|
|
 النيل من اولاد الموردة
|
فى امسية رمضانية مباركة
اقام الاصدقاء فى ابوظبى حقل افطار لوداع الصديق الجميل د حيدر الخير
سمعنا كيف عبر اصدقاء حيدر عن محبته وعن طيبته وعن فيوض عطائه
سمعنا عن ام درمان وتفردها احيائها وظرفائها
عن اسرة الهاشماب التى انجبت حيدر
عن والده الخير هاشم اول سودانى يدرس السينما قى هوليود
سعدنا بلقاء الاصدقاء
عمر صديق-شفلينى-الباشمهندس زكريا-الباشمهندس ابراهيم-عاطف عبدالله-محمد عبد الباقى-احمد عبدالله من الله-معتصم العجب-ياسر عبد الحى-عثمان حامد
افتقدنا
حسن واحمد محيسى والفاضل عباس
نوارة الحفل
كانت كلمة الاديب عثمان حامد
تحدث عن امدرمان حتى خلت اننى احد ابنائها
تحدث عن اسر ةالهاشماب فتمنينا ان نكون منهم
وتحدث عن حيدر فادمعنا
فى سرده الساحر يقول
نحنا من بانت جنوب امدر يعنى نحنا جنوبين امدرمان
وحيدر من الهاشماب امتداد المورد
والنيل بيتكون ويمر شمالا فى الموردة
يعنى النيل ذاتو من اولاد الموردة
|
|
  
|
|
|
|
|
|
|
|
Re: النيل من اولاد الموردة (Re: النذير حجازي)
|
ضيعنى ساكن الموردة
لم التق حيدر الخير
لكنى اعرف شقيقه هاشم الخير
وهى اسماء حين تطالعها تحس انك تعرفها
وتحبها بلا جدال
تحياتى لك اخى الفاضل ولشيخى عثمان حامد سليمان القاص الجميل
ولعنتر سيد احمد
كل سنة وانت طيب
يا معاوية ود امى
عثمان حامد البتسال عنه دا خلى هولندا ومشى انجلترا حسب اخر معلومة عندنا
من جهة ناس هولندا
والله اعلم
| |
|
|
|
|
|
|
|
|
|
Re: النيل من اولاد الموردة (Re: mohmmed said ahmed)
|
الاعزاء محمد سيداحمد وعبد الله الشقليني
لا استطيع ان اعبر مثلكما عن مدي تقديري لهذا الانسان النبيل د. حيدر
كان صديقي د. عبد الملك الهدية يطلب مني من مهجره البعيد التعرف علي د. حيدر
وعندما التقيت به مصادفة عرفت كيف ان ملك كان محقا في الحاحه.
شخص سباق ومبادر واجتماعي من طراز فريد .
تأكدت كيف انه شخص مجمع علي صفاته النبيلة وذلك من خلال حفل اخر اقامه اعضاء منتدي التيلين في سهرة رمضانبة بفندق الانتر بالعين
شارك فيه كبيرنا المحترم د. البدري عمر الياس شعرا ومحمد عبد الله برقاوي والسر ابو العائلةشعرا ايضا والاستاذ التاج مكي غناءا
قلت له يا صديقى لا يمكن ان يكون اول نشاط للمنتدي خارج اسوار النادي السوداني يكون وداعا للشخص الذي طرح فكرة المنتدي وجمع الناس حولها.
نتمني كل التوفيق لهذا الانسان المثقف الوطني الغيور كل التوفيق ولاسرته بعد انتقالها الي كنداايضا السعادة
مشكور يا محمد سيد احمد وحيدر الخير يستحق اكثر من هذا
| |
|
|
|
|
|
|
|
|
|
Re: النيل من اولاد الموردة (Re: النذير حجازي)
|
Quote: حيدر الخير ياهو الزميل الشيوعى البخليك تفتخر انك زميل
|
العزيز محمد سيد احمد كل عام وانت بالف خير
والتحية لحيدر وللجميع ... انا مقصر معاك يا زميل
وبعتذر ليك قدام الجميع ...
تحياتي اخوك معتصم سيد احمد
| |
|
|
|
|
|
|
|
|
|
Re: النيل من اولاد الموردة (Re: عبدالله الشقليني)
|
شكــرا أستاذنا محمد سيد أحمد وزوار البوست الكــرام ..
حقيقة لفت نظــري لهذا البوست الصديق الزميل م. عباس محمــود ..
والذي زارني مشكــورا في مقــر عملي قبل أقل من ســاعة ومعــه المحتفى به د. حيــدر
وقد كان شــرفا كبيرا الجلوس معه والنقاش الجميل الذي دار في فترة الزيارة
فالفــرع ينبت من الأصـــل .. أتمنى لــه كل التوفيق في هجــرته الجديدة ولأسرته الكريمة
وحثني أن أكتب عن مشروع الجزيرة من نواحي لم يتطرق لهــا بعض ممن كتبوا عن هذا المشروع العمــلاق
وقد كان إقتراحه لعنوان البوست " مشروع الجزيرة وتقليب المواجع"
وان شاء الله ربنا يقدرني على هذا الملف الضخم ووعد مني لدكتورنا الجميل د. حيدر ...
شكرا كتير على الزيارة يا عباس وحيدر ...
| |
|
|
|
|
|
|
|
|
|
Re: النيل من اولاد الموردة (Re: Dr. Ahmed Amin)
|
صديقى د احمد كنا نريدك معنا تلك الليلة
وانت ام درمانى اصيل
تخريمة
ناس ام درمان يقولو ليك سوق الشجرة
عبد الله خليل
بافتراض انك بتعرف الاماكن دى
لو اكتشفو انك ما عندك بيها خبر
يعتبروك زول هوان ساى
| |
|
|
|
|
|
|
| |
mohmmed said ahmed
معاوية عبيد الصائم
حبيب نورة
النذير حجازي
سلمى الشيخ سلامة
عبدالله الشقليني
عباس محمود
abas
معتصم ود الجمام
فيس بوك
تويتر
انستقرام
يوتيوب
بنتيريست