دعواتكم لزميلنا المفكر د.الباقر العفيف بالشفاء العاجل
|
|
 قضينا ليلة ساهرة نحتفي بالأستاذ محمد حامد جمعة - بورداب الرياض "الفرع الضلامي"
|
كانت ليلة ما أحلاها من ليلة بدأت حينما رن هاتفي الجوال مستقبلاً صوت الأستاذ الصحفي محمد حامد جمعة للمرة الثانية و لفترة جاوزت الثلاثة أيام عن أول مرة أستمع فيها لصوته المهذب وهو في مرحلة الإقلاع من مطار الخرطوم حيث أعلمني بوصوله الكريم ضيفاً عزيزاً على أرض نجد و أملت لو أن إلتقيت الرجل منذ حط أقدامه في مطار المدينة إلا أن مهنة صاحبة الجلالة قد منعتنا جمال تلكم اللحظة.
إلتقيته بعد مشقة عانيتها في تجاوز الخطوط و النقاط الأمنية التي تحول دون مرور شيئين إما نسيم الرياض المنعش هذه الأيام أو صاحب ديباجة معلقة على صدره تسمح له بالدخول حيثما ينعقد مؤتمرهم الذي من أجله جاء ، و يبدو أن حظوتنا التي مازلنا نتمتع بها كسودانيين ما زالت تصبغنا و نعيش في رحابها آية حب و قبول من كل الطوائف و الأجناس و قد أوصلتني حتى الباب الزجاجي لمدخل الفندق الفاره و كنت بداخل له لولا سطوع نجم محمد حامد جمعة بعد أن تحركت شقتّا الباب منفرجة عن وجهه الباسم الصبوح و بينما أحد العسكر يعبث بأوراق هويتي كنت قد عانقت الرجل في سلام حار كان كافياً ليعيد إلي رجل الأمن هويتي مبتسماً مغتبطاً للحميمية التي تميز لقاءتنا كسودانيين أينما حط بنا الرحال و المقام.
وتواصلت لحظات اللقاء الجميل إلي سهرة ممتعة إنضم إلينا فيها الأخوان عمر الفاروق و عبد الرازق الطالب و "التسجيلات الجديدة للضلاميين" معتصم دفع الله و وليد 399 و يشهد الله أنها كانت ليلة مشهودة تعالت فيها الأصوات بالضحكات بعد قفشات محمد حامد و تعليقات ود الطالب و لطافة عمر و معتصم و وليد و بين ذلك كله كنت بين اللحظة و أختها أخلع نظارتي لأمسح دموعي فكثيراً ما تدمع عيناي عند الضحك خاصة إن كان من القلب للقلب.
و كنت المرة الأولى أيضاً التي ألتقي فيها بالحبيب القريب إلى النفس و الروح عبد الرازق الطالب.
و ليواصل الشباب
|
|
 
|
|
|
|
|
|
|
|
Re: قضينا ليلة ساهرة نحتفي بالأستاذ محمد حامد جمعة - بورداب الرياض "الفرع الضلامي" (Re: علاء الدين يوسف علي محمد)
|
علاء الدين ايها الحبيب :
كان اللقاء جميلاً وكان الرجل أكثر تهذيباٍ وكان الأخوة عبد الرازق معتصم ووليد أكثر روعة أما صوت الأخ تمبس وهو يتواصل مع الاخ محمد حامد مرحباً به فقد كان اللفتة الأجمل ..
هكذا هم بورداب الرياض (فرع الظلاميين ) يسجلون حضوراٍ في كل الأوقات يحتوون كل الوان الطيف ..
كان الرجل أكثر تهذيباً في الحديث وأكثر ترحيباً ..
الغريب في الأمر وانا أقرأ في هذا المنبر بأن هذا الرجل محمد حامد برتبة عقيد ارتسمت في ذهني تلك الصورة لذلك الرجل الذي يكسو رأسه الشيب منتفخ البطن يمشي الهويني ولكن إذا بي أفاجأ بأن هذا الشخص لا يتجاوز عمره ال 35 عاماً إن لم نقل (يعني بي الميييت كده الزول ده ممكن يكون وكيل عريف ) ..أم ربما تكون رتية العقيد هذه رتبة شرفية علي وزن المشير عمر البشير !!!!!!
والأغرب من ذلك وأنا أقرأ بأن الرجل يقضي كل أوقاته في الفندق في إنتظار العشاء الفاخر كنت حضوراً وبعض بورداب الرياض لجلسة في الخلاء نأكل الرز ومعنا سيادة العميد في حين أنه وفي تلك اللحظات كانت الوفود تتقاطر علي فندق ماريوت لحضور مأدبة العشاء ..
عموماً اللقاء كان جميلاً ..شكراً علاء الدين ..شكراً عبد الرازق..شكراً معتصم ..شكراً وليد399 شكراً تمبس وشكراً صديقي العزيز مصعب ود البلال ..
| |
|
|
|
|
|
|
|
|
يا كبير :
انا شماري حااااااااااااااااااااااااار رسل لي حق Hotmail وماتيلااااااوز 
| |
|
|
|
|
|
|
|
|
|
Re: قضينا ليلة ساهرة نحتفي بالأستاذ محمد حامد جمعة - بورداب الرياض "الفرع الضلامي" (Re: علاء الدين يوسف علي محمد)
|
ماشاء الله
ما شاء الله
كنا متوقعين صور
لكن عزرناك عشان الكاميرات البتصور في الظلام غالية
ولو كان اجتماعكم ده في الشرقية كان ببساطة تخطف رجلك لقاعدة من القواعد المشتتة في الشارع وتجيب أجهزة تصوير تحت الحمراء وفوق البنفسجية وخلف خلاف
انشاء الله اجتماعكم الجاي تكون تقنية ربط الكمبيوتر بالساتلايت قد انتشرت ودخلت البيوت ومادام معاكم سعادتو ببساطة يمكن تربطو مع أقرب الأقمار الفضائية عزرا وايز ون- شارون بايظ تو -الياهو تاهو ثري - زقلونة بترودولار فور - جازوري سيكس
نشكر بورداب الرياض الفرع النظامي لقيامهم بإستقبال عضو البورد المحترم محمد حامد جمعة ونتمنى له إقامة طيبة في بلده الثاني السعودية صاحبة العملة القوية ( دولار - ريال - شيك سياحي) والتحويلات الفورية ( انستانت كاش )
ونحب أن نذكر السادة القراء بأن الفنادق السعودية تحافظ على أمن نزلائها وتدقق النظر في هويات الزوار وتقوم بكافة الإحتياطات لمكافحة الإرهاب ومراقبة الإرهبيين..
| |
|
|
|
|
|
|
|
|
|
Re: قضينا ليلة ساهرة نحتفي بالأستاذ محمد حامد جمعة - بورداب الرياض "الفرع الضلامي" (Re: علاء الدين يوسف علي محمد)
|
المسافر ..صحي عينو قوية ..
إنت من زمن الكاميرات والتصوير ؟؟؟ياخ إنت راجل قديم ياخ ..شكلك النوع الكان جنو يمشي جنينة الحيوانات ويقطع ليهو وردة وينادي بتاع الكميرا يصورو عشان يرسلا البلد ..
ياخ مرحلة التوثيق بي صوور دي مرحلة قديييمة ياخ ..بعدين ياخ ما تنسي الراجل مدير ال SMC وكده معناها الشغل كان Live وزيو وزي استار اكاديمي وسيوبر استار ...
علاء الدين يا اخوي :
إنت أظنك ملخبط ياخ ..المسافر الكان في بورداب الأمارات داك راجل كبيييييييييييير وعجوووووووووووووووووووز ..مسافرنا ده زول واعي ومواكب وطوالي متابع الكاميرات عشان كده خاتي اخر صورة اتصورها لمن اشتري الكاميرا بتاعتو من " الجميرا بيتش " أول امبارح ....
هاك كوداك دي ...
| |
|
|
|
|
|
|
|
|
|
Re: قضينا ليلة ساهرة نحتفي بالأستاذ محمد حامد جمعة - بورداب الرياض "الفرع الضلامي" (Re: عمر الفاروق شيخ الدين)
|
Quote: ما داير رتبة.. خلاص.. حردتها..
داير كرسي تفاوض مع ناس دارفور
وعربية لاند كروزر
كيف معاك؟
|
أيمن يا حبيب
ياخ ما تتعب نفسك و تنزل بالعربيات الخلا يقولو عليك جنجويد كمان
إنت خليك في بلد زايد و جيب خريطة السودان و أقعد و يلة قول:
يا إيدي شيليني ختيني في بيت الله العاجبني
ولا النار ولا الجنة
البتقع ليك ديك أعمل ليها حركة تحرير و أطبع بياناتك و جيب أنسخ لينا هنا كوبي بيست.
أهة عليك الله مش راحات يا أمير ظلام بورداب الأمارات - أمارة دبي
لأنو الأمارات كلها لود الشيخ
| |
|
|
|
|
|
|
|
|
 Re: قضينا ليلة ساهرة نحتفي بالأستاذ محمد حامد جمعة - بورداب الرياض "الفرع الضلامي" (Re: علاء الدين يوسف علي محمد)
|
علاء
عبد الرازق
تمبس
عمرالفاروق
معتصم دفع الله
وليد 399
قربه
والمحتفى به صديقي الخلوق / محمد حامد جمعة
دا شنو دا يا ظلاميين يا كعبين عليكم الله ما جبتو سيرتي بالسمح ولا الكعب ؟؟
طيب ما كان تدقو على تلفون ولا ترسولي كبسة بالهاتف
غايتو ما عافي ليكم أبدا غايتو أنا منتظر الرز والكبسة تجيبوها لى بأي طريقة
هكذا أهلى السودانيين دائما بشوشين وهم أهل للترحاب بكل القادمين والراحلين نحسدكم والله على هذا التجمع الطيب والاخوة الصادقة وغايتو الواحد كان بوده أن يكون معكم لكن ذنوبنا حالت دون ذلك
بجيكم راجع خاصة ود الشيخ
| |
|
|
|
|
|
|
|
|
|
Re: قضينا ليلة ساهرة نحتفي بالأستاذ محمد حامد جمعة - بورداب الرياض "الفرع الضلامي" (Re: ود الشيخ)
|
عاد يا ولادي ما فجيتو لي
انا لقيتكم جايبين سيرة حبيبنا محمد
وجيتكم توش بلا رتوش
الرائد علاء .. أقصد الرائع علاء .. ما تندهش.. صورتي دي ..متصورها في سنة 89
ولسع مستني ولاد بناتي أضحك وأقرقر معاهم وأصور حتى لو خشمي فاوة وبقيت ماشي طلق
وحكاية البطارية يا بندقجي ما شفت المارينز مركبنها في الدبشق
تعرف يا علاء ان بقيت جاييكم بس كان بقيت عميان ما بدور لي قوادة
عمر الفاروق ود شيخ الدين
انت براك يزورو فوقك
عرفتني كيف؟
تعرف أنا أول مرة جيت الخرتوم في سنة 76 ومن القطر سألت يا ناس جنينة الحيوانات وين؟ ومستعجل متين الخرتوم دي أشوف جنينة الحيوانات، تصور واحد من باب المحطة قال لي تمسك الشارع ده طوالي يوديك القصر الجمهوري؟ لعمني مستعجل قلت للراجل القصر يطير اريته طاير من زمن عبود .. انا داير أشوف القرود..
الراجل قال لي يازول أصبر شوية .. القصر قافل عليك الشارع.. أخد يسارك وعلى طول ما تتلفت لما تلقى ناس ببيعوا الترمس والتسالي أسألهم وينها الجنينة.. لما جاب سيرة الترمس والتسالي انا يادوبي صدقته.. وينك يالجنينة .. عاد ما يوم تاريخي.. في اليوم داك جاء واحد شايل الكاميرة قال لي في ساعتك دي أصورك وأديك صورتك، ما صدقتو إلا لما قالها تشششش، والكاميرة قالت هشششش
ومرقت صورتي من فشافيشها من اليوم داك الضحك شارطني.. وأي زول يجيب لي سيرة جنينة الحيوانات أسلم ليه فوق أيدو ...
عليك الله حبيبنا احميده ده هو مدير السي يم يي؟؟
ما بصدقكم؟؟ ياخ عليك الله خلينا
أكان كدي تكونو تجبدو في الشعيرية ساكت
عاد يا الفاروق ان جيت للحقيقة ماني صغير وزول عجوز ومن زمن عبود ، سلام عبود بالكوع بالكوع، وفي سنة اربعة وستين اتصورت في استديو الرشيد بعطبرة وشايل شنطتي بتاعة المدرسة في ايدي.. ولما جانا السيد علي في عطبرة مسكت في رفرف الرولز رويس بإيدي.. واتصورنا .. وجابو الصورة في الصحيفة.. وعجبتني
بس صورتي دي زي ما قلت ليك ليها أكتر من خمستاشر سنة،
وبعدها كل ما أصور صورة ألقى نفسي متخلف ومتحجر وضاربني الخرف والكبر
وأحلف وأقول لا لا ده ما أنا ده انا لا ما انا انا ما انا يا نبتنتتيااغصميسمتسيمنستنتنؤتتن اابينتيبنسيتيستايستيس يستيساتيس
ألحق حصلت ناس طه
عشان كده علقت لي بطاقة عشان ما أغالط نفسي بإصرار وأقوم أغرق
ياه طلوت عليكم
كان عندكم زمن امرق ليكم الكر والعجين الفي الجر بس ابعدو المكرار
اصلو في حتتنا زمان كان في سحاحير وأخاف انا صغير يكونو سحروني مرة مرة عيوني تبلت ولساني يفلت
| |
|
|
|
|
|
|
|
|
|
Re: قضينا ليلة ساهرة نحتفي بالأستاذ محمد حامد جمعة - بورداب الرياض "الفرع الضلامي" (Re: المسافر)
|
إبن بطوطة (المسافر):
عايز أقول ليك يا جدو المسافر لكن جدو دي بيقولوها لي الجيل التاني وإنت شكلك قبل ال386 ومن زمن قفا نبكي عييييييييييييييييييييييييق ...
| Quote: وجيتكم توش بلا رتوش |
يا رااااااااااااااااااااجل بلا رتوش ؟؟؟؟غايتو كان كلامك ده قلتو قبل ما نشوف صورتك مع بروداب الامارات كان مشيناها ليك لكن بعد شفناها ؟؟؟؟؟؟؟؟؟؟؟؟ والله إنت جايينا ورتوشك ظاااااااهرة في صورتك القلت سنة 89 دي والجميل في الموضوع انك ما كتبت التاريخ كامل لاني اتوقع انك قاصد 1889 ولا شنو ؟؟؟؟ سمك ...
| Quote: تعرف أنا أول مرة جيت الخرتوم في سنة 76 ومن القطر سألت يا ناس جنينة الحيوانات وين؟ |
تعرف يا جدو شكلك كده النوع اللمن جيت الخرطوم قلت ليهم انا عايز حلاوة سقططبعاً قاصد الايسكريم ...يازول علي بركة الله الهم وصلت الخرطوم وانت البتكون زمان ليلك ونهارك تشيل وتغني :
ياربي بتين نشوف الخرتوم ..
ابسط يا عم ربنا استجاب ليك سنة 76 ...
| Quote: عليك الله حبيبنا احميده ده هو مدير السي يم يي؟؟ |
لالالالا صحبك طلع مدير ال CBM...صدق !!!!!!!!!!!!!!!!!!
| Quote: جيت الخرتوم في سنة 76 |
| Quote: وفي سنة اربعة وستين اتصورت في استديو الرشيد بعطبرة |
| Quote: بس صورتي دي زي ما قلت ليك ليها أكتر من خمستاشر سنة، |
والله ياجدو قدر ما حاولت أعمل لي معادلة عشان أقدر أحدد عمرك كم غلبني عدييييييييييل كده ..
لكن مالو نحاول ..
طيب لو قلنا 64 صفر معاك الواحد نضيف ليها 76 يعني كممممممممممم كممممممممم كمممممم ما مشكلة نخت الرقم ده في خانة الميات ونطلع بي ال27 اها وقلت قبل 15 سنة لمن نضيف ليهل ال27 دي كم كم كم ما مشكلة نحتفظ بي الرقم في خانة العشرات طيب واسة دي سنة 2005 يعني تبقا كلها كمممممممممم ما مشكلة نحتفظ بيها في خانة الاحاد يعني يا جدو انت بي الميييييييييت كده بتلعب تحت السبعين سنة ...
يازول ربنا يديك طولة العمر ويحفظك انشاء الله وتشوف ولد ولد ولدك انشاء الله ..
لالالالا ياجدو والله ونستك سمحة ولسة نحن ما تمينا ونسة العجايز ديك ناس الجنيه كان بي 5 دولارات وزمن بتاع التكسي تناديهو بي التلفون وزمن الوصلة في الاكل بتكون مجان وزمن العساكر بيلبسو الردا وزمن الكمونية بي المتر والباسطة بي الشوال ...
راجينك ...
| |
|
|
|
|
|
|
|
|
|
|
Re: قضينا ليلة ساهرة نحتفي بالأستاذ محمد حامد جمعة - بورداب الرياض "الفرع الضلامي" (Re: علاء الدين يوسف علي محمد)
|
أخونا المكاشفي :
ماعدمناك والله وانشاء الله اقرب عمرة نشوفك بعد ما طلعنا لي سياتو محمد حامد إقامة (اي رااااااااااااعي ) عشان ما يجو الشمات يقولوها ...
الكبسة كبستك وبرسل ليك منها بس اديني رقم الفاكس ...
الرائع ود الموج :
غايتو رائع دي انا شافيها من بورداب الرياض ذبحونا (علي قول السعوديين ) بي روعتك غايتو بعد الاقيك وتطلع زول ما رائع طوااااااالي بغني ليك :
يا ما رايع جفيتني وانا ماضايع خليني...
تمبس طابور خامس !!!!!!!!!!!!!!! صدق يا ود الموج انا زااتي قلبي كلمني بي جنس الكلام ده من بقا يقول لي اها بيتكم وين وبابكم الاخدر داك ؟؟؟؟
| |
|
|
|
|
|
|
|
|
|
Re: قضينا ليلة ساهرة نحتفي بالأستاذ محمد حامد جمعة - بورداب الرياض "الفرع الضلامي" (Re: علاء الدين يوسف علي محمد)
|
الاخ علاء الدين تحياتي وللاخوان عمر الفاروق وود الطالب ووليدومعتصم
الحقيقة ما قصرتو مع الراجل ضيفنا محمد حامد جمعة ...اتمنى ان لاتكون الجلسة قد تحولت لخطط !! وبرامج !! واستهدافات !! اصلا انتو كلكم عليكم دوائر حمراء وصفرا كمان والحكاية كلها باقي ليها يومين بس !!
لكن احساسي يقول انها كانت قرقرة وضحك وكبسة- ولا اصفي واصدق واجمل من قلوب اهل الظلام في لحظات الود والصفاء
بعدين المفروض ضيفنا يكرم بمندي عديل كده اذا لم يكن سواكني كامل .
شنو يا عمر الفاروق الحكاية كبستوها بس ..
تحياتي لشلة الظلام جميعا ...
ولكم ودي وتقديري ،،،
تخريمة : علاء الدين دخلت موقعكم الالكتروني للتسوق - بس لدي احساس انو حاجاتكم غالية شويه ولا انا ما ملم بالاسعار .
| |
|
|
|
|
|
|
|
|
|
Re: قضينا ليلة ساهرة نحتفي بالأستاذ محمد حامد جمعة - بورداب الرياض "الفرع الضلامي" (Re: luai)
|
حبيبنا لؤي
فعلاً زي ما قلت المسألة كانت عبارة عن ونسة و قرقراب و إن كنّا لم نرحم الرجل من أسئلة كثيرة تدور في أذهان معظم إن لم يكن كل أعضاءالبورد عن خفايا كثيرة لم يبخل الرجل عن إجباتها أو يجبن ، و غيرها إكتفى بسكوت يكفينا شر الإختلاف في ليلتنا الساهرة
كما قال الأخ عبد الرازاق فرقنا عن المستنيرين هو أننا نرمي ما بالبورد على البورد نفسه عند ضغط زر الخروج و بعدها لو قابلنا أسوأ من حاربناهم في المنبر أو خارج المنبر لكانت الأحضان هي لغة التواصل تحل مكان كل ضغينة ظاهرة للمستنيرين بينما نعيش نحن ملوك و أمراء الظلام في بواطن صفاء نفوسنا و بياض نوايانا.
بالنسبة للأسعار المعروضة على موقعنا غير محدثّة بسبب وجودي بالخارج حالياً لحين عودة قريبة جداً.
| |
|
|
|
|
|
|
|
|
|
Re: قضينا ليلة ساهرة نحتفي بالأستاذ محمد حامد جمعة - بورداب الرياض "الفرع الضلامي" (Re: علاء الدين يوسف علي محمد)
|
اذا رأيت نيوب smc بارزة فلا تظنن ان الحية تبتسم
هل رأيتم كيف يبدو وجه صلاح قوش ناعما ، هادئا ولكن هل سالتم الذين خرجوا احياء من بيوت الاشباح كيف كانت ممارساته معهم؟
ان افلام الكرتون هي التي تصور الاشرار بوجوه قبيحة ليسهل على الاطفال التفريق بينها وبين الوجوه الأخرى اما الراشدون فالاحرى ان ينظروا الى تاريخ الرجال وافعالهم لا الى كونهم اكلوا كبسة وضحكوا وسلموا عليهم بالاحضان.
ما نعرفه ان smc تابعة لجهاز الامن واخبارها دائما مفبركة.
مبروك عليكم صداقة واحضان مفبرك اخبار smc
=========
| |
|
|
|
|
|
|
|
|
|
Re: قضينا ليلة ساهرة نحتفي بالأستاذ محمد حامد جمعة - بورداب الرياض "الفرع الضلامي" (Re: علاء الدين يوسف علي محمد)
|
| Quote: إن سنحت لك الفرصة و جئت لأرض نجد زائراً أو معتمراً أو حاجاً |
انا لا احج الى ارض نجد او اعتمر فيها. لقد اكرمنى الله بخير بقعة في الارض للحج والعمرة وهي تقع في ارض الحجاز وان شئت في المنطقة الغربية من المملكة السعودية.
Quote: لعرفت ما معنى أن تنتمي للسودان و ترتبط بالسودانيين في الجواز و الجنسية ، و لإستقبلناك كما كان لمحمد حامد أو أكثر.
|
الانتماء للسودان وعلاقاتهم ببعضهم ليست مجال مزايدة.
اغلب الذين هجروا وهجرن الوطن في السنوات الاخيرة كان بسبب نظام القهر والتسلط ، لعلك بحاجة الى اعادة قراءة ما يكتبه بعض اعضاء المنبر عن نظام الانقاذ وما لاقوه منه.
Quote: ترى هل سيخرج حينها من ينعق فينا كالبومة نذير الشؤم:
مبروك عليكم صداقة و أحضان مفبرك أخبار خليل و عبد الواحد؟؟؟؟ |
انا لم اذكر في ردي عليك عبدالواحد او خليل او محمد عثمان الميرغني، كان قصدي ولا زال ان المركز يفبرك عموم اخبار السودان بما يخدم مصالحه فقط دون اي اعتبار لخلق او دين
اما اصرارك على اقحام هذين الشخصين فما هو الا دليل على ما تعانيه من حقد وكره لهذين الرجلين. انت قانع بالتزوير الذي يتعرض له الشرفاء. ان الكثير من تاريخ السودان مزور وابسط ما اذكره لك ان المنهج الدراسي يلقننا ان الزبير باشا – تاجر الرقيق – رجل عظيم. تماما كما نرى الآن الذين اوقدوا حرب دارفور واغتالوا اهل الشرق وجعلوا حرب الجنوب حربا دينية يطلق عليهم رجال السلام.
لقد زور مركزSMC احداثا عشناها.
حر انت في ان تحضن الشيطان (ذات تفسه) وتسعد بلقاءه ولك التهنئة بذلك.
لماذا تتضايق وانا اهنئك باحضان من احببت؟
| |
|
|
|
|
|
|
|
|
|
Re: قضينا ليلة ساهرة نحتفي بالأستاذ محمد حامد جمعة - بورداب الرياض "الفرع الضلامي" (Re: Zoal Wahid)
|
زول واحد :
الحمد لله الذي جعلك في أرض الحجاز أطهر بقاع الأرض ..
Quote: اغلب الذين هجروا وهجرن الوطن في السنوات الاخيرة كان بسبب نظام القهر والتسلط ، لعلك بحاجة الى اعادة قراءة ما يكتبه بعض اعضاء المنبر عن نظام الانقاذ وما لاقوه منه.
|
هل تعلم أن علي الحاج هجر الوطن ؟؟؟ هل تعلم أن نميري في زمن ما هجر الوطن ؟؟؟ هل تعلم أن الترابي نفسه فس لحظة ما كان يود هجر الوطن ؟؟؟؟؟
ليس كل من هجر الوطن فهو مظلوم وليس كل من هجر الوطن فهو عبقري زمانه وليس كل من يكتب في هذا البورد هو ممثل الشعب السوداني في تحريره من رقاب الأنقاذيين ..
هل تعلم ماذا لقي الشيوعيون من نميري ؟؟؟ هل تعلم ما لقيه الكيزان في زمن الأحزاب ؟؟هكذا نحن في الحكم القوي منا يأكل الضعيف وليس ما يحصل اليوم هو ظاهرة جديدة علينا ..
| Quote: اما اصرارك على اقحام هذين الشخصين فما هو الا دليل على ما تعانيه من حقد وكره لهذين الرجلين |
هل تعلم أن من هذين الرجلين من هو ناصر ومؤيد في زمن ما للكيزان ولحكومة الأنقاذيين ؟؟هل تعلم أنه كان سبباً في خروج الكثيرين ممن يكتببون في هذا البورد لمشارق الأرض ومغاربها؟؟؟ هل تعلم أنه كان يجند الأطفال ؟؟؟
Quote: لقد زور مركزSMC احداثا عشناها.
|
ليس دفعاً عن هذا المركز فالمعلوم أن الأعلام كللله مبني علي الكذب ويكفي ما تكتبه الشرق الأوسط وما يكتبه إعلام العدل والمساواة وما يكتبه إيضاً إعلام الجبهة فهكذا هي السياسة لعبة غزرة !!!!
لكن التساؤل هو ماذا زوور هذا المركز من أحداث أنت كنت شاهداً عليها ؟؟؟ نرجو التوضيح مع الوثائق !!!!
| Quote: حر انت في ان تحضن الشيطان (ذات تفسه) وتسعد بلقاءه ولك التهنئة بذلك |
يبدو أن إقامتك في أرض الحجاز وبعد فتح العمرة والحج وكثرة زيارات السودانيين وتحميلهم بالهدايا وربما البعض كان يسكن معك قد ولد فيك نوع من البخل وإكرام الضيف وربما طمس فيك بعض من العادات السودانية السمحاء وجعلك (تلخبط الكيمان )..
كون أن الرجل مدير SMC لا يعني أنه عندما يأتي الرياض كواحد من البورداب يجب الأحتفاء به مثله مثل أي شخص اخر وصدقني حتي ولو جاءت رودا نفسها لاكرمناها ويكفينا فخراً أن الأخ أساسي لم يقصر مع العم مردا عندما جاء معتمراً 
هل تعلم يا أيها الزول أنه عندما كانت تجتمع المعارضة والحكومة في كينيا وبعد الفراغ من الأجتماعات كان أهل المعارضة يسلمون أفراد الحكومة مظاريف بها دولارات ليوصلونها لأهليهم في السودان ويطمئنونهم علي صحتهم ؟؟؟؟؟
مش قلت ليك بتلخبط الكيمان ...
| Quote: لماذا تتضايق وانا اهنئك باحضان من احببت؟ |
لأحد يتضايق من الواجب الا من كان بخيلاٍ شحيحاً أهلكته الغربة وغيرت من طباعه ...
صدقني لست مجبراً لأنفي لك إنتمائي لجهة سياسية معينة ولست مطالباً لأقول لك بأننا طلقنا السياسة طلاق تلاتة ولكن فقط لتعلم [اننا لا نمكل توجيه سياسي معين ولكن رغم ذلك نعرف الواجب ونرحب بكل من هو سوداني أتي إلينا ونحتضنه والرجل كان مكان تقدير وإحترام وبادلنا الأحترام بأكثر منه فمرحباص به بيننا ..
| Quote: ان الكثير من تاريخ السودان مزور وابسط ما اذكره لك ان المنهج الدراسي يلقننا ان الزبير باشا – تاجر الرقيق – رجل عظيم. |
طبعاً دي من الحاجات الأنت كنت شاهد عليها وكنت حضوراً عليها أليس كذلك ؟؟؟ ستؤكد لنا بأن الزبير باشا تاجر رقيق بالوثائق ودون الرجوع لتاريخ السودان المكتوب عن طريق شخص أخر !!! ستكتب لنا عن معاصرتك للزبير باشا وكيف أنه كان يرسلك لتجلب له الرقيق من كل انحاء السودان أليس كذلك ؟؟؟؟؟
تخريمة :
سيادة العقيد محمد حامد جاي يوم الأحد الرياض تاني وإنشاء الله تااااااااااااااني عاملين ليهو جلسة وداع وتاااااااااااااني عازمنو كبسة وتااااااااااااني إنشاء الله حانجي نكتب بوست عن اليوم ده والمرة دي موثق ....
أها كيف يك ؟؟؟ تجينا ؟؟؟؟؟ الدعوة مفتوحة ....
| |
|
|
|
|
|
|
|
|
|
Re: قضينا ليلة ساهرة نحتفي بالأستاذ محمد حامد جمعة - بورداب الرياض "الفرع الضلامي" (Re: علاء الدين يوسف علي محمد)
|
(والأغرب من ذلك وأنا أقرأ بأن الرجل يقضي كل أوقاته في الفندق في إنتظار العشاء الفاخر)
و تبقي الأسئلة التالية التي أتمنى أن يجيبني
عليها الأخوة الظلاميين :
1-لماذا تم إختيار الصحفي الشاب محمد جمعة (أقل من 35 سنة) من ضمن الوفد
للإقامة بفندق ماريوت منتظرا العشاء الفاخر مع بقية الظلاميين ؟؟؟
2-لماذا لم يتم إختيار من يشهد لهم الجميع بالنزاهة و عدم الولاء للظلاميين
و هم كثر في ميدان الصحافة السوداني ؟؟؟؟
3-أ ليس من سخرية القدر أن يحكمنا الظلاميون فيحيق بالوطن
ما حاق به من خراب و حروب ؟؟؟
4-أ ليس من عدم العدل أن يستبيح الظلاميون الوطن لمنفعة
من شاركهم الولاء و التبعية ؟؟؟؟
5-ثم أين كل ذلك من تعاليم الدين الحنيف ؟؟؟؟؟
| |
|
|
|
|
|
|
|
|
|
Re: قضينا ليلة ساهرة نحتفي بالأستاذ محمد حامد جمعة - بورداب الرياض "الفرع الضلامي" (Re: محمد ابراهيم قرض)
|
Quote: -لماذا تم إختيار الصحفي الشاب محمد جمعة (أقل من 35 سنة) من ضمن الوفد
للإقامة بفندق ماريوت منتظرا العشاء الفاخر مع بقية الظلاميين ؟؟؟
|
إنت عارف السيد الصادق المهدي لمن دخل البرلمان وكان ممكن يكون أصغر رئيس ورزاء كان عمروا كم ؟؟؟؟؟؟
Quote: -لماذا لم يتم إختيار من يشهد لهم الجميع بالنزاهة و عدم الولاء للظلاميين
|
للأسف البلد كللللللها بقت ظلاميين لأنو المستنيرين مرقو برة وخلوها فاااااااضية ..أصلو المستنيرين بيحبو الدفاع من الخارج ...Quote: -أ ليس من سخرية القدر أن يحكمنا الظلاميون فيحيق بالوطن
ما حاق به من خراب و حروب ؟؟؟
|
في دي أنا معاك ..لكن للاسف السودان خربان بي الضلاميين وبي المستنيرين ...
تخريمة :
عشان أوريك الناس البيكتبو ديل ناس بتاعين إشاعات ..عارف الراجل ده كان نازل وين طيلة فترة المؤتمر ؟؟؟ عارف عشاهم كان شنو ؟؟؟ كدي قول لي إنت وانا بصحح ليك المفهوم ....
| |
|
|
|
|
|
|
|
|
|
Re: قضينا ليلة ساهرة نحتفي بالأستاذ محمد حامد جمعة - بورداب الرياض "الفرع الضلامي" (Re: عمر الفاروق شيخ الدين)
|
اليوم بعد الثامنة مساء بالرياض
بإذن الله و كما إجتمعنا به على المحبة و الإخاء و المودة ، نجتمع به اليوم مودعين بذات المعاني الباقية فينا ما دمنا ننتمي للسودان العريض.
كل من يرغب في لقيا الأستاذ محمد حامد جمعة و نحن معه برجاء ترك رقم هاتفه في المسنجر خاصتي و سأقوم بالإتصال عليه مساءاليوم للتنسيق ، إذ سيغادرنا الرجل إلي أرض الوطن عوداً حميداً ليكمل لنا ما تبقى من "كنا في حفلة ليلة" و نحمله السلام للنيلين و تجة و شلته.
و عشان المستنيرين ما يزعلوا كمان على CBM .
ود الشيخ سيكون معنا على الهاتف بإذن الله و عدد من المنتمين لتنظيمات أخرى و الغير منتمين راسلوني على الخاص مشكورين و سيكونون حضورا جميلاً نسعد بصحبته يحف الرجل إلي أن نفترق لحين لقاء في الوطن بإذن الله.
| |
|
|
|
|
|
|
|
|
علاء الدين يوسف علي محمد
A.Razek Althalib
المسافر
ghariba
المكاشفي الخضر الطاهر
صديق الموج
luai
شمهروش
اساسي
Mohamed Suleiman
فيس بوك
تويتر
انستقرام
يوتيوب
بنتيريست