عشره علي عشره ---- بابكر سلك ..

مرحبا Guest
اخر زيارك لك: 03-29-2024, 09:31 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف الربع الثالث للعام 2012م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
09-16-2012, 10:29 AM

احمد محمد احمد عتيق

تاريخ التسجيل: 11-04-2009
مجموع المشاركات: 1819

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
عشره علي عشره ---- بابكر سلك ..

    في السلك
    بابكر سلك
    عشره علي عشره

    • اللجنه الحلت ازمة الهلال دي ما تفضوها
    • في مشاكل لسه في الهلال
    • مشكلة الاستاد الشين ده دايره حل
    • ومشكله المنطقه الحول الاستاد
    • مياة راكضه وباعوض وذباب
    • وشنات المنطقه الحول الاستاد ذاتها
    • وخضار مفروش علي الارض بصوره غير صحيه
    • وبعد ده غالي بي غلاتو
    • واقترح علي اللجنه الموقره بارك الله فيها
    • ان تسجل ملعب الخارجيه باسم الهلال
    • اسهاما منها في استقرار الهلال
    • وحتي ترتفع معنويات الاخوه الاهله
    • حقو اللجنه تجيب قريدرات تكسر استاد المريخ
    • ويوزعوا ارض الاستاد قطع سكنيه
    • عشان تاني مايكون في مريخ ذاتو
    • لانو وضح ان تلك اللجنه الموقره لا يهمها من الوطن غير استقرار الهلال
    • لم تتحرك اللجنه الموقره نحو السوق
    • ولا تجاه الباعوض
    • ولا صوب الضبان
    • ولم يحرك جوف المواطن المحروق تلك اللجنه لسد رمقه
    • لانها امور غير مهمه
    • فقط استقرار الهلال وحل ازمة الهلال هو المشكله الطارئه
    • المشكله التي تحتاج لحل
    • ولكن تبدو هناك بعض الاسئله
    • هل حكاية التلتميه وخمسين مليون السمعناها دي حقيقه ؟؟؟
    • ان كانت الاجابه بنعم
    • هل كانت مشكلة هيثم مع الهلال في خصوص حقوق هيثم الماديه ؟؟؟
    • ان كانت الاجابه بنعم
    • من سدد المبلغ ؟؟؟
    • ولماذا ؟؟؟
    • وليه ؟؟؟
    • واسلام برضو عندها سؤال
    • قالت اسلام
    • بعد الصلح ده تشكيلة الهلال تاني بتتطلع مع التشكيل الوزاري حتي يضمن هيثم انه في التشكيله ؟؟؟؟
    • واذا طلعت مع التشكيل الوزاري
    • ماهو موقف غارزيتو من كل ذلك ؟؟؟؟
    • اقترح ان يترك امر التشكيله الهلاليه لي ناس المراسم
    • بقيفوها كويس
    • ايها الناس
    • حقيقه واحده تمخض عنها الامر
    • الكيان والمجلس واللاعبين والجهاز الفني والجماهير والتاريخ والكرامه
    • هيثم سيدهم كلهم مجتمعات
    • هيثم اكبر من الكيان
    • كيان شنو
    • هو الكيان ذاتو مولود متين
    • تاني يا روشا ما اسمعكم بتتكلموا عن مبادئ الهلال وكيان الهلال وكلام زي ده
    • الحركه العملها هيثم دي اثبتت انكم فعلا نادي الحركه الوطنيه
    • واتبرنسي
    • ايها الناس
    • اليوم
    • نستعيد باذن الله الصداره التي ذهبت مؤقتا بسبب البرمجه
    • اليوم نؤدي عشره علي عشره
    • ونصل النقطه عشره
    • نتصدر المجموعه
    • واتوصفي
    • لا يهمنا من خلفنا
    • نحنا ما بنعاين ورا
    • نعاين قدام
    • ونرمي قدام
    • دايرين اخت مانديلا الكونفدراليه
    • الجماهير عشره علي عشره
    • من كل حدب وصوب اتت
    • مريخاب شندي ماقصروا
    • وود ملاح المريخابي المضياف فتح دارين بدل واحد للناس
    • الشارع من الجيلي من امس القياده العامه قلبتو احمر
    • لا نستعجل النصر
    • ولا نطمع في عددية الاهداف
    • هدفنا الاستراتيجي تلاته نقاط
    • نعود بها انشاء الله
    • وبعد ذلك فليتنافس المتنافسون في المقعد التاني
    • وان كنا نتمني ان يرافقنا اهلي شندي
    • الا اذا رفض اهلي شندي ان ينتصر علي الهلال
    • في الحاله دي
    • بنمشي برانا
    • الخلا ولا الرفيق الفسل
    • مباراه تتطلب اعصابا بارده
    • والفنيات بالكوم
    • عجب يا شجرة المورينجا
    • وكل الاولاد
    • سنفقد المقاتل السعودي
    • الاخطبوط
    • ولكن الفريق مليان رجاله
    • نادينا كبير ومحترم
    • مابقوموا ويقعدوا زول واحد
    • زول علي اعتاب الاعتزال
    • نادي فيه الاحترام للمجلس وللاعب وللجهاز الفني
    • ايها الناس
    • امس ضحكت في شئ
    • قريت قالوا الهلال في المجموعات افضل هجوم وافضل دفاع وافضل مدرب
    • مع العلم بان الهلال فيهو تلاته اهداف
    • واحد من شندي وواحد مننا وواحد من الانتر
    • يعني اهتزت شباكه من كل فرق المجموعه
    • والانتر ماجاب قون في المجموعه دي الا في الهلال
    • ونحنا فينا قون واحد بس
    • وفي مباراتي الانتر والهلال
    • اضاع رماة الانتر 141 هدفا مضمونا
    • يبقي افضل دفاع كيفن بس يا ناس !!!!!
    • اما حكاية افضل مدرب دي
    • فالثوره ضد غارزيتو بعد كل مران وبعد كل مباراه اظنها توضح الافضليه
    • المهم
    • اليوم نصل النقطه العاشره
    • ونتمني ان لا يغضب ذلك ناس اللجنه الحلت مشكلة الهلال
    • لانو لو تصدرنا لمجموعتنا بهدد استقرار الهلال
    • نحنا مستعدين بامر تلك اللجنه ان لا نتصدر
    • حفاظا علي استقرار الهلال
    • بس ادونا القرار مكتوب
    • اليوم نمتع اهل شندي بعرض راقي
    • وباهداف اسطوريه
    • واتوقع هدف للمورنجا لم يحرز مثله من قبل
    • بختكم يا ناس شندي
    • حاتشوفوا قون المورينجا من داخل الاستاد
    • نسأل الله نصرا لا يحتاج لاي لجنه كي تحقق الاستقرار عندنا
    • اها
    • نجي لشمارات الوالي
    • كان شفت يا والينا
    • الباعوضه امس زعلانه زعل شديد
    • قالت كيييييييف ما تعبروها الزمن ده كلو وما تحلوا ازمتها
    • وتحلوا ازمة هيثم والهلال
    • شدة ما زعلت
    • قربت تشرط الرقم الوطني
    • وتشوف ليها رقم في وطن تاني
    • ايها الناس
    • احر التعازي في فقيدنا الاستاذ فتحي خليل المحامي الذي راح مبكيا عليه اثر حادث حركه بالامس
    • لنا ولاهله الصبر وحسن العزاء
    • ولا حولة ولا قوة الا بالله
    سلك كهربا
    ننساك كيف والباعوضة شرطت الرقم الوطني بتاعها !
    والي لقاء
    سلك
                  

09-16-2012, 12:57 PM

Ashraf el-Halabi
<aAshraf el-Halabi
تاريخ التسجيل: 10-08-2006
مجموع المشاركات: 5508

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عشره علي عشره ---- بابكر سلك .. (Re: احمد محمد احمد عتيق)

    سلامات عتيق
    واحد من أميز ديوك عدة الصحافة الرياضية عندنا
                  

09-16-2012, 01:13 PM

7abib_alkul
<a7abib_alkul
تاريخ التسجيل: 02-05-2002
مجموع المشاركات: 3757

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عشره علي عشره ---- بابكر سلك .. (Re: Ashraf el-Halabi)

    سلك دا هلالي و الا مريخابي؟
                  

09-16-2012, 02:38 PM

احمد محمد احمد عتيق

تاريخ التسجيل: 11-04-2009
مجموع المشاركات: 1819

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عشره علي عشره ---- بابكر سلك .. (Re: 7abib_alkul)

    نعم ديوك العدة كتااااااااار ولكن رايك في تلك اللجنة ..
    مش حقيقة محتاجين ليها للاهم ...
                  

09-16-2012, 03:24 PM

خالد عبد الله محمود
<aخالد عبد الله محمود
تاريخ التسجيل: 11-28-2004
مجموع المشاركات: 5393

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عشره علي عشره ---- بابكر سلك .. (Re: احمد محمد احمد عتيق)



    الواحد ما يكون نفسو ؟؟
    يعني لازم يكتب بنفس طريقة محمد عبد الماجد ؟؟





    حتي في دي ( ضل ) يا كافي البلاء !!!
                  

09-16-2012, 06:20 PM

عبد العظيم احمد
<aعبد العظيم احمد
تاريخ التسجيل: 05-14-2006
مجموع المشاركات: 3558

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عشره علي عشره ---- بابكر سلك .. (Re: خالد عبد الله محمود)

    سلك كج المريخ اليوم
    مادام نضم وقال عشرة
    يبقى العشرة والعشرة بضم العين في الاخيرة... راحتا

    ليه كده ياسلك
    .....
    نفس احمر
    بعدو تشوف الدنيا زرقاء
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de