|
|
|
 Re: عضو جديد يرحبو بيو نفرين، عضوة تلقى الترحيب صفحتين (Re: عثمان مكي)
|
عثمان مرحب بك يا اخوي ومنور المنبر
يا حبيب دي اسمها تفرقه جندريه وليست عنصريه ولا قولك شنو؟!
يا غالي
عموما النساء بجدن احتفاء اكبر
وده طبيعي لانه اغلب العضويه رجال
يعني نحن لو قاعدين هنا عددنا يمكن 200 سيده فان ال 950 الف الباقين فهم رجال!
ثانيا:
يا اخوي ليس كل النساء نساء ولا كل الرجال رجال في ناس اصلا نشيطين
وتسبقهم افعالهم فلما ينضموا بيبقوا معارفه واصدقائهم كثر.فلا تحزن.
وثالثا يا حبيب
كنا طيبين وبنرحب بكل جديد وكل منضم وفجأه
بكري حدد مداخلاتنا....اها....بقينا ندخل بحساب يا غالي.ونعزي حتى بحساب.
والبكره في ابو صعله الما هو بعيد عن ناس البشير شخصيا.بمثل هذه التطبيقات.
فاكر بيأدبنا في كبرنا ده سبحان الله!
قال ويقول لك ايه Free Sudaneseonline.com بالله!!
طيب خلي سودانيز ذاتها to free حقنا في التداخل كما نشاء!
| |
  
|
|
|
|
|
|
|
 Re: عضو جديد يرحبو بيو نفرين، عضوة تلقى الترحيب صفحتين (Re: بكرى ابوبكر)
|
اخونا بكري ابوبكر
معقوله الريس شخصيا يرحب بشخصي الضعيف.
عاجزين عن الشكر يا ريس على الباسورد أولا و على الترحيب تانيا
و بعدين شايف الجماعه استغلو حضورك و كل واحد جا قدم ليو طلب، معليش سامحنا على الكتاحه دي.
و طالما لمينا فيك هنا اخير النسعلك: موضوع تحديد المداخلات دا للناس كلها و لا للمهرجلين بس؟ (الوش الأخدر)
| |
|
|
|
|
|
|
|
|
|
Re: عضو جديد يرحبو بيو نفرين، عضوة تلقى الترحيب صفحتين (Re: Tragie Mustafa)
|
كتر خيرك و شكرا جزيلا على الترحيب اختنا العزيزه تراجي
و معاك حق، فعلا كلمه جندريه هي الآصح هنا لكن انا عندي حساسيه مع الكلمه دي بالذات عشان بقت مرادف للتفرقه ضد المرأه فقط و نحن الرجال المساكين ما لينا وجيع. كان الإسلم هنا ان أكتب "تفرقه نوعيه" لكن ضروره تسخين الموضوع اتطلبت كده<
تصدقي الموضوع بدا هزار و شغل للشباب لكن كميه التبريرات و جديتها مع ظهور الريس شخصا خلاني أشك انو الموضوع بالجد جد.
و من هذا "المنبر" و رداً على هذا الترحيب الحار نناشد الريس ان يفك أسر المداخلات عشان الناس ترحب بينا و كده
| |
|
|
|
|
|
|
|
|
|
Re: عضو جديد يرحبو بيو نفرين، عضوة تلقى الترحيب صفحتين (Re: احمد محمد بشير)
|
مرحب عثمان
انا مع راي تراجي، ولو انه الحكاية فيها شوية شلليات
الكوتة مرقتها بقت حااارة وبالذات وقت الذروة زي الويك اند
اقترح على اخونا بكري وبالذات وقت "التسجيلات" زي هسه ده يفتح "بوست موحد للترحيبات"
واهو بكري جاك بي نفسه
وهو ما بجيبه الا الشديد القوي
ويا بكري طالما ظهرت هنا شوف لينا "صرفة" في الفيديوهات القاعدة تفتج بالجانب اليمين دي
دي "بطأت" المنبر بي صورة ما عادية
دي 1X2
| |
|
|
|
|
|
|
|
|
|
Re: عضو جديد يرحبو بيو نفرين، عضوة تلقى الترحيب صفحتين (Re: عبدالمجيد الكونت)
|
| Quote: عضو جديد يرحبو بيو نفرين، عضوة تلقى الترحيب صفحتين |
مرحب بيك وحبابك
عادي يا زميل وما تتحسس
وضيف كمان في أحيان كتيرة الزول لما يكون مسنود بشلة كاربة أو مجموعه سياسية او اجتماعية أو جماعه من أي نوع دي بتفرق كتير في عدد المتداخلين والمشاركين والمرحبين وما اليه .
طول البال مطلوب في البورد دا
| |
|
|
|
|
|
|
|
|
|
Re: عضو جديد يرحبو بيو نفرين، عضوة تلقى الترحيب صفحتين (Re: Abdlaziz Eisa)
|
مرحب بيك استاذ عثمان مكي... والجابك يجيب غيرك
ياخي حقك علينا... الواحد فينا ما قاعد يخش المنبر كثير
ما مننا من العلينا...
يا ناس هووووي .. استاذعثمان ده ابن استاذنا ومعلمنا الكبير مكي عثمان المحامي
يعني زي ما بيقولو.... ابن (الشنو كدي ما عارف) حفار
حرررم لو ما سبقني ود الباهي في جعلنتو دي كان قلت ليك القالو ليك
وطالما ود الباهي اتسدر ليك ....خوجل زي ماك عاوز.
تحياتي لي ناس هاشم بشير والبقية.
| |
|
|
|
|
|
|
|
|
|
Re: عضو جديد يرحبو بيو نفرين، عضوة تلقى الترحيب صفحتين (Re: عثمان مكي)
|
كتر خيرك و شكرا جزيلا على الترحيب اختنا العزيزه تراجي
و معاك حق، فعلا كلمه جندريه هي الآصح هنا لكن انا عندي حساسيه مع الكلمه دي بالذات عشان بقت مرادف للتفرقه ضد المرأه فقط و نحن الرجال المساكين ما لينا وجيع. كان الإسلم هنا ان أكتب "تفرقه نوعيه" لكن ضروره تسخين الموضوع اتطلبت كده.
تصدقي الموضوع بدا هزار و شغل للشباب لكن كميه التبريرات و جديتها مع ظهور الريس شخصا خلاني أشك انو الموضوع بالجد جد.
و من هذا "المنبر" و رداً على هذا الترحيب الحار نناشد الريس ان يفك أسر المداخلات عشان الناس ترحب بينا و كده
| |
|
|
|
|
|
|
|
|
|
Re: عضو جديد يرحبو بيو نفرين، عضوة تلقى الترحيب صفحتين (Re: عثمان مكي)
|
عثمان مكي عشرات حبابك سلامات
أهو الجماعة ما قصروا شالوا عمدانهم وصوانيهم وجوك للترحيب
بس الترحيب دا عندو مسؤولية كبيرة
ويبدو أنك قدها وقدود فطب نفساً يا عثمان
وادخل بعد الترحيب الكارب دا واعرض طوالي
| Quote: و من هذا "المنبر" و رداً على هذا الترحيب الحار نناشد الريس ان يفك أسر المداخلات عشان الناس ترحب بينا و كده |
انت كمان ما تبالغ للدرجة دي .... والله صحي
| |
|
|
|
|
|
|
|
|
|
Re: عضو جديد يرحبو بيو نفرين، عضوة تلقى الترحيب صفحتين (Re: الامين موسى البشاري)
|
ياهلا بيك اخونا عثمان ..
حللت اهلا ونزلت سهلا ...
معذرة للترحيب المتأخر ..قلت اكمل الجكس بعدين اجيك ..
عليك الله ياعثمان هسه انت جادي ؟
معقولة في وجود واحدة كرت كرتون نرحب بيك ونسيبها ؟
بتبالغ لكن ..
ياخي انت ملحوق لكن الجكس ديل ماملحوقين وممكن يزعلوا لو مارحبنا بيهم سريع
ويحردوا المنبر ..اها نكون استفدنا شنو ؟
النساء ضعيفات وهم اكثر حوجة للترحيب من الذكور ...
| |
|
|
|
|
|
|
|
|
|
Re: عضو جديد يرحبو بيو نفرين، عضوة تلقى الترحيب صفحتين (Re: فايزودالقاضي)
|
عثمان يرحب راسك ده...ههههههههههههه
يا اخوى نحن الترحيب بالضكور عندنا زى صلاة الجنازة
اذا قام به البعض سقط عن الباقين لكن النواعم ديل ما بنقدر
وكمان جنس كتير تلج هو!!
اضافة نوعية، نورتى المنبر، عطرتى حوش بكرى ، اهلاً بالزهرة وكده
انتو الواحد يجى شنبو زى الارتشى رحبوا بى رحبوا بى
اها اهلاً اترزع مع اخوانك ديل حبابك....
وبعدين انت زاتك بس تم شهر بتبقى زينا واحد
لووووووووووووووووووووووووووول،،،،،
| |
|
|
|
|
|
|
|
|
 Re: عضو جديد يرحبو بيو نفرين، عضوة تلقى الترحيب صفحتين (Re: صديق الموج)
|
Quote: عثمان يرحب راسك ده...ههههههههههههه
يا اخوى نحن الترحيب بالضكور عندنا زى صلاة الجنازة
اذا قام به البعض سقط عن الباقين لكن النواعم ديل ما بنقدر
وكمان جنس كتير تلج هو!!
اضافة نوعية، نورتى المنبر، عطرتى حوش بكرى ، اهلاً بالزهرة وكده
انتو الواحد يجى شنبو زى الارتشى رحبوا بى رحبوا بى
اها اهلاً اترزع مع اخوانك ديل حبابك....
وبعدين انت زاتك بس تم شهر بتبقى زينا واحد
لووووووووووووووووووووووووووول،،،،، |
اها، أنا خِبرلك الزول... الشكلة دورا لينا مع صاحب المدآخلة
دي وإنقرِع منها غادي. (إنقرِع دي عشان ود قسومة قال نقربلك المعني.)
قصرنا معاك؟؟؟
ثم يا اخي إنت محنبِك مالك!؟. وكت أصلك داير ترحاب حار زي بتاع
الجكس كان تجي بهمر، واللآ بي بيما، مُش تجينا بي فيل. إنت طرزآن
اصلك؟؟؟
جاي بفيل، وعايز ناس ود القاضي يخلو البلوم ويجوك جاريين!!!
ود القاضي مُو فاضي.
والله صحي...
| |
|
|
|
|
|
|
|
|
|
Re: عضو جديد يرحبو بيو نفرين، عضوة تلقى الترحيب صفحتين (Re: عثمان مكي)
|
الاخوان و الأخوات؛ اسمحو لينا نرد على الكل في بوست واحد عشان محدودية المداخلات
العزيزة Muna Khugali: _
تسلمي على المرور و الترحاب و اها جيناكم صادين (على رأي ود قسومة)
المناضلة الفاضلة نجلاء سيد أحمد:
حقيقي اتشرفت بالمرور و الترحاب
اخونا عبدالكريم عبدالله:
كتر خيرك كتير على الترحاب و الله يجهل ايامنا و ايامك ة ايام اهل الحوش كلها عيد
العزيز Ahmed musa:
شكرا جزيلا على المرور و الترحاب و رابط مافي ليك :-)
العزيز PLAYER:
صدفني عارف جنس التفرقة النوعية بتاعت ناس ود الموج و د القاضي دي أصلا ما مفارقانا بس قلنا نشاغل الاخوان و الاخوات شوية.
1000 شكرا
العزيز احمد محمد بشير:
كتر خيرك على المرور و التحية
العزيزة الحليلة:
ممنونين كتير على التحية و على المسدار لكن الباقي غلبني تب.
ما قريتي كلام ودقسومة الفوق دة و لا شنو :)
عزيزنا الامين البشاري
و الله تب ما قصرتو و الله يسترنا معاكم في الجايات.
اها ابقى طيب
الأخت د جواهر:
كتر خيرك و الله يحفظ الحوش اللمانا معاكم
| |
|
|
|
|
|
|
|
|
|
Re: عضو جديد يرحبو بيو نفرين، عضوة تلقى الترحيب صفحتين (Re: عثمان مكي)
|
مرحب بيك عثمان في هذا الفضاء الاسفيري وطوّل بالك شوية، ما تطلع سكينك من أول يوم، بالمناسبة في ناس معروفين لبعض الاعضاء قبل ان يصبحوا أعضاء بالمنبر وبالتالي ولعلم معارفهم بعضويتهم الجديدة تتوالى الترحيب والتوقيت برضو بيلعب دور اخر ولذلك رفع البوست في أزمنة الزروة قد يزيد من معدل الاطلاع عليه وهكذا ، ودا طبعا حيساعدل في بوستاتك المستقبلية، نرجو ان تكون اضافة حقيقية للمنبر..
مودتي
| |
|
|
|
|
|
|
|
|
|
Re: عضو جديد يرحبو بيو نفرين، عضوة تلقى الترحيب صفحتين (Re: عثمان مكي)
|
حباب ود القاضي و عذرك معاك يا خوي عارفينك عامل لجنة استقبال انت و د الموج و ما فاضين لينا
صراحة، المقصودين بالبوست انت و رفيقك ود الموج و ناس تانين كدي بنذكرهم لمن يجو اذا فضو لينا شوية.
انا صحي عضو جديد لكن متابع من زمان.
الله أهل الحوش خجلوني بالترحاب و الله يسترنا معاهم لا قدام
كتر خيرك على الترحاب
| |
|
|
|
|
|
|
|
|
|
Re: عضو جديد يرحبو بيو نفرين، عضوة تلقى الترحيب صفحتين (Re: عثمان مكي)
|
حبابك عثمان
غلبني أوصفك
دمك خفيف
ولّا
بتعرف تهرش
ياتو فيهم ما عارف
وحتجي جكسوية تقول فيك : الأوصفوك ما أنصفوك
تحياتي
واحد برلوم زيك رحبو بيهو عشرتين
وأنا برضو متابع البورد من بدري
__________________________________________________________________________________
يا إخوانا لو شفتو تراجي دي إعتقلوها لي لغاية ما أجي
لأني قبضتها متلبسة بجريمة تحيز جندري
ما لاحظتها قالت في مداخلة ترحيبها بيك : إنهن 200 سيدة أمّا الرجال فكم كدة ما عارف؟
أها كلمة سيدة دي مش بتقابلها في الرتية كلمة سيد وجمعها سادة؟
وكلمة الرجل بتقابلها إمرأة؟
طيب ليه ما صرفت لينا حقنا وقالت : أما السادة أو أما الأسياد ؟
| |
|
|
|
|
|
|
|
|
 Re: عضو جديد يرحبو بيو نفرين، عضوة تلقى الترحيب صفحتين (Re: أحمد أبكر)
|
مليون مرحب أخونا عثمان مكى,,,
مرحبا بك فى ورطتك الجديدة!!!
لكن والله الوش دا ما غريب على أبدا!!
الخرطوم القديمة يا ربى؟؟
النادى الجنب سان فرانسيس داك !!
البجى القطر ماشى بضهرو داك ياخ,,الجنب المقابر ياخ
يازول بلد ضيقة ضيق شديد وناسا كتار ,,
المهم مراحب يا حبيب..
ما دام جيت برجلينك
| |
|
|
|
|
|
|
|
|
|
Re: عضو جديد يرحبو بيو نفرين، عضوة تلقى الترحيب صفحتين (Re: أيمن الطيب)
|
يا عثمان اخوي ..اقي لي انت راجلا نجيض وبتجيب حقك على مزاجك.. ومنو الهسع زيك اذا كان صاحب الحوش نفسه- الباشمهندس بكري - خرج من عكلته وجاء يرحب بيه وهو الما بطلع إلا للشديد القوي زي ما بيقولوا.. ومش كده وبس اصحابك وصلوا 92 عضو..وانا كمان لمن جيت برليمة جديدة وما رحبوا بي لمدة يومين زعلت زي زعلك ده.. واذا ما قريبي ود القاضي نجدني كنت لهسع برليمة بسكع في السكة..
ومرة اخرى مرحب بيك في الفضاء الاسفيري الذي يجمع ولا يفرق
وبعدبن ما تتحسس من حكاية الرجال - وهم اغلبية في البورد يرحبوا ببنات حواء لأن فطرة الكون بتلزم انجذابهم للجنس اللطيف.. ولا مش كده يا عثمان
والله يديك العافية
| |
|
|
|
|
|
|
| |
عثمان مكي
Tragie Mustafa
Zakaria Joseph
بكرى ابوبكر
Hani Arabi Mohamed
الزبير صالح الزبير
Khalid Kodi
احمد محمد بشير
الشفيع وراق عبد الرحمن
munswor almophtah
محمد طاهر تكنه
بكري عباس علي
Zomrawi Alweli
عماد حسين
محمد جلال عبدالله
محمد عبد الماجد الصايم
البشير دفع الله
عادل الباهي عبدالرازق
Abdlaziz Eisa
ابوبكر قسومة
معاوية المدير
مزمل خيرى
محمد البشرى الخضر
Muna Khugali
نجلاء سيد أحمد
عبدالكريم عبدالله
Ahmed musa
PLAYER
elhilayla
الامين موسى البشاري
Jawahir Ibrahim
فايزودالقاضي
صديق الموج
معتصم احمد صالح
طارق جبريل
أحمد أبكر
أيمن الطيب
فيس بوك
تويتر
انستقرام
يوتيوب
بنتيريست