دعواتكم لزميلنا المفكر د.الباقر العفيف بالشفاء العاجل
|
|
 دورة فوتوشوب مجانية للكيزان و الأمنجية و صبيان الجبهة تماشياً مع فقه المرحلة و لعبة الكراسي
|
من بكرة كل شيء حيتغير في البورد دة ، صبيان الجبهة و الأمنجية و العنصريين و الإنقاذيين و الجهويين و الإستعلائيين حيتحولوا بقدرة قادر من الأوصاف بعاليه إلى عملاء و مأجورين و مناضلي كيبوردات و جيوش يوتيوبية جرّارة .
و الحيكومة حتكون للأمنجية الجدد و صبيان النظام الجدد و مطبِّلوه الجدد و سدنته اللي هم العملاء و المأجورين و مناضلي و مناتلي الكيبورد الحاليين.
لكن أنا مبسوط شديد خالص لأنو تاني معناها البورد حيبقى حقنا نحن و بكري ما حيصدق يشوف ليهو بوست كاتبو علاء الدين يوسف المهمش الجديد أو وهبة المقهور من النظام القادم أو تمبس المُبعد و المطارد من قبل سدنة النظام الجديد و اللستة طوييييييييييييييييلة طبعاً و يمسكو يعلِّقوا ليك فوق ، و الجماعة يجقلِبوا ، يا بكري دة شنو و ليه ما بترفع بوستاتنا و نحن شان مضلِّمين ترفع حقات المستنيرين الشفيفين الوريفين ناس الباوقة و دكتور بشير و من لف لفّهم.
فيا ناس اللستة الجديدة لازم تكونوا على قدر المرحلة الجاية و تمتلكوا كل أدواتها و فنِّياتها زي مثلاً من هسي نلبِد للرئيس الجديد و مجرد ما نعرفو نعمل ليهو ملف فلاشي يرقص فيهو زي ما أمو خلقتو ، و أجي أنا علاء الدين دة أكتِب مرت الرئيس قامت و قعدت و مشت و سوّت و قابلت فلان و علان كان نايم في دولاب الرئيس جوّة غرفة نومو ، و يجي وليد المبارك يمسِك ليك أرباب الحيكومة الجداد ديل كُلّهم و يخت ليك صورم في حبّات الضمنة و الليدو و يعوِّج ليك قداديمم و يقعد يطوِّل ليك إضنيهم و يعمل ليهم ضُنُبّة.
و يجي حِمّيدة يخت ليك الرئيس الجديد وراء القضبان و عمر الفاروق يلبِّسو الكلبشات و يجيب ليك هيلاري كلنتون جارّاهو من أضانو.
و الكلام دة يا شباب عايز ليهو دورة فوتوشوب عاجلة جداً و نحن إكراماً لمثواكم و حتى نكبِّر كوم مناضلي الكيبورد القادمين إرتأينا إنو تكون مجااااااااااااااااااااناً.
و ياالناس البرة المناضلين الكيبورديين الحاليين ما عفيت ليكم كان بعتو بيوتكم و عرباتكم البرة لناس غيرنا ، إنتو جايين هِنا و نحنا مارقين هِناك نسكن وين و نركب شنو، و أهم شيء عليكم الله ورونا فنِّيات الشغل كيف برّة ، يعني أقدر أكون لاجيء كيف و أستجدى اللقمة و القِرِش و المأوى و العلاج ، و كيف أستثير العواطف و كيف أثير حنق الخواجات الحيبقوا أحبابنا على ناس الحيكومة الجداد ، و درِب أوكامبو بي وين نأنو أنا من هسي ماشي أشتكي على جرائم حرب و جرائم ضد الإنسانية و إبادة جماعية حتحصل في قريتنا اللي حتقصفها طائرات الإف 16 (الأنتنوف دقة فديمة)
و نفتح برضو باب الترشيحات لأساتذة في دورة منفصلة عن دورة الفوتوشوب تكونوا أنتم أساتذتها من المعسكر التاني تكون إسمها:
دورة كيفية إتقان فنيِّيات اللجوء و الإرتزاق
أو
كيف تكون لاجئاً
أو
بالموجود كيف تكسب ود اليهود
و الباب مفتوح لمزيد من الإقتراحات للإسهام في تحسين قدرات و مقدرات مناضلي الكيبورد الجدد.
و بنفس المستوى نحن ما حنقصِّر معاكم حنوريكم برضو كيفية اللحس و اللهِط و السف و تحويل الدولارات لبرة كيف و وين و متين و بياتو بنك.
|
|
 
|
|
|
|
|
|
|
 Re: دورة فوتوشوب مجانية للكيزان و الأمنجية و صبيان الجبهة تماشياً مع فقه المرحلة و لعبة الكراسي (Re: Kostawi)
|
أيوااااااااااااااااااااااتلك يا كوستاوي
أنا عايز الأعمل الدورة لزي الشغل دة
يا أخوي بيتك تبيع؟
بس ما لي أنا عايز لي دولة جوّها يكون معتدل
أنا زول حطب الله عبد الناشف زي جنس الصقيعة و التلوج الشفتها في بيتك دي بتجيب خبري في فد يوم
و داير لي بلد يكون فيها إنترنت كونكشن وير لس في أي حتة
عشان سلاحي يكون معاي طوالي و معمر لاب توب (دّللللللللللل)
و أهم شيء يا كوستاوي لحم الخنزير
أصلو أنا شكلي حأموت في لحم الخنزير و بعدين من هسي وروني الطعمها مر شدييييييييييييد و ما بتتبلع دي شنو و الأحلى الفودكا ولا الوسكي و البتقوم بي سريع ياتة شان أجي أدوِّر ليك هِنا دة بعد الساعة 23 بتوقيت تكساس أخلِّيكم تعرِفوا حاجة ذاتو
| |
|
|
|
|
|
|
|
|
|
Re: دورة فوتوشوب مجانية للكيزان و الأمنجية و صبيان الجبهة تماشياً مع فقه المرحلة و لعبة الكراسي (Re: علاء الدين يوسف علي محمد)
|
و أول بوست لي من هسي بعد البشير يشتت لاهاي حيكون ليكم و أقول ليكم فيهو:
أنتم رعاع بلهاء هلافيت حاقدون
و الحيجي يقول دي شنو اللغة الساقطة دي
و دة لازم يتفصل
حيكون الجماعة جاهزين بحاجات كتيييييييييرة من باب
خلوهو الزول ممكون لازم يستفرغ شحنتو
مالكم ديموقراطية ولا حاجة تانية
ما إنتو الظلمتوهو و عملتو ليهو و سوسيتو ليهو و شرّدتوهو من بلدو
الزول دة مناضل مقهور و مهموم بهموم الوطن
و بعد الدفاع المستميت دة من الفِرد أمشي أعمل لي مدونة في مكتوب (باقي نحن ناس عربي ساي) و أرشِّح نفسي فيها رئيس للإنتخابات الجاية و كدي زول يجي يقول ما مؤهل الدستور قاااااااااااعد
| |
|
|
|
|
|
|
|
|
|
Re: دورة فوتوشوب مجانية للكيزان و الأمنجية و صبيان الجبهة تماشياً مع فقه المرحلة و لعبة الكراسي (Re: علاء الدين يوسف علي محمد)
|
يا شباب و يا فِرد يا أمنجية و كيزان و صبية جبهة و إنقاذيين مِنّك لوه
بكرة الساعة 12:30 بتوقيت لاهاي تجمعوا أمام السفارة الأمريكية و معاكم صور بوستال و صور شخصية و كرفتات و بدل للمقابلة أنا جهّزتة فورمات اللجوء و طلبات الهجرة و فبركتة لي يمكن عشرين إلبوم صور و كم كاسيت و سي دي و شريط فيديو لبنات مغتصبات و قرى راقدة هبّوت و كم مقابر جماعية و كمية بتاعت جماجم و إعترافات مرة عمرها 90 سنة تم اغتصابها من جيش الحيكومة الجاية.
أيوة يا شباب أهم حاجةالزمن
الساعة 5 مساءا بتوقيت لاهاي نتقابل أما باب برنامج الغذاء العالمي نسجِّل أسماءنا عشان الوجبات المضمونة أثناء النضال و كدة يعني معقول نقعد أربعة و عشرين ساعة نناتِل قدام الكمبيوتر دة و ما ناكل ؟ بعدين ما تشبكون العمل عبادة و من كد وجد و نكد ليييييييييه و ماكدونالديز قااااااااااااااااعد و خير شنو الفي العمل مع هيرفي و أب كرعين المدنكّل
| |
|
|
|
|
|
|
|
|
|
Re: دورة فوتوشوب مجانية للكيزان و الأمنجية و صبيان الجبهة تماشياً مع فقه المرحلة و لعبة الكراسي (Re: عبدالوهاب علي الحاج)
|
و حأمشي كل يوم برج الذهب أقعد ليك مع أبو نون في المكتب من الصباح أقابلو ليك و أسفسِف ليك معاهو الفطور سندويتش بيرقر جامبو أستلم ليك اللاب توب حقو و أكتِب ليك للزُمُل البرة حالياً عشان يخارجوني سريع إنو أنا الآن مُحاصر في السلمة شمال جنوب دكان ناس حمادة توبين و التاتشر أم دوشكا لافة في الشوارع المجاورة بحثاً عني و جيش النظام فرّغ لي إتنين أباتشي و طائرة تجسس بدون طيار تتعقب أثري.
و أعمل ليك إضافة رد للكلام دة و أشفط ليك كباية الشاي المدنكل مع أبو نون و أبقى مُتخارِج تجاه مُزُن بيتش أقعد أونِّس شوية مع الجاحة بتاعتي و أشحدة ليك حق المواصلات و أجي قادي البيت كداري.
بكرة أرجع في نفس المواعيد ألقى ليك دكتور مجدي الشيخ فاتح ليك بوست :
أنقذوا المناضل علاء الدين يوسف من قبضة يد النظام الباطشة
و أهم حاجة بكري يعلِّقو لينا فوق و هاك يا كامل تضامني و طوالي أشخت ليك في البرايفيتات رقم حسابي البنكي للتضامن السريع و ندوِّر لحدي ما نلقى مخارجة من هذه البلد الظالم أهلها.
| |
|
|
|
|
|
|
|
|
|
Re: دورة فوتوشوب مجانية للكيزان و الأمنجية و صبيان الجبهة تماشياً مع فقه المرحلة و لعبة الكراسي (Re: علاء الدين يوسف علي محمد)
|
و حأجي أفتح لي 37 بوست في الصفحة الرئيسية ضد أرباب النظام الجديد و أي زول يفتح خشمو أو يعترض أكيد بوستيهو حيتم حذفو مباشرة لأنو نحن المناضلين وقتها و لا نضال غير نضالنا.
و حأجيب صور لحاجات تتراقص من الحزام و لي تحت و يتيوبيات للبالغين فقط
و الرئيس الجديد إلا يكون لقيط و مقطوع من شجرة غير كدة مافي طريقة تحِلُّو مني
يوم حأشبك في أُمو و بعدها أختو ثم مرتو و خالتو و عمة مرتو و نسيبة حماتو و بت عم حبوبة حماة نسيبتو و صهر ود عم عديلو المتزوج بت خالتو لزم لي أمو.
و بعدما نبدأ في زعزعة أركان النظام و مجرد ما أوكامبو يبقى فردتنا و نتصور معاهو و كدة و يقرِّب يجوبك ليك نظام الجماعة أنا حأجي أفتح بوست هنا دة أعلن عن ذبحي لخنزير منقّط و منقّى بمناسبة إعلان القبض علي رأس النظام الفاسد
| |
|
|
|
|
|
|
|
|
|
Re: دورة فوتوشوب مجانية للكيزان و الأمنجية و صبيان الجبهة تماشياً مع فقه المرحلة و لعبة الكراسي (Re: ود الباوقة)
|
يا ود الباوقة
أخوك طبعاً بعد ما عِرِف إنو الموضوع مُستحمِّي و مافي قعاد لينا في البلد دي تاني من بدري بديت عملتة لي شوية علاقات كدة ، كدي هسي بعمل ليك مس كول لأوبرا وينفري (مش اسمها كدة؟) و بترجع لي إمِّيديتيتلي بشوف ليك طريقة مع مرت أوباما بس شوف ما تعمل لي فيها خجلان و بتاع ، مقتضيات المرحلة لازم تنسى كل الفات و تقبِل على الدنيا بنوع من القبول و التقبيل و كدة
فهتمني مش؟
و أهم حاجة تشتري ليك من هسي بنطلون جينز سيستم (البكون ناصل داك) و جزمة آديداس بيضاء بي رباط و نضارة ما تظهِّر من وشك غير جبهتك العليا فقط و الفك السفلي من الخشم.و تلبس سايد كاب لمن تجي عايز تتصور معاها تقلِبو بي ورا و تفشِّق كرعيك من النص و تضمهم من تحت و زي منحني كدة و مادي يدك اليمين و ضامِّي أصابعينك كلهم إلا الإبهام مفنوس من النص و متجه لأسفل  نظام عب كبير و كدة
| |
|
|
|
|
|
|
| |
علاء الدين يوسف علي محمد
Kostawi
بشير أحمد
عبدالوهاب علي الحاج
Deng
فيس بوك
تويتر
انستقرام
يوتيوب
بنتيريست