دعواتكم لزميلنا المفكر د.الباقر العفيف بالشفاء العاجل
|
|
 العروس .... طرد ..... ولا نمشي ننقرض
|
اتصلت علي صديقي عماد في تلك البلاد البعيدة للمعايدة والسؤال عن الحال والاحوال وعندما سالته سؤالي المتكرر في كل معايدة بيننا ( اها يا عماد ما لقيت بنت الحلال لسع ) فاجاني هذا المرة ( اخيرا لقيناها بس طالب منك نصيحة الزولة دي في السودان وانا هنا في البلد السقط لقط دي وانت عارف الظروف . العندي يا امشي بيهو السودان وافرح بيهو الناس هناك واجي ابدا من جديد يا كمان نعمل عقد ويرسلو لي العروس طرد ونزبط حالنا هنا
وانا راسي جاط معاهو لانو علي حسب علمي بظروفه وظروف اهلو الخيارين صعبات لانه هو الكبير في البيت واهلو اكيد دايرين يفرحو بيهو خاصة امه وفي نفس الوقت عارف وضعه المادي وعارف الظروف في السودان حق التذاكر والحفلات والعزومات ممكن يفيده جدا في بداية حياته في بلد الغربه
انتو رايكم شنو ؟
|
|
 
|
|
|
|
|
|
|
|
Re: العروس .... طرد ..... ولا نمشي ننقرض (Re: Hani Arabi Mohamed)
|
طرد ؟؟؟ ليه هى شنطة
ماعندوا امكانية يسافر يندمس قبلوا
قال طرد
جنكم مظهار يا السودانيين
الصرف الحاي صرفوا يرضى بيه الناس يشترى تذكرة ويعمل زواج بسيط وبث
لكن ما تمشى ليه طرد نهائ
لانوا ماعندكم ضمان يا رجال
بكرة تدور شكلة يقول ليها اهلك رسلوك لى طرد
| |
|
|
|
|
|
|
|
|
|
Re: العروس .... طرد ..... ولا نمشي ننقرض (Re: بكري عباس علي)
|
Quote: ا لامين البشاري
كل سنة وانت طيب
طر د ليه ياخي |
بكري عباس
سلامي وتحياتي،،،
بناءً على المعطيات الأنت قلتها فأفضل ليهو الطرد
لأنو حيختصر ليهو حاجات كتيرة
الطرد سوف يختصر كثير من المصروفات
عندي صاحبي دائما كان بقول
مهما كانت حسابات العريس مظبوطة
برضو لازم يكون هناك مصروفات اضافية غير محسوبة
وكان بقول عليها ال (Unseen things) 
وديل زي
- اهل العروس ديل جاءوا من مسافة بعيدة وعايزين حق التذاكر
- أي حاجة تنقص العروس بتدق ليهو عايزين كدا وكدا
(وفي الحالة دي صاحبك حيرقد كايوووق وما ح يقدر يقول لا)
- حق التصوير والكوافيرة
- الضيوف والاصحاب وكسرة الركبة في البيت
- خالاتو وعماتو احتمال برضو عايزين ليهم حق التاكسي والامجاد وشوية مساعدة قروش
- الخ
- الخ
والحاجات دي غير مرئية ولا محسوبة وعشان كدا سموها ال (Unseen things)
أما الطرد فأهلوا يمشوا يتفقوا مع أهل العروس
ويدفع ليهم متكفي بالاتفاق طبعاً وانتهينا
أوع تسمع نظريات وضاحة دي حتخرب بيت صاحبك
والله صحي ()
| |
|
|
|
|
|
|
|
|
Re: العروس .... طرد ..... ولا نمشي ننقرض (Re: nadus2000)
|
Quote: طرد ؟؟؟ ليه هى شنطة
ماعندوا امكانية يسافر يندمس قبلوا
قال طرد
جنكم مظهار يا السودانيين
الصرف الحاي صرفوا يرضى بيه الناس يشترى تذكرة ويعمل زواج بسيط وبث
لكن ما تمشى ليه طرد نهائ
لانوا ماعندكم ضمان يا رجال
بكرة تدور شكلة يقول ليها اهلك رسلوك لى طرد
|
وضاحة
اقول ليك حاجة هل تصدقي انو بت الناس العاقلة ورزينه ( زيك كدة) موافقة تمشي طرد بس هو خايف امه واخواته يزعلو عشان كده شايل هم
اها رايك شنو ؟
المشكلة في كما حكاها لي بان تكلفة تذاكر سفره وعودتهم معا ممكن تاسس ليهو عشة صغيرة يفرشها ليها بالدولارات الممكن يصرفها هناك
| |
|
|
|
|
|
|
|
|
|
Re: العروس .... طرد ..... ولا نمشي ننقرض (Re: بكري عباس علي)
|
كلام جد في جد
ارسال العروس لعريسها لا يمنع من الصرف الغير مقبول علي الزواج حتي وان كان العريس في مشارق الارض او مغاربها فلو كانت اسرة العروس والعريس ايضا احيانا من الذين يسعوون لسترة ابنتهم ولم ينجرفوا وراء المظاهر الخادعة والبذخ الذي لا معني له فلن يرهق العريس سواء ان كان حضورا او لم يكن . فالمغتربين والمهاجرين ليسو بالضرورة كلهم من تتوفر لديهم فوائض الاموال للاستعراض والبذخ الذي لا طائل من ورائة .
اهم من الصرف وتكلفة العرس تفكيركم السليم بالاستشاره في هذا الامر . وان كنت اعتقد ان ما ساطرحه عليكم في السطور التاليه لم يكن هو ما تستشيرون فيه بالتحديد . لكن في تقديرا هي امورا اكثر خطورا وابعد اثرا . وانا اسردها عليكم من باب السعي وراء الاجر لمعرفتي بدواخل ها الامر وخوارجة معرفة اكتسبتها من العمل فيما اتحدث عنه . وقبل الدخول في التفاصيل اود اسجل انني احمد لهذا العريس ، ولك صديقه من طرحت هذا الامر بالانابة عنه، استشارتكم وما خاب من استشار. وعلي الله ان يفيدكم حديثي هذا
هناك عوامل خطورة كثيرة لا يجوز اغفالها لمن يود ان يرسل عروسا او ترسل له زوجه او اسرته . وفيها من التجارب المريره في هذا المسار ما يجبرنا ان ندعوا الناس للتريث والتفكير المتأني الشديد في سفر الاسره عروسا كانت او غير ذلك من غير رفقة متمرسة ومضمونة ( لا اقول محرم ) بل اقول رفقه مضمونة.
فاولاد وبنات من ولدوا وتربوا في الخارج يتعلمون من نعومة اظفارهم وعن طريق مدارسهم الاعتماد علي انفسهم . ويمكن سفرهم بل وكثيرا منهم يسافر عبر القارات لوحده في سن قد لا تتجاوز العاشرة . لكن في حقيقة الامر متابعتهم اثناء وخلال حتي تسليمهم لذويهم في محطات الوصول يتم بدقة شديده ومسئولية تامه من قبل شركات الطيران. والحال يختلف في حالة الشخص البالغ اي الذي وصل الي سن الثامنه عشر فما فوق.
مزالق ارسال العروس لوحدها (طرد) لا تحصي ولا تعد خصوصا إذإ كانت تجربة السفر هي تجربه اولي بالنسبة لها . واسواء من ذلك ان كان طريق سفرها route تتعد و تتغير فيه الطائرات ومواني الوصول والمغادره . وربما يؤدي الامر الي ما لا تحمد عقباه إذا كانت العروس لا تجيد اللغة الانجليزية .
لكم ان تخيلوا معي ماذا يمكن ان يحدث للمسافره لوحدهاإذا فقدت تذكرتها او جوازها وهي سوابق مرت علي بحكم الوظيفة . بل تخيلوا ماذا يكون موقف العروس إذا فقدت ال connection او حصل الله لا قدر redirection للطائرة كتغيير مسارها او تعديل شركة الطيران وكانت هناك اعلانات لمواصلي السفر بالانتقال الي الكاوتنر الفلاني او مقابلة الموظف العلاني بلغة البلد وغالبا باللغة الانجليزية ايضا . ناهيك عن سماع مايكروفونات المطارات التي في بعض الدول لا تكاد تميزها الاذن التي اخذت عليها. او ماذا احتاجت العروس للنزول بفندق لعدة ساعات في انتظار سفرية ما لمتابعة خط سيرها. اضف الي ذلك كله مسألة العملة اشكالها وفروقاتها واسعار الصرف فيها وتباينها من بلد لآخر .
فقلبي علي من تسافر لوحدها وتكون محتاجه للحمام او لمجرد شرب كوب شاي في هامبورج او هيثرو او جون كندي او حتي في اديس ابابا او غيرها من المطارات التي لا تتعامل بللغة العربيه. وما اكثر مثل هذه المطارات. ثم يأتي فوق ذلك كله تعاملها مع ضباط الجوازات في المطارات لا سبما في الولايات المتحده
الخلاصه سفر العروس لوحدها لا يجوز إلا أذا كانت علي (1) قدر كبير من التعليم تتعامل فيه باللغة الانجليزيه بارتياح. (2) شريطة ان يتوفر بيدها نقد اجنبي يكفي لتغطية رحلتها ,ولمقابلة اي ظروف اضطرارية. (3) ان يكون معها هاتف جوال Roaming للطوارئ Emergencies.) (4) ان تحمل معها ورقة توضح (أ) من هي (ب) والجهه التي تقصدها ـ(ج) سبب الرحله ( ـد) من الذي سيقابلها في محطة الوصول اسمه وعنوان عمله وعنوان المنزل وارقام تلفوناته وارقام تلفونات احتياطيه (ه) خط سيرها وكل ذلك باللغة الانجليزيه مطبوعة بوضوح . ومن المستحسن إذإ كانت العروس تحمل Credit Card وتعرف متي وكيف تتعامل به
يجب ان تتأكد الاسره ان العروس تحمل معها ما يثبت زواجها من قسيمة وصور وخلافه والتي قد تضطر لا برازها لضباط الجوازات في مطار الوصول . إضافة الي مستندات عن قانونية اقامة زوجها في البلد الذي ستلحق به. كرقم او صوره من جوازه وفي بعض الدول ال Personal Number . اثبات مكان عمله باسم العمل وعنوانه وهواتفه ومصادر دخله ورقمة الضريبي
واخيرا يجب ان تتأكد الاسره ان العروس لا تحمل معها ولا تلبس من الذهب ما يدعو للنصب عليها كما يجب اللا تحمل معها اي شئ من الاشياء الممنوعة في بلد الوصول ولا اقصد المخدرات بل اشياء قد يراها الناس في السودان بسيطة كمشتقات الالبان واللحوم هذه مثلا يحرم دخولها في السوق الاوربيه ويمكن ان يحاكم حاملها فتقضي العروس عسلها في ضيافة صحبة الجلاله ثويتم ابعادها بعد ذالك . كذلك عدم حمل عملات تتجاوز في مجملها الحد المنصوص عليه قانونا حتي لا تقع للمسآئله تحت غسيل الاموال او خلافة.
واخيرا يجب ان يتذكر العريس واهل العروس ان مجرد ختم جوازها بتأشيرة دخول لا يعني انه من حقها الدخول للبلد بل السلطة النهائية التي يمكن ان تصدق علي ذلك او ترفضه هوضابط الجوازات في مطار الوصول والذي مخول بموجب القانون ابعاد القادم علي نفس الطائره التي اتي بها او حجزه تحفظيا لحين التوثق من اوراقه او ربما توطئه لابعادها.
كذلك ننبه الي إن العروس بمجرد منها تأشيرة الدخول او الاقامة فان هناك علاقه قانونية نشأت بينها وبين الدوله المضيفة . اكرر بينها هي (وليس زوجها او سفارتها او اي شخص آخر) هذه العلاقة فيها التزامات وواجبات وتضعها تحت طائلة القانون حيث لا يقبل الدفع بالجهل . فعلي العريس ان يهتم بتنوير زوجته تنويرا كاملا ومدها بكل الوثائق التعريفيه التي تعطيها صورة كامله عن البلد الذاهبة اليه
تحياتي وتهاني للعروسين وآسال الله ان يتم لهما زواجهما ويبارك لهما فيه وينعم عليهما بما تقر به عيناهما
| |
|
|
|
|
|
|
|
|
|
Re: العروس .... طرد ..... ولا نمشي ننقرض (Re: بكري عباس علي)
|
| Quote: العروس .... طرد ..... ولا نمشي ننقرض |
لا هذا ولا ذاك ... لو انسحب من الموضوع دا بكون عبقرى
يرفع شعار العزوبية ما احلاها ....
حريتى لا تشترى بثمن ....
قولى :
اترى لو فقؤوا عينيك .. وثبتوا مكانهما جوهرتين هل ترى ؟؟؟
هى اشياء لا تشترى ....
ـــــــــــــــــــــــــــــ
وانت تعبان لييه ؟
| |
|
|
|
|
|
|
|
|
|
Re: العروس .... طرد ..... ولا نمشي ننقرض (Re: بكري عباس علي)
|
نادوس
يسعد ايامك
Quote:
اعتقد انه فرحة اهله بتكون بزواجه مش بمراسم الزواج وتكاليفه والبهرجة التي تنتهي بانفضاض الحفل
نصيحتي ان يعمل مراسم بسيطة ويرسل قسيمته وتسافر للالتحاق بزوجها وليس طرد، وهم احوج لكل قرش يصرف فيما ليس اولوية..... |
والله دا رايي الانا قلتو ليهو نفس رايك بس هو شايل هم فرحة امه واخوانه بيهو هو شخصيا ( يعني عايش صراع بين الظروف الواقعية والعواطف الاسرية
| |
|
|
|
|
|
|
|
|
|
Re: العروس .... طرد ..... ولا نمشي ننقرض (Re: بكري عباس علي)
|
دينا خالد
Quote:
لا هذا ولا ذاك ... لو انسحب من الموضوع دا بكون عبقرى
يرفع شعار العزوبية ما احلاها ....
حريتى لا تشترى بثمن ....
قولى :
اترى لو فقؤوا عينيك .. وثبتوا مكانهما جوهرتين هل ترى ؟؟؟
هى اشياء لا تشترى ....
ـــــــــــــــــــــــــــــ
وانت تعبان لييه ؟ |
دا كلام شنو يا زول (ه) قولي كلام غير دا الزول دا ربنا هداهو بعد ما تعبنا معاهو وجبنا راسو تجي تقولي ليهو انسي الفكرة انتي الله ما ليك
خليك محضر خير ياخي
| |
|
|
|
|
|
|
|
|
|
Re: العروس .... طرد ..... ولا نمشي ننقرض (Re: بكري عباس علي)
|
سلام يا بكري
في يوم ما حسبتها زي صاحبك دا وكنت محاصر بنفس خيارته دي
وزاد الضيق علي أن صدر قرار تبديل العملة أيام فتوة الإنقاذ ..القروش دخلت البنوك وأتخن تخين على ما أذكر
كان بيصرف ليهو خمسمائة جنيه من الجديد في الأسبوع
وبقى القرش عزيز الدولار في جيبك ومافي جنيهات تحقق بيها أي شيء
بعد دردشة مع الأسرة اتفقنا على حل وسط أن يكون الزواج في القاهرة
يتم العقد في البلد ويأتي الوالد والوالدة والأخوات في معية العروس
تحركت من جدة للقاهرة لأرتب راكوبة العرسان وقطية أهل العريس
ولكن جاطت العلاقات مع مصر وبدأ منع الشعبين من دخول بلد الآخر
وأول رحلة تم حظر دخولها كانت الرحلة التي على ظهرها العبد لله
تم احتجازي بمطار القاهرة لمدة ثلاثة أيام كان بإمكاني المغادرة إلى مكان عدا الدخول للقاهرة
الثلاثة أيام دي كانت للتفاكر مع الأسرة في امدرمان هل ارجع جدة لظروف تبديل العملة
ولا اجي للبلد ويتم الزواج بالفي والمافي .. ولحظي كان القرار الثاني هو الاختيار
تم الزواج بالبركة وبأقل من القليل ودا ما مربط الفرس
الإحساس بفرح الأهل والأحباب بيك شيء لا يوصف .. كل بسمة حبيب تنزل في رصيدك من الفرح
أي زغرودة وضحكة ومقالدة تلازمك في رصيد الذكريات
كنت رافض مبدأ حنة العريس لله كدا .. ولكن لما الأخوات والخالات جابن الحناء مديت يديني بلا كلام وطبقتها بعد فترة
يا زول العمل ينادي وباختصااااااااااااااااااار
قول لي صاحبك :
طرد ما معانا .. نهي هي نهااااااااائي
فرحة أمك وأحبابك بيك لا تعادلها فرحة .. وهو العمر فيهو كم فرحة من العيار دا
ما تحرمهم وما تحرم روحك وأدعي لي سنجاوي في الليلة دييييييك
بس وريهم ظروفك وقدرتك .. بعد كدا الفرح ما بالقروش
تحياتي
تحياتي
| |
|
|
|
|
|
|
|
|
|
Re: العروس .... طرد ..... ولا نمشي ننقرض (Re: singawi)
|
تحياتي لكاتب الموضوع والمتداخلين
عروس الطرد
صديق صديقي ويدعى كمال وهو من مغتربي جدة .. أعزب وسيم طويل القامة يعمل محاسبا في شركة مرموقة لاينقصه شئ سوى زوجة تؤنس وحدته .. نزل للسودان خمسة مرات خلال ثلاثة سنوات ولم يوفق في العثور على رفيقة الدرب والأسباب عديدة ولكنها كلها تصب في أنها ليست المكتوبة له .. المهم في النهاية قنع صاحبنا وفوض الأمر لله ثم بعد ذلك ارسل لأخته نفيسة .. وقال لها إختاري من شئتي ولا ترجعي لي وتمو العقد ورسلوها لي .. لا أريدكم حتى أن ترسلوا لي صورتها .. حالة من اليأس يعرفها تماما من عاني مثله
إختارت نفيسة فتاة على زوقها وعقدوا عليها وزفوها لأخيها طرد إستلام مطار الملك عبدالعزيز بجدة .. أخذ كمال معه صديقه عامر والشلة وإنتظروا وصول العروس .. وبما أنه لايعرف عنها شيئا سوى إسمها وأنها عروس ركزوا أنظارهم على من تبدوا كذلك .. ولكن ذلك اليوم كان هناك أكثر من طرد مرسل .. أخذوا يعلقون عليهم دي حلوة دي شينة دي نص نص .. وجاءت واحدة باهرة الجمال فعلق اaعريس كمال وقال: العرس دي ما عرس
وبعد برهة سمعوا ضابط الجوازات ينادي بإسمة فذهب له فقال له بإنتظارك واحدة بمكتب الجوازات .. فذهب ليسلمها التاشيرة وعندما دخل المكتب إذا بتلك العروس ذات الجمال الباهر تقف في المكتب أمامه فقال وهو يخرج التاشيرة من جيبه
لكن نفيسة ما بالغت
وصارت مثلا بعد ذلك بين الشلة
القصة اعلاه ليست من تألفي ولكن من بعض ماجاد به اعضاء المنبر عبر السنين كاتب القصة 3mk-Tango
تاريخ النشر:25/05/2003
وهي سلسلة من ضمن أجمل ماكتب من قصص جميلة وطريفة
وللمزيد اضغط على هذا الرابط
من أطرف وأغرب وأعجب وأروع ما قرأت في هذا المنبر.
ونتمنى لصديقك عروس طرد زي اختيار نفيسه
هشام حامد العبيد
| |
|
|
|
|
|
|
|
|
|
Re: العروس .... طرد ..... ولا نمشي ننقرض (Re: garjah)
|
سنجاوي
ازيك ياخي
Quote: في يوم ما حسبتها زي صاحبك دا وكنت محاصر بنفس خيارته دي
وزاد الضيق علي أن صدر قرار تبديل العملة أيام فتوة الإنقاذ ..القروش دخلت البنوك وأتخن تخين على ما أذكر
كان بيصرف ليهو خمسمائة جنيه من الجديد في الأسبوع
وبقى القرش عزيز الدولار في جيبك ومافي جنيهات تحقق بيها أي شيء
بعد دردشة مع الأسرة اتفقنا على حل وسط أن يكون الزواج في القاهرة
يتم العقد في البلد ويأتي الوالد والوالدة والأخوات في معية العروس
تحركت من جدة للقاهرة لأرتب راكوبة العرسان وقطية أهل العريس
ولكن جاطت العلاقات مع مصر وبدأ منع الشعبين من دخول بلد الآخر
وأول رحلة تم حظر دخولها كانت الرحلة التي على ظهرها العبد لله
تم احتجازي بمطار القاهرة لمدة ثلاثة أيام كان بإمكاني المغادرة إلى مكان عدا الدخول للقاهرة
الثلاثة أيام دي كانت للتفاكر مع الأسرة في امدرمان هل ارجع جدة لظروف تبديل العملة
ولا اجي للبلد ويتم الزواج بالفي والمافي .. ولحظي كان القرار الثاني هو الاختيار
تم الزواج بالبركة وبأقل من القليل ودا ما مربط الفرس
الإحساس بفرح الأهل والأحباب بيك شيء لا يوصف .. كل بسمة حبيب تنزل في رصيدك من الفرح
أي زغرودة وضحكة ومقالدة تلازمك في رصيد الذكريات
كنت رافض مبدأ حنة العريس لله كدا .. ولكن لما الأخوات والخالات جابن الحناء مديت يديني بلا كلام وطبقتها بعد فترة |
الفلم بتاع عرسك دا كان اكشن وكفاح عديل كدا
فعلا فرحة الاهل لا تقدر بثمن ولكن الله غالب
عموما في تطورات جديدة حصلت مع صاحبي عماد بحكيها فيما بعد
| |
|
|
|
|
|
|
|
|
|
Re: العروس .... طرد ..... ولا نمشي ننقرض (Re: بكري عباس علي)
|
بروف محمد المجذوب
بمناسبة الحتة دي
| Quote: مزالق ارسال العروس لوحدها (طرد) لا تحصي ولا تعد خصوصا إذإ كانت تجربة السفر هي تجربه اولي بالنسبة لها . واسواء من ذلك ان كان طريق سفرها route تتعد و تتغير فيه الطائرات ومواني الوصول والمغادره . وربما يؤدي الامر الي ما لا تحمد عقباه إذا كانت العروس لا تجيد اللغة الانجليزية . |
اسمع دي
حكت لي الخالة بت العريفي انها اثناء اقامتها باليمن تصادف ان كانت معها بالطائرة السودانية المتجهة الي صنعاء عروس طرد تسافر لاول مرة وصادف ان تاخرت الرحلة كعادة سودانير وتم ابلاغ المنتظرين بصنعاء بان مواعيد وصول الرحلة قد تاجل لليوم التالي وكان العريس المنتظر يقيم بمنطقة خلوية خارج صنعاء فتوجه الي منطقته علي ان يعود باكرا لاستلام عروسته الطرد كما اخبرهم مكتب سودانير بصنعاء ولكن كعادة سودانير تم اصلاح العطب في نفس اليوم وسافرت الرحلة ووصلت في نفس الليلة وتفاجات العروس بان عريسها غير موجود بين المنتظرين ولم يكن وقتها الموبايل موجودا فلم تدري ماذا تفعل وانخرطت في نوبة بكاء وجعير وحردان وقالت راجعة اهلها بنفس الطيارة ولكن مع التحانيس والاجاويد وكلام الخالة اخيرا اقتنعت تمشي تبيت معاهم لغاية ما يظهر العريس وقد كان ونظرا لحساسية الموقف اصرت الخالة ان لا يذهبوا حتي يتم التراضي وقد كان ان استضافوا العرسان باحد الفنادق الفاخرة كشهر عسل وترضية
اها نبقي في جنس دا
| |
|
|
|
|
|
|
| |
بكري عباس علي
محمد المسلمي
الامين موسى البشاري
Hani Arabi Mohamed
وضاحة
محمد مصطفي مجذوب
على احمد النعيم
nadus2000
اسماعيل عبد الله محمد
دينا خالد
هشام حامد العبيد
garjah
فيس بوك
تويتر
انستقرام
يوتيوب
بنتيريست