|
|
 حرام عليكم يا البورداب وكتاب الصحف وعيب عليكم يا ناس الانقاذ
|
اولا عيب عليكم يا البورداب فأقلامك تنصرف لأمور لا تستحق ولا تكتبون عن خريف هذا العام الذى لم نشهده لاكثر من خمسين عام خلت
المواطن السوداني في قراكم وبواديكم انعم الله عليه بخريف وقاه جزءا من جحيم التقشف
المواطن الان يحصل على الملوخية والبامية والويكة واللوبا مجانا وبعد ايام السمسم والذره هذا فضلا عن الحليب ومراح الروب
توفير فرص عمل واسعة لكل الشباب في عمليات الكديب وبعد ايام قطع السمسم الذى قد تصل ( الحلة - 100 تكل ) خمسين الف جنيه
الحكومة الان تبدد مال الدولة في مؤتمرات سياسية فارغة جدا تكفلها المليارات ونحن اليوم في امس الحاجة لادوات الوقاية ضد الافات التي قد تبدد كل احلامنا
اليوم مؤتمر وزراء الاتصالات الافارقة
وغدا مؤتمر رؤساء القضاء العرب
يا الله
|
|
  
|
|
|
|
|
|
|
|
Re: حرام عليكم يا البورداب وكتاب الصحف وعيب عليكم يا ناس الانقاذ (Re: مهيرة)
|
والله يا دكتورة مهيرة كلامك مية المية صاح بكرة المساكين ديل يبقوا على حصادهم ويجوا ناس الحكومة يطاردوهم في الضرائب وغيرها من الجبايات
ياخ اصرفوا على الوقاية بدل المؤتمرات البذخية
وفروا مصل الثعابين لان الموسم السمح دائما مستصحب بكثير من البلاوي
رشوا الباعوض بدل المؤتمرات
الله يصرفكم مننا يا رب
| |
|
|
|
|
|
|
|
|
|
Re: حرام عليكم يا البورداب وكتاب الصحف وعيب عليكم يا ناس الانقاذ (Re: محمد إبراهيم علي)
|
ود شيقوق
أولا : عيدكم مبارك والأهل بدون فرز
ثانيا: عودا حميدا للمنبر - مكانك شاغرا ومعك آخرين - حتما سيأتون هنا في هذه المساحة الخضراء
ثالثا: والله كنت أفكر فيكم بشكل يومي طيلة شهر رمضان وأنا نازل من الزلط ( متلهم) البيوت وسط تلك الخضرة التي غطت كل اليابسة حتى الطندب مع خضرته الداكنة تسلقه ( السلعلع) - ولا أخفيكم أننى أخذت بعض الصور للأزرق (الرفاعي) وخيرانه وبعض من شجره ... سوف أنزلها هنا طبعا ..
أما فيما يتعلق بالموضوع : وهو ندرة الأيدي العاملة وتوفر فرص العمل وإنشغال الحكومة بما هو ( ت ا ف ه ) وثانوي من مؤتمرات واتفاقات مع دول الجوار والبذخ في الإنفاق على ذلك __ بالله عليك الله خليهم __ ما يقوموا يصحوا ويعبوا العربات الفارهة وينزلوا في تلك البقاع الخضراء وهم لا يعرفون العدار من أرفع قدمك - وتطفش السحب وتأبى أن تنزل الأرض __ ونحن الخاسرون __ خليهم نيام غافلون ___ أمس في قناة الحزب الحاكم شفت المتعافي في القضارف وسط حقول السمسم يبشر بالإنتاج الوفير ويدعو الله أن يرزق المزارعين منه رزقا واسعا وفيرا ؟؟؟ سبحان الله ...
أها بالنسبة للعمال والكديب يشهد الله الفدان ( كديب) ب 150 ج ؟ الضحوة من الساعة الثامنة لغاية الساعة 11 ص ب ( 25) ج ؟ أغلب الأهل حرثوا للمرة الثانية في رمضان بعد استوى العدار مع العيش طبعا الفدان ( الحرث) ب ( 20) ج ؟ طبعا داخل المشروع قطن المتعافي باي باي كثير من الأفدنة ( غرقت) ومات القطن المحور وراثيا ولم يرى النور - للأسف الفول السوداني أصابه البوار - وغطته الحشائش الطفيلية واستحال على أهلنا نظافته أو إعادة (حرثه) ربما تلحق بهم الخسائر الجسيمة ..
طبعا الصحفيين ديل ما بعرفوا ليك - أو قول صحفهم ما بتنشر ليك - كلامنا ده - ولا يهمهم الأمر في شيء من يقرأ أخبار الكديب وإرتفاع سعر أجرة العمال ؟ ألتمس لهم العذر نرجوكم
الصور في الطريق ..
يالله واصل
الشفيع إبراهيم
| |
|
|
|
|
|
|
|
|
|
Re: حرام عليكم يا البورداب وكتاب الصحف وعيب عليكم يا ناس الانقاذ (Re: الطيب شيقوق)
|
Quote: الحكومة الان تبدد مال الدولة في مؤتمرات سياسية فارغة جدا تكفلها
المليارات ونحن اليوم في امس الحاجة لادوات الوقاية ضد الافات التي قد تبدد كل احلامنا
اليوم مؤتمر وزراء الاتصالات الافارقة
وغدا مؤتمر رؤساء القضاء العرب |
وبعد غدٍ الحكومة تقوم ليك علي ناس الزراعة ديل تشبكم ليك
طُلب وضرايب، ودمغة جريح، وقدح شهيد، وختة سندوق،
وهلُمّ جرّا... تخلي ريحتم طير، طير.
قريبي ود شيقوق،
آ زول نعلّك طيّب،
وبركة بالشوفة...
| |
|
|
|
|
|
|
|
|
|
Re: حرام عليكم يا البورداب وكتاب الصحف وعيب عليكم يا ناس الانقاذ (Re: الطيب شيقوق)
|
الشفيع كيفك يا عشاي
أولا : عيدكم مبارك والأهل بدون فرز
ثانيا: عودا حميدا للمنبر - مكانك شاغرا ومعك آخرين - حتما سيأتون هنا في هذه المساحة الخضراء
ثالثا: والله كنت أفكر فيكم بشكل يومي طيلة شهر رمضان وأنا نازل من الزلط ( متلهم) البيوت وسط تلك الخضرة التي غطت كل اليابسة حتى الطندب مع خضرته الداكنة تسلقه ( السلعلع) - ولا أخفيكم أننى أخذت بعض الصور للأزرق (الرفاعي) وخيرانه وبعض من شجره ... سوف أنزلها هنا طبعا ..
أما فيما يتعلق بالموضوع : وهو ندرة الأيدي العاملة وتوفر فرص العمل وإنشغال الحكومة بما هو ( ت ا ف ه ) وثانوي من مؤتمرات واتفاقات مع دول الجوار والبذخ في الإنفاق على ذلك __ بالله عليك الله خليهم __ ما يقوموا يصحوا ويعبوا العربات الفارهة وينزلوا في تلك البقاع الخضراء وهم لا يعرفون العدار من أرفع قدمك - وتطفش السحب وتأبى أن تنزل الأرض __ ونحن الخاسرون __ خليهم نيام غافلون ___ أمس في قناة الحزب الحاكم شفت المتعافي في القضارف وسط حقول السمسم يبشر بالإنتاج الوفير ويدعو الله أن يرزق المزارعين منه رزقا واسعا وفيرا ؟؟؟ سبحان الله ...
أها بالنسبة للعمال والكديب يشهد الله الفدان ( كديب) ب 150 ج ؟ الضحوة من الساعة الثامنة لغاية الساعة 11 ص ب ( 25) ج ؟ أغلب الأهل حرثوا للمرة الثانية في رمضان بعد استوى العدار مع العيش طبعا الفدان ( الحرث) ب ( 20) ج ؟ طبعا داخل المشروع قطن المتعافي باي باي كثير من الأفدنة ( غرقت) ومات القطن المحور وراثيا ولم يرى النور - للأسف الفول السوداني أصابه البوار - وغطته الحشائش الطفيلية واستحال على أهلنا نظافته أو إعادة (حرثه) ربما تلحق بهم الخسائر الجسيمة ..
طبعا الصحفيين ديل ما بعرفوا ليك - أو قول صحفهم ما بتنشر ليك - كلامنا ده - ولا يهمهم الأمر في شيء من يقرأ أخبار الكديب وإرتفاع سعر أجرة العمال ؟ ألتمس لهم العذر نرجوكم
الصور في الطريق ..
والله كلامك كلو صاح - انا مشيت البلد واخوك السنة اتلهم تربية الضان وهسه في البطانة شبعااااااااااااان الحمد لله والسنة دى قشها بلاقي ومويتها بتلاقي
العمال عافي منهم بقوا بيعرفوا سعر الدولار واسعار المحاصيل - صحيح الضحوة ب 25 الف تلاتة ساعات بس البيت لو فيهو اربعة بمشوا الضحوية بجوا طابقين ليهم قريب 150 الف كتيرة عليهم طالما اللبن والبامية والويكة واللوبا والعنكوليب متوفرت
اما قطع السمسم اسكت ساكت يا ود عمي الشاب النجيض بقطع 5 حلال في اليوم طبعا الكليقة ساق بوليس واقل والخمسة حلال حتكون بربع مليون جنيه في يوم واحد
اما الموليتة اسكت ساى
| |
|
|
|
|
|
|
|
|
|
Re: حرام عليكم يا البورداب وكتاب الصحف وعيب عليكم يا ناس الانقاذ (Re: الطيب شيقوق)
|
| Quote: عييييييييك ما بتعرف الكديب شنو ؟ الحال دي انا مبسط المفردات |
\
افو انا اخك ات
انا عروبي زيك كدة كدبت وشلخت وجريت بالجراية وحشيت بالملود والمنجل
وشتلنا البصل وقلعنا الفول والشوك والدهسير قطعو كرعينا
تعرف دلوقت انا مشتهيلي صحن موليتا شطتو تقول وا غربتي
انا قاصد المسانيح البجوك اسي اولاد البندر والشهادة العربية لووووول
| |
|
|
|
|
|
|
|
|
|
Re: حرام عليكم يا البورداب وكتاب الصحف وعيب عليكم يا ناس الانقاذ (Re: محمد إبراهيم علي)
|
أمحمد ود ابراهيم
انا عروبي زيك كدة كدبت وشلخت وجريت بالجراية وحشيت بالملود والمنجل
وشتلنا البصل وقلعنا الفول والشوك والدهسير قطعو كرعينا
تعرف دلوقت انا مشتهيلي صحن موليتا شطتو تقول وا غربتي
انا قاصد المسانيح البجوك اسي اولاد البندر والشهادة العربية لووووول
والله عجبتني بالحيل وحياتك انا سافرت الدندر اكلت جنس موليتة
اها العنكوليب جاي قريب دا - ناس البندر بموتوا في العنكوليب وكمان بنوت البندر بس الا يكلموا الحبش الشغالين معاهم ينقوا ليهم ويتغموا يس
والله ناس البندر لو عندهم ثقافة خريف اى مطرة تنزل ترفع سعر الجنيه قصاد الدولار والعكس
| |
|
|
|
|
|
|
|
|
|
Re: حرام عليكم يا البورداب وكتاب الصحف وعيب عليكم يا ناس الانقاذ (Re: سيف الدولة كامل)
|
ود الكامل
ياخ العيد مبارك ليك
كيف الوليدات والجنيات
المسنوووووووح حمدا لله علي السلامة وحبابك الف وان شاء الله شبعت موليته
يا العريريب ان شاء الله يكدبو ليك شعيرات راسك , الحناكيش زي ما قال محمد علي
بدورو الترجمة ,هسع ناس دينا خالد ووضاحة يفهموا كلامك ده كيف يجازي محنك
والله فرحنا بالعودة ,,بس يا المسنوح عليك الله كنت غاطس وين ؟
يا صديق يطول عمرك ويديك العافية انا كنت في السودان بين امدرمان والدندر والله جنس عنكوليب وموليتة عيييييييييييييييييك
| |
|
|
|
|
|
|
|
|
|
Re: حرام عليكم يا البورداب وكتاب الصحف وعيب عليكم يا ناس الانقاذ (Re: الطيب شيقوق)
|
فالتوجه كل القطاعات العسكرية ( جيش - شرطة - دفاع شعبي - خدمة الزامية - وطلاب المدارس والجامعات - نزلاء السجون والعاملون عليها ) الى المشاريع الزراعية لتلافى ضياع السمسم من قلة الايدى العاملة في هذا الموسم الثمين الذى نادر ما يتكرر .
انها ايام بل اسابيع اما ان تتبدد كل جهود المزارعين التي صرفت عليها المليارات بسبب قلة الايدي العاملة او ان نتلافى الضياع ونحقق تحسن اقتصادي فيما لو توجهت تلك القطاعات للنفرة الكبرى للحصاد .
سيكون موسم قطع السمسم مقمرا مما يعني مزيدا من المعطيات التي قد تؤدى لتعجيل تدفق السمسم في التراب بدلا عن حصاده .
سيكون متوسط دخل العامل الناجح في قطع السمسم مليون جنيه في اسبوع واحد
اطردوا اصحاب الحرف الهامشية من المدن ليتوجهوا لحصاد السمسم
فالتتوجه اقلامنا الاعلامية لدعم هذا النداء
فالتوظف فضائياتنا لترسيخ هذه المفاهيم بدلا من اضاعة الزمن في الرقص والغناء والدعايات حتى وصلت حد الترويج لشراء الشرابات
بعد تجاوز خطر تدفق السمسم ينبغي ان توجه القوات المسلحة وكل المؤسسات العسكرية الى عمل خطوط النار لمنع اتلاف النيران لكل المراعي الطبيعية التي صنعها خريف هذا العام وفي هذا مزيد من الانتاج لثرواتنا الحيوانية .
| |
|
|
|
|
|
|
| |
الطيب شيقوق
مهيرة
محمد إبراهيم علي
معاوية المدير
محمد أبوالعزائم أبوالريش
Abdlaziz Eisa
سيف الدولة كامل
فيس بوك
تويتر
انستقرام
يوتيوب
بنتيريست