دعواتكم لزميلنا المفكر د.الباقر العفيف بالشفاء العاجل
|
|
 تور بقر الجواميس الرقادن لخ
|
قالوا:
التور كان وقع بتكتر سكاكينو
لكن حالو ظاهر و عاجبني:
تور بقر الجواميس الرقادن لخ
أرقدن لخ
و أقدل
صحيح الإختشوا ماتو
كل الجوقة الموسيقية دي تجمعت صحفي السلطة ( محمد حامد جمعة ) : يتحـــدى عشان الراجل قال كلمة تضامن و تكاتف في لحظة إنسانية؟
إيه الما عاجبكم ؟ إنو كوز؟
طيب مين فيكم ما بايع راسو و مسلمو لواحد من قادة الإنهزامية الدائمة للسودان و الطائفية القرف؟
مين فيكم ما متحزب و منظم و ناسو قعدوا في كرسي السلطة و فعلوا الأفاعيل؟
مين فيكم يقدر يقول "أنا" وهو يقصد "مليكه" عملت كدة و يكون خير للسودان؟
كلكم واحد
تابعين لمتبوعين هم تابعين في الأصل
و إيه يعني صحفي سلطة؟
ما أهو تاني واحدة معلقة في البوست الصحفية في الصحيفة الشهيرة صحفية سلطة برضو طالما إنها بتكتب تحت رقابة النظام
و كلكم مين فيكم ما عندو قريبو صحفي أو موظف في جهة إعلامية في السودان ؟
بل أكثر من كدة
كم واحد فيكم عندو أخوهو أو أبوهو أو خالو أو عمو أو إبن خالو إو إبن عمو أو قريبو أو قريبتو ضابط/ة في الجيش السوداني أو الشرطة أو يمكن في الأمن كمان؟ هل إتبريتو منهم ؟
والله فرحانيين بيهم و لما الواحد يرجع السودان أول حاجة يعمله يشوف درب قريبو وين الضابط عشان يعمل ليهو إعفاء من الضرايب أو يخدمو في شغلة تانية.
يعني كل الطلع برة و ما لقى نصيب في حفل الشواء يعتبر كل مستوظف في الحكومة عميل؟
طيب أول حاجة مطلوب منكم قبل ما الواحد يجي ينفخ في الفارغة و المليانة يجيب سيرة ذاتية كاملة لجميع عيلتو و أهل بيتو و يثبت إنو ما فيهم ولا واحد "عميل سلطة" إذا كانت العمالة وظيفة حكومية.
حتقولوا لا بس هو ما موظف عادي .. دة أمنجي .. حأقول ليكم إنتو ناس فارغين.
حتقولوا لأ دة طيب صحفي و بيكتب للنظام .. حأقول إنتو ماعندكم فرق منو لأنكم بتكتبو لأنظمتكم المهزومة وهو له القدح المعلّى في الكتابة لأنو نظامو هو الحاكم.
و أول أمبارح كانوا ناس الإتحادي و الأمة .. فهل يا ربي يا ناس فلان و فلانة التابعين للجهتين ديل لما كنتو تكتبو كان من حق الناس تفعل فيكم ما تفعلون بمحمد حامد؟؟
و أمس القريييييبة دي علي الحاج و أبو خليل كانو في النص مع الجماعة ديل ذاتهم فهل العازفين حقنهم الهسي ديل كانوا عملاء أمس و أشراف أطهار اليوم؟
والله حاجة تخجل جد
ياخي حب لأخيك ما تحب لنفسك
بلاش هم ووهم و خلو عندكم شوية همية يا أعداء النجاح وقولوا ولو لمرة كلمة حق في وقت حق قبل أن تأتيكم الحاقة.
|
|
 
|
|
|
|
|
|
|
|
Re: تور بقر الجواميس الرقادن لخ (Re: علاء الدين يوسف علي محمد)
|
| Quote: و أول أمبارح كانوا ناس الإتحادي و الأمة .. فهل يا ربي يا ناس فلان و فلانة التابعين للجهتين ديل لما كنتو تكتبو كان من حق الناس تفعل فيكم ما تفعلون بمحمد حامد؟؟ |
علاء
بما انى الوحيدة من صحفيات حزب الامة-وربما الوحيدة من حزب الامة ان لم تخنى الذاكرة- العلقتا فى البوست المشار اليه
فهل افهم اننى المعنية بالكلام اعلاه بفهم انى من ناس"فلانة" الوجهت ليهم السؤال بانهم لو كانوا مكان محمد هل من حق الناس تفعل ما فعلناه به؟؟؟؟؟؟
ارجو يا علاء ان تاتى من كلامي فى البوست ب"الافاعيل"التى فعلتها به
| |
|
|
|
|
|
|
|
|
|
Re: تور بقر الجواميس الرقادن لخ (Re: lana mahdi)
|
لنا
الكلام على وجه العموم و إن كان يمسك منه نصيب :
| Quote: سؤال 2:في موضوع عبير و ما تعرضت له من ضرب هل تعتبر نفسك فى صراع بين ضميرك المهنى و التزامك الحزبي؟؟ |
هل يا ترى حينما كان المهدي حاكماً لم يحدث ما حدث لعبير مع أي سوداني ؟
و هل يمكنك الجزم بذلك؟
وهل يحق لي سؤالك بذات المستوى؟
لنا لا أعيب السؤال في ذاته و مضمونه و إنما أعيب تخير المكان و السبب
و هل جزاء الإحسان إلا الإحسان
حتى علاقة الإنسان بالإنسان تسيس؟
راجل جا يشارك زيو زيكم يعبر عن أحاسيسو كفرد تقلبوها ليهو محكمة؟
| |
|
|
|
|
|
|
|
|
|
Re: تور بقر الجواميس الرقادن لخ (Re: علاء الدين يوسف علي محمد)
|
Quote: هل يا ترى حينما كان المهدي حاكماً لم يحدث ما حدث لعبير مع أي سوداني ؟
و هل يمكنك الجزم بذلك؟
وهل يحق لي سؤالك بذات المستوى؟ |
اكيد يحق لك سؤالى بذات المستوى و لو كان أبي شخصياً حاكما وحدث ما حدث لعبير لكتبت منتقدة هذا النظام الذى يسمح باهانة النساء ولو كان أبي على رأسه،فتلك ليست منطقة مزايدات أو مجاملات
Quote: لنا لا أعيب السؤال في ذاته و مضمونه و إنما أعيب تخير المكان و السبب
و هل جزاء الإحسان إلا الإحسان
حتى علاقة الإنسان بالإنسان تسيس؟ |
اكيد علاقة الانسان بأخيه الانسان ليست تسييسا و لذلك استغربت مداخلتك هنا
لانى بالتحديد لم اعامل محمد ابدا باعتباره كوز او امنجي
وأداخل فى البوستات الخاصة به كما يداخل فى البوستات الخاصة بي
وهذا حقه هنا
ولا اعامل انسانا خلقه الله بحسابات السياسة
وعندما كتب خالد عويس بوسته"لنحاور محمد حامد جمعة بدلا عن طرده"كنت من المدافعات باستماتة عن بقائه هنا،لا اقول هذا منَاً الآن و لكن لاوضح لك اننى غير مشمولة بآخر اسطرك و هو التالي:
| Quote: راجل جا يشارك زيو زيكم يعبر عن أحاسيسو كفرد تقلبوها ليهو محكمة؟ |
نعم نقلبها له محكمة لسبب بسيط
ان في يد محمد ان يفعل اكثر
فى يده كصحفي ان يصعد الامر فلا نجد بعد يومين عبير أخرى يتم ضربها
فى يده ان يكون صوت حق بداخل حزب لم يعرف الحق
هذا ما لزم توضيحه
لك شكرى
| |
|
|
|
|
|
|
|
|
|
Re: تور بقر الجواميس الرقادن لخ (Re: lana mahdi)
|
لنا
Quote: نعم نقلبها له محكمة لسبب بسيط
ان في يد محمد ان يفعل اكثر
فى يده كصحفي ان يصعد الامر فلا نجد بعد يومين عبير أخرى يتم ضربها
فى يده ان يكون صوت حق بداخل حزب لم يعرف الحق |
لو كل من يتداخل في موضوع كفرد يطالب به أن يأتي بشعور الجماعة التابع لها لكان لزبانية الحركة الشعبية نصيب الأسد من هجومنا و سخطنا حينما فتح عبد الرازق الطالب موضوعاّ عن أسرى الحركة الشعبية و كثيرون لنا هناك أنا لي واحد منهم يمت لي بصلة قرابة.
فهل يا ترى إن رأيت أي أحد من زبانيتهم يكتب في أي موضوع أنط لهيو في حلقو و أقول ليهو أسكت .. أسكت .. أسكت .. أول حاجة أمشي شوف لينا أسرانا و بعدين تعال إتكلم في الموضوع أياً كان سياقه؟؟
لا يا لنا
لا
| |
|
|
|
|
|
|
|
|
|
Re: تور بقر الجواميس الرقادن لخ (Re: علاء الدين يوسف علي محمد)
|
Quote: فهل يا ترى إن رأيت أي أحد من زبانيتهم يكتب في أي موضوع أنط لهيو في حلقو و أقول ليهو أسكت .. أسكت .. أسكت .. أول حاجة أمشي شوف لينا أسرانا و بعدين تعال إتكلم في الموضوع أياً كان سياقه؟؟
لا يا لنا
لا |
وهل كتب محمد و داخل فى اى موضوع؟؟
لو كتب فى اى موضوع و تعرض له احد فحقو علينا
لكنه داخل فى موضوع خطير
وهو قذارات ناس الامن و تعرضهم لاصحاب الرأى
وهو موضوع يخصه من ثلاثة اتجاهات
1/كونه صحفي
2/كونه ملتزم سياسيا مع الجهة التى يسجن الناس باسمها
3/كونه عضو منبر و زميل للمعتدى عليها
ومنو القال ليهو اسكت؟؟
بالعكس طرحنا له اسئلة و اقتراحات
ولا زلت ارى فى يده الكثير ليفعله هذا لو انحاز لضميره المهنى
| |
|
|
|
|
|
|
|
|
|
Re: تور بقر الجواميس الرقادن لخ (Re: علاء الدين يوسف علي محمد)
|
خالص التحايا..
العزيز علا...
اولا اؤكد بان كلامك اعلاه صحيح بنسبة 99% لكن الوااحد الفى ميه ده ربما يكون القسه التى قصمت ظهر البعير..
فلا تستخف به...
بالاضافه الى ان شكل التجمع الحاصل بالصوره هذه لا يعجبنى لانو كل زول قاصد اتجاه.. فكتير ما ابدا نقاش لو لاحظته وانسحب ليس لانى استطيع المواصله ولكنى لاننى امتعض مما يحصل فى سياق النقاش ...الخ...
وجهة نظرى قلتها وبقولها انو اغلبهم وماكلهم (نضال وهم )...
ثانيا لا زلت اؤكد بان محمد جمعه افضل من غيرو بكثير ومراحل فى ناحية الكتابه او غيرو ....
وربما محمد يكتب لكى يثير الناس لان هذا سلاحه لوحيد فى ظل هيجان البعض من ان يتلقو معلومه عن ان هذا امنجى او غيرو فيتهجون دون ان يتبنون للحقيقه درب (مع الناس بس وللناس لااكثر )...
فهى فى النهاية وسيله للدفاع عن نفسه لانه للحقيقه لو كان اى شخص مكانه لكن ضجر وربما طلع من ملابسه لكن مايحمد له انه لازال رابط الجاش ومحاطا على اتزانه وهذه من الصفات الصعبه ان تتوفر للكثييريين..
فقط محمد هو احد الموالين لهذه السلطه وبالتاكيد كل محنه تمر بنا او ضجر فى الغربه هو لهو يد فيها من احلام قُتلت بايديهم ومايحصل فى البلد وانت شايف ..
ليس لى عداواه مع محمد لدرجة انه عندما تعذز ان اتناقش معه هنا اضفته عندى وتناقشنا فى كل وبالتاكيد وجة نظرى التى اقولها هنا اقوله له فى وجه....
بان امكانية قبوله فى وطن واحد معنا ليس مستحيله ولاهو بشى خارج عن البشر لكن هناك اشياء لابد منها لكى تتساوى الكفوف ثم ننطلق من خط البدايه جمعيا (والحشاش يملا شبكتو) بالطرق الديمقراطيه والسلميه...
وهذه رد الزميله لنا اقتبس منه بعض الكلام فى كون اننى لاافش فيه غبينتى..
العملوهو ناس الامن و اللسة بيعملوهو ما هين يا محمد
انت هنا تمثل فكرك و اتجاهك السياسي و من الطبيعي ان تساءل عما يحدث و تسأل عن موقفك
تماماً مثلما يتحمل كل صاحب فكر و اتجاه سياسي هنا مسئولية ذلك امام منتقديه و أمام الرأى العام
انت مطالب بدور اكبر من التضامن الشفهي مع عبير
مطالب بالكتابة عن الاف"العبيرات"لو جاز لى التعبير
لذلك سألتك عن ضميرك المهنى و التزامك الحزبي و إمكانية نشوب أزمة بينهما
ولذلك أرى كلامك الذى وضعته بداخل الكوتيشن ما مناسب وغير موفق
لا أحد يعرفك هنا فى هذا المنبر شخصياً ليفش غبينته فيك
شفت كيف انو محمد من اسباب الوجعه لكن ايضا بالصوره ايها لان الطرف الاخر لايعجبنى فى طريقة الحوار فالعزيز (خالد عويس ) بدا حوار معه ولكن قل لى لماذا اوقفه ؟؟؟ اكيد تعرف ..
لكن ياعزيزى علاء سؤال ..
انت دفاعك عن محمد ولا عن الحقيقه.؟؟..
اذا كان عن محمد لااعتقد انك محق فان تتدافع عنه لانه يعرف الطريق وشكله يريد التمادى ليس بالضروره ان ينتمى الى تنظيم بعينه لكن عليه ان يخرج الحقيقه واستغرب انه ينضم اى شخص لهؤلاء (الا زول مانصيح )..
اما لو كان عن الحقيقه.. فانا معاك فى انو كل الاطراف تمارس الادوار باختلاف الزمان والمكان...
اما...
إيه الما عاجبكم ؟ إنو كوز؟
كوجهة نظر منى اعتقد نعم فانا لااقصائى لكن ارحب باى شخص الا ان يكون كوز يكون اسؤ شى فى الاخلاق فى كل شى فقط (كوز دى) سبب العله لشخصى لانها تجمع اى شى قبيح فى الدنيا....
وقلتها له مباشرة حتى لو خير لنا ان نتعامل مع بعض بعد زوال الاسباب التى تجعلنا فى خط واحد ايضا ساكون داخليا غير مرتاح للتعامل فقط هى الضرورات..
بعدين فى نقطه انا بتفق معاك فيها جدا جدا....
انهم كلهم سؤاء الى الوقت الراهن باختلاف الاساليب...
*شى خارج النص..
و أول أمبارح كانوا ناس الإتحادي و الأمة .. و أمس القريييييبة دي علي الحاج و أبو خليل كانو في النص مع الجماعة ديل
كويس انو ما معاهم احزاب تانيه
 
والتحايا النواضر..
| |
|
|
|
|
|
|
|
|
|
Re: تور بقر الجواميس الرقادن لخ (Re: معتز تروتسكى)
|
الحبيب تورتسكي
Quote: لكن ياعزيزى علاء سؤال ..
انت دفاعك عن محمد ولا عن الحقيقه.؟؟..
اذا كان عن محمد لااعتقد انك محق فان تتدافع عنه لانه يعرف الطريق وشكله يريد التمادى ليس بالضروره ان ينتمى الى تنظيم بعينه لكن عليه ان يخرج الحقيقه واستغرب انه ينضم اى شخص لهؤلاء (الا زول مانصيح )..
اما لو كان عن الحقيقه.. فانا معاك فى انو كل الاطراف تمارس الادوار باختلاف الزمان والمكان... |
أظن إنك جاوبت عني في مقطعك الأخير من الإقتباس أعلاه
و بزيادة شوية أقول ليك:
كوز .. شيوعي .. بعثي .. أمة .. إتحادي .. قوى مستقلة حرة .. و القرف الباقي كلهم واحد.
إما يسكتو كلهم و إما يتكلمو كلهم.
عني شخصياً أقسم لو وليت أمرهم لسكبت عليهم الجازولين و أقمتها محرقة تأريخية لطائفية نتنة.
ولو في وجه مفاضلة بينهم فإني أجد محمد حامد أسنّهم قلماً حتى اللحظة و يبدو أن فشلهم في مجاراته سبب حنقهم و أصبح للرجل قدحين معليين عنهم:
إنو كتّاب أحسن منهم
و إنو نظامو حاكم و هم برة
| |
|
|
|
|
|
|
|
|
 Re: تور بقر الجواميس الرقادن لخ (Re: علاء الدين يوسف علي محمد)
|
Quote: كوز .. شيوعي .. بعثي .. أمة .. إتحادي .. قوى مستقلة حرة .. و القرف الباقي كلهم واحد.
إما يسكتو كلهم و إما يتكلمو كلهم.
عني شخصياً أقسم لو وليت أمرهم لسكبت عليهم الجازولين و أقمتها محرقة تأريخية لطائفية نتنة. |
كان كدى نحمد الله انك ما ولى امرنا
بعدين الشيوعيين و الكيزان و البعثيين و القوى المستقلة الحرة ح يزعلو منك انك بقيتهم برضو طائفية
| |
|
|
|
|
|
|
|
|
|
Re: تور بقر الجواميس الرقادن لخ (Re: lana mahdi)
|
خالص التحايا..
الزميله العزيزه..
لنا..
كوز .. شيوعي .. بعثي .. أمة .. إتحادي .. قوى مستقلة حرة .. و القرف الباقي كلهم واحد.
إما يسكتو كلهم و إما يتكلمو كلهم.
عني شخصياً أقسم لو وليت أمرهم لسكبت عليهم الجازولين و أقمتها محرقة تأريخية لطائفية نتنة.
كان كدى نحمد الله انك ما ولى امرنا
بعدين الشيوعيين و الكيزان و البعثيين و القوى المستقلة الحرة ح يزعلو منك انك بقيتهم برضو طائفية
وفرحانه اوى..
| |
|
|
|
|
|
|
|
|
|
Re: تور بقر الجواميس الرقادن لخ (Re: معتز تروتسكى)
|
علاء الدين
تور بقر الجواميس الرقادن جُخ
ان التعاطي مع التراث يجب ان يتم بأمانه
و انضباط شديدين في النقل .. حتي لا يفقد
الموروث معناه
لذا لزم التنويه
ده اولا .. و ســأعود لثانيا اذا توفر الوقت
| |
|
|
|
|
|
|
|
|
|
Re: تور بقر الجواميس الرقادن لخ (Re: علاء الدين يوسف علي محمد)
|
لا يا علاء الدين ماصاح
فالتعاطي مع التراث يجب ان يتم بأمانه
و انضباط شديدين في النقل .. حتي لا يفقد
الموروث معناه
من قومة الجهل ما بخوفوك بي اُخ
توربقر الجواميس الرقادن جُخ
نقرولو الهُبك الدربخانه يرُخ
ضربك يكسر الهامه و يمرق المُخ
هل تعرف فيمن قيلت هذه الكلمات ؟؟
| |
|
|
|
|
|
|
|
|
|
Re: تور بقر الجواميس الرقادن لخ (Re: خدر)
|
من قومة الجهل ما بخوفوك بي اُخ
توربقر الجواميس الرقادن جُخ
نقرولو الهُبك الدربخانه يرُخ
ضربك يكسر الهامه و يمرق المُخ
هل تعرف فيمن قيلت هذه الكلمات ؟؟
 
غايتو انا ما معاكم فى دى... كان سيدها سمع...
امرق زمتى ما يلحقونى امات طه..
كبير الكهنه..
| |
|
|
|
|
|
|
|
|
 Re: تور بقر الجواميس الرقادن لخ (Re: معتز تروتسكى)
|
خدر
تراثيات...
دربكات... شربكات...
الشيء شنو..
سجع ولا طباق...
بالمناسبة
وفي من.. ومتي.؟
وحملها الإنسان..
تصرَّف..
تعرف اللخوخه... يا أخوي خدر...؟
الشبك جاية قدام... بعد الإجابة المستفيضة..!
محن...
| |
|
|
|
|
|
|
|
|
|
Re: تور بقر الجواميس الرقادن لخ (Re: خدر)
|
خدر
ما خضر
حسب طلبك
| Quote: هل تعرف فيمن قيلت هذه الكلمات ؟؟ |
يا زول إنت قايلني قدرك ؟
بعدين بالنسبة للموروث السوداني الإنت متمسك بيهو دة يا ربي شامل كل شيء ولا لغة بس ؟
يعني زي الجلابية السودانية
التوب السوداني مثلاً ؟؟؟؟؟؟
و ما شاكل
عشان ما نبقى ناس العصاية من النص و جخ في الفاضي
أجبني
خدّر الله ضراعك
| |
|
|
|
|
|
|
|
|
|
Re: تور بقر الجواميس الرقادن لخ (Re: علاء الدين يوسف علي محمد)
|
Quote: فالتعاطي مع التراث يجب ان يتم بأمانه
و انضباط شديدين في النقل .. حتي لا يفقد
الموروث معناه |
ده كلام صاح فى حالة النقل ، اما فى حالة التاويل واعادة "صياغة الانسان السودانى" و موروثاته فيمكن ان تحور جخ الى لخ ... كى تتواءم مع متطلبات المرحله
لخ يلخ لخا
يعنى تلخ البلد و تسوطا زى ما عاوز ويمكن تسميته اللخ الحضارى
وبعد اللخ ياتى "اللفخ"، لفخ يلفخ لفخا وهى تعنى الضرب (او السرقه) يقال ضرب ليهو ضربه كبيره اى لبع او ... لفخ
بعد اللخ واللفخ ياتى الفجخ
فجخ يفجخ فجخا، وهى مرحلة تمتد راسيا و عرضيا لكى تشمل كل التيران (البقر يمتنعن للحرمه)
مثلا تقول العرب : فجخت عبير لانها حرمه فضحت اللفخ واللخ ...او نلفخ مما نلخ
| |
|
|
|
|
|
|
|
|
|
Re: تور بقر الجواميس الرقادن لخ (Re: أحمد الشايقي)
|
مرحب بجميع المتداخلين و لتكن لخاً أو لفخاً أو فجخا
المهم عندي أن يعلم الجميع أنهم سواسية شاؤوا أم أبوا و أن ما لهم هو بالطبع لمحمد حامد و إن كانوا بغير قادرين على مجاراة قلمه "الحريف" أو رباطة جأشه المحيرة.
و حتى لا نخرج عن سياق النص فيجب أن بعلموا "قوم تُبّع" أن في العهود التي مرت علينا عجافاًوهم قواداً فيها أو مشاركين حدث ما هو أعظم مما حدث لعبير و أقرب مثال "أين أميرةالحكيم"
و الأهم:
الناس الكانت بتقول زمان "يا خرطوم جوطي جوطي"
بقت تجوط هي عشان خاطر الشيخ !!!!
يبقى فرقهم إيه من الشيخ ؟؟
كل البيض في سلة واحدة فلا تهزوها
| |
|
|
|
|
|
|
|
|
|
Re: تور بقر الجواميس الرقادن لخ (Re: علاء الدين يوسف علي محمد)
|
Quote: طيب مين فيكم ما بايع راسو و مسلمو لواحد من قادة الإنهزامية الدائمة للسودان و الطائفية القرف؟
مين فيكم ما متحزب و منظم و ناسو قعدوا في كرسي السلطة و فعلوا الأفاعيل؟ |
قلت أنا قالوا على طرورة
وقالوا كمان: عبا بى سيدو ولا حرا مجهجه.
| Quote: تابعين لمتبوعين هم تابعين في الأصل |
عاشق عاشقة عاشقا سوايا والعاشقاهو عاشق غيرا
| Quote: يعني كل الطلع برة و ما لقى نصيب في حفل الشواء يعتبر كل مستوظف في الحكومة عميل؟ |
واحد مره كان فى قعدة والدنيا حر مطلع قميصو ويشرب ويمز دورت شكلة واحد فى يدو كمشة بوخا يلوى خبتو بيها فى ضهرو بعد كم سنة طلع وبقت ليهو سبب لجوء سياسى لأنها من علامات التعذيب الوحشى.
| |
|
|
|
|
|
|
|
|
|
Re: تور بقر الجواميس الرقادن لخ (Re: Balla Musa)
|
بلة موسى
أنا غايتو حراً و ما مجهجه و دغري و الحمد لله.
أما عن أسباب اللجوء السياسي إن كانت بالكمشة فعندنا منها بالكيمان الكبيرة لكن كمان عندنا معاها عزة نفس و شموخ و بنعرف معاها نفرق ما بين الشرف و العرض و الأرض من جيهة و الخيانة و العمالة من جيهة تانية.
المهم لو عايز تنضم للناس "الما بايعين راسهم" يبقى إنت في المكان الصاح
| |
|
|
|
|
|
|
|
|
|
Re: تور بقر الجواميس الرقادن لخ (Re: علاء الدين يوسف علي محمد)
|
علاء الدين ...
شكرا على البوست والمناصرة ووضع نفسك فى الواجهة وثق انك قد لا تعدم (انتحاريا ) يلتزم بك جانب الطريق ... وعليه (املا يمينك ) و(اكرب قاشك ) والتنشين قبال والصقع صنقور ...
المهم - ضمن هام كثير ورد هنا -
اود ان تسمحوا لى بالمتابعة خاصة فيما يتعلق بنص التوقيع الذى اذيل به بوستاتى ومنها كلمة وعبارة ( لخ ) والتى اختلف بشانها الرواة وان قدم مولانا (خدر ) رسما انيقا ونصا وكذا بعض الاخوة كل بهداه وعلمه وجديته ... وعليه اود ايضاح ان النص الذى قراته وسمعته - كمقاطع - وردت به عبارة (لخ ) وهو الطين اللزج السميك وقد لكن ان كانت رواية (مولانا ) هى الدقيقة وغير الموضوعة اخذنا بها ... والعفو والعافية ... فان لنا تراثا اعتز به ولا اجد حرجا فى استمسك بنصوصه الاصلية ..البتة
| |
|
|
|
|
|
|
|
|
|
Re: تور بقر الجواميس الرقادن لخ (Re: علاء الدين يوسف علي محمد)
|
Quote: لخ يلخ لخا
يعنى تلخ البلد و تسوطا زى ما عاوز ويمكن تسميته اللخ الحضارى
وبعد اللخ ياتى "اللفخ"، لفخ يلفخ لفخا وهى تعنى الضرب (او السرقه) يقال ضرب ليهو ضربه كبيره اى لبع او ... لفخ
بعد اللخ واللفخ ياتى الفجخ
فجخ يفجخ فجخا، وهى مرحلة تمتد راسيا و عرضيا لكى تشمل كل التيران (البقر يمتنعن للحرمه)
مثلا تقول العرب : فجخت عبير لانها حرمه فضحت اللفخ واللخ ...او نلفخ مما نلخ |
فجخ ولخ ولفخ اسلامي ولانامت أعين الجبناء
وفي الآخر هي لله وليست للسلطان والجاه!
جني
| |
|
|
|
|
|
|
|
|
|
Re: تور بقر الجواميس الرقادن لخ (Re: Marouf Sanad)
|
الاخ علاء الدين .. سلام ...
| Quote: مين فيكم ما متحزب و منظم و ناسو قعدوا في كرسي السلطة و فعلوا الأفاعيل؟ |
فليتحزبوا كما شاءوا .. محمد حامد او غيره .. ليست هذه المشكلة .. فمن حق اى شخص ان يختار أتجاهه السياسى .. بما فيهم محمد حامد جمعة..
بما انى كتبت فى بوست الاخ أبوساندرا عما حدث مع الاخت عبير خيرى ... سأقول وجهة نظرى فى الموضوع.
اولا: ما حدث لعبير ليست حادثة منفصلة او شاذة.. انها ظاهرة اصبحت أكثر من عادية و تحدث بصورة شبه يومية منذ مجئ الانقاذ الى الحكم .. حدثت حوادث مشابهة بسيناريوهات مختلفة .. و انا البتكلم معاك دى .. حصلت لى حوادث مشابهة (خلى بالك .. حوادث .. وليس حادثة و احدة فقط) فى مطلع التسعينات... و ما زلت اسمع عن نفس الظاهرة من صديقات و قريبات لى حتى اليوم.
منذ مجئ الانقاذ الى البلد .. انتشر فيها ما يسمى حينا بالامن .. وحينا أخرا بالنظام العام .. و احيانا بمسميات اخرى. يستوقفك احدهم فى الشارع بدون اى سبب ,, ليعلق على لبسك او شكلك ,, ويطلب منك الذهاب معه الى مكان ما (قسم الشرطة,, خيمة النظام العام ..الخ) ...
ثانيا: كلنا عشنا و تربينا فى السودان (و ربما تكون اصغر سنا منا و لا تذكر جيدا ما قبل الانقاذ) .. لم نسمع برجل امن يعترض طريق أمرأة او رجل هكذا من الباب للطاق و يطلب منها او منه الذهاب معه الى الشرطة او الامن او غيره ... عشت أيام الديمقراطية و الاحزاب و كنت فى جامعة الخرطوم حينها .. كنا آمنين على انفسنا .. أذهب يوميا و يذهب غيرى الى مدارسهم ,,مكاتبهم,, اسواقهم .. و لا يعترض طريقهم احدا و لا يتعرض اليهم احدا سابا او لاعنا ... و اذا قال احدهم غير ذلك فهو غير صادق ..
ثالثا" ما يهمنى اولا كأمراة .. و كمواطنة سودانية لا تتفق مع ما تطرحه الانقاذ أن أكون آمنة على نفسى .. الا يتعرض او يتحرش بى احدافقط لاننى لا اشاركه معتقده او ان لى رؤية سياسية تختلف عن رؤيته. هل ما اطالب به وتطالب به عبير خيرى و غيرها بالشئ الكثير ؟؟؟؟
رابعا: من منا ليس لديه قريبا او جارا او معرفة لم يقضى و قتا "ببيوت الاشباح" و لم يحكى عن الفظائع و الانتهاكات اللتى تمت بها؟؟ .. أسأل اى سودانى .. ستجد ان له أخا .. جارا.. قريبا قامت ما يسمى بعناصر الامن بأقتياده ليلا من بيت اهله .. ولم يسمع عنه او يعرف مكانا له الا بعد اسابيع أو أشهر؟؟ ... و لم يطفو مصطلح "بيوت الاشباح" الا بعد حلول الانقاذ الى سدة الحكم ... فلماذا اذا تريد لنا ان نغالط انفسنا .. و نتصنع بأن ما حدث لعبير لهو من قبل "عصابة" خارجة عن السلطة أذا كانت السلطة تمارس نفس الاساليب و لاتتوانى فى التنكيل بمن لا يتفق معها..
رابعا: لم اتداخل مع محمد حامد جمعة فى اى بوست .. ولكنه اذا كان قد امتلك الشجاعة فى اعلان انتماءه لنظام الانقاذ .. فعليه ان يتصدى لمسئوليته كموالى للنظام و ان يقول كلمته فى ما حدث لعبير خيرى و غيرها .. ليس فقط مجاملا .. بل كرجل سلطة. و ليعطنا و جهة نظره فى بيوت الاشباح وقاطعوا الطريق. و هذا سؤال وجيه طالما انه يعتقد فى السلطة الحاكمة.
الاخ علاء الدين ... كل ما أرجوه الا نشكر الراكوبة فى الخريف و نقول الواقع كما هو حتى نجد من يستمع لنا.
ولك السلام و الاحترام ..
(عدل بواسطة Outcast on 03-09-2005, 01:02 PM)
| |
|
|
|
|
|
|
|
|
|
Re: تور بقر الجواميس الرقادن لخ (Re: Outcast)
|
الفاضلة outcast
شكراً للمرور الكريم و الرد المهذب لأول تداخل من نوعه بيننا
عزيزتي الفاضلة
لم يكن هذا البوست بأي حال من الأحوال إستنكاراً لما ساقته عبير خيري أو وقوفاً مع محمد حامد جمعة ، و إن عدتي لبوست عبير تجدينني ممن أدانوا ما حدث و بشدة ، إنما كان الغرض مما أعنيه هنا هو لماذا كل هذا التحامل مع رجل أبدى عن موقف إنساني لا يمت لصلته الحزبية بالمرة ولا يعنيها.
فقط هذا ما عنيته و أشدد عليه و سأظل.
و ما ورد عنك فيما تعرض له الكثيرون و لا زالوا يتعرضون له لا أنكره بل بالعكس أؤكد أنه ليس بغريب و إنما الغريب حصره في نظام و إبعاده عن الأنظمة السابقة فما يحدث الآن ليس ببعيد عما حدث بالأمس و ما سيحدث غداً إن تعاقبت علينا نفس الطوائف التي أبغضها جداً و التي لن تأتي إلا بما نراه الآن و أسوأ.
مع تحياتي و شكري للمرور
| |
|
|
|
|
|
|
|
|
|
Re: تور بقر الجواميس الرقادن لخ (Re: أحمد الشايقي)
|
Quote: اود ان تسمحوا لى بالمتابعة خاصة فيما يتعلق بنص التوقيع
الذى اذيل به بوستاتى ومنها كلمة وعبارة ( لخ ) والتى اختلف بشانها
الرواة وان قدم مولانا (خدر ) رسما انيقا ونصا وكذا بعض الاخوة كل
بهداه وعلمه وجديته ... وعليه اود ايضاح ان النص الذى قراته
وسمعته - كمقاطع - وردت به عبارة (لخ ) وهو الطين اللزج السميك |
طيب
بعد تفسير الماء بالماء
حايبقي المعني حسب التشريح اعلاه
توربقرالجواميس الرقادن لُخ
توربقر اي تور البقر
الجواميس جمع جاموس/ه
الرقادن (الاصل من كلمه رقاد هي الاستلقاء)
لخ اي الطين اللزج
ولا اعتقد ان شُعراؤنا كانو بهذه المُباشره و التسطيح
؟؟
| |
|
|
|
|
|
|
|
|
|
Re: تور بقر الجواميس الرقادن لخ (Re: خدر)
|
علاء الدين قال
Quote: قالوا:
التور كان وقع بتكتر سكاكينو
لكن حالو ظاهر و عاجبني:
تور بقر الجواميس الرقادن لخ
أرقدن لخ
و أقدل |
الخطوط من عندياتي
عند التمعن في اشارات علاء الدين الغريبه
سيصبح المعني
ان العميد اللزج هو
توربقر اي الفحل
الجواميس اي الاناث
الرقادن (الاصل من كلمه رقاد هي الاستلقاء)
لخ اي الطين اللزج
وبرضو محتاجين لي مثقف يفسر لينا المويه المدفقه دي
| |
|
|
|
|
|
|
|
|
|
Re: تور بقر الجواميس الرقادن لخ (Re: خدر)
|
خدر
| Quote: وبرضو محتاجين لي مثقف يفسر لينا المويه المدفقه دي |
إحتمال يكون بول بقر الجواميس الرقادن لخ
أنا ما مثقف بس مجتهد فإن أصبت لى أجران وإن أخطأت فواحد
| |
|
|
|
|
|
|
| |
علاء الدين يوسف علي محمد
lana mahdi
معتز تروتسكى
خدر
A.Razek Althalib
Hussein Mallasi
saif massad ali
محمد حامد جمعه
jini
Marouf Sanad
Outcast
فيس بوك
تويتر
انستقرام
يوتيوب
بنتيريست