|
|
|
 Re: "نو بودي از بيرفكت "..إهداء خاص للعوام .. (Re: داليا حافظ)
|
وزي ما قال محمد نعيم سعد ..
دا الخايف منو انا من زممماااااااان!!..
رغم انو المرحوم ممكن برضو يكون غلطان(لووووووووووووووووووووب)..
او ممكن يكون دا الخايف منو بكري اب صلحة ذاااااااااااااااااااااتو!!..
من الترويج لرسمة حسن موسى الى الترويج لمسوقات زملاء حسن موسى الفورولاويين لفعلة حسن موسى..
والحالة التناسلية اياها (النسميها الحالة العشراوية التي يشتهر بيها السودانيزاونلايناويين)..
حيث سوف يتم الترويج مستقبلا لمسوقات زملاء زملاء حسن موسي في تبرير مسوقات زملاء حسن موسى
وعيييييييييييييييييييييييييييييييييييييييييييييييييييييييييييييك، كما يقول الغائب بشاشا..
وعشان كدا مشاهدو فوراول بقو اكتر من المنبر العام بتاع بكري..
وطبعا دا ممكن يكون معنى المعنى ظاااااااااااااااااااااااااااااااااتو بما انو بفى في حاجة اسما معنى المعنى
و(لووووووووووووووووب كما تقول دندن)..
(نكتة الموسم هي فخ تلاميذ حسن موسى انو ممكن يكون قاصد معنى المعنى ما المعنى )
يعني ممكن العرس يكون عندو معنى اخر خاااااااااااااااااااااالص وما يكون العرس..
(عشان كدا الحرفا سكتو جم عشان ما يقعوا في الفخ الفورولاوي او كي لا يكونوا من العوام السودانيزاولايناويين وكدا)
وبرضو يا داليا الفوق دا اجتهاد ساااااااااي بيكوز نو بودي از بيرفكت (وجه ما عارف يكون باسم ولا جيفه)
---------------
ما بعرف اعمل صمري
اتذكرتا حاجة..
وعشان كدا العملو فيها بفهمو معنى المعنى جذبم تيار الضغط المنخفض بفوراول
وانسحبوا من هنا بالراااااااااااااااااااااااااااااااااااااااااااااااااااااااااااااااااااحة..
لوووووووووووووووووووووووووب
وبرضو نو بودي از بيرفكت..
| |
 
|
|
|
|
|
|
|
 Re: "نو بودي از بيرفكت "..إهداء خاص للعوام .. (Re: سيف النصر محي الدين)
|
هي يا دكترة على عكس ابو من غير استدراك .. تماماً
كلاسك!!
جرد كل الكائنات من البرفكشن .. وخصاو هو (فغط) لاغير!!
اها ناقتم ما بيرفكت لي هز بعير؟
--------
بتاعة عمك الرسام دي -مع كتيييير من حسن الظن- دي (نوبودي إز بيرفكت) المؤاساة ..
بتذكرني بالحلاق الباكستاني بتاعي
كل مرة القى ليك يلولح في دقنوسو ويردد باسى يليق: وراثة!
مأساة لنا في فقدنا الجلل من الشعور .. والمشاعر الطيبة
ولا اراك الله مكروه في عزيز لديكم
| |
|
|
|
|
|
|
|
|
|
Re: "نو بودي از بيرفكت "..إهداء خاص للعوام .. (Re: قيقراوي)
|
| Quote: جرد كل الكائنات من البرفكشن .. وخصاو هو (فغط) لاغير!! |
لا يا مولانا لم يخصه هو فقط بل قيد البيرفكشن بكونه بيرفكت له هو -اي المتحدث- فقط، اما في ما عدا ذلك فاجرى عليه حكم
الآخرين الا و هو عدم البرفكشن في كل الاحوال هذا و الله يهدي من يشاء له وحده الكمال و الجلال.
اما بالنسبة للجزء الثاني من قولك اثابك الله فنعم كل ناقة بيرفكت لبعيرها و العكس صحيح الا في بعض الحالات و كما تعلم
فالشاذ لا حكم له وفقنا الله و اياك .
| |
|
|
|
|
|
|
|
|
Re: "نو بودي از بيرفكت "..إهداء خاص للعوام .. (Re: سيف النصر محي الدين)
|
والله ضحكتني يا سيف حتى طارت سجارتي
Quote: لا يا مولانا لم يخصه هو فقط بل قيد البيرفكشن بكونه بيرفكت له هو -اي المتحدث- فقط، اما في ما عدا ذلك فاجرى عليه حكم
|
وانت قايل اول المشكلة جايية من وين ؟
ما ياهو الانا المتورمة دي...والاعتقاد -الفاسد شرعياً طبعاً- في انو واقصد المتحث يظن انه مركز الكون
---------
ويستوي فيها المحب الولهان او المواسي الشمتان .. لا فرق .. ؤ جوز لا يخسر
هذا والله اعلم
| |
|
|
|
|
|
|
|
|
|
Re: "نو بودي از بيرفكت "..إهداء خاص للعوام .. (Re: داليا حافظ)
|
انتي ما ذنبك يا بتي
علي العين والراس وتسلمي يا حبيبه من النار مولعه واللا مطفية
فاتحاني مالك يا ست البنات
القاصدو انا من النار المهلهبة ده...اني انا المولع .. مولع من الغيظ علي اعتداء الناس علي بنات الناس ... وحرمات الناس ... وكل إناء بما فيه ينضح
بنات زيك وزي نور العين دينا الرزينة التختيهم في الجرح يبروهو ... كل واحد داير ليهو سكه معاكم ....يعمل ليهو موال لا ليهو راس ولا قعر ..وكلام خارم بارم ..لا فيه احترام لي نفسو .. ولا للناس
في رأي الواحد اخير يقول كلامو الداير يقولو للواحده عديل ... ويرجي الجاياهو من الله
لكن صدق من قال تلعب مع الجريوات يخربشنك
| |
|
|
|
|
|
|
|
|
 Re: "نو بودي از بيرفكت "..إهداء خاص للعوام .. (Re: محمد مصطفي مجذوب)
|
Quote: واحلف بالله صادقا إن الاستاذه دينا التي المح من كتب الي انها رجلا متخف وراء اسمها ، فهي ...علي الرغم من شبابها وصغر سنها... امرأة ولا كل النساء ...
فهي جميلة .جمال يملاء عين اي انسان رجلا كان ام امرأة ... ويسر الناظرين منها انها مكملة اخلاق وادب ودين .... وهي وحيدة والدها وحصلت علي قدر عال من التعليم متخصصة في القانون وعلي مرمي حجر من الحصول علي درجة الدكتوراه |
مصدق يا استاذ محمد كلام زي الورد وأكيد دينا ما اقل من كدة ..وقدرها عالي عند الجميع ومحبوبة ربنايحفظا يزيدا علم وجمال ..
بالجد أنا آسفة لأنو مزاحي واضح انو ما كان في محلو وكلامك كلام حرقة بالجد و واضح أنك بتتكلم بالم كبير ..، ما عارفة اذا كنت شاورت دينا ولا لأ في القلوتو..لكنو على الاقل ممكن اخليها تكف عن ظلم نفسها ..مع احترامي التام لخيارتها في الحياة ..
محبتي واحترامي يا استاذ محمد وعليك الله ما تقول البت رفعت معاي الكلفة وقللت الادب ..في حاجات ما بتحتمل المزاح..
| |
|
|
|
|
|
|
|
|
|
Re: "نو بودي از بيرفكت "..إهداء خاص للعوام .. (Re: داليا حافظ)
|
ابنتي العزيزة داليا
تسلم يا حبيبة ... بارك الله فيك وفي من ادبك فاحسن ادبك . اسمحي لي يا بنتي ان قول انه اسقط في يدي فهم معني اعتذارك في قولك | Quote: بالجد أنا آسفة لأنو مزاحي واضح انو ما كان في محلو |
ولم ادر فيم الاسف؟
فانت لم تتعد حدوداللياقة في حديثك عن زميلتك الاستاذة دينا .. ولم تسئ القول معنا او لفظا معي ومن ثم فلا مأخذ لي علي البوست برمته.. فالفرق فيما حواه من مزاح ولطافة يروحان عن النفس... وما حواه الموضوع الاصلي الذي اشار اليه بما تضمن من رسم كاريكتوري وما تلي ذلك من سخف وعبث واستهتار بقيمة اجتماعية عشناها وتعايشنا معها ردحا من الزمان لا يخفي علي عين ....فكلنا نعبث مع الاستاذه دينا ونماحكها مماحكة لم نكن لنجرؤ عليها لولا ما اشرتي اليه من محبتها في انفسنا جميعا .. ومحبة الناس من محبة الخالق عز وجل فقد جاء عن المصطفي عليه افضل الصلاة والسلام انه قال : (( إذا أحب الله تعالى العبد، نادى جبريل، إن الله تعالى يحب فلاناً، فأحببه، فيحبه جبريل، فينادي في أهل السماء : إن الله يحب فلاناً فأحبوه، فيحبه أهل السماء، ثم يوضع له القبول في الأرض )) وتكفي الاشارة لقبول الاستاذه دينا بين اقرانها واترابها واعمامها هنا موضوع بوست الخاتم الذي تناولنا فيه جميعنا الاستاذة دينا بشد وجذب لا يتحملة إلا من كان في سماحتها لقبول الناس لها ولحسن تعاملها معهم
يبدو انك اخطأت الاشارة في فهم غضبي. فهو حقيقة موجه للموضوع الاصلي ..وليس ضد بوستك انت. واصدق القول وانا علي سفر لندن-القاهره-ابوظبي ولم استقر لاتمهل في الاطلاع علي سودانيزإون لاين وغيره وبالتالي لم اطلع علي الموضوع الاصلي إلا متزامنا مع الوقت الذي خرجتي علينا ببوستك.. وكنت اتابع بدهشة ماجري فيه من طرح .. فهالني ما رأيت .. وكان اول ما وقع في يدي لاعلق عليه وانا افور غضبا كان بريدك ... فجري ..ما ..جري فما اصدق مرة اخري ابنتي العزيزة في وصفك لحديثي بان | Quote: كلامك كلام حرقة بالجد و واضح أنك بتتكلم بالم كبير ..، |
وتبع ذلك ما صدر مني من مداخلات معك ومن خلالك مع الاخرين ..
إجابة علي تساؤلك | Quote: ما عارفة اذا كنت شاورت دينا ولا لأ في القلوتو..لكنو على الاقل ممكن اخليها تكف عن ظلم نفسها ..مع احترامي التام لخيارتها في الحياة .. |
انا حقيقة لم اتحدث مع الاستاذه دينا او اتشاور معها .. فهي لم تستشيرني لا قانونيا ولا اجتماعيا وما جرت العادة في ان تتداخل معي خارج هذا المنتدي .. فما كتبت ما كتبت إلا لانني جعلي واخو بنات ورد فعلي نابع من احساسي انا تجاه ظلم اصاب الاستاذه دينا .. واصاب في شخصها اخواتي وبنات جنسها برمتهن ..
حقيقة انا لا ادر كيف يكون شعور الاستاذة دينا تجاه ما كتبت... فانا لست مقربا منها بالقدر الذي قد توحي به كتابتي عنها ..وعليه اتمني ألا اكون تقولت في حقها و(جيت اكحلا عميتا )- فعلي الرغم من صدق كل حرف كتبته في وصفها وهو صدق من رأي .. وليس من رأي كمن سمع - إلا انني اتمني أللا تأخذ ما كتبته عنها بحساسية
ولك انتي شكري واحترامي .. فقد اتحت لي فرصه لانفعل....لاعبر عما جاش بصدري .... واتجراء في القول ... ثم اختم باعتذار وقبلاتي علي خدين الامورة السكرة نني العين ونور بيتكم
| |
|
|
|
|
|
|
|
|
|
Re: "نو بودي از بيرفكت "..إهداء خاص للعوام .. (Re: محمد مصطفي مجذوب)
|
الاستاذة نهال اجمل تحيةلكم ولها و للحضور الكريم
كتب الاخ محمد مصطفي مجذوب ونحسب بانه صادق
| Quote: فوالله لم ولا شئ يخدع الناس ويخادعهم في امر الاستاذه دينا ... إلا الصورة التي تضعها علي مداخلاتها ... إضافة الي ذلاقة لسانها وحلو حديثها مع اللي يسوي واللي ما يسوي |
سائني الهجوم والتجني علي الاخر .. علي حسب النوع
وكانت الاخت دينا ضحية لهذا الامر دون مبرر كافي وربما ماخطه قلمك اعلاه هو سبب كافي لجلب النقمة
| |
|
|
|
|
|
|
|
|
|
Re: "نو بودي از بيرفكت "..إهداء خاص للعوام .. (Re: تولوس)
|
الاستاذ الكريم الاخ تولوس
تحية وتقديرا
إن لم يكن (نهال ) اسما آخر للاستاذه (داليا) ... فمعليش يا دفعة ...وحبابك في قروب عواجيز العوام . فسننا لها حكمها
وصدقت اخي الكريم في قولك إن الابنه الاستاذة دينا ضحية لهذا الامر دون مبرر ..واضيف (كاف او غير كاف) .. واتفق معك قلبا وقالبا إنه ربما ماخطة قلمي من صفاتها واوصافها هو سبب ما جر عليها هذه الهجمة الغاشمة .. فكل ذي نعمة محسود
ولك وافر احترامي
| |
|
|
|
|
|
|
|
|
|
Re: "نو بودي از بيرفكت "..إهداء خاص للعوام .. (Re: رشا احمد)
|
أهلييين وسهلين برشوية ..
| Quote: بما اني من العوام .. و من الكدايس الكايسة العرس .. اي لايك الإهداء شديد والله |
يا زول كوسي كواستك في زول عندو عندك حاجة ..حقك المشروع في الحياة تفتشي وتبحثي وتنقي وتعزلي واغلطي وصلحي ..
ياها دي الحياة ..والبشوف غير كدة ..وااااهم ..
ـــــــ
تحت تحت بستمتع شديد بمشاكساتك وبقراك بعناية ..
| |
|
|
|
|
|
|
|
|
|
Re: "نو بودي از بيرفكت "..إهداء خاص للعوام .. (Re: سيف النصر محي الدين)
|
اها يا رشا يا بتي ..
طالما انتي قلتي عايمه | Quote: عوام .. و من الكدايس الكايسة العرس .. اي لايك الإهداء شديد والله |
وبي حليفتك كمان .. وعشان البشتنه البشتنتي بيها الصورة ده السميحه ده  .. الليلة دة يا ني ... البارك ليكي فد بركة من صلاة العشاء لامن النباه ينبه .. واقوم بيكي الليل كلو... والايك ليك شي فواتح وشي اسامي ملايكا بتاعة اهلي المجاذيب ...عشان العرسان يترصو من قدام خشم بابكم لي عند الدكان صفوف صفوف زي صلاة الجمعة ..
و اللا اكان عندك زولا مدكناهو .. وعامل تايه وفاتحة اهلي الصالحين ده ما جابت فيهو مريسة تامزينو .. بس اغمتي لي في ماسنجر اسمو واسم امو . وليكي علي. اختف كراعي علي نيجريا واشوف ليكي عرق محبة ليهو فقهه ..من النوع القام بروز في الخلا وافرك واعرك لامن يجيك يكورك بي واحد راس
| |
|
|
|
|
|
|
| |
داليا حافظ
قيقراوي
دينا خالد
Ahmed musa
عصام علي أحمد
سيف النصر محي الدين
محمد مصطفي مجذوب
Kostawi
تولوس
فيس بوك
تويتر
انستقرام
يوتيوب
بنتيريست