة ماف
زي ما قلتة لصحبك داك شوف ليك من هسي دار مسنين مكربة و أحجِز فيها و خُت ليك رصيد من دولارات الإعانة خُتّها لليوم الأسود النضارات البيرسول ملحوقة.
| |
|
|
|
|
|
|
|
|
|
Re: لا تُسرِفوا كثيراً في الرِّهان على خيارات هذا الشعب فتُخذلون (صُوَر) (Re: خضر الطيب)
|
علاوي
بتعرف الفرق بين الغراب بتاع سنة رابعة والغراب الهسع
بتاع سنة رابعة داك جاءهو الثعلب قال ليهو صوتك جميل سمعنا
مقطع كدا من بيت الكلاوي , العوير صدق . فتح بوزو عشان يغني
طاحت الجبنة في فم الثعلب . اها دارت الايام وبعد 20 سنة كدا
نفس الثعلب لاقى ليك غراب تفتيحة من الزمن دا
قال ليهو اسمعنا صوتك الجميل
الغراب فتحخشمو عشان يغني الجبنة الكانت في فمه طاحت لكن المرة دي
الغراب كان رابط الجبنة بدبارة و معلق الدبارة في رقبتو
قال للثعلب انت قايلني غراب سنة رابعة العوير داك .
قس على ذالك
تاني مافي حاجة بتفوت على الناس
| |
|
|
|
|
|
|
|
|
|
Re: لا تُسرِفوا كثيراً في الرِّهان على خيارات هذا الشعب فتُخذلون (صُوَر) (Re: يوسف الولى)
|
Quote: بتعرف الفرق بين الغراب بتاع سنة رابعة والغراب الهسع
بتاع سنة رابعة داك جاءهو الثعلب قال ليهو صوتك جميل سمعنا
مقطع كدا من بيت الكلاوي , العوير صدق . فتح بوزو عشان يغني
طاحت الجبنة في فم الثعلب . اها دارت الايام وبعد 20 سنة كدا
نفس الثعلب لاقى ليك غراب تفتيحة من الزمن دا
قال ليهو اسمعنا صوتك الجميل
الغراب فتحخشمو عشان يغني الجبنة الكانت في فمه طاحت لكن المرة دي
الغراب كان رابط الجبنة بدبارة و معلق الدبارة في رقبتو
قال للثعلب انت قايلني غراب سنة رابعة العوير داك . |
يا فيسل ياخ و تيب ما إنتة معاي عديييييييييييييل كدة
أها جيلكم ياهو الغراب الما تفتيحة داك و الجيل دة ياهو التفتيحة
و الغريبة إنك متفق معانا كمان في المدة الإنقاذية ما بين الغرابين
يعني التخاريف الفي راسكم دي الجيل دة ما شايلة
عِرفتة؟
| |
|
|
|
|
|
|
|
|
|
Re: لا تُسرِفوا كثيراً في الرِّهان على خيارات هذا الشعب فتُخذلون (صُوَر) (Re: فيصل محمد خليل)
|
| Quote: السنة كلها نعديها شرح ? |
إستحمل يا فيسل
إنت شكلك زول كُتّاب و تحتاج للمزيد المزيد من الشرح
بعدين كويِّس بقيت تخُش الحلبة
الدور داك ماكان لايق عليك
خليك هِنا لمزيد من التوضيح و أول توضيح :
يا فيسل تعرِف الأعلام الإنتة شايفة في الصور الفوق دي لا تُوزّع مجاناً ، نحن لمن قمنا و شفناكم يا أعمامنا قدامنا كانت ثقافة العلم إنو إما في القصر الجمهوري و عرباتو أو في واحدة من الوزارات أو بالكتير كدة في معرض الخرطوم الدولي.
الآن العلم بقى ثقافة و الوطنية بقت إحساس و المواطن بقى عارف هو عايز شنو
فاضل إنت و دفعتك تعرِفوا قبل ما تجونا متوكِّئين على عصاة
يا فيسل خلاس راهت أليكم سدقني
| |
|
|
|
|
|
|
|
|
|
Re: لا تُسرِفوا كثيراً في الرِّهان على خيارات هذا الشعب فتُخذلون (صُوَر) (Re: علاء الدين يوسف علي محمد)
|
مرحب بالوطن.. نفديه بي ..... اروحنا
ما بنهاب نخوض شانه الحروب الطاحنه
فيه نشوف .. امانينا.. وتمام ......افرحنا
فيه نشوف صباحاتنا.. ونشوف اترحنا
***
مرحب بالوطن نرفع عشانو ... سيوفنا
يبقي الدم بحر يروي الخضار في جروفنا
لكن يا حرام لو طلقه من ...... معكوفنا
صوبناها في زولا شقيق من طوفنا
****
ياخواني الحروب ضد العدو ... البراني
ضد الغازي من بلد الاجا نب .. جاني
ما ضد الشقيق.. ابن الوطن .. سوداني
ود بلدي .. ووليد حوشي وطبيب مصراني
*****
دي الحرب اللعينه الفاجره .. والخسرانه
والكاتل كتيل .. فيها وضحيه ...... دانه
والقال منتصر كضاب بقت ... خربانه
مهزوم.. الجميع.. . والعالمين شايفانا
******
يا عاشق حروب اخر زمن .... خلينا
ما بتقدر تجيب الا.. الخراب والشينه
لو قلت البطوله ... تشيل سلاح تصلينا
واخيبه... هواك ضليت طريق وادينا
********
لو داير البطوله تكون حصيف عقلاني
ترفع راية .. الوحده وتعز... اخواني
متساويه الحقوق لا عالي الا تحتاني
كل الناس تقول يحيا ويعيش سوداين
| |
|
|
|
|
|
|
|
|
|
Re: لا تُسرِفوا كثيراً في الرِّهان على خيارات هذا الشعب فتُخذلون (صُوَر) (Re: فيصل محمد خليل)
|
Quote: عيب
قبل شوية ما كنت بتشكر فيهم طلعتهمم ما يسوا شئ
يا عم قوم لف |
يا فيسل
ياخي لكن لقيتك زول مسيكين ساي
يبدو إنك ما حتجيد غير الدور داك و أحسن ترجع ليهو
لأنو لو ربنا أداك شويييييييييييييية بتاعت فهم كان عرفتة إنو الشجر الكبار أعني به كباركم الذين علّموكم السحر وقعت ليهم
و يبدو إنو إنت مكتوب ليك تقع بس لكن ما تقع ليك
و تقع بيك كب تقوم رب
(أخير من قوم لِف مش)
قلت لي البشكير بقى بي كم؟
| |
|
|
|
|
|
|
|
|
|
Re: لا تُسرِفوا كثيراً في الرِّهان على خيارات هذا الشعب فتُخذلون (صُوَر) (Re: الرشيد ابراهيم احمد)
|
Quote: مرحب بالوطن.. نفديه بي ..... اروحنا
ما بنهاب نخوض شانه الحروب الطاحنه
فيه نشوف .. امانينا.. وتمام ......افرحنا
فيه نشوف صباحاتنا.. ونشوف اترحنا
***
مرحب بالوطن نرفع عشانو ... سيوفنا
يبقي الدم بحر يروي الخضار في جروفنا
لكن يا حرام لو طلقه من ...... معكوفنا
صوبناها في زولا شقيق من طوفنا
****
ياخواني الحروب ضد العدو ... البراني
ضد الغازي من بلد الاجا نب .. جاني
ما ضد الشقيق.. ابن الوطن .. سوداني
ود بلدي .. ووليد حوشي وطبيب مصراني
*****
دي الحرب اللعينه الفاجره .. والخسرانه
والكاتل كتيل .. فيها وضحيه ...... دانه
والقال منتصر كضاب بقت ... خربانه
مهزوم.. الجميع.. . والعالمين شايفانا
******
يا عاشق حروب اخر زمن .... خلينا
ما بتقدر تجيب الا.. الخراب والشينه
لو قلت البطوله ... تشيل سلاح تصلينا
واخيبه... هواك ضليت طريق وادينا
********
لو داير البطوله تكون حصيف عقلاني
ترفع راية .. الوحده وتعز... اخواني
متساويه الحقوق لا عالي الا تحتاني
كل الناس تقول يحيا ويعيش سوداين |
عفيت مِنّك يا الرشيد
| |
|
|
|
|
|
|
|
|
|
Re: لا تُسرِفوا كثيراً في الرِّهان على خيارات هذا الشعب فتُخذلون (صُوَر) (Re: Kostawi)
|
الخردة كوستاوي
طبعاً إنت الدخّلك لي الليلة الشديد القوي ما قعد تجيني بالهينة كدة و دة يدل على إنو الصور دي فعلاً سببت بعض جقلبة مع نوع من الإرتعاش و تقلصات المعدة و .....إلخ
عموماً
الفرق بين صوري و صورتك إنو صوري حقيقيات و حقّتك مُزوّرة
و إنت الآن أمام شعب لمن طلعتة خليت القدري بحبي في الواطة و الشعب خلاص أموركم البتسوا فيها دي جلّاها و عدّة المرحلة دي
و خلّاكم مع أفكاركم دي تقضوا ما تبقى من عمركم
يا خردة الكلمة بقت ما ليكم
و شغلكم دة صدقني هو أكبر معين للإنقاذ لتربية جيال و أجيال على كراهيتكم و نبذكم
و بكرة تشوف
| |
|
|
|
|
|
|
|
|
|
Re: لا تُسرِفوا كثيراً في الرِّهان على خيارات هذا الشعب فتُخذلون (صُوَر) (Re: علاء الدين يوسف علي محمد)
|
إنتو يا كيزان السجم حتى العلم عملتو حقكم ؟؟؟
مافي زول قال ليك الشعب ما بحب العلم و لا بحب بلدو ..
الشعب ما بحبكم إنتو يا كيزان و أولكم كبيركم الفي السجن و الفي القصر الأتنين مع بعض ..
بالمناسبة الجيل العاش في عهد الإنقاذ هو أكتر جيل بكره الإنقاذ لأنو أكتر جيل وجد معاناة في حياتو و في دراستو و حتى في حياتو الخاصة يعني يا علاء نحن ما عايشين في الواق الواق كنا طلبة في الجامعات و المدارس و شفنا حجم الإنقاذ كويس
و الجيل ده بالتحديد حيسوقكم لمزبلة التاريخ
| |
|
|
|
|
|
|
|
|
|
Re: لا تُسرِفوا كثيراً في الرِّهان على خيارات هذا الشعب فتُخذلون (صُوَر) (Re: فيصل محمد خليل)
|
الأستاذ علاء
السلام عليكم
إختلفنا مع الإنقاذ
ولا زلنا نختلف معها في الكثير
لكن ورغم أنف الكبير والصغير
ومن هم داخل وخارج حدود الوطن
يبقى موقع الرئيس خط أحمر
المساس به يعني المساس بسيادة الوطن
وهذا الفهم هو فهم أي سوداني بعيد عن الهوى والغرض
ولا يمكن أن يتعظ من لم يتعظ بالعراق
لذلك الوقوف مع الرئيس ليس إلا بدافع الوطن والوطنية
والاسلام أولاً وأخيراً
وهذه القيم والمبادئ وخاصة الإسلام دفنت تحت صقيع اوروبا
ولكي توقظ مثل هؤلاء
أخي علاء لا أظنك تحتاج لأقل من حمولة سبع سماوات من القنابل النووية
ولا أظنها تكفي
فلا تتعب معهم وكن مع الجيل الناشئ ففيه الخير الكثير
أما أولئك فهم من عينة:
كناطح صخرة يوما ليوهنها *** فما ضرها وأوهى قرنه الوعل
_______________________________
تحياتي للجميع
وحفظ الله أوطاننا من شر الأعداء والأبناء
| |
|
|
|
|
|
|
|
|
|
Re: لا تُسرِفوا كثيراً في الرِّهان على خيارات هذا الشعب فتُخذلون (صُوَر) (Re: ابراهيم قناوي)
|
Quote: فلا تتعب معهم وكن مع الجيل الناشئ ففيه الخير الكثير
أما أولئك فهم من عينة:
كناطح صخرة يوما ليوهنها *** فما ضرها وأوهى قرنه الوعل |
أخي العزيز إبراهيم قناوي
أهة شفتة الجيل النشء دة هو صاحب الكلمة اليوم
هم خلاص راحت عليهم ما ديارين يقتنعوا لكن بيعرفوا الكلام دة لما يشوفوا الواقع الآن
كُلنا ما كيزان ولا عمرنا سلّمنا راسنا دة لجهة و ما حنسلِّمو أبداً
لكن الثوابت تبقى ثوابت
ديل ناس سنة خرتموية حيتخرتوا خرت جد لما يخشوا اللعبة
| |
|
|
|
|
|
|
|
|
|
Re: لا تُسرِفوا كثيراً في الرِّهان على خيارات هذا الشعب فتُخذلون (صُوَر) (Re: nazar hussien)
|
Quote: حديث هذا الشاب قالته لي قبل اسبوع فقط ست الشاي قريبا من سوق
15 العمارات.... بس هي قالت الا يكطعونا حتت...وتبيع في شاهيها
ولقيماتها...صحيح ما جنبها علم السودان...لكنها مطمئنة بمن حولها..
وكلهم علم سودان... |
دة هو الفهم السائد
لكن مساكين مناضلين الضللة و الكيبورد فاكرين الناس لِسّع بتغنِّي في الملحمة و التقى جيل البطولات بجيل التضحيات.
حليلكم زمانكم فات و غنّايكم مات و رهانكم خاسِر
الحقيقة مرة علقم لازم عوِّدوا نفسكم على بلعها
| |
|
|
|
|
|
|
|
|
 Re: لا تُسرِفوا كثيراً في الرِّهان على خيارات هذا الشعب فتُخذلون (صُوَر) (Re: nazar hussien)
|
المرجــو من الأمنجي علاء الدين يوسف ..
تخفيف الجرعات الوطنية . في ناس هنا دا راي الشارع دا أحتمال يعمل ليهم بعيد عنك شلل نصفي ..
السؤال البطرح نفسو ..
من متين وياتو يوم وياتو سنة .. في سوداني انحنى في شيلة ..؟
تعرف يا نزار ..
ست الشاي دي كان في دواس زغرادة خلاص .. واكان زغردت ويدها بي موية شاهيهـا دا .. والله تشوف ليك شغــل زي جماعتك ديل إلا يقفلو نخرينم ..
اقول ليك حاجة يا عـــلاء :
كتر ليهم من (البيارق) دي .. وجيب معاك برميل بنج .. في ناس كدا إلا ياخدو بنج ما بيستحملو ..
| |
|
|
|
|
|
|
|
|
|
Re: لا تُسرِفوا كثيراً في الرِّهان على خيارات هذا الشعب فتُخذلون (صُوَر) (Re: tmbis)
|
Quote: تعرف يا نزار ..
ست الشاي دي كان في دواس زغرادة خلاص .. واكان زغردت ويدها بي موية شاهيهـا دا ..
والله تشوف ليك شغــل زي جماعتك ديل إلا يقفلو نخرينم ..
|
يا راجل دي بتشيل الجمرة بي ايدا وتقول ليك هاك ولّع سجارتك
انا جنس ناس زي ديل من ربي ما خلقني ما لاقيتهم؟
السودانيين الجوة ديل مرين خلاس
يمين كلامنا الانترنتي دا ولا شغالين بيه الشغلة
تتونس مع الواحد...اوكامبو...وامر القبض...
وهو يقول ليك ...اكتبوا ليه 3 رمي غطا..
لامن انت تحرق...ويركبوا ليك مشابك..
ما بسمعوك بتقول في شنو؟
| |
|
|
|
|
|
|
|
|
|
Re: لا تُسرِفوا كثيراً في الرِّهان على خيارات هذا الشعب فتُخذلون (صُوَر) (Re: nazar hussien)
|
Quote: السودانيين الجوة ديل مرين خلاس
يمين كلامنا الانترنتي دا ولا شغالين بيه الشغلة |
..  حليلنا انحنا قاعدين نحاحي مع مناضلين استوكهولم .. وفرجينيا .. والسكـا .. إلخ .. ياخ أنا الاسبوع الفات في السوق جيت ماشي جمب كرتونة حكيت فيها حكة صغيرة كدا .. تخيل جرحتني ..؟ 
تخيل حسع أنا بقدر احكي الواقعة دي .. لو لما حضور مناضلين الكيبورد ديل ..؟
والله دي امشي اقوله في السوق العربي جمب ست الشاي دي . أحتمال كبير تدخلني جوه المنقد ..
Quote: تتونس مع الواحد...اوكامبو...وامر القبض...
وهو يقول ليك ...اكتبوا ليه 3 رمي غطا..
لامن انت تحرق...ويركبوا ليك مشابك..
ما بسمعوك بتقول في شنو؟ |
..
يعني حسع زي ديل .. نفرض مثلا يعني انو عموو اوكامبو عمل الحركة بتاعتو دي .. قووول جماعتو ديل جو داخلين والعين بتشوف وقلعو البشير دا قلع ..
اهـــا
يللا بعداك .. جماعتك البتكورك هنا دا .. عايزين يمشو يلقوهـا باااردة كدا دا .. واللا النظام شنـو يعني ؟؟
غايتو أنا عندي قطعة أرض سكنية .. وعندي عمارة مقفل فيها طابقين باقي (الزنكي) بتاع الطابق التالت ... (والخيش)
من هذا المكان .. أعلن عن تبرعي بي كل العقــاراات دي .. لي (استيف) + (هشــام هباني) الطكاسي أنا قاعد في سعوديتي دي اصلو ما ماش فجــه ..
| |
|
|
|
|
|
|
|
|
|
Re: لا تُسرِفوا كثيراً في الرِّهان على خيارات هذا الشعب فتُخذلون (صُوَر) (Re: nazar hussien)
|
ممكن تجيب لينا صور من معسكرات اللاجئين في دارفور؟؟
ممكن تجيب لينا صور للقرى المحروقة؟؟
ممكن تجيب لينا صور المقابر الجماعية؟؟
ممكن تجيب لينا صور من ""رواكيب"" أهلنا المناصير الصامدين؟؟
ممكن تجيب لينا صور المدارس اللي طلابها بيشربوا من الجامع المجاور؟؟
ممكن تجيب لينا صور من دار المايقوما؟؟
ممكن تجيب لينا صور المتسولين في شوارع المدن؟؟
ممكن تجيب لينا صور معوقي القوات المسلحة في حرب "فتح الجنوب" الجهادية؟؟
ممكن تجيب لينا صورة علم الإحتلال المصري وهو بيرفرف في سماء حلايب؟؟
ممكن تدينا عدد اللي ماتوا نتيجة تعاطي الأدوية المغشوشة؟؟
ممكن تدينا عدد ضحايا بيوت الأشباح؟؟
ممكن تدينا عدد المشردين للصالح العام؟؟
ممكن تدينا عدد الملتحين من الأراذل اللي تحصلو على الجنسية السودانية؟؟
ممكن تقول لينا عدد الأطباء الخريجين اللي ليهم كم سنة ما لاقين شغل؟؟
ممكن تقول لينا من هم المالكين العربات والبيوت الفخمة دي؟؟؟
ممكن تقول لي كم واحد ، في سنك ، عندهم كاميرات وعربات يتصرمحوا بيها في الشوارع زيك؟؟
ممكن تقول لي كم واحد ، في سنك ، بيحملوا أرفع الشهادات ببيعوا الموية ، ويعتلوا ، وبشيلوا المونة عشان ما يتصرمحوا زيك؟؟
تربية إنقاذية فاسدة !!
تحياتي
| |
|
|
|
|
|
|
|
|
|
Re: لا تُسرِفوا كثيراً في الرِّهان على خيارات هذا الشعب فتُخذلون (صُوَر) (Re: tmbis)
|
Quote: المرجــو من الأمنجي علاء الدين يوسف ..
تخفيف الجرعات الوطنية . في ناس هنا دا راي الشارع دا أحتمال يعمل ليهم بعيد عنك شلل نصفي .. |
الكوز و بوق النضال الأمنجي الدبلوماسي (باعتبار إنك مقيم برة و أمنجي)
تمبس يا حبيب
كويس الليلة إتقابلنا في بوست ما فيهو مناتِل واحد لكن مجموعة بتجي هنا عيونها بتذبهِل و بيصيبهم إرتعاد فرائض مع تقلصات معدة و مصران عصبي أما ناس الضغط و السكري فديل من العنوان شكلهم ما دخلو
يا تمبس والله رأي الشارع وااااااااااااااااضح ما فاضح
و الناس ديل يشوفوا ليهم من هسي دي دار عجزة فيها إنترنت كافيه
لأنو كانوا فاكرين البلد لِسّع ماشة بمفاهيمهم المقلوبة دي
و حاسبنها غلط
| |
|
|
|
|
|
|
|
|
|
Re: هاك ديل ياست الشاي انت ديل برضهم سودانين ومن جوه (Re: فيصل محمد خليل)
|
Quote: علاء الدين، كيفك ..
الظاهر يا علاء الزي فيصل خليل ده يقعدوا يتسحبوا ويتنسنسوا ويتنايصوا بي برة ..وإنتو مكتوب عليكم إنكم تقعدوا تحرسوا وتحموا أخواتهم وأمهاتهم وأعراضهم وكت الكعة والحارة تولع بي جوة !!.. |
حبيبنا منير
سلامات يا راجل يا كتّاب
فيسل دة زول كُتّاب ساكت
عبارة عن قُفة بدون إضنين عتالتها ذاتة مُشكلة
| |
|
|
|
|
|
|
|
|
|
Re: هاك ديل ياست الشاي انت ديل برضهم سودانين ومن جوه (Re: خضر الطيب)
|
| Quote: منير الشفت ياخ كويس انك عرفت انك انت المقصود |
والله يا خضر الطيب إنت قوة عينك دي انا ما شفتها إلا في شريحة معروفة كده .. حمانا الله الواحد ممكن يتوقع منها أي حاجة !!!.....
| Quote: عليك الله انت بجد عندك دكتوراه من جامعة القرآن الكريم??? |
وكمان بتسخر من القرآن الكريم يا تعيريص ؟؟..
| |
|
|
|
|
|
|
|
|
|
Re: هاك ديل ياست الشاي انت ديل برضهم سودانين ومن جوه (Re: Munir)
|
| Quote: والله يا خضر الطيب إنت قوة عينك دي انا ما شفتها إلا في شريحة معروفة كده .. حمانا الله الواحد ممكن يتوقع منها أي حاجة !!!..... |
و قالوا يا منير الراجل بمسكوهو من لسانو و الهلفوت خدور دة لا لسان لا رجالة بالتالي.
لو جبنا ليهو كلامو الكان بقول فيهو هِنا هسي بجوا بطلِّعوهو إرهابي و تكفيري و بعد كدة ذهب إلي من كان يشتمهم و يُعلِن الجهاد ضدهم ذليلاً خانعاً مُقعياً تحت أقدامهم يستجديهم الفتات أعطوه أو منعوه و جاي يتفلسف علينا بعد دة
دنيا بنت كلب ساي؟
أهة دة بالذات جيلنا دة لو لاقاهو بقول ليهو (يا عمّك إنت زول بيض)
| |
|
|
|
|
|
|
|
|
|
Re: هاك ديل ياست الشاي انت ديل برضهم سودانين ومن جوه (Re: علاء الدين يوسف علي محمد)
|
شفت يا علاء الدين يوسف محمد علي الصورة الفوق دي نسفت مجهودك التصويري الانتقائي الجبار، فعلاً مفروض تتخت لافتة زي المعلقة صاحب العربية دي في بورتسودان وفي مطار الخرطوم وفي أي منفذ للسودان لافتة حمرا ومكتوب فيها خطر ألغام والعضمتين والجمجمة ديل، تعرف العضمتين والجمجمة ديل زاتو مفروض جماعتك ديل يختوهم بدل صقر الجديان لأنهم والله بيديروا البلد زي سفينة القراصنة شي قطيع يدين وشي قطيع رؤوس وانت ماشي، شريعة غاب وكود قراصنة، هسة قصاد كل عربية فيها العلم وصورة المتهم البشير في كم عربية ما معبرا الموضوع دا من أساسو؟ بعدين القال منو انو علم السودان البيعلقوهو دا بيعبر عن تضامن أو تأييد للمتهم البشير وزمرتو؟ يعني هل انت وقفت كل واحد فيهم وقريت نفسيتو؟ انا متذكر في فترة كدا الناس كانت بتخت صقر الجديان في العربية عشان يقولو دا هوا :) وأنا متذكر قبل مدة كل ما تقيف في استوب يجو الأولاد الببيعو الحاجات ديك يمدو ليك الأعلام ومعاها ولاعات البتوجازات والمرايات والذي منو عشان تشتري، تعرف اتذكرت حاجة لما الهلال والمريخ يلعبو لعبات افريقية الناس دي بتشيل علم السودان مع علم الهلال او المريخ بدليل وجود اعلام الهلال والمريخ في صور من صورك دي مع علم السودان
بعدين علم السودان دا شين شديد العلم الزمان أجمل بي كتير أنا بطالب الحكومة الحتجي بعد ما جماعتك يمشو المزبلة ترجع علم (الاستقلال) أنا ما عايزهم يرجعوهو عشان هو علم الاستقلال، بس لأنو العلم الفرحانين بيهو دا عامل زي الخشاف ومربوط بالثورة العربية المزعومة لوووول قال ثورة عربية والله دي براها سبة عشان يتغير البيرك دا :)
| |
|
|
|
|
|
|
|
|
|
Re: هاك ديل ياست الشاي انت ديل برضهم سودانين ومن جوه (Re: Mohammed Elhaj)
|
| Quote: مجهودك التصويري الانتقائي الجبار، |
أخونا محمد الحاج
من كلامك الفوق داك قلنا نعلِّق ليك على دي أول
يا حبيب المسألة لم تحتاج لاجتهاد المسألة و ما فيها دي كاميرا هاتف محمول و الصور دي معظمها في طريقي لم أبحث عنها و الظاهرة مُلفِتة تتوعدكم بسوء مآب لأفكاركم الخرِبة التي يسيطر عليها زلّوط أعاذنا الله من أن نصل لهذه المراحل.
أما المزبلة دي يبدو إنها مفصّلة خصيصاً لأجلكم لسبب واحد لأنو العبد لله البيتكلم معاك ما كوز و ما حيقبل بيك أو بأي خيارات تتاح من قِبلك أو من قِبل ثلتك التي ترتضي تسليم مواطن سوداني للمحاكمة خارجاً.
يعني إنتو برة الشبكة
| |
|
|
|
|
|
|
|
|
|
Re: هاك ديل ياست الشاي انت ديل برضهم سودانين ومن جوه (Re: علاء الدين يوسف علي محمد)
|
و دي صورة حديثة جداً قبل أقل من ساعة و أنا في طريق عودتي من الدوام للبيت يعني المسألة ما متحاجة تِلِفِّت كتير أو بحث أو إجتهاد.
الأعلام منتشرة في كل مكان و كل الناس بمختلف مشاربهم يحملونك يا وطن في حدقات العيون.
التكّاسي دة من جيل ناس غازي سليمان ، يعني يا مناتلي الضللة و الكيبورد و الأوهام و الخيال أخوان زلِوط ستكونون حتماً بين مطرقة جيل غازي و التكّاسي دة و سندان جيلنا ، و البيكم اتعرفت لا تحتاج لإجتهاد ، و زمنكم و أحلامكم شيلوا عليها الفاتحة و أدفنوها محل قاعدين لأنو حتى مقابر لأحلامكم العبيطة في البلد دي مافي.
ياخ موقفكم صعب خلاص ولو واحد فيكم عايز يجي يقنع أبوهو أو أخوهو الكبير اللي هم جيل غازي سليمان بأوهامو الغبية دي و بتسليم مواطن سوداني للمحاكمة يحتاج لفهلوة بتاع الفلسفة القال لأبوهو أنا ممكن أقنعك إنو الكباية بتاعت العصير دي كبايتين قام أبوهو شرب الكباية و قال ليهو يلة أشرب التانية شان تقنعني.
| |
|
|
|
|
|
|
|
|
|
Re: هاك ديل ياست الشاي انت ديل برضهم سودانين ومن جوه (Re: علاء الدين يوسف علي محمد)
|
قيود على استعمال العلم
14- مع مراعاة أحكام القانون أو أية قرارات جمهورية صادرة بموجبه لا يجوز:
(أ) أن يرفع بصفة مستمرة،
(ب) أن يرفع العلم إذا كانت ألوانه باهتة أو كان في حالة سيئة،
(ج) أن يستعمل العلم كعلامة تجارية أو كجزء من علامة تجارية أو للإعلان بغرض تجاري،
(د) أن يستعمل العلم كوحدة زخرفية في غير الأعياد الرسمية والمناسبات الواردة في القانون أو يرسم على الأواني والعربات الخاصة،
(هـ) أن يستعمل العلم كجزء من شعار أية هيئة أو مؤسسة أو أية جهة أخرى،
(و) أن يستعمل العلم كغطاء لأية مركبة أو دابة أو تمثال أو نصب تذكاري،
(ز) أن يستعمل العلم كغطاء لنعش إلا بموافقة رئيس الجمهورية أو موافقة رئيس البعثة الدبلوماسية السودانية في الخارج حسبما يكون الحال،
(ح) أن توضع أية شارة من شارات الحداد على سارية العلم إلا بموافقة رئيس الجمهورية،
المناسبات التي يرفع فيها العلم
15- (1) مع مراعاة أحكام هذا القانون لا يجوز رفع العلم إلا في المناسبات المنصوص عليها في الجدول الملحق بالقانون.
(2) يجوز لرئيس الجمهورية أن يعدل الجدول الملحق بهذا القانون بموجب قرار جمهوري.
تحية العلم
16- (1) يجب على أي شخص يكون حاضراً عند رفع العلم أو إنزاله أن يقف متجهاً نحو العلم حتى يتم رفع العلم أو إنزاله.
(2) إذا عزف السلام الجمهوري أثناء أو بعد رفع العلم أو إنزاله فيجب على أي شخص يكون حاضراً أن يقف متجهاً نحو العلم.
(3) يجب على أي شخص يرتدي زياً رسمياً في الحالتين المذكورتين في البندين (1) و(2) أن يحيي العلم بأداء التعظيم.
العقوبات
17- (1) أي شخص يعدم أو يهين العلم أو أي شعار آخر لجمهورية السودان الديمقراطية في أي مكان عام أو مفتوح للجمهور بقصد إظهار أو إثارة الكراهية ضد سلطة الحكومة يعاقب بالسجن مدة لا تجاوز سنة واحدة أو بغرامة لا تجاوز مائة جنيه أو بالعقوبتين معاً.
(2) أي شخص يعدم أو يهين أي علم أو شعار أجنبي في أي مكان عام أو أي مكان مفتوح للجمهور بقصد إظهار أو إثارة الكراهية ضد تلك الدولة وكان ذلك الفعل معاقباً عليه بموجب قوانين الدولة الأجنبية المعنية يعاقب بالعقوبات المنصوص عليها في البند (1).
(3) أي شخص يخالف أي حكم آخر من أحكام هذا القانون أو الأوامر الصادرة بموجبه يعاقب بغرامة لا تجاوز مائة جنيه.
(4) يجوز لضباط أو جنود الشرطة في جميع الحالات مصادرة أي علم يرتكب بشأنه مخالفة للقانون.
الجدول
| |
|
|
|
|
|
|
|
|
|
Re: هاك ديل ياست الشاي انت ديل برضهم سودانين ومن جوه (Re: فيصل محمد خليل)
|
أهونا القفة البلا إدنين
يادوب رجعتو لدستور السودان لمن شفتو العلم إترفع فوق فوق فوق فوووووووووووووووووق
ياخ أنا لو عارف الأعلام المرفوعة دي ممكن تخليك ترجع للدستور السوداني كان نزّلت البوست دة من زمااااااااااااان
أتاري الصور دي جقلبت بي نوعك دة جقلبات عجاب
عفيت منك يا الشعب السوداني
درِّس الوهم ديل يعني شنو وطنية
بلاش قفف بلاش قرف
خلاس قيم إذ أوفر بالنسبة ليكم
| |
|
|
|
|
|
|
|
|
|
Re: هاك ديل ياست الشاي انت ديل برضهم سودانين ومن جوه (Re: علاء الدين يوسف علي محمد)
|
الليلة المزاج كان عالي قمت كسّحتة مطعم الموناليزا بإمتدد ناصر البراري حيث الكوارع الغريبة و شوربتها الأغرب فإذا بهذا الباجاج لصاحبه عاشق الكوارع كما يبدو و برضو بيركو قدام.
ياخي بلد فيها وعي غريب
حليلكم يا شفوت زمان يا ناس الملحمة ، تاني إلا تجو راجعين يرسلوكم الملحمة تجيبو اللحمة و الخدار و ترجعوا تختو ليكم كرسي قدام الباب و أجمل حاجة لو في دكان جنب بيتكم شان الونسة و كدة .
| |
|
|
|
|
|
|
| |
علاء الدين يوسف علي محمد
بشير أحمد
خضر الطيب
فيصل محمد خليل
Mohamed Suleiman
يوسف الولى
Salahaldeen Nadir
الرشيد ابراهيم احمد
Kostawi
خالد عبد الله محمود
ابراهيم قناوي
Elbagir Osman
nazar hussien
tmbis
Munir
Mohammed Elhaj
عز الدين بيلو
فيس بوك
تويتر
انستقرام
يوتيوب
بنتيريست