دعواتكم لزميلنا المفكر د.الباقر العفيف بالشفاء العاجل
|
|
 كوســـتاوي
|
أها يا علاء
أنا كوستاوي دا أنا من يوم الليلة أديتك عضنيني
و ممكن تخت وراهم ساوند سيستم
أنا داير أستمع لك و للأخ تمبس
لأنو كلو كلامكم كان ضد المعارضة
أها لنفرض إنو المعارضة مسيطرة عليها
ناس عجائز ما ناقشة
ليه إنتو الخطاب بتاعكم ضد المعارضة
و ما ضد المعترض عليه
أو
خطاب هنا ضد المعارضة
و خطاب هنا ضدالحكومة الدكتاتورية
يعني موازنة يعني
و لا شنو?
الأخ العزيز الأكبر والمُناكِف كوستاوي
أفتِح هذا البوست أملاً في حديث ثر و بنّاء ما بيني و بينك وفقاً لما بادرت به أنت من رغبة في ذلك تتوفر لدي بحكم أنني أوقن أنك رجلٌ صافي السريرة أختلف معك في الآراء لكن وداً يجمعني بك.
لا أنظرك إلا كأخ أكبر ما يجمعنا أكثر مما يفرِّقنا
أود في هذا البوست أن أفرد لك مساحةً نرتقي فيها حواراً حول المحور الذي حددته أنت وهو :
Quote: ليه إنتو الخطاب بتاعكم ضد المعارضة
و ما ضد المعترض عليه
أو
خطاب هنا ضد المعارضة
و خطاب هنا ضدالحكومة الدكتاتورية
يعني موازنة يعني
و لا شنو? |
عليه إن كانت لا تزال لديك الرغبة اللازمة و سعة الصدر المتوفِّرة لحوار مضابطه أعلاه أقول لك حللت أهلاً و نزلت سهلاً .
|
|
 
|
|
|
|
|
|
|
|
Re: كوســـتاوي (Re: humida)
|
أخي الحبيب الباشمهندس العريس حِمِّيدة
تعلم يا أخي أن بداخل كل إنسان أشياء جميلة تتقوقع في مكامن يحلو البحث عنها لأمثالنا و الرجل كوستاوي رغم معارضتي الشديدة له و لأساليبه في طريقة معارضته للنظام القائم إلا إنني أوقن تماماً أن بداخله طفلٌ بريء و إنسانٌ شهم كريم و مُتفهِّم و محترم و يمكن أن يُفضي معه الحوار إلي نقاط التقاء كثيرة لا شك أنها لن تن متطابقة لكن لن نكون خطين متوازيين و إلا ما افترعت هذا البوست من حديثه أعلاه و الذي كان في بوست الأخ الصديق علاء منصور (تمبس)
عليه سأحاول قدر المستطاع أن ألتزم معه بمضابط الحوار التي حددها هو مسبقاً و أعلم أنه رجلٌ يستحق النقاش و لا أعتبر نفسي البتة مؤذناً في مالطا أو نافخاً لقربة مقدودة أو هكذا أحسب.
| |
|
|
|
|
|
|
|
|
|
Re: كوســـتاوي (Re: علاء الدين يوسف علي محمد)
|
| Quote: أخي الحبيب الباشمهندس العريس حِمِّيدة |
و الله بالطريقة انا بكرة حأجي الشغل ببدلة .. ما حأشرب غير تركش كوفي ..
لكن و الله طريقتكم الجديدة في الدردقة دي .. ما قلتو لينا عنها .. انتو عملت أب غريت و لا شنو ..!!
| |
|
|
|
|
|
|
|
|
|
Re: كوســـتاوي (Re: Balla Musa)
|
صديقي العزيز
بلّة الغائب عن عيني و أشّتهي لقياه
هل تصدِّقني إن قلت لك إنني غاية في الجدية في طرحي لكوستاوي الأخ الأكبر و الرجل المُناكِف
هو له آراؤه و معتقداته و لي نقيضها
نتناقش بكل أخوية و مودة و محبة نتّفِق أو نختلِف
لكن يبقى الود
| |
|
|
|
|
|
|
|
|
|
Re: كوســـتاوي (Re: humida)
|
Quote: و الله بالطريقة انا بكرة حأجي الشغل ببدلة .. ما حأشرب غير تركش كوفي ..
لكن و الله طريقتكم الجديدة في الدردقة دي .. ما قلتو لينا عنها .. انتو عملت أب غريت و لا شنو ..!! |
الأخ العزيز حِمِّيدة
أرجو أن يكون ديدنك دوماً هو إحسان الظن في نوايا الآخر ما لم يثبت لك عكس ذلك بناءاً على دليل منظور
و دمت
| |
|
|
|
|
|
|
|
|
|
Re: كوســـتاوي (Re: humida)
|
| Quote: لكن و الله طريقتكم الجديدة في الدردقة دي .. ما قلتو لينا عنها .. انتو عملت أب غريت و لا شنو ..!! |
الاخ الباشمهندس حميدة
تحياتي
والله دخلت بوست تمبس وجيت تاوقت في البوست دا
اتحيرت النصيحة لله وبعاين سااااي كدى النشوف اخرتها
حقو انت تفتح لينا واحد لدينق ؟
____
تحياتي اخ علاء
وين الـ underline
| |
|
|
|
|
|
|
|
|
|
Re: كوســـتاوي (Re: عبدالوهاب علي الحاج)
|
الأخ الفاضِل
عبد الوهاب علي الحاج
صدقني إن لم يكن وعاؤنا يتّسِع لطرح الآخر و مقارعته الحجة بأختها فنحن شعبٌُ عليه السلام
آمل أن يتّسِع صدرك لرأي الآخر كما تستميت لطرح رأيك
و يجب أن نستميت معاً لجعل الآخر يمتلك مساحته الحرة لتحريك أحرفه فيها يرسم بها ما يشاء من كلمات تُعبِّر عن وجهة نظره للأمور و ليس لنا حق كبت الفكرة بل قتلها بحثاً و تمحيصاً و فحصاً لنقتنع أو نقنع من الفكرة لا من صاحبها
سلِمت يا صديق
| |
|
|
|
|
|
|
|
|
|
Re: كوســـتاوي (Re: علاء الدين يوسف علي محمد)
|
أنتظِرك أخي الأكبر كوستاوي
و يظل الوعد مبذولاً لك بحوار بنّاء عمّا يعتمِل في دواخلك تجاهي وهو مُشارُ إليه أعلى البوست
و لحين حضورك أخي سألقي جسدي المنهك من يوم عملي طاحن لراحة مؤقّتة و لحين حضورك الكريم
| |
|
|
|
|
|
|
|
|
|
Re: كوســـتاوي (Re: الشامي الحبر عبدالوهاب)
|
الشامي الجبر عبد الوهاب
يا أخي ما قلنا حاجة في قولة الخير لكن كمان ما تبولغ بوليغة شديدة كدا
تعرف كوستاوي دا مرّات نفسه ذاتها ما بحترمها
خاصّة لو قال كلامو بتاع الشوارع داك "اعتقد مافي داعي اضرب ليك أمثال"
احترام شنو يا اللخو
سلامات يا علاء
كمال
| |
|
|
|
|
|
|
|
|
|
Re: كوســـتاوي (Re: Frankly)
|
أملاً في حديث ثر و بنّاء ما بيني و بينك
أهلا أخ علاء طبعا ماعندي مانع أو بالأصح شكرا لإستجابتك لدعوتنا
زي ما شايف أنا ختيت خطوط عريضة للنقاش
أولا قبل الدخول في الموضوع
أنا داير أعرف موقفك من نظام الإنقاذ بوضوح شديد عشان دا بترتب عليه حاجات كتيرة.
( بالمناسبة أنا مسافر بعد شوية لبنسلفينيا و سوف أعود غدا مساء
لذلك الحين عايزنك تفتو كلو من 89 لغاية الليلة وكمان حق بكرة عامل راسك المطفق دا)
* يا فرانكلي كدي حل الوعسة بتاعت رئيسك و بعدين تعال نكلمك عن الإحترام
* الولد المشاغب حميدة
بالله أنت حميدة
و حميدة هو حميدة?
محن
تحايا للجميع
| |
|
|
|
|
|
|
|
|
|
Re: كوســـتاوي (Re: Kostawi)
|
Quote: أنا داير أعرف موقفك من نظام الإنقاذ بوضوح شديد عشان دا بترتب عليه حاجات كتيرة.
( بالمناسبة أنا مسافر بعد شوية لبنسلفينيا و سوف أعود غدا مساء
لذلك الحين عايزنك تفتو كلو من 89 لغاية الليلة وكمان حق بكرة عامل راسك المطفق دا) |
انا كنت متأكد من كدا
الاخ علاء الدين
هؤلاء ما اتــوا لحــوار
التجاهل
التجاهل
التجاهل
_____
وهبـة مركب مكنة د. مصطفى محمود
| |
|
|
|
|
|
|
|
|
|
Re: كوســـتاوي (Re: Kostawi)
|
Quote: أهلا أخ علاء طبعا ماعندي مانع أو بالأصح شكرا لإستجابتك لدعوتنا
زي ما شايف أنا ختيت خطوط عريضة للنقاش
أولا قبل الدخول في الموضوع
أنا داير أعرف موقفك من نظام الإنقاذ بوضوح شديد عشان دا بترتب عليه حاجات كتيرة.
( بالمناسبة أنا مسافر بعد شوية لبنسلفينيا و سوف أعود غدا مساء
لذلك الحين عايزنك تفتو كلو من 89 لغاية الليلة وكمان حق بكرة عامل راسك المطفق دا) |
تمام يا خردة
سافر و تعلا تلقاني بديت ليك و لحدي ما ترجع فكِّر لي في سؤالي دة و تعال رُصّ لي إجابة أنا برضو محتاج ليها منك:
إنت فهمك شنو للمعارضة؟
| |
|
|
|
|
|
|
|
|
|
Re: كوســـتاوي (Re: علاء الدين يوسف علي محمد)
|
| Quote: إنت فهمك شنو للمعارضة؟ |
الأخ علاء والمحاورون
السلام عليكم
رغم ان السؤال موجه للأخ كوستاوى ,, الا اننى اردت ان ادلى بدلوى لعله يخرج فيه بعض ماء:
فهمى للمعارضة انها اولا لاتكون بالحق وبالباطل,, وبالبلدى كده ان تقول الأعوج اعوج والعديل عديل وتتعاون مع الزول لما تشوفو بعمل فى الشئ النافع وان تزيد الصالح صلاحا فإن لم تستطع على الأقل تترك ماوجدته صالحا على حاله ,,
وعندما يتعلق الأمر بمصلحة وطن نعمل القاعدة التى تقول: درء المفاسد مقدم على جلب المصالح ,, والقاعدة التى تقول: يدفع الضرر الأشد بالضرر الأخف فلو كان المعارضون لحكم البشير يرون مصلحة فى تسليم الرئيس عليهم ان يفكروا فى المصلحة التى تعود على البلد ومقابلها من المفاسد والأضرار التى تلحق بالبلد ,, فعندما يدخل الهوى والغرض فى اى شئ افسده.
والمعارضة فى رأيي تعنى التقويم والإختيار بين البدائل ويجب ان يكون البديل أنفع من المدعو الى تركه ,, فهل بدائل المعارضة انفع مما هو قائم?
| |
|
|
|
|
|
|
|
|
 Re: كوستاوى يا خردة! (Re: jini)
|
كتب عبدالوهاب على الحاج:
Quote: : أنا داير أعرف موقفك من نظام الإنقاذ بوضوح شديد عشان دا بترتب عليه حاجات كتيرة.
( بالمناسبة أنا مسافر بعد شوية لبنسلفينيا و سوف أعود غدا مساء
لذلك الحين عايزنك تفتو كلو من 89 لغاية الليلة وكمان حق بكرة عامل راسك المطفق دا)
انا كنت متأكد من كدا
الاخ علاء الدين
هؤلاء ما اتــوا لحــوار
التجاهل
التجاهل
التجاهل |
ده شنو ياخونا الناس فتحوا الصفحة
دى عشان يتناقشوا تفول ليهم التجاهل التجاهل؟
المعنى يفضوها وكل زول يشوت على راحتو (وش متحير)
| |
|
|
|
|
|
|
|
|
|
Re: كوستاوى يا خردة! (Re: عبدالغفار محمد سعيد)
|
الأفاضِل
الفاضلابي
جني
عبد الغفار
مشكورين للمرور
و أتأسف لأن يكون الحوار حالياً محصوراً بيني و الخردة كوستاوي
كوستاوي
89 حينها لم أكن قد بلغت بعد سن الرشد كيما يكن في استطاعتي قياس الأمور أو الحكم عليها أو على من بيده الحكم و من كان حاكماً آنذاك.
في انتفاضة النميري و بينما كنتم أنتم تتظاهرون و تنتفضون و تصرخون يا سفاح لن ترتاح كنت أنا لا أدري ماذا يدور و لا أذكر تفاصيل شيء مما كان.
و السفاح مرتااااااااااااااح الآن مع وجود أوكمبو و محكمة الجنايات الدولية و إنتو موجودين و جرائمه موجودة و كما سمعنا و قرأنا و علمنا أنه كان سفاحاً بمعنى كلمة سفاح و ديكتاتورياً بمعنى كلمة ديكتاتوري.
أي أن خصمكم الذي عاصرتموه و عصركم لمن جاب زيتكم قاعد قدام عينكم يا تُجّار و حاييم و عامِل ليهو حزب كمان و في أمان الله لم نسمع يوماً عن محاولة لمجرد المحاولة في التفكير لاغتياله أو محاكمته عن جرائمه و معظم ما يدور اليوم في الساحة السياسية كبير الأثر فيه من ذلكم العهد الذي كنتم أنتم جيله مؤيدون أو معارضون.
ركِّز لي على الكلام البخص نميري دة لأنو حنرجع ليهو كتير.
جات فترة الأحزاب و الطائفية الحاكمة و التي لا أذكر فيها إلا صفوف العيش و البنزين و كيف كنا نصحو مجبرين بعد صلاة الصبح و أحياناً قبلها لنتحصّل على خبزات تسد الرمق ، لم نكن نمتلك سيارة وقتها لكن كُنّا نرى معاناة أصحابها في محطات البترول حيث كانوا رفقةً معنا في الصحيان البدري ، و كان أثره ينعكس علينا في سبل المواصلات وقتها و عاااااااااااادي بتاع البص يجيك طاير من بعيد و يلوِّح ليك بيده عبر الزجاج الأمامي (ما راجع ما راجع) و نرجع من حيث جئنا أو لحيث نود الذهاب راجلين لحدي ما قامت لينا فارات في الرجلين.
كُنّا في قلب العاصمة و مولِّعين يا رتينة يا فانوس للقراية أم دق لأنو ما كان في أي شيء مُحفِّز للقراية حينها ، الأكل شلهتة و الشراب شلهتة و العلاج حدِّث ولا حرج و الكهرباء تِك ، يعني لو الله كان جاب لينا ناس منظمات العون الإنساني وقتها كان يا حبوب الخرطوم كلها بقت عبارة عن معسكر كلمات و مكلومات.
ما يعلق بذاكرتي من هذه الأيام البئيسة في العام 88 عام السيول و الأمطار و كنت في إجازة للبلد (مروي) و فيما أذكر إنو السفر كان قطر أو باصات (سفنجة) لواري مُعدّلة ، و كان القطر مسيرته ثلاثة ليال و البص يومٌ و ليلة ، قضينا إجازة كالعادة و في عودتنا جرف السيل قضبان الحديد من سكة القطار و امتدت الثلاثة ليال إلى ثلاثين ليلة و أقسم لك على مصحف أنه لا توجد أية صيغة للمبالغة فيما أقول بل بالتحديد كانت الرحلة واحد و ثلاثون ليلة في رحلة من مروي للخرطوم في العام 88 لم نجد حينها حتى خشاش الأرض لنأكله و ما تلقيه علينا طائرات الإغاثة يتخطّفه نسور البشر بقانون القوي يأكل و الضعيف يقيف فرّاجة ، في ذات الأثناء كان أحد إخوتي في طريقه معنا من مروي و لكن عبر الباصات السفرية و في خور أبو ضلوع و ما أدراك ما حجم المسافة ما بين أم درمان و أبا ضلوع الآن و كيف لسائق موتيسكل أن يصل إليه و يعود في فترة زمنية وجيزة و هو مطمئن القلب و بدون إسبير ذاتو ، هل تعلم إن أخي هذا و فوج الباصات التي كانت معهم كانوا مقطوعين في منطقة خور أبي ضلوع قرابة الشهر الكامل!!!؟ و كانت ايضاً الإغاثة تأتيهم عبر الطائرات المروحية و لمن حاول يعمل فيها واحد من النسور و كرتونة علب طحنية مرمية من واحدة من الطيارات ما منه إلا أن حاول أن يتنسّر ليتحصل لنفسه على ما يقيه شر أن يتضور جوعاً كسابقات الليالي التي مرت عليه و ما كان من أحد النسور وهم بشر لكن أحالهم الجوع إلى وحوش ضارية ، لم يكن منه إلا أن أخرج سكيناً و غرسها في فخذ أخي هذا في رجله اليمنى ليستحوذ هو على الكرتونة و طحنيها و إن أحال الآخرين إلى طحين (الكلام دة في 88 ما العصر الحجري يا كوستاوي) لتهبط إحدى مروحيات الإغاثة و تطير به إلى السلاح الطبي و حين عدنا نحن من رحلة أهل القطار الواحد و ثلاثينية كان هو لا يزال يتعافى في السلاح الطبي ولو كان في غيره لما كان موجوداً الآن لانعدام أدنى المتطلبات الطبية وقتها.
شفتة أنا متذكِر شنو يا كوستاوي !!!؟
و تقول لي نحن ما كنا شحادين؟
يا ربي إنتة كنتة وين حينها ؟ تحديداً العام 88 ؟؟؟
نواصل..
| |
|
|
|
|
|
|
|
|
|
Re: كوستاوى يا خردة! (Re: علاء الدين يوسف علي محمد)
|
في ذات الفترة كان خالي رحمه الله وهو من أوائل خِرِّيجي أوكسفورد من حر مال أبيه كان مديراً مالياً لشركة شل للمواد البتروليةو كانت سيارته وقتها كورولا يسمونها في الدلالة لوقت قريب إحفظ مالك لا تجد منها الآن إلا قلةً قليلة تنضوي تحت مظلة نقابة التاكسي بلون أصفر فاقع ، و أذكر أن عوض الجاز كان يأتيه في المنزل و يُسلِّمه أنبوبة الغاز ليحاول خالي رحمه الله جاهداً تعبئتها من فروع شركتهم و تقبع في ضهرية عربة الخال ما لا يقل عن الأسبوع خالية ليجد لها طريقاً إلى التعبئةبعد حين.
| |
|
|
|
|
|
|
|
|
|
Re: كوستاوى يا خردة! (Re: علاء الدين يوسف علي محمد)
|
علاء ياصديق
بالله الكرمبا الصديق ده أديهو على راسو (المعارض) ده
وإن كان في دعوتك دي خير عليكم الاثنين أكون من الشاكرين لكم
والله (رقاع) الدعوات دي يحسدكم عليها اوكامبو ذاااااتو
وعلى بركة الله
خبت خبت ..أو مصالحة اسفيرية
| |
|
|
|
|
|
|
|
|
|
Re: كوستاوى يا خردة! (Re: عبدالغفار محمد سعيد)
|
Quote: ده شنو ياخونا الناس فتحوا الصفحة
دى عشان يتناقشوا تفول ليهم التجاهل التجاهل؟
المعنى يفضوها وكل زول يشوت على راحتو (وش متحير) |
والله أنا زاتي محتار يا عبد الغفار ..
ياخ في وضع زي الواحد يا يقول خير يا يصـمت ...
ما حلوة منكـ يا عبد الوهاب والله .... صراحة كده !!!!
| |
|
|
|
|
|
|
|
|
|
Re: كوستاوى يا خردة! (Re: خالد عبد الله محمود)
|
و جاءت الإنقاذ كحكومة مُنقلِبة على وضعٍ أقل ما يمكن أن يقال عنه أنه وضعٌ تافه لم يحفظ لنا كبشر أدنى مقومات الإنسانيةا.
من هُم الإنقاذيون و كيف جاؤوا و ماذا يريدون !!!؟
مجموعة من العسكر قلبوا نظام حكم مُتصدِّعة أركانه جائعٌ شعبه موزعٌ ما بين صفوف العيش و البنزين و مساسقة المواصلات و العلاج
| |
|
|
|
|
|
|
|
|
|
Re: كوستاوى يا خردة! (Re: علاء الدين يوسف علي محمد)
|
رفعوا شعارات كثيرة
أحببناها و وددنا لو تُنفّذ
فلنأكل مما نزرع و لنلبس مما نصنع
و ماذا نريد غير ذلك!!!؟
شوف عيني الحياكلن الدود إغاثة 88 كان فيها علب بلفيف لحم خنزير و كُنا و نحن أطفالاً ننطلِق تجاه أسوار مطار الخرطوم لننظر بأمهات أعيننا أكوام الإغاثة السعودية و الأماراتية و الأمريكية و غيرها لشعبٍ يتضور جوعاً حينها ، والله كانوا برسلونا نشحد السكر من الجيران و كانت أمهاتنا بمدن ريسانن بالحيط يتبادلن الملحات لمن يجونا ضيوف نظام التنوع و كدة و دة كلللللللللللللو في قلب العاصمة أو العاصفة إن صح التعبير.
تم تكوين اللجان الشعبية و بدأ الفساد...
| |
|
|
|
|
|
|
|
|
|
Re: كوستاوى يا خردة! (Re: علاء الدين يوسف علي محمد)
|
أولى سنوات رشدي كانت حين جثمت ما تُسمّى باللجان الشعبية علي صدورنا ، جوعى يسلمونهم أمر جوعى مثلهم و شيطان الجائع من أكبر الشياطين حتى أن السرقة في حالة الجوع لا تعتبر جريمة.
كانت أولى خطايا الإنقاذيون حسب تسلسل الأحداث في ذهني و الوعي الذي بدأت أنضج به.
ما كنت أعلم ما معنى كلمة محلِّية أو غيره من التنظيمات الإدارية وقتها التصاعدية من اللجان الشعبية و لأعلى.
و بدأت مسميات الفساد يُطلِقها ظرفاء الحي الذي أسكن فيه فكان أن سمُّوا رئيس اللجان الشعبية وقتها عندنا عبد الحميد سُكّر لأنه كان يتلاعب بحصة الحي من السكر و يفعل بها الأفاعيل ، و كان المُصعّد وقتها من منطقتنا للمحلية الدكتور عبد الملك البرير و ما كان فساد اللجان الشعبية المستشري يترك لنا فرصة حسب درجة الوعي لدي أنا تحديداً لأنظر ما هو أبعد من ذلك.
كان هاجسي عبد الحميد سكر و كيفية إقصاؤه من رئاسة اللجان الشعبية وهو حتى قبل مجيء الإنقاذ كان الرجل الذي يترأّس لجان التموين لسكر الحي و الكوتة يعني كان العمدة لسنين خلت حتى قبل الإنقاذ و ظل الفاسد في مكانه و هذا كان حال أغلب الأحياء .
بدأت أتذمّر و لا أخفي هذا التذمُّر لأندادي و لمن يكبرني سناً من الشباب عن هؤلاء الذين يمسكون بمقاليد الحكم في الحي و يديرون أمورنا حسب أهواءهم سنين عددا و تجاوزاتهم غير خافية و تلاعبهم بحقوقنا و مصالحنا يتضح جلياً للعيان فماذا نحن فاعلون.
| |
|
|
|
|
|
|
|
|
|
Re: كوستاوى يا خردة! (Re: خالد عبد الله محمود)
|
| Quote: ما حلوة منكـ يا عبد الوهاب والله .... صراحة كده !!!! |
ياخالد ياخ قول بسم الله دا كلام شنو دا ؟
المسألة كلها لا تتعدى الهزار والله . الكلام في النهاية انا ختمته كالاتي :
وهبة مركب مكنة مصطفى محمود يعني مجرد نكتة يا تضحك او تعتبرني ثقيل دا كل المطلوب .
لكن واضح جدا انك اعتبرتني ثقيل شكرا ليك يافردة.
| |
|
|
|
|
|
|
|
|
|
Re: كوستاوى يا خردة! (Re: عبدالوهاب علي الحاج)
|
ما حكاية ثقيل يا وهبة لكن الموضوع علاء كتبو بكل جدية و جاء كستاوي و قبل النقاش بكل جدية و ده نهج مفروض الناس تشجعو لأنو ده الشيئ البنفع القارئ بدل بوستات الونسة الملت المنبر في الفترة الفاتت دي ..يعني ليس المقام مقام مزاح و هظار يا وهبة و أنت سيد العارفين .... ولا كيف؟؟
أنت شكلكـ طولت من قندهار يا معلم ..!!
شهيتونا الشية و قعدتو أنت و بقية العصابة حقتكم ..
| |
|
|
|
|
|
|
|
|
|
Re: كوستاوى يا خردة! (Re: عبدالوهاب علي الحاج)
|
كنت في ذات التوقيت على أعتاب الثانوي في مدرسة الخرطوم القديمة بنين و لكم حاولت جهات تسيسنا و فلحت بعضهن في تجنيد أصدقاء لي كان آخر عهد لي بهم فنظريتي لا تُسلمن رأسك لأحد لم أحِد عنها يوماً و لن.
كان في حيِّنا شباب مُنظّمون في تنظيمات يسارية و أخرى يمينية ، يقضون نهارهم كيفما شاءوا في أركان نقاش أو اجتماعات سرية أو غيره هم أحرار لكن ليلنا واحد تحت أحد أعمدة الحي نتسامر و نضرب البوش و كل قرد يطلع جبلو.
بدأت أطرح لهم فكرة أن هذا الجاثم على صدورنا يجب أن يتم استئصاله كنوع من التغيير و محاولة للإتيان بالأحسن و الأصلح ممن نراه نحن ، عتاولة بالعمل السياسي التنظيمي الجامعي و المنظمون تضمهم الجلسة فيضحكون من هذا الفتى الغير مُنظّم و يود أن يقود مسيرة تغيير في الحي الذي نقطنه لسنين و يتشبّث فيه بدفة القيادة الرُبّان الفاسد الذي أعيتنا الحيلة في إيجاد مخرج منه!!!
أنظر يا كوستاوي ماذا فعلت أنا هذا الهلفوت الصغير وقتها في الحي و قل لي بالله عليك أين كانت أنت في ذات الزمان و المكان و ماذا كانت أفعالك قبل أن تُصبِح قائداً لمليشيا القوات المُسلّحة الكيبوردية..
| |
|
|
|
|
|
|
|
|
|
Re: كوستاوى يا خردة! (Re: علاء الدين يوسف علي محمد)
|
إليك ما فعلته أولى سنوات رشدي و حينما وددت أن أُصحِّح وضعاً رأيته خاطئاً و اتفق فيه معي كثيرون.
كانت اللجان الشعبية محاولة مشابهة للتجربة الليبية في أن يحكم الشعب نفسه و لا أعتقد أن النوايا قد كانت غير ذلك ممن جاؤوا للحكم ، لكن القراد الماسكنا من قبل ما الإنقاذ تجي ما عايز يفِكّنا بي أخوي و أخوك.
يعني المشكلة في الناس ذاتهم و الناس موروث عهود بائدة هم اللي لسع حاكمننا ما ناس الإنقاذ ، هم البيرفعوا أسماء المرشحين للإلزامية و هم البيوزِّعوا لينا لقمتنا و سكرنا و دقيقنا و صابونا قبل الإنقاذ وهم و البيستخرجوا لينا شهادة السكن وهم البيكتبوا عننا التقارير لو في زول متقدِم لمؤسسات حيوية و هامة زي الكليات الحربية و الشرطة مثلاً ، يعني نحن في عهد الإنقاذ لكن لسع محكومين في حيّنا بأيدي بقايا الطائفية اللعينة و الكلام دة كان في معظم الأحياء كدة ، يعني تماسيح أمبارح عملوا فيها كيزان اليوم.
| |
|
|
|
|
|
|
|
|
|
Re: كوستاوى يا خردة! (Re: عبدالوهاب علي الحاج)
|
الباشمهندس/علاء
تحياتي؛؛؛
زي ما قال العريس حميدة انت وتمبس اليومين ديل عاملين upgrade
ولا شنو ؟
نرحب بالنقاش الهادف
وهادي قعدة .
سيرو وعين الله ترعاكم.
بس الـ conditional ده ياكوستاوي :
Quote: أنا داير أعرف موقفك من نظام الإنقاذ بوضوح شديد عشان دا بترتب عليه حاجات كتيرة.
|
| |
|
|
|
|
|
|
|
|
|
Re: كوستاوى يا خردة! (Re: بشير أحمد)
|
و جات إنتخابات اللجان الشعبية في الحي
عبد الحميد سكر الشايقي قريبي و محمد حمدان الفوراوي الإتنين بقايا طائفية لعينة عملوا فيها إنقاذيين و مترشحين للإنتخابات و الأقرب هو الماسك الأمور في يدو من سنين عبد الحميد سكر.
نحن كنا ضايعين ، قروش النادي طلعت أكتر من مرة و من أكتر من خزنة من المسئولين و ملّكوها لما يسمى باللجان الشعبية لكن اللجان الشعبية غنجوا بيها كالعادة و لا زلنا جالسين تحت العمود.
حتى الكفر إلا شيرنق حتى نقدر نلعب كورة و الملابس إلا صبغة عشان تظهر جديدة للفريق.
و إحتاجوا للشباب لأنو بقى في مرشح تاني للإنتخابات ...
و هنا كان مِربط الفرس
نواصل ....
| |
|
|
|
|
|
|
|
|
|
Re: كوستاوى يا خردة! (Re: علاء الدين يوسف علي محمد)
|
بدأ الغض الهِليفيت مهيض الجناح الما مُنظّم في حشد شباب الحي على كلمة سواء هدفها إزالة الطغمة الجاثمة على صدورنا منذ وعينا للدنيا ، شباب فيهم من هو الآن سكرتيراً ثالثاً و آخر مقرراً لمجلس يعتبر الأعلى في الدولة و غيره مُعارِض معروف في كل الأوساط الطلابية وقتها و إلى الآن أحد مؤسسي تنظيم المحايدين بالجامعات و غيرهم و غيرهم و غيرهم و كلهم كانوا منتسبون للتنظيمات التي هم فيها الآن ، ضحكوا على دعواي في بدءها إذ كيف يمكن لعاقل أن يزيل هؤلاء النفر وهم من يتفق عليهم أهل الحي في كل شيء ، لجنة المسجد – لجنة أولياء أمور الطلاب – لجنة المدرسة – اللجنة الشعبية ، هم ذاتهم هم إني وير إني تايم الرئيس هنا تجده المقرر هناك و النائب هنالك تجده الرئيس هنا و هكذا دواليك.
المهم إقتنعوا بالفكرة بعد أن كفروا حقيقة بهذه الطغمة الفاسدة و قالوا لأنفسهم فيما سلكوه معي من طريق فلنحاول ، و قد كان ، قمنا بعقد جلسات عُدّة رشّحنا فيها شباباً مثقفاً واعياً يمكن أن نُحمِّله مسئولية أعباء الحي ، أخطرناهم بما ننتويه وافقوا بعضهم حباً في التغيير و الآخر ليخوض غمار المغامرة و البعض حتى لا يُخيِّب ظننا فيه ، و قمت أنا بالاتصال بعبد الحميد سُكّر و أعلمته إنني سأكون ساعده الأيمن وسط الشباب و قد رشّحوني لأكون حلقة الوصل بينك و بينهم سننصُرك على منافسك على أن تفي لنا بما وعدت (و ما كان يعِد) و طمأنته أن الشباب جميعهم لأجله عاملون ، ذهبت لمحمد حمدان و أفهمته أنه أداتنا للتغيير بعد أن سرح و مرح هؤلاء فينا زمناً غير قليل و علينا أن نزيحهم الآن و إننا قد أفهمناهم أننا معهم لكننا لك من المساندون بإذن الله ، و عدنا لعبد الحميد لنفهمه أننا قد أفهمنا ذاك إننا معه لكننا معك أنت يا وحيد عصرك و زمانك يا من ستكون مُخلداً فيها أبدا ، و جاء يوم الإنتخابات ، و جاءت وفود الأعيان و المسئولين و الناخبون و المنتخبون ، و كانت اللستة جاهزة ، لستة النصر للشباب الحي ، و قد كانت كما خططنا لها بكل تفاصيلها و لا زلت أعاني من آثار تلكم المعركة الإنتخابية فقد قاطعني قريبي عبد الحميد سكر و زوجته و أبناءه و معظم أعضاء اللجنة التي انقلبنا عليها و أسرهم و قد كانوا جميعهم وجهاء الحي و كباره و المسيطرين على جميع أموره.
| |
|
|
|
|
|
|
|
|
|
Re: كوستاوى يا خردة! (Re: علاء الدين يوسف علي محمد)
|
| Quote: و الرجل كوستاوي رغم معارضتي الشديدة له و لأساليبه في طريقة معارضته للنظام القائم إلا إنني أوقن تماماً أن بداخله طفلٌ بريء و إنسانٌ شهم كريم و مُتفهِّم و محترم و |
علاد الدين..كيف حالك
تصدق هذا بعض نصر الدين هجام الملقب بكوستاوى..
واله لوجالست هذا الكوستاوى لما ظننت ان هنالك انسان مؤدب مثل هذا الانسان
رعاكم الله لا مستثنيا احدا من الكرام،،،
| |
|
|
|
|
|
|
|
|
|
Re: كوستاوى يا خردة! (Re: عبدالوهاب علي الحاج)
|
الأعزاء
حيدر حسن ميرغني
خالد عبد الله محمود
ملاسي
دكتور بشير
عماد محمود
منى خوجلي
صديق الموج
طارق جبريل
الشفت
في تقيمي الخاص
في عقليات هِنا ميؤوس منها
النقاش معاها زي نطح الصخر
لو كوستاوي في نظري كان زي ديل ما كنت بخسر فيهو خمسة دقايق
بس بنفس أسلوبو بديهو
دة أنجع علاج للحالات الميؤوس منها
لكن كوستاوي و لأنو فعلاً أبدى رغبة في نقاش جاد فتحنا الباب و لا زلنا ننتظِر
شكراً لمروركم
| |
|
|
|
|
|
|
|
|
|
Kostawi Fi Almaidan (Re: علاء الدين يوسف علي محمد)
|
Quote: الأعزاء
حيدر حسن ميرغني
خالد عبد الله محمود
ملاسي
دكتور بشير
عماد محمود
منى خوجلي
صديق الموج
طارق جبريل
الشفت
في تقيمي الخاص
في عقليات هِنا ميؤوس منها
النقاش معاها زي نطح الصخر
لو كوستاوي في نظري كان زي ديل ما كنت بخسر فيهو خمسة دقايق
بس بنفس أسلوبو بديهو
دة أنجع علاج للحالات الميؤوس منها
لكن كوستاوي و لأنو فعلاً أبدى رغبة في نقاش جاد فتحنا الباب و لا زلنا ننتظِر
شكراً لمروركم |
الأخ علاء
تحيات يا خرد
كويس يا خردة, محاولتك "لهش القراء أو المستمعين أوالمشاهدين لإعطاء الفرصة to brother كوستاوي"
is really appreciated
To put my views on the table
and then, respectfully, all members have the right to speak up promoting what they believe on
It is your post and I promise not
to make it slip away from the intended purpose.
ما بطال
"بالمناسبة أنا ما قريت غير آخر مداخلة لك
و أحب أن أقول:
خاصة لمن القول بكون عن زول بهمني أكتر من حياتي:
قالت: Dad أريد زيارة كل مواقع الجامعات التي أتتني منها قبول.
قلت: يا بتي جامعتنا في الولاية دي جامعة كويسة و بت حلال خشيها و خلاص
قالت: Dad ! و لمحتني بتلك النظرة التي لا أنساها أبدا, عندما كان عمرها خمسة عشر دقيقة
أها طلع في (أحمد بشيرة) في بيتنا. بيتي الدافع تمنو بعرق جبيني و جبين قريبتي و صديقتي الما وقفت معاي في قضيتي ضد (أحمد بشيرة), الأستاذة كوستاوية زوجة كوستاوي كبير الخرد.
المهم حزب (أحمد بشيرة) فاز في الإنتخابات 1-2
زيارتنا الأولى: توصيات الحزب الحاكم(أحمد بشيرة) الدكتاتورية__ و صديقي في النضال كوستاوية--الباعتني
كوستاوي ,ممثل(المعارضة), تلقى توجيهات من (أحمد بشيرة) و توابعها , بأن يقوم بإيجار-- عربة تحتمل بعد المسافات as well as لها خاصية تخفيف عناء و مشقة السفر على زبائنها-- بالإضافةعلى أن يلتزم كوستاوي (المعارضة)أن يكون هو (سايق العظمة سافر)
سافرنا و (سايق العظمة) سايق 4 ساعات بدون توقف
و صلنا و الدكتاتوريان نائمات سلطة
قلت يا كوستاوي
دي بلدا ما بلدك أعمل فيها مجنون
خليت ناس بشيرة في العربية
شلت العفش كله و مشيت لناس الفندق
و قلت لهم أنا كوستاوي و عندي حجز
give me the key
الشقراء الأمريكية:
look at me
و سألتني
What is your name
?sir
قلت ليها: كوستاوي (بلغة SDB)
(غايتو البت بت حلال...عمرها 20 some
years old)
يعني يجيها زول أسود , مغبش و راسو مكعوج زي راس علاء دا و الساعة 2 صباحا دي مفروض يجيها للجا لرئيس دولة السودان البقى راكب حمارتو و سارح ساكت في بيوت الجيران
المهم
الصباح
مشينا الجامعة
و شفناها و شوفونا و كمان أدونا و جبة غداء و مواصلات لزيارة مواقع مختلفة للجامعة المدينة
(للمقارنة: قسم العلوم فقط لهذه الجامعة أضخم من جامعة الخرطوم بأكملها)
فرملة
سوف أقرأ المداخلات و نجيكم tomorrow و نجدع ليكم البايظ
| |
|
|
|
|
|
|
|
|
|
Re: Kostawi Fi Almaidan (Re: Kostawi)
|
لا لا لا لا دي ما بخليها لبكرة:
(| Quote: إنت فهمك شنو للمعارضة؟ |
)
الأخ علاء سؤلك دا بحمل في داخله أشياء أخرى!!!
أرجو تعديل السؤال و وضعه باسلوب محترم لأنو من أبدجيات الحوار هو الإحترام المتبادل و إبراز حسن النية.
هات صيغة أخرى للسؤال لو سمحت.
| |
|
|
|
|
|
|
|
|
|
Re: Kostawi Fi Almaidan (Re: Kostawi)
|
الأخ علاء
قرأت كل ما كتبته هنا في هذا البوست
و أعدت قرأته للمرة الثانية
شكرا للسرد الجميل و الواضح و البرئ لعلاء الإنسان
و أنا فخور بك للدور اللعبتو من منطلق إنساني حتى و لو رفض الأقربون,
و دا بوري معدنك و أصالتك,
هنا بتنط نقطة ممكن تكون محور للحوار بتاعنا:
الحاكومات (الديمقراطيةالسودانية)
في بلد غالبيته تعتقد و تؤمن بالطائفية و العقائدية و الهوس الديني
و أمية تقارب ال 80%
أو حاكومات دكتاتورية(جيش و سلاح)
من خلفها أيدلوجيات أحزاب الحكومات (الديمقراطية) أعلاه
و برضو في بلد غالبيته تعتقد و تؤمن بالطائفية و العقائدية و الهوس الديني
و أمية تقارب ال 80%
Do you
agree?
المداخلة القادمة سوف أتحدث عن ( فهمي للمعارضة) زي ما طلبت مني.
| |
|
|
|
|
|
|
|
|
|
Re: Kostawi Fi Almaidan (Re: Kostawi)
|
كوستاي
مشكور للعودة و النية في بدء نقاش حقيقي
و أنا مستعد
و مافي أي قصد مبطّن من سؤالي عن فهمك للمعارضة
كلامي واضح و صريح و مبتغاي معرفة فهمك للمعارضة
يا ريت تواصل و برجع للمواصلة
| |
|
|
|
|
|
|
|
|
|
Re: Kostawi Fi Almaidan (Re: علاء الدين يوسف علي محمد)
|
هنالك من تختلف معه وتحترمه لأن رأسه ملان وهناك من يعوي فيك بسبب وبدون سبب
ولعل السبب هو أن رأسه أفرغ من فؤاد أم موسي وهذا كان خلاصة قرايتي لتاريخ هذا
النصر الدين الهجام العاصمي القوي سودان هامشي جديدعاشق اللافتات
| |
|
|
|
|
|
|
|
|
|
؟؟؟؟ يا صباح!!!! (Re: علاء الدين يوسف علي محمد)
|
Quote: هنالك من تختلف معه وتحترمه لأن رأسه ملان وهناك من يعوي فيك بسبب وبدون سبب
ولعل السبب هو أن رأسه أفرغ من فؤاد أم موسي وهذا كان خلاصة قرايتي لتاريخ هذا
النصر الدين الهجام العاصمي القوي سودان هامشي جديدعاشق اللافتات |
دة شنو يا صباح!!
دة حوار هادئ نفتقد اليه فى هدا البورد الهائج والمائج (هاجوج وماجوج كما يقول صديقى).. ونشكر عليه صاحب البوست الدى ابدى احتراما للرأى الآخر ... ونحن قاعدين نعاين فى الفيلم... نشوف نهايتو!!
....
الخردة انت فوق كرسى ساخن... اقصد فوق صفيح ساخن..
اعمل حسابك علاء دة حريف وجاييك بخطة "إحتواء ما يمكن احتواؤه"
بس اسرد لينا تاريخك من عشرين سنة زى صاحبك عشان تكون فى السليم... واعمل حسابك برضو من "تسللات" ملاسى.. عشان ما يجيب فيك هدف "مالى"!!
واصلوا..
نورالدين منان
| |
|
|
|
|
|
|
|
|
|
Re: ؟؟؟؟ يا صباح!!!! (Re: علاء الدين يوسف علي محمد)
|
زي ما قلنا فوق
يرتبط تغيير النظم السياسية بعاملين أساسين:
* طبيعة النظام الحاكم و سياسته و دينميكية الصراع (أيا كان نوعه..سياسي /مقاومة مسلحة....etc) بينه و بين القوة المعارضة له.
* التغيرات و المؤثرات الإقليمية و الدوليةعلى ذلك النظام و خاصة في عصر ال Information Age وal Globalization و تحول الدنيا إلى قرية صغيرة أو (صغيرونية)
ما هي طبيعة النظم في هذه القرية?
هنالك نظمان يسيطران سياسيا على هذا العالم منذ ظهور الوالد (العم آدم) و الأم (الخالة حواء)
## نظم إستبدادية, دكتاتورية, إستعلائية, عنصرية. أبوية, ......
تستمد قوتها و عنفوانها من:
- السيطرة و الحيازة على موارد الإنتاج ( ما يعرف حاليا بالمال أو الفكة)
و بالتالي على السلاح.
- تخويف الفقراء و الأميين و المساكين و المعدمين بأن هناك قوة أخرى (جبروت سماوي أو أرضي) وجب عليكم فقط--الطاعة ( و سماع الكلام) ( نحن حراسها و خدمها و رسلها و ما عليكم يا معشر الرجرجة و المهمشون إلا أن تطيعونا و أن تمتثلوا لأوامرنا لتحقيق توصيات قوة السماء)......
## نظم ديمقراطية
## نظم بين تلك و هذه
____________________
في النظم الديمقراطية تلعب المعارضة دورا أساسيا في احداث التغيير لأن النظام الديمقراطي يعترف بشرعية المعارضة و تحترم حقوقه.
يعني وجود المعارض السياسي (معنويا و ماديا) في العراك السياسي هو دليل على وجود السياسة في النظام الديمقراطي.
(نواصل)
___________________________________________________
عبركم أرسل شكري لكل من وآسانا و أرسل تعازيه و دعائه بالرحمة و المغفرة لفقيد الوطن الأستاذ ناجى عوض عبد الماجد.
و نشكر الحركة الشعبية للوقفة الرائعة في ندوة الوفد الكبير بإستهلال الندوة بصلاة على روح الفقيد ناجي
إنا لله و إنا اليه راجعون.
| |
|
|
|
|
|
|
|
|
|
Re: ؟؟؟؟ يا صباح!!!! (Re: Kostawi)
|
الأخ علاء في حاجتين ما تقول إنو أنا ح أمررهم ساكت و لكن ح نناقشهم بعد نقاشنا الأساسي و هذا هو المهم.
These are 2 things
1- سؤالك لي ب (فهمك شنو في المعارضة....!!!!)
2- رفعك للبوست للربع التاني بصورة (عنترية و إستفزازية)
و لكن بعد أن عدت من سفري أرسلت رسالة للأخ بكري و فتحت بوست للإحتياط لرفع بوستين للتأكد و تذكير بكري بذلك:
و هذا هو اللنك:
Re: اعلان للجميع:ارشفة المنبر العام الحالى للربع الاول ...009 يوم 31 -3- 2009
بالمناسبة يا علاء
لا تعرف ظروفي ولا أعرف ظروفك
نقاشنا
is not time sensitive
يعني ممكن نتناقش في هذا الموضوع الأن أو بعد شهر أو بعد سنة
It is not a priority to me
لآنو دا ما نقاش في موضوع جديد
المهم
المايكرفون عند حضرتكم
و لو ما عندك حاجة تقولها
خلينا نمشي لقدام عشان نجيب examples عن الكلام القلناه (up) في صورة نمازج للمعارضة و النظم السياسية الحكمت السودان منذ إنسحاب المستعمرالأجنبي منه لغاية مطالبةالشرعيةالدولية للقبض على آخر رئيس له بتهمة جرائم حرب و خلافه.
و أنا I am very interested to know
your opinion
عن المعارضة vs النظام الحاكم
في السودان NOW
| |
|
|
|
|
|
|
|
|
|
Re: ؟؟؟؟ يا صباح!!!! (Re: Ridhaa)
|
معقول!!!
رضا زاتو!!!
إزيك يا رجل يا عظيم
أنا أعاهدك بالإلتزام بالخط الوطعتو
و إن شاء الله نكون في حسن ظنك
و أنا ما ح أخت الأخ علاء في موضع الإفلات و الإنحراف عن النقاش.
الهدف هو زيادة في ملئ خلاية المخ بمعلومات جديدة و مفيدة و العمل على طرد المعلومات الخربة من تلك الخلاية
my best regards
Kostawi
| |
|
|
|
|
|
|
|
|
|
Re: ؟؟؟؟ يا صباح!!!! (Re: Kostawi)
|
Quote: الأخ علاء في حاجتين ما تقول إنو أنا ح أمررهم ساكت و لكن ح نناقشهم بعد نقاشنا الأساسي و هذا هو المهم.
These are 2 things
1- سؤالك لي ب (فهمك شنو في المعارضة....!!!!)
2- رفعك للبوست للربع التاني بصورة (عنترية و إستفزازية) |
يا خُردة سلام
رجاءاً لا تُطلِق الأحكام جُزافاً
عشان ما نطلع من الموضوع الأساسي لمواضيع فرعية
حتى الفرعية ممكن نجيها
لكن خلينا في الأساسي
و راجعين ..
| |
|
|
|
|
|
|
|
|
|
Re: ؟؟؟؟ يا صباح!!!! (Re: علاء الدين يوسف علي محمد)
|
يا كرمبا ما في أحكام جزاف!!!
سؤالك فهمتو
لكن أسلوب و ضعو,عندي فيه رأي, قلت ليك الكلام دا أكتر من مرة
ودا شئ فرعي عندي كما وضحت لك سابقا
المهم let us move on
جاوبت سؤالك على حسب قدرتي
و أنتظر إجابتك عن سؤالك/
سؤالي
| |
|
|
|
|
|
|
|
|
|
Re: ؟؟؟؟ يا صباح!!!! (Re: Kostawi)
|
يا خُردة
أسلوب وضع السؤال له ما يبرره و بعد ما ننتهي من الأساس بنجي للفروع و نقول التبريرات
قريت كلامك مرور سريع
بجيهو بي روقة شان الرد يكون بالروقة ذاتة
راجعين ..
| |
|
|
|
|
|
|
|
|
|
Re: ؟؟؟؟ يا علاء!!!! (Re: Kostawi)
|
طبعاً كان عندي إحساس غريب جداً يا خردة إنو حترفع البوست عشان ترُدّها لي 
لكن أطمِّنك جاييك تب
مشغوليات عمل و ضغط و موجة إجتماعات لم تعطيني إلا وقتاً للمداخلات الساندوتش
إنت عايز ليك قعدة يا أخوي
قعدة كاااااااااااااااااااربة
راجعين ..
| |
|
|
|
|
|
|
|
|
|
Re: ؟؟؟؟ يا علاء!!!! (Re: علاء الدين يوسف علي محمد)
|
لا لا لا يا الأخو
أنا كانت عندي نفس ظروفك دي
أوعك تستعجل
أخد راحتك بالكامل
أنا في الأسابيع الفاتت دي كنت زي سيوبرمان
حايم من بلد لبلد
لفرح
لشغل
لكره
لواجب عائلي
و لواجب إجتماعي
و خلافه
لو قلت ليك إنو بنوم 4 ساعات في اليوم ما حا تصدق !!!
غايتو...سيبو ساكت
المهم أنا رفعت البوست عشان ما يطش
و بالمرة نشرك الناس المهتمة بهذا الموضوع معنا
و لا مش كدا?
| |
|
|
|
|
|
|
|
|
|
Re: ؟؟؟؟ يا علاء!!!! (Re: علاء الدين يوسف علي محمد)
|
Quote: إنهار الإتحاد السوفيتي في الثمانيت و إنهارت معه النظم الآحادية و الإشتراكية و القومية و حلت بموجبها النظم الليبرالية و شبه الليبرالية
(دا تحول و تغيير فرضتو تحولات و تعابير دولية) |
قلت الكلام دة جزء من إجابتك عن فهمك للمعارضة مع إنو ما شايف لي رابط واضح
طيب لو قلنا أوكي
هل النظام الصيني نِظام ليبرالي!!!؟
و الصين نِظام رقم لا يُمكِن تجاوزه كما تعلم كقوى عُظمى إقتصادياً في السوق و سياسياً في مجلس الأمن
| |
|
|
|
|
|
|
|
|
|
Re: ؟؟؟؟ يا علاء!!!! (Re: علاء الدين يوسف علي محمد)
|
أعتقد إنو لو أنا فاهمك صاح من خلال كلامك الفوق داك إنت بتوريني كيف الأنظمة بتجي بالديموقراطية و كيف إنو نظام الإنقاذ جاء على ظهر دبابة
مش دة المختصر للكلام الفوق ؟
| Quote: في النظم الديكتاتورية الإستبدادية تتحور المعارضة تناسبيا مع درجة القمع الإستبدادي لنظام الحكم, لحركات معارضة تستعمل و سائل شتى و متعددة للمقاومة, منها المقاومة المسلحة والمقاومة السياسية و ذلك بتناسب طردي أو عكسي للطرح الفعلي للنظام الحاكم. |
طيب دة البهمني حسب السؤال عن مفهومك للمعارضة
| |
|
|
|
|
|
|
|
|
|
الطائفية اللعينة (Re: علاء الدين يوسف علي محمد)
|
طيب يا هجّام
دة معناهو الآتي
إنو إذا كان النظام مُستبِد و يُمارِس القهر و الظلم وجب معارضته بكل ما تيسر من أساليب
إذاً أنت تُفسِّر الماء بعد الجهد بالماء
و كأنك تقول حلالٌ على بلابله الدوح حرامٌ على الطيرِ من كل جِنسِ
لأنو لو مافي قهر ما كان ناس 89 جونا ولو مافي إستبداد برضو ما كانو جونا ولو مافي ظلم ما كان جونا
و المصيبة إنو كان معاهم ذُل و هوان و لا نسيت عبارة أهل الطائفية اللعينة حينما سقطت الكرمك (برلين سقطت إيه يعني لمن تسقُط الكُرمُك)
ولو ديل كُلّهم مافي ما كان الشعب تقبّلهم تقبُّل المنقذين أيامهم الأُول و تململ منهم بعد ذلِك حينما أجبرونا على شد الأحزِمة و كُلُّنا حينها لم نتقبل العصرة الشديدة و إضطُرِرنا للخروج و البحث عن مصادر رزقٍ بالخارِج
و لكن لم نقنط من رحمة الله بأن تُفكُّ الأحزِمة و تُرخي الأيدي قبضتها لنتنفس و ما مِن راحة إلا من بعد تعب و الليلُ دوماً لا يعقبه إلا الصبح.
و لكن هل نُمارِس في أسِرّتِنا ليلاً سياسة الرفس حتى تُشرِق الشمس!!!؟
| |
|
|
|
|
|
|
|
|
|
Re: ؟؟؟؟ يا علاء!!!! (Re: علاء الدين يوسف علي محمد)
|
الأخ علاء قلت:
| Quote: لأنو لو مافي قهر ما كان ناس 89 جونا ولو مافي إستبداد برضو ما كانو جونا ولو مافي ظلم ما كان جونا |
هل ممكن توضح أو تقارن لينا إستبدات الحكومة الديمقراطية قبل 89 مقارنة بحكومة الإنقاذ الدكتاتورية.
دي نقطة مهمة جدا ولازم نقف عندها طويلا.
بعد داك ممكن تواصل عن فهمك للمعارضة بشكل عام مع ذكر أمثلة لدعم حجتك.
regards
| |
|
|
|
|
|
|
|
|
|
Re: ؟؟؟؟ يا علاء!!!! (Re: Kostawi)
|
كوستاوي يا أخونا الخردة
قلنا نخلِّيك على راحتك بعد السفر و الأعراس و كِدة مع إنو خفتة بعد الراحة نخش في سمايات و ما أدراك و تاااااااني نرجع من جديد صدقني ما بقدر أعيد
المهم
بعد شفتة البوست إترفع قلت خلاص نجي نشوف مفهوم كوستاوي للمعارضة لقيتك راشيني بي سؤال جديد.
كدي واحدة واحدة
أنا لِسع منتظر توضيح لمفهومك المباشر للمعارضة
اللعبات الجنّابِيّة دي ما معانا هسي
| |
|
|
|
|
|
|
|
|
|
Re: ؟؟؟؟ يا علاء!!!! (Re: Nazar Yousif)
|
Quote: الأخ علاء الدين
تذكير سريع بالبوست أدناه ، هل غرقت فى الكتب والمراجع؟ |
نيزو
أنا مش رسّلتك أمبارح قلتة ليك أمشي شوف كان في زول بستاهل بهناك نجيهو كان مافي ما تجيني راجع؟
ناس العاصمة نزحوا ولا لِسّع!!!؟
| |
|
|
|
|
|
|
|
|
|
Re: ؟؟؟؟ يا علاء!!!! (Re: علاء الدين يوسف علي محمد)
|
| Quote: ناس العاصمة نزحوا ولا لِسّع!!!؟ |
عندما يجد أهل الانقاذ الثقة فى نشر نتائج الاحصاء
وفك القيود على العملات الصعبة بعد 4 مارس 2009
ستعلم ألا لماذا سينزح من هاجر الى العاصمة . ولا تقلق
فالنزوح مؤشر لأزمة ومن المهم أن يحدث تدريجيا حتى يعود
للريف توازنةه ونفسد تجارة الطفيللين .. أفهمت يعنى ما سلق
بيض ورزق يوم باليوم . ومه هذا نتظر ردك حول علاقة ما تسمى الحركة
الاسلامية بالمخابرات الغربية !! وهنا أسألا قل وجد وقت لقراءة الكتب ؟
| |
|
|
|
|
|
|
|
|
|
Re: ؟؟؟؟ يا علاء!!!! (Re: Nazar Yousif)
|
| Quote: خلاص نجي نشوف مفهوم كوستاوي للمعارضة لقيتك راشيني بي سؤال جديد |
دا كلام غريب يا أخ علاء الدين!!
أنا فهمي عن المعارضة قلتو ليك فوق و أعطيتك المايكرفون منذ مدة عشان تنقد كلامنا الفوق دا, تجي تقول لي أنا منتظرك!!!!
أنت جادي ولا ما جادي???
| |
|
|
|
|
|
|
|
|
|
Re: ؟؟؟؟ يا علاء!!!! (Re: Kostawi)
|
Quote: دا كلام غريب يا أخ علاء الدين!!
أنا فهمي عن المعارضة قلتو ليك فوق و أعطيتك المايكرفون منذ مدة عشان تنقد كلامنا الفوق دا, تجي تقول لي أنا منتظرك!!!!
أنت جادي ولا ما جادي??? |
لا لا جادي خالص يا أخ كوستاوي
إعتبرني ما فِهمتة كلامك و إعتبرني زول غبي يحتاج لمزيد من التوضيح
لأنو بالنسبة لي لسع كلامك مبهم و ما مباشر
| |
|
|
|
|
|
|
|
|
|
Re: ؟؟؟؟ يا علاء!!!! (Re: علاء الدين يوسف علي محمد)
|
الأخ علاء الدين
لا تنفعل ونحن لم ندعى يوم المعرفة
ودعك من أسلوب الهروب الى الأمام، وبغض
النظر عن سبب تشريفكم البوست الا أنك جنحت الى
وصف معارضى سياسة الانقاذ بالجلبيين فى اشارة ما حدث
فى العراق وربط المعارضة بالعمالة وكل ما قمت به تنبيهكم
الى تاريخ الأخوان المسلمين أو ما يسمى زورا حركة اسلامية
بل ذهبت أكثر وأوردت لكم أسماء كتاب وكتبهم ومذكراتهم لكى
تقرأ وتعود لنا ..( ألم أقل لك أن المعارك تكسب قبل خوضها) .
| |
|
|
|
|
|
|
|
|
|
Re: ؟؟؟؟ يا علاء!!!! (Re: Nazar Yousif)
|
Quote: لا لا جادي خالص يا أخ كوستاوي
إعتبرني ما فِهمتة كلامك و إعتبرني زول غبي يحتاج لمزيد من التوضيح
لأنو بالنسبة لي لسع كلامك مبهم و ما مباشر |
الله يشفيك يا علوة
الشبك ما ربط?
مش كدا?
خزلتك مش كدا?
ألعب غيرها!!!
عمرك دا قضيناه رسم بول في حيط الزبالة.
جاو...
| |
|
|
|
|
|
|
| |
علاء الدين يوسف علي محمد
humida
عبدالوهاب علي الحاج
الشامي الحبر عبدالوهاب
Frankly
Kostawi
عبدالعزيز الفاضلابى
jini
حيدر حسن ميرغني
خالد عبد الله محمود
Hussein Mallasi
بشير أحمد
Muna Khugali
صديق الموج
طارق جبريل
الجيلى أحمد
Mannan
A.Razek Althalib
Nazar Yousif
bob
فيس بوك
تويتر
انستقرام
يوتيوب
بنتيريست