|
|
|
 Re: الباحث والروائى د.أبكر آدم اسماعيل يصل الدوحة :أهلا ابن كاودا (Re: بدر الدين الأمير)
|
المركز العربي للأبحاث ودراسة السياسات - الدوحة
ينظم ندوة بعنوان:
الأزمة الوطنية السودانية وإخفاقات حقبة ما بعد الاستقلال
السادسة والنصف مساء السبت 22 / سبتمبر بفندق الريتز كارلتون - قاعة المختصر
يتحدث في الندوة
أ. محجوب محمد صالح (صاحب صحيفة الأيام 1953)
د. عبد الله علي إبراهيم (الكاتب والباحث في السياسة والثقافة في السودان- استاذ التاريخ الأفريقي بجامعة كولومبيا- ميسوري)
د. محمد عثمان عبد المالك (الأكاديمي ومؤسس جامعة وادي النيل)
د. أبكر آدم إسماعيل (الروائي والناشط السياسي والباحث في "جدلية المركز والهامش")
يدير الندوة د. النور حمد (الباحث في المركز العربي للأبحاث ودراسة السياسات - الدوحة)
الدعوة عامة لمن يرغب في حضور الندوة
| |
  
|
|
|
|
|
|
|
|
Re: الباحث والروائى د.أبكر آدم اسماعيل يصل الدوحة :أهلا ابن كاودا (Re: مرتضي عبد الجليل)
|
| Quote: أبكر ادم اسماعيل صديق عزيز وزميل دراسة تفرقت بنا السبل بعد التخرج . |
دكتور مرتضى
معناتها انت عجوز ودفعة ود اربجى دكتور محمد على حسن زميل ابكر في اسنان جامعة الخرطوم
انا بعرف ابكر منذ ان كان في سنته الاخيرة في الجامعة وعمايل مامون حميدة بجامعة الخرطوم
ونقل الامتحانات من قاعات الدراسة الى قاعة الصداقة .... وذالك الاتحاد المصادم المهم انا كنت
شاب صغيرون وفي اجازة لاربجى وتعرفت على ابكر من خلال قريبى وصديقى محمد على حسن
وتلك قصة اخرة على فكرة محمد على دفعة شقيقى الاصغر بهاء الدين وبينى وبين بهاء شقيقنا فدوى
تلفون ابكر في الدوحة :
0097433618819
| |
|
|
|
|
|
|
|
|
|
Re: الباحث والروائى د.أبكر آدم اسماعيل يصل الدوحة :أهلا ابن كاودا (Re: مرتضي عبد الجليل)
|
مرحب يبك دكتور أبكر في الدوحة
نتمنى ليك أيام ممتعة ومفيدة
نحو خمسين شخصية سودانية (35 من الوطن و15 من الدوحة) ستشارك في الجزء الثاني من اللقاء التفاكري
السبت والأحد والاثنين.
نرجو أن يكون تفاكرا مثمرا لإنقاذ الوطن من الانهيار الذي بات أقرب من حبل الوريد
(حبل الوريد دا أقرب لي شنو عشان يوصفوا بيهو القُرُب ؟)
وننتظر أن نسمع رأيكم سياسةً بعدما تتبعناه -ولا زلنا- أدباً
إلى لقاء
| |
|
|
|
|
|
|
|
|
|
Re: الباحث والروائى د.أبكر آدم اسماعيل يصل الدوحة :أهلا ابن كاودا (Re: بدر الدين الأمير)
|
بالرغم من انو المتحدثين اوضحوا شكل الحلول حسب تصوراتم ..
إلا انو اغلب الناس الاتداخلت اصرت وفي هدر تام للوقت مصطحبين انفعالاً لامبرر له على ان المتحدثين اضاعوا الوقت وما ماختو تصور للخروج من للمازق.. وكأن الاربعة الفوق ديل ومن خلال المنصة العالية والزهور القدامهم وفخفخة القاعة اسباب الازمة او اصحاب قرار..
الدكتور محمد عثمان مافضل ليهو إلا يقول ياخوانا الناس دي سوت كباري وشوارع ظلط ومرقت البترول.. واداني احساس بانو الندوة دي انا كنتا ممكن اشارك فيها عادي ومن فوق المنصة..
ربما جزء من الازمة هو اصرار ابكر ورفاقه ولسنوات طويلة في النقزي داخل عرضة الجلابة، بينما يجب ان ينقز ابناء الهامش مع مكونات اكثر اتساقا لخلق شكل جديد لعالم جديد...
المكون الثقافي لغالب النخب الحاضرة في المشهد السوداني السياسي والثقافي مؤسس على مداميك غير مهيئة لمثل ماينشده اهل الهامش من حوارات.. وبدون هذه المكونات المعوجة فان النخب الحاضرة في المشهد العام ليسو نخب ..وبالتالي انتا في حكم من يتكلم مع العدم.. لان ماء تكوينهم اصلا آسن..
كما وان من الملاحظ انه لايوجد ثمة مشترك واضح في الاطروحات التي ذكرها المتحدثون وبانت فوارق الفكر في منطلقات المتحدثين بصورة فارقة في كلام د. محمد عثمان ود.ابكر..
صحي ذي ماقال د.ابكر عشان يجلس ابناء الهامش ذلك المجلس بلغت صيحتهم الافاق، ولكن مع افق الجلابة المغبش يظل الامر بندق في بحر..
ابكر ياصحبي، عشان تصل لي حل تعايش عادل ومنصف في فضاء السودان الحالي (زي ماسميتو) يجب ان تقعد مع ناس من جيل السبعينات وفوق..
ياكمان تعمل هولد لي رقبتك ورقبة ناس الهامش لحدي ما الناس دي تختفي..
بالرغم من اهمية الموضوع إلا ان زمن الندوة كان مجحف..15 دقيقة لي شي استمر اكتر من ستين سنة؟!!
د. ابكر لانه كان الاصغر سناً وبالتالي الاقل وباءاً بداء مؤتمر الخريجين وغباشهم، كان الاكثر قربا من ملامسة حقائق الامور..
ــــــــــــــــــــــــــــ
الرفرشمنت ماكان فيهو سي فوود..وكانت في مرة متنطقة تدور بين الموائد
| |
|
|
|
|
|
|
|
|
|
Re: الباحث والروائى د.أبكر آدم اسماعيل يصل الدوحة :أهلا ابن كاودا (Re: بدر الدين الأمير)
|
Quote: بالحيل يا بدر الدين، بس ايام زي ديك ما أظن نعيشا تاني،بالذات لما هزمنا الاتجاه الاسلامي سياسيا في الانتخابات وهزمناه عسكريا .
|
مرتضى
هل تصدق ان علاقتى مع ابكر بدت من تلك الفترة وقتها كنت في اجازة الى السودان
ورئيس اتحادكم حاتم حين كانت تلاحقه (كــــــلاب) الامن هربناهو الى اربجى ...
وحاتم قضى معنا ايام في اربجى لن ننساها فيها كثير من السرور والاسرار .........
واذكر انى حاولت اقناع ابكر ان يدخل الامتحانات وهو كان على وجه التخرج لكنه
اصر على المقاطعة مع بقية الطلاب واذكر ان اغلبكم كان مصر على ان يدخل ابكر
الامتحانات ويفوت عليهم فرصت رفده وكلكم كنتم عارفين ظروف ابكر يدرس في الطب
ويعمل حداد وخاله الذى رباهو وعلمه عامل يومية يسكن في العشوائى بالحاج يوسف
ولاهل في كاودا يضربون بالطيارات والمدافع يعنى بؤس مابعده بؤس ....
ظللت لايام احاول اقناع ابكر بالحوار مرة وبالتحانيس مرات لكنه كان رافض قال لى
الايمكن ان ادخل الامتحانات وزملائى الطلاب في السجن قلت له انت اثتثناء قال لى
يابدرالدين المبادى لاتتجزا قلت له ياخى اللغة نفسها فيها اثتثناء ضحك وقال لو اعتمدنا
على دى ماحا تقوم لينا قيامة .......
مرتضى ارجو ان تواصل سرد تفاصيل تلك الفترة وياخى لو عندك اى اخبار عن حاتم
مدنا بيها ...
وبعدين الزول الطفشكم ونقل الامتحانات من حرم الجامعة الى قاعة الصداقة مش هو
الزول البقوهو وزير صحة ولائى بالخرطوم وفي زمنكم كان هو مدير جامعة الخرطوم
| |
|
|
|
|
|
|
| |
بدر الدين الأمير
معاوية الزبير
على زين العابدين
الطيب شيقوق
محمد البحر
محمد حيدر المشرف
Deng
فيس بوك
تويتر
انستقرام
يوتيوب
بنتيريست