|
|
|
 Re: أعلن لكم زواجي للمرة التانية ... الدعوة عامة (Re: الطيب عثمان يوسف)
|
Quote: يبركوا قيك خنق بركة جدى حامد اب عصاءة سيف
راجل مراة وجاى منتشى
وقال شنو باركوا لى وفى هيلتون
اختشى ياخى
والله مرتك ما تكون باركت ليك لو ركعت ليها فى رجولة
خلتك لى السوتوا ليك من خدمة ولادة
تاخد حقها منك يوم القيامة
راجل مفتري |
*** أمك الغواصات ظهروا .
يا فجر المشارق ما تتدردقـي ،،، اركزي
| |
  
|
|
|
|
|
|
|
 Re: أعلن لكم زواجي للمرة التانية ... الدعوة عامة (Re: mohmmed said ahmed)
|
Quote: يبركوا قيك خنق بركة جدى حامد اب عصاءة سيف
راجل مراة وجاى منتشى
وقال شنو باركوا لى وفى هيلتون
اختشى ياخى
والله مرتك ما تكون باركت ليك لو ركعت ليها فى رجولة
خلتك لى السوتوا ليك من خدمة ولادة
تاخد حقها منك يوم القيامة
راجل مفترى |
هاهاهاهاهاها
وضاحة والله انت عسل بزيادة ياخ. هسه مش امكن تطلع كذبة سبتمبر..؟
الأخ الطيب..
نتمنى لست الكل أم العيال العوض وحسن الخاتمة..!
ونتمنى ليك كما تتمنى لك أم العيال وأزيد ...
وربنا يزيدك في الانت فيه
تحياتي
| |
|
|
|
|
|
|
|
|
|
Re: أعلن لكم زواجي للمرة التانية ... الدعوة عامة (Re: فايزودالقاضي)
|
Quote: الف الف مبروك استاذنا الطيب ..
ربنا يتمم ليك على خير
ويحقق الاستقرار في بيوتك ..
ويرزقك من خيره ..
يلزمنا انا وانت وكل متزوج مرتين نعمل قروب المدبلين في سودانيز هييييييييع
تحياتي ،، |
يا فائز ود القاضى ما تجييب لى روحك (الهبايب !!والدبابيب !!) هييييع بتاعتك دى كدى قوله مع الكلام المكتوب ده قدام المدام وأم العيال !!! وبعد داك بنعرف هل سوف تكون هييييع !! أم لا والله كنت بهظر ساكت وتانى التوبة يا حبوبه !!!. قروب المدبلين قال !!! نامين تصبح من قروب العذابة الحديثيين .
| |
|
|
|
|
|
|
|
|
|
Re: أعلن لكم زواجي للمرة التانية ... الدعوة عامة (Re: abas)
|
والله يا الطيب عثمان يوسف إلا تكون رجعت البوليس برتبة زيادة كمان (عميد شرطة مترقياً وبعدها متزوجاً)
أو نكون نحنا فى شهر أبريل وما عارفين !!!.
أخر سطر ما لك ما سويتو فى العيلفون !! عشان ناس أحمد الحبر يجيبو لينا خبرو وصورو !!ويستضيفو المدام فى الكرسى البارد !!!! غايتو نقول مبروووك مع التحفظ . وأسأل مجرّب وما تسأل طبييب !! وما تقول لى بى سببى !!!. والله لو قلت لى العرس فى العيلفون فى نادى الشرطة كنت صدقت !! لكن فى الهيلتون وفى أبوظبى تكون بمناسبة تخرج أو دخول إحدى كريماتك للجامعة !! بطل الخم يا قمندان .
| |
|
|
|
|
|
|
|
|
|
Re: أعلن لكم زواجي للمرة التانية ... الدعوة عامة (Re: الطيب عثمان يوسف)
|
Quote: هاهاهاهاهاها
وضاحة والله انت عسل بزيادة ياخ. هسه مش امكن تطلع كذبة سبتمبر..؟
الأخ الطيب..
نتمنى لست الكل أم العيال العوض وحسن الخاتمة..!
ونتمنى ليك كما تتمنى لك أم العيال وأزيد ...
وربنا يزيدك في الانت فيه
تحياتي |
*** رمانه : أول مرة أسمع بي كذبة سبتمبر دي !!!
*** وست الكل أم العيال والعروس متابعين البوست دا وهسي الحنة مدورة صاح .
ولو عنك وكت نتمنى حضورك مع فجر المشارق .
بالمناسبة لما كلمت أم العيال بالموضوع دا أتمنت لى حسن الخاتمة برضو .
وأنا برضو بتمناها ليك .
تحياتي
| |
|
|
|
|
|
|
|
|
 Re: أعلن لكم زواجي للمرة التانية ... الدعوة عامة (Re: الطيب عثمان يوسف)
|
| Quote: In this world where divorce seems to be the norm, a couple managing to stay together through thick and thin deserves some celebration! If you and your spouse have made it to a significant anniversary, or you just want to have a "do-over" wedding, consider a vow renewal. |
النصيحة الفكرة حلوة شديد..خاصة لما يصل الزواج يوبيله الفضي... لكن البقنع الرجال السودانيين شنو؟
الطيب، عليك الله أخذلني وقول لي موضوع "زواجي للمرة الثانية" بشبه فكرة المقتبس...
| |
|
|
|
|
|
|
|
|
|
Re: أعلن لكم زواجي للمرة التانية ... الدعوة عامة (Re: بشرى مبارك ود السقاى)
|
| Quote: يلزمنا انا وانت وكل متزوج مرتين نعمل قروب المدبلين في سودانيز هييييييييع |
غايتو طالما الحوش فاتح لمن يملكـ مفتاح فعايز أقول لود القاضي
إختشي 
وطالما سعادتو بنعرفو من كتاباتو فماااااااااااا أظنو زول تانية يا وضاحة
الزول عايز يحتفل بالعيد العشرين أو هكذا
خاصة وإنو جنابو عمر جاب ليهو كلام كلام بيوري إنو الموضوع فشنكـ ساي
....
غايتو كان بقت سااااااااهلة كدي ورونــا الدرب
هههههههههههههههههههه
...
أم محمد ما تاخدي في بالكـ ياخي ، بنتونس والله
| |
|
|
|
|
|
|
|
|
 Re: أعلن لكم زواجي للمرة التانية ... الدعوة عامة (Re: الطيب عثمان يوسف)
|
Quote: الف الف مبروك استاذنا الطيب ..
ربنا يتمم ليك على خير
ويحقق الاستقرار في بيوتك ..
ويرزقك من خيره ..
يلزمنا انا وانت وكل متزوج مرتين نعمل قروب المدبلين في سودانيز هييييييييع
|
*** ود القاضي سلامات شد ليك خيط سميهو العشرة المدبلين
أو العشرة المبشرين بالجنة في المنبر
ولا أقول ليك العشرة الراضيات عنهم زوجاتهم
وأكتب نفسك أول واحد وأنا التاني مشترك 9 مرات .
لقيتني كيف ؟
| |
|
|
|
|
|
|
|
|
 Re: أعلن لكم زواجي للمرة التانية ... الدعوة عامة (Re: الطيب عثمان يوسف)
|
Quote:
Quote: In this world where divorce seems to
be the norm, a couple managing to stay together
through thick and thin deserves some
celebration! If you and your spouse have made
it to a significant anniversary, or you just
want to have a "do-over" wedding, consider a vow renewal.
النصيحة الفكرة حلوة شديد..خاصة لما يصل الزواج يوبيله الفضي...
لكن البقنع الرجال السودانيين شنو؟
الطيب، عليك الله أخذلني وقول لي موضوع
"زواجي للمرة الثانية" بشبه فكرة المقتبس... |
*** رمانة مداخلتك دي استفزتنى جدا .
أنا عمري ما خذلت لي زول والحمد لله .
واول مرة زول يطلب منى أخذلو ،،، ولو ما نفذت طلبك دا بكون خذلتك صاح ؟
حاجة غريبة !!! كدي بجيك راجع تانى
| |
|
|
|
|
|
|
|
|
|
Re: أعلن لكم زواجي للمرة التانية ... الدعوة عامة (Re: الطيب عثمان يوسف)
|
العزيز الطيب
أعتقد إن بين السطور كلام
ولكن سأتعامل بالنص الواضح رغم إيماني ستظهر تأويلات جديده
لا أذكر إن قابلت شخصك الكريموالذي كنت أعتقد أنه رضع ثقافة الواحد من أبوين كريمين قمة في الوعي والتقديس للواحدهخ
لكنني بحكم الروابط التي تربطني بأسرتك الكريمه فأنا متبرع بجلسات علاج نفسي مجانا وما تقول لي ما محتاج لأنو مافي زول جانا بي كرعينوا وقال لينا عالجوني أنا جنيت.............
طبعا لازم أثبت ليك موقفي فأنا من فريق الموحدين وحكومتنا يديها العافيه دوما ستظل تعلى ولايعلى عليها
لك الود
| |
|
|
|
|
|
|
|
|
|
Re: أعلن لكم زواجي للمرة التانية ... الدعوة عامة (Re: الطيب عثمان يوسف)
|
العزيز الطيب
أعتقد إن بين السطور كلام
ولكن سأتعامل بالنص الواضح رغم إيماني ستظهر تأويلات جديده
لا أذكر إن قابلت شخصك الكريموالذي كنت أعتقد أنه رضع ثقافة الواحد من أبوين كريمين قمة في الوعي والتقديس للواحدهخ
لكنني بحكم الروابط التي تربطني بأسرتك الكريمه فأنا متبرع بجلسات علاج نفسي مجانا وما تقول لي ما محتاج لأنو مافي زول جانا بي كرعينوا وقال لينا عالجوني أنا جنيت.............
طبعا لازم أثبت ليك موقفي فأنا من فريق الموحدين وحكومتنا يديها العافيه دوما ستظل تعلى ولايعلى عليها
لك الود
| |
|
|
|
|
|
|
|
|
|
Re: أعلن لكم زواجي للمرة التانية ... الدعوة عامة (Re: الطيب عثمان يوسف)
|
Quote: عندي سؤال بسيط، انت عايز تتزوج تاني ليه؟
سؤالي دراسة حاله اكثر منه تدخلي في خصوصيات الغير؟ |
*** عبدالرحمن قرشي اريتك طيب :
هو كان الغير برااهو جا فرش بضاعتو هنا ما تدخل ياخ ؟
حاااضر حأجهز كل الأسباب ليك وللسوق دونما استحياء طالما هو قراري .
بس ارد على الناس دي وبرجع ليك انت وأخريات .
| |
|
|
|
|
|
|
|
|
|
Re: أعلن لكم زواجي للمرة التانية ... الدعوة عامة (Re: عماد حسين)
|
الطيب ود اخوي عثمان يوسف
تصورت انني تلقيت بطاقه دعوة هذا نصها :
الطيب عثمان يوسف وزوجته واولادهما
ينشرفون بدعوتكم لحضور حفل زواج رب اسرتهم الطيب علي ربة
الصون والعفاف س س س وذلك في فندق هيلتون بابوظبي مساء
5/9/ 2012 .. والعاقبة عندكم في المسرات
هل تراني اقوم منها تاني ؟
المسألة دي فيها إن ..
وبالدس كده من كنداكتنا .. مبروك
عمك عمر علي حسن
| |
|
|
|
|
|
|
|
|
|
Re: أعلن لكم زواجي للمرة التانية ... الدعوة عامة (Re: عماد حسين)
|
الدعوة مقبولة ونسال الله ان يجعل ايامك كلها افراحا
هناك اشخاص متزوجين يتزوجون مرة أخرى وبزوجاتهم 00 عشان ماتتلخبط عليكم الأمور 00 يعني تجديد الزواج مرة أخرى
بعض الأزواج يحاولون أن يعيدوا سيرتهم الأولى { سيرتهم دي بكسر السين وفتح السين برضو } !!!
او يمكن زواج ترتيل وسارا
والله ياجنابو مع موية التحلية دي في الخليج الله يستر
يعني واحد يأتي للدكتور البيطري ويقول ليهو عندي تيس معذب الغنم بالليل
يقوم طوالي يقول ليهو العلاج إنك تسقي التيس موية تحلية !!!
غايتو نحن من اليوم داك بقينا ناس ببسي ساااااااااااااااااي
اها أركز على قول ود الباوقة ماتبقى زي جدنا عرسو لي عرسو لي
اول ماعرسنا ليهو ونحن عارفين إنو مدة صلاحيتو منتهية من جميع النواحي
وكل محركاته لاتعمل
ولا البخاخات
لكن نسوي شنو خايفين الراجل ينتحر
اها تم العرس
لكن المفاجأة أن جارهم أتى صباحا وقال والله ما شاء الله العروس تضحك حتى اللحظات الأولى من الفجر
والله نحن كأنو صبت فينا مطرة ما صدقنا
اها سألناهو : ياراجل الزولة دي عملت ليها شنو
والله كنت { بكلكل فيها ساااااااااااي } !!!
| |
|
|
|
|
|
|
|
|
 Re: أعلن لكم زواجي للمرة التانية ... الدعوة عامة (Re: عماد حسين)
|
| Quote: أعلن لكم زواجي للمرة التانية |
** جنابو الطيب..
** سلام ومساءك خير..
## الأعمى شايل المكسر قرو العنوان على حسب التعشيقه الهُم فيها ... يعنى مافى فرق بين المره التانيه والمرأه الثانيه ##
** يوبيل فضى مُبارك وعقبال الدهبى ,, وربنا يخلي ليك الأولاد وأُمهم ,, ودائماً تاميين ولاميين **
(ودام الود بيننا)
(ابو محمد فؤاد)
| |
|
|
|
|
|
|
|
|
|
Re: أعلن لكم زواجي للمرة التانية ... الدعوة عامة (Re: ادم شحوتاي)
|
يا جماعة هوووي البوست ده لغم ..
يا جنابو إن قلنا ربنا يتمم بخير أم العيال حتقولي (يعني عاجبكـ)
.
.
.
*** غايتو عندي إحساس (بمقلب) في الموضوع ده ..
أنا مع محمد سيد أحمد ... وضد معتز abas
خخخخخ تعرفوا تخافوا
المهم على قولة تباركـ ..
ما دام السيدة الأولى راضية .. لا نملك الأ أن نقول أرمي قــدام..
| |
|
|
|
|
|
|
|
|
|
Re: أعلن لكم زواجي للمرة التانية ... الدعوة عامة (Re: الطيب عثمان يوسف)
|
غايتو الى الان لم استطع استخلاص الفكرة من البوست ولم استطع قراءته بالكامل
ومن خلال العنوان احدد موقفي المتضامن مع ست الكل ام امانة الاصيلة بحق وحقيقة
ومن هنا سأوصي بواحد حزام ناسف تضامني في المنتصف في قاعة الحفل إن لم تعلن
ام آمنة الاصيلة موقف آخر .
كل سنة وانتو احلى وانبل واجمل يا حبايبنا تحياتي للشباب وبوسة لتراتيل حبيبتي .
........................................................................................................حجر.
| |
|
|
|
|
|
|
|
|
|
Re: أعلن لكم زواجي للمرة التانية ... الدعوة عامة (Re: Hassan Mirghani)
|
ياجنابو كل سنة وانت والاسرة بالف خير
كتاباتك دائما شيقة وبها غموض ممايجعل القارئ متابع لها حتى النهاية
قرات لك فيما اذكر اعدام ضابط شرطة بالخرطوم و انا اشد الناس كرها لامي حاجة ماتخلص
على العموم متابعنك في البوست نشوف في الاخر ح تمشي شهر العسل ولا ترجعوا انت والاولاد بعد الاحتفال بعيد ميلاد زواجكم او زواج احد اولادك
تحياتي
زاتوووو
| |
|
|
|
|
|
|
|
|
|
Re: أعلن لكم زواجي للمرة التانية ... الدعوة عامة (Re: ALZOLZATOO)
|
سبحان الله ياخ!
في بورد بكري دا شرب الخمر فضيلة
والزواج بامرأة ثانية جريمة
مهما يكن يا جنابو غايتو أرجل منك يدوهو طلقة في نص راسو
إن فعلتها بالجد فلك كل المنى بزواج سعيد وربنا يبارك ليك فيهو
وإن كان في الأمر خدعة فيكفي أنك لا تهاب التصريح بنواياك
بينما البعض لا تحدثه نفسه بما كتبت هنا
كن بخير
| |
|
|
|
|
|
|
|
|
|
Re: أعلن لكم زواجي للمرة التانية ... الدعوة عامة (Re: الامين موسى البشاري)
|
| Quote: بينما البعض لا تحدثه نفسه بما كتبت هنا |
اللمين البشاري .. تقصد منوو وو وو
أنا إسمي مكتوب ؟؟؟
هسع عليك الله يالأمين داخل تعلق بعد نص الليل ليييييييه ؟؟
قلت لي لا يهاب التصريح بنواياه ؟؟ ....
____________________________________________
عندي صاحبي (حلفاوي) نجيض .. قال لي كلما خفت من زوجتكـ
كلما كنت راجل راقي ...
غايتو بوست جنابو ده الله يكفينا شــره .. ههههههههه
| |
|
|
|
|
|
|
|
|
|
Re: أعلن لكم زواجي للمرة التانية ... الدعوة عامة (Re: Hassan Mirghani)
|
عندما وزّع النقيب شرطة الطيب عثمان يوسف رقاع الدعوة للمرة الاولى لم تكن هناك مواقع أسفيرية ولا سودانيز أون لاين ولا كان بعرف كل هذه الهيلمانة والان الراجل قال (يعلن ليكم الزواج بطريقة محترمة للمرة الثانية ) لأن الاعلان الاول لم يكن معروفاً ومحضوراً وأراد أن يكون الثانى فى هيلتون أبوظبى وبحضور (نفس العروس الاولى وبناتها وأولادها ) لكى تكون الاحتفالات تلاته العيد العشرين الاول والاعلان الثانى للذين لم يحضروا الزواج الاول وربما لدخول إحدى الكريمات للجامعة والله أعلم وبرضو نبارك ويا ريت لو لقينا طريقة فى حفلة ندى القلعة دى كان نهجج ونعجج !!!.
| |
|
|
|
|
|
|
|
|
|
Re: أعلن لكم زواجي للمرة التانية ... الدعوة عامة (Re: الطيب عثمان يوسف)
|
الأخ الطيب عثمان يوسف
وجميع المتداخلين
لكم التحية
منذ مدة حضرت برنامج (الشروق مرت من هنا) لمقدمه محمد موسى وكان في أحد القرى ولديهم مناسبة زواج وكانت المفاجأة لمحمد موسى انه تحدث إلى إحداهن وإكتشف أنها زوجة العريس الأولى وهي ذاهبة لحضور الزواج. يعني دي عادات موجودة في عدة قبائل بالسودان عندنا. ويا ريت كل النسوان زيها؟؟؟؟ الكلام ده بيني وبينكم بس
وطبعا ما عيب والدين الإسلامي حلل الأربعة بشروط.
لكني اقول ليكم بعد الكلام الكثير ده والذين يعرفون الطيب.
بإختصار الطيب لو كان عنده نيه الزواج من إمرأة أخرى يستحيل أن يدعو زوجته وبناته حتى ولو كانوا يتفهمون ذلك.
وأخيراً أقول للطيب وليكم فندق هيلتون ما بعيد مني؟؟؟؟
ولو عرفت حاجة (برضه ما حأقول).
تحياتي ليك يا جنابو (مرة ثانية)
| |
|
|
|
|
|
|
|
|
|
Re: أعلن لكم زواجي للمرة التانية ... الدعوة عامة (Re: الطيب رحمه قريمان)
|
تحية
أن تاتي متاخرا خير من الا تاتي بالتحية والتهاني المعادة لسعادتو ولرفيقة دربه التي تشاركه الاحتفاء بمشوار علي دروب الحياة لا تكون فيها الحياة جديرة بالاحتفاء دون رفقة الضياء تلك...ثمار هذه الرحلة يشاركون ويقدمون انفسهم هدية بها يجود الوجود بمزيد من الثمار...مسالك الحياة الغائرة واذرعتها الملتوية تصبح معبدة وسالكة بالحب والتساكن والموادعة الهادئة...
الدعوات بحجم الامل وعلي اتساع الخيال في تامله الماطر بالخير ...
| |
|
|
|
|
|
|
|
|
 Re: أعلن لكم زواجي للمرة التانية ... الدعوة عامة (Re: على عجب)
|
*** حاليا أنا فى أرقى صالون بقصر الامارات
حلاقة،
حمام مغربي،
حكحكة،
تلميع ،
صنفرة وكدا
............................
البوست تسبب لي فى بعض المشاكل لكني تغلبت عليها وهأنا أعود .
طبعا بكرة ما حأقدر أنزل الصور ولكن لا مانع لدي من أن ينزلها أى من الاخوه أو الاخوات الأعضاءالحضور.
*** و الذين اتصلوا بالمدام تلفونيا وعملوا متضامنين معاها برضو بجدد ليهم الدعوة وبقول ليكم كراسيكم وش .
| |
|
|
|
|
|
|
|
|
 Re: أعلن لكم زواجي للمرة التانية ... الدعوة عامة (Re: محمد هاشم ابوزيد)
|
Quote: غايتو كان الزول البكتب ده اخونا الطيب يوسف الجانا فى الرياض
ومعاه المدام والوليدات الحلوبن ديك ما بعرس
ياخى الزول ده من جانا هنا لما رجع شايل شنطه المدام
لما انا قايله الجوال يعرس شنو؟
وزول عصيده بى لبينه لا بغلط على المدام ولا يعصى لها امر
ويفعل ما يؤمر،،، |
*** دا ما التاك تك زااااتو يا صديق الموج أقعد لى انت اتأمر
وانت موحد كدا والمولد فايتك دنيا وآخرة .
| |
|
|
|
|
|
|
| |
الطيب عثمان يوسف
Hani Arabi Mohamed
عبداللطيف خليل محمد على
قاسم المهداوى
haroon diyab
محمد البشرى الخضر
أمجد الزين
معتصم محمد صالح
عصام دهب
Yassir Tayfour
وضاحة
عبدالله الشقليني
omer osman
mohmmed said ahmed
rummana
abas
فايزودالقاضي
بشرى مبارك ود السقاى
عمران حسن صالح
Nasruddin Al Basheer
mekki
ياسر عبدالكريم محمد
خال فاطمة
keiga2000
طارق جبريل
Mohammed Haroun
اساسي
عماد حسين
ابوحراز
عبدالكريم أحمد الامين
ادم شحوتاي
الرفاعي عبدالعاطي حجر
يوسف محمد يوسف
ALZOLZATOO
الامين موسى البشاري
فتحي عباس نقد
صديق الموج
الطيب رحمه قريمان
محمد هاشم ابوزيد
فيس بوك
تويتر
انستقرام
يوتيوب
بنتيريست