هدف يا عمر جنابو في قمة الروعه وخليني اشرح ليك المتعه والحرفنه في هذا الهدف الرائع يا ابو عبد الرحمن طبعا سادومبا زول زي ماتقول هداف قناص ومتخصص في مثل هذه الاهداف ... لمن يحرزها اي لاعب غير متخصص في هذه الخانه بنقول جات عن طريقة الصدفه ولكن هنا لو ملاحظ التعامل الدقيق ولعبها سادمبا كما ينبغي واختار الخيار الافضل في مثل هذه اللعبات اضف الى ذلك لانه يعرف يتعامل برجله اليسرى ايضا مع الكره شوف لو ملاحظ عند تمرير الكره لسادمبا لم يلمسها بل طاوعها عن طريق المتابعه واختار الزاويه اليسار للتهديف وهنا كان له خيارين اما يمين الحارس واما يسار الحارس لو فكر لمس الكره وحاول يتقدم بها الله يعلم كان تدخل هدف لان الحضري توقع ذلك وبنا فكرته على ذلك ولكن كان خيار سادمبا هو الاسرع كانت ضربه مباغته في سقف المرمي من الصعب اي حارس يخرجها لانه عنصر المفاجاه كان اكبر .. عارف انا قلت جيب من جوه مع ضرب الكره وفعلا جابها من جوه الحضري لان هذا افضل خيار للمهاجم في مثل هذه الكرات .. وهنا ايضا اثبات للاعب سادمبا رغم انه احيانا يضيع الفرص الساهله ولكن هنا يثبت ليك التخصص في الخانه لان دائما عند خروج الحارس من المرمى او الانفراد به لازم تتعامل بحذر شديد ودقه لو ملاحظ الهدف الاول اللعب من تحت ارجل الحارس وهو متحرك ودي اصعب حاجه للحارس وهو متحرك لان رد الفعل بكون ضعيف له لانه متحرك وحتى الهدف الثاني هنا كان اجمل جانبو ياحبيب الاهداف عايزه عقل كبير وتعامل دقيق لان اصعب لعب داخل الصندوق يحتاج الى حركه جيده ومتابعه ولازم كمان تكون بارد لان التشنج يهدر الفرص كل سنه والجميع بخير والى ان نشوف راي اخونا الكابتن وليد الشفت
كل عام وأنت بخير يا جنابو عامل السن ليهو دور، وقفت الحضري كانت صاح، ومتابعة الكورة والتوقع برضو صاح، بس رد الفعل ووضعية القفز نحو الكرة ما كان سليم، كيف؟ القفزة بطيئة ومتأخرة، الوضعية غير سليمة بحيث أن يدي الحضري لم تكن مفرودة نحو الكرة. لو حارس في عمر الحضري بطلع كور زي دي، بريمة كان لي يوم الليلة مفروض يلعب وهو كان تخصص في كور التمانيات المشابهة، ما بتخش فيهو لو شاتوها بي مدفع. الشوتات الزي دي بالنسبة للحراس المتمكنين فرصة للاستعراض وكسب مزيد من الثقة خلال المباراة.
08-22-2012, 10:39 AM
omer osman
omer osman
تاريخ التسجيل: 06-09-2007
مجموع المشاركات: 15218
كل عام وأنت بخير يا جنابو عامل السن ليهو دور، وقفت الحضري كانت صاح، ومتابعة الكورة والتوقع برضو صاح، بس رد الفعل ووضعية القفز نحو الكرة ما كان سليم، كيف؟ القفزة بطيئة ومتأخرة، الوضعية غير سليمة بحيث أن يدي الحضري لم تكن مفرودة نحو الكرة. لو حارس في عمر الحضري بطلع كور زي دي، بريمة كان لي يوم الليلة مفروض يلعب وهو كان تخصص في كور التمانيات المشابهة، ما بتخش فيهو لو شاتوها بي مدفع. الشوتات الزي دي بالنسبة للحراس المتمكنين فرصة للاستعراض وكسب مزيد من الثقة خلال المباراة.
.....................
نادر كل عام وانت بخير ....
يعني الموضوع موضوع سن وعمر طيب وين دور الخبرة والتوقع
ما اصلو نحن جايبنو عشان الخبرة ومفروض بالتوقع السليم يغطي
على حكابة اللياقة والا ما كده
08-22-2012, 10:28 AM
omer osman
omer osman
تاريخ التسجيل: 06-09-2007
مجموع المشاركات: 15218
شات الكورة زي ما كتلوج الكورة بقول لكن المتوقع من الحضري
حديد يلاقي حديد لو سادومبا حريف هو قواني او يفترض ذلك
جنابو ياحبيب ياخي الحضري لايختلف به اثنان الا زول يكون مابعرف كرة قدم انت عارف للان يعتبر الحضري من افضل حراس المرمى في افريقيا حارس يطمن الجمهور وزملانه داخل الملعب طبعا كرة القدم اخطاء كما تعلم ولو لا الوقوع بها ماكان بكون في اهداف بالنسبة للحضري لو ملاحظ قبل انفراد سادمبا عند اخراج المحترف للكره براسه لم يعمل نجم الدين عمق له لان مفروض كان يتوقع زميله يقلش الكره او يخرجها غلط لا بل وقف في مكانه كان مفروض يراعي لحركه زميله المحترف البطيئه دائما عند ارتداد الكره الحضري توقع التوقيع السليم لان سادبما دائما يعتمد على الانفراد في احراز الاهداف لانه يستقل السرعه حتى نحنا كمتفرجين ومعنا الحضري اتوقعنا عفص سادمبا للكره والانفراد بالمرمي ولكنه عمل الصعب والخطر واستقل عنصر المفاجاه جنابو ياحبيبي حراس مرمى استمتعت بالاداء لهم هم بريمه والحضري اما الحضري دا كمان يعتبر حاله خاصه في الحراسه او ظاهره زي ماتقول
السؤال بشكل اخر، لو كان اكرم كان ممكن يصد قون سادومبا؟ قطعا لا، دي كورة ما بتتمسك،
هدف صاحب البوست: ممكن يكون حاول تقليل من الحضري وتبرير ذلك بقون سادومبا، أبدا الحضري صاحب خبرة وإجاده لكن هدف سادومبا كان سريع ومباغت،
الراي الاخر علي انو الحضري قد اصبح ضالعا في العمر وما قدر يقفز قفزة شباب لصد كورة سادومبا برضو راي مردود لانو قذيفة سادومبا كانت قوية وغير متوقعة،
الختام؛ الحضري حارس مرمي من الطراز الاول من حيث المهارة ولكن يعيبو انو بوتر لعيبة دفاع فريقه ودا بجيب الجهجهه وعدم التفاهم، دفاع المريخ بعمل الف حساب للحضري من هجوم الخصم، مفروض تكون في ثقة بين الحضري و دفاع المريخ،
وجود الحضري مفروض يكون أمان للفريق ، شايف دفاع المريخ بكون اكثر أمانا وتفاهما مع اكرم عكسة مع الحضري، احتمال إحساسهم انو اكرم اقل خبرة من الحضري وهم اكثر خبرة منة ولكن مع الحضري العكس تماماً،
08-22-2012, 04:13 PM
omer osman
omer osman
تاريخ التسجيل: 06-09-2007
مجموع المشاركات: 15218
Quote: السؤال بشكل اخر، لو كان اكرم كان ممكن يصد قون سادومبا؟ قطعا لا، دي كورة ما بتتمسك،
الحضري زاتو لو كان مركز كان ممكن يمسكه في تقديري
واكرم مميز في الكرات العالية برضو كان في احتمال يمسكه .....
Quote: الراي الاخر علي انو الحضري قد اصبح ضالعا في العمر وما قدر يقفز قفزة شباب لصد كورة سادومبا برضو راي مردود لانو قذيفة سادومبا كانت قوية وغير متوقعة،
ما متوقعة لي منو انا انت الجمهور كلو ممكن لكن فايدة خبرة الحضري شنو اذا بخش فيهو قون كورة مشيوتة من امبارح ..........
08-22-2012, 04:08 PM
omer osman
omer osman
تاريخ التسجيل: 06-09-2007
مجموع المشاركات: 15218
عمر يا عثمان : مع إحترامي لكل الأراء ولي الح يجي يشرحو وليد المبارك عن تحليلات لي حركة الحارس وحتى لي فكرتك حول الحضري إلا إنو والحق يقال ركز واقرا واستوعب كلام وليد عبد اللطيف ده .. النصييييحة يا وليد عبد اللطيف حبة حبة بديت أقتنع إنك بتفهم في الكورة شدييد يا عمر الكلام القالوا وليد عبد اللطيف ده كلام متقدم شدييييد وفهم عالي وقراية وتحليل سليييم 200% القصة ما عندها علاقة بي الحضري لا من قريب لا من بعيد وما عندها علاقة بي العمر لا من قريب لا من بعيد ..وما عندها علاقة بي المرونة لا من قريب لا من بعيد..نوعاً ما ممكن يكون فيها جانب نفسي متعلق بي التركيز والشرود الذهني في البدايات بتاعت الشوط التاني..لكن سر الهدف ده في سادومبا وحده ..ووليد ده شرررح وفلفل فهم سادومبا ده بي صورة فعلاً إحترافية ..عارف سؤالك ده سألني ليهو واحد مريخابي بعد نهاية الكورة مباشرة وانا ردي ليهو كان نفففففس كلام وليد ده ..نففففسو صدق ؟ لا ينقص ولا يزيد حرف واحد ..والله لمممن إحترت في إنو وليد ده كان معانا خصوووصاً وإنو انا حضرت المباراة في نواحي المنطقة الغربية
08-22-2012, 05:01 PM
omer osman
omer osman
تاريخ التسجيل: 06-09-2007
مجموع المشاركات: 15218
عمر يا عثمان : مع إحترامي لكل الأراء ولي الح يجي يشرحو وليد المبارك عن تحليلات لي حركة الحارس وحتى لي فكرتك حول الحضري إلا إنو والحق يقال ركز واقرا واستوعب كلام وليد عبد اللطيف ده .. النصييييحة يا وليد عبد اللطيف حبة حبة بديت أقتنع إنك بتفهم في الكورة شدييد يا عمر الكلام القالوا وليد عبد اللطيف ده كلام متقدم شدييييد وفهم عالي وقراية وتحليل سليييم 200% القصة ما عندها علاقة بي الحضري لا من قريب لا من بعيد وما عندها علاقة بي العمر لا من قريب لا من بعيد ..وما عندها علاقة بي المرونة لا من قريب لا من بعيد..نوعاً ما ممكن يكون فيها جانب نفسي متعلق بي التركيز والشرود الذهني في البدايات بتاعت الشوط التاني..لكن سر الهدف ده في سادومبا وحده ..ووليد ده شرررح وفلفل فهم سادومبا ده بي صورة فعلاً إحترافية ..عارف سؤالك ده سألني ليهو واحد مريخابي بعد نهاية الكورة مباشرة وانا ردي ليهو كان نفففففس كلام وليد ده ..نففففسو صدق ؟ لا ينقص ولا يزيد حرف واحد ..والله لمممن إحترت في إنو وليد ده كان معانا خصوووصاً وإنو انا حضرت المباراة في نواحي المنطقة الغربية
>>>>>>>>>>>>>>>>>>>>>>>>>>>>>>>>>>>>>>>>>>>
عمر الفاروق كل عام وانت بخير
طبعا كالعادة مداخلة شحمانة وفاهمة لاتخلو من قرصات صغيرة هههههههه
قبل الحضري وسادومبا يااخوي نحن وليد عبداللطيف ده شفناهو شوف العين
جوه الميدان عشان كده كل كلمة بقوله اكيد كلمة زول خبرة الزول ده ياعمر
كان حريف بالجد ومعاهو واحد تاني في منبرنا ده اسمو (معتصم الجمري) ما بكتب كتير
يا ابو عمير.. والله ياخ حرفنة وليد ده النصيييحة إتأكدت لي بعد ده من مداخلتو العجييبة دي !! الزول ده قال ليهو حاجة عجييبة جداً هي مفتاح سؤالك .. وللي ما ركز ليك في خبرة سادوبما ولا في حرفنتو ولللي طلع زول فاهم وقال ليهو جملة مهمة شدييييد ..قال ليك سادومبا ده حافظ خانتو !!!! وده سر النظرية بتاعت القووون دي كلللها !! حفظ الخانة !! وده البيخليك تعرف الفرق بين اللاعب المحترف واللاعب الهاوي وده النوع اللي مفروض لاعبنا يستفيد منو يا ابو عمير.. بالمناسبة عايز تعرف خبرة الحضري خدمتكم وين؟؟؟ ارجع شوف شوتة سانيا الوداها سوق العيش دييك !! بالمناسبة العيب ما كان في سانيا ..الخبرة كانت من الحضري!! أرجع شوفا بالله يا ابو عمير وقوم حاااول كده ابقا محل سانيا ده وقرر واتخييل إنك عايز تلعبا في القون ..شووف بالله الحضري ده خلا ليك القوون زي قد الإبرة كيف!! ولاحظ لي أييي إحتمال إنت ح تفكر فيهو لي لعب الكورة وشوف إحتمالات الحضري لي إنو يطلعا كم !! يا ابو عمير بريمة داك اسطوووورة انا اكتر حارس مقتنع بيهو في العالم والله !! بالمناسبة يا عمر قون سادومبا ده فيهو حاجة كده من قون أقجي في يس مع الإختلاف في إنو داك كان قوون قضاء وقدر
تخريمة : يا وليد قصة تحميلك لي نجم الدين مسئولية الهدف ده فهم متقدم شديييد محللنا الطرش دييل مااا بيفهموهو ليك ..
08-22-2012, 05:42 PM
omer osman
omer osman
تاريخ التسجيل: 06-09-2007
مجموع المشاركات: 15218
Quote: يا ابو عمير.. والله ياخ حرفنة وليد ده النصيييحة إتأكدت لي بعد ده من مداخلتو العجييبة دي !! الزول ده قال ليهو حاجة عجييبة جداً هي مفتاح سؤالك .. وللي ما ركز ليك في خبرة سادوبما ولا في حرفنتو ولللي طلع زول فاهم وقال ليهو جملة مهمة شدييييد ..قال ليك سادومبا ده حافظ خانتو !!!! وده سر النظرية بتاعت القووون دي كلللها !! حفظ الخانة !! وده البيخليك تعرف الفرق بين اللاعب المحترف واللاعب الهاوي وده النوع اللي مفروض لاعبنا يستفيد منو يا ابو عمير.. بالمناسبة عايز تعرف خبرة الحضري خدمتكم وين؟؟؟ ارجع شوف شوتة سانيا الوداها سوق العيش دييك !! بالمناسبة العيب ما كان في سانيا ..الخبرة كانت من الحضري!! أرجع شوفا بالله يا ابو عمير وقوم حاااول كده ابقا محل سانيا ده وقرر واتخييل إنك عايز تلعبا في القون ..شووف بالله الحضري ده خلا ليك القوون زي قد الإبرة كيف!! ولاحظ لي أييي إحتمال إنت ح تفكر فيهو لي لعب الكورة وشوف إحتمالات الحضري لي إنو يطلعا كم !! يا ابو عمير بريمة داك اسطوووورة انا اكتر حارس مقتنع بيهو في العالم والله !! بالمناسبة يا عمر قون سادومبا ده فيهو حاجة كده من قون أقجي في يس مع الإختلاف في إنو داك كان قوون قضاء وقدر
تعرف ياعمر الحتة بتاعت الخبرة دي دكتور كمال شداد عندو فيها مقولة ظريفة
مرة واحدة بتكلم معاهو قال ليهو يادكتور انا خبرة في العمل الرياضي 30 سنة !!!
شداد قال ليهو انت خبرتك سنة واحدة مكررة 30 مرة
شوف زي عملية عمر بخيت لمن سحب جسمو عشان مايصطدم بحمودة في المبارة الاخيرة
طيب يا العشا باللبن حمودة الشوات كتال الكلاب ده ما فتحت ليهو المرمي وتووووف قون
جاء عمر زاتو وفي نص دائرة السنتر عمل ليهو فاول بدون اى مناسبة واخد كرت اصفر
اها ده مش ياهو كلام شداد زاتوووووووو
سادومبا حافظ خانتو وبكون حافظ ابعاد الملعب زاتو مش زي ناس بلة جابر الواحد يجري يجري يجري هو ماشي وين زاتو ما عارف
اما عن قون اقجي فالبون شاسع لانو اقجي كان مواجه المرمي واقرب ليهو من سادومبا
قون سادومبا بشبه قون جابو محترف برازيلي كان بلعب في الهلال جاب قون في المريخ من نفس الحتة دي تقريبا
بس ديك اظنها ارضية زاحفة ............
08-22-2012, 05:34 PM
محمد البشرى الخضر
محمد البشرى الخضر
تاريخ التسجيل: 11-14-2006
مجموع المشاركات: 28869
ياخوانا بالله وانتو بتتغزلوا في سادومبا ما تنسوا لينا نزار و الباص المنقة اللعبو شكلو نطحها اي كلام والسلام لكن ابدا تعاين ليها مرتين تلاتة فعلا لعب الباص هيد بطريقة سليمة و تصرف سريع وفي الحتة الصاح الود دا فنان والله و ماشاء الله عليه حماس و حرفنة و بعرف يلم كورتو كويس فعلا مكسب تسجيلات الفين واطناشر
08-22-2012, 06:00 PM
عمر الفاروق
عمر الفاروق
تاريخ التسجيل: 10-10-2005
مجموع المشاركات: 9669
كلامك صاح يا ود البشرى ..ونزار ما نجم تسجيلات 2012 بس لالالا انا في رأيي هو نجم تسجيلات الألفية الجديدة دي.. بس ما ملاحظ معي عندو عيب صغمبروووتي كده؟؟؟ ما ملاحظ مرات عندو تقلة كده في الحركة لحظة إستلامو للكورة ؟
تخريمة : يا ابو عمير باقي لي قون اقجي كان ابعد من كده وبالعكس أظنو كان مدي ضهرو لي يس لحظة التسديد عمر دوران ..ولا شنو ؟؟عموما انا لمن قصدت الشبه كنت بقصد رد فعل الحارس ولحظة الشرود الذهني .. بالنسبة للرازيلي فأظنك قاصد روبيرو ..
08-22-2012, 06:28 PM
بشرى مبارك ود السقاى
بشرى مبارك ود السقاى
تاريخ التسجيل: 08-21-2012
مجموع المشاركات: 1028
شكراً على الموضوع ( وباين عليهو الهدف محييرك يا عمر عثمان ) إنت أقعد أتحير كده نامن يجييك قون حمودة وتلقى نفسك التالت !!! وتشيل الكرسى بتاعك وتقعد تحلل باقى الدورى !! والمصيبة أنكم مرقتو من الدورى والخوف أن تمرقو من الكونفدرالية . سادومبا أحرز فى الحضرى من قبل وفى (كرومى ولدكم نامن جاتو حصوة !!!!) . سادومبا إذا أحرز هدف عندو (حافز خاص !!) لكن لما طار هدف سانية (من رعونه سانية ) الحضرى بعد قون سادومبا التكتح ما لقاها غير الحافز الخاص بالتعادل !!!. المهاجم وسادومبا تحديداً سوف يكون دايماً فى الموعد مثلما سوف يكون كلتشى فى الموعد فهولاء نجوم أرجلهم تعرف الشباك والله الواحد كورتو تكون فى الاوت بعد شوية تلقاها دخلت الشبكة !!!. الهدف حقيقة أثبت أن لاحارس مرمى كبير فى ظل وجود مهاجم خطير وقناص يعرف كيف يهدف (بكلتا رجلية وبرأسه المقودس !!زى رأس سادومبا ده !!!) . الحضرى سوف يعانى كثيراً مع الثلاثى . * دفاع المريخ . * هجوم الهلال . * جماهير الهلال . فالحضرى كثير الانفعال والتفلت وأكان المريخ مرق من المولد الحضرى ما برجع تانى وتشوفو كلامى .
08-22-2012, 10:09 PM
بهاء بكري
بهاء بكري
تاريخ التسجيل: 08-26-2003
مجموع المشاركات: 3516
هلا ياجنابو ودي مناسبة نسلم علي ابن عمي معتصم الجمري بصورة عامة كل الاهداف التي تلج مرمي الحضري بتكون من الحتة دي او ابعد شوية .... شوق قون كرنقو وقون عبدالقادر كيتا في نهائي الامم الافريقية
08-22-2012, 10:38 PM
كمال سالم
كمال سالم
تاريخ التسجيل: 02-13-2008
مجموع المشاركات: 4786
وهدف سادومبا حسب ما رأيت .. لو كان واقف بوفون أو كاسياس أو أجدع حارس مرمى في العالم برضو كان دخل ...
ــــــــــ وعشان النظريات ما تكتر يا حبيب ... احتمال إنو يطلّعها في حالة يقول ليهو قبل ما يشوت أنا حأشوتها ليك في الزواية دي عشان في الحالة دي ممكن يأخذ أكثر من خطوة تسمح له بلحاق الكُرة ...
08-23-2012, 07:41 AM
omer osman
omer osman
تاريخ التسجيل: 06-09-2007
مجموع المشاركات: 15218
هلا ياجنابو ودي مناسبة نسلم علي ابن عمي معتصم الجمري بصورة عامة كل الاهداف التي تلج مرمي الحضري بتكون من الحتة دي او ابعد شوية .... شوق قون كرنقو وقون عبدالقادر كيتا في نهائي الامم الافريقية
>>>>>>>>>>>>>>>>>>>>>>>
هلا يابهاء ... والله ودالعم ما عندك ..
كلامك بتاع الاقوان الدخلت في الحضري ده ذكرني كلام واحد صاحبي
قال لي انو الحضري ما بشوف من بعيد وانو الكلام ده اتنشر في مواقع
مصرية قبل كده .............
08-23-2012, 07:22 AM
omer osman
omer osman
تاريخ التسجيل: 06-09-2007
مجموع المشاركات: 15218
Quote: مع إحترامي لكل الأراء ولي الح يجي يشرحو وليد المبارك عن تحليلات لي حركة الحارس وحتى لي فكرتك حول الحضري إلا إنو والحق يقال ركز واقرا واستوعب كلام وليد عبد اللطيف ده .. النصييييحة يا وليد عبد اللطيف حبة حبة بديت أقتنع إنك بتفهم في الكورة شدييد
ههههههههههه والله يا عمر الفاروق زي ماقال عمر جنابو كلامك دا احلى من باصات سامي عز الدين ياخي لمن قلت ليك انا بذاكر في الملعب مابلعب كوره بس ماصدقتني بس غايتو انا كل ما اقرا كلامك دا بضحك يازول اهم شي انك اقتنعت في النهايه اننا بنفهم القليل من الكثير في تقنية كرة القدم وانا بقول انها تقنيه وعلم تاني عارف ليه ياعمر لان غير الموهبه ممكن تصنع لاعب عديل زي مابقول ليك لان الفكر والامكانيات تقدمت زي صناعة برشلونه لي ليونيل ميسي .. . . ود البشرى تحدث عن باص نزار وفعلا باص مقصود يعني ما تشتيت عشوائي لان واضح من حركته حتى اختار المكان الفاضي وهو لعب الباص في ظهر المحترفي التقيل دا لاعب المريخ الله يديني اسمو ياخ وزي ماقال اخونا عمر الفاروق عيب نزار هو ان حركته بطيئه جدا جدا لعب الوسط بحتاج للاعب خفيفه او يغطي عيب البطى بالتمريرات السريعه والحركه السليمه كما يفعل الساحر العجب ...
Quote: شخصياً كنت ضد عودة الحضري ومع الابقاء على اكرم ومنحه الفرصة خصوصا ان مستواه متطور
دي مشكلة الاعب السوداني من زمان وشي متوارث حتى اعتى لاعبي كرة القدم من عهد قديم لانعرف كيف نحافظ على مستوانا دا شغل محترفين ونحنا لسه بدري علينا منه غايتو اكرم والمعز لو الحكم ما صفر النهايه تكون بترجف انت كلاعب وانت مشاهد عادي ممكن المهاجم يكون متوتر عشان لو اضاع فرصه اقل فرصه ممكن تدخل في اكرم ولا المعز .. عارف ياعمر جنابو زمان كان في حارس بتحداني في فريق الرابطه امدرمان بقول انا البشيلكم وانا كنت بقول ليهو انا البشيلكم لان انا البدخلها والله والله والله كن سبب صعود نادي الرابطه للدرجه الاولى 80 في المائه هذا الحارس ( الصادق ) ود ابو روف وسبق لعب لفريق الزهره ياخي دا مره لاعبين مع المريخ وقف (ماهل ابو جنه ) في المقصوره وصفق له دا كان ممكن يكون خليفة بريمه ونُكونو لاعب الكميرون مجنون الحارس دا والله والان هو عازف ماهر على الكيبورد ومن هنا تحياتنا له ونتمنى له حياة طيبه
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة