|
|
|
 Re: ما بمشي الدكان .. الهادي الجبل .. مبالغة :) (Re: حبيب نورة)
|
مابمشــي الدكان .. بس
مابمشــي الدكان
ولا خايف من ######ة سـامي
ولامن بعد السوق كســلان
ولاعاوز اتدلع ليكم
ولا عاوز بسكوت ولبان
ولو جبتو العشا باكلو معاكم
موش أنا برضو جيعان
موش انت يابابا بتشقى وتعمل
وطول اليوم بتقول مشغول ؟
وماما كمان بتقول مافاضية
واختي كمان مرات بتقول
انا بفهم وبحس وبقدر
واجري اجيب العيش و الفول
طيب لما اكون مافاضي
ليـه مابتفهمو كدا على طــول
مابمشــي الدكان .. بس
مابمشــي الدكان
ولا خايف من ######ة سـامي
ولامن بعد السوق كســلان
عاوزكم تعرفو من ذاتكم
كيف بكون احساس فنان
لو ساب اللوحة الفي ايدو ماوزع فيها الألوان ؟
مابمشــي الدكان
| |
 
|
|
|
|
|
|
|
|
Re: ما بمشي الدكان .. الهادي الجبل .. مبالغة :) (Re: حبيب نورة)
|
الهادي الجبل مدرسة متفردة
لها ملامحها الواضحة في الغناء السوداني
حبيب نورة (كل سنة وانت طيب وانشاء الله السنة الجاية في دبي قول آآآآآآآآآآآآآآآآآآآآآآآمين)
زمان يا حبيب نورة
كان جني وجن المراسيل وكان جدنا
رحمة الله عليه رجل صعب ويسكن بعيد مننا
ويحب احفاده جداً ....
ومافي زول يقدر يفتح خشو مع جدي
فانا لمن تكتر علي المراسيل
بمشي ناس جدي وبفتح ليك للمرسال
وما اظهر الا بعد يومين تلاته
| |
|
|
|
|
|
|
|
|
 Re: ما بمشي الدكان .. الهادي الجبل .. مبالغة :) (Re: انس التوم احمد)
|
Quote: زمان يا حبيب نورة
كان جني وجن المراسيل وكان جدنا |
أنس كيفنك؟ والله أنا كنت فايتك بيغادي
لدرجة إنو لو رسلوني لي رغيف عشان أفطر بيه ما بعيد أحرد الفطور ذاتو هههههههههههههههه
تسلم أخوي والعاقبة علي أمنياتك
لكن بيني وبينك كده كان متزوج بتكون هسه زول مراسيل ساهي
ولا علي كيفك
| |
|
|
|
|
|
|
|
|
Re: ما بمشي الدكان .. الهادي الجبل .. مبالغة :) (Re: الفاتح ميرغني)
|
و عاوزكم تعرفوا من زاتكم
كيف بكون احساس فنان
لو ساب اللوحة الفي ايدو
و ما وزع فيها الألون.
فعلا يا حبيبنا ... الهادي حامد فنان لم يأخذ مساحتو البستاهلها
| Quote: مساحة محجوزة ، لمداخلة عند اللزوم. |
يا هاني .. الدكان المذكور هنا بيبيع لبان و حلاوة و فول و عيش و كدا
ما تقوم تلصق لينا صورة دكاكين الكبار. هههه
| |
|
|
|
|
|
|
|
|
|
Re: ما بمشي الدكان .. الهادي الجبل .. مبالغة :) (Re: خضر حسين خليل)
|
حبيب الكل وحبيبها
وعزيزنا ناصر
كويس طلعتونا من ( هوجة ) العشرات المالية المنبر دي
الهادي حامد ....تخيل فنان بدايته تكون اقول انساك , وعرفتك , وما اتعودت
ومرورا بالعديد من الاغنيات وفي رأيي المتواضع ان اجملها هي اغنية المدينة
وقد اتيح لنا من وقت باكر سماع الهادي كثيرا بحكم انتماءنا للجبل
والهادي الحانة مميزة جدا
ويا ناصر ويا حبيب الهادي ما فنان مظلوم بس هو برضه ظالم نفسه ولازمه شوية شغل بتاع علاقات عامة
وبالمناسبة حتي الحانه واغنياته مبذولة لمن يطلب ( يا استاذ اهادي عجبتني الغنية دي ...اتفضل غنيها مافي مشكلة !! هكذا ).
الهادي مؤدي رائع للكثير من اغنيات التراث ...يؤدي اغنيات للشاعرة الحاجة بت حسين !! ما افتكر واحد سمع بيها
رددنا معاه اغنيات اسماعيل عبد المعين وهو احد حفظة اغنياته ربما يكون هنالك تسجيل له لاغنية ( قالو سره ) او جونقلي
عنده غنية اسمها يا قهوتا للشاعر قاسم ابو زيد برضه مبالغة
يودي في جلساته الخاصة اغنيات عربية بصور رائعة جدا
غايتو يا حبيب وناصر حاولو نزلو غنية المدينة لو ما بتخرب البوست الخاص ب....ما بمشي الدكان
لكما التحية والتقدير
| |
|
|
|
|
|
|
|
|
|
Re: ما بمشي الدكان .. الهادي الجبل .. مبالغة :) (Re: عباس محمود)
|
Quote: الهادي حامد ....تخيل فنان بدايته تكون اقول انساك , وعرفتك , وما اتعودت
ومرورا بالعديد من الاغنيات وفي رأيي المتواضع ان اجملها هي اغنية المدينة
وقد اتيح لنا من وقت باكر سماع الهادي كثيرا بحكم انتماءنا للجبل
|
مشكور يا عباس علي الطلة الحلوة والمداخلي الأحلي
من أجمل الأصوات التي تعرف طريقها جيداً إلي قلبي ولا تخرج أبداً
| Quote: يا ناصر ويا حبيب الهادي ما فنان مظلوم بس هو برضه ظالم نفسه ولازمه شوية شغل بتاع علاقات عامة |
كلام حقيقي فعلاً الهادي محتاج لمدير أعمال ناجح فقط لكي يعيد صناعة نجمويته بشكل جيد .
ومع ذلك هو حالة فنية مكتملة
له مني كل الحب ولك مثله
| |
|
|
|
|
|
|
|
|
|
Re: ما بمشي الدكان .. الهادي الجبل .. مبالغة :) (Re: ناصر احمد الامين)
|
| Quote: فعلا يا حبيبنا ... الهادي حامد فنان لم يأخذ مساحتو البستاهلها |
ولعمري أنه لأمر محزن يا ناصر
لم يحصل علي المكانة التي يستحقها أبداً
وما يزال متمسكاً بعطاءه النبيل
Quote: يا هاني .. الدكان المذكور هنا بيبيع لبان و حلاوة و فول و عيش و كدا
ما تقوم تلصق لينا صورة دكاكين الكبار. هههه |
| |
|
|
|
|
|
|
|
|
|
Re: ما بمشي الدكان .. الهادي الجبل .. مبالغة :) (Re: الفاتح ميرغني)
|
Quote: بأغنية المدينة تبوأ الهادي مساحة شاسعة في تضاريس الغناء السوداني كجبل خازن لبركان الإبداع.!
"ما بمشي الدكان بس"( لافا) من ذاك البركان!
يعني براحة ممكن الأغنية دي تكون جزء من منهج " ثقافة الطفل" او عنوان ندوة لمنظمة" الطفولة والأمومة"!
يحفظك والسمحة وسمرية. |
بالفعل يا توحة
الهادي الجبل جعل من هذه الأغنية مدينةً فاضلة وجعل نسيجها الفني من خلاصة الخلاصة
الفاتح فنان سامي وجميل أعتبره ملهم لكثير من الفنانين الشباب
تشكر يا حبيبنا
| |
|
|
|
|
|
|
|
|
|
Re: ما بمشي الدكان .. الهادي الجبل .. مبالغة :) (Re: حبيب نورة)
|
Quote: يا حليلك إنت
خميس مصر ؟؟ ياخي هسه نحن إسبوعنا كالآتي السبت الأربعاء وطوالي الخطبة وإقامة الصلاة :)
مرسي قال زمن مافي |
خميس يا حبيب
جمعة
اقصد سلامات
مسكينة مصر أم الدنيا تحكمها القبور......
بعد ظهر الجمعة عندنا ساعتين في المكتب..
يعني ما بقدر أمشي فيها الدكان..
الا طلوع بلا عودة
وعودة الطلوع عادة
ما أحلاك يا وييك إند
| |
|
|
|
|
|
|
|
|
|
Re: ما بمشي الدكان .. الهادي الجبل .. مبالغة :) (Re: حبيب نورة)
|
Quote: يا عزيز
المداخلة دي بايتة ومقيّلة شكلها كده
الله يجيبك يا الويك إند عشان أمتع نفسي بالدهشة |
حبيبو
كل سبت وانت بخير
وتغشاك صباحات الاماني..
ياخي الويك ايند بدأ من امبارح الذي امتد بنا سهرا لساعات الصباح ..
تصلي الفجر وتديها نومة...
وكدا نصحا معاكم في توقيت واحد..
الواحد صحا
والنهار انتصف
ياربي الزول يقرأ شنو..
فيس بووك!!
منبر!!
اميلات!!
الصحف!!
وهناك برامج التلفزيون البتندهك من بواطن أساريرك!!
صوت مكبر صوت يترنح من بعيد ينادي الفضول عنه!!
خلاص
ما بمشي الدكان..
واعلن تمردي المتواصل احتفاءا بالوييك ايند..
ما بمشي!!!
| |
|
|
|
|
|
|
|
|
|
Re: ما بمشي الدكان .. الهادي الجبل .. مبالغة :) (Re: حبيب نورة)
|
Quote: مزاجاتك فل يا عزيز
الويك إند شكلو بجيّهك وبوديك بلوداً أصلو ما معروفة وين
أحسدك علي المزاجات الكويسة دي
ومسعول من الخير
إنت صاحبك الخير بتاع اليابان وين ؟ |
يا حبيبو
لقد بكا المساء الوردي وارتعشت كل النجيمات عشية السبت...
وعذرا عزيزي/ محمد يوسف موسى.. فما زلت اقبض باقة الزهور بيدي..
لكني اشتقت ليك
واشتقت لي ياسين
ومساءات قاهرة المعز..
لكن صدقني يا حبيب نورا
سنغافورة غير
| |
|
|
|
|
|
|
|
|
|
Re: ما بمشي الدكان .. الهادي الجبل .. مبالغة :) (Re: Abdlaziz Eisa)
|
Quote: لقد بكا المساء الوردي وارتعشت كل النجيمات عشية السبت...
وعذرا عزيزي/ محمد يوسف موسى.. فما زلت اقبض باقة الزهور بيدي..
لكني اشتقت ليك
واشتقت لي ياسين
ومساءات قاهرة المعز..
لكن صدقني يا حبيب نورا
سنغافورة غير |
ما أبهاك يا عزيز بل ما أجملك !
تسلم أخوي والسنة دي إنشاء الله معاكم في سنغافورة وربك غفُورا
أبشر بالخير
| |
|
|
|
|
|
|
| |
حبيب نورة
هويدا شرف الدين
محمد النيل
Hafiz Bashir
Abdlaziz Eisa
انس التوم احمد
Hani Arabi Mohamed
الفاتح ميرغني
ناصر احمد الامين
خضر حسين خليل
عباس محمود
عليش
nadus2000
فيس بوك
تويتر
انستقرام
يوتيوب
بنتيريست