|
Re: النادى الرياضى السودانى كالقرى (Re: النصرى أمين)
|
النادى فى مرحلة التسجيل والدعوة مفتوحة لجميع السودانيين فى المدينة للمشاركة.....
نشاط النادى حينحصر فى النشاطات الرياضية فقط مثل ايجار الملاعب والحصول على معدات الرياضة (قدم..سلة..هوكى,,بيسبول الخ) من المنظمات الخيرية او شراءها من الاسواق,,,, اقامة الدورات الرياضية...
لا مكان للسياسة فى نشاطات النادى ....
| |
|
|
|
|
|
|
Re: النادى الرياضى السودانى كالقرى (Re: النصرى أمين)
|
النصري..حبابك يا صديق كل سنة و انت طيب..
فكرة جيدة للغاية و امنياتنا ان يتوفق الشباب في المدينة في تكوين النادي باسرع ما يكون.. فريق كرة القدم كان يلعب لسنوات بالجهد الذاتي..ووفر فرصة طيبة لبعض الشباب ممن يحبون كرة القدم.. و برضك كانت هناك فكرة الهوكي (التدريب) و كان متابعها اخونا عبد العظيم كودي..و كالعادة ماتت بالنسيان..و نتمنى ان تكون الفكرة هذه المرة متواصلة و ما تشتغل بي زول.. شباب كالقري يستحق جسم يجمعهم و و يوفر لهم فرص لممارسة انشطتهم..
بالمناسبة مافي سياسي واحد في كالقري..لكن ناس الجوطة كتار..و الظريف ما عندهم فهم في الرياضة.. و لي قدام..
كبر
| |
|
|
|
|
|
|
Re: النادى الرياضى السودانى كالقرى (Re: Kabar)
|
غايتو يا كبر ..انت والنقر الوحيدين ما شغالين بحكاية الجوال دى,,, مريحين بالكم .......
-------- خلاص حاتصل بيك السبت ..وحتى ذلك الموعد ممكن تفكر لينا فى دستور مبسط نبدا بيهو
| |
|
|
|
|
|
|
Re: النادى الرياضى السودانى كالقرى (Re: النصرى أمين)
|
الاخ النصرى فكرة النادى الرياضى فكرة ممتازة,ربنا يوفقكم فيها وان شاء الله عن نفسى ان قدر لى أن اكون مفيدة فى أمركم هذا فلن أبخل بذلك, فنحن متطوعين جيديين وان كان لانقبل خانة (المغفل النافع) لذلك أتمنى ان يكون للشابات والنساء مساحة فى هذا النادى المرتقب. وكما ذكر الصديق كبر مشيرا لمجهود كودى, احقاقا للحق لقد كانت مبادرة الاخ كودى ناجحة وأستفاد عدد كبير من أطفال المدينة من ذلك البرنامج,لكن للأسف دائما يعوق مثل هذه الانشطه التشرذم وعدم الايجابية والتعاون الكافي من غير القائمين على العمل! وفقكم الله
بثينة تروس
| |
|
|
|
|
|
|
Re: النادى الرياضى السودانى كالقرى (Re: بثينة تروس)
|
اهلا وسهلا بثينة ومرحب بيك فى البورد..... اتمنى ان يطيب لك المقام هنا فى حوش بكرى الطويل... برضو شايف خالد برضو جا معاكى.....كده لو جاء النقر ونعمات ومحمد غثمان يكون اكتمل النصاب ....
---- مشكلة العمل العام هنا فى كندا ان المسئولية دائما بتكون فى رقبة زول او زولين وفى النهاية بزهجو من سلبية افراد الجالية ويضطرو ينسحبو ... المرة دى نحاول نتعامل من الموقف بطريقة مختلفة لتلافى النتائج السابقة ......
المرة دى الموضوع يتعلق بصحة وسلامة الناس والاهتمام اتوقع يكون اكبر والرغبة فى المشاركة حتكون واسعة .....
كدى نشتغل مع بعض و نستفيد من تجاربنا السابقة
| |
|
|
|
|
|
|
|